ﻭﻣﻤﻜﻦ ﺃﻏﻠﻂ ﻓﻲ ﺍﻟﺘﻌﺒﻴﺮ
ﺩﺍﻟﻴﺎ ﺍﻟﻴﺎﺱ
******
ﻋﻦ ﻣﻔﻬﻮﻡ ﺍﻟﺸﻮﻕ ﻭﺍﻟﻠﻬﻔﺔ ﻭﻋﻦ ﺇﺣﺴﺎﺱ ﺟﻮﺍﻳﺎ ﻣﺮﻳﺮ
ﻭﺇﻧﺖ ﺑﺘﻌﺮﻑ ﺇﻧﻲ ﺑﺤﺒﻚ ... ﻭﺇﻧﻮ ﺍﻟﺮﻳﺪ ﺟﻮﺍﻳﺎ ﻣﻄﻴﺮ
ﻭﺇﻧﻮ ﺍﻟﺪﺍﻓﻊ ﻛﺎﻥ ﺍﻟﻐﻴﺮﺓ ... ﻭﺇﻧﻮ ﺍﻟﻮﺿﻊ ﺍﻟﺤﺎﻟﻲ ﺧﻄﻴﺮ
ﻭﺍﻟﻤﻔﺮﻭﺽ ﺗﺘﻮﺧﻰ ﺍﻟﺤﻴﻄﺔ .. ﻭﺗﺤﻤﻲ ﺍﻟﺒﻴﻨﺎ ﻣﻦ ﺍﻟﺘﻔﺠﻴﺮ
ﺗﺴﺎﻳﺲ ﻧﺎﺭ ﺍﻟﻈﻦ ﺑﺎﻟﺤﻜﻤﺔ .. ﻭﺣﺴﻦ ﺍﻟﻤﻌﺸﺮ .. ﻭﺍﻟﺘﺪﺑﻴﺮ
ﻭﻣﺎ ﺗﺘﻌﻤﺪ ﺗﺠﺮﺡ ﺭﻳﺪﻧﺎ .. ﻭﺗﻨﻜﺮ ﻛﻞ ﺍﻟﻮﺩﻭﺍﻟﺨﻴﺮ
ﻭﻳﻦ ﺍﻟﺮﺣﻤﺔ ﺍﻟﻜﺎﻥ ﺑﻴﻨﺎﺗﻨﺎ؟ .. ﻭﻳﻦ ﺍﻟﻤﻐﻔﺮﺓ ﻭﺍﻟﺘﻘﺪﻳﺮ؟
ﻭﻳﻦ ﺗﺼﺮﻳﺤﻚ ﻟﻲ ﺑﻴﺤﺒﻚ .. ﻭﺍﻧﻮ ﺍﻟﺒﻴﻨﺎ ﻧﺒﻴﻞ ﻭﻛﺒﻴﺮ؟
ﻭﺍﻧﻚ ﺇﺗﻌﻠﻤﺖ ﺗﺴﺎﻣﺢ .. ﻭﺗﻔﻬﻢ ﺇﻧﻮ ﺍﻟﺸﻚ ﺷﺮﻳﺮ
ﻭﻣﺎﺗﺪﻳﻬﻮ ﻣﺠﺎﻝ ﺑﻴﻨﺎﺗﻨﺎ .. ﻭﺃﻗﻔﻞ ﻋﻨﻮ ﺧﻄﻮﻁ ﺍﻟﺴﻴﺮ
ﻭﺧﻠﻲ ﻃﺮﻳﻖ ﺇﺣﺴﺎﺳﻚ ﻭﺍﺣﺪ .. ﻭﺣﺪﺩ ﻟﻴﻨﺎ ﺍﻟﺼﺪﻕ ﻣﺼﻴﺮ
ﻭﻛﻴﻒ ﻓﻜﺮﺕ ﺗﺒﻴﻊ ﺍﻟﻌﺸﺮﺓ؟ .. ﻭﻟﺴﺔ ﺍﻟﺒﻴﻨﺎ ﻭﺩﻳﻊ ﻭﺻﻐﻴﺮ؟
ﻣﺎ ﺑﺴﺘﺤﻤﻞ ﻧﺎﺭﺍﻟﻔﺮﻗﺔ .. ﻭﻇﻠﻢ ﺍﻟﻬﻮﻯ .. ﻭﺷﻤﺎﺗﺔ ﺍﻟﻐﻴﺮ
* ﻭﺃﻳﻮﺓ ﺑﻐﻴﺮ ..
ﻭﺃﻧﺎ ﺑﺘﻬﻤﻚ ﺑﺎﻟﺘﻘﺼﻴﺮ
ﻭﺣﻘﻮ ﺗﻌﻴﺪ ﺗﻘﺪﻳﺮ ﺍﻟﻤﻮﻗﻒ .. ﻭﻳﺮﺟﻊ ﻇﻠﻤﻚ ﻟﻴﻨﺎﺣﺴﻴﺮ
ﺃﻧﺎ ﻗﺪﻣﺖ ﻓﺮﻭﺽ ﺍﻟﻄﺎﻋﺔ .. ﻭﻟﺴﻊ ﺇﻧﺖ ﻋﻠﻴﻨﺎ ﺃﻣﻴﺮ
ﻭﻟﺴﻊ ﺣﺒﻚ ﺯﺍﺩ ﻟﻲ ﺑﻜﺮﺓ .. ﻭﺭﻳﺪﻙ ﻓﻴﻨﺎ ﻣﻨﺎﺭﺓ ﻭﻧﻴﻞ
ﻳﻐﺴﻞ ﻋﻨﻨﺎ ﻣﻠﺢ ﺍﻟﻮﺣﺪﺓ .. ﻭﻟﻴﻮ ﻓﻲ ﺍﻟﺨﺎﻃﺮ ﻣﻮﺝ ﻭﻫﺪﻳﺮ
ﻭﺃﻳﻮﺓ ﺑﻐﻴﺮ
ﻣﻦ ﺇﻧﺴﺎﻥ ﻳﻨﻌﻢ ﺑﻲ ﻗﺮﺑﻚ
ﻭﻃﻮﻝ ﺍﻟﻴﻮﻡ ﻣﺘﺤﻜﺮﺟﻨﺒﻚ
ﻭﺣﺎﻳﻢ ﺑﻴﻦ ﺷﺮﻳﺎﻧﻚ ﻭﻗﻠﺒﻚ
ﻭﻗﺎﻃﻊ ﻋﻨﻨﺎ ﺧﺒﺮﻙ ﻭﺩﺭﺑﻚ
ﻭﺧﺎﻑ ﻳﺎ ﻇﺎﻟﻢ ﻳﻮﻡ ﻣﻦ ﺭﺑﻚ
ﺷﺎﻋﻞ ﻓﻴﻨﺎ ﻣﺠﺎﻣﺮ ﺣﺒﻚ
ﻭﻣﺎ ﺩﺍﻳﺮﻧﺎ ﺛﻮﺍﻧﻲ ﻧﻐﻴﺮ؟؟ !!
* ﻭﺣﻘﻮ ﺑﺪﻝ ﻣﺎ ﺗﻠﻮﻡ ﺇﺣﺴﺎﺳﻨﺎ ﻭﻟﻴﻨﺎ ﺗﺪﻕ ﻛﻞ ﻳﻮﻡ ﺃﺟﺮﺍﺳﻚ
ﺗﻔﻬﻢ ﺇﻧﻮ ﺃﻧﺤﻦ ﺣﺒﺎﻳﺒﻚ .. ﻭﻧﺤﻦ ﻗﺮﺍﻳﺒﻚ .. ﻭﺃﻫﻠﻚ .. ﻭﻧﺎﺳﻚ
ﻭﻣﺤﺘﺎﺟﻴﻦ ﻧﻄﻤّﻦ ﺃﻛﺘﺮ .. ﺇﻧﻨﺎ ﻟﺴﻊ ﻧﻮﺭ ﻧﺒﺮﺍﺳﻚ
ﻭﺍﻧﻚ ﻟﺴﻊ ﻣﻐﺮﻡ ﺑﻴﻨﺎ .. ﻭﻟﺴﺔ ﻟﻬﻴﺐ ﺍﻟﺸﻮﻕ ﺃﺳﺘﺎﺫﻙ
ﻭﺇﻧﻮ ﺍﻟﻌﺸﺮﺓ ﻳﻤﻴﻦ ﻣﺎ ﻫﺎﻧﺖ .. ﻭﺑﻴﻨﺒﺾ ﺑﺎﻹﺧﻼﺹ ﺇﺣﺴﺎﺳﻚ
ﻭﺇﻧﻚ ﻓﺎﻫﻢ ﻛﻮﻧﻬﺎ ﻏﻴﺮﺓ .. ﻭﺗﻄﺮﺩ ﺑﺎﻟﻐﻔﺮﺍﻥ ﻭﺳﻮﺍﺳﻚ
ﻭﺃﻳﻮﺓ ﺑﻐﻴﺮ .. ﻣﻦ ﺟﻴﺮﺍﻧﻚ .. ﻭﻣﻦ ﺣﺮﺍﺳﻚ