ﻭﺩ ﺍﻟﺠﻴﺮﺍﻥ 6
ﺍﻫﺎ ﺍﻭﻝ ﻣﺎ ﺩﺧﻠﺖ ﺍﻟﺒﻴﺖ ﻣﺎ ﺷﺎﺀ ﺍﻟﻠﻪ ﺍﺧﺮ ﻓﺮﺵ ﻭ ﺣﺎﺟﻪ ﻛﺪﻩ ﺗﻔﺘﺢ ﺍﻟﻨﻔﺲ ﺗﺤﺴﻲ ﺍﻧﻚ ﻣﺎ ﻋﺎﻳﺸﻪ ﻓﻲ ﺍﻟﺴﻮﺩﺍﻥ ﺩﺧﻠﺖ ﻭﺍﻧﺎ ﻣﺘﻮﺗﺮﻩ ﻻﻧﻲ ﻣﺎ ﺑﻌﺮﻑ ﺯﻭﻝ ﻭﻣﺎ ﻻﻗﻴﻪ ﻭﺣﺪﻩ ﻣﻦ ﺑﻨﺎﺕ ﺍﻟﺠﻴﺮﺍﻥ ﻭﻻ ﺍﺧﻮﺍﺕ ﻋﺰﻣﻲ
ﻓﺠﺎﺀ ﻓﻲ ﺯﻭﻝ ﺿﺮﺑﻲ ﻓﻲ ﻛﺘﻔﻲ ﺍﺗﻠﻔﺖ ﻋﻠﻴﻪ ﻭ ﻟﻘﻴﺘﻪ ﺣﺒﻴﺒﻲ ﻗﺎﺳﻲ ﻛﺎﻥ ﻧﻔﺴﻲ ﺍﻟﻠﺤﻈﻪ ﺩﻳﻚ ﺍﻗﻮﻝ ﻟﻴﻪ ﻋﻠﻴﻚ ﺍﻟﻠﻪ ﻣﺎ ﺗﺴﺎﻓﺮ ﺧﻠﻴﻚ ﻣﻌﺎﻱ ﻭﺟﻨﺒﻲ ﺑﺲ ﺳﻜﺖ ﺳﺎﺍﺍﻱ ﻭﺑﻌﺎﻳﻦ ﻟﻴﻪ ﻭﻓﺠﺎﺀﻩ
ﻱ ﺑﺖ ﺍﻧﺘﻲ ﺳﺮﺣﺎﻧﻪ ﻭﻳﻦ
ﺍﻧﺎ -: ﻣﻌﺎﻙ ﻭﻳﻦ ﻧﻬﺎﻝ ﻭ ﻧﻮﻥ ‏( ﻧﻮﻥ ﺩﻱ ﺍﺧﺖ ﻋﺰﻣﻲ ﺍﻟﺼﻐﻴﺮﻩ ‏)
ﻋﺰﻣﻲ -: ﺟﻮﺍ ﻓﻲ ﺻﺎﻟﻪ ﻣﻊ ﺍﻟﺒﻨﺎﺕ ﺍﺗﻔﻀﻠﻲ
ﺍﻧﺎ -: ﺗﺴﻠﻢ ﺑﺲ ﻣﻤﻜﻦ ﺗﻮﺭﻳﻨﻲ ﻭﻳﻦ
ﻋﺰﻣﻲ -: ﺍﺭﺡ ﺣﺎﻣﺸﻲ ﻣﻌﺎﻙ
ﺩﺧﻠﺖ ﺍﻟﺼﺎﻟﻪ ﻭ ﺩﻱ ﺣﻜﺎﻳﻪ ﺗﺎﺍﺍﺍﻧﻲ ﺣﺎﺍﺍﺟﻪ ﻛﺪﻩ ﻭﻻ ﺻﺎﻻﺕ ﺍﻻﻓﺮﺍﺡ ﻭﻻ ﺑﻨﺎﺕ ﺍﻫﻠﻮﺍ ﺣﺴﻴﺖ ﻧﻔﺴﻲ ﺍﻧﻲ ﺍﻧﺎ ﺍﻛﺘﺮ ﻭﺣﺪﻩ ﻣﺒﺸﺘﻨﻪ ﻭ ﻣﺎ ﺣﻠﻮﻩ
ﻋﺰﻣﻲ -: ﻫﺎﺍﺍﺍﺩﻳﻚ ﻧﻬﺎﻝ
ﺍﻧﺎ -: ﺗﻤﺎﺍﺍﻡ ﺣﺎﻣﺸﻲ ﻋﻠﻴﻬﺎ
ﻭﺍﻭﻝ ﻣﺎ ﻋﺎﻭﺯﻩ ﺍﺗﺤﺮﻙ ﺳﻤﻌﺖ ﺻﻮﺕ ﻫﻤﺲ ﻓﻲ ﺍﺿﺎﻧﻲ
‏( ﺍﻟﻠﻴﻠﻪ ﺍﻧﺘﻲ ﺣﻠﻮﻩ ﻭ ﻓﺴﺘﺎﻥ ﻋﻠﻴﻚ ﺗﺤﻔﻪ ‏)
ﺑﻘﻴﺖ ﻣﻨﻄﻄﻪ ﻋﻴﻮﻧﻲ
ﻱ ﺭﺑﻲ ﺍﻟﻜﻼﻡ ﺩﺍ ﻟﻲ ﻭﻻ ﻟﻲ ﻭﺣﺪﻩ ﺗﺎﻧﻴﻪ ﺳﻜﺖ ﻃﺒﻌﺎ ﻣﺎ ﺭﺩﻳﺖ ﻋﻠﻴﻪ ﻓﻲ ﻭﻓﻲ ﺍﺛﻨﺎﺀ ﻣﺎ ﻣﺎﺷﻪ ﻋﻠﻲ ﻧﻬﺎﻝ ﺍﻟﺘﻔﺖ ﻭﺭﺍﻱ ﻋﺸﺎﻥ ﺍﺷﻮﻓﻪ ﻭﺍﻗﻒ ﻟﺴﻪ ﻭﻻ ﻣﺸﻲ ﺍﻟﺴﺎﻋﻪ ﺍﻻﺷﻮﻑ ﻟﻴﻚ ﺍﺑﺘﺴﺎﻣﻪ ﻣﻨﻮ ﻭﻗﺎﻡ ﻋﻤﻞ ﻟﻲ ﻛﺪﻩ
ﻋﻤﻠﺖ ﺭﻭﺣﻲ ﻣﺎ ﺷﺎﻳﻔﻪ ﻭ ﺟﺮﻳﺖ ﺟﺮﻱ ﻋﻠﻲ ﻧﻬﺎﻝ
ﻧﻬﺎﻝ -: ﺍﻫﻠﻴﻦ ﻛﻴﻔﻚ ﻧﻮﺭﺗﻴﻨﺎ
ﺍﻧﺎ -: ﺍﻟﺤﻤﺪﺍﻟﻠﻪ ﺑﺨﻴﺮ ﻧﻮﺭﻙ ﺳﺎﺍﺍﺑﻖ
ﻧﻬﺎﻝ -: ﺍﻣﻤﻤﻢ ﺗﻌﺮﻓﻲ ﺷﻲ ﺍﻧﺘﻲ ﺍﻟﻠﻴﻠﻪ ﺍﺣﻠﻲ ﻣﻦ ﺍﻟﻴﻮﻡ ﺩﺍﻙ ﻭ ﻛﻤﺎﻥ ﺟﻴﺘﻚ ﺍﻧﺘﻲ ﻭﻋﺰﻣﻲ ﻣﻊ ﺑﻌﺾ ﺣﻠﻮﻩ ﻫﻬﻬﻬﻪ
ﺍﻧﺎ -: ﺣﻠﻮﻩ ﻋﻴﻮﻧﻚ
‏( ﺍﺧﺪ ﻟﻲ ﻛﺮﺳﻲ ﻭ ﻗﻌﺪﺕ ﺑﻌﻴﺪ ﻭﺑﻌﺎﻳﻦ ﻓﻲ ﻧﺎﺱ ﺩﻱ ﻭ ﺗﺮﻛﺰﻱ ﻛﻠﻮﺍ ﻣﻊ ﻋﺰﻣﻲ ﻣﺘﻴﻦ ﺍﺷﺒﻊ ﻣﻨﻮ ﻻﻧﻮ ﺑﻜﺮﻩ ﻣﺴﺎﻓﺮ
# ﺍﺧﻴﺮﺍ ﺍﻟﺤﻔﻠﻪ ﺍﻧﺘﻬﺖ ﻭ ﻧﺎﺱ ﺑﺪﺕ ﺗﻄﻠﻊ ﻭﻋﺰﻣﻲ ﻭ ﺍﺧﻮﺍﺗﻮﺍ ﻭﺍﻣﻮ ﻭﺍﻓﻘﻴﻦ ﻓﻲ ﺑﺎﺏ ﺑﺪﻋﻮﺍ ﺍﻟﻨﺎﺱ ﻭﺟﻴﺖ ﻋﺸﺎﻥ ﺍﻣﺸﻲ ﺧﻼﺹ
ﻧﻬﺎﻝ -: ﻋﻠﻲ ﻭﻳﻦ ﻧﺤﻨﺎ ﻟﺴﻪ ﻣﺎ ﻗﻌﺎﺩﻧﺎ
ﺍﻧﺎ -: ﺍﻟﻮﻗﺖ ﺍﺗﺎﺧﺮ ﺑﺠﻴﻚ ﻳﻮﻡ ﺍﻥ ﺷﺎﺀ ﺍﻟﻠﻪ
ﻧﻬﺎﻝ -: ﻻ ﻱ ﺯﻭﻟﻪ ﺍﻟﺒﻴﺖ ﻗﺮﻳﺐ ﻟﻠﺒﻴﺖ ﻭﻣﺤﻤﺪ ﺍﺧﻮﻙ ﻗﺎﺍﺍﻋﺪ ﻭﺑﻌﺪﻳﻦ ﺗﺴﺎﻋﺪﻳﻨﺎ ﺍﻧﺎ ﻭﻧﻮﻥ ﻓﻲ ﻟﻤﻪ ﺍﻟﺒﻴﺖ ﻫﻬﻬﻬﻪ
ﺍﻧﺎ -: ﺟﺪﺍ ﻃﻮﺍﺍﻟﻲ
‏( ﻓﻌﻼ ﺑﺪﻳﻨﺎ ﻧﻠﻢ ﻓﻲ ﺍﻟﺒﻴﺖ ﻭﺍﺛﻨﺎﺀ ﻣﺎ ﺷﻐﺎﻟﻴﻦ ﻛﻤﺮﻳﻼ ‏)
ﺍﻧﺎ -: ﺍﺍﺍﻱ ﻱ ﻧﻬﺎﻝ
ﻧﻬﺎﻝ -: ﺭﺍﻳﻚ ﺷﻨﻮ ﻓﻲ ﻋﺰﻣﻲ
ﺍﻧﺎ -: ﻣﻦ ﺍﻱ ﻧﺎﺣﻴﻪ
ﻧﻬﺎﻝ -: ﻣﻦ ﺍﻟﻜﻞ ﺍﻟﻨﻮﺍﺣﻲ
ﺍﻧﺎ -: ﻭﺍﻟﻠﻪ ﻣﺎﺷﺎﺀ ﺍﻟﻠﻪ ﻋﻠﻴﻪ ﺍﺧﻼﻕ ‘ ﺫﻭﻗﻚ ﻭ ﺍﺩﺏ
ﻧﻬﺎﻝ -: ﻫﻬﻬﻬﻬﻪ ﻻ ﺍﻗﺼﺪ ﻣﻦ ﻧﺎﺣﻴﻪ ﺯﻭﺝ ﻭﻛﺪﻩ
ﺍﻧﺎ -: ﻭﺍﻟﻠﻪ ﻱ ﺑﺨﺖ ﺍﻟﺤﺘﻌﺮﺳﻮﺍ
ﻧﻬﺎﻝ -: ﻃﺒﻌﺎ ﺍﻧﺎ ﻣﻔﺘﺮﺽ ﻣﺎ ﺍﻗﻮﻝ ﻟﻴﻚ ﺍﻟﻜﻼﻡ ﺩﺍ ﺑﺲ ﻟﻮ ﻣﺎ ﺣﺴﻴﺘﻚ ﺯﻱ ﻧﻮﻥ ﻭﺍﻛﺘﺮ ﻣﺎ ﻛﻨﺖ ﻓﺘﺤﺖ ﺧﺸﻤﻲ
ﺍﻧﺎ -: ﺳﺮﻙ ﻋﻨﺪﻱ ﻗﻮﻟﻲ
ﻧﻬﺎﻝ -: ﻋﺰﻣﻲ ﻣﻦ ﺍﻭﻝ ﻣﺮﻩ ﺷﺎﻓﻚ ﻓﻴﻬﺎ ﺟﺎﺀ ﻭﺣﻜﻲ ﻟﻲ ﻋﻨﻚ ﻭ ﻣﺎ ﻋﻨﺪﻭﺍ ﺳﻴﺮﻩ ﻏﻴﺮﻙ ﺍﻟﻮﺩ ﻣﻜﺴﺮ ﻓﻴﻚ ﻫﻬﻬﻬﻪ
ﺍﻧﺎ -: ﺧﺠﻠﺖ ﻭﺳﻜﺖ ﺳﺎﺍﺍﻱ
ﻧﻬﺎﻝ -: ﻱ ﺑﺖ ﻣﺎ ﺗﻘﻮﻟﻲ ﺷﻲ ﺍﻃﻤﻨﻲ ﻣﺎ ﺑﺤﻜﻲ ﻟﻴﻪ ﺍﻟﻜﻼﻡ ﺩﺍ ﺑﻴﻨﻲ ﻭﺑﻴﻨﻚ ﻭﻧﻮﻥ ﺑﺲ ﺍﻟﺸﻲ ﻻﺯﻡ ﺗﻌﺮﻓﻪ ﺍﻧﻮ ﺍﻣﻲ ﻭ ﺍﺑﻮﻱ ﻋﺎﺭﻓﻴﻦ ﺍﻧﻮ ﻫﻮ ﻋﺎﻭﺯﻙ
ﺍﻧﺎ -: ﻭﺍﻟﻠﻪ ﻱ ﻧﻬﺎﻝ ﺩﺍ ﺷﺮﻑ ﻟﻲ ﻭﺍﻧﺎ ﺯﺍﺗﻲ ﻣﻌﺠﺒﻪ ﺑﻴﻪ
ﻧﻬﺎﻝ -: ﺍﻳﻮﻱ ﻭﺍﺧﻴﺮﺍ ﺣﻨﻔﺮﺡ ﺑﻴﻚ ﻱ ﻋﺰﻣﻲ
ﻃﻮﺍﻟﻲ ﻫﻨﺎ ﻗﺎﻃﻌﻪ ﻧﻮﻥ ﻃﻴﺐ ﻭﻓﻼﻧﻪ ﺩﻳﻚ ﺣﻨﻌﻤﻞ ﻟﻴﻬﺎ ﺷﻨﻮ ﻭ ﻻ ﺣﺎﺗﺤﻞ ﻋﻦ ﺣﻴﺎﻩ ﻋﺰﻣﻲ ﻛﻴﻒ ؟؟؟؟
ﺍﻧﺎ ﺑﻜﻞ ﺍﺳﺘﻐﺮﺍﺏ ﻓﻼﻧﻪ ﻣﻨﻮﻭ؟؟
ﻧﻬﺎﻝ -: ﺩﻱ ﺑﺘﻜﻮﻥ