،،،،،،،
ﻭﺻﻠﻨﺎ ﺍﺩﻳﺲ ... ﺗﻌﺒﺎﻧﻴﻦ ﺷﺪﻳﺪ ﻧﻮﻡ ﻣﺎﻑ ﻧﻬﺎﺉ ﺟﺎﺗﻨﻰ ﻫﺒﻪ ﻭﻧﺤﻨﺎ ﻟﺴﺎ ﻑ ﺍﻟﻤﻄﺎﺭ ﺳﻠﻤﻰ ﺍﻋﻤﻞ ﺷﻨﻮ ﻗﻠﺘﺎ ﻭﺍﻟﻠﻪ ﻳﺎ ﻫﺒﻪ ﺍﻧﺎ ﻣﺤﺘﺎﺭﻩ ﻓﻴﻚ ﺍﻧﺘﻰ ﺟﺎﺩﻩ ... ﻋﺎﻳﻨﺖ ﻟﻰ ﺷﺪﻳﺪ ﻗﺎﻟﺖ ﻟﻰ ﻭﺍﻟﻠﻪ ﺟﺎﺩﻩ ﺧﻠﻴﻨﺎ ﻧﺼﻞ ﺍﻟﻔﻨﺪﻕ ﻭﺑﺤﻜﻰ ﻟﻴﻚ ﻗﻠﺘﺎ ﺑﺲ ﻣﺎ ﻳﻨﻔﻊ ﻳﺎﻫﺒﻪ ﺍﺣﻤﺪ ﺭﺍﺟﻰ ﻣﺘﻴﻦ ﻧﺼﻞ ﻗﺎﻟﺖ ﻟﻰ ﻃﺐ ﺍﻧﺎ ﺍﻋﻤﻞ ﺷﻨﻮ ﺣﻨﻴﺖ ﻋﻠﻴﻬﺎ ﺑﺲ ﻫﻴﺎ ﻻﺯﻡ ﺗﺤﻜﻰ ﻟﻰ ﺣﺼﻞ ﻟﻴﻬﺎ ﺷﻨﻮ ﻋﺸﺎﻥ ﺍﻗﺪﺭ ﺍﺳﺎﻋﺪﻩ .. ﺟﺎﺕ ﺍﻟﻌﺮﺑﻴﻪ ﺭﻛﺒﻨﺎ .. ﺍﻧﺎ ﻭﻫﺒﻪ ﻭﺍﺣﻤﺪ ﻭﺭﺍﺀ ﻭﺍﻳﻤﻦ ﺭﺍﻛﺐ ﻗﺪﺍﻡ .. ﻋﻴﻨﻰ ﻓﻰ ﻋﻴﻨﻮ ﺑﻌﺎﻳﻦ ﻟﻰ ﺳﺎﻯ ﺑﻰ ﺍﻟﻤﺮﺍﻳﻪ ﻣﺎ ﻛﻨﺘﺎ ﻣﺮﺗﺎﺣﻪ ﻧﻬﺎﺉ ﻓﻰ ﺷﻰ ﻣﺎ ﻣﻔﻬﻮﻡ ﺑﺠﺪ ﺑﺪﻳﺖ ﺍﺧﺎﻑ ﻭﺍﻟﻠﻪ ﺍﻟﻤﺴﺎﻓﻪ ﻛﺎﻧﺖ ﺑﻌﻴﺪﻩ ﻣﻦ ﺍﻟﻔﻨﺪﻕ ﺍﺣﻤﺪ ﻧﺎﻳﻢ ﻭﻫﺒﻪ ﻛﻤﺎﻥ ﻭﺍﻟﻮﻟﺪ ﺍﻟﻮﺍﻃﻰ ﺩﺍ ﺑﺲ ﻳﻌﺎﻳﻦ ﻟﻰ ﺑﻰ ﺍﻟﻤﺮﺍﻳﺎ ... ﻳﺎﺥ ﻣﺎ ﻣﻤﻜﻦ ﺍﻟﻮﻟﺪ ﺩﺍ ﻳﻜﻮﻥ ﺣﻘﻴﺮ ﻛﺪﺍ ﻧﺺ ﺳﺎﻋﻪ ﻛﺪﺍ ﻭﺻﻠﻨﺎ ﺍﻟﻔﻨﺪﻕ ﻧﺰﻟﻨﺎ ﻣﻦ ﺍﻟﻌﺮﺑﻴﻪ ﻭﺩﺧﻠﻨﺎ ﺍﻟﻔﻨﺪﻕ ﺗﺎﻧﻰ ﻫﺒﻪ ﺟﺎﺗﻨﻰ ﺍﻫﺎ ﻳﺎ ﺳﻠﻤﻰ ﺍﻋﻤﻞ ﺷﻨﻮ .... ﻗﻠﺘﺎ ﻟﻴﻬﺎ ﺍﺻﻼ ﻓﻰ ﺗﻌﺐ ﺣﺎﺻﻞ ﻣﺎ ﺡ ﻳﺤﺼﻞ ﺷﻰ ﺍﻟﻮﺿﻊ ﺍﻟﻄﺒﻴﻌﻲ ﺡ ﻧﻮﻡ ﻗﻮﻟﻰ ﺑﺴﻢ ﻳﺎﺑﺖ ﻟﻮ ﺣﺎﻭﻝ ﻣﻌﺎﻙ ﺍﺗﺼﺮﻓﻰ ﻳﺤﺪﻯ ﻣﺎ ﺗﺤﻜﻰ ﻟﻰ ﺍﻧﺘﻰ ﺣﺼﻞ ﻣﻌﺎﻙ ﺷﻨﻮ ... ﺣﻀﻨﺘﻨﻰ ﺷﺪﻳﺪ ﻟﻤﻦ ﺩﻣﻮﻋﻰ ﻧﺰﻟﺖ ﻳﻼ ﻛﺪﺍ ﺑﺠﺪ ﺣﺴﻴﺖ ﺍﻧﻮ ﻓﻰ ﻣﺸﻜﻠﻪ ... ﻭﺍﻯ ﺯﻭﻝ ﻣﺸﻰ ﻏﺮﻓﺘﻮ .... ﺍﺣﻤﺪ ﻗﺎﻟﻰ ﻭﺍﻟﻠﻪ ﻣﺸﺘﺎﺍﺍﻕ ﻟﻴﻚ ﺣﺒﻴﺒﺘﻰ ﺑﺲ ﺗﻌﺒﺎﻥ ﻗﻠﺘﺎ ﻟﻴﻮ ﻣﺎﻓﻰ ﻣﺸﻜﻠﻪ ﺍﻧﺎ ﻛﻤﺎﻥ ﻧﻌﺴﺎﻧﻪ ﺩﺧﻞ ﺍﺳﺘﺤﻤﺎ ﻭﻃﻮﺍﻟﻰ ﻧﺎﻡ ﻭﺍﻧﺎ ﻟﺴﺎ ﺷﺎﻳﻠﻪ ﻫﻢ ﻫﺒﻪ ﻣﺎ ﻗﺎﺩﺭﻩ ﺍﻧﻮﻡ ﻧﻮﻣﻨﺎ ﻣﺎ ﺻﺤﻴﻨﺎ ﺍﻳﻼ ﻣﻊ ﺍﺫﺍﻥ ﺍﻟﻤﻐﺮﺏ ﺻﺤﻴﺖ ﺑﺼﻮﺕ ﻫﺒﻪ ﻗﻮﻣﻮ ﻳﻼ ﻧﻤﺸﻰ ﻧﺎﻛﻞ ﻗﻠﺘﺎ ﻟﻴﻬﺎ ﺛﻮﺍﻧﻰ ﺑﺲ ﻧﺠﻬﺰ ﻭﻧﻄﻠﻊ ﺻﺤﻴﺖ ﺍﺣﻤﺪ ﺍﺣﻤﺪ ﻗﺎﻟﻰ ﺍﻟﺤﺎﺻﻞ ﺷﻨﻮ ﻗﻠﺘﺎ ﻟﻴﻮ ﺍﻟﻤﻐﺮﺏ ﻣﺎ ﺡ ﺗﺼﻠﻰ ﻭﻻ ﺷﻨﻮ ... ﻗﺎﻟﻰ ﻣﻌﻘﻮﻟﻪ ﻗﺎﻡ ﺩﺧﻞ ﺍﻟﺤﻤﺎﻡ ﻟﺒﺴﺘﺎ ﺳﺮﻳﻊ ﻗﺒﻞ ﻳﻄﻠﻊ ﻣﻦ ﺍﻟﺤﻤﺎﻡ ﻗﺎﻟﻰ ﻣﻌﻘﻮﻟﻪ ﺍﻧﺘﻰ ﻟﺴﺎ ﺧﺠﻼﻧﻪ ﻣﻨﻰ ﻭﻫﻮ ﺑﻀﺤﻚ ﻭﺟﺎﻯ ﻋﻠﻰ ﻗﻠﺘﺎ ﻟﻴﻮ ﺍﻧﺘﺎ ﻣﺘﻮﺿﻰ ﻣﺎ ﺗﺠﻰ ﻋﻠﻰ ﻗﺎﻝ ﻟﻰ ﺗﻤﺎﻡ ﻣﺸﻰ ﺻﻠﻰ
ﻛﻨﺘﺎ ﻻﺑﺴﻪ ﺗﻮﺏ ﺑﻌﺪ ﺧﻠﺺ ﻗﺎﻝ ﻟﻰ ﺍﻧﺘﻰ ﺟﺎﺩﻩ ﺗﻮﺏ ﻗﻠﺘﺎ ﻟﻴﻮ ﻣﺎﻟﻮ ﻣﺎ ﺣﻠﻮ ﻗﺎﻝ ﻟﻰ ﺣﻠﻮ ﺑﺲ ﻛﺎﻥ ﺗﻠﺒﺴﻰ ﺷﻰ ﻏﻴﺮﻭ ﻗﻠﺘﺎ ﻟﻴﻮ ﺗﻤﺎﻡ ﻋﻨﺪﻯ ﻓﺴﺘﺎﻥ ﺣﻠﻮ ﻃﻮﻳﻞ ﻟﺒﺴﺘﻮ ﻭﺍﻧﺎ ﺑﻠﺒﺲ ﺍﻳﻤﻦ ﺩﻗﺎ ﺍﻟﺒﺎﺏ ﺍﺑﻮ ﺣﻤﻴﺪ ﻟﺴﺎ ﺍﻧﺘﻮ ﺍﺣﻤﺪ ﻗﺎﻟﻴﻮ ﺍﻧﺎ ﺟﺎﻫﺰ ﺍﻧﺘﻈﺮﻧﻰ ﺍﺣﻤﺪ ﻃﻠﻊ ﻟﻰ ﺍﻳﻤﻦ ... ﺳﺎﻣﻌﻪ ﺑﺴﺄﻟﻮ ﻣﻨﻰ ﻗﺎﻟﻴﻮ ﺟﺎﻳﻪ ﺍﺭﺡ ﻧﻤﺸﻰ ... ﺟﺎﺗﻨﻰ ﻫﺒﻪ ﻟﺴﺎ ﻣﺎ ﻟﺒﺴﺘﻰ ﺍﻧﺘﻰ ﻭﺭﻳﺘﺎ ﺍﻧﻮ ﺍﺣﻤﺪ ﻗﺎﻝ ﻟﻰ ﻏﻴﺮﻯ ... ﻗﻠﺘﺎ ﻟﻴﻬﺎ ﺍﺣﻜﻰ ﻟﻰ ﻫﺴﺎ ﺣﺼﻞ ﺷﻨﻮ ﻗﺎﻟﺖ ﻟﻰ ﺧﻠﻰ ﺑﻌﺪﻳﻦ . ﻗﻠﺘﺎ ﻟﻴﻬﺎ ﺧﻼﺹ ﺗﻤﺎﻡ ﻃﻠﻌﻨﺎ ﻋﻠﻴﻬﻢ ﻣﻦ ﺑﻌﻴﺪ ﻧﺸﻮﻑ ﻟﻴﻚ ﺍﻳﻤﻦ ﺍﺧﺮ ﺿﺤﻚ ﻣﻊ ﺍﻟﺤﺒﺸﻴﻪ ﻳﺎﺥ ﺍﻟﻮﻟﺪ ﺩﺍ ﻭﺍﻃﻰ ﺷﺪﻳﺪ ﺟﻴﻨﺎ ﻗﻌﺪﻧﺎ ﺟﻨﺒﻬﻢ ﻭﺍﻟﻠﻪ ﻛﺎﻥ ﺷﻬﺮ ﻋﺴﻞ ﺑﺎﻳﺦ ﺟﺪﺍ ﻣﻦ ﺑﺪﺍﻳﺘﻮ ﻣﺸﺎﻛﻞ ﺑﻄﻨﻰ ﻃﻤﺖ ﻳﺎﺥ .... ﺍﻟﻤﻬﻢ ﺍﻛﻠﻨﺎ ﻭﺷﺮﺑﻨﺎ ﻗﻬﻮﻩ ... ﺯﺣﻴﻨﺎ ﺍﻧﺎ ﻭﻫﺒﻪ ﻣﻦ ﺟﻨﺒﻬﻢ ﻋﺸﺎﻥ ﺗﺤﻜﻰ ﻟﻰ .....
ﻳﻼ ﺍﻟﺼﺪﻣﻪ ﻛﺎﻧﺖ ﻫﻨﺎ