ﻗﺒﻞ ﻣﺎ ﺗﻨﺎﺩﻳﻨﺎ ﺟﻴﻨﺎ .. ﻭ ﻗﺒﻞ ﻣﺎ ﺗﻘﻮﻝ ﻳﺎ .. ﺳﻤﻌﻨﺎ
ﻭ ﻗﺒﻞ ﻣﺎ ﺗﻄﻠﺐ ﻧﻨﻔﺬ .. ﻭ ﻗﺒﻞ ﻣﺎ ﺗﺄﻣﺮ ﺃﻃﻌﻨﺎ
................
ﻧﺤﻦ ﻧﺒﻨﻴﻚ ﻳﺎ ﺑﻠﺪﻧﺎ .. ﺑﺎﻟﺘﻜﺎﺗﻒ ﻃﻮﺑﺔ ﻃﻮﺑﺔ
ﻧﺤﻦ ﻧﻤﺸﻴﻚ ﺧﻄﻮﺓ ﺧﻄﻮﺓ .. ﻳﺎ ﺑﻠﺪ ﺳﻤﺤﺎﺕ ﺩﺭﻭﺑﺎ
ﻧﺤﻦ ﻧﺎﺱ ﺗﻬﺪﻳﻚ ﺣﻴﺎﺗﺎ .. ﻭ ﺑﻲ ﻫﻮﺍﻙ ﻓﺎﺿﺖ ﻗﻠﻮﺑﺎ
ﻭ ﺍﻷﻣﻞ ﺟﻮﺍﻧﺎ ﺃﻛﺒﺮ .. ﻣﻦ ﺗﻬﺪّﻧﺎ ﻳﻮﻡ ﺻﻌﻮﺑﺔ
..........................................
ﻗﺒﻞ ﻣﺎ ﺗﻨﺎﺩﻳﻨﺎ ﺟﻴﻨﺎ .. ﻭ ﻗﺒﻞ ﻣﺎ ﺗﻘﻮﻝ ﻳﺎ .. ﺳﻤﻌﻨﺎ
ﻭ ﻗﺒﻞ ﻣﺎ ﺗﻄﻠﺐ ﻧﻨﻔﺬ .. ﻭ ﻗﺒﻞ ﻣﺎ ﺗﺄﻣﺮ ﺃﻃﻌﻨﺎ
..............................
ﺍﻟﻘﻮﻣﺔ ﻟﻠﺴﻮﺩﺍﻥ ﺩﻱ ﻓﺮﺻﺔ ﻋﺸﺎﻥ ﻧﻌﺒِّﺮ ﻟﻴﻬﻮ ﺑﻴﻬﺎ
ﻋﻦ ﻣﺸﺎﻋﺮ ﺷﻌﺐ ﻛﺎﻣﻞ .. ﻭ ﺣﻖ ﺑﻠﺪﻧﺎ ﻋﻠﻴﻨﺎ ﻟﻴﻬﺎ
ﺍﻟﺒﻼﺩ ﺍﻟﻔﻴﻬﺎ ﺭﻭﺣﻨﺎ .. ﻣﺴﺘﺤﻴﻞ ﻧﺒﺨﻞ ﻋﻠﻴﻬﺎ
ﺍﻟﺸﻮﺍﺭﻉ ﻓﻴﻬﺎ ﺻﻮﺗﻨﺎ .. ﻭ ﺍﻟﺒﻴﻮﺕ ﺭﻳﺤﺘﻨﺎ ﻓﻴﻬﺎ
........................
ﻗﺒﻞ ﻣﺎ ﺗﻨﺎﺩﻳﻨﺎ ﺟﻴﻨﺎ .. ﻭ ﻗﺒﻞ ﻣﺎ ﺗﻘﻮﻝ ﻳﺎ .. ﺳﻤﻌﻨﺎ
ﻭ ﻗﺒﻞ ﻣﺎ ﺗﻄﻠﺐ ﻧﻨﻔﺬ .. ﻭ ﻗﺒﻞ ﻣﺎ ﺗﺄﻣﺮ ﺃﻃﻌﻨﺎ
ﻣﺤﻤﻮﺩ ﺍﻟﺠﻴﻠﻲ

ﺃﻳﻮﺓ ﺑﺨﻮﻧﻚ
ﺃﻧﺎ ﻛﺬﺑﺖ ﻋﻠﻴﻚ ﻳﺎ ﻏﺎﻟﻴﺔ
ﺃﻧﺎ ﻳﻮﻣﺎﺗﻰ ﺣﺒﻴﺒﺘﻰ ﺑﺨﻮﻧﻚ
ﻟﻤﺎ ﺗﻐﻴﺒﻲ ﺑﻐﺎﺯﻝ ﻃﻴﻔﻚ
ﻭﻟﻤﺎ ﺗﺠﻴﻨﻰ ﺑﺪﻭﺏ ﻓﻲ ﻋﻴﻮﻧﻚ
ﺃﻳﻮﺓ ﺑﺨﻮﻧﻚ ﻣﻊ ﺑﺴﻤﺎﺗﻚ
ﻣﻊ ﺭﺻﺎﺕ ﺍﻟﺪﺭ ﻓﻲ ﺳﻨﻮﻧﻚ
ﺃﻳﻮﺓ ﺑﺨﻮﻧﻚ ﺑﻴﻚ ﻭﺑﻼﻛﻲ
ﻭﺁﺳﻒ ﺟﺪﺍً ﺇﻧﻰ ﺑﺨﻮﻧﻚ
ﺃﻳﻮﺓ ﺑﺨﻮﻧﻚ ﺑﻴﻨﻰ ﻭﺑﻴﻨﻚ
ﻭﻟﻤﺎ ﺗﻜﻮﻧﻲ ﺑﻌﻴﺪﺓ ﻭﺳﺎﺭﺣﺔ
ﺃﻳﻮﺓ ﺑﺨﻮﻧﻚ ﻣﻊ ﺧﺼﻼﺗﻚ
ﻭﺷﻌﺮﻙ ﻣﻮﺟﺔ ﻟﻴﻠﻲ ﺍﻟﻄﺎﻣﺤﺔ
ﺃﻳﻮﺓ ﺑﺨﻮﻧﻚ ﻭﺇﻧﺘﻰ ﻗﻮﺍﻣﻚ
ﻫﺪ ﻗﻮﺍﻡ ﺍﻟﻤﻬﺮﺓ ﺍﻟﺠﺎﻣﺤﺔ
ﺃﻳﻮﺓ ﺑﺨﻮﻧﻚ ﻭﻋﺎﺭﻑ ﺇﻧﻚ
ﻃﻴﺒﺔ ﻭﺇﻧﻚ ﺩﻳﻤﺔ ﻣﺴﺎﻣﺤﺔ
ﺃﻧﺎ ﻟﻮ ﺧﻨﺘﻚ ﻣﻊ ﺯﻭﻝ ﻏﻴﺮﻙ
ﺇﻻّ ﺃﻛﻮﻥ ﺃﻧﺎ ﻭﺍﺣﺪ ﻏﻴﺮﻱ
ﻭﺇﻻّﻳﻜﻮﻥ ﺍﻟﻘﻠﺐ ﺇﺗﺒﺪﻝ
ﻭﻓﻜﺮﻱ ﺇﺗﻐﻴﺮ ﻣﻦ ﺗﻔﻜﻴﺮﻱ
ﻭﺇﻻّ ﻳﻜﻮﻥ ﺍﻟﺰﻣﻦ ﺇﺗﺤﻮﻝ
ﻭﺇﻻّ ﺃﻛﻮﻥ ﻣﻮّﺕ ﺿﻤﻴﺮﻱ
ﺃﻧﺎ ﻟﻮ ﺧﻨﺘﻚ ﻣﻊ ﻧﻈﺮﺍﺗﻚ
ﻣﺎ ﻣﻦ ﺣﻘﻚ ﺇﻧﻮ ﺗﻐﻴﺮﻱ
ﻣﺤﻤﻮﺩ ﺍﻟﺠﻴﻠﻲ

ﻧﻘﺎﻁ ﺍﻟﺰﻳﺮ
ﻭﻟﺤﺎﻑ ﻣﻬﺮﻭﺩ
ﻣﺎﺗﺎﻣﻲ ﺳﺮﻳﺮ
... ﻭﺍﻟﺤﻮﺵ ﻭﺳﺨﺎﻥ
ﺑﻼﻋﺔ ﺍﻟﺒﻴﺖ
ﺟﺮﻛﺎﻧﺔ ﺍﻟﺰﻳﺖ
ﻛﺴﺎﺭ ﺍﻟﻄﻮﺏ
ﻓﺮﺩﺓ ﻣﺮﻛﻮﺏ
ﺷﺠﺮﺓ ﻻﻟﻮﺏ
ﺷﺎﻓﻊ ﺳﺮﺣﺎﻥ
ﻣﻠﻴﺎﻥ ﺑﺎﻟﺠﻴﺮ
ﻭﻳﻘﻮﺩ ﺍﻟﻨﺎﺭ
ﺑﺎﻗﺔ ﺍﻟﻜﺮﻛﺎﺭ
ﺩﺧﺎﻥ ﺍﻟﺼﺎﺝ
ﺻﻮﺕ ﺍﻟﺤﺠﺎﺝ
ﺑﺎﺏ ﺍﻟﻨﻔﺎﺝ
ﺃﻭﻻﺩ ﻋﻤﻚ
ﺭﺍﻗﺪﻳﻦ ﺑﻲ ﺟﺎﻱ
ﻣﻬﺪﻭﺩﻳﻦ ﺣﻴﻞ
ﺷﺎﻳﻠﻴﻦ ﺍﻟﻠﻴﻞ
ﺍﺣﻼﻡ ﻋﺸﻤﺎﻥ
ﺭﻳﺤﺔ ﺍﻟﺒﻠﺪﺍﺕ
ﺿﺮﻋﺎﺕ ﺟﻨﻴﺎﺕ
ﻣﻴﺮﺍﺙ ﺍﺑﻮﺍﺕ
ﻭﻋﺼﺎﻳﺔ ﺯﺍﻥ
ﺻﻮﺕ ﺍﻷﺫﺍﻥ
ﻣﻮﻳﺔ ﺍﻻﺑﺮﻳﻖ
ﺷﻮﻑ ﻟﻴﻨﺎ ﻃﺮﻳﻖ
ﺧﺘﻴﻨﺎ ﺍﻟﻨﻲ
ﺧﺘﻴﻨﺎ ﺍﻟﻀﻴﻖ
ﺍﺩﻳﻨﺎ ﻭﺳﺎﻉ
ﻭﻛﻼﺏ ﺍﻟﺤﻲ
ﻣﺎﻛﻨﺎﺕ ﻭﻣﻨﺎﻉ
ﻣﺎﻧﻌﺎﺕ ﺍﻟﻀﻲ
ﻭﺍﻟﺤﺎﻝ ﺑﻄﺎﻝ
ﺍﺩﻳﻨﺎ ﺭﻳﺎﻝ
ﺭﺍﺟﻴﺎﻧﺎ ﻋﻴﺎﻝ
ﻭﺣﺒﺎﻝ ﻓﻲ ﺣﺒﺎﻝ
ﻣﺎﻟﻴﻬﺎ ﺣﺪﻭﺩ
ﻭﻃﺮﻳﻖ ﻣﺴﺪﻭﺩ
ﻭﺍﻟﺠﻴﺐ ﻣﻘﺪﻭﺩ
ﻭﺍﻟﻮﺩ ﻣﻴﺮﻭ
ﺣﻖ ﺍﻟﺪﻛﺘﻮﺭ
ﻭﺍﻟﺼﻒ ﻭﺍﻟﺪﻭﺭ
ﻭﺍﺑﻮﻫﻮ ﻣﻌﺎﺵ
ﻣﺎﻑ ﺣﺎﺟﻪ ﺑﻼﺵ
ﺳﻴﺪ ﺍﻟﺪﻛﺎﻥ
ﻣﻤﻨﻮﻉ ﺍﻟﺪﻳﻦ
ﺟﺎﺯ ﺍﻟﺒﺎﺑﻮﺭ
ﺳﻠﻚ ﺍﻟﻠﻤﺎﻉ
ﻃﻌﻤﻴﻪ ﻓﻄﻮﺭ
ﻭﺭﺳﻮﻡ ﻭﻫﻤﻮﻡ
ﻭﻏﺒﺎﺭ ﻭﺳﻤﻮﻡ
ﺍﻡ ﺍﻷﻭﻻﺩ
ﻣﺎﺿﺎﻗﺖ ﺍﻟﻨﻮﻡ
ﻭﻻﺣﺘﻲ ﺭﻗﺎﺩ
ﺗﻌﺒﺎﻧﻪ ﺧﻼﺹ
ﻣﻠﺖ ﺍﻟﺒﺮﻣﻴﻞ
ﻭﻧﻬﺎﺭﻩ ﻏﺴﻴﻞ
ﺣﻔﻈﺖ ﺍﻟﺒﺖ
ﺳﻮﺭﺓ ﺍﻹﺧﻼﺹ
ﺑﻲ ﻭﺟﻊ ﺍﻟﺮﺍﺱ
ﺭﻗﺪﺕ ﺑﺎﻟﺘﻮﺏ
ﻣﺎﻗﺎﻟﺖ ﺍﻟﺮﻭﺏ
ﻛﻮﺭﺍﻙ ﺍﻟﺪﻳﻚ
ﻣﺴﺘﻮﺭﻩ ﻫﺪﻳﻚ
ﺟﻬﺰﺕ ﺍﻟﺸﺎﻱ
ﺭﺑﻚ ﻫﺎﺩﻳﻚ
ﻣﺎﺑﻔﻜﻚ ﺳﺎﻱ
ﻻﺑﺪ ﺇﺩﻳﻚ
ﻣﻦ ﺑﻌﺪ ﺍﻟﻀﻴﻖ
ﻭﺍﻧﺎ ﻛﻨﺖ ﻏﺮﻳﻖ
ﻣﺎﻻﻗﻲ ﺍﻟﻘﺶ
ﻭﻻ ﺣﺘﻲ ﺷﻬﻴﻖ
ﻳﺎﺍﻟﻮﺷﻮ ﻗﻤﺮ
ﻣﺎﺑﺪﺳﻮ ﺍﻟﻐﻴﻢ
ﻭﺍﻧﺎ ﺣﺒﻲ ﻗﺪﻳﻢ
ﻭﺗﺘﺎﻭﻕ ﺍﻟﺒﺖ
ﺗﻤﻼﻧﻲ ﻛﻼﻡ
ﻭﻋﻴﻮﻧﺎ ﻋﻴﻮﻥ
ﻣﺎﻟﻴﺎﺕ ﺍﻟﻜﻮﻥ
ﺑﻲ ﺍﺟﻤﻞ ﻟﻮﻥ
ﻣﺮﺷﻮﺡ ﺟﻮﺍﻱ
ﻳﺎﻫﻤﺲ ﺍﻟﺮﻳﺪ
ﻳﺎﺳﺮ ﻣﻐﻨﺎﻱ
ﺑﻘﺮﺍﻙ ﻓﻲ ﺍﻟﻨﻢ
ﺳﺎﻣﻌﻚ ﺷﺎﺷﺎﻱ
ﻋﻄﺮﻙ ﻳﻨﺸﻢ
ﺑﺤﺮﻙ ﻭﺩﺍﻱ
ﺍﻟﻨﺎﺱ ﺑﺎﻟﻨﺎﺱ
ﻭﺍﻟﻜﻞ ﻟﻠﻔﻮﻕ
ﺑﻌﺪﻭﻧﻲ ﺑﻌﻴﺪ
ﻣﻦ ﺍﻟﻤﻌﺸﻮﻕ
ﻏﺮﺑﺎﻭﻱ ﺑﻘﻴﺖ
ﺭﺳﻤﻮﻫﺎ ﺷﺮﻭﻕ
ﻭﺍﻧﺎ ﺑﻴﻦ ﺇﺗﻨﻴﻦ
ﺑﺎﻟﻈﻦ ﻣﺨﻨﻮﻕ
ﺑﻴﻦ ﺇﻧﻚ ﻟﻲ
ﺍﻡ ﺇﻧﻚ ﻓﻮﻕ
ﻋﺴﻤﻨﻲ ﺍﻟﺮﻳﺪ
ﻳﺎﺳﺖ ﺍﻟﺰﻭﻕ
ﻳﺎﺿﻞ ﻣﻔﺮﻭﺵ
ﺟﻮﺍﺕ ﺍﻟﺤﻮﺵ
ﻣﻘﺸﻮﺵ ﻭﻧﻀﻴﻒ
ﻣﻦ ﻗﻮﻝ ﺍﻟﺰﻳﻒ
ﻣﺮﺷﻮﺵ ﺑﻲ ﻣﻮﻳﺔ ﺭﻳﺪ ﻭﺣﻨﺎﻥ
ﻭﺍﻟﺒﻦ ﻓﻲ ﺍﻟﻨﺎﺭ
ﻭﺗﻬﺐ ﺭﻳﺤﺘﻚ
ﻭﺍﻧﺎ ﺭﺍﺳﻲ ﻳﺪﻭﺵ
ﻣﺘﻘﺮﻳﻒ ﻟﻴﻚ
ﻭﺍﻟﻤﻄﺮﻩ ﺑﺪﺕ
ﻓﻲ ﺩﺍﻙ ﺍﻟﺤﻮﺵ
ﺍﻟﻤﺎﻣﻌﺮﻭﺵ
ﺳﺎﻓﺮ ﻳﺎﻧﺎﺱ
ﺍﻧﺎ ﺍﻟﻘﺎﻭ ﻛﻴﻒ
ﺭﺳﻠﺖ ﻛﺘﻴﺮ
ﺃﺷﻮﺍﻕ ﻭﺳﻼﻡ
ﻭﺣﺮﻭﻓﻲ ﺗﻄﻴﺮ
ﻣﺮﺳﺎﻟﻲ ﺣﻤﺎﻡ
ﻭﺃﻗﻮﻝ ﻻﺑﺪ
ﻳﺒﻌﺖ ﻻﺑﺪ
ﻟﻜﻨﻮ ﻫﻨﺎﻙ
ﻻ ﺑﺼﺪ ﻻ ﺑﺮﺩ
ﺷﻠﻬﺘﻨﻲ ﻣﻌﺎﻭ
ﻟﻲ ﺁﺧﺮ ﺣﺪ
ﺣﺪﺍﺩﻱ ﻫﻮﺍﻙ
ﻣﺪﺍﺩﻱ ﺍﻟﻤﺪ
ﻳﺎﺥ ﻣﺸﺘﺎﻕ ﻟﻴﻚ
ﻃﻤﻨﻲ ﻋﻠﻲ
ﻟﻮ ﻛﺖ ﻣﺎﺟﺎﻱ
ﺭﺳﻞ ﻋﻴﻨﻴﻚ
ﻓﺠﺄﺓ ﺍﻟﻨﺒﺎﻩ
ﻭﺍﻧﺎ ﻟﻴﻠﻲ ﻃﻮﻳﻞ
ﻣﺘﻌﺸﻲ ﺟﺮﺍﺡ
ﻟﻤﻠﻤﺖ ﺍﺳﺎﻱ
ﺟﺎﺑﻠﺪﺕ ﺍﻵﻩ
ﺷﻬﺪﺕ ﻧﺠﻮﻡ
ﻭﺣﺪﺕ ﺍﻟﻠﻪ
ﻭﺃﺧﻴﺮﺁ ﻋﺎﺩ
ﻛﺎﻥ ﺷﺎﻳﻠﻮ ﺑﻌﺎﺩ
ﻭﺃﺧﻴﺮﺁ ﻋﺎﺩ
ﻭﺍﻧﺎ ﻋﺎﺩ ﻳﺎﻧﺎﺱ
ﺍﻓﺮﺍﺣﻲ ﻛﺤﻞ
ﻭﺍﻟﺮﻳﺪ ﻣﺮﻭﺍﺩ
ﻭﺟﺮﻳﺖ ﺍﻟﻘﺎﻭ
ﺳﺎﺑﻘﻨﻲ ﻫﻮﺍﻭ
ﻭﻟﺴﻮﺀ ﺍﻟﺤﻆ
ﻻﺣﻈﺖ ﺍﻟﻠﻮﻥ
ﻣﺎ ﻟﻮﻥ ﺍﻟﻌﻴﻦ
ﻭﺇﺣﺴﺎﺱ ﻣﻤﺤﻮﻕ
ﻣﺎﻓﻴﻬﻮ ﺣﻨﻴﻦ
ﺯﻱ ﺍﻟﻤﺴﺤﻮﺭ
ﺍﻭ ﻃﺎﻗﺸﺎﻭ ﻋﻴﻦ
ﻭﺍﻟﺪﻧﻴﺎ ﺗﺪﻭﺭ
ﻭﻗﻠﺐ ﻣﻜﺴﻮﺭ
ﻭﻣﺮﺍﻳﺔ ﺍﻟﻈﻦ
ﻣﺎ ﺑﺘﻌﻜﺲ ﻧﻮﺭ
.
.
ﻣﺤﻤﻮﺩ ﺍﻟﺠﻴﻠﻲ

ﻗﺼﻴﺪﺓ ﻭﺍﻟﺮﺩ ﻋﻠﻴﻬﺎ ﻗﻤﺔ ﻓﻲ ﺍﻟﺮﻭﻋﺔ
ﺍﻟﺸﺎﻋﺮ ﻣﺤﻤﻮﺩ ﺍﻟﺠﻴﻠﻲ ﻳﻌﺘﺬﺭ ﻭﺍﻟﺸﺎﻋﺮﺓ ﺳﻠﻤﻲ ﺍﻟﺤﺴﻦ ﺗﺮﺩ ﻋﻠﻴﻪ ﻳﺎﺗﺮﻱ ﺡ ﺗﻘﺒﻞ
ﺍﻋﺘﺬﺍﺭﻩ ﻭﻻ ﻻ؟؟؟
ﺍﻋﺘﺬﺍﺭ
ﻣﺤﻤﻮﺩ ﺍﻟﺠﻴﻠﻲ ﻗﺎﻝ :
ﻟﺴﻪ ﻧﺪﻣﺎﻥ ﻣﻦ ﻓﺮﺍﻗﻚ .. ﻭ ﻛﺎﻥ ﺃﻛﻴﺪ ﻣﺎ ﺑﺎﺧﺘﻴﺎﺭﻱ
ﻭ ﺟﺮﺣﻲ ﻟﻴﻚ ﻳﺎ ﻏﺎﻟﻲ ﻋﺎﺭﻓﻮ .. ﻭ ﻋﻤﺮﻱ ﻣﺎ ﺑﻘﺪﺭ ﺃﺩﺍﺭﻱ
ﻟﻮ ﺳﻨﻴﻦ ﺍﻟﻌﻤﺮ ﺭﺍﺣﺖ .. ﻟﺴﻪ ﻋﺎﺋﺶ ﺟﻮﻩ ﻧﺎﺭﻱ
ﻫﺴﻪ ﻟﻮ ﺟﻴﺖ ﻭ ﺃﻋﺘﺬﺭﺕ .. ﻫﻞ ﺑﺘﻘﺒﻞ ﺇﻋﺘﺬﺍﺭﻱ ؟؟؟؟ !
.........
ﻫﻞ ﺑﺘﻐﻔﺮ ﻟﻲ ﻋﺬﺍﺑﻚ .. ﻭ ﺍﻟﺠﺮﺍﺣﺎﺕ ﻭ ﺍﻷﺳﻴﺔ
ﻭ ﻫﻞ ﺑﺘﻤﺴﺢ ﻟﺤﻈﺔ ﻓﻴﻬﺎ .. ﺿﻘﺖ ﺑﻲ ﺳﺒﺒﻲ ﺍﻷﺫﻳﺔ
ﻭﻻ ﻣﺎ ﺑﺘﻨﻔﻊ ﺩﻣﻮﻋﻲ .. ﻭﻻ ﺑﺘﺸﻔﻊ ﺃﺻﻠﻮ ﻟﻲ
ﻭ ﺍﻟﺠﺮﺍﺡ ﺭﻏﻢ ﺍﻋﺘﺬﺍﺭﻱ .. ﻟﺴﻪ ﻳﺎ ﻣﺤﺒﻮﺑﻲ ﻫﻲ
..........
ﺭﻏﻢ ﺇﻧﻚ ﻫﺴﻪ ﻓﺎﻫﻢ .. ﺇﻧﻲ ﺑﻌﺘﻚ ﻭ ﻛﻨﺖ ﻣﻠﻜﻲ
ﻭ ﺇﻧﻲ ﻋﺎﻳﺶ ﺩﻧﻴﺎ ﺣﻠﻮﺓ .. ﻭ ﺇﻧﺖ ﻟﻠﻨﺠﻤﺎﺕ ﺑﺘﺸﻜﻲ
ﻋﺎﻭﺯ ﺃﻗﻮﻝ ﻟﻴﻚ ﻳﺎ ﺣﺒﻴﺒﻲ .. ﻛﻞ ﻳﻮﻡ ﺍﻧﺎ ﻋﻨﻚ ﺃﺣﻜﻲ
ﻭ ﺃﻋﺘﺬﺭ ﻟﻲ ﻃﻴﻒ ﺧﻴﺎﻟﻚ .. ﻭ ﺃﺣﺮﺱ ﺍﻟﻨﺠﻤﺎﺕ ﻭ ﺃﺑﻜﻲ
.........
ﻟﺴﻪ ﻧﺪﻣﺎﻥ ﻣﻦ ﻓﺮﺍﻗﻚ .. ﻭ ﻛﺎﻥ ﺃﻛﻴﺪ ﻣﺎ ﺑﺎﺧﺘﻴﺎﺭﻱ
ﻭ ﺟﺮﺣﻲ ﻟﻴﻚ ﻳﺎ ﻏﺎﻟﻲ ﻋﺎﺭﻓﻮ .. ﻭ ﻋﻤﺮﻱ ﻣﺎ ﺑﻘﺪﺭ ﺃﺩﺍﺭﻱ
ﻟﻮ ﺳﻨﻴﻦ ﺍﻟﻌﻤﺮ ﺭﺍﺣﺖ .. ﻟﺴﻪ ﻋﺎﺋﺶ ﺟﻮﻩ ﻧﺎﺭﻱ
ﻫﺴﻪ ﻟﻮ ﺟﻴﺖ ﻭ ﺃﻋﺘﺬﺭﺕ .. ﻫﻞ ﺑﺘﻘﺒﻞ ﺇﻋﺘﺬﺍﺭﻱ ؟؟؟؟ !
____
ﺭﺩ ﺍﻟﺸﺎﻋﺮﺓ ﺳﻠﻤﻲ ﺍﻟﺤﺴﻦ
ﺍﻋﺘﺬﺍﺭ ﻣﺎ ﻋﻨﺪﻭ ﻣﻌﻨﻰ ﻭﺑﻌﺪ ﺃﻳﻪ ﺟﺎﻱ ﺗﻌﺘﺬﺭ؟ !
ﺟﺎﻱ ﺗﻘﻮﻝ ﺍﻧﻚ ﻧﺪﻣﺖ ﻭﺗﺮﻣﻲ ﻟﻮﻣﻚ ﻓﻲ ﺍﻟﻘَﺪَﺭ
ﺑﻌﺪﻣﺎ ﻋﺬّﺑﺖ ﻗﻠﺒﻲ ﻭﺳﺒﺘﻮ ﻓﻲ ﺍﻟﻨﺎﺭ ﻭﺍﻟﺠﻤﺮ
ﺍﻧﺖ ﺍﺧﺘﺮﺕ ﺍﻟﻨﻬﺎﻳﺔ ،، ﻭﺍﻟﻠﻪ ﻳﻠﻬﻤﻨﻲ ﺍﻟﺼﺒﺮ
ﻛﻨﺖ ﻟﻴﻚ ﻃﻴﻠﺔ ﺣﻴﺎﺗﻲ ﻭﻣﺎ ﻗﺪﺭﺕ ﺃﺣﺐ ﺳﻮﺍﻙ
ﻛﻨﺖ ﺑﺘﺤﻤﻞ ﻋﻨﺎﺩﻙ ﻭﻃﺒﻌﻚ ﺍﻟﻘﺎﺳﻲ ﻭﺟﻔﺎﻙ
ﻭﺍﻧﺖ ﻣﻐﺮﻭﺭ ﺑﻲ ﻏﺮﺍﻣﻲ ﻭﺑﻲ ﺍﺣﺘﻤﺎﻟﻲ ﻋﻠﻰ ﺍﺫﺍﻙ
ﻭﺩﻳﻤﺔ ﻭﺍﺛﻖ ﻣﻬﻤﺎ ﺗﺒﻌﺪ ﺑﺮﺿﻲ ﺑﻔﻀﻞ ﻓﻲ ﺭﺟﺎﻙ
ﻛﻢ ﺳﻨﻴﻦ ﻣﺮﺕ ﻭﻋﺪﺕ ﻭﻛﻢ ﺩﻣﻮﻉ ﺍﺑﻜﻦ ﻋﻴﻨﻴﺎ
ﻭﺍﻧﺖ ﻋﺎﻳﺶ ﻓﻲ ﺣﻴﺎﺗﻚ ﻭﻓِﻲ ﻟﻴﺎﻟﻴﻚ ﺍﻟﻬﻨﻴﺔ
ﻻ ﻋﻄﻒ ﻓﻲ ﻣﺮﺓ ﻗﻠﺒﻚ ﻻ ﺷِﻔِﻖ ﻓﻲ ﻳﻮﻡ ﻋﻠﻴّﺎ
ﻭﻫﺴﻲ ﺟﺎﻱ ﻧﺪﻣﺎﻥ ﻭﺣﺎﻳﺮ ؟؟ﻳﺎﻫﻮ ﺑﺲ ﺷﺮ ﺍﻟﺒﻠﻴﺔ !!
ﻟﻤﻠﻢ ﺍﻻﻋﺬﺍﺭ ﻟﻨﻔﺴﻚ ﻣﺎ ﺑﻴﻔﻴﺪ ﺍﻻﻋﺘﺬﺍﺭ
ﻟﻲ ﻗﻠﺐ ﻣﺠﺮﻭﺡ ﻣﻌﺬﺏ ﻭﺑﻴﻨﻮ ﺑﻴﻨﻚ ﺑﺎﻗﻲ ﺗﺎﺭ
ﻣﻞّ ﻣﻨﻚ ﻭﻣﻦ ﻛﻼﻣﻚ ﻭﻣﻞّ ﻃﻮﻝ ﺍﻻﻧﺘﻈﺎﺭ
ﻗﻠﺐ ﺭﺍﻓﺾ ﻳﺴﻤﻊ ﺍﺳﻤﻚ ﻛﻴﻒ ﺣﻴﺘﻘﺒﻞ ﺣﻮﺍﺭ؟ !
ﻣﺎ ﺣﺄﻏﻔﺮ ﻭﻣﺎ ﺑﺴﺎﻣﺢ ﻻ ﺟﺮﺍﺣﻚ ﻻ ﺍﻷﻟﻢ
ﻣﻬﻤﺎ ﺗﺤﺰﻥ ﻭﻻ ﺗﺒﻜﻲ ﻭﻻ ﻳﻤﻼﻙ ﺍﻟﻨﺪﻡ
ﺍﻧﺖ ﺃﺳﺒﺎﺏ ﺍﻧﻜﺴﺎﺭﻱ ﻭﺍﻧﺖ ﻧﻮﺡ ﻭﺃﻧﻴﻦ ﻭ ﻫَﻢ
ﻭﺍﻋﺘﺬﺍﺭﻙ ﻣﺎ ﻗﺒﻠﺘﻮ ﻭﺍﻟﻠﻪ ﻣﻨﻚ ﻳﻨﺘﻘﻢ

ﻗﻠﻢ ﺍﻟﺮﺻﺎﺹ .. ﺃﻟﻢ ﺍﻟﺮﺻﺎﺹ
ﻗﻠﻢ ﺍﻟﻨﺎﺷﻒ .. ﺟﺮﺣﻚ ﻧﺎﺷﻒ
. ﻗﻠﻢ ﺍﻟﺴﺎﺋﻞ .. ﺩﻣﻚ ﺳﺎﺋﻞ ..
ﺃﻗﻼﻡ ﺁﻻﻡ
ﺍﺣﻼﻡ ﺗﻌﺒﺎﻧﺔ ﺗﻨﻘﻂ ﻋﺮﻕ
ﻭ ﺣﺮﻭﻑ ﺑﺘﻄﻮﻑ ﻓﻲ ﺳﺮ ﺍﻟﻮﺭﻕ
ﻗﻠﻢ ﺍﻟﺮﺻﺎﺹ
ﺃﻗﺪﻡ ﺻﺎﺣﺐ .. ﺍﺳﻨﺎﻧﻮ ﺗﻜﺴﺮ ﺳﻨﺔ ﺃﻭﻟﻰ
. ﺗﻈﻠﻴﻞ ﻭ ﻛﺘﺎﺑﺔ ﻋﻠﻰ ﺍﻟﻜﺮﺍﺱ .
ﻗﻠﻢ ﺍﻟﺮﺻﺎﺹ
. ﺃﻏﺮﺏ ﺿﺪﻳﻦ .. ﻓﻲ ﺩﻧﻴﺎ ﻛﺒﻴﺮﺓ ﻭ ﻣﺴﺆﻭﻟﺔ .
. ﺗﻀﻠﻴﻞ ﻭ ﺳﺤﺎﺑﺔ ﻋﻠﻰ ﺍﻹﺣﺴﺎﺱ
ﻗﻠﻢ ﺍﻟﺮﺻﺎﺹ
. ﻣﺤﺘﺎﺝ ﺇﺗﻨﻴﻦ .
. ﺑﺮﺍﻳﺔ ﺗﺰﻳﺪ ﺣﺪ ﺍﻟﺴﻨﺔ .. ﻭ ﺇﺳﺘﻴﻜﺔ ﻋﺸﺎﻥ ﻧﻤﺤﻰ ﺍﻟﻤﺤﻨﺔ .
. ﻣﺴﻜﻴﻨﺔ ﺣﺮﻭﻓﻚ ﻳﺎ ﺩﻧﻴﺎ .
. ﻳﺎ ﺩﻧﻴﺎ ﻣﺴﺎﻛﻴﻨﻚ ﻧﺤﻨﺎ
ﻗﻠﻢ ﺍﻟﻨﺎﺷﻒ
ﻗﻠﻢ ﺍﻟﻨﺎﺷﻒ .. ﺃﻟﻮﺍﻥ ﺗﺼﺤﻴﺢ
ﻓﻲ ﺟﻴﺐ ﺃﺳﺘﺎﺫ ﻭ ﺍﻟﺤﺼﺔ ﺩﺑﻞ ﻭ ﺍﻟﺮﻳﻖ ﻧﺎﺷﻒ
ﻗﻠﻢ ﺍﻟﻨﺎﺷﻒ ..
ﻋﺎﺭﻑ ﺍﺳﺮﺍﺭ ..
ﻭ ﺍﺧﺒﺎﺭ ﻓﻲ ﺃﺩﺭﺍﺝ ﺃﻱ ﻣﺪﻳﺮ .
. ﻛﺎﺷﻒ ﻭ ﺷﺎﻫﺪ ﺃﺳﺎﺳﻲ .
. ﻟﻲ ﺍﻱ ﻣﺨﺎﻟﻔﺔ ﺍﻭ ﺗﺰﻭﻳﺮ
ﻗﻠﻢ ﺍﻟﺴﺎﺋﻞ
ﻣﺠﻨﻮﻥ ﺑﺸﻬﺎﺩﺍﺕ ﺍﻟﺘﻘﺪﻳﺮ ..
ﺃﻟﻮﺍﻧﻮ ﺗﻔﺮﻕ ﺑﻴﻦ ﺍﻟﻄﺎﻟﺐ
ﻭ ﺑﻴﻦ ﺗﺼﺪﻳﻖ ﻣﻦ ﺃﻱ ﻭﺯﻳﺮ
ﺃﻗﻼﻡ ﺁﻻﻡ ﺃﺣﻼﻡ ﻭ ﻛﻼﻡ
ﺃﻗﻼﻡ ﺗﺴﺘﺨﺪﻡ ﻟﻺﻋﻼﻥ
ﻣﺎ ﻗﻠﻢ ﺍﻟﺸﻴﻨﻲ
ﺃﻗﻼﻡ ﺭﻳﺪﻙ
ﺃﻗﻼﻡ ﺑﺘﺸﺨﺒﺖ ﺟﻮﻩ ﻋﻴﻮﻧﻲ
ﺃﻗﻼﻡ ﺃﺷﻜﺎﻝ ﻭ ﺃﻧﻮﺍﻉ ﻭ ﺃﻓﻼﻡ
ﺃﻗﻼﻡ ﺃﺣﻜﺎﻡ ﻭ ﻗﻌﻮﺩ ﻭ ﻗﻴﺎﻡ
ﻟﻮ ﻛﺎﻥ ﻋﺎﺟﺒﻚ ﺳﺠﻞ ﺇﺳﻤﻚ
ﻛﺴﺮ ﻗﻠﻤﻚ ﻟﻮ ﻣﺎ ﻋﺎﺟﺐ
ﻗﻠﻤﻚ ﺃﻟﻤﻚ ﺻﻮﺗﻚ ﻏﺎﺋﺐ
ﻗﻠﻤﻚ ﻧﺪﻣﻚ ﻭ ﺷﻌﺮﻙ ﺷﺎﺋﺐ
ﻟﻜﻦ ﺃﻗﻼﻡ ﺍﻟﻜﻮﻥ ﺑﺘﻐﻴﺮ
ﻓﻲ ﻟﺤﻈﺔ ﺷﻮﻕ ﺧﺎﻧﺎ ﺍﻟﺘﻌﺒﻴﺮ
ﻭ ﺇﺗﻜﻠﻢ ﺑﺲ ﻗﻠﻢ ﺍﻟﺤﺎﺟﺐ

ﻳﻮﻡ ﺍﻟﻤﻐﺮﺑﻴﺔ
ﺑﻲ ﺃﺷﻮﺍﻗﻲ ﺣﺲ ..
ﺑﻲ ﻧﻈﺮﺍﺗﻮ ﺳﻠﻢ ..
ﻭ ﺑﻲ ﺑﺴﻤﺎﺗﻮ ﻣﺲ ..
ﻳﻮﻡ ﺍﻟﻤﻐﺮﺑﻴﺔ
ﺣﺪﻳﺜﻮ ﺣﻨﻴﻦ ﻭ ﻫﻤﺴﺔ ..
ﻣﻮﺳﻴﻘﻰ ﺇﺫﺍ ﺗﻜﻠﻢ ..
ﻫﻮﺍﻭ ﻟﻲ ﻗﻠﺒﻲ ﻣﺲ ..
ﻭ ﺷﻮﻗﻮ ﻛﺘﻴﺮ ﻋﻠﻲ
ﻭﻟﻮ ﻻﻗﻴﺘﻮ ﻫﺴﻪ ..
ﺯﻱ ﺍﻟﺒﺎﻥ ﻣﻘﺴﻢ ..
ﺑﻜﻮﻥ ﻣﺸﺘﺎﻗﻠﻮ ﻟﺴﻪ ..
ﻭ ﻛﻼﻣﻲ ﺍﻟﻔﻴﻮ ﺷﻮﻳﺔ
ﻭﻟﻮ ﺍﻟﻘﻠﺐ ﺩﺱ ..
ﻏﺮﺍﻣﺎً ﻟﻲ ﺃﻟّﻢ ..
ﺧﻔﺎﻫﻮ ﻋﻠﻲ ﺗﻘﺴّﻰ ..
ﻭﻇﺎﻫﺮ ﻓﻲ ﻋﻴﻨﻲ
ﺍﻟﻼﺩﻥ ﺟﺴﻴﻤﻮ ..
ﺍﻟﺮﺍﻗﻲ ﺍﻟﻤﻬﻨﺪﻡ ..
ﻳﺮﺩ ﺍﻟﺮﻭﺡ ﻧﺴﻴﻤﻮ ..
ﺧﻤﺎﺋﻞ ﻣﻮﺳﻤﻴﺔ
ﻣﺘﻴﻦ ﻳﺎ ﺭﺑﻲ ﻟﻴﻤﻮ ..
ﻭ ﻣﻦ ﻋﺰﺍﻟﻲ ﺃﺳﻠﻢ ..
ﻭ ﺃﻋﻴﺶ ﺩﻳﻤﺔ ﻑ ﻧﻌﻴﻤﻮ ..
ﺍﻟﻌﻴﺸﺔ ﺍﻟﻬﻨﻴﺔ
ﺭﺑﻲ ﻋﻠﻲ ﻳﺪﻳﻤﻮ ..
ﻳﺼﺪ ﻣﺮﺍﺕ ﻭ ﻳﺮﺣﻢ ..
ﺃﺧﻴﺮ ﻟﻲ ﻣﻦ ﺟﺤﻴﻤﻮ ..
ﻟﻮ ﺿﺎﻉ ﻣﻦ ﺇﻳﺪﻱّ
ﺟﺪﻳﺪ ﺭﻳﺪﻱ ﻭ ﻗﺪﻳﻤﻮ ..
ﻏﻴﺮ ﻋﻴﻨﻴﻮ ﺗﺤﺮّﻡ ..
ﻋﻘﺪ ﺍﻟﺪﺭ ﺑﺴﻴﻤﻮ ..
ﻭ ﺍﻟﻘﺎﻣﺔ ﺍﻟﻌﻠﻴﻪ
ﺍﻟﻮﺟﻨﺎﺕ ﻭﺣﺎﺗﻦ ..
ﻣﺮﺓ ﺇﺫﺍ ﺗﺒﺴّﻢ ..
ﻓﻲ ﺧﺪﻳﻮ ﺣﻼﺗﻦ ..
ﻭﻓﻲ ﻭﺭﻭﺩﻭ ﺍﻟﻨﺪﻳﺔ
ﻓﺘﺎﻙ ﺟﻴﺪﻭ ﻓﺎﺗﻦ ..
ﻣﺮﺿﻲ ﻭ ﻟﻲّ ﺑﻠﺴﻢ ..
ﻭ ﻋﻴﻨﻴﻮ ﻣﻦ ﺻﻔﺎﺗﻦ ..
ﺑﺘﺰﻳﺪ ﺍﻷﺳﻴﺔ
ﻭ ﻣﺎﻓﻴﺶ ﺣﺴﻦ ﻓﺎﺗﻦ ..
ﻗﺘﻠﻦ ﻗﻠﺒﻲ ﺑﺎﻟﻬﻢ ..
ﻭ ﺑﻲ ﺳﻼﺡ ﺍﻟﻤﻔﺎﺗﻦ ..
ﻭ ﻣﻦ ﻏﻴﺮ ﺃﻱ ﺩﻳﺔ
ﻭ ﻋﺎﻳﺸﺎﺕ ﻫﻦ ﺣﻴﺎﺗﻦ ..
ﻭ ﻛﻢ ﻋﺎﺷﻖ ﺑﻴﺤﻠﻢ ..
ﺟﻔﺎ ﺍﻟﻌﻴﻨﻴﻦ ﺛﺒﺎﺗﻦ ..
ﻭ ﺳﺎﻫﺮ ﺑﻲ ﺍﻷﺯﻳﺔ

ﺍﻧﺖ ﺣﺮ
ﻣﺮﺓ ﺍﺳﻘﻴﻨﻲ ﺍﻟﻤﺤﺒﺔ ... ﻭﻣﺮﺓ ﺍﺳﻘﻲ ﺍﻟﺮﻳﺪﺓ ﻣﺮ ..
...
ﻭ ﺃﺑﻘﻰ ﻣﺮ ﻋﻠﻰ ﺑﻴﺘﻨﺎ ﻣﺮﺓ .. ﺃﺻﻠﻮ ﻗﺮﺑﻚ ﻟﻲ ﺑﺴﺮ ..
ﻭ ﻣﺮﺓ ﺃﺑﻌﺪ ﻳﺎﺣﺒﻴﺒﻲ .. ﺧﻠﻲ ﺷﻮﻗﻲ ﻳﺰﻳﺪ ﺟﻤﺮ
.. ﺍﻧﺖ ﺣﺮ ﻭ ﺍﻟﺪﺍﻳﺮﻭ ﺩﺍﻳﺮﻭ .. ﻭ ﺍﻟﻠﻪ ﻳﺪﻳﻨﻲ ﺍﻟﺼﺒﺮ
ﺍﻧﺖ ﻳﻤﺸﻲ ﻋﻠﻲ ﻛﻼﻣﻚ .. ﺍﻧﺖ ﺗﺄﻣﺮ ﺑﺲ ﺃﻣﺮ
ﻭ ﺑﻲ ﻣﺰﺍﺟﻚ ﻳﺎ ﺣﺒﻴﺒﻲ .. ﻣﺮﺓ ﺃﺿﺤﻚ ﻭ ﻣﺮﺓ ﺻﺮ
ﻭ ﻣﺮﺓ ﺃﺟﺮﺡ ﻗﻠﺒﻲ ﺃﻛﺘﺮ .. ﻭﻳﻮﻡ ﺃﺧﺪ ﻓﻴﻨﻲ ﺍﻷﺟﺮ
ﺍﻧﺖ ﺣﺮ ﻟﻮ ﺷﻠﺘﻲ ﻋﻤﺮﻱ .. ﻭ ﺯﺩﺗﻮ ﻟﻲ ﻋﻤﺮﻙ ﻋﻤﺮ
ﺍﻧﺖ ﺣﺮ ﻟﻮ ﺧﻨﺖ ﻭﻋﺪﻙ .. ﻭ ﺃﺻﻠﻮ ﻣﺎ ﻣﺤﺘﺎﺝ ﻋﺬﺭ
ﻟﻮ ﺗﺨﻠﻲ ﺩﻣﻮﻋﻲ ﺗﺠﺮﻱ .. ﻣﺎﻓﻲ ﻳﻮﻡ ﺩﻣﻌﺔ ﺑﺘﻀﺮ
ﺳﻴﺒﻨﻲ ﺃﺑﻜﻲ ﻭ ﺯﻳﺪ ﻧﻔﻮﺭﻙ .. ﺑﻲ ﻣﺰﺍﺟﻚ ﻭ ﺍﻧﺖ ﺣﺮ
ﺩﻳﻤﺔ ﺑﺴﺘﻨﺎﻙ ﺣﺒﻴﺒﻲ .. ﻭ ﺍﻟﻠﻪ ﻳﺪﻳﻨﻲ ﺍﻟﺼﺒﺮ

ﻗﺎﻟﻮﺍ ﻭﻣﺎ ﺗﻠﻚ ﺍﻟﺘﻲ ﺑﻴﻤﻴﻨﻚ ﺃﻋﻄﻴﻨﺎ ﺟﻮﺍﺏ؟
ﺃﻫﻲ ﻋﺼﺎﺗﻚ ﻓﻲ ﺯﻣﺎﻥ ﺍﻟﺴﺤﺮ؟
ﻭﺍﻟﻘﻮﻝ ﺍﻟﻤﻠﻔﻖ؟
ﻭ ﺍﺣﺘﻤﺎﻻﺕ ﺍﻟﺼﻮﺍﺏ؟
ﺃﻡ ﺻﻮﺭﺓ ﺗﻬﻔﻮ ﺇﻟﻴﻬﺎ ﻛﻠﻤﺎ ﺟﺎﺭﺕ ﺑﻚ ﺍﻷﻳﺎﻡ
ﺗﺨﻨﻘﻬﺎ ﻭﺗﻮﻟﻴﻬﺎ ﺍﻟﻌﺘﺎﺏ ؟
ﺃﻡ ﺑﻌﺾ ﻣﺎﺽٍ ﻗﺪ ﺗﺪﺍﺭﻛﺖ ﺍﺣﺘﻀﺎﺭﻩ
ﻗﺒﻞ ﺃﻥ ﻳﻬﻮﻱ ﺇﻟﻰ ﻗﺎﻉ ﺍﻟﻐﻴﺎﺏ؟
ﺃﻡ ﺭﻳﺸﺔ ﺃﺧﺬﺕ ﺃﻧﺎﻣﻠﻚ ﺍﻟﺮﻗﻴﻘﺔ ﻣﺴﻜﻨﺎً
ﻓﺮﺳﻤﺖ ﻃﻴﻔﺎً ﻣﻦ ﺷﻘﻴﻘﺎﺕ ﺍﻟﻌﺬﺍﺏ ؟
ﺃﻡ ﻛﺎﻥ ﺃﺯﻣﻴﻼ ﻟﺘﻨﺤﺖ ﻓﻲ ﺻﻤﻴﻢ ﺍﻟﻘﻠﺐ ﺃﻏﻨﻴﺔً
ﻣﻦ ﺍﻟﺤﺲ ﺍﻟﺸﻔﻴﻒ
ﻭﺿﻮﺀ ﺷﻤﻊٍ
ﻭ ﺃﻧﺘﺴﺎﺏ؟
ﻗﺎﻟﻮﺍ ﻭﻗﺪ ﻛﺬﺑﻮﺍ ﻭﻟﻮ ﺻﺪﻗﻮﺍ ﻓﻬﺬﺍ ﺍﺭﺗﻘﺎﺀ
ﻫﻲ ﺍﺭﺗﻴﺎﺡ ﺍﻟﺮﻭﺡ ﻣﻦ ﺩﻭﻥ ﺍﻟﻨﺴﺎﺀ
ﻫﻲ ﻟﻬﻔﺘﻲ ﻭﻣﺤﻂ ﻗﻠﺒﻲ ﻣﻦ ﺗﺒﺎﺭﻳﺢ ﺍﻟﻌﻨﺎﺀ
ﻫﻲ ﻣﻦ ﺗﻮﻛﺄﺕ ﻋﻠﻴﻬﺎ
ﺣﻴﻦ ﺿﻦّ ﺍﻟﻨﺎﺱ ﻭﺍﻋﺘﺎﺩﻭﺍ ﺍﻟﺮﻳﺎﺀ
ﻫﻲ ﻭﺟﻬﺘﻲ
ﻫﻲ ﻣﻬﺠﺘﻲ
ﻫﻲ ﺑﻬﺠﺘﻲ
ﻫﻲ ﻣﻦ ﺃﻫﺶّ ﺑﻬﺎ ﻋﻠﻰ ﺣﺰﻧﻲ
ﺇﺫﺍ ﻋﻢّ ﺍﻟﺸﻘﺎﺀ
ﻫﻲ ﻭﺍﺣﺘﻲ
ﻫﻲ ﺳﺎﺣﺘﻲ
ﻫﻲ ﻣﺴﺮﺣﻲ
ﻫﻲ ﻣﻄﺮﺣﻲ
ﻫﻲ ﻣﻠﻔﺤﻲ ﺩﻭﻣﺎً ﺇﺫﺍ ﻋﺼﻒ ﺍﻟﺸﺘﺎﺀ
ﻫﻲ ﻣﺤﺾ ﻋﺸﻖٍ ﺩﺍﻓﻖٍ ﻓﻲ ﺍﻟﻘﻠﺐ ﻟﻴﺲ ﻟﻪ ﺇﻧﺘﻬﺎﺀ

ﺍﻟﺒﺮﻟﻮﻡ
ﺑﺮﻟﻮﻡٌ ﻗﺎﺑﻞ ﺑﺮﻟﻮﻣﻪ
ﻓﻲ ﺍﻭﻝ ﻳﻮﻡٍ ﺑﺎﻟﺠﺎﻣﻌﻪ
ﺮَﺤِﺳُ ﺍﻟﺒﺮﻟﻮﻡ ﺑﻨﻈﺮﺗﻬﺎ
ﻭﺗﺮﺍﻩ ﻳﺮﺩﺩ ﻓﻲ ﻭﻟﻪٍ
‏( ﺣﺒﻴﺘﻮ ﻣﻦ ﻧﻈﺮﻩ ﻭﻫﻮ ﻗﻠﺒﻮ ﺧﺎﻟﻲ ﻛﻴﻒ ﺍﻟﻄﺮﻳﻘﻪ ﺍﻟﺒﻴﻬﺎ ﻳﺘﻢ ﻭﺻﺎﻟﻲ ‏)
ﻭﺑﻌﺪ ﻣﺤﺎﺿﺮﺓ ﻃﺎﻟﺖ
ﻭﺷﺠﻮﻥٌ ﻭﺩﻣﻮﻉٌ ﺳﺎﻟﺖ
ﺳﺄﻟﺖ ﺟﺎﺭﺗﻬﺎ ﻋﻦ ﺷﺊٍ
ﻓﺸﺐ ﺳﺮﻳﻌﺎً ﺧﻠﻔﻬﻤﺎ
ﻭﺑﺪﺕ ﺍﺳﺌﻠﺔٌ ﺗﺘﻮﺍﺗﺮ
ﻫﻞ ﺍﻧﺖ ﺍﺳﺎﺳﺎً ﻣﻦ ﻣﺪﻧﻲ؟
ﺍﻧﻲ ﻗﺎﺑﻠﺘﻚ ﻓﻲ ﻣﺮﻩ
ﻟﻜﻦ ﺍﻟﺴﻬﻮ ﺗﻤﻠﻜﻨﻲ
ﻭﺑﺪﺍ ﺍﺣﻴﺎﻧﺎ ﻳﺴﺄﻟﻬﺎ ﻭﻳﺠﻴﺐ ﺍﺣﺎﻳﻴﻨﺎ ﺍﺧﺮﻱ
ﻭﺍﻟﻴﻮﻡ ﺍﻻﻭﻝ ﻗﺪ ﻋﺪﻯ
ﻟﻴﺼﻴﺮ ﺍﺳﺎﺑﻴﻌﺎ ﻋﺪﺓ
ﻣﺎﺑﻴﻦ ﺳﻬﺎﺩٍ ﻭﺳﻌﺎﺩٍ
ﺗﺘﺨﻠﻠﻪ ﺑﻌﺾ ﺍﻟﺬﻛﺮﻯ
ﻭﺳﻌﺎﺩ ﺍﻻﺧﺮﻯ ﻗﺪ ﻫﺎﻣﺖ
ﺑﺎﻟﺸﺎﺏ ﺍﻻﺳﻤﺮ ﻭﺗﺮﺍﻣﺖ
ﻓﻲ ﺑﺤﺮ ﺍﻟﻌﺸﻖ ﻭﻗﺪ ﻋﺎﻣﺖ
ﻋﺎﻡٌ ﻭﺗﻔﺸﻰ ﺑﻴﻨﻬﻤﺎ
ﺣﺐٌ ﻟﻠﻨﺎﺱ ﻛﻤﺎ ﻟﻬﻤﺎ
ﻟﻴﺰﻳﺪ ﺍﻟﻮﺩُ ﻛﻤﺎﻟﻬﻤﺎ
ﻭﻳﺼﻴﺮﺍ ﺑﻴﻦ ﺍﻟﻨﺎﺱ ﺷﻤﻮﺱ
ﻓﻲ ﺍﻟﻌﺎﻡ ﺍﻟﺜﺎﻧﻲ ﺍﺧﺒﺮﻫﺎ
ﻋﻦ ﺣﺎﻝ ﺍﻻﺳﺮﺓ ﻭﺍﻻﺧﻮﺍﻥ
ﻭﺍﺑﻮﻩ ﻗﺪ ﻛﺎﻥ ﻣﺪﻳﺮﺍ
ﻭﺍﻻﺳﺮﺓ ﺗﻘﻄﻦ ﺍﻣﺪﺭﻣﺎﻥ
ﻭﺍﻧﻲ ﻻ ﺍﻣﻠﻚ ﺍﻻ ﻓﻴﻼ ﻓﻲ ﺑﺤﺮﻱ
ﻭﻣﺨﻴﺮ ﻓﻲ ﺍﻥ ﺍﻣﻠﻚ ﺍﺭﺿﺎ ﺍﻭ ﺑﺴﺘﺎﻥ
ﻭﻣﻀﻲ ﻋﺎﻣﺎﻥ ﻭﺳﻌﺎﺩٌ ﺳﺎﻭﺭﻫﺎ ﺷﻚٌ
ﻓﻲ ﺍﻥ ﻋﺜﻤﺎﻥ ﻗﺪ ﻳﻜﺬﺏ ﻓﻲ ﺑﻌﺾ ﺍﻻﺣﻴﺎﻥ
ﻟﻜﻦ ﺍﻻﺣﺒﺎﺏ ﻭﺍﻥ ﻛﺬﺑﻮﺍ
ﻓﻠﻴﺲ ﻛﺬﻭﺑﺎً ﻓﻲ ﺍﻟﺘﺤﻨﺎﻥ
ﻭﺍﻟﺜﺎﻟﺚُ ﻗﺪ ﺟﺎﺀ ﻭﻣﺮَ
ﻣﺎﺑﻴﻦ ﺣﻼﻭﺗﻪ ﺍﻟﻤﺮﻩ
ﻭﺑﺼﻴﺺٌ ﻣﻦ ﻃﻌﻢ ﺍﻟﺬﻛﺮﻯ
ﻓﻲ ﺁﺧﺮِ ﻋﺎﻣﻬﻤﺎ ﺍﻟﺮﺍﺑﻊ
ﻣﺎﺑﻴﻦ ﺷﺠﻮﻥٍ ﻭﻣﺪﺍﻣﻊ
ﺟﺎﺀﺕ ﺗﺒﻜﻲ
ﻭﺍﻟﺤﺴﺮﺓُ ﻛﺎﺩﺕ ﺗﻘﺘﻠﻬﺎ
ﻓﺮﺍﺡ ﺳﺮﻳﻌﺎ ﻳﺴﺄﻟﻬﺎ
ﻣﺎﺫﺍ ﻳﺠﺮﻱ ﻫﻴﺎ ﺇﺣﻜﻲ
ﻣﺎﺫﺍ ﻳﺠﺮﻱ
ﻗﺎﻟﺖ ﻭﺍﻟﺪﻣﻌﺔُ ﻗﺪ ﺳﺎﻟﺖ :
ﻗﺪ ﺟﺎﺀ ﺧﻄﻴﺐٌ ﻳﺨﻄﺒﻨﻲ
ﻭﺍﺑﻲ ﻣﺎﻗﺎﻝ ﻟﻪ ﻣﺎﺫﺍ
ﻻ ﻣﺎﻧﻊ ﺍﺑﺪﺍ ﻓﻲ ﻫﺬﺍ
ﻗﻞ ﻟﻲ ﻣﺎﺫﺍ ﺍﻓﻌﻞ
ﻭﺍﻟﺤﺐُ ﻫﻨﺎ ﻻ ﻳﺘﺒﺪﻝ؟
ﻓﺄﺟﺎﺏ ﺑﻜﻞ ﺑﺮﻭﺩ
ﻣﺎ ﻣﻦ ﻣﺸﻜﻠﺔٍ ﺍﺑﺪﺍ
ﻭﻋﻠﻴﻚِ ﻣﺠﺎﺑﻬﺔُ ﺍﻟﻮﺍﻗﻊ
ﻭﺳﺄﻟﺖُ ﺍﻟﻠﻪ ﻟﻜﻲ ﺍﻟﺘﻮﻓﻴﻖ
ﻭﺍﺭﺑﻌﺔ ﺳﻨﻴﻦ ﻋﺎﺷﻢ ﺍﻟﺤﺐ
ﺍﻟﻠﻴﻠﺔ ﻳﻮﻡ ﺍﻋﺪﺍﻣﻢ ﻳﺎﻗﻠﺐ
ﻓﻲ ﺁﺧﺮ ﻗﺼﺘﻨﺎ ﻫﺬﻱ .. ﻟﻴﺲ ﺍﻟﺤﺐ ﺣﺮﻭﻓﺎ ﺃﻭ ﻛﻠﻤﺎﺕ .. ﺍﻟﺤﺐ ﺳﻠﻮﻙ ﻓﻲ ﺑﺴﻤﺎﺕ

ﺍﻟﻴﻚ ﺃُﺯﺝُ ﺑﺤﺰﻧﻲ ﻭﻓﻴﻨﻲ
ﺑﻘﺎﻳﺎﻙ ﺑﺎﻟﻌﻴﻦ ﺗﻄﻔﻮ ﻭﺃﺷﻜﻮ
ﺇﻟﻰ ﺍﻟﻠﻪ ﻗﻠﺒﻲ ﺃﺗﺎﻙ
ﻭﺭﻏﻢ ﻋﺰﻭﻓﻲ ﻋﻦ ﺍﻟﺤﺐ ﻳﻬﻔﻮ
ﻭﺃﻋﻠﻢ ﺍﻧﻲ ﺇﺫﺍ ﻣﺎ ﻇﻠﻠﺖ
ﺃﺭﺍﻗﺐ ﻗﻠﺒﻲ ﻓﻴﻮﻣﺎً ﺳﺄﻏﻔﻮ
ﻓﻴﻬﺮﺏَ ﻣﻨﻲ ﻋﺸﻮﻗﺎً ﺑﺬﻧﺐٍ
ﻭﻳﺪﺭﻱ ﺑﺄﻧﻲ ﺇﺫﺍ ﻣﺎ ﺭﺃﻳﺖ ﻋﻴﻮﻧﻚ ﺃﻋﻔﻮ
ﺍﻟﻴﻚ ﺃُﺯﺝُ ﻭﺃﻧﺖ ﺍﻣﻴﺮ ﺗﻌﻴﺶ
ﻭﺣﻴﺪﺍً ﻏﺰﺍﻻً ﺷﺮﻳﺪﺍً ﻭﺩﻧﻴﺎﻙ ﺗﺼﻔﻮ
ﺍﻟﻴﻚ ﺃُﺯﺝُ ﻭﻓﻴﻨﻲ ﺑﺤﺒﻚ ﻧﺎﺭٌ ﺗﺄﺝُ
ﻭﺃﻧﺖ ﺗﻀﺞُ ﻭﺣﺎﺟﺐ ﻋﻴﻦ ﺗﺒﻌﺜﺮ ﻟﻬﻮﺍً
ﻭﺃﻧﺖ ﺃﺯَﺝُ ﺍﻟﻴﻚ ﺃُﺯﺝُ
ﻓﻬﻞ ﻓﻲ ﺻﻤﻴﻢ ﻓﺆﺍﺩﻙ ﺃُﺳﺠﻦ
ﻭﺃﺣﻴﺎ ﻭﺣﻴﺪﺍً .. ﻓﺮﻳﺪﺍً ﻷﺳﻤﻮ
ﻭﺑﻴﻦ ﻋﻴﻮﻧﻚ ﻓﻲ ﺍﻟﻨﻮﻡ ﺃُﺩﻓﻦ؟
ﺿﻤﺎﻥٌ ﻟﺴﻌﺪﻱ ﺭﺅﻳﺎﻙ ﻃﻴﻔﺎً
ﻭﺇﻥ ﻛﺎﻥ ﻣﺮﺁﻙ ﺣﻘﺎً ﻓﺄﺿﻤﻦ
ﺍﻟﻴﻚ ﺃُﺯﺝُ ﻭﻳﻌﺒﺚ ﻋﻘﻠﻲ ﺑﻄﻔﻠﺔ
ﻓﻜﺮﻩ ﻣﺠﺮَﺩُ ﻃﻔﻠﺔ ﻗﺒﻴﺤﺔ ﻣﻈﻬﺮ
ﻭﻓﻴﻬﺎ ﺭﻭﺍﺋﺢ ﻓﻘﺮٍ ﻭﻗﻬﺮٍ
ﺷﺪﻳﺪٍ ﻭﻣﺴﺤﻮﻕ ﺑﺸﺮﻩ ﺗﻘﻮﻝ :
ﺑﺄﻧﻲ ﺳﺄﺑﻌﺪُ ﻋﻨﻚ ﺑﻌﻴﺪﺍً ﻭﺃُﺣﺮﻕ
ﻭﺣﺒﻲ ﺍﻟﻴﻚ ...
ﺳﺘﺤﻜﻢ ﻓﻴﻪ ﺍﻟﻈﺮﻭﻑ ﻭﻳﺸﻨﻖ
ﻭﻳﺒﻘﻰ ﻣﻦ ﺍﻟﻌﺸﻖ ﺫﻛﺮﻯ
ﺃﻋﻮﺫ ﺑﺮﺑﻲ ...
ﻓﺈﻧﻲ ﺑﻌﻮﻥ ﺍﻹﻟﻪ ﻗﺮﻳﺒﺎً ﺳﺄﻧﺠﺢ
ﻭﻛﻞ ﻗﻼﻉ ﺍﻟﻈﺮﻭﻑ ﺍﻟﻌﻘﻴﻤﺔ
ﺑﻤﻔﺘﺎﺡ ﺷﻮﻗﻲ ﺇﻟﻴﻚ ﺳﺘﻔﺘﺢ
ﻭﻋﻨﻚ ﺃﻏﻨﻲ ...
ﻭﻓﻴﻚ ﺳﺄﺻﺪﺡ ...
ﻭﻧﺤﻴﺎ ﺳﻮﻳَﺎً ...
ﻓﺬﻟﻚ ﺻﺒﺢ ﺍﻟﺴﻌﺎﺩﺓ ﺃﺻﺒﺢ