شجون_الحب1 رانية محمد أحمد

السلام عليكم ورحمة الله
دي القصة الجديدة يارب تنال اعجابكم

#شجون_الحب1
بقلمي رانية محمد أحمد

شجون_الحب1 رانية محمد أحمد - صفحة 2 Eeeoe124

شجوووون

… ...انا بحبك

… ...شجون نزلت عيونها في خجل

لم سمعت " يوسف " بكورك بي اعلي صوت و يقول ليها كدا… ...شجون كانت عمرها ما اتجاوز العشرة سنوات و يوسف عمرو 12سنة فقط

… ...كانت شجون بتمشي الميدان مع سامي اخوها الاصغر منها ,,9,,سنوات… ….كان يوسف صديق سامي المقرب… ..بياكلو مع بعض و يلعبو مع بعض و دا خلي شجون و يوسف يكون في بينهم صداقة و حب بريئ I love you

…….يوسف لما قال كدا كان قدام ابوها "معتصم " و امها نجاة و حتى سامي و شادن اختها الصغيرة… ….كانو بضحكو علي كلامو و هو مسافر لي خارج السودان

… ...كانو عارفين انو كلامو دا بريئ و بس طالع منو عشان شجون صحبتو و كدا

. …..ودعهم و جري علي بيتهم في اللحظات ديك كانو ناس بيتهم موقفين العربية برة و خلاص متحركين. …...شجون طلعت الشارع و لوحت ليهم بي يديها

… ..بمعني اصح لوحت لي يوسف مودعة

…….
******
بعد سفر يوسف حياة شجون بقت فاضية تقريبا و كان عزاءها الوحيد البوم الصور البجمعهم و كان حبها لي يوسف كل ما تكبر بكبر معاها

و كان بالنسبة ليها حاجة حلوة في ركن من قلبها بترجع ليها لما الدنيا تضيق بيها و تتذكر مجاهرتو بي حبو ليها قدام امها و ابوها و كل الناس I love you

… ….معتصم ابو شجون كان معيد في جامعة القضارف… ...و نجاة امها ما كملت تعليمها و اتزوجت معتصم و رغم محاولات معتصم عشان نجاة تتعلم بس هي كانت رافضة و كانت بتردد ليهو… ...انا بعد كدا بس اولادي ديل شهاداتي يا معتصم … ….بناتو شادن و شجون اتعلمو ووصلو لحدي الجامعة و شجون اتخرجت و سامي ولدو خلاص في اخر سنة ليه

… ….كانو عاملين كرامة و ضابحين عشان معتصم نال درجة الدكتوراه بعد سنين من العمل و التحصيل و البحوث… ..بقو يقولو ليهو يا دكتور معتصم

… ….كان اليوم داك نجاح كل العيلة ما نجاح معتصم فقط

….
_ يا بابا انا ماكنت بكتب ليك ؟؟ ….
_ كلكم كتبتو معاي و كلكم تعبتو والله و لو بي يدي ادي امكم دي درجة الدكتوراه

… ..
_ ههههههههه قعدو يضحكو و يتغامزو شجون و شادن و سامي… .
_ شايفين ابوي نكرنا حطب و خلاص قال مرتو هي العملت ليهو كل شي

…..قالها سامي وهو بضحك
_ يا ود ورا كل رجل عظيم امراة يعني اكيد امي ورا كل شيء

… ...قالتها شجون و هي بتضرب في رجل سامي

_ معتصم اتنحنح و قال ليهم والله امكم كانت السند الحقيقي بالجد

… …و خت يدو في كتف نجاة و باس راسها

… …
_ معتصم اولادك كبرو

…
_ سامي قال لي شجون و شادن قومن يلا بعد كدا شوفن شغلتكن بطلن الكلام الكتير

… ….
اتفرقو كل زول مشي علي شغلو و سامي طلع مشى علي اولادك الحلة… .
_ شادن و شجون بداو يغسلو في العدة و يرتبو في المطبخ ……
_ عارفة يا شجون امي قالت نحن جدنا تركي

… ..
_ ههههههه تركي بوين يابتي والله نحن سودانين ماصلين و بعدين حتي لو تركي الا جدك براك عايني اللون دا لون تركي ؟؟

……
_ يابت والله ابوي قال كلامها صاح يعني نحن اتراك طلعنا

… …
امهم جات داخلة… …
_صحي يا ماما نحن اتراك ؟؟

_ هههههه اتراك شنو يابت قلت ليك جدكم ابو حبوبتي انا تركي بس انتو بي ابوكم سودانين ماصلين

_ معقول يا امي نحن جدنا تركي! ؟؟؟ طيب وين الشعر و اللون و العيون علي الاقل

… ….
_ هههههههههه اسي انا قلت انتو اتراك ؟؟ الزول بنسبو لي ابوه ولا امو ؟؟

_ههههههههه خلاص نكرتوني مش عايزين التركي؟؟؟

……معتصم جا داخل المطبخ
_ لالا والله يا ابوي ما نكرناك انت الفخر ياخ دكتور معتصم

… ….قالتها شجون و هي بتحضن ابوها

… …
………

سامي المغرب كدا جاهم داخل… .وهو مبسوط
_ ما حتصدقو الليلة شفت منو ؟؟

_ منو دا ؟؟

_ يوسف يا ابوي متذكرو ؟؟

"شجون مما سمعت الاسم جسمها هبط "

_ اهاااا يوسف يا سلام ياخ ناس عمك احمد و خالتك نعمات ؟؟

….
_ اي يا ابوي و كمان جو نهائي قالو حيستقرو الا يمكن يوسف يرجع عشان عندهم شغل هناك

… …
"شجون بقت مركزة مع الكلام و قربت تبكي من الفرح "

_ والله ماشاء الله ربنا يزيدهم 15سنة ياخ ما شفناهم
_يا ابوي انا عزمتهم معليش يعني بكرة قلت يجو يفطرو معانا

"هنا شجون حست لي لحظة انها حتنطت قدامهم "

_ ماف مشكلة يا سامي اعزم اي زول دا بيتك يا ود ما تستأذن

… …
ضربات قلب شجون كانت متزايدة خوف فرح حاجات كدا ملخبطة

… ..ياربي بقى عامل كيف يوسف

… .ياربي متذكرني ولا يكون لقي ليهو حبيبة في بلدهم ديك

… ….افكار كتيرة بتجي علي بالها و بتزيد توترها و خوفها

…...و بقت شغالة زي المكنة تنضف و تضاير و تجهز

… ...الماكانت شايفاه ولا حاساهو شجون انو ابوها معتصم كان ملاحظ لي كل تعابيرها

… ..حاسي بي كل البدور جواها كانها بتتكلم بي صوت عالي

… ...توترها الوان وشها مما سمعت اسم يوسف

… ….و دا خلي معتصم كمان متوتر مع بتو شجون و راجي متين بكرة يجي عشان يشوف يوسف ووجه نظرو ناحية شجون اتغيرت ولالسة موجودة و بريئة

… ...كان معتصم بي قلبو متمني لي شجون بنتو السعادة فقط و حقيقة لي كل اولادو ما شجون بس… …

……..
اخر الليل بعد كل واحدة رقدت في سريرها شجون بعد اتاكدت انو شادن نامت طلعت الالبوم من الدولاب براحة و بدات تقلب فيهو و هي مبتسمة و الفرحة ما سايعاها I love you

…...بدات تتخيل شكلو بعد بقى راجل حيكون كيف ؟؟

و هي تضحك بي قلبها

… ...نامت و هي حاضنة الالبوم

… …
******,
الصباح بدري قبل الشمس تشرق شجون صحت و بدات تنضف و شادن نايمة… ...يابت ها قومي الليلة جايننا ضيوف

…….
_ ضيوف شنو من الصباح كدا ؟؟ خليني اتم نومتي ياخ ما تجي تردحي في راسي دا

… …
_ معتصم و سامي من الصباح مشو السوق و جابو الحاجات عشان يجهزوهم للفطور

… …
_شجون و امها بداو يجهزو في كل انواع الاكلات و الكيك و سلطة الفواكه و امها قالت ليها بكونو مشتاقين لي اكل السودان احسن نعمل ليهم عصيدة و ملاح روب و تقلية و كدا… ….فعلا بداو يشتغلو
_ يا جماعة دي شنو الجوطة دي وين الشاي ؟؟

_ انتي يا بت مالك صاحية الساعة مية كدا ؟؟ داك الشاي في السيرمس انا و اختك قربنا نخلص و انتي نايمة بت كسلانة خلاص من يومك

… …
_ شادن مشت صنقرت تشرب في الشاي براحة و بي وش نعسااان

… …
_ يابت ها ما تقومي تساعدينا نحن فترنا و امشي استحمي وصلحي تفتك دي

… ..
_ ياخ انتي مالك و مالي الجاين ديل جاين يخطبوك ولا شنو مجتهدة كدا ؟؟؟

مواعيدنا بعد صلاة العشاء بإذن الله تعالى

ألسلام عليكم ورحمة الله

#شجون_الحب2
بقلمي:رانية محمد أحمد

_ شجون قلبها نط من مكانو و اتخلعت و زعلت و سكتت من شادن

…..
_ بعد شوية الباب دق و الضيوف جو و نعمات جات سلمت علي شجون و نجاة

…….هي يا نجاة ما كبرتي يا بت امي ماشاء الله في مكانك هههههههه

… ...اخبارك كيف الحال…
_ اهلا وسهلا كيفك يا نعمات انتي زاتك يا اختي صغرتي عديل

… …
شادن كانت طالعة من الحمام و لقت يوسف في وشها… ...وقف يعاين ليها مسافة و جواه الحب الشايلو لي شجون زمان

… . ..انتي عارفة انا عمري ما نسيتك و لا غبتي عن بالي لحظة

… …
_ قلت شنو ؟؟ ما فهمتك

… ..
_ معقول نسيتيني يا شجون ؟؟

_ لالا انت غلطان انا ما شجون

_ههههههه معليش انتي شادن الصغيرة صاح ؟؟

_ ايوة صاح

…..
_ أهلا وسهلا كيفك ان شاء الله كويسة

…..
_الحمد لله بخير كيف انت

_ الحمدلله ممكن اطلب منك خدمة

… …
_ اتفضل
_ ممكن تنادي لي شجون سرعة هنا قبل ما زول يفقدني

… .
_ ههههههه تمام خلاص كويس

_ وقف يوسف و هو بتلفت

…..و قلبو بدق بي قوة لانو دا لقاء تاريخي بينو و بين حبيبة طفولتو

… …
_شادن مشت لي شجون جوة… ...يابت في زول عايزك برة

… ..
_ زول منو يا شادن ما تكون دي ضحى

_ لالا يابت ما برة الشارع هنا في الحوش البي جاي بتاع الحمام دا اسمو يوسف

…
_ شجون اتصلبت في مكانها و قلبها المشي

…..
_ طلعت سريع مشت علي الحوش لقتو واقف

… ….ما اتغير كتير نفس الملامح البريئة و الخدرة الناعمة بس قام ليهو شنب و دقن و بقى راجل

… ….ما اتوقعت حبو الجواها ليهو السنين دي كلها ما غيرتو

… ..
_ قالت براحة السلام عليكم عشان تلفتو

_ اووووو شجون صاح كيفك ؟؟؟

اخبارك يابت؟؟ كبرتي والله

… …بس يوسف اتلخبط جدا

… ..شجون اتغيرت ما ياها شجون

… ...دخل في مقارنه بينها و بين شادن اختها

… ….شجون بقت خدورية شديد و شادن لونها ابيض و حلو

…...اتوقع شجون تكون زي شادن بالضبط و لقي العكس و حس بالاحباط

… ..
_ شجون كانت بتتراجف زي القصبة

… ...دا الحبيب الحبتو في كل مراحل حياتها

… ...طفولتها و مراهقتها ما حبت غيرو و حتي بعد وعت و بقت زولة عقلانية حبتو بكل جوارحها

… ..
_ طيب عن اذنك الناس ديل منتظرني عشان ما يفقدوني

… .
_ اتفضل

… ..
_ شجون رجعت برضو سريع قبل زول يفقدها… ...كانت مبسوطة جدا و حاسة اليوم اسعد يوم في حياتها

… ...ناداها و سلم عليها بالاسم

… ...خلاص شجون جواها تقريبا ضمنت سعادتها مع حب حياتها

… …
_ كانت مندفعة و مبسوطة و تتونس و تضحك في اقل حاجة

… ..جواها ضحكات كتيرة عايزة تطلع و ما تصدق تلقي الفرصة عشان تطلع باندفاع

… …
_مر اليوم بي سلاسة و سامي و يوسف الاتنين جابو العدة المطبخ و شجون كانت بتغسل جوة… ...ما نزلت عيونها من يوسف بس هو ما ركز شديد و طلع برة وقف سلم علي نجاة

……
_ كيفك يا خالتي ؟؟؟ احوالكم ؟؟

_ الحمدلله يا ولدي كيفك انت ووصلت وين قالو لي اتخرجت من هندسة ماشاء الله

… ..
_ اي والله يا خالتي و ان شاء الله بعد كدا بس العروس

… …و عاين لي شادن الواقفة بعيد و بتعاين ليهم

… ...شادن اتخلعت من نظرات الغزل و نزلت عيونها و قامت من مكانها

…..
_ العروس جاهزة انت شاور بس والله نعقد و تسوقها معاك كمان

… .
_ سامعة يا امي ؟؟ خالتي قالت شنو ؟؟؟ اشهدي عشان بعدين ما تنط هههههههه

_ نعمات قعدت تضحك و غمزت لي ولدها

… ..ماشاء حلاتهم بناتها الاتنين عروسات

…...ربنا يحفظهم

_ اللهم امين خلاص يا امي مرقنا ؟؟؟ ناس ابوي واقفين برة

…. .
_ شجون قشت يديها من العدة و جرت علي الباب عشان تودعهم… ….لما وصلت لقتهم خلاص طالعين سلمت عليهم و بقت تعاين لي يوسف و هو ما رفع عينو ابدا كانت متمنية بس يرفع عينو و تشوف ضحكتو

… ….بس ما حصل شي و دخلت …...كانت متضايقة و مبسوطة

… ...ما قال حاجة ؟؟ لا اشواق ولا حب ولا حتي تلميح بسيط عن مكنوناتو

… ...احتارت و بقت تقول دا ما وقتو و نحن بقينا كبار حاليا يمكن مشاعرو ما نفس زمان وبعدين كنا أطفال اكيد حيكون اتغير

… ….نامت و هي متضايقة و بالليل جا ابوها ساقها علي سريرها

…….
*******
مرت كم يوم و يوسف طوالي مع سامي و مرات يجي البيت يشرب الشاي و يسترق النظرات لي شادن

… ..شادن فهمتو تماما و كانت مبسوطة جدا

…...شادن ما كانت بتحكي لاي زول التلميحات الحاساها لانها ما متاكدة منها و بتفضل مجرد تلميحات و لحدي الان مافي شي يتقال عشان تحكي لي شجون او امها

….. ...عدت فترة و كان يوسف لازم يتاكد من راي شادن قبل ما يخطو اي خطوة و دا بتطلب منو انفرد بيها و يسمع رايها

… ...و في فترة سامي كان ممتحن و عندو بحث تخرج و كان مضغوط جدا و نادر يوسف يلاقيهو او يجي معاهو البيت… ...كانت شجون متضايقة و كمان شادن اكتر ضيق منها

… ….
_ يا بت يا شادن قومي جيبي زبادي من الدكان

… .
_ ياخ ما بمشي امشي انتي دي انا النهار دا كلو اساسق

……
_ شادن انتي اصغر زول و بابا قال بما انك ما بتشتغلي حاجة في البيت دا تترسلي علي الاقل

… …
_ ياخ ما تقفليها معاي براي متضايقة و الإجازة المملة الماعايزة تنتهي دي ياخ قافلاها معاي

…..
_ من متين بقيتي مستعجلة على الجامعة ؟؟ غريبة عندك فيها حبيب ولا شنو

… ..
_ حبيب شنو ياخ الاجازة مملة و انتو بس شغالين لي نقة امشي جيبي في الحر دي

… ..شالت شادن توب امها لبستو و شالت القروش من شجون و طلعت و هي بتسب و تلعن في اليوم الاتولدت فيهو

…...بس انشرحت اساريرها لما شافت يوسف في ضل الشجرة الجنب الدكان واقف مع واحد من اولاد الحلة

… ….حست انو ياداب مزاجها اتعدل و ابتسمت بصورة لا ارادية و يوسف كان بعاين ليها مما طلعت من باب بيتهم و بادلها نفس الابتسامة المعهودة

…….شادن وصلت الدكان و طلبت العايزاهو و شالتو في كيس و قبل ترجع سمعت صوت يوسف و هو بقول… …
_ شادن ازيك كيفك ؟؟

_ شادن اتصدمت من جراتو و في نفس الوقت كانت مبسوطة و خجلانة و اتلخبطت ورمت الكيس الشايلاهو

… ...رفعتو سريع و هي بترد بي صوت واضح التوتر فيهو… ...الحمدلله كويسة كيفك انت ؟؟

_ بخير فاقد شوفتك بس

… ..الليلة يومي حلو عديل عشان شفتك

……
_ بسمة شادن و خلجها أدى يوسف فرصة انو يتمادي و يصرح بالجواه

……..
_شادن بي صراحة انا معجب بيك و من اول يوم شفتك فيهو

…. …
_ شادن دنقرت و سكتت ساي

_ انا جادي و ما عايز علاقة و لف و دوران و انا جاهز بس امي قالت لي شاور على العايزها و ما اضغط عليك لو ما موافقة صارحيني ما حازعل و كل شيء قسمة في الاخر

… ..

تم الإرسال من خلال التطبيق Topic'it

#شجون_الحب3
بقلمي:رانية محمد أحمد

_ شادن بي توتر و خوف… .لالا… ..دنقرت خجلانة من القالتو و النفي العنيف الطلع منها بدون ما تشعر

….
_ هنا يوسف انشرح و ابتسم و قال ليها

… ...لالا شنو ؟؟ خليك واضحة عشان انا اجي لي عمي بي عين قوية

…. .
_ انا

… ...سمعو صوت عالي بي وراهم بكورك

… ..
_ شاااادن ؟؟؟؟

…...كان دا سامي و طلعت منو بي غضب و عصبية و غيرة شديدة علي عرضو

… ...يا بت تعالي هنا دا

…….
_ شادن قربت تقع من الخلعة و الخوف و مشت سريع باتجاه البيت

… ….لاقت سامي في النص و اداها ضربة في كتفها و هو بقول… ….الموقفك كدا شنو ؟؟ اااااا؟؟؟

انتظريني في البيت اسي بجي النشوف ال

… … داير شنو ؟؟؟ و هو بشتم يوسف بابشع الشتائم

……
_ شادن جرت البيت و ادتهم الحاجات و جرت غرفتهم و بقت مترقبة بي خوف شديد

و اكتر شي خائفة انو سامي يتشاكل مع يوسف و بالتالي ما حيوافق علي اي شيء

… …..
********
في الجانب التاني كان سامي جاي تعبان من الكلية و علي الضغط العليه اتضايق من موقف يوسف و وقفتو في نص الشارع مع شادن اختو

… ...مشي عليه بي عصبية و رمى كتبو الشايلها

… …
_ انت زول

… ….ولا شنو ؟؟؟ ما عندك اي زمة ولا احساس ؟؟؟ انا صاحب ياخ

…. انت فاكر دي اوربا الكنت فيها ؟؟

….
_ سامي روووق انا ما عملت حاجة غلط وواثق من نفسي؟؟؟

_ يعني انت شايف وقفتك مع اختي في الشارع و قدام ناس الدكان دا ما غلط ؟؟

ياخ الناس حتفتكر انو في حاجة بينكم ما تمام

… ..
_ انا عايز شادن على سنة الله و رسوله يا سامي

… …
_ سنة الله و رسوله ؟؟؟؟

كدا في الشارع ؟؟

ما عندنا بيت يطلبو فيهو طلب زي دا ؟؟؟

اسمعني هنا يا يوسف انا شغل الخساسة دا ما بنفع معاي و من يوم الليلة تاني لا بيني لا بينك تمام ؟؟

_ سامي افهمني انا كنت بس عايز اشوف رايها شنو ما اكتر

…
_ كان تسالني انا ياخ و انا بعرف اسالها من رأيها مش تجي تتوقف معاها في الشارع

….. ...مشي سامي لملم كتبو و مشى البيت و هو بنقنق

…..
_ لز سامي الباب بي قوة و بقى بنادي في شادن

…. ...شادن بقت ترجف و شجون طلعت لي سامي

… …
_ في شنو يا سامي مالك جاي هايج كدا و بعدين براحة شادن دي جوة سامعاك ما بعيدة

… …
_ ياخ زحي من وشي نادي لي شادن دي هنا

…….مشت شجون سريع الغرفة

……
_ شادن يابت عملتي لي سامي شنو ؟؟

مالو هايج كدا ؟؟

_ شادن من الخوف بقت تبكي

… ...والله ما عملت شي براهو وقفني و سلم علي والله ما عملت شي

……
_ يابت ما تطلعي انا لو وصلتك بطلع عينك احسن تطلعي تتفاهمي معاي

… ..
_ طلعت شادن و شجون ما فاهمة اي شيء و بقت واقفة بس بين شادن و سامي عشان ما يضربها

… ...
_ الطلعك من البيت شنو ؟؟ ااااا؟؟

_ والله امي رسلتني الدكان. حتى أمشي اسالها و حتى قلت لي شجون ما عايزة امشي امشي انتي و هي ابت Crying or Very sad

… ..شجون قالت ليهو ايوة صاح بعد سلة روح حتي وافقت تترسل ليه مالها عملت شنو؟؟؟

_ لاقيتيهو كم مرة ؟؟

وقفتي وقفتك دي كم مرة و ما خفي اعظم و حاول يضربها بس شجون وقفت ليهو

… …
_ اقسم بالله اول مرة والله ما حصل و كمان هو براهو ناداني وسلم رديت السلام و كنت ماشة وقفني و قبل اتم كلامو انت جيت

… ..
_ كذااابة ما تكذبي ياخ و عايز يضربها

…. ...امهم جات طالعة

_ دا شنو مالكم جايطين كدا ؟؟ في شنو ؟؟

_ سامي لملم كتبو و شالهم و قال لي امو مافي شي يا امي

… ..
_ شادن جرت دخلت جوة و جرت وراها شجون

… ..
_ خلاص تعالو الغداء جاهز

… ...سامي رد ليها…. ..لالا انا بنتظر ابوي اكلو انتو

… …
*******
يا بت يا شادن ما عايزة تحكي لي يعني ؟؟

بقى عندك اسرار و كدا

؟؟ دا منو دا بس عايزة اعرف انا بعرفو! ؟

…..طيب انتي بتحبيه يعني ؟؟

يمكن ما جادي ؟؟

يمكن بلعب يابت ما تضمني راجل الزمن دا و بعدين سامي خائف عليك انتي اسي مالك بتبكي كدا ؟؟

_ شادن كانت مغطية وشها و بتبكي بي حرقة

… ...اول مرة يحصل معاها موقف زي دا Crying or Very sad

… ….اتحرجت قدام الناس و قدام اخوها و كمان قدام يوسف

… ...كانت متضايقة جدا

…….
_ خلاص قومي نتغدا امي ختتو ارح عشان امي ما تحس بي شي

… .
_ قامت شادن غسلت وشها ومشت قعدت في الصينية و شجون ختت الصحون و قعدو ياكلو

… .
_ يا بت شادن مالك ؟؟

اوع يكون الولد دا ضربك ؟؟

مالك معاو انتي ؟؟

_ لالا يا امي ما ضربني مافي شي Crying or Very sad

_ كيفن مافي شي ووشك محمر كدا ؟؟

شجون في شنو مالكم ؟؟

_ مافي شي بس دي غلطتي انا قلت ليهو شادن ما عايزة تترسل و كدا فحصلت المشكلة

… …
_ لالا كذابة يا شجون انتي لو بتكلمي ابوك ولا سامي بي عمايل شادن كانت اتعدلت.

…..شجون و شادن جهجهو امهم عشان ما تفهم الحاصل و قعدو لحدي ما ابوهم جا

… …
_ السلام عليكم كيفكم ؟؟

_ كلهم بي صوت واحد الحمدلله بخير انت كيف

… ...حمدلله على السلامة

_ الحمدلله والله

… ...طبعا يا نجاة ناس حاج أحمد اتصلو قالو بكرة المساء جاين زيارة

… …
_ نجاة رفعت راسها و هي مبتسمة و فهمت مغزي الكلام… ….و قالت ليهو مرحب بيهم في اي وقت

… …
_ الله يقدم الفيهو الخير ان شاء الله

_ اللهم امين

…..
كانو شجون و شادن بي نفس الحماس تقريبا و كل واحدة بتدعي في قلبها انو يوسف يكون جاي عشانها

……بعد خلاص صلو العشاء و رقدو عشان ينومو كلهم نامو بي عمق الا شادن و شجون

….. .من الحماس مافي واحدة قادرة تنوم و كل واحدة بتتخيل بكرة حتلاقي حبيب قلبها

…. .
*******
_ اليوم البعدو علي غير العادة شادن صحت بدري و بقو شادن و شجون مبسوطات و بنضفن و يجهزن في المكان

…… كانت امهم مبسوطة اليوم ما قامت من سريرها بس ادتهم التعليمات و هم قامو بالواجب و زيادة

…… بعد الوقت قرب يجي نجاة نادت شجون في غرفتها و مدت ليها فستان لبني و قالت ليها
_ امشي استحمي و البسي الفستان دا ابوك جابو ليك مخصوص

…..شجون هنا اتاكدت من الفي قلبها تماما و الفرحة بقت ما سايعاها

… …
مشت فعلا استحمت و لبست الفستان و شادن لبست ليها عباية عادية و احتارت في لبس شجون بس ما علقت

… …
فعلا في الموعد المحدد الباب دق و وصلو الضيوف و _نعمات جات قعدت مع نجاة و قالت ليها طبعا يا نجاة مما شفت بتك عجبتني و فعلا براهو يوسف جاني قال لي الا تخطبيها لي

…..

تم الإرسال من خلال التطبيق Topic'it

#شجون_الحب4
بقلمي :رانية محمد أحمد

_الله يسعدهم ان شاء الله نحن نلقى زيكم وين انتو اخوانا ما جيرانا بس و عشرة عمر

…….
_تسلمي تسلمي يا نجاة والله انا كمان شايفاك اكتر من اخت و طلعت ليها علبة من شنطتها قالت ليها دي هدية لي عروستنا

……
_ نجاة فتحت العللة و لقت فيها سلسل و حلق و دبلة و محبس …..ليه دا كلو ما كان في داعي للتعب دا

… ..
********
شادن و شجون كانو قاعدين في غرفتهم لحدي ما امهم نادتهم عشان يختو الاكل و يوزعوه

…….سامي جا استلم الصينية حقتهم و مشي علي صالون الرجال ….. .
_ والله يا دكتور معتصم انا بتشرف و اطلب يد بنتك شادن لي ولدي يوسف علي سنة الله و رسوله

….. .
_ معتصم لي لحظة حس انهم غلطو في الاسم …. قال ليهو منو ؟؟

_ قال ليهو شادن الصغيرة صاح ؟؟

_ معتصم دا حس بي غصة في حلقو و بلع ريقو بي صعوبة و رد بي حزم

…. .شادن دي لكن صغيرة و لسة ما كملت جامعتها ياداب في السنة التانية ماشة علي التالتة

… …
_ لكن يا معتصم دا ما كلامك الاول

…. ..انا لما اتصلت بيك قلت ليك جاين نخطب منكم قلت لي مرحب بيكم

_ بس يا حاج أحمد انا ما عندي بنت واحدة عندي الكبيرة متخرجة

…. ..
_ البت الصغيرة رغبة الولد و بعدين ولا صغيرة ولا حاجة باقي ليها كلها سنتين و بتكمل في بيت راجلها مافيها حاجة

… …
_ معتصم دا اتخرس و بقى يتلفت و سكت ساي و قال ليهم اخيرا نفكر و نديكم خبر

…. ..و كان في قرارة نفسو رافض الفكرة تماما و بس ما عايز يحرج حاج أحمد و الضيوف

… …
اكتر زول كان متضايق في القعدة دي يوسف لانو ما ادوهو جواب نهائي و حس انو في حاجة و في عرقلة

…. ..بعد طلعو جا معتصم هايج و قال لي نجاة
_قالو دايرين شادن يا نجاة و انا مستحيل اوافق مادام ما عايز شجون خلاص ما عندنا بنات للزواج

…. ...كلامو دا كان واقع علي شجون زي الصخور

و علي شادن زي الجمر في قلبها…. ..و بقت تعاين لي شجون الانهارت بدون ما تحس بالبكا

…. ..
_ شادن بقت ما قادرة تقوم من مكانها Crying or Very sad

…. ..
_ سامي قال لي ابوه انت يا ابوي قايلو عايز يخطب شجون يعني ؟؟ انا كنت عارفو عايز شادن

…. ..
_ و ليه ما كلمتني عشان احسمو من الاول ؟؟ ا

_ طيب يا ابوي الفرق شنو الناس وضعهم كويس و نحن بنعرفهم من سنين و واثقين من تربيتهم و شجون نصيبها بجي يعني ما الا الكبيرة اول و بعدها الصغيرة الكلام دا ما بجي

_ يا ولد اسكت انت ما فاهم حاجة انا قلت لا يعني لا

…. .
_ شادن دي برضو بقت تبكي بي حرقة و حست انو السعادة ما مكتوبة ليها

… ...مشت لي شجون قالت ليها انتي كنتي فاكرة انو يوسف جاي يخطبك ؟؟ Crying or Very sad

……
.شجون قشت دموعها و سكتت و ما ردت

… ….
_ طيب هو حصل قال ليك حاجة يا شجون ؟؟ حصل صارحك يعني بي انو عايزك ؟؟

_ ردت شجون بي راسها انو لا ما حصل

_ طيب شنو الخلاك تفتكري انو عايزك و ابوي كمان فاكرو جاي يخطبك ؟؟ شنو الخلاكم متاكديييين كدا ؟؟

_ ما عارفة والله انا بس كنت فاكرة يوسف لسة طفل و دي ما غلطة زول غيري

… ..
_ انا صارحني يا شجون و قال انو عايزني على سنة الله و رسوله

……
_ يعني يوسف هو الامس لاقاك ووقفك في الشارع ؟؟ و سامي زعل منك عشان كدا ؟؟

_ اي ياهو

… .
..
_قامت شجون من قدام شادن و مشت لي ابوها قالت ليهو…. ..انت ليه ما موافق ؟؟

…..حرام عليك شادن لا صغيرة ولا حاجة و بعدين انا ما عايزة يوسف ولا هو حصل صارحني بي شي ليه انت يا ابوي متاكد كدا انو عايزني ؟؟

_ لالا يا شجون بس

_ لالا يا ابوي يوسف ما الطفل الزمان داك الكان بلعب معاي بقي زول كبير و راجل و من حقو يختار العايز يكمل معاها حياتو

و بعدين شادن كمان عايزاهو فما تقيف في طريقهم يا ابوي عليك الله وافق

…. ..
_ يا شجون انا قلت لا يعني لا و اسي بتصل بعتذر ليهم

_شجون مشت مسكت من ابوها التلفون وقالت ليهو… ليييييييه…. .ليه انت ظالم كدا يا ابوي ؟؟

ذنبها شنو شادن ؟

؟ قلت ليك بنتك عايزاهو و بتحبو ما تعاند عشان بنتك تعيش سعيدة

…..
_ بس معتصم كان شايف حب يوسف في شجون لسة و ما قادر يوافق و يعمل مشكلة جوة البيت بين بناتو بي سبب واحد سطحي زي يوسف

….
*******

بعد كم يوم من كلام شجون و تدخل سامي معتصم وافق علي يوسف لي شادن

….. .
_كانت شادن في قمة السعادة و شجون كانت بتتقطع بس ما عايزة تظهر الجواها ابدا و بقت تضحك غصبا عنها و تبتسم للكل و بعد تجهيزات دامت شهرين كان كل شيء جاهز و شجون كانت بتحاول تشغل نفسها بالتجهيزات للعرس

……كانت بتكره وقت النوم لانو اكتر وقت بتتذكر فيهو المها و تبكي بي صمت لحدي ما تغرق في النوم Crying or Very sad

……
*********

كان يوم الخميس قبل العرس بيوم شادن في قمة الحماس و شجون كانت ضربات قلبها متزايدة و خايفة بي طريقة غريبة و مرات تحس بي ندم كونها اقنعت ابوها انو يوافق

….. علي الاقل لا يكون ليها ولا لي شادن عشان تقدر تنساهو سريع

……. بس بترجع و تقول دا الصاح و ما ممكن ابني سعادتي علي تعاسة اختي

…… و بتحاول تقنع نفسها انو الحب هو التضحية من اجل سعادة من نحب

…. .بس بترجع و ترمي الكلام دا في الزبالة و تقول دا كلام ما منطقي و انا كدا استفدت شنو

…. ...كانت في نزاع و الم طوال الشهرين

…. ..بس اليوم دا كان اكتر الم و الحرب جواها أقوى و أعنف من الاول

…. .
_يارب ترحمني من الحب دا

….. يارب انساهو في اسرع وقت Crying or Very sad

….. كانت بتدعي انو الصباح تصحي تلقي حبو جواها رماد

…..
_ لما صحت من النوم كان قلبها ما بتوقف عن الخفقان Crying or Very sad

…… كان خوف و حزن عميييق جواها و حست انو التضحية ابدا ما شي ساهل و لا اي زول بقدر يتحملو

……

**********
_ بدات تحضيرات العرس و اليوم داك بالتحديد مر بي سرعة خيالية و اتصلو بيهم و قالو ليهم عقدو

….. .قربت تصرخ و تقول بالسرعة دي ؟؟

…….كان قلب شجون زي المنتظر حاجة كدا تنزل زي المعجزة و تغير الحاصل دا باي شكل من الأشكال المهم تحصل حاجة بس ما حصل اي شيء كل شي كان ماشي بالترتيب المطلوب Crying or Very sad

….. ..لي لحظة شجون ضعفت و ما قدرت تسيطر علي دموعها و بكت بي حرقة

…. ...لما طلعت اول عبرتين الباقي ما حست بيهو كانت بتبكي كانو في زول مات ليها

…. ...النسوان بقو يسكتو فيها علي اساس هي حزينة عشان اختها اتزوجت و خلاص حتفارقها

…. ...ما قادرة حتي تسيطر علي الدموع الجارية دي و لا قادرة توقفها

……. بعدها مشو الصالة للزفاف….. .نادر جدا يعملو زواج في صالة و اساسا الصلات نادرة في القضارق …….عملو العرس و كان حدث

…...كانو العرسان مبسوطين جدا

…. .بس شجون كانت واقفة في مكان ورا و بتحاول تسيطر علي دموعها Crying or Very sad

……

تم الإرسال من خلال التطبيق Topic'it

#شجون_الحب5
بقلمي:رانية محمد أحمد

..كانت حاسة لي لحظة روحها حتطلع

…….كانت بس بتتخيل انها مكان شادن و هي البترقص مع يوسف مكانها

……..بس لما ترجع للواقع بتحس بالنار الفي قلبها

……..طلعت برة و بقت تقول في نفسها…….. ليه ما قادرة اتخلص منو ياخ ؟؟

ليه انا مكتوب لي العذاب دا كلو ؟؟

يااارب ما عايزة احس بي ضيق ولا اي حزن من الزواج دا

…. ….بقت تفكر هي كيف حتتعايش مع وجود زوج اختها و زياراتو ليهم و غيرو و غيرو Crying or Very sad

…. …
_بعدها ودعو العرسان و شجون جات حضنت شادن و بكت بي كل قوتها و ما سلمت علي يوسف و لا عاينت ليهو حتي

……. كانت شجون حاسة انو كل الناس بتعاين ليها و كاشفاها و عارفة الجواها كانت حاسة بي احراج من اي زول تلاقيه

و حست انها ندمانة علي الدراما العملتها في العرس دا كان تمسك نفسها حتي لو بالغصب

…… _ابوها ناداها سلمت علي كمية من الناس بس هي ما كانت سامعاهو كانت بتعاين بي صورة ضبابية و كل تفكيرها مع يوسف

…. ..ما قادرة تتخيل حياتها و هو ما زوجها و كمان زوج اختها

…….
*******
بعد العرس رجعت شجون البيت و دخلت الغرفة و حست بالفراغ حست انها وحيدة بي صورة ما طبيعية Crying or Very sad

…. ..كانو كل الناس الفي العالم مشو خلوها Crying or Very sad

…. ..حست انو الدنيا دي أسوأ مكان ممكن تقعد فيهو

…. ..رقدت و بدا تتخيل شادن و يوسف مع بعض

…. ..بتبعد الصور من راسها بالقوة عشان ما تتضايق

…….كان اكتر يوم نزاع داخلي في حياتها

…. ..
********
_ انا محتار شجون اختك مالها ما سلمت علي ؟؟

غريبة مش كدا حتى مبروك ما قالتها لي

… .
_ ما بتكون قاصدة كانت متاثرة بي زواجي عشان كدا

…. ..
_ تقصدي زواجنا

_ شادن اتخلعت و اتلفتت عليه ؟؟

…...كيف يعني ما فهمتك ؟؟

_ ظاهرة يا بت شجون اختك دي بتحبني

…..
_ مستحيل لالا شجون ما بتحبك و بعدين انت شنو الخلاك تقول كدا ؟؟

_ انا بعرف اي زول من نظرة بقرا الجواهو

… .
_ لالا يا ابو مهارات انت اطمن لا بتحبك ولا بتفكر فيك اصلا و ابوي لما كان عايز يرفض هي الاقنعتو انو يوافق اننا نتزوج و انا سالتها و قالت ما عندها ليك حاجة فاطمن

…. ..
_ بس كلام شادن وقع علي يوسف زي السيف

…. ..ما اطمن ابدا بالعكس حس بي عدم استقرار و ضيق

……
سافرو شادن و يوسف لي اوربا بما انهم اصلا عندهم اشغال هناك قعدو هناك قريب شهرين بين فرنسا و ايطاليا clown

……
*********
في الفترة دي شجون ارتاحت و اتقبلت الواقع و استقرت شوية و بدات تتناسي بس ما لي فترة طويلة لانو شادن اتصلت عليها و قالت ليها نحن راجعين نهاية الاسبوع

…. ...كانت زيارة شادن و يوسف ليهم زي الشبح المتربص بيها و هي خايفة انو يجي

…. ...بقو يجهزو في المكان و جهزو بهائم عشان يضبحوهم…. .و شجون كانت طول الوقت بتتوتر و تتكهرب لما تتذكر انهم جاين

…. …
********
لما وصلو كانو كلهم في اسقبالهم اهل يوسف و اهل شادن

…. ..و المرة دي شجون اجادة التمثيل بي موهبة

…… كانت مبتسمة طول الوقت و اتعلمت تسيطر علي قلبها و نفسها و توترها

. …..و سلمت علي يوسف عادي زيو زي اي زول ممكن يمر عليها في الشارع و سلمت علي شادن بي حرارة

……
_بعد قعدو شوية شادن طلعت تلفونها الجديد و بقت توري فيهم في الصور

….. شجون كانت بتحاول ما تعاين عشان ما تتالم و تتضايق

…… حاولت تنشغل بي شغل المطبخ و قالت لي شادن بعدين بشوفهم بي مزاج و تحكي لي قصصهم

…. …
********
_بعدها رجع يوسف برة و خلي شادن مع اهلها عشان الجامعة …. .
_.شجون كانت بتضايق من حكاوي شادن بس كانت بتحاول تسمع و تمشيها

…… كانت شجون شايفة انو شادن دي اكتر بنت محظوظة في الكون

…. ..لانو اتزوجت شخص مثالي تقريبا و من خلال كلامها حست انو يوسف لسة حنين زي ما كان زمان لما كانو صغار

…. ..
*******
و في يوم شجون قررت ترمي كل شي وراها و مشت لي ابوها في لحظة صفا و قالت ليهو…. …
_عاين يا ابوي انا عايزة أملا وقت فراغي بي حاجة انا والله زهجت من القعدة ساي

…. …
_ابوها حس بيها و عرف انها عايزة تنسى…. ...قال ليها انتي محظوظة والله لانو عندي واحد درستو انا في الجامعة ابوهو عندو شركة كبيرة هنا بتاعة ادوية و انا ممكن اتوسط ليك عندهم و تشتغلي معاهم

…….
_لكن الشركة دي وين و انا حافهم فيها شنو الادوية دي ؟؟

و بعدين يا ابوي انا ما موافقة انا عايزة أمشي اشتغل في مجالي الانا بعرفو و امارس مهنتي

…. ..
_اسمعيني هنا انا الناس ديل بعرفهم كويس و مقرهم في الخرطوم و انا ما بقدر اطمن عليك مع ناس غيرهم

……
_.خلاص يا ابوي انا خليت الشغل ما عايزاهو

… …
_لالا احسن من تقعدي ساي تشتغلي افضل ليك و بعدين انا عايزك تلقي نفسك يا شجون انا حاسي انك تايهة

……. عموما انا ما حاضغط عليك بس حاقول ليك جربي و لو ما نفع معاك انا موافق علي اي مكان انتي عايزة تشتغلي فيهو اتفقنا ؟؟

…….
_طيب اتفقنا

….
********
عدت كم يوم و شجون كانت بتجهز في نفسها للسفر باسرع وقت علي الاقل تحاول بعيد تنسى الحاصل…. ..
_.فعلا ابوها اتصل علي معاذ الكان يقرأ في نفس الكلية و كان بستعين بي دكتور معتصم لما تواجهم مشاكل

… …
_معاذ رحب بيهو جدا و قال ليهو بنتك انت في عيونها الاتنين ما تخاف من حاجة خليك متطمن و ان شاء الله تحب الشغل معانا

…. ..
معتصم كلم شجون و امها كانت ما موافقة علي سفر شجون الخرطوم و قعادها هناك براها كمان

…. ...بس معتصم كان عارف شجون بتعمل في شنو و عايزها تنسى الحصل

….. .اقنع نجاة بي ثقتو فيها و في الناس الحتشتغل معاهم…. …
*********
_وصلت شجون الخرطوم و كانت حاسة بي غرابة و ضيق

…. .من ايام الدراسة كانت بتكره شي اسمو الخرطوم

…. ..كانت حاسة انها مدينة جافية و جافة و ما عندها اي حنية زي القضارف

….. ولا عندها اي طعم بلد مسيخة كلها سرقات و مشاكل و فتن و قوايل و كل الناس هنا بفضحو في بعض confused

و اي زول ما يصدق يلقى فرصة في التاني عشان يستقلو

….. ..
_في البلد دي القروشو كتار احبابو كتار و الما عندو قروش ما عندو حبيب

…. ..
_اخدت قرارها قبل حتي ما تبدا تشتغل انها حترجع و تقول لي ابوها انو ما عاجبها الشغل هنا ولا عاجبها المكان

….. …
_الصباح بدري صحت و لبست طلعت علي المواصلات….. .لسؤ حظها كان مافي مواصلات و وقفت قريب ساعة حتي ركبت و صلت الشركة و دخلت الاستقبال….. ..سالتهم من معاذ بس قالو ليها عندو اجتماع

…...قالت ليهم انا اتعينت معاكم هنا

….. ..

تم الإرسال من خلال التطبيق Topic'it

اسفة على التاخير

#شجون_الحب6
بقلمي:رانية محمد أحمد

بتاعين الاستقبال الاتنين عاينو لي بعض

……
اتعينتي ؟؟

……
_سكتت و حست بالغباء

…….
_اسمك منو طيب

……
_ قالت ليهم اسمي شجون معتصم ابراهيم……
_التاني قال ليها اوووو شجون انتي عندك مواعيد مع المدير الساعة تمنية و اسي الساعة ماشة علي عشرة اتاخرتي شديد

…. ..
،_معليش و الله ما لقيت مواصلات و قبل تكمل كلامها جا طالع واحد من جوة و قال ليهم اها الفطور جاهز دخلوهو

….. .
_قالو ليهو…. يا دوك الاستاذة دي شجون المفروض تقابلها الساعة 8

……
_عاين ليها من فوق لي تحت و قال ليهم….. .انت قلت الساعة 8اسي الساعة كم ؟؟

…...وقف عاين ليها و مشي

……
_شجون حست بي ضيق و احراج و حاجات كتيرة و بقت متغايظة و طلعت سريع ركبت رجعت الداخلية النازلة فيها….. .اتصلت علي ابوها و قالت ليهو اساسا ديل ما عايزين يشغلوني ولا حاجة و حكت ليهو الحصل

…. ..
_ابوها قال ليها انتي الغلطانة انتي فاكرة الناس ما فاضية لي زول غيرك ؟؟

الناس دي عندها شغل و مشاغل و انتي جاية علي كيفك و عايزة المدير يقابلك ؟؟

ما حاسة انك بتبالغي ؟؟

……
_.خلاص يا ابوي انا خليتو ما عايزة اشتغل بي الذلة و الاهانة

……
_يابت هوي ما عايز كلام فارغ اطلعي بدري و امشي شوفي الحاصل شنو فاهمة ؟؟

…….
_حاضر حاضر يا ابوي

…. ..
********
_شجون اليوم البعدو من النجمة صحت و جرت ركبت سريع ووصلت الساعة سبعة و نص لقت حتي المدير ما وصل و قعدت في الاستقبال

… …
_بعد مسافة زي تمنية الا عشرة المدير جا داخل و عاين ليها و ابتسم قال ليها

…..شجون مش كدا ؟؟

……
_قالت ليهو ايوة…. ..تعالي وراي

…. ..مشت وراهو لحدي ماوصلو المكتب فتحو و شغل المكيف و هي واقفة تعاين

….. .اتفضلي اقعدي

…… جات قعدت…. .قال ليها تشربي شنو

….. .
_قالت ليهو لالا ولا حاجة شكرا بي ضيق كدا

…. ..
_لالا اكيد شاي الصباح ما شربتيهو

…. طلب ليها شاي بي لبن و اداها ورق تمضي فيهو…… قال ليها طبعا نحن ما بنعين زول من غير معاينات و منافسة شريفة و امور الواسطات و المحسوبية دي ما عندنا

….
_شجون هنا صلحت شنطتها عشان تقوم تمشي

…. …
_قال ليها اقري العقود القدامك دي كويس و بعدين لو لقيتي نفسك بتقدري تواصلي معانا خلاص لو لا برضو ماف مشكلة

…. .بس اهم حاجة عندنا هنا الوقت…… لازم تدي الوقت الأهمية و المواعيد كمان مهمة

…. ..
_شجون قلبت الورق و لقت انهم عقود عمل…. ..يعني الشركة في الحقيقة حتتعاقد معاها بي شروط محددة و شجون انبسطت جدا و خاصة لما لقت المرتب مغري

……
_ قال ليها انتي عارفة حتكوني مسؤولة من شنو ؟؟

……
_قالت ليهو ايوة فاهمة

……
_ اي قرش يطلع او يدخل الشركة انتي مسؤولةانك تسجليه بي دقة تامة و غير كدا عايز تقرير اسبوعي بالشغل في البداية حتنضغطي بس حتتعودي علي جو الشغل

….. _قالت ليهو حاضر ان شاء الله

…….
*******
طلعت برة و لقت المكتب بتاعها مليان دفاتر….. .بدات تقلب في الدفاتر….. كانت كلها حسابات قديمة و كل دفتر بمثل شهر…. ..فهمت كيف تكتب الاعمدة و ترصها….. ._جا واحد سلم عليها و قال ليها انا الحاكون مساعدك و افهمك الشغل

…… جر الكرسي الجنبها و قال ليها انا جهاد و انتي شجون مش كدا ؟؟

…..
_ايوة…..
_فتح الكمبيوتر الفي الكتب و بدا ينقل في اخر الطلبيات و الحسابات و الفروقات و الارباح و دوامة من الحاجات و قال ليها لازم الليلة التقرير يمشي للمدير

….. .
_اليوم داك شجون ما فطرت بقت بتنزل في الداتا في الكمبيوتر…… بس واجهتها مشكلة كبيرة……. الايرادات فيها نقص كبير….. .قدر ما راجعت ورقها مع الداتا الدخلتها ابت تظبط معاها…… فتشت لي مساعدها لقتو طلع…. .سالت منو في الاستقبال…..
_ قالو ليها الدوام خلص و هو طلع…….
و لا شالت تلفونو ولا اي شيء و ما عارفة تتصرف كيف….. .بقت متوترة و هي بتراجع

….. في الاخر وصلت لي قرار….. .بس تهدأ و تحسب بالالة الحاسبة

….. ..بدات تحسب واحدة واحدة اخدت منها ساعة عشان تكتشف انها فوتت رقمين ما كتبتهم نسبه لانهم بتشابهو مع القبلهم

….. .كانت مبسوطة انها لقت الحل كانها وجدت الكنز و شالت التقرير و مشت مكتب المدير الكان بابو موارب تقريبا

….. .
_قبل تدق الباب سمعت صوت صدمها

. …..
_.انت ليه بقيت كدا يا معاذ حرام عليك والله البتعملو فيني دا

……
_ اسمعي هنا يا يسرى انا ما وعدتك بي حاجة

……
_.بس انا بحبك و انا متاكدة انك انت كمان بتحبني

…….
_ يسرى اطلعي عشان ابوي لو عرف انك بتجي هنا حيفصلني بي بساطة

……الفضول دفع شجون انها تعاين للحاصل جوة شنو بالضبط

……
_بي راحة مدت راسها و شافت يسري و هي ماسكة ازرار قميص معاذ

……
_ليه ما نرجع لي ايام زمان يا معاذ ياخ

…….
_ دي ايام مشت و انتهت و رجاء اطلعي و اقفلي الباب وراك

…...هنا شجون اتخلعت و خافت و دقت الباب سريع

……
_معاذ لز يسري و مشي علي المكتب و قعد في الكرسي و قال اتفضل

……
_دخلت شجون و مدت التقرير لي معاذ و عايزة تطلع بس قال ليها. …...اتاخرتي في تسليمو بس كويس انك خلصتيه اليوم

….. .
_.قالت ليهو شكرا و عن اذنك و طلعت

….. .
_.دي شنو دي ؟؟ موظفة جديدة ولا شنو ؟؟ confused

غريبة يا معاذ ما قاعد تشغل معاك الاشكال دي ؟؟

….
_شجون لما وصل لي مسامعها كلام يسري كانت الدمعة حتنزل من عينها Crying or Very sad

….. ..مشت شالت شنطتها و طلعت سريع…… طول الموصلات كانت بتفكر

…….هي شنو الفيها غلط عشان يسري تقول كدا ؟؟

…...بقت تتذكر في يسري….. لبسها طريقة كلامها لونها الاساور الفي يدها المكياج

…… عاملة بالضبط زي نجمات السنما

…...بدات تفكر في طبيعة العلاقة بين المدير و البت دي

…… كانت متمادية معاهو لي ابعد الحدود

…… بقت تقول انا مالي مالهم اساسا انا من التفكير في يوسف و شادن أجي ازحم رأسي بي ديل ؟؟

…….
********
لما وصلت الداخلية سلمت علي البنات و دخلت غرفتها…… رقدت شوية شادن اتصلت بيها Crying or Very sad

… ..لي لحظة اترددت ترد عليها بس في الاخر قررت ترد

. …..
_ازيك يابت كيفك اخبارك شنو

……
_الحمدلله بخير والله كيفك انتي و ناس البيت

….. ..
_الحمدلله نحن بخير اها كيف الشغل الجديد معاك ؟؟

……
_الحمدلله والله كويس……
_انتي كيفك يا شادن و الجامعة كيف

……
_دا الانا اتصلت ليك عشانو

… ..

تم الإرسال من خلال التطبيق Topic'it

#شجون_الحب7
بقلمي :رانية محمد أحمد

ابوي متضايق لاني ما نزلت لسة

……
_طيب السبب شنو مش راجلك مسافر طوالي انزلي لانكم وعدتو ابوي انك تواصلي و لا غيرتي رايك

……
_انا حامل يا شجون و صراحة ما بقدر علي جري الجامعة دا

…….
_شجون انقطعت من العالم لي ثواني

… ...ما قادرة تستوعب ولا تصدق

… ..معقول شادن اختها حامل من حبيب عمرها ؟؟ Crying or Very sad

معقول مافي امل يرجعو ليها تاني ؟؟

معقول خلاص انقطع الامل.

….
_.شجووون انتي معاي ؟؟ الوووو؟؟ confused

…….
_ايوة ايوة معاك يا شادن…...الف مبروك ربنا يتم علي خير و تقومي لينا بالسلامة

… …
_ الله يسلمك حبيبتي و عقبال ما نفرح بيك يارب….. ..طيب اعمل شنو في الحالة دي انا ؟؟

……
_والله يا شادن ما عارفة اقنعي بابا او. حاولي انزلي …….بس

…. ..
شجون بدون ما تحس نزلت التلفون و قفلت الخط و قفلت التلفون

… …
_ياربي انا عيبي شنو ؟؟ مشكلتي شنو ؟؟ نفسي افهم الشد يوسف لي شادن شنو ؟؟

…..حست كلمة "يوسف " بتوجعها في قلبها

…...اكيد يا بتي طبيعي ينجزب لي شادن

… ...انتي شنو قدامها بالله ؟؟

كدي عايني لي نفسك في المراية

… ….شجون كرهت نفسها و حاسة بي عدم ثقة و ضيق و ضنك و حست انها أتعس انسان علي وجه الارض

…...اشمعنا شادن مبسوطة في حياتها و سعيدة و انا لا ؟؟

ليه دائما بتلقى الفي مرادها و انا لا ؟؟

…...حتي اول ما حبت حبيبها طلع من نصيبها

… ...حست بي حسد ناحية شادن بدات تبكي بي قهر

… ..اكيد انا عندي مشكلة او فيني حاجة

… ...ليه ربنا ما بستجيب لي ؟؟

انا دعيت كتير انو يوسف يكون من نصيبي

… ...حست بانو ما كان لازم تقنع ابوها ابدا كان ممكن تكون عندها فرصة مع يوسف ولو ضعيفة المهم في امل Crying or Very sad

… ...انتي الوداك تتشالقي و تعملي فيها مثالية شنو ؟؟

…...نامت و دمعتها في عينها Crying or Very sad

… ...صحت الصباح و طلعت علي المكتب

… ….وصلت لقت جهاد قاعد في المكتب

… …
_سلمت عليهو و قعدت

……
_جهاد حس بالبؤس في وش شجون

…
_ قال ليها .أنتي امس خلصتي الشغل براك ليه ؟؟

…..كنتي تنتظريني انا كنا نخلصو اليوم

… …
_ما مشكلة انا كنت عايزة اثبت نفسي

… …..جهاد انقع بالضحك

…..شجون احتارت و ضحكت معاهو…..

…….جهاد بقى مبحلق فيها مسافة….. شجون اتضايقت و دنقرت راسها

……
_جهاد انتبه لي نفسو و قال ليها احم .بس يا شجون دا مافي صالحك

… ..تشتغلي لي زمن اكتر من الدوام المحدد

….و بعدين دي شركة خاصة يعني ما بدوك اي قرش زيادة حتي لو متي في الشغل موت عشان كدا انا ما برهق نفسي بطلع في زمن الدوام المحدد و الشغل ملحوق

… …
_ههههه مالك محموق كدا انت ؟؟

و بعدين المدير قال نسلمو الشغل في اليوم دا

… …
_يا بت المدير دا بتكلم ساكت و هو ما عارف الحاصل في الواقع و بعدين انا قبل كدا غبت يوم و بي عذر خصم مني يوم

…..لو جيتي تسعة و نص بخصمو منك اليوم دا بتحينو الفرص و جنهم قروش و بحاولو يستنذفو الموظفين عشان يستفيدو

… …..
_قعدو يتونسو جهاد و شجون و بدات تتكون بينهم علاقة صداقة اكتر من زمالة

… ….
*******
اخر اليوم جهاد طلع برضو خلي شجون في الكتب و هي بقت مصرة تخلص حد معين و تطلع… ...بعد خلاص جاية طالعة صادفت معاذ في الرسبشن… ..
_اووووو شجون الموظفة المجتهدة

_شجون ردت و عليكم السلام

_ انتي ماشة علي ياتو اتجاه عشان اخدت في طريقي

… .._ لالا ماف داعي انا بصل بإذن الله

_ يابت ما بتلقي مواصلات بسهولة في الوقت دا خليني اوصلك

…. .عموما نحن اهل قبل نكون شركاء عمل

… …
_ شجون كانت عايزة تعترض بس معاذ مرق قدامها و قال ليها تعالي وراي و اشر بي مفتاح العربية و فتحها

… ..
_ شجون بي خجل ركبت و قالت ليه ما عايزة اعطلك

_ لالا ياخ نحن المعطلنك لانك زولة مجتهدة ماشاء الله عليك

…. .اها الخرطوم مش كدا ؟؟

_ ايوة صاح داخلية (..) ..

_ ايوااا تمام يا ستي…. .
طول الطريق معاذ بحاول يدردش معاها و هي بترد بالقطارة

….
_ معاذ احتار فيها شديد

… ...مالها ياربي ؟؟ البت دي غريبة ما زي ناس يسري و البنات البعرفهم

……
_عاين ليها و قال ليها ما عرفناك اكتر

…..
_ ردت بي بساطة و قالت ليهو انت مش بتعرف بابا؟؟ معناها بتعرفني

_ معاذ اندهش من الرد الاتملصت بيهو بي ذكاء

… ..لالا انتي شخصيتك اكيد مختلفة عن والدك

… .اي زول ليهو شخصية خاصة بيهو زي البصمة ولا شنو ؟؟

_ ايوة اي زول عندو شخصية لكن بتكون ممتدة من والديهو

… ..يعني انت مثلا انا لما اشوفك ممكن اقول ابوك و امك كيف عاملين

… ..و اهلك و اخواتك ممكن استشف افكارهم منك

…..
_ معاذ قال ليها لالا ابدا والله دا كلام ما منطقي لانو في ناس كويسين اولادهم بطلعو كعبين او اهل كعبين و اولادهم يكونو كويسين

… …
_ لالا انا ما بقصد كدا

…...انت عندك طموحات و افكار محددة بتحددها تربيتك… ..انت لو ابوك طموح و متطلع و بفكر في المستقبل انت حتكون عكسو

… ..ما عندك طموح و لا مستقبل لانك لقيت حقك جاهز بعني صحيت من نومك لقيت كومك

…… ما حتكون بي نفس حماس الوالد بالعكس يمكن تفكر كيف تستمتع بالعندك دا و بس

…. .
_ معاذ اندهش من افكارها و طريقة كلامها

…..حس انها اكبر من عمرها

… …
_ و بعدين ممكن تلقي زول مسكين و جيعان و ما عندو شي و ابوهو الليل كلو سكران بس يجي الاول و يدخل افضل الكليات

… ..ليه ؟؟ عشان هو من صغير اتكون جواهو هدف انو يغير الهو فيهو دا و يحاول يرتقي بي نفسو و اسرتو و الهدف دا بتسجل في عقلو الباطن ممكن يكون هو ما شاعر بيهو بس هو ماشي على تنفيذو

… ..
_ والله افكارك صاح بس جبتي الكلام دا من وين قريتي علم نفس ولا حاجة ؟؟

_ ابدا انا درست محاسبة بس بقرا كتب و بتطلع

…. ..
_ معاذ حس انو اقل منها و بدا يفكر هو متين فتح كتاب و قراهو بعد خلص الجامعة

… ..
_ بعد شوية معاذ وقف…. ..شجون اتخلعت

…. .
نزل سريع و جرى قدامو و وقف ليهو بنت و جراها من يدها

…. .
_ شجون بقت مفتحة عيونها كبار قلبها قال ليها نطي بالشباك

…. ..في شنو يا استاذ ؟؟

_ فتح ألباب الورا و لز البت دخلها جوة و البت بقت تنبذ فيهو

… ..
_ ما هدا انت سايق ليك واحدة ما معروف موديها وين ؟؟ شكلكم ماشين…. .(......)

…...شجون اتصدمت و صلحت شنطتها و قالت ليهو معليش يا استاذ انا حانزل اواصل بي ركشة ولا اي شيء

… …
_ معاذ زهجان و دمو فائر قال ليها اوع تنزلي دقيقة

…. .اتلفت علي البت المرمية ورا و اداها كف لمن صرخت

… ..انتي ما اتربيتي لكن انا بربيك اصبري لي

… ..

تم الإرسال من خلال التطبيق Topic'it

#شجون_الحب8
بقلمي : رانية محمد احمد

_ انت واحد تافه و بس كدي اهبشني عشان افتح فيك بلاغ

…. .
_شجون بقت كلها بترجف

…..
_ معليش يا شجون دي اختي الصغيرة

… ..
_ طيب ما ممكن تضربها كدا عملت شنو هي ؟؟

_ بضربها ياخ و لسة هي شافت حاجة بس نصل البيت بكسر راسها دا

… ..
_ لالا يا معاذ الضرب ما بحل حاجة كدي انت حصل اتفاهمت معاها ؟؟

حصل سالتها من حالها من احوالها ؟؟

حصل قعدت معاها قعدة اخوية كدا و شفت هي هدفها شنو في الحياة

…. ..
_ الموضوع ما بستحمل فلسفتك دي يا شجون بالله

…..و بعدين انا فاضي ليها ياخ ؟؟عندي مليون حاجة في رأسي دا شاغلاني

_ مروة اتاثرت بي كلام شجون و اتفقعت بالبكاء

……
_ كيف ما فاضي ؟؟ يعني الواحد يقول انا ما فاضي اربي و عايز اولادو يطلعو متربين ؟؟

انت متخلف ؟؟

طلعت الكلمة من شجون بي انفعال و ضيق

…..
_ معاذ عاين ليها شوية و هو عيونو محمرات زي الشرار شجون حست لي لحظة انو حيديها كف زي اختو

… ..
_ اسمح لي اقول ليك انك غلط و البت دي هي الصاح اوعك تمد يدك عليها

… ..
_ شجوووووون

… ...معاذ قالها بي صوت جهور و لف الدركسون بي قوة

… ..الحالة قلت انك بت عاقلة وواعية و مثقفة ؟؟ تقولي هي ما غلط ؟؟

الجابها هنا شنو اولا جامعتها في امدرمان و ساكنين بحري و ما قالت أنها جاية الخرطوم لي اي سبب من الاسباب و انتي عارفة لقيتها مع شماسة ساي لافة معاهم ما بعرف عملت شنو اكتر ؟؟

_ شجون اتغاظت و قالت ليهو

…. .كلووو منك انت دا …. انت الوصلها لي كدا

…...ابوك خلي ليك اخوانك امانة انت ما راعيت الامانة بي اخلاص

…. .
_ معاذ بقى ساكت و ما عايز يرد

…. ..
شجون وصلت الداخلية و عاينت لي مروة بي عطف و خايفة عليها كانو حيدوقها هي معاها Crying or Very sad

…. ..قالت ليهو. ممكن تخليها معاي ؟؟

_ معاذ اتخلع قال ليها منو دي ؟؟ مروة ؟؟ ابدا والله ما ممكن

_ بس شجون فتحت الباب و قالت لي مروة تعالي

… ...و عاينت لي معاذ بالشباك و قالت ليهو يلا درب السلامة و حتشكرني

… …
_ معاذ هدا شوية و بدا يفكر انو فعلا شجون عندها افكار يمكن تقدر تاثر علي اختو و لو شوية

…..
_ شجون مسكت مروة من يدها و دخلتها معاها الداخلية و دخلتها غرفتها

… …
_قالت ليها خشي استحمي و غيري ملابسك دي

… .

_مروة قشقشت دموعها و فعلا دخلت استحمت و شجون ادتها قميص تلبسو…. .
_شجون قالت ليها اقعدي اسرح ليك شعرك

… …
_قالت ليها لالا دا استايل عملتو قريب

… …
_قالت ليهو اوكي ما مشكلة

… ..
_مروة قالت ليها انا أسفة علي الكلام القلتو فيك قبيل

… …
_لالا يابتي ولا يهمك كلنا بنغلط في الحكم علي الناس من اول لحظة

….. انا كمان لما معاذ ركبك العربية افتكرتك واحدة ما كويسة و معاذ جابرك علي شي

… …
_مروة ابتسمت شوية

… …
_ شجون قالت ليها اها احكي لي مالك انتي ليه بتعملي كدا ؟؟ الحصل شنو خلاك تتصرفي تصرفات طايشة زي دي ؟؟ انتي ما صغيرة يا مروة ماشاء الله عليك

…. ..
_البت سرحت شوية و ما ردت

…..
_ خلاص يا ستي. ما تحكي احكي ليك انا

… ...بدات شجون تحكي ليها عن قصتها و حبها لي يوسف و الحصل كلو

… ..مروة كانت بتسمع فيها بي حماس مبالغ فيهو

… ...بعد شجون خلصت …..
_ وااااو ،،، قصتك دي ولا في الافلام

… ...طيب كيف قادرة تتعايشي مع الموضوع دا ؟؟

و لسة بتحبيه ؟؟

ولا خلاص ؟؟

……
_ بحاول ربك يهون

…..
_ مروة سكتت و عاينت ليها و قالت ليها انتي عارفة انا فاقدة شنو ؟؟ فاقدة ابوي

… . اصلا ماف زول زي ابوي الله يرحمو

… ..مافي احن منو و انا ما عارفة اغطي فرقتو في حياتي كيف

….. معاذ اخوي همو نفسو و اي زول في البيت همو نفسو و بس و كل واحد عندو غرفة قافلها عليهو و خلاص Crying or Very sad

… ...ابوي كان لو قلت اه يا راسي بجيب لي الحبوب لحدي عندي و معاها كباية موية

… ...انا فاقدة الاهتمام دا فاقدة النقطة دي و اتاكدت انو ماف زول حيسدها و دا الواجعني جوووة قلبي

…. ...بدات مروة تبكي و شجون بكت معاها Crying or Very sad

… …
_امك وين يا مروة ؟؟

_امي موجودة بس ما زي ابوي ما بعرف

…. .
_ انتي طالما اتاكدي انو الفقد دا ماف زول بسدو ليه مواصلة في البتعملي فيهو Crying or Very sad

……
_ في شخص ممكن يكون قريب لي بابا و ممكن ألقى منو نفس الاهتمام دآ بس معاذ رفضو بدون ما يفكر حتي

… ..
_ اللهو منو ؟؟ confused

احكي لي عنو يمكن اقدر اغير تفكير اخوك

_ ما حتقدري لانو الولد دا ما سوداني

هو من جنوب السودان بس زول راقي جدا و فاهم و عاقل و ما حصل سمعت منو كلمة غلط

… ..
_ شجون بقت مبحلقة في مروة مسافة

… ...مسلم يعني ؟؟

_ ايوة مسلم و اي شيء كان بدرسني انجليزي في المدرسة و انا كنت مبهورة بيهو

و حبيتو صراحة

من كل قلبي I love you

و هو كمان بادلني نفس الشعور

و كان محاوطني بي اهتمام مبالغ فيه و خايفني اضيع من يدو في اي لحظة

…. .بس ما فقدنا الامل تماما

… ..
_ طيب يا ستي انا حاقنع ليك معاذ بس عندي هديتي

_ مروة عاينت ليها بي امل كبير و الله لو عملتي كدا عيوني ليك و انا حالتزم بي اي كلمة تقوليها لي

_ طيب عندنا خطة واحد ‘‘‘ و خطة بديلة

…. .
_ اها كيف

_ اولا حنجي لي معاذ بالحسني و لو ما جا معانا بالحسنى…. .نجيهو بالضغط و نستعمل القوة

_ خلاصا ها حنعمل شنو قولي

… …
********
الصباح شجون مشت المكتب عادي و اول ما وصلت المكتب جهاد كان في انتظارها

… ...بس ما مشت عليهو طوالي اول دخلت مكتب معاذ و قعدت قبلها… ...جهاد حس بي ضيييق شديد

… ..و لا حتى جات سلمت ولا صبحت عليهو Crying or Very sad

… ..و شنو الشي البينها و بين المدير معاذ ؟؟

#في مكتب معاذ
_ لالا انا الزول دا ما بنفع معاي

و دا ما راي انا و بس راي الاسرة كلها

و بعدين نحن ناس متعصبين من ناحية القبايل دي

… ..
_ لكن يا معاذ انت عارف انو حرام ؟؟

لا فرق بين عربي
_ معاذ قاطعها و كمل ليها ….ولا اعجمي الا بالتقوى,,

عازف الكلام دا كلو و اذا جاءكم من ترضون دينه و خلقه فزوجوه

….
_ طيب و المشكلة وين مثلا ؟؟ confused

_ المشكلة في المجتمع الاحنا عايشين فيهو ما بقبل القصة دي

و حيلسنو علينا و حيقولو حملها

عشان كدا زوجوها ليه

… او يقولو اتزوجتو زواج مصلحة

او يقولو اشتراها بالقروش

ما حيتفهمو نقطة انهم اختارو بعض و كدا

……
_ دا كلو ما مهم اهم شيء سعادة اختك و دا اختيارها

… ..
_ اذا اختيارها غلط نحن نقبل ؟؟

لا طبعا الموضوع دا منتهي يا شجون ما تفتحيهو لي تاني لووو سمحتي

_ طيب كدا انت حتضيع مروة اختك و حتدمر مستقبلها لانو البتعمل فيهو دا كلو بي سبب القصة دي

…..
_ معاذ وقف علي حيلو و هو متضايق و قال ليها…. .خلي مستقبلها يدمر

و تضيع زاتو ما مهم

المهم الناس و المجتمع ما يفتح خشمو و يلسن علينا

… ..و لو سمحتي دي مواعيد عمل شكرا جزيلا

… ..

تم الإرسال من خلال التطبيق Topic'it

#شجون_الحب9
بقلمي : رانية محمد أحمد

_ شجون وقف علي حيلها و طلعت من المكتب و العبرة خانقاها

و متضايقة جدا من طريقة كلام معاذ معاها و حست انها اتدخلت في موضوع ما بخصها Crying or Very sad

… ..
_ الليلة وين من قبيل يا شجون ؟؟

الحاصل شنو

_ والله تمام الحمدلله قاعدة

… ...و دموعها جرت بدون ما تحس

…. .
_ جهاد اتخلع و بحلق عيونو كبار و همس ليها

…. ..بالمناسبة انا الليلة من الصباح منتظر اشوف ضحكتك

الامس لانها ما فارقت بالي

… ..
_ شجون اتخلعت و بقت تعاين ليهو باستغراب و عملت نفسها ما فاهمة

و ما ردت عشان ما عايزة تفهم

_ معقول تكافئيني بي دموعك دي ؟؟؟

حرام عليك والله

….انا اصلا كج و نحس و اي حاجة افكر فيها بتطير

… ..… ..
_ شجون ابتسمت شوية و قالت ليهو ممكن نطلع من هنا انا مخنوقة و ما بعرف زول هنا غيرك

…. ..
_ جهاد انبسط جدا و فعلا طلعها اكلو في مطعم بعيد كدا و اثناء ما هم قاعدين جا معاذ ماري و لمحهم

… ...وقف عاين ليهم مسافة و مشى

… …

*******
_اها يا شجون الحصل شنو ؟؟ اتكلمتي معاهو ؟؟

_ ايوة اتكلمت معاهو بس

…. .
_ مروة عيونها اتملت دموع Crying or Very sad

…. ..انا كنت عارفة انو ما حيوافق بالحسنى و لا بالضغط ولا حيوافق اصلا انسي الموضوع

… ..
_ يابتي نحن لسة في البداية لازم نمشي للخطة البديلة و إن شاء الله يحصل الفي بالك

… ..
_يا زولة انا قنعانة بس نجرب مالو ؟؟

…..
_ خلاص يلا وين عامر ؟؟

_ اي منتظرنا تحت ارح نمشي

_ يلا
……
نزلت شجون مع مروة و لاقت عامر…. ..شجون بقت فاحتة خشمها كبير

….. .كان شاب مدهش فعلا و عندها حق مروة تحبو

… ...طول في عرض و اناقة و كان لابس قميص ابيض ناصع بنطلون جينز و شكلو رغم لونو بس وجيه و بسمتو بيضاء ناصعة و الساعة في يدو و الخاتم الفضة

… ...مروة مشت سلم عليها و شجون مندهشة

…. ..
_ مروة جات لي شجون اها رايك شنو ؟؟

_ واااو ماشاء الله ياخ الولد دا لميتي فيهو وين ؟؟

_ ههههههه انا هينة ؟؟

_ ياخ ربنا يسعدكم و الله حاليا متمنية يكون من نصيبك بالجد

… ..
_ ركبو العربية بتاعت عامر كانت صغيرة كدا لكن انيقة زي سيدها

… .
_ طلعو مشو استديو و اتصورو الاتنين بي ملابس عرسان و رجعو

…. ..
_ مروة قالت لي شجون انا بمشي البيت بعد كدا

…. .
_ ابدا والله ما بتمشي لانو اخوك حيكتلك انا الليلة نهرني و فار فيني فورة

…. .
_ قالت ليها و الله يا شجون اعفي لي تاعباك معاي شديد لكن انتي الرجعتي لي الامل

و رجعتي لي حب حياتي تاني

و عندي كمية من الطاقة الإيجابية

و ما حنياس لا انا ولا عامر

…. ..ان شاء الله ربنا يسهل عليكم…..
_اللهم امين يارب… .

******
شجون الصباح صحت لقت مروة مافي صحت بي تكاسل و تلفونها كان بتصل

…..
_ ردت بي نعاس…. .الووووو

_ايوة يا شجون معاك معاذ

…..
_ شجون اتخلعت و نطت و اتعدلت

… ...عايز تسال من مروة صاح ؟؟

في الحفظ و الصون ما تخاف عليها

_ هههههه لالا ابدا ما كدا

…. ..بس…. اااااا… ..وين انتي ؟؟

_ انا في الداخلية في حاجة ؟؟ الوقت لسة بدري

… .
_ اي عارف بس ممكن تمري علي في المكتب ؟؟

_ ان شاء الله ضروري بإذن الله تعالى

…..

*******
شجون لما وصلت الشركة لاقت جهاد في البوابة و مشت معاهو المكتب و قعدو شوية

… ...معاذ جا ماري لقاهم قاعدين

… ..اتغاااظ ……
_صباح الخير شباب كيفكم ؟؟

_ الحمدلله… ..شجون قالت ليهو كيفك يا أستاذ معاذ

… .
_ الحمدلله…. علي اساس اني قلت ليك عايزك ضروري في المكتب

…..
_ شجون اتخلعت من نظرتو و صرة وشو

….
_ حاضر يا استاذ جاية حالا

…. .
_ جهاد عاين لي معاذ في عينو و معاذ عاين لي جهاد بي نفس الطريقة

…. ..

*******
شجون وصلت مع معاذ المكتب و بدأ يسال فيها من حالها و طلب ليها قهوة

…. .
_ معاذ اتكلم معاها كلام عادي جدا و مافيهو اي جديد و هي محتارة هو كان عايزها في شنو و ما قادرة تسال

… ..
_طبعا انا بحب الناس المثقفين و بحب اتونس معاهم و نتكلم في مواضيع هادفة و عجبتني افكارك ممكن يعني استفيد منك

…. .
_ شجون ابتسمت بي خجل و قالت ليهو

…. .انا ما لي الدرجة دي لكن

… .
_ يا ستي ما لي الدرجة دي بس انا افكارك البنااءة دي عاجباني يعني لو سمحت ظروفك

….
_ لالا ماف مشكلة

… .
_ عرض عليها كم منتج و قال ليها عايز طريقة لي تسويق المنتجات دي حاجة و فكرة تكون مبتكرة

…. .
_ شجون فعلا بدات تفكر معاهو و وصلت لي انو المنتجات دي الناس ما بتحتاج ليها كتير

…. ..
_ لكن يا شجون المنتجات دي نااادرة عديل عشان كدا انا انجذبت ليها

_ ابدا يا أستاذ انت الخسران رغم ندرتها بس الناس هنا في السودان ما بتحتاج ليها كتير لانو عندها بدائل بلدية و الزول اكيد ما بخسر قروش كتيرة في حاجة مفعولها نفس المنتج البلدي

… ...انت القرار المفروض تاخدو يا اما يرفعك السما او ينزلك الارض…. لانو المنتجات مكدسة

… ..انت لو صدرتها حتكسب جدا و لو حاولت توقفها حتخسر كتير

….
_ بس المنتج السوداني ما مشكرنو عشان كدا حيكون ضياع للزمن

… .
_ منو القال ليك ؟؟ نحن في مجال التجميل معروفين عالميا انو منتجاتنا كويسة و لو صدرت لي السعودية بس كتجربة و شوف البحصل

… ..
_ طيب الا ارسل عينات مبدئيا و اشوف الاقبال

…. .

*******
جهاد كان في انتظار شجون و كان جواهو خوف و توتر و ضيق ما عارف مصدرو شنو

… ...ليه معاذ دا بقي يطلبها كتير كدا ؟؟

بينهم في شنو ؟؟

معقول يكون ؟؟

_ معاذ بعد شجون طالعة منو قال ليها… ..انتي يا شجون مخطوبة ؟؟

…..
_ شجون اتخلعت و احتارت في السؤال

…. .و ردت بي تردد… ..لا ابدا

… ..
_ غريبة انتي زولة ذكية ماشاء الله و مكسب لي اي زول يرتبط بيك

….
_ شجون هنا خجلت و قالت ليهو شكرا.و فتحت الباب عشان تطلع

… ..
_ بس معاذ وقفها بي سؤال طاير… ..ولا في شخص في بالك ؟؟

ولا بتفكري في شخص معين

…. .
_ هنا شجون ما ردت و قالت ليه عن اذنك يا أستاذ معاذ

… …
_ معاذ اتضايق من عدم اجابتها

……

******
جهاد بي غادي كان خلاص طالع بس رفض انو يطلع الا هي تجي

…. ..
_ مالك يا جهاد الليلة اتاخرت ؟؟

_ ابدا والله كنت منتظرك بس و شنطتك هنا فقلت ما اخليها تتسرق ولا شي

_ شجون ابتسمت و شالت شنطتها و طلعت مع جهاد

…. .مشو مع بعض الموقف و اتفارقو في محطة…. ..
*******
شجون لما رجعت الداخلية ما لقت مروة رجعت …..اتصلت بيها بس تلفونها مقفول

…. ..
_ قعدت شوية كدا تتقلب و تتلفت و تقول يمكن قاعدة تتونس مع عامر في مكان

… ..
_ معاذ جاتو كمية من الصور في تلفونو فيها اختو عروس و جنبها عريسها عامر

…. ..اتخلع و قرب يكسر التلفون

…. .
اتصل بي مروة بس تلفرنها مقفول

…. .اتصل بي شجون طوالي…. ...الوووو شجون مروة وين ؟؟

_ مالك بسم الله في شنو ؟؟

تم الإرسال من خلال التطبيق Topic'it

#شجون_الحب10
بقلمي : رانية محمد أحمد

_ انا جاي عليك في الطريق بقول ليك مروة السجم دي معاك ؟؟

_ ابدا والله جيت لقيتها مافيشة في شنو الحصل شنو ؟؟

عايزها في حاجة ؟؟

_ انتظري انا في الطريق انا في الطريق

… ..
_ شجون من الخلعة و الخوف من الحيحصل لبست عبايتها و شالت تلفونها و وقفت لي معاذ برة الداخلية

…..كانت بترجف زي القصبة و خائفة تتكشف انو هي السبب و انها حرضتها تعمل كدا

… …
_ اول ما وصل كبس الفرملة لمن سمعها الشارع كلو

… .
_ شجون فضلت تهاجمو اول عشان تمتص غضبو

… .في شنووو مالك هايج كدا؟ عملت شنو تاني

….
_ شوفي بي عينك انتي شوفي

_ شجون عاينت للصور الاصلا عارفاها مسبقا

…دي نتيجة قوة راسك

…. دي النتيجة المنطقية يا اخوي كنت منتظر شنو و احمد ربك انها اتزوجتو عديل ما حامت معاهو من وراك

…. و بعدين و الله الود دا محترم

… ..و محترم شديد كمان و زول بخاف ربو لانو اتزوجها علي سنة الله و رسوله و ما عمل حاجة تدخلو في الحرام

دا لو واحد من الانت عاجبنك و شايف لونهم السمح دا كان لعب بيها يومين و رماها و في بطنها طفل

…. ..
_ معاذ الضيق الكان حاسي بيهو هدا شوية بي كلام شجون

…. ..بس يا شجون المشكلة ما هنا المشكلة امي لو عرفت حتطب تموت

…..ما بتجيها عوجة ارح انا بمشي معاك و بحل القضية دي كلها

…. ..معاذ حس بي راحة شوية من كلام شجون و ركبت معاهو و مشي بيها البيت

…. ..
_سلمت عليهم و قعدت…. ..
_معاذ كلم امو و بدأت تكورك

…. ..
_شجون جرت ليها قالت ليها لالا يا امي مافي داعي لي دا كلو اصلا مروة ما عملت حاجة حرام كلووو حلال في حلال و الولد مسلم ما كافر و بعدين اتزوجها ما لف عليها ساي

…. …
_المرأة بدات تجقلب

… ..الناااس يقولو علينا شنو ؟؟

المجتمع ؟؟ الاهل

…… وووووب خالاتك

… …
_ شجون هنا اتدخلت و قالت ليهم انا عندي ليكم حل مبسط جدا انا بقنع ليكم مروة تجي هي و زوجها بس انتو تعزمو الناس تحبسوها اسبوعين كدا و تعقدو ليها هنا في بطن البيت دا و اي زول تاني يفتح خشمو تقطعو ليهو لانو ما غلطت حلال

…. ..
_ معاذ اقتنع و قال ليها انا موافق علي الحل دا بس هي تجي و ما تمشي معاهو مكان بي ورانا

….و نعمل فكرتك دي

… ..
_ لالا خلوها علي انا بحاول ليها تلفونها مقفول لكن لمن تفتح تلفونها انا بحل الموضوع دا

‘......
_ الام ما اقتنعت و قالت ليهم لالا الناس ما بترحينا Crying or Very sad

…..
_ شجون قالت ليها طيب افضل انو البت تمشي مكان و الناس تتكلم في عرضكم و تقول هربت مع الراجل ولا تعقدو ليها انتو و يقولو اللي يقولوهو بس المهم اتزوجت و عقدو ليها اهلها

….
_ هو دا راجل ؟؟ ما تامي راجل اصلا دا واحد

…. (..)
_ شجون هنا قالتها بي انفعال…. ...راااااجل والله لانو لو ما راجل ما كان عرسها كان لف بيها و لعب بيها خاصة انو عارف انو بنتكم ميتة فيهو و ممكن تعمل اي شيء عشان تكون معاهو

…. .فالراجل ما قصر عديل و عداهو العيب

…. .
_ يا امي شجون كلامها صاح و منطقي و دا افضل حل حاليا

….
_ خلاص يا شجون بس خليها تجي انتي

…. ..
_ شجون خافت و قالت ليهم بس توعدوني انو ما تاذوها و لا تضايقو زوجها

…..لانو نحن ما عارفين ممكن يعملو شنو لو ضايقناهم

… .
_ معاذ قال ليها ليك علي من اول ما يجو اعقد ليهم و اعزم كل الناس علي العقد و الليلة الكبيرة تكون بعد اسبوعين من العقد زي ما اتفقنا

…. .
_ شجون هنا اتطمنت شديد. و معاذ رجعها الداخلية …. ..
_هناك في الداخلية شجون رسلت رسالة لي مروة و كتبت ليها فيها…. .تم الامر بي نجاح

…. .بعدها طوالي اتصلت بيها مروة…. .
_ شجوووون عليك الله الموضوع كمل ؟؟

ما بصدق و امي ؟؟ امي اكعب من معاذ

….
_ امك زاتها موافقة يا ستي و مجرد ما تجي حيعقدو ليكم بس تعالو

….
_ تمام يا ستي والله ما عارفة اشكرك كيف ياخ

…. .
_ يا بت تشكري لي شنو يلا يا أستاذة زحي النمط بتاع الهاتف المغلق دا و من بكرة تمشي معاي البيت

…. .
_ مروة كانت في قمة السعادة و ما مصدقه اساسا الحاصل معاها

…. ..اتمنت لي شجون كمان السعادة من كل قلبها

… ..

*********
اليوم البعدو كان يوم جمعة و شجون ساقت مروة ودتها ليهم في البيت…. ..معاذ رغم انو متضايق منها شديد بس حاول يمسك اعصابو و اتكلم معاها بي برود

…. ….
امها جات طايرة…. .
_ عايزة تفضحينا و تجرسينا مع الناس ؟؟؟

عايزة تعملي لينا سمعة يا تافهة يا قليلة الادب

…. ..و كانت عايزة تضربها بس شجون وقفت ليها

_و قالت ليها هدي نفسك البت بقت في زمة راجل ما بنقدر نعمل حاجة

…. ..
_ معاذ قال لي شجون شكرا ليك ما قصرتي معانا تعبناك معانا

….
_.قالت ليهم مافي تعب ولا حاجة

…..مروة دي زي اختي

… ...مروة ابتسمت ليها

… …
_ اها يا مروة وين ابو النسب ؟؟

….
_ واقف برة قال ما بخش الا انتو تسمحو ليهو

…. .
_ فعلا معاذ بي نفسو مشي ليهو و سلم عليهو و دخلو البيت و ضيفو

… ...اتونس معاهو و اتعرف بيهو

…. .اكتشف انو زول ظريف جدا و محترم

…… معاذ لام نفسو انو ما اتعرف عليهو من زمان ولا حتى حاول يقابلو

….. .لقي انو زول مثقف جدا و متطلع و طموح و عندو أهداف

…. ..و اكتشف انو عامر ما أتربى في السودان ولا جنوب السودان اسرتو اصلا مستقرة في اوربا و ابوهو رجع السودان بعد اتفاقية السلام و كان عندو نفوذ سياسي

و بعذ الانفصال ابوهو رجع و كانو كلهم ضد الانفصال

…..عامر كان مدير معهد لغة انجليزية كان اسسو لما ابوهو كان في السودان I love you

…..بعد اهلو رجعو فرنسا هو فضل يواصل شغلو

…. .
.
********
العصر بعد الناس اتجمعو كلهم و اهل مروة و خالاتها جو و كلهم يتهامزو و يتلامزو و ما مصدقين الحاصل دا

…. ..
_ شنو يا جماعة المفاجآت دي ؟؟

_ردت عليهم ام مروة قالت ليهم ولا مفاجأة ولا شيء كلكم عارفين الموضوع دا ليهو سنتين و نحن كنا رافضين بس اقتنعنا

…. .اهم شيء سعادة مروة بتي و الولد هدا ارجل من اي راجل جا بالباب

…. ..
_ كلهن قعدن يتلفتن و ما قدرن يردن

_ واحدة قالت ليها و اها حتعيش وين مروة ؟؟ في جوبا و لا ملكال ؟؟

_ شجون ردت عليها و قالت ليها في فرنسا يا خالة

… ...ربنا يدي بنتك الزيو مع انو الله اعلم تلقي تاني زي دا

…. ..دا بجي حبة في الدستة

…. ..
ام معاذ انبسطت من شجون و بقت تضحك

…. .
_ بعد عقدو لي عامر و مروة I love you

…. .مروة قالت لي اهلها أنها عايزة شجون تقعد معاها فترة الأسبوعين دي

…. ..
_بس شجون رفضت و قالت ليها بجيك زيارات بس ما بقدر اقعد ابوي ما برضى

…. ..
_شجون بعدها رجعت البيت و حست انها انجزت

…. ..كانت مبسووطة جدا كانو عقدو ليها هي

…. .

*******
لم نزلو الشغل بقت مشغولة شديد و الشغل ضاغط عليها جدا

….بس معاها كان جهاد في فترة الاسبوعين دي معاذ كان بطلع بدري و نادر يلاقيها لانو كان مشغول بي تجهيزات العرس

…. ..و شجون كانت متواصلة مع مروة و مع ضغط الشغل كل يوم تقول ماشة ليها بس تحس انها مرهقة و عايزة ترجع تنوم بس

… ...بعد الاسبوعين شجون مشت العرس

…. ..كان عرس فخم و معاذ حرص انو اي شيء يكون بي فخامة الاسرة و الغريبة امهم كانت مبسوطة و كل مرة تزغرد

…. ..شجون اول ما وصلت الصالة معاذ جا سلم عليها

……
_ شنو مختفية كدا ؟؟ ما قلتي بتجينا ؟؟

تم الإرسال من خلال التطبيق Topic'it

ﻣﻮﺍﺿﻴﻊ ﺫﺍﺕ ﺻﻠﺔ

شجون_الحب1 رانية محمد أحمد

شجون_الحب1 رانية محمد أحمد

رد: شجون_الحب1 رانية محمد أحمد

رد: شجون_الحب1 رانية محمد أحمد

رد: شجون_الحب1 رانية محمد أحمد

رد: شجون_الحب1 رانية محمد أحمد

رد: شجون_الحب1 رانية محمد أحمد

رد: شجون_الحب1 رانية محمد أحمد

رد: شجون_الحب1 رانية محمد أحمد

رد: شجون_الحب1 رانية محمد أحمد

رد: شجون_الحب1 رانية محمد أحمد