ﻟﻮ ﻣﻈﻠﻮﻡ ﺇﺗﻌﻠﻢ ﺳﺎﻣﺢ
ﻟﻮ ﻏﻠــﻄﺎﻧﻪ ﺍﻟﺪﻧــﻴﺎ ﻋﻠﻴﻚ
ﻣـﺪ ﺇﻳﺪﻳﻚ ﻟﻠﺪﻧﻴﺎ ﻭﺻﺎﻓﺢ
ﺷﻮﻑ ﺍﻟﻮﺭﺩﺓ ﺗﻔﻮﺡ ﻟﻠﻘﺎﻃﻒ
ﻭﺍﻻﻧﺴﺎﻡ ﻟﻠﺸﻮﻙ ﺑﺘــــﻼﻃﻒ
ﺃﻣﻼ ﺩﻭﺍﺧﻠﻚ ﺭﻳــﺪ ﻭﻋﻮﺍﻃﻒ
ﻭﺍﻧﺴﻰ ﺍﻟﻔﺎﺕ ﻭﺇﺗﻌﻠﻢ ﺳﺎﻣﺢ
ﻭﺃﺯﺭﻉ ﻭﺍﺩﻱ ﺍﻟـــﻘﻠﺐ ﺍﻟﺒــﻮﺭ
ﻣﺤـــﺒﺔ ﻭﺍﻟﻔﺔ ﻭﺧﻴﺮ ﻭﺳﺮﻭﺭ
ﺧﻠﻰ ﻣﺸﺎﻋﺮﻙ ﺗﺒﻘﻰ ﺟﺴﻮﺭ
ﻭﻗﺎﻭﻡ ﺭﻳﺢ ﺍﻟﻐﻀﺐ ﺍﻟﺠﺎﻣﺢ
ﻭﺍﺭﺟــﻊ ﺳﺎﻣﺢ
ﺑﻜﺮﺓ ﺣﺘﻌﺮﻑ ﻣﻌﻨﻰ ﺍﻟﻄﻴﺒﺔ
ﻟﻤﺎ ﺩﻭﺍﺧﻠﻚ ﺗﺒﻘﻰ ﺭﺣــــﻴﺒﺔ
ﻭﺗﻠﻘﻰ ﺍﻟﻨﺎﺱ ﺑﺎﻻﻟﻔﺔ ﻗﺮﻳﺒﺔ
ﻭﻏﻴﺮ ﺍﻟﺤــﺐ ﻣﺎﺑﻴﻨﺎ ﻣﺼﺎﻟﺢ

تم الإرسال من خلال التطبيق Topic'it

ﻧﻔﺴﻲ ﺍﺩﻕ ﺑﺲ ﺑﺎﺏ ﺑﻴﺘﻜﻢ
ﺗﻄﻠﻊ ﺍﻣﻚ ...
ﺍﻓﺘﺢ ﺟﻴﺒﻲ ﻭﺍﻃﻠﻊ ﺻﻮﺭﺗﻚ
ﻭﺑﻲ ‏( ﻭﺵ ﺷﻔﻊ ‏)
ﻋﺎﻳﻨﻲ ﻳﺎﺧﺎﻟﺘﻮ
ﺩﺍ ﻣﻨﻮ ؟؟
ﻭﺍﺫﺍ ﻣﻮﺟﻮﺩ ﻫﻞ ﺑﺘﺒﻴﻌﻮﻫﻮ ؟
ﻭﻟﻮ ﺑﻘﺮﻭﺵ ﺍﻟﺪﻧﻴﺎ ﺑﺠﻴﺒﻮﻭ
ﺑﺲ ﺣﻠﻔﺘﻚ ﻗﻮﻟﻲ ﻣﻮﺍﻓﻘﺔ
ﺗﻀﺤﻚ ﻭﺗﻘﻮﻝ :
ﺷﻴﻠﻴﻬﻮ ﻣﺠﺎﺍﺍﺍﺍﺍﻥ
‏( ﺍﺻﻼ ﺯﺍﺍﺣﻢ ﻟﻴﻨﺎ ﺍﻟﺒﻴﺖ ‏)
ﻭﺑﺴﺮﻋﺔ ﺍﺟﻴﺒﻚ ﻭﺍﺟﺪﻉ ﺻﻮﺭﺗﻚ ﻭﺍﻣﻞ ﻋﻴﻮﻭﻧﻲ
ﺑﺸﻮﻭﻭﻭﻓﺘﻚ ﻭﻃﻴﺒﺘﻚ
ﻣﻮﻭﻭﺵ ﺑﻲ ﺣﻘﻲ
ﻣﻮﻭﻭﺵ ﻣﺠﺎﻥ

ﺑﻨﺘﻮﺍﺻــــﻞ *
* ﻋﺸﺎﻥ ﺍﻟﺒﻴﻨﺎ .....* * ﺃﺣﻠﻰ ﻭﺩﺍﺩ *
ﻣﺤﻨﺔ ﻭﺭﻳﺪ
* ﻭﻣﺎ ﺳﺎﻫﻞ .*
* ﻭﻧﺘﺮﺍﺳﻞ *
ﺑﻜﻴﻒ ﺍﻣﺴﻴﺘﻮ .... ﻭﻧﺎﺱ ﺍﻟﺒﻴﺖ ؟
* ﻋﺴﺎﻛﻢ ﻃﻴﺐﻥ *
ﻭﻛﻴﻒ ﻋﺎﻣﻞﻳﻦ ؟ .
ﻭﻧﺘﻮﺍﺻﻞ
* ﺑﺮﻏﻢ ﺍﻟﺠﻮﻃﺔ * ... * ﻭﺃﻛﻞ ﺍﻟﻌﻴﺶ *
ﺑﺮﻏﻢ ﺻﻌﻮﺑﺔ ﺍﻟﺤﺎﺻﻞ .
ﻭﻧﺘﺮﺍﺳﻞ
* ﻭﺣﺒﻞ ﺍﻟﻮﺩ * ... * ﻃﻮﻳﻞ ﻣﻤﺪﻭﺩ *
ﻭﺑﺎﺏ ﺍﻟﺸﻮﻕ
* ﻋﺮﻳﺾ ﻣﺎﻫﻞ .*
ﻋﺸﺎﻥ ﺍﻟﺪﻧﻴﺎ
* ﻣﻦ ﻏﻴﺮﻛﻢ * ..... * ﻣﺴﻴﺨﺔ *
ﻭﺣﺎﻟﻬﺎ
* ﺩﻭﺍﻡ ﻣﺎﻳﻝ *
ﻣﻘﺎﻣﻜﻢ ﻋﻨﺪﻱ
* ﺟﺪ ﺳﺎﻣـــــﻲ *
ﻭﺻﻮﺗﻜﻢ
* ﺑﺸﻔﻲ ﺃﺳﻘﺎﻣـﻲ *
ﻭﺣﺮﻭﻭَﻭَﻓﻜـــــﻢ
* ﺗﻤﺤﻲ ﺁﻻﻣـــﻲ
* ﻭﻟﻴﻜﻢ ﺷَﻮﻗﻲ ﻣﺘﺮﺍﻣــﻲ * .
.

ﻧﻮﻣﻰ ﻋﻮﺍﻓﻰ ﻳﺎﺟﻨﺔ ﻫﻮﺍﻯ ﻭﻧﺎﺭﻯ
ﻭﺃﺣﺮﺻﻰ ﻳﺎﺣﺒﻴﺒﻪ ﺭﺟﺎﺀﺍ ﺣﻠﻤﻚ ﻻﻳﻔﻮﺗﻮ ﻣﺪﺍﺭﻯ
ﻏﻴﺒﻰ ﻭﺟﻴﺒﻰ ﺃﻓﺮﺍﺣﻨﺎ ﺍﻟﺰﻣﺎﻥ ﻓﻰ ﺩﻳﺎﺭﻯ
ﻣﻦ ﺯﻣﻨﺎ ﻧﻘﻮﺩﻭ ﺍﻟﻀﺤﻜﻪ ﺗﻀﺤﻚ ﺗﻠﻘﻰ ﻣﻠﻴﻮﻥ ﺷﺎﺭﻯ ..
ﻭﺑﺴﺘﻨﺎﻙ ﻓﻮﻕ ﺟﻤﺮ ﺍﻟﻬﺠﻴﺮ ﻭﻧﻬﺎﺭﻯ
ﺗﻄﻠﻌﻰ ﻫﺎﺷﻪ ﺑﻨﺴﻤﻚ ﺗﻔﻮﺡ ﺃﺯﻫﺎﺭﻯ
ﺗﺮﻭﻕ ﺍﻟﺪﻧﻴﺎ ﻣﻦ ﺳﺠﻌﻚ ﺗﻘﻮﻗﻰ ﻗﻤﺎﺭﻯ
ﻭﺃﻧﻀﻢ ﻓﻴﻜﻰ ﺗﺘﺮﺍﻗﺺ ﺣﺮﻭﻑ ﻣﺴﺪﺍﺭﻯ ..
ﻭﻻ ﺑﺘﻄﺮﺍﻧﺎ ﻻﺳﺎﻛﺖ ﻧﻄﻮﻑ ﻓﻰ ﺧﻴﺎﻟﻚ
ﻳﺎﺍﻟﻤﻬﺮ ﺍﻟﺠﻤﻮﺡ ﻛﻴﻔﻦ ﺃﺳﺎﻳﺴﻮ ﻣﺤﺎﻟﻚ
ﻭﻛﻞ ﻣﻦ ﺟﺎﺭﻯ ﻋﻴﻨﻴﻚ ﻭﺳﻤﺎﺣﻦ ﻫﺎﻟﻚ
ﻏﺮﻗﺎﻥ ﻓﻰ ﺑﺤﻮﺭﻥ ﻓﻰ ﺳﻮﺍﺩﻫﺎ ﺍﻟﺤﺎﻟﻚ ..
ﺃﺻﺤﻰ ﺍﻟﺪﻧﻴﺎ ﻣﺎﺑﺘﺤﻤﻞ ﺑﻼﻙ ﺳﻤﺎﻫﺎ
ﺣﺘﻰ ﺍﻟﻮﺍﻃﻪ ﺿﺎﻗﺖ ﺑﺎﻟﺨﻄﻰ ﻭﻣﻤﺸﺎﻫﺎ
ﺃﺻﺤﻰ ﻭﺷﻮﻓﻰ ﻓﻮﺿﻰ ﻏﻴﺎﺑﻚ ﺍﻟﺘﻮﺍﻫﻪ
ﻭﺍﻟﻘﻤﺮ ﺍﻟﺒﻜﻮﺱ ﻟﻨﺪﻳﺪﻭ ﻃﻤﻨﻰ ﻳﺎﺷﺒﻴﻬﺔ ﺍﻟﻨﺎﻫﺎ ..
ﻛﻞ ﻣﺎ ﻗﻠﺖ ﺍﺗﻨﺎﺳﺎﻙ ﻭﺍﻣﺸﻰ ﻃﺮﻳﻘﻰ
ﺍﻟﻘﺎﻙ ﻓﻰ ﺍﻟﺴﻔﺮ ﺯﺍﺩﻯ ﻭﻣﻨﺎﻯ ﻭﺭﻓﻴﻘﻰ
ﺗﻨﻮﻣﻰ ﺣﺪﺍﻯ ﺍﺻﺤﻰ ﺑﻴﻚ ﻓﻜﺔ ﺭﻳﻘﻰ
ﺗﻀﻴﻖ ﺍﻟﻮﺍﺳﻌﻪ ﻓﻰ ﺟﻮﺍﻯ ﻳﻮﻡ ﻣﺎﺗﻀﻴﻘﻰ
ﻗﺪﺭ ﺍﻟﻨﺎﺱ ﻣﺴﻄﺮ ﻭﺍﻧﺘﻰ ﺍﺣﻠﻰ ﺍﺷﺎﺭﻩ
ﺣﻴﻦ ﺗﺎﻫﺖ ﻣﺮﺍﻛﺐ ﺭﻳﺪﻯ ﻣﻦ ﺍﻟﻘﻴﻒ ﺷﻠﻌﺘﻰ ﻣﻨﺎﺭﻩ
ﺷﻴﻤﺘﻚ ﻭﺍﻟﻌﺮﻕ ﻳﺠﺒﺪﻧﻰ ﻻ ﻗﺎﻭﻣﺖ ﻻ ﺑﺘﻀﺎﺭﻯ
ﻛﻞ ﺃﺣﻼﻣﻰ ﻋﻴﻨﻴﻚ ﺍﻧﺘﻰ ﻋﻴﻮﻥ ﺑﺎﻗﻰ ﺍﻟﺒﺸﺮ ﻏﺮﺍﺭﻩ

ﻣﺎﺍﺍﺍﺍﺍﺍ ﺗﻜﺘﺮ ﺍﻋﺬﺍﺭﻙ ﻋﻠﻲ
ﺻﺪﻗﻨﻲ ﻣﺎﺍﺍﺍ ﺑﻔﻴﺪﻙ ﻧﺪﻡ
ﺍﻧﺎ ﻳﺎﻣﺎ ﺧﻴﺮﺗﻚ ﺯﻣﺎﺍﺍﺍﺍﺍﺍﻥ
ﻭﺍﻟﻔﺮﺻﻪ ﻛﺎﻧﺖ ﻣﻦ ﻋﺪﻡ
ﻡ ﺑﻴﻦ ﺗﻌﻴﺶ ﺍﻟﺮﻳﺪ ﻣﻌﺎﻱ
ﻣﺎﺍ ﺑﻴﻦ ﻳﻈﻞ ﻗﺮﺑﻚ ﻭﻫﻢ
ﻭﺍﺧﺘﺮﺕ ﺗﻨﺴﺎﻧﻲ ﻭﺗﻔﻮﻭﺕ
ﻭﺟﺮﺣﺖ ﻗﻠﺒﻲ ﻣﻠﻴﺘﻮ ﺩﻡ
ﺍﻧﺎ ﺗﺎﻧﻲ ﮔـﻴﻒ ﺍﺭﺟﻊ ﻣﻌﺎﮔـ
ﻳﺎ ﺯﻭﻝ ﺧــ " ــﻼﺹ ﺍﻧﺴﻲ ﺍﻟﻔﻬﻢ
ﺍﻧﺎ ﺗﺒﺖ ﻣﻦ ﺭﻳﺪﮔـ ﺧﻼﺹ
ﻭﺍﻟﺮﻳﺪﻩ ﻓﻲ ﺍﻻﺧﺮ ﻗﺴﻢ

ﺩﺍﻟﻴﺎ ﺍﻟﻴﺎﺱ
--------------------------------
ﻣﺸﻜﻠﺘﻲ ﺍﻭﻝ ﻣﺎﺍﺍﺍ ﻗﺮﻳﺖ
ﻣﻨﻬﺞ ﺣﻴﺎﺗﻚ ﻭﺩﻧﻴﺘﻚ
ﺳﻠﻤﺖ ﺭﻭﺣﻲ ﻭﻗﻠﺒﻲ ﻟﻴﻚ
ﺍﺣﻼﻣﻲ ﺻﺒﺤﺖ ﺣﻘﺘﻚ
ﻭﺩﺧﻠﺖ ﻛﻮﻧﻚ ﻣﻄﻤﺌﻦ
ﺍﻧﻮ ﺍﻟﻤﻘﺎﺩﻳﺮ ﺟﺎﺑﺘﻚ
ﻭﺍﻧﻮ ﺍﻟﺴﻌﺎﺩﻩ ﺑﺪﺕ ﻣﻌﺎﻙ
ﻓﺮﺣﺖ ﻋﻴﻮﻧﻲ ﺍﻟﺸﺎﻓﺘﻚ
ﻣﺎ ﻛﻨﺖ ﺷﺎﻛﻚ ﺑﺎﻟﻐﻠﻂ
ﻭﺍﻗﻊ ﻣﺼﻴﺮﻙ ﻭﺳﻜﺘﻚ
ﺗﺘﺤﺠﻲ ﻟﻠﻨﺎﺱ ﻓﻲ ﺍﻟﻈﺮﻭﻑ
ﻭﺍﺣﻤﺪ ﻇﺮﻭﻓﻨﺎ ﺍﻟﺨﻠﺘﻚ
ﺗﻨﻬﺪﻱ ﻓﻲ ﻧﺺ ﺍﻟﻄﺮﻳﻖ
ﺗﻜﺸﻒ ﺑﻮﺍﺩﺭ ﻟﻌﺒﺘﻚ
ﺗﺪﻳﻨﻲ ﺣﻖ ﺍﻻﻋﺘﺬﺍﺭ
ﻣﻦ ﺍﻧﻲ ﺍﺭﺣﻞ ﺩﻧﻴﺘﻚ
ﻭﺍﻧﺰﻑ ﺩﻣﻮﻋﻲ ﻋﻠﻲ ﺍﻟﺤﻨﺎﻥ
ﺷﺮﺩﺗﻮ ﻛﺎﻥ ﻓﻲ ﺻﺤﺒﺘﻚ
ﻭﺍﻗﻠﻊ ﺗﻴﺎﺏ ﺍﻟﺮﺣﻤﻪ ﻓﻴﻚ
ﺍﻛﺴﺮ ﻋﻴﻮﻧﻲ ﺍﻟﺤﺒﺘﻚ
ﻭﺍﻗﻔﻞ ﻃﺒﻞ ﺍﺷﻮﺍﻗﻲ ﻟﻴﻚ
ﻭﺍﻣﺴﺢ ﺣﺮﻭﻓﻲ ﺍﻟﺸﺎﻟﺘﻚ
ﻛﺎﻥ ﻳﺎﺍﺍﺍﺧﻲ ﺣﻘﻮ ﺗﺮﺍﻋﻲ ﺑﺲ
ﺻﺪﻕ ﺍﻟﺸﺠﻮﻥ ﺍﻟﻌﻠﺘﻚ
ﺗﺪﻳﻨﻲ ﻣﻨﻚ ﺍﻋﺘﺒﺎﺭ
ﻣﻬﻤﺎ ﺣﻴﺎﺍﺍﺍﺍﺍﺗﻚ ﻏﺮﺗﻚ

ﺍﻣﻲ ﺍﻟﻌﺰﺓ ﻭﺍﻻﺧﻼﻕ ﻭﺍﻣﻲ ﺟﺴﺎﺭﺓ
ﻭﺍﻣﻲ ﻃﺮﻳﻘﺔ ﻟﻲ ﺍﺑﻮﺍﺏ ﺍﻟﻘﻠﻮﺏ ﻭﻣﻨﺎﺭﺓ
ﺍﻣﻲ ﺍﻟﺤﺎﻓﻈﺔ ﻟﻲ ﺻﻠﻪ ﺍﻟﻘﺮﺍﺑﺔ ﻭﺟﺎﺭﺓ
ﺍﻣﻲ ﺣﻠﻴﻤﺔ ﺍﻣﻲ ﺭﺯﻳﻨﺔ ﻣﺎ ﺟﺒﺎﺭﺓ
ﺍﻣﻲ ﺑﺘﻜﺮﻡ ﺍﻟﻀﻴﻒ ﺍﻥ ﻏﺸﺎﻫﺎ ﻭﺟﺎﻫﺎ
ﻭﺍﻣﻲ ﻣﻼﻧﻪ ﺑﺎﻟﻄﻴﺐ ﺍﻟﻤﻌﻄﺮﻭ ﻓﺎﻫﺎ
ﺍﻣﻲ ﺍﻟﻘﻤﺮﺓ ﺑﺘﻐﻴﺐ ﻳﻮﻡ ﺗﺰﻭﺭﻭ ﺳﻤﺎﻫﺎ
ﺍﻣﻲ ﺑﺪﻭﺭﻩ ﻓﻲ ﺍﻟﺠﻨﻪ ﻭﺟﻤﻴﻌﻨﺎ ﻣﻌﺎﻫﺎ
ﺭﻳﺪﻙ ﻓﻲ ﺟﻮﺍﻱ ﺷﺎﻣﺦ ﺑﻌﺎﺩﻝ ﺍﻣﻪ
ﻭﻣﺎﻓﻲ ﺍﺣﻦ ﻣﻨﻚ ﻓﻲ ﺍﻟﺨﻼﻳﻖ ﺿﻤﺔ
ﻣﺎ ﺑﻴﺮﺗﺎﺣﻠﻲ ﺑﺎﻝ ﺍﻧﺎ ﻟﻮ ﺗﺼﻴﺒﻚ ﺣﻤﺔ
ﻣﺎ ﻟﻲ ﻏﻴﺮ ﺭﺿﺎﻙ ﻓﻲ ﺍﻟﺪﻧﻴﺎ ﺑﺲ ﻳﺎ ﻳﻤﺔ

ﻓﻜﺮ ﺑﺎﻟﺴﻌﺎﺩﺓ ﺗﺠﻴﻚ
ﻭﻓﻜﺮ ﺑﺎﻟﻔﺮﺡ ﺗﻔﺮﺡ
ﻗﻠﺒﻚ ﻋﻤﺮﻭ ﻣﺎ ﺑﻜﺬﺏ
ﻭﺩﻗﺎﺕ ﺍﻟﻘﻠﺐ ﺗﺸﺮﺡ
ﺍﺻﻠﻮ ﺍﻟﺪﻧﻴﺎ ﻗﺼﺔ ﺣﺐ
ﻭﺍﻟﻜﻮﻥ ﺍﻟﻜﺒﻴﺮ ﻣﺴﺮﺡ
ﻟﻮﻥ ﻭﺍﻗﻊ ﺍﻳﺎﻣﻚ
ﺑﺤﺮ ﻣﻦ ﺭﻳﺪ ﻭﻓﻴﻮ ﺍﺳﺒﺢ
ﻓﻜﺮ ﺍﻧﻮ ﻓﻲ ﺍﻟﻤﺠﻬﻮﻝ
ﺭﺍﺟﻴﻚ ﺍﻟﻔﺮﺡ ﻭﺍﻗﻒ
ﻣﺴﺘﻨﻴﻚ ﻭﻣﺘﺎﻣﻞ
ﻳﺎﺭﻳﺘﻚ ﺗﻜﻮﻥ ﺷﺎﻳﻒ
ﻛﻮﻥ ﻭﺍﺛﻖ ﻭﺍﻭﻋﻲ ﺗﻜﻮﻥ
ﻣﺘﺮﺩﺩ ﻭﻻ ﺧﺎﻳﻒ
ﺻﺪﺩﻕ ﺍﻧﻮ ﺍﻟﻠﻪ ﻛﺮﻳﻢ
ﻭﺑﻲ ﺍﻟﺤﺎﻝ ﺍﻟﻌﻠﻴﻚ ﻋﺎﺭﻑ
ﻓﻜﺮ ﻓﻲ ﺍﻟﺴﻌﺎﺩﺓ ﻭﻛﻮﻥ
ﺯﻭﻝ ﺿﺤﻜﺎﺗﻮ ﻣﻨﺸﺮﺣﺔ
ﻭﺧﻠﻴﻚ ﺯﻱ ﺣﺒﻴﺐ ﺳﺎﻛﻨﺔ
ﻓﻲ ﺍﻋﻤﺎﻗﻮ ﺑﺖ ﺳﻤﺤﺔ
ﻓﻲ ﺟﻮﺍﻫﺎ ﺷﺎﻳﻼ ﺍﻟﺮﻳﺪ
ﻭﺑﺎﻳﻦ ﻓﻴﻬﺎ ﻣﻦ ﻟﻤﺤﺔ
ﻻﺑﺴﺔ ﻣﻦ ﺍﻷﻣﻞ ﻓﺴﺘﺎﻥ
ﻭﻻﻓﺔ ﻣﻦ ﺍﻟﻔﺮﺡ ﻃﺮﺣﺔ
ﻓﻜﺮ ﻓﻲ ﺟﻤﺎﻝ ﺍﻟﻜﻮﻥ
ﻭﻗﻮﻝ ﺍﻟﺠﺎﻱ ﺍﻛﻴﺪ ﺍﺣﻼ
ﻟﻮ ﺻﻌﺒﺖ ﻋﻠﻴﻚ ﺍﻟﻠﻴﻠﺔ
ﺑﻜﺮﺓ ﻭﺑﻌﺪﻭ ﺭﺍﺡ ﺗﺤﻼ
ﺍﻟﻘﺎﺳﻴﺔ ﺑﺘﻬﻮﻥ ﺑﺎﻟﺤﺐ
ﻭﺑﺎﻟﺤﺐ ﺍﻟﺼﻌﺐ ﺑﺤﻼ
ﺟﺎﻳﺎﻙ ﺍﻟﺴﻌﺎﺩﺓ ﻗﺮﻳﺐ
ﺭﻭﻕ ﺑﺲ ﻛﺪﺓ ﻭﺍﺣﻠﻰ
ﻓﻜﺮ ﺑﺎﻟﻔﺮﺡ ﻭﺍﺭﻗﺺ
ﻭﻏﻨﻲ ﻭﺍﻧﺸﺮﺡ ﻭﺍﻧﺪﺍﺡ
ﻭﻣﺎﺗﻬﺘﻢ ﻭﺗﻔﻜﺮ
ﺭﻭﻭﻕ ﻭﺍﻧﺴﺠﻢ ﻭﺍﺭﺗﺎﺡ
ﻣﻬﻤﺎ ﺍﻟﻠﻴﻞ ﻋﻠﻴﻚ ﺿﻠﻠﻢ
ﺭﺍﺟﻴﻚ ﺑﻜﺮﺓ ﺍﺣﻠﻲ ﺻﺒﺎﺡ
ﻭﻛﻞ ﻣﺼﻴﺒﺔ ﻟﻴﻬﺎ ﺣﻠﻞ
ﻭﺿﻲ ﻧﻮﺭ ﺍﻷﻣﻞ ﻣﻔﺘﺎﺡ
ﻓﻜﺮ ﺑﺎﻟﻔﺮﺡ ﺣﻴﺠﻴﻚ
ﻟﻮ ﺑﻴﻨﻚ ﻭﺑﻴﻨﻮ ﺑﻼﺩ
ﺑﻌﺪ ﺍﻟﻀﻴﻘﺔ ﺟﺎﻱ ﻓﺮﺝ
ﻭﺑﻌﺪ ﺍﻟﺤﺮﺙ ﺟﺎﻱ ﺣﺼﺎﺩ
ﻭﻣﻬﻤﺎ ﺗﻀﻠﻢ ﺍﻳﺎﻣﻨﺎ
ﻭﻣﺎﻧﺸﻮﻑ ﻓﻴﻬﺎ ﺍﻻ ﺳﻮﺍﺩ
ﺍﻛﻴﺪ ﺑﺎﻟﻔﺮﺣﺔ ﻣﻮﻋﻮﺩﻳﻦ
ﻭﻟﻴﻨﺎ ﻣﻊ ﺍﻟﻔﺮﺡ ﻣﻴﻌﺎﺩ

ﻟﻤﺎ ﺗﻘﺼﺪ ﺯﻭﻝ ﺗﺤﺎﺻﺮﻭ '
ﻋﺸﺎﻥ ﻳﺤﺒﻚ ﻏﺼﺐ ﻋﻨﻮ '
ﻭﺗﺒﺪﺃ ﺗﻨﺸﺮ ﻭﻫﻢ ﻛﺎﻣﻞ '
ﺇﻧﻮ ﺑﺮﺗﺎﺡ ﻟﻴﻚ ﻭﺇﻧﻮ '
ﻭﺇﻧﺖ ﻋﺎﺭﻑ ﻋﻴﻮﻧﻮ '
ﻭﺍﺿﺤﻪ ﻟﻤﺎ ﺗﺒﻌﺪ ﻣﺎ ﺑﺤﻨﻮ '
ﻭﺇﻻ ﺑﺲ ﺧﻄﺄﻭ ﺍﻵﺳﺎﺳﻲ
ﺍﻟﻤﺠﺎﻣﻠﻪ ﺑﻌﺾ ﻓﻨﻮ '
ﻭﺇﻣﻜﻦ ﺍﺩﺍﻙ ﺍﻟﻤﺴﺎﺣﺔ ..
ﻭﻛﺎﻥ ﺩﻱ ﻏﻠﻄﻪ ﻛﺒﻴﺮﻩ
- ﻣﻨﻮ -
ﺍﻧﺖ ﻣﺠﻨﻮﻥ ﻓﻲ ﻣﺸﺎﻋﺮﻙ '
ﻭﺇﻻ ﻫﻮ ﻣﺎ ﺑﺎﻳﻦ ﻟﻴﻚ ﺟﻨﻮ '
ﻭﺣﻘﻮ ﻣﺎ ﺗﺴﻤﻴﻬﺎ ﺭﻳﺪﺓ
ﻭﻗﺼﻪ ﺑﻴﻦ ﺍﺗﻨﻴﻦ ﻹﻧﻮ "
ﺍﻧﺖ ﻋﺸﺖ ﺑﺮﺍﻙ ﺣﻜﺎﻳﺘﻚ '
| ﺍﻣﺎ ﺯﻭﻟﻚ ﻣﺎ ﺃﻇﻨﻮ |
ﻟﻤﺎ ﺗﺸﻜﻲ ﺗﻘﻮﻝ ﺧﺬﻟﻨﻲ
ﻳﺒﻘﻲ ﻋﻨﺪﻙ ‏( ‏( ﻭﻋﺪ ‏) ‏) ! ﻣﻨﻮ '
ﻭﻳﺎﻣﺎ ﺯﻭﻝ ﻓﺼﻞ ﺧﺮﻳﻔﻮ
ﻋﻠﻲ ﺳﺤﺐ ﻣﺎ ﻣﺸﺘﻬﻨﻮ
ﻭﻳﺎﻣﺎ ﻧﺎﺱ ﺧﻠﻘﺖ ﻣﺂﺳﺊ
ﻭﺑﺎﻟﻮﻫﻢ ﻓﻲ ﺍﻟﺪﻧﻴﺎ " ﺟﻨﻮ

ﻛﺘﻴﺮ ﻳﺎﺭﻭﺣﻲ ﻣﺸﺘﺎﻕ ﻟﻴﻚ
ﺗﻐﻴﺐ ﻋﻦ ﻋﻴﻨﻲ ﻏﻴﺐ ﺍﻟﻠﻴﻞ
ﺗﻌﺎﻝ ﻳﺎ ﺭﻭﺣﻲ ﺳﻴﺐ ﻭﺃﺷﻴﻚ
ﺗﺠﻴﺐ ﻟﻲ ﺍﻟﺴﻌﺎﺩﺓ ﻭﺃﺟﻴﻴﻚ
ﺗﻌﺎﺍﺍﺍﻝ ﻗﻠﺒﻲ ﺍﻟﺪﻭﺍﻡ ﺣﺎﺑﻴﻚ
ﻣﺴﺎ ﻭﺻﺒﺎﺡ ﻳﻐﻨﻲ ﻋﻠﻴﻚ
ﺗﻌﺎﻝ ﻳﺎﺭﻭﺣﻲ ﻣﺸﺘﺎﻕ ﻟﻴﻚ
ﺗﻐﻴﺐ ﻋﻦ ﻋﻴﻨﻲ ﻏﻴﺐ ﺍﻟﻠﻴﻞ
ﺗﻌﺎﺍﺍﺍﺍﺍﺍﻝ ﺭﺟﻊ ﺻﺪﻱ ﺍﻟﺬﻛﺮﻱ
ﺗﻌﺎﺍﺍﻝ ﻟﻮ ﻣﺮﺓ ﻣﺨﺘﺼﺮﺓ
ﺗﻌﺎﺍﻝ ﺗﺠﺪ ﺍﻟﻘﻠﻮﺏ ﺃﺛﺎﺍﺭﻩ
ﻭﺗﺸﻮﻑ ﻗﻠﺒﻲ ﺍﻟﻤﻌﺬﺏ ﺑﻴﻚ
ﻛﺘﻴﺮ ﻳﺎﺭﻭﺣﻲ ﻣﺸﺘﺎﻕ ﻟﻴﻚ
ﺗﻐﻴﺐ ﻋﻦ ﻋﻴﻨﻲ ﻏﻴﺐ ﺍﻟﻠﻴﻞ
ﺗﻌﺎﻝ ﺃﻭﻋﻚ ﺗﻜﻮﻥ ﺟﺎﻓﻲ
ﺗﻌﺎﻝ ﻟﻲ ﺭﻳﺪﻙ ﺍﻟﺼﺎﻓﻲ
ﺗﻌﺎﻝ ﻳﺎﻟﻔﻲ ﺍﻟﻮﺟﻮﺩ ﻣﺎﻓﻲ
ﻭﺷﻮﻑ ﻗﻠﺒﻲ ﻭﺣﻨﺎﻧﻮ ﻋﻠﻴﻴﻴﻚ
ﻛﺘﻴﺮ ﻳﺎﺭﻭﺣﻲ ﻣﺸﺘﺎﻕ ﻟﻴﻚ
ﺗﻐﻴﺐ ﻋﻦ ﻋﻴﻨﻲ ﻏﻴﺐ ﺍﻟﻠﻴﻞ

تم الإرسال من خلال التطبيق Topic'it