ﺣﺐ ﺍﻟﻄﻔﻮﻟﺔ
_2_
ﺍﻧﺎ ﻭﺍﻣﻲ ﻭﻣﻴﺎﺩﺓ ﻗﻌﺪ ﻧﺎﻛﻞ ﻣﺤﻤﺪ ﻭﻭﺩ ﻋﻤﺘﻲ ﺟﻮﺍ ﻡ ﺑﻌﺮﻑ ﻏﻴﺮ ﺍﺳﻤﻮ ﻃﺒﻌﺎ ﺍﻣﻲ ﻗﺎﻟﺖ ﻟﻴﻬﻮ ﺗﻌﺎﻟﻮﺍ ﺍﻧﺘﻮ ﻡ ﺍﺗﻌﺸﻴﺘﻮﺍ ﻣﺤﻤﺪ ﻗﺎﻝ ﻟﻴﻬﺎ ﺍﻧﺎ ﺍﺗﻌﺸﻴﺖ ﺑﺮﺓ ﻟﻜﻦ ﻣﺮﺍﺩ ﻡ ﺍﻛﻞ ﺍﻣﻲ ﻧﺎﺩﺗﻮﺍ ﺟﺎ ﻗﻌﺪ ﻣﻌﺎﻧﺎ ﺍﻣﻲ ﺑﻘﺖ ﺗﺴﺄﻟﻮﺍ ﻋﻦ ﺃﺧﺒﺎﺭﻫﻢ ﻭﻛﺪﺓ ﻭﺍﻟﻌﺮﻓﺘﻮﺍ ﺍﻧﻮ ﻋﻨﺪﻭ ﺍﺧﺖ ﻭﺍﺥ
ﺍﻣﻲ : ﺍﻫﺎ ﻭﺻﻠﺖ ﺳﻨﺔ ﻛﻢ ﺍﻧﺖ ﻱ ﻣﺮﺍﺩ
ﻣﺮﺍﺩ : ﻣﻤﺘﺤﻦ ﺍﻟﺴﻨﺔ ﺍﻟﺠﺎﻱ ﺍﻥ ﺷﺎﺀ ﺍﻟﻠﻪ
ﺍﻣﻲ : ﺷﺪ ﺣﻴﻠﻚ ﺍﻥ ﺷﺎﺀ ﺍﻟﻠﻪ ﺗﺎﻟﺘﺔ ﻡ ﺩﺍﻳﺮﺓ ﻟﻌﺐ
ﻣﺮﺍ : ﺍﻳﻲ ﺍﻥ ﺷﺎﺀ ﺍﻟﻠﻪ
ﻫﻮ ﻭﺃﻣﻲ ﺑﻴﺘﻮﻧﺴﻮﺍ ﻭﺍﻧﺎ ﻭﻣﻴﺎﺩﺓ ﺑﻌﺎﻳﻦ ﻟﻴﻬﻢ ﺳﺎﺍﻱ ﻃﺒﻌﺎ
ﺍﻣﻲ ﻋﺮﻓﺘﻮﺍ ﻋﻠﻴﻨﺎ ﻭﻗﺎﻝ ﻟﻴﻬﺎ ﺩﻱ ﻣﻼﺫ ﺍﻣﺘﺤﻨﺖ ﺗﺎﻣﻦ ﻭﺩﻱ ﻣﻴﺎﺩﺓ ﻣﺎﺷﺔ ﺗﺎﻟﺘﺔ ﺍﻛﺘﻔﻰ ﺑﻲ ﺍﺑﺘﺴﺎﻣﺔ ﺑﻌﺪ ﺍﻛﻠﻨﺎ ﻛﻨﺖ ﻧﻌﺴﺎﻧﺔ ﻟﻜﻦ ﻗﻠﺖ ﺍﺳﺎﻋﺪ ﺍﻟﺤﺠﺔ ﺣﺒﺔ ﻋﺸﺎﻥ ﺑﻜﺮﺓ ﺍﻟﺼﺒﺎﺡ ﺗﺨﻠﻴﻨﻲ ﺍﻃﻠﻊ ﻏﺴﻠﺖ ﺍﻟﻌﺪﺓ ﻭﻧﻈﻔﺖ ﻟﻴﻬﺎ ﺍﻟﻤﻄﺒﺦ ﻭﺍﻟﺒﻴﺖ ﻛﻠﻮ ﻣﻦ ﺗﻌﺐ ﻧﻤﺖ ﻃﻮﺍﻟﻲ ﺍﻟﺼﺮﺍﺣﺔ ﺑﻴﺘﻨﺎ ﻛﺒﻴﻴﺮ
ﺻﺤﻴﺖ ﺍﻟﺼﺒﺎﺡ ﺍﻟﺴﺎﻋﺔ 11 ﺑﻲ ﺟﻮﻃﺔ ﻧﺎﺱ ﺳﻤﺮ ﻭﺍﻳﻼﻑ ﻭﺭﻳﻬﺎﻡ ﺟﻮﻧﻲ ﺍﻟﻐﺮﻓﺔ ﻗﻠﺖ ﻟﻴﻬﻢ ﻣﺎﻟﻚ ﺟﺎﻃﻴﻦ ﺍﻟﺰﻭﻝ ﻡ ﻳﻨﻮﻡ ﺣﺘﻰ ﻑ ﺑﻴﺘﻮ ﺑﻲ ﻣﺰﺍﺝ
ﺳﻤﺮ : ﺑﻄﻠﻲ ﻛﻼﻡ ﻛﺘﻴﺮ ﻭﺑﻌﺪﻳﻦ ﺍﻧﺘﻲ ﺷﻨﻮ ﺍﻟﻤﻨﻮﻣﻚ ﻟﻘﺎﻳﺖ ﺍﺳﻲ
ﺍﻳﻼﻑ : ﻣﻦ ﻳﻮﻣﻚ ﻛﺴﻼﻧﺔ ﻗﻮﻣﻲ
ﺍﻧﺎ : ﻡ ﻗﺎﻳﻤﺔ ﻣﻦ ﺳﺮﻳﺮﻱ ﺧﻠﻮﻧﻲ ﻭﺍﻃﻠﻌﻮﺍ ﻳﻼ
ﺭﻳﻬﺎﻡ : ﻱ ﺑﺖ ﻗﻮﻣﻲ ﺍﻟﻠﻴﻠﺔ ﻡ ﻭﺭﻳﺘﻚ ﺍﻟﺤﺼﻞ
ﺍﻧﺎ : ﺣﺼﻞ ﺷﻨﻮ
ﺭﻳﻬﺎﻡ : ﺍﻣﺸﻲ ﻏﺴﻠﻲ ﻭﺷﻚ ﻭﺍﺷﺮﺑﻲ ﺍﻟﺸﺎﻱ ﺑﻌﺪ ﺗﺠﻲ ﺑﻨﺤﻜﻲ ﻟﻴﻜﻲ
ﻭﻃﺮﺩﻭﻧﻲ ﻣﻦ ﻏﺮﻓﺘﻲ ﺑﻌﺪ ﺍﺗﺴﻮﻛﺖ ﻭﺷﺮﺑﺖ ﺍﻟﺸﺎﻱ ﻭﻛﺪﺓ ﻟﻘﻴﺘﻢ ﻟﺴﺔ ﻗﺎﻋﺪﻳﻦ ﻗﻠﺖ ﻟﻴﻬﻢ ﺍﻧﺘﻮ ﻟﺴﺔ ﻡ ﻣﺸﻴﺘﻮﺍ
ﺳﻤﺮ : ﻱ ﺑﺖ ﺍﻧﺘﻲ ﺑﺘﻄﺮﺩﻳﻨﺎ ﻭﻻ ﺷﻨﻮ ﺩﺓ ﺑﻴﺖ ﺧﺎﻟﺘﻲ ﻡ ﺗﻨﺴﻲ ﺍﻟﺤﺎﺟﺔ ﺩﻱ
ﺍﻳﻼﻑ : ﺍﻳﻲ ﻋﻨﺪﻙ ﺣﻘﻮﻕ
ﺍﻧﺎ : ﻫﻲ ﻡ ﺗﻜﺘﺮﻭﺍ ﻟﻲ ﻑ ﺷﻨﻮ ﻭﻱ ﺭﻳﺮﻱ ﺍﺣﻜﻲ
ﺭﻳﻬﺎﻡ : ﻣﺘﺰﻛﺮﻳﻦ ﻭﺩ ﺧﺎﻟﺘﻲ ﺍﻟﺤﻜﻴﺖ ﻟﻴﻜﻢ ﻋﻨﻮ
ﺳﻤﺮ : ﺍﻟﺜﻤﺢ ﺩﺍﻙ
ﺭﻳﻬﺎﻡ : ﻳﺎﻫﻮ
ﺍﻧﺎ : ﺍﻫﺎ ﻣﺎﻟﻮ .
ﺭﻳﻬﺎﻡ : ﻗﺎﻝ ﺩﺍﻳﺮ ﻳﻌﺮﺳﻨﻲ ﻭﻛﻠﻢ ﺍﻣﻲ ﻭﺍﻣﻲ ﻛﻠﻤﺘﻨﻲ
ﺍﻧﺎ : ﺩﺍﻳﺮ ﺷﻨﻮﻭﻭﻭﻭ
ﺳﻤﺮ : ﺟﺎﺍﺍﺍﺩﺓ
ﺍﻳﻼﻑ : ﻳﻌﺮﺳﻚ ﻣﺘﻴﻦ ﻱ ﺷﺎﻓﻌﺔ
ﺭﻳﻬﺎﻡ : ﻡ ﻫﺴﻲ ﺑﻌﺪﻳﻦ ﻳﺨﺨﺦ
ﺍﻧﺎ : ﺍﻫﺎ ﻛﺎﻥ ﻛﺪﺓ ﻡ ﻑ ﻣﺸﻜﻠﺔ
ﺳﻤﺮ : ﻡ ﻑ ﻣﺸﻜﻠﺔ ﻛﻴﻒ ﺍﻧﺘﻲ ﻟﺴﺔ ﺷﺎﻓﻌﺔ ﻭﺍﻣﻚ ﺯﺍﺗﺎ ﺍﻟﻤﻔﺮﻭﺽ ﻡ ﻛﺎﻥ ﺗﻮﺭﻳﻜﻲ ﺍﻟﺤﺎﺟﺔ ﺑﻌﺪ ﺗﻜﺒﺮﻱ ﺍﻧﺘﻲ ﺣﺘﻘﺮﺭﻱ ﺍﻟﺤﺎﺟﺔ
ﺭﻳﻬﺎﻡ : ﻫﻲ ﻡ ﻛﺎﻥ ﺩﺍﻳﺮﺓ ﺗﻮﺭﻳﻨﻲ ﻟﻤﻦ ﺍﻧﺎ ﺳﻤﻌﺘﻬﺎ ﺑﺘﺘﻜﻠﻢ ﻣﻊ ﺧﺎﻟﺘﻲ ﻑ ﺍﻟﻤﻮﺿﻮﻉ ﺳﺄﻟﺘﻬﺎ ﻛﻠﻤﺘﻨﻲ
ﺍﻳﻼﻑ : ﻭﺍﻧﺘﻲ ﻗﻠﺖ ﻟﻴﻬﺎ ﺷﻨﻮ؟
ﺭﻳﻬﺎﻡ : ﻗﻠﺖ ﻟﻴﻬﺎ ﺑﻌﺪﻳﻦ ﻧﺸﻮﻑ
ﻭﺑﻘﻴﻨﺎ ﻧﺘﻮﻧﺲ ﻭﻗﺎﻟﻮﺍ ﻟﻲ ﺍﻟﻨﺘﻴﺠﺔ ﺍﻷﺣﺪ ﻋﻤﻠﺖ ﺭﺍﻳﺤﺔ ﻃﺒﻌﺎ ﺍﻟﻌﺼﺮ ﻛﺎﻟﻌﺎﺩﺓ ﻃﺎﻟﻌﺔ ﺍﻟﻌﺐ ﻣﻊ ﺷﻔﻊ ﺍﻟﺤﻠﺔ ﻟﻘﻴﺖ ﻣﺮﺍﺩ ﻗﺎﻋﺪ ﺟﻨﺐ ﺍﻟﺒﺎﺏ ﺑﺮﺍﻫﻮ ﺳﺄﻟﻨﻲ ﻣﺎﺷﺔ ﻭﻳﻦ؟
ﺍﻧﺎ : ﺍﻧﺎ؟
ﻣﺮﺍﺩ : ﺍﻳﻲ ﻟﻲ ﻣﺴﺘﻐﺮﺑﺔ
ﺍﻧﺎ : ﻣﺎﺷﺔ ﺍﻟﻌﺐ ﻫﻨﺎ ﻑ ﻣﻴﺪﺍﻥ ﺍﻟﺤﻠﺔ
ﻣﺮﺍﺩ : ﻑ ﺍﻟﻤﻴﺪﺍﺍﺍﺍﺍﺍﻥ؟ ﺑﺘﻠﻌﺒﻮﺍ ﺷﻨﻮ ﻛﻮﺭﺓ؟؟
ﺍﻧﺎ : ﺍﻳﻲ ﻣﺎﻟﻚ ﻣﺴﺘﻐﺮﺏ
ﻣﺮﺍﺩ : ﻻﻻ ﻡ ﻑ ﺣﺎﺟﺔ ﻣﻤﻜﻦ ﺍﻣﺸﻲ ﻣﻌﺎﻛﻲ ﻻﻧﻮ ﺍﻧﺎ ﺯﻫﺠﺎﻥ ﻭﻣﺤﻤﺪ ﻗﺎﻝ ﻋﻨﺪﻭ ﺩﺭﺱ ﻭﻃﻠﻊ ﻭﺍﻧﺎ ﺑﺮﺍﻱ ﺯﻳﻤﺎ ﺷﺎﻳﻔﺔ
ﺍﻧﺎ : ﻡ ﻑ ﻣﺸﻜﻠﺔ ﺍﺭﺡ ﻣﺎﺷﻴﻴﻦ ﺍﻧﺎ ﻭﻫﻮ ﺳﺄﻟﻨﻲ ﺍﻧﺘﻮ ﻭﻣﻨﻮ ﺑﺘﻠﻌﺒﻮﺍ ﻗﻠﺖ ﺍﻭﻻﺩ ﻭﺑﻨﺎﺕ ﺍﻟﺤﻠﺔ ﻭﻭﻭ
ﺍﻟﻤﻴﺪﺍﻥ ﻗﺮﻳﺐ ﻭﻻ ﺑﻌﻴﺪ ﻗﻠﺖ ﻗﺮﻳﺐ ﻣﺴﺘﻐﺮﺏ ﺷﺪﻳﺪ ﻃﺒﻌﺎ ﻗﻠﺖ ﻋﻨﺪﻛﻢ ﻡ ﺑﻠﻌﺒﻮﺍ؟ ‏( ﻃﺒﻌﺎ ﻫﻮ ﺳﺎﻛﻦ ﺍﻟﺠﺰﻳﺮﺓ ‏) ﻗﺎﻝ ﻟﻲ ﻋﻨﺪﻧﺎ ﻡ ﺑﻄﻠﻌﻮﺍ ﻣﻦ ﺍﻟﺒﻴﺖ ﻧﺎﺱ ﺣﻠﺘﻨﺎ ﻗﻠﺖ ﻳﻌﻨﻲ ﺑﺘﻜﻮﻥ ﻗﺎﻋﺪ 24 ﺳﺎﻋﺔ ﻑ ﺍﻟﺒﻴﺖ ﻗﺎﻝ ﻻﻻ ﻱ ﻫﺒﻠﺔ ﻗﺼﺪﻱ ﺍﻟﺒﻨﺎﺕ ﻡ ﺑﻄﻠﻌﻮﺍ ﻑ ﺍﻟﺸﺎﺭﻉ ﻭﻳﻠﻌﺒﻮﺍ ‏( ﺍﻟﺼﺮﺍﺣﺔ ﺍﺗﺠﺮﺟﺖ ﺑﺲ ﻛﺘﻤﺘﻬﺎ ﻑ ﺣﻨﺎﻧﻲ ‏)
ﻟﻘﻴﻨﺎﻫﻢ ﺑﻠﻌﺒﻮﺍ ﻭﺳﻤﺮ ﺟﺎﻃﺖ ﻓﻴﻨﻲ ﻻﻧﻮ ﺍﺗﺎﺧﺮﺕ ﺍﻟﻤﻬﻢ ﻟﻌﺒﻨﺎ ﻟﻘﺎﻳﺖ ﻗﺮﻳﺐ ﺍﻟﻤﻐﺮﺏ ﻭﻧﺤﻨﺎ ﺍﻟﻔﺰﻧﺎ ﻃﺒﻌﺎ ﻉ ﺍﻻﻭﻻﺩ ﻭﻣﺆﻳﺪ ﺩﺍﻳﺮ ﻳﻤﻮﺕ ﺑﺎﻟﻐﻴﻆ ﻣﺮﺍﺩ ﻗﺎﻝ ﺑﻌﺪ ﺩﺓ ﻧﺮﺟﻊ ﻻﻧﻮ ﺍﻣﻚ ﺣﺘﻘﻠﻖ ﻋﻠﻴﻜﻲ ﻗﻠﺖ ﻟﻴﻬﻮ ﺍﺭﺡ
ﻭﺭﺟﻌﻨﺎ ﺍﻟﺒﻴﺖ ﺑﻌﺪ ﻳﻮﻣﻴﻦ ﺍﻟﻨﺘﻴﺠﺔ ﻃﻠﻌﺖ ﻭﺟﺒﺖ 270 ‏( ﺍﺧﺘﻜﻢ ﺷﺎﻃﺮﺓ ﺑﺎﻟﺮﻏﻢ ﻣﻦ ﻋﻤﺎﻳﻼ ﻭﺣﻮﺍﻣﺘﺎ ‏) ﻭﺃﻳﺎﻡ ﺍﻟﻨﺘﻴﺠﺔ ﻗﺮﺷﺖ ﺷﺪﻳﺪ ﻃﺒﻌﺎ ﺍﻟﺤﺎﺝ ﻡ ﻗﺼﺮ ﻭﺍﻣﻲ ﺑﺮﺿﻮ ﺟﺪ ﻛﻨﺖ ﻓﺮﺣﺎﻧﺔ ﻭﻭﺳﻤﺮ ﺟﺎﺑﺖ 265 ﻭﺍﻳﻼﻑ 263 ﻭﺭﻳﻬﺎﻡ 260
ﻭﺭﺍﺟﻞ ﻋﻤﺘﻲ ﻃﺒﻌﺎ ﻣﺸﻰ ﻭﺧﻠﻰ ﻣﺮﺍﺩ ﻣﻌﺎﻧﺎ ﺣﻴﻘﻌﺪ ﻣﻌﺎﻧﺎ ﻓﺘﺮﺓ ﻭﺣﻴﺮﺟﻊ ﻣﺮﺓ ﺍﻧﺎ ﻭﻫﻮ ﻣﺤﻤﺪ ﻗﻌﺪ ﻧﺘﻮﻧﺲ ﻣﺤﻤﺪ ﻗﺎﻝ ﺍﻧﺘﻲ ﻱ ﻣﻼﺫ ﻭﺍﻟﻠﻪ ﺑﻲ ﻧﺘﻴﺠﺘﻚ ﺩﻱ ﺩﺧﻠﺘﻴﻨﻲ ﻑ ﻓﺘﻴﻞ ﻣﺮﺍﺩ ﺍﻟﺼﺮﺍﺣﺔ ﻳﻌﻨﻲ ﻛﻼﻣﻮ ﺻﺢ ﺍﺑﻮﻛﻲ ﺍﻱ ﺣﺎﺟﺔ ﻛﺪﺓ ﻭﻻ ﻛﺪﺓ ﻑ ﺍﻟﻨﺘﻴﺠﺔ ﺣﻴﻀﻐﻄﻮﺍ ﺑﻴﻜﻲ ﻳﻼ ﻣﺨﺼﻮﺹ ﺩﺧﻠﺘﻮ ﻋﺸﺎﻥ ﻳﺘﻜﺴﺮ ﻑ ﺍﻟﺒﻴﺖ ﻭﻳﻘﺮﺍ ﻡ ﻛﻞ ﻡ ﺍﻃﻠﻊ ﻣﻦ ﺍﻟﺒﻴﺖ ﻳﺠﻲ ﻭﺭﺍﻱ ﻭﻳﺮﺟﻌﻨﻲ ﺍﻓﺮﺣﻲ ﺑﺎﻻﺟﺎﺯﺓ ﺩﻱ ﻋﺸﺎﻥ ﺗﺎﻧﻲ ﻡ ﻓﻲ ﻟﻴﻜﻲ ﺍﻱ ﻟﻌﺐ ﻭﺣﻮﺍﻣﺔ ﻣﻊ ﺍﻭﻻﺩ ﺍﻟﺤﻠﺔ ﻛﺎﻥ ﺍﻧﺘﻲ ﻭﻻ ﺳﻤﺮ ﻭﻻﺻﺤﺒﺎﺗﻚ
ﺑﻘﻴﻨﺎ ﻧﺘﺸﺎﻛﻞ ﺍﻧﺎ ﻭﻫﻮ ﻑ ﺍﻟﻨﻬﺎﻳﺔ ﺧﻠﻴﺘﻬﻢ ﻭﻃﻠﻌﺖ ﻏﺮﻓﺘﻲ ﻟﻘﻴﺖ ﻣﻴﺎﺩﺓ ﻧﺎﻳﻤﺔ ﺣﻼﺗﺎ ﻭﻫﻲ ﻧﺎﻳﻤﺔ ﻱ ﻧﺎﺍﺍﺱ ﻋﺜﻞ ﻭﺍﻟﻠﻪ ﻣﻼﻙ ﻋﺪﻳﻞ ﺑﺲ ﻡ ﺗﺸﻮﻓﻮﻫﺎ ﻭﻫﻲ ﺻﺎﺣﻴﺔ ﺷﻴﻄﺎﻥ ﺍﺣﻤﺮ ﺷﻐﻠﺖ ﺍﻟﺘﻠﻔﺰﻳﻮﻥ ﻭﻗﻌﺪ ﺍﺣﻀﺮ ﻣﺮﺍﺩ ﺟﺎﻧﻲ ﻗﺎﻝ ﻟﻲ ﺯﻋﻠﺘﻲ ﻣﻨﻨﺎ؟؟ ﻗﻠﺖ ﻟﻲ ﺍﺯﻋﻞ؟ ﻗﺎﻝ ﻃﻴﺐ ﻟﻲ ﺧﻠﻴﺘﻨﻲ ﻭﻃﻠﻌﺖ ﻗﻠﺖ ﻟﻴﻬﻮ ﺯﻫﺠﺖ ﻣﻦ ﻛﻼﻣﻜﻢ ﺍﻟﻜﺘﻴﺮ ﺍﻧﺖ ﻭﻣﺤﻤﺪ . ﻗﺎﻝ ﻃﻴﺐ ﻣﻤﻜﻦ ﺍﻗﻌﺪ ﻣﻌﺎﻛﻲ ﻭﺍﺣﻀﺮ ﻻﻧﻮ ﻣﺤﻤﺪ ﺑﻌﺪ ﻫﺮﺷﺘﻴﻬﻮﺍ ﻗﺮﺭ ﻳﻘﺮﺍ ﻗﻠﺖ ﻭﺟﻊ ﺗﻌﺎﻝ ﺍﺣﻀﺮ ﺑﻘﺎ ﻳﻀﺤﻚ ﻗﻠﺖ ﻟﻴﻬﻮ ﻣﺎﻟﻚ ﻗﺎﻝ ﻡ ﻑ ﺷﻲ ﺑﻌﺪ ﻣﺴﺎﻓﺔ ﻗﺎﻝ ﻟﻲ ﺍﻧﺘﻲ ﻱ ﻣﻼﺫ ﺩﺍﻳﺮﺓ ﺗﻘﺮﻱ ﺷﻨﻮ ﻗﻠﺖ ﺩﺍﻳﺮﺓ ﺗﺒﻘﻲ ﺷﻨﻮ ﺑﺪﻭﻥ ﺍﻱ ﺗﺮﺩﺩ ﻗﻠﺖ ﻟﻴﻬﻮ ﺩﺍﻳﺮﺓ ﺍﺑﻘﻰ ﺩﻛﺘﻮﺭﺓ ﻗﺎﻝ ﻟﻲ ﻡ ﺷﺎﺀ ﺍﻟﻠﻪ ﺷﺪﻱ ﺣﻴﻠﻚ ﻻﻧﻮ ﺍﻧﺘﻲ ﺷﺎﻃﺮﺓ ﻭﻟﻮ ﺍﺻﺮﻳﺘﻲ ﻉ ﻛﻼﻣﻚ ﻭﻋﻨﺪﻙ ﺭﻏﺒﺔ ﺑﺘﻘﺮﻱ ﺍﻟﺤﺎﺟﺔ ﺍﻻﻧﺘﻲ ﺩﺍﻳﺮﺍﻫﺎ ﻗﻠﺖ ﺍﻥ ﺷﺎﺀ ﺍﻟﻠﻪ ﻭﺍﻧﺖ؟ ﻗﺎﻝ ﻱ ﺩﺍﻳﺮﺓ ﺍﺑﻘﻰ ﻣﻬﻨﺪﺱ . ﻭﺍﻧﺎ ﻭﻫﻮ ﺑﻨﺤﻀﺮ ﺍﻧﺎ ﻧﻤﺖ
ﺍﻟﺼﺒﺎﺡ ﺻﺤﻴﺖ ﺍﻣﻲ ﻗﺎﻟﺖ ﻟﻲ ﻧﻈﻔﻲ ﺻﺎﻟﺔ ﺍﻟﺮﺟﺎﻝ ﻋﺸﺎﻥ ﺍﺑﻮﻛﻲ ﻗﺎﻝ ﻑ ﺿﻴﻮﻑ ﺟﺎﻳﻨﻮﺍ ﺍﻟﻌﺼﺮ ﻗﻠﺖ ﻟﻴﻬﺎ ﻛﻮﻳﺲ ﻟﻘﻴﺖ ﻣﺮﺍﺩ ﻗﺎﻋﺪ ﻫﻨﺎﻙ ﻗﻠﺖ ﻟﻴﻬﻮ ﺍﻣﻲ ﻗﺎﻟﺖ ﻟﻲ ﻧﻈﻔﻲ
‏( ﻣﻦ ﻳﻮﻣﻲ ﻫﺒﻠﺔ ﻡ ﺗﺴﺘﻐﺮﺑﻮﺍ ﺷﺪﻳﺪ ‏)
ﻗﺎﻝ ﺗﻌﺎﻟﻲ ﺍﻧﺎ ﺑﻨﻈﻒ ﻣﻌﺎﻛﻲ
ﻗﻠﺖ ﻟﻴﻬﻮ ﺍﻧﺖ ﺑﺘﻘﺪﺭ ﺗﻌﻤﻞ ﺷﻨﻮ ﻗﺎﻝ ﺑﻌﻤﻞ ﺍﻟﺤﺎﺟﺔ ﺍﻟﺒﺘﻘﻮﻟﻴﻬﺎ ﻟﻲ ﺍﻋﻤﻠﻲ ﻗﻠﺖ ﻛﻮﻳﺲ ﻛﻨﺴﺖ ﻭﺧﻠﻴﺘﻮﺍ ﻳﺮﺗﺐ ﻭﻳﻤﻜﻦ ﺍﺷﺘﻐﻞ ﺍﻛﺘﺮ ﻣﻨﻲ ﻳﺴﺘﺎﻫﻞ ﻣﺶ ﻫﻮ ﺑﺮﺍﻫﻮ ﻗﺎﻝ ﺣﺴﺎﻋﺪﻙ
ﺍﻟﻌﺼﺮ ﺍﻟﻀﻴﻮﻑ ﺟﻮﺍ ﻭﻣﻮﺿﻮﻉ ﺷﺎﻱ ﻭﺟﻮﻃﺔ ﻭﻧﺴﺒﺔ ﻻﻧﻮ ﻡ ﺑﻌﺮﻑ ﺣﺎﺟﺔ ﺑﺠﻬﺰ ﻟﻴﻬﺎ ﺍﻟﻜﺒﺎﺑﻲ ﺑﻌﺪ ﺍﻧﺘﻬﺖ ﻗﺎﻟﺖ ﻟﻲ ﻧﺎﺩﻱ ﻣﺤﻤﺪ ﻋﺸﺎﻥ ﻳﻮﺩﻱ ﺍﻟﺤﺎﺟﺎﺕ ﺩﻱ ﻗﻠﺖ ﻟﻴﻬﺎ ﻣﺤﻤﺪ ﻟﺴﺔ ﻡ ﺭﺟﻊ ﻗﺎﻝ ﺧﻼﺹ ﻧﺎﺩﻱ ﻟﻲ ﻣﺮﺍﺩ ﻗﻠﺖ ﻟﻴﻬﺎ ﻛﻮﻳﺲ ﻧﺎﺩﻳﺘﻮﺍ ﺟﺎﺀ ﺷﺎﻝ ﺍﻟﺤﺎﺟﺎﺕ ﻣﻦ ﺍﻟﻤﻄﺒﺦ