ﻓﺮﺣﺔ ‏( 3 ‏)
ﺑﻘﻠﻤﻲ
ﺃﺣﻤﺪ ﺑﺎﻟﻠﻴﻞ ﺇﺗﺼﻞ ﻋﻠﻲ ﻓﺮﺣﺔ ﺁﻟﻮ ﻓﺮﺣﺔ ﻛﻴﻔﻚ __ ﺃﻫﻠﻴﻦ ﻳﺎ ﺃﺣﻤﺪ ﺑﺨﻴﺮ ﺍﻟﺤﻤﺪﻟﻠﻪ ___ ﻳﺎﻓﺮﺣﺔ ﺑﻜﺮﺓ ﺩﺍﻳﺮﻙ ﺗﻼﻗﻴﻨﻲ ﺿﺮﻭﺭﻱ __ ﺗﻤﺎﻡ ﺧﻴﺮ ﻟﻜﻦ ﻣﺎﻟﻚ ﺑﺘﺘﻜﻠﻢ ﺗﻘﻮﻝ ﺟﺎﺑﺮﻧﻚ ﻋﻠﻲ ﺍﻟﻜﻼﻡ ﻛﺪﺍ
ﻣﺎﺑﺎﻳﻦ ﻋﻠﻴﻚ ﻣﻦ ﺻﻮﺗﻚ ﺃﺣﻤﺪ ﺍﻟﻤﺴﺘﻬﺒﻞ ﺍﻟﺒﺘﻈﺎﺭﻑ ﺩﺍﻙ __ ﺑﻘﻮﻝ ﻟﻴﻜﻲ ﻛﻞ ﺣﺎﺟﺔ ﺑﻜﺮﺓ ﻳﺎ ﻓﺮﺣﺔ ﺗﺼﺒﺤﻲ ﻋﻠﻲ ﺧﻴﺮ __ ﺍﻟﻠﻪ ﻳﺤﻴﻴﻨﺎ ﻭﺇﻧﺘﻮ ﻣﻦ ﺃﻫﻠﻮ
ﺃﺣﻤﺪ ﺍﻟﻠﻴﻞ ﻛﻠﻮ ﻳﻔﻜﺮ ﻳﺎﺭﺑﻲ ﺣﺄﻗﻮﻝ ﻟﻴﻬﺎ ﻛﻴﻒ ﻭﺑﺄﻱ ﻃﺮﻳﻘﺔ ﻭﺭﺩﺕ ﻓﻌﻠﻬﺎ ﺣﺘﻜﻮﻥ ﺗﺠﺎﻫﻲ ﺷﻨﻮ ﺃﺣﻤﺪ ﺻﻠﻲ ﻟﻴﻬﻮ ﺭﻛﻌﺘﻴﻦ ﻭﻧﺎﻡ ___ ﺍﻟﺼﺒﺎﺡ ﺃﺣﻤﺪ ﺻﺒﺢ ﻋﻠﻲ ﺃﻣﻮ __ ﻳﺎﻭﻟﺪﻱ ﻣﺎﺗﺸﺮﺏ ﺍﻟﺸﺎﻱ ﺃﻭﻝ __ ﻣﺴﺘﻌﺠﻞ ﻳﺎ ﺃﻣﻲ ﺑﺸﺮﺑﻮﺍ ﻗﺪﺍﻡ
ﻣﺸﻲ ﺍﻟﺸﻐﻞ ﻭﺍﻟﻌﺼﺮ ﺇﺗﺼﻞ ﻋﻠﻲ ﻓﺮﺣﺔ ﻭﻭﺭﺍﻫﺎ ﺍﻟﻤﻜﺎﻥ __ ﻳﻼ ﻓﺮﺣﺔ ﺩﻱ ﺯﻭﻟﺔ ﻃﻴﺒﺎﻧﺔ ﻭﻣﺤﺘﺮﻣﺔ ﻭﻫﻤﻬﺎ ﻛﻠﻮ ﺃﺳﺮﺗﺎ ﺗﻜﻮﻥ ﺳﻌﻴﺪﺓ ﻋﻨﺪﻫﺎ ﺃﺧﺘﻬﺎ ﺃﺻﻐﺮ ﻣﻨﻬﺎ ﺳﻨﺎﺀ ﻭﻫﻲ ﺍﻟﺘﺎﻧﻴﺔ ﺑﻌﺪ ﺃﺧﻮﻫﺎ ﻳﺎﺳﺮ ﻭﺇﺗﺨﺮﺟﺖ ﻣﻦ ﻃﺐ ﻭﻋﻨﺪﻫﺎ ﺑﺖ ﺧﺎﻟﺘﺎ ﻓﺎﻃﻤﺔ ﻗﺎﻋﺪﺓ ﻣﻌﺎﻫﻢ _ ﻋﻠﻲ ﻭﻳﻦ ﻳﺎ ﻓﺮﻭﺣﺔ ﺍﻟﻠﻴﻠﺔ ___ ﻳﺎﻓﻄﻮﻣﺔ ﺃﺣﻤﺪ ﻗﺎﻝ ﻻﺯﻡ ﻳﻼﻗﻴﻨﻲ ﺿﺮﻭﺭﻱ ___ ﺃﻭﻭﻭﻭ ﺃﺑﻮ ﺣﻤﻴﺪ ﺩﺍ ﺁﺧﺮ ﻟﻘﺎﺀ ﻟﻴﻚ ﻗﺒﻞ ﺍﻟﻌﺮﺱ ﻓﻬﻤﺘﻲ ﻳﺎﺑﺖ ﺑﻌﺪﻳﻦ ﺧﻄﻮﺑﺘﻚ ﺍﻟﺠﻤﻌﺔ ﺍﻟﺠﺎﻳﺔ ﻣﺎﺗﻨﺴﻲ ﻳﺎﺣﻠﻴﻠﻨﺎ ﻧﺤﻨﺎ ﻧﺪﺭﺩﻕ ﻭﻻ ﺷﻨﻮ ﻫﻬﻬﻬﻪ ﻳﻼ ﺃﻣﺸﻲ ﻣﺎﺗﺘﺒﺴﻤﻲ ﻟﻲ ﻛﺪﺍ __ ﻓﺮﺣﺔ ﻭﺻﻠﺖ ﻭﻟﻘﺖ ﺃﺣﻤﺪ ﻣﻨﺘﻈﺮﺍ ﺃﻫﻠﻴﻦ ﺍﺣﻤﺪ ﻛﻴﻔﻚ ﻭﻗﻌﺪﻭ ﻳﺘﻮﻧﺴﻮﺍ __ ﻳﻼ ﺧﻴﺮ ﺷﻨﻮ ﺍﻟﻤﻮﺿﻮﻉ ﺍﻟﻀﺮﻭﺭﻱ ﺩﺍ ﻳﺎ ﺃﺣﻤﺪ __ ﺃﺣﻤﺪ ﻣﺎﻋﺎﺭﻑ ﻳﺒﺪﺍ ﻣﻦ ﻭﻳﻦ ﺍﻟﻤﻬﻢ ﺣﻜﻰ ﻟﻔﺮﺣﺔ ﺍﻟﺤﺎﺻﻞ ﻓﺮﺣﺔ ﺑﻘﺖ ﺑﺘﺴﻤﻊ ﺑﺲ ﻓﻲ ﻛﻼﻣﻮ ﻭﺩﻣﻮﻋﺎ ﻻ ﺷﻌﻮﺭﻳﺎ ﺑﻘﺖ ﺟﺎﺭﻳﺔ __ ﺃﺣﻤﺪ ﻗﺎﻝ ﻟﻴﻬﺎ ﻭﺍﻟﻠﻪ ﻳﺎ ﻓﺮﺣﺔ ﻣﺎﻣﻨﻲ ﺇﻧﺘﻲ ﻋﺎﺭﻓﺎﻧﻲ ﺇﺳﺘﺤﺎﻟﺔ ﺑﺮﺍﻱ ﻛﺪﺍ ﺍﻋﺮﺱ ﻣﻨﺎﺭ‏( ﻣﻨﺎﺭ ﻛﺎﻧﺖ ﺑﺘﻘﺮﺍ ﻣﻌﺎﻫﻢ ﻓﻲ ﻧﻔﺲ ﺍﻟﺠﺎﻣﻌﺔ ﻟﻜﻦ ﻛﻠﻴﺔ ﺗﺎﻧﻴﺔ ‏) ﻭﺃﻛﺴﺮ ﺛﻘﺘﻚ ﻓﻴﻨﻲ ﻭﺃﻧﺎ ﻭﻋﺪﻙ ﻟﻜﻦ ﻣﺎﻣﻨﻲ ﻳﺎﻓﺮﺣﺔ ﻣﺎﺗﺒﻜﻲ ﻭﺗﺰﻋﻠﻲ ﻣﻨﻲ ﺃﻧﺎ ﻣﺎﺩﺍﻳﺮ ﺃﺟﺮﺣﻚ __ ﻓﺮﺣﺔ ﺑﺲ ﻗﺎﻟﺖ ﻟﻴﻬﻮ ﺧﻼﺹ ﺧﻠﺼﺘﺎ ﻳﺎ ﺃﺣﻤﺪ __ ﻳﺎ ﻓﺮﺣﺔ ﺑﺲ ﺃﻓﻬﻤﻲ __... ﻣﺎﻣﺸﻚﻟﺔ ﻳﺎ ﺃﺣﻤﺪ ﺃﻧﺎ ﻳﻮﻡ ﻣﺎ ﺇﺗﻮﻗﻌﺘﺎ ﺇﻧﻮ ﺩﺍ ﺣﻴﺤﺼﻞ ﻭﻓﻲ ﺍﻟﻨﻬﺎﻳﺔ ﺩﻱ ﺃﻣﻚ ﻭﻋﻔﻮﻫﺎ ﺃﻛﻴﺪ ﻻﺯﻡ ﻭﺭﺑﻨﺎ ﻛﺎﺗﺐ ﻛﺪﺍ ﻭﻛﻞ ﺣﺎﺟﺔ ﻓﻲ ﺍﻟﻨﻬﺎﻳﺔ ﻗﺴﻤﺔ ﻭﻧﺼﻴﺐ ﻭﺭﺑﻨﺎ ﻳﺴﻌﺪﻙ ﻭﻣﺎ ﺯﺍﺩﺕ ﻛﻼﻣﺎ ﻭﻗﺎﻣﺖ ﻣﺸﺖ __ ﻳﺎﻓﺮﺣﺔ ﺇﻧﺘﻈﺮﻱ ﻓﺮﺣﺔ .. ﻓﺮﺣﺔ ﺭﺟﻌﺖ ﺍﻟﺒﻴﺖ ﻭﺩﺧﻠﺖ ﻏﺮﻓﺘﺎ ﻭﻗﻌﺪﺕ ﺗﺒﻜﻲ _ ﻓﻄﻮﻣﺔ ﺟﺎﺕ ﻟﻴﻬﺎ ﻳﺎﺑﺖ ﻣﺎﻟﻚ ﻓﻲ ﺷﻨﻮ ﻣﺎﺗﺒﻜﻲ ﻫﺴﺎ ﻧﺎﺱ ﺍﻟﺒﻴﺖ ﻳﺘﻠﻤﻮﺍ ﻭﺗﻘﻠﻘﻲ ﺑﻴﻬﻢ ﻳﺎﻓﺮﺣﺔ ﺑﺘﻜﻠﻢ ﻣﻌﺎﻙ ﺃﻧﺎ ﻣﺎﻟﻚ ﻣﺸﺖ ﺟﺎﺑﺖ ﻟﻴﻬﺎ ﻣﻮﻳﺔ ﻭﺟﺎﺕ ﻳﺎ ﻓﺮﺣﺔ ﻛﺪﻱ ﻭﺭﻳﻨﻲ ﻣﺎﻟﻚ ﺇﺗﺸﺎﻛﻠﺘﻲ ﻣﻊ ﺃﺣﻤﺪ ﻓﺮﺣﺔ ﺣﻜﺖ ﻟﻴﻬﺎ ﺍﻟﺤﺼﻞ __ ﻳﺎﺯﻭﻟﺔ ﺃﺳﻤﻌﻴﻨﻲ ﻫﻨﺎ ﻣﺎﻑ ﺩﺍﻋﻲ ﺗﺒﻜﻲ ﻭﺍﻟﻠﻪ ﺃﺻﻼ ﻓﻲ ﻭﺣﺪﻳﻦ ﻛﺘﺎﺍﺭ ﺯﻳﻮ ﻣﺎ ﺗﺴﺮﻓﻲ ﺩﻣﻮﻋﻚ ﻋﺎﻟﻔﺎﺿﻲ ﺳﺎﻱ ﺃﻧﺎ ﻣﺎ ﺑﻌﺮﻓﻮ ﻫﻮ ﻛﻮﻳﺲ ﺑﺲ ﺑﻌﺮﻓﻚ ﺇﻧﺘﻲ ﻭﻳﺎﺯﻭﻟﺔ ﻛﻞ ﺣﺎﺟﺔ ﻗﺴﻤﺔ ﻭﻧﺼﻴﺐ ﻭﺑﻌﺪﻳﻦ ﺃﻣﻮ ﻣﺎ ﺇﺳﺘﺨﺎﺭﺕ ﻧﻬﺎﺋﻲ ﻭﻟﻮ ﺭﺿﺖ ﻣﺎ ﻛﺎﻥ ﺣﺘﻌﺎﻣﻠﻚ ﻣﻌﺎﻣﻠﺔ ﺳﻤﺤﺔ ﻗﻮﻣﻲ ﻫﺴﺎ ﺍﻃﻠﻌﻲ ﻏﺴﻠﻲ ﻭﺷﻚ ﺩﺍ ﻗﺒﺎﻝ ﺧﺎﻟﺘﻮ ﻣﺰﺍﻫﺮ ﺗﺸﻮﻓﻚ ___ ﻓﺮﺣﺔ ﻗﺎﻟﺖ ﻣﺼﺪﻋﺔ ﺑﻠﻌﺖ ﺑﻨﺪﻭﻝ ﻭﺻﻠﺖ ﺍﻟﻌﺼﺮ ﻭﻧﺎﻣﺖ __ ﻟﻤﻦ ﺻﺤﺖ ﻟﻘﺖ ﻣﻜﺎﻟﻤﺎﺕ ﻛﺘﻴﻴﻴﺮﺓ ﻣﻦ ﺍﺣﻤﺪ ﻭﺭﺳﺎﻳﻞ ﻟﻜﻦ ﻣﺎ ﺇﺷﺘﻐﻠﺖ ﺑﻴﻬﺎ ﻭﺭﺳﻠﺖ ﻟﻴﻬﻮ ﻭﻗﺎﻟﺖ ﻟﻴﻬﻮ ﻛﻠﻮ ﻟﺨﻴﺮ ﻭﺍﻧﺎ ﻣﺴﺎﻣﺤﺎﻙ ﻭﻣﺴﺤﺖ ﺭﻗﻤﻮ ﻭﺩﺭﺩﺷﺎﺗﻮ ﻭﺭﺳﺎﻳﻠﻮ ﻭﺃﻱ ﺣﺎﺟﺔ ﺑﺘﺘﻌﻠﻖ ﺑﻴﻬﻮ ﻭﺣﻈﺮﺗﻮ ﻭﺧﺘﺖ ﺍﻟﻮﺍﻗﻊ ﻗﺪﺍﻣﺎ ﻭﺭﺿﺖ ﺑﻴﻬﻮ ﻓﻄﻮﻣﺔ ﻗﺎﻟﺖ ﻟﻴﻬﺎ ﺍﻟﻠﻪ ﺑﻌﻮﺿﻚ ﻳﺎﺯﻭﻟﺔ ﺍﻷﺣﺴﻦ