ﻋﻴﻮﻧﻚ ﺇﺫﺍ ﻓﻲ ﺍﻟﻌﻴﻮﻥ ﺍﺭﺗﺤﺎﻝ
ﺑﻠﻤﻦ ﺷﺘﺎﺕ ﺍﻟﺒﻠﻮﺩ ﺍﻟﺮﺣﻴﺒﺔ
ﺩﺭﻭﺑﻚ ﻛﺘﻴﺮﺓ ﻭﻭﺻﻮﻟﻚ ﻣﺤﺎﻝ
ﺩﺭﺏ ﻓﺮﺣﺘﻚ ﻭﻳﻨﻮ ﻛﻴﻔﻦ ﺃﺟﻴﺒﺎ
ﻭ ﺍﻧﺎ ﺍﻟﺪﻭﻥ ﺯﻭﺍﺩﺗﻚ ﺷﺪﺩﺕ ﺍﻟﺮﺣﺎﻝ
ﺭﺳﻤﺘﻚ ﺣﺪﻭﺩ ﻟﻲ ﻣﺪﺍﻳﻦ ﻏﺮﻳﺒﺔ ......
ﺑﺤﺐ ﻓﻲ ﻗﺴﺎﻭﺗﻚ ﻛﻼﻡ ﻟﺴﻪ ﻃﻴﺐ
ﺑﺸﺎﺑﻪ ﻋﺘﺎﺏ ﺍﻟﻤﺤﺐ ﻟﻠﺤﺒﻴﺐ
ﻭﻳﺠﺒﺮ ﺧﻮﺍﻃﺮﺍ ﻛﺘﻴﺮﺓ ﻭﻳﻄﻴﺐ .
ﻛﻤﺎ ﺍﻟﻨﻴﻞ ﺟﺮﺍﺡ ﺍﻟﺠﺮﻭﻑ ﺍﻟﺨﺼﻴﺒﺔ ......
ﻭﺭﻏﻢ ﺇﻧﻮ ﺿﺎﻣﻴﻨﻲ ﻟﻴﻚ ﺍﻧﺘﻤﺎﺋﻲ ﻭﻳﺸﻬﺪ ﻋﻠﻲ ﺭﺑﻲ ﻋﺎﻟﻢ ﺍﻟﻐﻴﻮﺏ
ﺑﺤﺲ ﻓﻴﻜﻲ ﺣﻦ ﺍﻟﻤﺤﺐ ﺍﻟﻤﻔﺎﺭﻕ ﻛﻤﺎ ﻓﺎﺭﻗﺖ ﺃﺭﺿﻲ ﺃﺭﺽ ﺍﻟﺠﻨﻮﺏ
ﻭﺑﺮﺿﻚ ﺑﻘﻮﻝ ﺑﻴﻨﺎ ﻧﻴﻞ ﻣﺎ ﺑﻴﻨﻀﺐ ﻭﺭﻳﺪﺗﻚ ﺗﺸﺒﻊ ﺟﻴﺎﻉ ﺍﻟﻘﻠﻮﺏ
ﺗﺼﺪﻱ ﻭﺗﺠﺎﻓﻲ ﻭﺣﺘﻰ ﺍﻟﺼﺪﻭﺩ ﻓﻴﻚ ﻛﺎﺳﻴﺎﻫﻮ ﻃﻴﺒﺔ .....
ﻣﻨﻮ ﺍﻟﻔﻲ ﺍﻟﺸﻤﺎﻝ ﻣﺎﺑﻐﻨﻴﻚ ﻣﺤﻨﺔ
ﻭﻣﻨﻮ ﺍﻟﻤﺎﺑﺸﻢ ﻓﻴﻚ ﻧﻘﺎﻭﺓ ﺃﻫﻠﻨﺎ
ﻣﻨﻮ ﺍﻟﻤﺎ ﺣﻠﻢ ﺑﻜﺮﺓ ﻳﺘﻠﻢ ﺷﻤﻠﻨﺎ
ﻭﺍﻧﺖ ﺍﻟﺴﻜﻨﺖ ﺍﺣﺘﻤﺎﻻﺕ ﺻﻮﺭﻧﺎ
ﻗﺼﺼﻨﺎ
ﻭﻟﺤﻨﻨﺎ
ﻭ ﻏﻨﺎﻭﻱ ﺍﻟﺤﻘﻴﺒﺔ ....
ﺑﻨﺒﻌﺪ ﻭﻧﻘﺴﻰ ﻭﺑﺘﺤﻠﻒ ﺻﻮﺭ ﻓﻲ ﺍﻟﺨﻴﺎﻝ ﺇﻻ ﺗﺒﻘﻰ
ﻣﺤﻨﺔ ﺩﻣﺎﻱ ﻓﻲ ﻋﺮﻭﻗﻚ ﺑﺘﻨﺘﺢ ﺗﺴﻤﻴﻨﻲ ﻣﻨﻚ ﻭﺍﻗﻮﻝ ﺇﻧﺖ ﺃﻧﻘﻰ
ﻭ ﺍﺟﻴﻚ ﻟﻮﻧﻲ ﺃﺳﻤﺮ ﻭ ﺃﻟﻘﺎﻙ ﺃﺳﻤﺮ ﺃﻧﺎﻭﻟﻚ ﺗﻤﺮﻧﺎ ﻭﺗﻨﺎﻭﻟﻴﻨﻲ ﻣﻨﻘﺎ
ﺗﻘﻮﻝ ﻟﻲ ﺑﺤﺒﻚ ﺃﺭﺩ ﺣﺒﻲ ﺃﻛﺒﺮ ﻭﻣﺸﺘﺎﻕ ﺍﺿﻤﻚ ﻭﺃﺷﻮﻑ ﺷﻮﻗﻚ ﺃﻛﺘﺮ ﻭﺗﻌﻠﻦ ﺩﻣﻮﻉ ﺍﺷﺘﻴﺎﻗﻚ
ﻧﺤﻴﺒﺎ .......
ﺑﺸﻮﻑ ﺑﻜﺮﺓ ﺃﺟﻤﻞ ﺇﺫﺍ ﻓﻲ ﻋﻴﻮﻧﻚ ﺗﺮﺍﺀﺕ ﺇﻟﻴﻚ ﺃﻱ ﺫﻛﺮﻯ ﺑﺘﻄﻤﻦ
ﺇﺫﺍ ﻓﻲ ﺧﻴﺎﻟﻚ ﺭﺳﻤﺖ ﺍﺑﺘﺴﺎﻣﺔ ﺑﺘﺨﻔﻒ ﻣﺮﺍﺭﺓ ﺧﻼﻓﻨﺎ ﻭﺗﻬﻮﻥ
ﻭ ﺍﺿﻮﻕ ﻓﻲ ﻣﺴﺎﻣﻚ ﻣﻠﻮﺣﺔ ﺍﻟﻘﺒﺎﻳﻞ ﺍﻟﻤﻦ ﺍﻟﻄﻴﻦ ﺗﺸﻜﻞ ﺻﻮﺭﻧﺎ ﻭﺗﻠﻮﻥ
ﻭﺩﻭﻥ ﺷﻚ ﻋﻴﻮﻧﻚ ﺑﺮﻏﻢ ﺍﻟﻨﻬﺎﻳﺔ ﺑﻘﺖ ﻟﻲ ﺣﺠﺎﻭﻳﻨﺎ ﺳﻤﺤﺔ ﻭ ﺣﺒﻴﺒﺔ ...........
ﻭﺑﺮﺟﻊ ﻭ ﺍﻗﻮﻝ ‏( ﻋﺬﺭﺍ ﺇﻥ ﻗﻮﻟﻲ ﻃﺎﻝ ‏)
ﺗﻌﺎﻟﻲ ﺍﻟﻨﻤﺪ ﺑﻴﻨﺎ ﺳﻜﺔ ﻭﺻﺎﻝ
ﻋﻴﻮﻧﻚ ﺇﺫﺍ ﻓﻲ ﺍﻟﻌﻴﻮﻥ ﺍﺭﺗﺤﺎﻝ
ﺑﻠﻤﻦ ﺷﺘﺎﺕ ﺍﻟﺒﻠﻮﺩ ﺍﻟﺮﺣﻴﺒﺔ