ﺍﺗﻤﻨﻴـــــــﺘﻚ
ﺗﺒﻘﻲ ﺣﻜﺎﻳﺔ ﺍﻟﺰﻛﺮﻱ ﺍﻟﺒﺪﺭﻱ
ﻭﻣﺎ ﺗﺨﻠﻴﺖ ﻋﻦ ﻋﺸﻤﺂ ﻓﻴﻨﻲ
ﻭﻣﺎ ﺿﻴﻌﺖ ﺍﻟﺪﻫﺐ ﺍﻟﺘﺒﺮﻱ
ﺍﻧﺎ ﻣﺴﺘﻨﻲ ﺻﺒﺎﺣﻚ ﺇﺟﻴﻨﻲ
ﺍﻧﺎ ﺧﻴﺮﺗﻚ ﺍﻧﻚ . ﺷﻤﺴﻲ
ﻭﻻ ﻇﻼﻡ ﺍﻟﻠﻴﻞ ﻻﻓﻴﻨﻲ؟
ﻭﺍﻧﺘﻲ ﺍﺧﺘﺮﺗﻲ ﺗﻜﻮﻧﻲ ﺍﻟﻌﺘﻤﻪ
ﻭﺑﺨﻠﺖ ﺷﻤﺴﻚ ﻧﻮﺭ ﺗﺪﻳﻨﻲ
ﺍﻧﺎ ﺍﺧﺘﺮﺗﻪ ﺍﻟﻤﻮﺟﻪ ﺍﻟﻤﺎﺷﻪ
ﻣﺤﻞ ﻣﺎﻣﺎﺷﻪ ﺗﻮﺩﻳﻨﻲ
ﻭﺷﻔﺘﻪ ﺍﻟﻘﻔﻪ ﻣﺮﺍﺳﻲ ﺍﻟﻘﻴﻔﻪ
ﻃﻮﻕ ﻟﻲ ﻧﺠﺎﺗﻲ ﻭﻣﺮﺳﻲ ﺳﻨﻴﻨﻲ
ﻭﺟﺎﺕ ﺍﻟﻤﻮﺟﻪ ﺍﻟﻌﺎﻟﻴﻪ ﺍﻟﻌﺎﺗﻴﻪ
ﻭﻏﺮﻕ ﺍﻟﺤﻠﻢ ﺍﻟﻜﺎﻥ ﻛﺎﺳﻴﻨﻲ .
ﻣﺎﺿﻴﻌﺘﻚ ﻓﻜﺮﻩ ﻭﺧﺎﻃﺮ
ﻭﻣﺎ ﺑﺪﺩﺕ ﻫﻮﺍﻳﺎ ﺍﻟﻄﺎﻫﺮ
ﻣﺎ ﻛﺘﻤﺖ ﺍﻟﺴﺮ ﻓﻲ ﺟﻮﻓﻲ
ﻭﻗﻠﺘﻪ ﺑﺮﻳﺪﻙ ﻭﻛﻨﺖ ﺑﺠﺎﻫﺮ
ﻟﻴﻪ ﺍﻟﺤﻠﻢ ﺍﻟﻜﺎﻥ ﺑﺪﻓﻖ
ﻳﻨﻀﺐ ﺳﻴﻠﻮ ﻭﻳﺒﻘﻲ ﺳﻮﺍﺗﺮ
ﻭﻟﻴﻪ ﺍﺣﻼﻣﻨﺎ ﺍﻟﻜﺎﻥ ﺗﺘﻤﻨﻲ
ﺗﺒﻘﻲ ﻣﺮﺍﺭﺓ ﺍﻻﻟﻢ ﺍﻟﻜﺎﻓﺮ
ﺍﻧﺎ ﺳﻮﺭﺗﻚ ﺟﻨﻪ ﻭﺭﻳﻔﻪ
ﻓﻴﻬﺎ ﺍﻟﺪﻭﺡ ﺍﻃﻴﺎﺏ ﻭﺍﺯﺍﻫﺮ
ﻭﺍﻧﺎ ﻣﺴﻜﺘﻚ ﺯﺍﻣﻞ ﺍﻟﻤﺮﻛﺐ
ﻭﺳﻂ ﺍﻟﻤﻮﺝ ﺍﻟﻌﺘﻲ ﺍﻟﺪﺍﻓﺮ
ﻭﺍﻧﺎ ﺭﻛﺰﺗﻚ ﺳﺎﺱ ﺧﺘﻴﺘﻮ
ﻭﺍﻧﺘﻲ ﻫﺪﻣﺘﻲ ﺑﻨﺎﻱ ﺍﻟﻌﺎﻣﺮ