ﻏﺪﻳﺮ : ﺑﻼ ﻣﺰ ﺑﻼ ﺑﻄﻴﺦ ﺍﺷﻮﻭﻑ ﻓﻬﻤﻮ !!!! ﻻﻻ ﻣﺎﻓﻰ ﺩﺍﻋﻰ ﺍﺑﻌﺪ ﻋﻦ ﺍﻟﺸﺮ ﻭ ﻏﻨﻲ ﻟﻴﻬﻮ
ﺳﺠﻰ : ﻃﻴﺐ ﻳﺎ ﻣﺰﺓ ﻗﻮﻣﻰ ﻧﺼﻠﻰ ﺍﻟﻌﺸﺎﺀ ﻭ ﻧﺮﻗﺪ ﻧﻨﻮﻡ ﺑﻜﺮﺍ ﻭﺭﺍﻧﺎ ﻳﻮﻡ ﻣﻠﻴﺎﻥ ﻣﺤﺎﺿﺮﺍﺕ
ﻏﺪﻳﺮ : ﻃﻴﺐ ﺗﺼﺒﺤﻰ ﻋﻠﻰ ﺧﻴﺮ
ﺳﺠﻰ : ﻭﺍﻧﺘﻰ ﺑﺨﻴﻴﻴﺮ ..
ﻏﺪﻳﺮ ﻗﻔﻠﺖ ﺍﻟﻮﺍﺗﺲ ﻭ ﻣﺸﺖ ﺻﻠﺖ ﺍﻟﻌﺸﺎﺀ ﻭ ﺭﻗﺪﺕ ﻧﺎﻣﺖ . ﺍﺻﺒﺢ ﺍﻟﺼﺒﺎﺡ .. ﻏﺪﻳﺮ ﻗﺎﻣﺖ ﺑﺪﺭﻯ ﺻﻠﺖ ﺍﻟﺼﺒﺢ ﻭ ﺳﺒﺤﺖ ﻭ ﺩﺧﻠﺖ ﺍﻟﺤﻤﺎﻡ ﻭﺟﻬﺰﺕ ﻧﻔﺴﻬﺎ ﻟﻠﺠﺎﻣﻌﻪ ﻭ ﻃﻠﻌﺖ ﺗﺼﺒﺢ ﻋﻠﻰ ﺍﻣﻬﺎ ﺍﻣﻰ ﺻﺒﺎﺡ ﺍﻟﺨﻴﻴﺮ .. ﺻﺒﺎﺡ ﺍﻟﻨﻮﺭ ﻳﺎ ﺑﺘﻰ ﻛﺒﻴﺖ ﻟﻴﻚ ﺍﻟﺸﺎﻯ ﺍﺷﺮﺑﻰ ﺳﺮﻋﻪ ﻭ ﺍﻃﻠﻌﻰ ﻋﺸﺎﻥ ﺗﻠﺤﻘﻰ ﻣﺤﺎﺿﺮﺍﺗﻚ ﻣﺼﺮﻭﻓﻚ ﻓﻰ ﺩﻭﻻﺏ ﺍﻟﻤﻄﺒﺦ ﺑﺘﻠﻘﻴﻬﻮ ... ﻏﺪﻳﺮ ﺧﻠﺼﺖ ﻭﻃﻠﻌﺖ ﺭﻛﺒﺖ ﺍﻟﻤﻮﺍﺻﻼﺕ ﻭﺻﻠﺖ ﺍﻟﺠﺎﻣﻌﻪ ﻭ ﻣﺴﺘﻌﺠﻠﻪ ﺍﺗﺎﺧﺮﺕ ﻋﻠﻰ ﻣﺤﺎﺿﺮﺗﻬﺎ ﻃﻠﻌﺖ ﺑﻄﺎﻗﺘﻬﺎ ﺑﺴﺮﻋﻪ ﻟﻠﺤﺮﺱ ﺍﻟﺒﺎﺏ ﻭ ﺩﺧﻠﺖ ﻟﻘﺖ ﺍﻣﻴﺮ ﻓﻰ ﻭﺷﻬﺎ ﺍﺗﺨﻄﺘﻮ ﻭ ﺑﺴﺮﻋﻪ ﻭﺍﺻﻠﺖ ﻣﺸﻰ ﻟﺤﻘﻬﺎ ﻣﺎﺷﻰ ﻭﺭﺍﻫﺎ
ﺍﻣﻴﺮ : ﻳﺎ ﺑﺖ ﺍﻟﻨﺎﺱ ﺍﺳﻤﻌﻰ ﻣﻨﻰ ﺑﺲ ﻳﺎﺥ ﻭ ﻟﻮ ﻣﺎ ﻋﺠﺒﻚ ﻛﻼﻣﻰ ﻟﻴﻚ ﺣﺮﻳﻪ ﺍﻟﺘﺼﺮﻑ
ﻏﺪﻳﺮ : ﻣﻮﺍﺻﻠﻪ ﻣﺸﻴﻬﺎ ﻭ ﻣﺎ ﻭﻗﻔﺖ ﻟﻴﻬﻮ ﺍﺻﻼ ﻭﺻﻠﺖ ﻗﺎﻋﺘﻬﺎ ﻭ ﺩﺧﻠﺖ ﻟﻘﺖ ﺍﻻﺳﺘﺎﺫ ﺷﻐﺎﻝ ﻓﻰ ﺍﻟﻤﺤﺎﺿﺮﺓ ﺩﻗﺖ ﺍﻟﺒﺎﺏ ﻭ ﻭﻗﻔﺖ ... ﺍﻻﺳﺘﺎﺫ ﺍﺗﻠﻔﺖ ﻋﻠﻴﻬﺎ .. ﻗﺎﻝ ﻟﻴﻬﺎ ﺍﺳﻤﻚ ﻣﻨﻮ ﻳﺎ ﻃﺎﻟﺒﻪ
ﻏﺪﻳﺮ : ﺍﺳﻤﻰ ﻏﺪﻳﺮ
ﺍﻻﺳﺘﺎﺫ : ﻣﺘﺎﺧﺮﺓ ﻟﻜﻦ ﻳﺎ ﻏﺪﻳﺮ ﺑﺲ ﺣﺎ ﺍﺩﺧﻠﻚ ﺑﺲ ﺍﻟﻤﺮﺓ ﺍﻟﺠﺎﻳﻪ ﻣﺎ ﺗﺘﺎﺧﺮﻯ ..
ﻏﺪﻳﺮ : ﺣﺎﺿﺮ ﻳﺎ ﺍﺳﺘﺎﺫ ﺍﺧﺮ ﻣﺮﺓ .. ﺍﻟﻘﺎﻋﻪ ﻛﻠﻬﺎ ﺑﺘﻌﺎﻳﻦ ﻟﻠﻤﺰﺓ ﺍﻟﻤﺘﺎﺧﺮﺓ ﺩﻯ .
ﺩﺧﻠﺖ ﺍﻟﻤﺤﺎﺿﺮﺓ ﻭ ﺣﻤﺪﺕ ﺍﻟﻠﻪ ﺍﻧﻮ ﺍﻻﺳﺘﺎﺫ ﺩﺧﻠﻬﺎ
ﻭ ﺩﻩ ﻛﻠﻮ ﺍﻣﻴﻴﺮ ﺷﺎﻳﻔﻮ ﻭ ﻋﺮﻑ ﺍﻧﻮ ﺍﺳﻤﻬﺎ ﻏﺪﻳﺮ
ﺑﻰ ﻗﻠﺒﻮ ﺑﻘﻮﻭﻝ ﻏﺪﻳﺮ ﻳﻌﻨﻰ ﺍﺳﻤﻚ ﻏﺪﻳﺮ ﺣﺘﻰ ﺍﺳﻤﻚ ﺣﻠﻮ ﺯﻳﻚ ﻳﺎ ﻏﺪﻳﺮ
ﺧﺼﻠﺖ ﺍﻟﻤﺤﺎﺿﺮﺓ ﻏﺪﻳﺮ ﻃﻠﻌﺖ ﺗﻔﺘﺶ ﻓﻰ ﺳﺠﻰ ﺿﺮﺑﺖ ﻟﻴﻬﺎ
ﺳﺠﻰ ﺭﺩﺕ : ﺍﻟﻮ ﻳﺎ ﻏﺪﻳﺮ ﻛﻴﻔﻚ
ﻏﺪﻳﺮ : ﺗﻤﺎﻡ ﺍﻟﺤﻤﺪ ﻟﻠﻪ ﺍﻧﺘﻰ ﻛﻴﻒ ﻭ ﻭﻳﻦ ﺍﻧﺘﻰ
ﺳﺠﻰ : ﻣﺎ ﺟﻴﺖ ﺍﻟﺠﺎﻣﻌﻪ ﻟﺴﻪ ﻟﻜﻦ ﺟﺎﻳﻪ ﺻﺤﻴﺖ ﺑﺼﺪﺍﻉ ﺷﺪﻳﺪ ﻣﺎ ﻗﺪﺭﺕ ﺍﺟﻰ ﺑﺪﺭﻯ ﺑﻌﻠﺖ ﺣﺒﻮﺏ ﻣﺴﻜﻨﻪ ﺍﺳﻰ ﺧﻒ ﺍﻟﺤﻤﺪ ﻟﻠﻪ ﺑﺠﻬﺰ ﻭﺑﺠﻰ ﺍﻟﻠﺤﻖ ﺑﺎﻗﻰ ﺍﻟﻤﺤﺎﺿﺮﺍﺕ
ﻏﺪﻳﺮ : ﺍﻟﻒ ﺳﻼﻣﻪ ﻋﻠﻴﻚ ﻟﻮ ﺗﻌﺒﺎﻧﻪ ﻣﺎ ﺗﺠﻰ ..
ﺳﺠﻰ : ﺍﻟﻠﻪ ﻳﺴﻠﻤﻚ ﺗﺴﻠﻤﻰ .. ﻻﻻ ﺧﻔﻰ ﻛﺘﻴﻴﻴﺮ ﻣﻦ ﻗﺒﻴﻞ ﺑﺤﺎﻭﻝ ﺍﺟﻰ ﻭﻟﻮ ﻣﺎ ﻗﺪﺭﺕ ﺑﺘﺼﻞ ﻋﻠﻴﻚ ﺍﻭﺭﻳﻚ ..
ﻏﺪﻳﺮ : ﺗﻤﺎﻡ ﻃﻴﺐ ﺍﻧﺎ ﻣﺎﺷﻪ ﺍﻟﻜﺎﻓﺘﻴﺮﻳﺎ ﺍﻧﺘﻈﺮﻙ ﺗﺠﻰ ﻧﻔﻄﺮ ﺳﻮﺍﺀ ﻭﻻ ﻣﺎ ﺑﺘﻠﺤﻘﻰ
ﺳﺠﻰ : ﻻﻻ ﺍﻓﻄﺮﻯ ﻣﺎ ﺗﻨﺘﻈﺮﻳﻨﻰ ﻳﻤﻜﻦ ﻣﺎ ﺍﺟﻰ
ﻏﺪﻳﺮ : ﻃﻴﺐ ﻳﻼ ﻣﻊ ﺍﻟﺴﻼﻣﻪ ﺧﻠﻰ ﺑﺎﻟﻚ ﻣﻦ ﻧﻔﺴﻚ
ﺳﺠﻰ : ﻭﺍﻧﺘﻰ ﻛﻤﺎﻥ ﻳﻼ ﺑﺎﻯ
ﻏﺪﻳﺮ ﻣﺎﺷﻪ ﻋﻠﻰ ﺍﻟﻜﺎﻓﺘﺮﻳﺎ ﺗﺎﻧﻰ ﺟﺎﻫﺎ ﺍﻣﻴﺮ ﻭﺑﻘﻰ ﻣﺎﺷﻰ ﻭﺭﺍﺀ ﻭ ﺑﺘﻜﻠﻢ ﻣﻌﺎﻫﺎ
ﺍﻣﻴﺮ : ﻳﺎ ﺑﺖ ﺍﺳﻤﻌﻴﻨﻰ ﻋﻠﻴﻚ ﺍﻟﻠﻪ ﻭ ﻣﺎﺷﻰ ﻭﺭﺍﺀﻫﺎ ﻭ ﻫﻰ ﻣﺎﺷﻪ ﻳﺎ ﻏﺪﻳﺮ ﺍﺳﻤﻌﻴﻨﻰ ﻗﻠﺖ ﻟﻴﻚ ﺑﻨﺒﺮﺓ ﺣﺎﺩﻩ ﻛﺪﻩ
ﻏﺪﻳﺮ ﻓﺠﺎﺀﺓ ﻭﻗﻔﺖ ﻭ ﺑﻘﻠﺒﻬﺎ ﺩﻩ ﻋﺮﻑ ﺍﺳﻤﻰ ﻛﻴﻒ ﻭﻣﺎﻟﻮ ﺑﻜﻮﺭﻙ ﻛﺪﻩ ﺍﻣﻴﺮ ﻭ ﺻﻠﻬﺎ ﻭ ﻭﻗﻒ ﻗﺪﺍﻣﻬﺎ ﻭﻋﺎﻳﻦ ﻟﻴﻬﺎ ﻓﻰ ﻋﻴﻮﻧﻬﺎ ﻭ ﻗﺎﻝ ﻟﻴﻬﺎ ﻏﺪﻳﺮ ﺑﻄﻠﻰ ﻋﻨﺎﺩﻙ ﺩﻩ ﻭ ﺍﺳﻤﻌﻰ ﺍﻟﻌﺎﻭﺯ ﺍﻗﻮﻟﻮ ﻣﺎ ﺣﺎ ﺗﺨﺴﺮﻯ ﺷﺊ ... ﻏﺪﻳﺮ ﻣﺴﺘﻐﺮﺑﻪ ﻗﺎﻟﺖ ﻟﻴﻬﻮ ﻗﻮﻝ ﺑﺴﺮﻋﻪ ﻭ ﻭﺭﻳﻨﻰ ﺍﻟﻜﻼﻡ ﺍﻟﻤﻬﻢ ﺍﻟﻌﺎﻭﺯ ﺗﻘﻮﻟﻮ ﺩﻩ
ﺳﺎﻣﻌﺎﻙ ﺍﺗﻔﻀﻞ .... ﺍﻣﻴﺮ ﻗﺎﻝ ﻟﻴﻬﺎ ﻳﻨﻔﻊ ﻧﻜﻮﻥ ﻭﺍﻗﻔﻴﻦ ﻛﺪﻩ ﻗﺎﻟﺖ ﻟﻴﻬﻮ ﺍﻯ ﻳﻨﻔﻊ ﻗﻮﻝ ﺍﻟﻌﻨﺪﻙ ﻭ ﺑﺲ ﻗﺎﻝ ﻟﻴﻬﺎ ﻃﻴﺐ ﻣﻤﻜﻦ ﺑﻌﺪ ﻣﺤﺎﺿﺮﺗﻚ ﺍﻟﺠﺎﻳﻪ ﺩﻯ ﻣﺎ ﻋﺎﻭﺯ ﺍﺍﺧﺮﻙ ﻭ ﺷﻜﻠﻚ ﻋﺎﻭﺯﺓ ﺗﻔﻄﺮﻯ ﻗﺎﻟﺖ ﻟﻴﻬﻮ ﺗﻤﺎﻡ ﻭ ﻣﺸﺖ ﻓﻄﺮﺕ ﻭ ﻳﺎ ﺍﻟﻠﻪ ﺑﺘﺒﻠﻊ ﻓﻴﻬﻮ ﺑﻠﻊ ﻣﻦ ﺍﻟﺘﻮﺗﺮ ﺧﻠﺼﺖ ﺭﺟﻌﺖ ﺍﻟﻘﺎﻋﻪ ﺧﺼﻠﺖ ﺍﻟﻤﺤﺎﺿﺮﺓ ﺍﻟﺘﺎﻧﻴﻪ ﻭ ﻃﻠﻌﺖ ﻭﺑﻘﻠﺒﻬﺎ ﺑﺘﻘﻮﻝ ﺍﺣﺴﻦ ﺍﺗﺨﺎﺭﺝ ﺑﺴﺮﻋﻪ ﻣﺪﺍﻡ ﻣﺎ ﻋﻨﺪﻯ ﺷﺊ ﻭ ﺳﺠﻰ ﻣﺎﻓﻰ ... ﺑﻌﺪ ﺍﺻﻞ ﺍﻟﺒﻴﺖ ﺑﺮﺟﻊ ﻟﻴﻬﺎ ﺍﺷﻮﻓﻬﺎ ﻛﻴﻒ ... ﻭﺍﺛﻨﺎﺀ ﻣﺎ ﻫﻰ ﻣﺎﺷﻪ ﻋﻠﻰ ﺑﺎﺏ ﺍﻟﺠﺎﻣﻌﻪ ﻭﻗﻔﻬﺎ ﺍﻣﻴﺮ ... ﻛﺎﻟﻌﺎﺩﻩ ﻭﻗﻔﺖ ﻓﺠﺎﺀﺓ ﻭﻗﺒﻠﺖ ﻋﻠﻴﻬﻮ ﺑﺴﺮﻋﻪ ﻭﻗﺎﻟﺖ ﻟﻴﻬﻮ ﺍﻧﺖ ﻳﺎ ﻭﺩ ﻣﻮﺻﻴﻨﻚ ﻋﻠﻰ ﺗﻄﻠﻊ ﻟﻰ ﻓﺠﺎﺀﺓ ﻗﺎﻝ ﻟﻴﻬﺎ ﺍﻯ ﻣﻮﺻﻴﻴﻨﻰ ﻋﻠﻴﻴﻚ ﻋﺎﻭﺯﺓ ﺗﻌﺮﻓﻰ ﻣﻨﻮ ﺍﻟﻤﻮﺻﻴﻨﻰ ﻋﻠﻴﻚ ﻏﺪﻳﺮ ﻗﺎﻟﺖ ﻟﻴﻬﺎ ﻗﻮﻝ ﺍﻟﻌﻨﺪﻙ ﻭﺧﻠﺼﻨﻰ ﻋﺎﻭﺯﺓ ﺍﻣﺸﻰ ﺍﻃﻠﻊ ﺍﻧﺎ ... ﻗﺎﻝ ﻟﻴﻬﺎ ﻃﻴﺐ ﺗﻌﺎﻟﻰ ﻧﻘﻌﺪ ﻗﺎﻟﺖ ﻟﻴﻬﻮ ﻻﻻ ﻣﺎ ﺑﻘﺪﺭ ﻗﺎﻝ ﻟﻴﻬﺎ ﻣﺎ ﺑﺎﺧﺮﻙ ... 5 ﺩﻗﺎﺋﻖ ﺑﺲ
ﻏﺪﻳﺮ ﻭ ﺑﺘﻌﺐ ﻣﻦ ﺍﻟﺤﺎﺣﻮ ﻃﻴﺐ ﻣﺸﻮ ﻋﻠﻰ ﺑﻴﻨﺶ ﺗﺤﺖ ﺷﺠﺮﺓ ﻛﺪﻩ ﻗﻌﺪ ﻭ ﻫﻰ ﻗﻌﺪﺕ ﺑﻌﻴﺪ ﻣﻨﻮ ﻭ ﻗﺎﻟﺖ ﻟﻴﻬﻮ ﻳﻼ ﻗﻮﻝ ﺍﻟﻌﻨﺪﻙ ﺳﺎﻣﻌﺎﻙ . ﺧﻠﺼﻨﻰ .. ﺍﻣﻴﺮ ﻗﺎﻝ ﻟﻴﻬﺎ ﺍﻧﺖ ﺩﺍﻳﻤﺎ ﻣﺴﺘﻌﺠﻠﻪ ﻛﺪﻩ ﻭﻻ ﻣﻌﺎﻯ ﺍﻧﺎ ﺑﺲ ...
ﻏﺪﻳﺮ : ﺣﺎ ﺗﻘﻮﻝ ﺍﻟﻌﻨﺪﻙ ﻭﻻ ﺍﻗﻮﻡ ﺍﻣﺸﻰ
ﺍﻣﻴﺮ : ﺷﻮﻓﻰ ﻳﺎ ﺑﺖ ﺍﻟﻨﺎﺱ ﺍﻧﺎ ﺍﺳﻤﻰ ﺍﻣﻴﺮ ﻋﺒﺪ ﺍﻟﺮﺣﻤﻦ ﺑﻘﺮﺍ ﻣﺨﺘﺒﺮﺍﺕ ﺭﺍﺑﻌﻪ ... ﺷﻔﺘﻚ ﻗﺒﻞ ﺷﻬﺮ ﻭ ﺍﻧﺘﻰ ﻃﺎﻟﻌﻪ ﻣﻦ ﺍﻟﺠﺎﻣﻌﻪ ﻭﻣﻦ ﻭﻗﺘﻬﺎ ﻭﺍﻧﺎ ﻣﺮﻛﺰ ﻣﻌﺎﻙ ﻭ ﺑﺼﺮﺍﺣﻪ ﻋﺠﺒﺘﻴﻨﻰ ﺷﺪﻳﺪ ﻭ ﻣﻦ ﻏﻴﺮ ﻟﻒ ﻭ ﺩﻭﺭﺍﻥ ﺍﻧﺎ ﻋﺎﻭﺯﻙ .. ﺍﻫﺎ ﺭﺍﻳﻚ ﺷﻨﻮ ..
ﻏﺪﻳﺮ : ﻣﺨﻠﻮﻋﻪ ﻣﻦ ﻛﻼﻣﻮ ﻣﺎ ﺍﺗﻮﻗﻌﺖ ﺩﻩ ﺍﻟﻜﻼﻡ ﺍﻟﻌﺎﻭﺯ ﻳﻘﻮﻟﻮ ﻟﻴﻬﺎ .. ﻣﻦ ﺍﻟﺮﺑﻜﻪ ﻗﺎﻟﺖ ﻟﻴﻬﻮ ﺧﺼﻠﺖ
ﺍﻣﻴﺮ : ﺍﻗﻮﻝ ﺷﻨﻮ ﺩﻩ ﺍﻟﻌﻨﺪﻯ ﻭ ﻗﻠﺖ ﻭ ﺍﻧﺘﻰ ﻣﺎ ﻋﺎﻭﺯﺓ ﺗﺪﻳﻨﻰ ﻓﺮﺻﻪ ﺍﻓﻬﻤﻚ ﺍﻛﺘﺮ ﻣﻦ ﻛﺪﻩ ﻭﺍﻋﺮﻓﻚ ﺍﻛﺘﺮ ﻭ ﺗﻌﺮﻓﻴﻨﻰ ﻓﻘﻠﺖ ﺍﺧﺘﺼﺮ ﻋﻠﻴﻚ ﺍﻟﺴﻜﻪ ﻭ ﺍﺷﻮﻓﻚ ﺭﺍﻳﻚ ....
ﻏﺪﻳﺮ : ﻃﻴﺐ ﺍﻧﺎ ﻣﺎﺷﻪ
ﺍﻣﻴﺮ : ﻃﻴﺐ ﺗﻤﺎﻡ ﺣﺎ ﺗﻔﻜﺮﻯ ﻓﻰ ﻛﻼﻣﻰ ﺩﻩ ؟؟؟
ﻏﺪﻳﺮ : ﺍﺷﻮﻭﻭﻑ ... ﻭ ﻗﺎﻣﺖ ﻋﻠﻰ ﺣﻴﻠﻬﺎ ﻭ ﻣﺸﺖ ﺧﻄﻮﺗﻴﻦ
ﺍﻣﻴﺮ : ﺩﻗﻴﻘﻪ ﺩﻗﻴﻘﻪ ﺍﻧﺘﻰ ﻣﺎ ﻋﺎﻭﺯﺓ ﺗﻮﺭﻳﻨﻰ ﺍﻯ ﺷﻰ ﻋﻨﻚ ﺍﻧﺎ ﺑﻌﺮﻑ ﺍﺳﻤﻚ ﺑﺲ
ﻏﺪﻳﺮ : ﻋﺎﻭﺯ ﺗﻌﺮﻑ ﺷﻨﻮ ... ﻭ ﺳﻜﺘﺖ ﻣﺴﺎﻓﻪ ﻭ ﻗﺎﻟﺖ ﻟﻴﻬﻮ ﺍﻧﺎ ﺑﺮﻟﻮﻣﻪ ﺑﻘﺮﺍ ﺍﻗﺘﺼﺎﺩ
ﺍﻣﻴﺮ : ﺍﻯ ﺍﻯ ﻋﺎﺭﻑ ﻭﺍﻻﺳﺘﺎﺫ ﻗﺮﺏ ﻳﻄﺮﺩﻙ ﻭﺿﺤﻚ
ﻏﺪﻳﺮ : ﻋﺎﻳﻨﺖ ﻟﻴﻬﻮ ﻛﺪﻩ ﻭﻗﺎﻟﺖ ﻟﻴﻬﻮ ﺛﻘﻴﻴﻴﻞ ﻭ ﻣﺸﺖ ..
ﺍﻣﻴﺮ : ﺍﺳﻒ ﺍﺳﻒ
ﻭﻣﺸﺖ ﻏﺪﻳﺮ ﻋﻠﻰ ﺍﻟﻤﻮﺍﺻﻼﺕ ﻭﺍﻣﻴﺮ ﺭﺟﻊ ﺍﻟﺠﺎﻣﻌﻪ ﻋﻨﺪﻭ ﻣﺤﺎﺿﺮﺓ