الدايرنا بندورو و نعلي مكانو
و المابينا ما بنزل نفسنا عشانو
الدايرنا في الحوبات بنبقا اعوانو
و المابينا بنزل و ما بدوم طغيانو

الدايرنا من اخر الضمير بندورو
و المابينا يختانا و يعليو سورو
الدايرنا بي لهفة و محبه نزورو
و المابينا نختاو لو امير بقصورو

الدايرنا مهما يكون بنرفع قدرو
و المابينا بنزلو و نكسي القدرو
الدايرنا وقت احتاجنا ما بنغدرو
و المابينا خسران ديمه زايد كدرو

الدايرنا بينا تلقا واحدة الحاله
والمابينا في عيونا بنعدو زباله
الدايرنا خوتو بالنفيس نسعاله
و المابينا نتكبر علي و نتعاله

الدايرنا نفرح و ننبسط لي لقاهو
و المااابينا ناباو لو دوانا معاهو
للدايرنا كالغيم المطير في سماهو
و للمابينا سم يهرد عضاو وحشاهو

الدايرنا في الشين و العديل بنسدو
و المابينا بنعاديهو نضعف زندو
الدااا يرنا وااااحد البنملكو عندو
والمابينا نهزمو بي عتادو و جندو

الدايرنا بسلم لي جرحو نشافي
والمابينا بنعكر مزاجو الصافي
الدايرنا لي قربو بنسوي المافي
والمابينا نجزرو جزر الشجر سيافي

والكلام يطول في الدايرنا والمابينا لكن نكتفي بهذا القدر وشكرا علي المتابع