ﺧﺒﺎﺛﺔ ﺟﺎﺭﺍﺕ
ﺑﻘﻠﻢ : ﻧﻮﺭ ﺍﺣﻤﺪ
ﺍﻧﺎ ﻫﻨﺪ ﻣﺘﺰﻭﺟﺔ ﻟﻲ ﺗﻼﺗﺔ ﺳﻨﺔ ﻭﺧﻼﻝ ﺍﻟﺘﻼﺗﺔ ﺳﻨﺔ ﺩﻱ ﻡ ﺣﺼﻞ ﻟﻲ ﺣﻤﻞ ﺑﺲ ﻛﻨﺖ ﺩﺍﻳﻤﺎ ﺻﺎﺑﺮﺓ ﻭﻣﺴﺘﺤﻤﻠﺔ ﻭﺭﺍﺟﻴﺔ ﻓﺮﺝ ﺭﺑﻨﺎ
ﻡ ﺣﺎﻗﺪﺭ ﺍﻭﺻﻒ ﻟﻴﻜﻢ ﺍﻟﺬﻝ ﻭﺍﻟﻜﻼﻡ ﺍﻟﺒﻴﻘﻊ ﻓﻲ ﺍﺿﺎﻧﻲ ﺫﻱ ﺍﻟﺴﻬﻢ
ﺍﻧﺎ ﻋﺸﺮﻳﻨﻴﺔ ﺍﺗﺰﻭﺟﺖ ﺻﻐﻴﺮﺓ ﻻﻧﻮ ﻓﻲ ﺍﻫﻠﻨﺎ ﺍﻟﺒﺖ ﺣﺪﻫﺎ ﺗﺎﻟﺖ ﻭﺧﻼﺹ ﻟﻮﻧﻲ ﻗﻤﺤﻲ ﻭﺯﻧﻲ ﻣﻠﻴﺎﻧﺔ ﻣﻦ ﺧﺼﺮﻱ ﻭﻃﺒﻌﺎ ﺑﻌﺪ ﺍﻟﺰﻭﺍﺝ ﺍﻟﻤﺮﺍﺓ ﺟﺴﻤﻬﺎ ﺑﺘﻐﻴﺮ ﻭﺑﺘﺒﻘﻰ ﻣﻼﻣﺤﺎ ﻇﺎﻫﺮﺓ
ﺯﻭﺟﻲ ﺍﺳﻤﻮ ﺍﺣﻤﺪ ﺷﺎﺏ ﺛﻼﺛﻴﻨﻲ ﻛﺎﻥ ﻣﻐﺘﺮﺏ ﻭﺭﺟﻊ ﻭﺍﻫﻠﻮﺍ ﺍﺧﺘﺎﺭﻭﻧﻲ ﻟﻴﻪ
ﻋﻤﺮﻱ ﻡ ﺷﻔﺘﻮﺍ ﺍﻭ ﺍﻗﺪﺭ ﺍﻗﻮﻝ ﺍﺭﺗﺒﻄﺖ ﺑﻴﻪ ﺑﻌﻼﻗﺔ ﻗﺒﻞ ﺍﻟﺰﻭﺍﺝ
ﻳﺎﻫﻮ ﺷﺎﻟﻮﻧﻲ ﻭﺩﻭﻧﻲ ﻟﻴﻪ
ﻫﻮ ﻛﺎﻥ ﺍﻧﺴﺎﻥ ﺑﺴﻴﻂ ﻭﺭﺍﺿﻲ ﺑﺎﻟﻮﺿﻊ ﺑﺲ ﻟﻼﺳﻒ ﺭﺑﻨﺎ ﻟﻮ ﺭﻳﺤﻚ ﺍﻟﻨﺎﺱ ﻡ ﺑﺘﺮﻳﺤﻚ
ﻭﺩﺍ ﺍﻟﺤﺼﻞ ﻣﻌﺎﻱ
ﻟﻤﺎ ﺭﺣﻠﻮﺍ ﺟﻤﺒﻨﺎ ﺟﻴﺮﺍﻥ ﺟﺪﺍﺩ ﻭﻃﺒﻌﺎ ﻋﺎﺩﺗﻨﺎ ﺍﻧﻮ ﻧﻜﺮﻣﻬﻢ ﻭﻧﺪﺧﻞ ﻋﻠﻴﻬﻢ
ﻭﻓﻌﻼ ﻣﺸﻴﺖ ﻟﻘﻴﺘﻬﻢ ﻋﺒﺎﺭﺓ ﻋﻦ ﻣﺮﺃﺓ ﻓﻲ ﻧﻬﺎﻳﺔ ﺍﻟﺘﻼﺗﻴﻦ ﻭﻣﻌﺎﻫﺎ ﺗﻼﺗﺔ ﺑﻨﺎﺕ ﻭﺣﺪﺍﺕ ﻓﻲ ﻋﻤﺮﻱ ﻭﻭﺍﺣﺪﺓ ﺍﺻﻐﺮ ﻣﻨﻲ
ﻣﺸﻴﺖ ﻭﺍﺗﻌﺮﻓﺖ ﻋﻠﻴﻬﻢ ﻭﺑﻌﺪ ﻳﻮﻣﻴﻦ ﺯﺍﺭﻭﻧﻲ ﻭﺑﻘﻦ ﺑﻨﺎﺗﺎ ﺑﺠﻮﻧﻲ ﺑﺤﻜﻢ ﻳﺘﻮﻧﺴﻮﺍ ﻣﻌﺎﻱ ﻭﻳﺸﺤﻨﻮﺍ ﺗﻠﻔﻮﻧﺎﺗﻬﻢ ﻋﺸﺎﻥ ﻛﻬﺮﺑﺘﻬﻢ ﻓﻴﻬﺎ ﻋﻄﻞ
ﻭﺑﻘﻦ ﻳﺼﺎﺩﻓﻦ ﺯﻭﺟﻲ ﻭﻳﺘﻮﻧﺴﻮﺍ ﻣﻌﺎﻩ ﻭﻳﻬﻈﺮﻭﺍ ﻭﻃﺒﻌﺎ ﺑﺤﻜﻢ ﺍﻟﺠﻴﺮﺓ ﺩﻓﻨﺘﺎ ﻏﻴﺮﺗﻲ ﻭﺍﻻﺣﺴﺎﺱ ﺍﻟﺠﻮﺍﻱ ﻭﻋﻤﻠﺖ ﺭﺍﻳﺤﺔ
ﻟﻘﺎﻳﺖ ﻣﺎ ﺟﻰ ﺍﻟﻴﻮﻡ ......
ﺍﺿﻐﻄﻮﺍ ﻻﻳﻚ ﻟﻠﺼﻔﺤﺔ ﻭﻣﺘﺎﺑﻌﺔﻋﺸﺎﻥ ﺗﻨﺰﻝ ﻟﻴﻜﻢ ﺑﻘﻴﺔ ﺍﻟﻘﺼﺔ
# ﺗﻌﺪﻳﻞ 1
ﻛﻨﺖ ﻃﻴﺒﺔ ﻣﻌﺎﻫﻢ ﻟﻼﺧﺮ ﻟﻮ ﺍﺣﺘﺎﺟﻮ ﻟﻲ ﺣﺎﺟﺔ ﺧﻤﺲ ﺩﻗﺎﻳﻖ ﺑﻌﻤﻠﻬﺎﻟﻴﻬﻢ ﺣﻠﺘﻨﺎ ﻭﺍﺣﺪﺓ ﻭﻛﻞ ﺷﻲ ﻭﺍﺣﺪ ﻡ ﺑﻴﻔﺮﻗﻨﺎ ﺍﻻ ﺍﻟﻨﻮﻡ ﺣﺘﻰ ﺍﻟﻨﺎﺱ ﺑﻘﺖ ﺑﺘﻔﻜﺮ ﺍﻧﻬﻢ ﺍﺧﻮﺍﺗﻲ ﺍﻭ ﺑﻴﺒﻘﻮﺍ ﻟﻴﻨﺎ
ﺑﺲ ﺑﻘﻮﻟﻮﺍ ﺍﺗﻘﻲ ﺷﺮ ﻣﻦ ﺍﺣﺴﻨﺖ ﺍﻟﻴﻪ
ﺑﺘﺬﻛﺮ ﺣﺼﻠﺖ ﻟﻲ ﺣﺎﻟﺔ ﻛﺪﺍ ﺑﻘﻴﺖ ﻣﺮﻳﻀﺔ ﻭﺣﻤﻰ ﻭﺻﺪﺍﻉ ﻋﺎﻟﻲ ﻟﺪﺭﺟﺔ ﺍﻧﻮ ﺑﻨﻜﺶ ﺷﻌﺮﻱ ﻭﺍﻛﺐ ﻓﻴﻪ ﻣﻮﻳﺔ ﺑﺎﺭﺩﺓ ﻣﺸﻴﺖ ﻓﺤﺼﺖ ﻛﻞ ﻓﺤﻮﺻﺎﺗﻲ ﻧﻀﻴﻔﺔ ﺗﻤﻴﺖ ﻳﻮﻣﻴﻦ ﺭﺟﻌﺖ ﻓﺤﺼﺖ ﺑﺲ ﺍﻟﻤﺮﺓ ﺩﻱ ﻓﺤﺼﺖ ﺍﻟﺤﻤﻞ ﻭﻗﻮﻟﺘﺎ ﺧﻼﺹ ﺣﺼﻞ ﺍﻟﻤﻨﺘﻈﺮﺍﻩ ﻻﻧﻮ ﺩﻱ ﺍﻋﺮﺍﺿﻮﺍ ﻭﻛﺪﺍ
ﺑﺲ ﻳﺎﻝ ﺧﻴﺒﺔ ﺍﻻﻣﻞ ﻃﻠﻊ ﻋﻨﺪﻱ ﻏﺮﻗﺎﻥ ﻭﺧﻼﺹ ﻣﻌﻨﻮﻳﺎﺗﻲ ﺍﺗﺤﻄﻤﺖ ﺑﻘﻴﺖ ﺑﻘﻮﻡ ﺍﻛﻞ ﻭﺍﺭﺟﻊ ﺍﻧﻮﻡ
ﺑﺲ ﺳﻤﺎﻫﺮ ﻭﺳﻬﻰ ﻭﺳﺠﻮﺩ ﻛﺎﻧﻮ ﻣﻌﺎﻱ ﻭﻡ ﻗﺼﺮﻭﺍ ﻣﻨﻲ ﺍﺳﺘﻠﻤﻮﺍ ﻛﻞ ﺷﻐﻠﻲ
ﺑﺲ ﺍﻟﻤﻮﻳﺔ ﻛﺎﻧﺖ ﺟﺎﺭﻳﺔ ﺑﺘﺤﺘﻲ ﻭﺍﻧﺎ ﻣﺎﻟﻲ ﺧﺒﺮ .
ﺑﺘﺬﻛﺮ ﺍﻟﻴﻮﻡ ﺩﺍﻙ ﻛﻨﺘﺎ ﺣﺴﻴﺖ ﺑﺤﺒﺖ ﻋﺎﻓﻴﺔ
ﻭﺍﻟﻴﻮﻡ ﻛﺎﻥ ﺍﻟﺨﻤﻴﺲ ﻭﻃﺒﻌﺎ ﻋﺎﺭﻓﻴﻦ ﻧﻈﺎﻣﻮ ﻋﻨﺪ ﺍﻟﻤﺘﺰﻭﺟﻴﻦ
ﺍﺧﺪﺗﺎ ﻟﻲ ﺷﺎﻭﺭ ﻭﻟﻤﻴﺖ ﺷﻌﺮﻱ ﻭﻟﺒﺴﺖ ﻟﻲ ﺑﻴﺠﺎﻣﺔ ﺻﻔﺮﺍ ﻭﺍﺗﻌﻄﺮﺕ ﻭﺍﻧﺘﻈﺮﺕ ﺍﺣﻤﺪ ﻳﺠﻴﻨﻲ ﻭﺳﺒﺤﺎﻥ ﺍﻟﻠﻪ ﺍﻟﻴﻮﻡ ﺩﺍ ﻛﻠﻮﺍ ﻣﺎﻓﻲ ﻭﺍﺣﺪﺓ ﻣﻦ ﺍﻟﺒﻨﺎﺕ ﺟﺎﺗﻨﻲ ﺍﻓﺘﻜﺮﺗﻬﻢ ﺗﻌﺒﻮﺍ ﻣﻨﻲ ﻭﻻ ﺣﺎﺟﺔ ﻭﻋﺸﺎﻥ ﻛﺪﺍ ﻛﻨﺖ ﻣﻘﺮﺭﺓ ﺍﻣﺸﻲ ﻟﻴﻬﻢ ﺍﻟﺼﺒﺎﺡ ﺍﻓﻄﺮ ﻣﻌﺎﻫﻢ
ﻧﺮﺟﻊ ﻟﻲ ﻣﻮﺿﻮﻋﻨﺎ
ﺍﺛﻨﺎﺀ ﻡ ﻣﻨﺘﻈﺮﺓ ﺍﺗﺼﻠﺖ ﻋﻠﻲ ﺻﺤﺒﺘﻲ ﻭﺍﺧﺘﻲ ﺷﺪﻳﺪ ﺍﺳﻤﻬﺎ ﻣﻼﺫ ﺳﻠﻤﺖ ﻋﻠﻲ ﻭﺳﺄﻟﺘﻨﻲ ﻋﻦ ﺍﺧﺒﺎﺭﻱ ﻭﻛﻢ ﺳﺆﺍﻝ ﺷﺨﺼﻲ ﺑﺲ ﻡ ﺧﺘﻴﺖ ﻓﻴﻬﺎ ﺣﺎﺟﺔ ﻻﻧﻮ ﻣﺘﻊ