ﺁﻳﺎﺕ
ﺑﻘﻠﻤﻲ / ﺭﺍﻧﻴﺔ ﻣﺤﻤﺪ ﺃﺣﻤﺪ
ﺍﻟﺤﻠﻘﺔ 1
ﺍﻟﻠﻴﻠﺔ ﺍﻟﺒﻴﺖ ﻛﻠﻮ ﺷﻐﺎﻝ ﻭ ﺧﺎﻻﺕ ﺍﻳﺎﺕ ﺟﻮ ﻭ ﺑﺴﺎﻋﺪﻭ ﻓﻲ ﺍﻣﻬﺎ ﻭ ﺍﺧﻮﺍﺗﻬﺎ ، ﻭ ﺟﻮﻫﺎ ﺻﺤﺒﺎﺗﻬﺎ ﺍﻟﻌﺰﻳﺰﺍﺕ ﻣﺰﻥ ﻭ ﻧﺴﻤﺔ ﻭ ﻗﻌﺪﻭ ﻳﺘﻮﻧﺴﻮ ﻣﻌﺎﻫﺎ ﻭ ﻳﺨﺘﺎﺭﻭ ﻟﻴﻬﺎ ﻓﻲ ﺍﻟﻠﺒﺴﺔ ﺍﻟﻤﻤﻜﻦ ﺗﻠﺒﺴﻬﺎ ﻓﻲ ﺍﻟﻴﻮﻡ ﺩﺍ ‏( ﺍﻟﻴﻮﻡ ﺟﺎﻳﻴﻦ ﻳﺘﻘﺪﻣﻮ ﻟﻲ ﺍﻳﺎﺕ ﺍﻛﺒﺮ ﻭﺍﺣﺪﺓ ﻓﻲ ﺍﻟﺒﻴﺖ ‏) ﻭ ﺍﺑﻮﻫﺎ ﻋﺒﺪ ﺍﻟﺮﺣﻤﻦ ﺟﻬﺰ ﺟﻼﺑﻴﺔ ﻭ ﻣﻌﺎﻫﻮ ﺍﺧﻮﻫﻮ ﻋﻤﺮ ﻋﻢ ﺍﻳﺎﺕ ، ﻭ ﻳﺘﻮﻧﺴﻮ ﺑﻲ ﻏﺎﺩﻱ ﻭ ﻳﻀﺤﻜﻮ ، ﻭ ﺑﻲ ﺟﺎﻱ ﺍﻟﺨﻼﺕ ﻭ ﺑﻨﺎﺗﻬﻢ ﻭ ﺍﺧﻮﺍﺕ ﺍﻳﺎﺕ ﺷﻐﺎﻟﻴﻦ ﻧﻀﺎﻓﺔ ﻭ ﻓﺮﺵ ﻓﻲ ﺍﻟﺒﻴﺖ ﻭ ﺍﻳﺎﺕ ﺑﻲ ﻏﺎﺩﻱ ﻓﻲ ﻏﺮﻓﺘﻬﺎ ﻣﻊ ﻣﺰﻥ ﻭ ﻧﺴﻤﺔ ﻓﻲ ﻗﻤﺔ ﺍﻟﻔﺮﺣﺔ ﻻﻧﻮ ﺍﻟﻠﻴﻠﺔ ﺟﺎﻱ ﻣﻌﺘﺼﻢ ﺣﺒﻴﺒﻬﺎ ﻭ ﺟﺎﻳﺐ ﺍﻫﻠﻮ ﻭ ﻳﺘﻘﺪﻣﻮ ﻟﻴﻬﺎ ‏( ﺍﻳﺎﺕ ﻭ ﻣﻌﺘﺼﻢ ﺑﺤﺒﻮ ﺑﻌﺾ ﻟﻴﻬﻢ ﺳﻨﺔ ﻭ ﺯﻳﺎﺩﺓ ﺍﺗﻼﻗﻮ ﺻﺪﻓﺔ ﻓﻲ ﺍﻟﻤﺆﺳﺴﺔ ﺍﻟﺸﻐﺎﻟﻴﻦ ﻓﻴﻬﺎ ﺍﻳﺎﺕ ﻭ ﻧﺴﻤﺔ ﻭ ﻣﺰﻥ ، ﻭ ﺟﺎﺀ ﻛﺎﻥ ﻋﻨﺪﻭ ﻣﻮﺿﻮﻉ ﻭ ﻣﻦ ﺷﺎﻑ ﺍﻳﺎﺕ ﻃﻮﺍﻟﻲ ﺑﻲ ﺧﻄﻰ ﻭﺍﺛﻘﺔ ﻣﺸﻰ ﻟﻴﻬﺎ ﻭ ﻛﻠﻤﻬﺎ ﺍﻧﻮ ﺍﻭﻝ ﻣﺮﺓ ﻭﺍﺣﺪﺓ ﺗﻌﺠﺒﻮ ﻛﺪﺍ ﻭ ﻫﻮ ﺍﺳﺎﺳﺎ ﻛﺎﻥ ﻣﺮﺍﻗﺒﻬﺎ ﻣﻦ ﺑﻌﻴﺪ ﻭ ﻫﻲ ﺑﺘﻔﻄﺮ ﻭ ﺗﺘﻮﻧﺲ ﻭ ﺗﻀﺤﻚ ﻣﻊ ﺻﺤﺒﺎﺗﻬﺎ ﻭ ﻫﻲ ﻓﻲ ﺍﻻﻭﻝ ﻗﺎﻟﺖ ﺩﺍ ﺯﻭﻝ ﺳﺎﻱ ﻋﺎﻳﺰ ﻳﺘﻮﻧﺲ ﻭ ﺑﺘﺎﻉ ﺣﺮﻛﺎﺕ ، ﻭ ﻃﻠﺐ ﺭﻗﻤﻬﺎ ﻭ ﺭﻓﻀﺖ ﺗﻤﺎﻣﺎ ﺗﺪﻳﻬﻮ ﻟﻴﻬﻮ ﻋﺸﺎﻥ ﺧﺎﻓﺖ ﻳﺸﺒﻜﻬﺎ ﻣﻜﺎﻟﻤﺎﺕ ﻧﺼﺎﺻﻲ ﺍﻟﻠﻴﺎﻟﻲ ﻭ ﻛﻼﻡ ﻓﺎﺭﻍ ﺯﻱ ﺩﺍ ، ﻟﻤﺎ ﻃﻠﻌﻮ ﻫﻲ ﻭ ﺻﺤﺒﺎﺗﻬﺎ ﻣﻦ ﺍﻟﻜﻔﺘﺮﻳﺎ ﺷﺎﻓﻮﻫﻮ ﻭ ﻫﻮ ﺑﺮﻛﺐ ﻋﺮﺑﻴﺔ ﺳﻮﺩﺍﺀﻭ ﺷﻜﻠﻮ ﺑﺎﻳﻦ ﻋﻠﻴﻬﻮ ﺍﻟﺮﻓﺎﻫﻴﺔ، ﻭ ﻃﻮﺍﻟﻲ ﺣﺎﻭﻟﻮ ﺻﺤﺒﺎﺗﻬﺎ ﻳﻘﻨﻌﻮﻫﺎ ﺑﻴﻬﻮ ﺍﻧﻮ ﺩﻱ ﻓﺮﺻﺔ ﻭ ﻣﺎ ﺑﺘﺘﻌﻮﺽ ﻭﻻﺯﻡ ﺗﺼﻄﺎﺩﻳﻬﻮ ﻣﺎﺩﺍﻡ ﻋﺎﻳﺰﻙ ، ﻭ ﻟﻴﻪ ﺗﺮﻓﺴﻲ ﺍﻟﻨﻌﻤﺔ ﻭ ﻓﻌﻼ ﻟﻤﺎ ﺟﺎ ﺍﻟﻤﺮﺓ ﺍﻟﺘﺎﻧﻴﺔ ﺍﺗﻬﺎﻭﻧﺖ ﻣﻌﺎﻫﻮ ﻭ ﺍﺩﺗﻮ ﺭﻗﻤﻬﺎ ﻭ ﺍﺗﻮﺍﺻﻠﻮ ﻟﺤﺪﻱ ﻣﺎ ﺟﺎ ﺍﻟﻴﻮﻡ ﺍﻟﻘﺎﻝ ﺍﻧﻮ ﻋﺎﻳﺰ ﻳﺠﻴﺐ ﺍﻫﻠﻮ ﻭ ﻳﺘﻘﺪﻡ ﻟﻴﻬﺎ ﺭﺳﻤﻲ ‏) ﻣﺰﻥ ﻭ ﻧﺴﻤﺔ ﻳﺸﺎﻏﻠﻮ ﻓﻴﻬﺎ ﻭ ﻳﺠﻴﻬﻮ ﻓﻴﻬﺎ ﻭ ﺍﺧﺘﺎﺭﻭ ﻟﻴﻬﺎ ﺣﺎﺟﺔ ﺟﻤﻴﻠﺔ ﺗﺤﻀﺮ ﺑﻴﻬﺎ ﺍﻟﺘﻌﺎﺭﻑ ﺩﺍ ﻭ ﺑﻲ ﻏﺎﺩﻱ ﺍﻟﺨﺎﻻﺕ ﻭ ﺍﻻﻡ ﺟﻬﺰﻭ ﻭﺟﺒﺔ ﻋﺸﺎﺀ ﺧﻔﻴﻔﺔ ﻓﻴﻬﺎ ﻓﻄﺎﺋﺮ ﻭ ﻓﻮﺍﻛﻪ ﺍﻟﻤﻬﻢ ﻛﻮﻛﺘﻴﻞ ﻣﻦ ﺍﻟﺤﺎﺟﺎﺕ ، ﻭ ﺧﻼﺹ ﺍﻟﻤﺴﺎﺀ ﻃﻠﻌﻮ ﺍﻟﻄﺮﺍﺑﻴﺰ ﻭ ﺍﻟﻜﺮﺍﺳﻲ ﺑﺮﺓ ﻭ ﺟﻬﺰﻭ ﻛﻞ ﺷﻲ ﺗﻤﺎﻡ ﻭ ﻣﻮﺍﻋﻴﺪﻫﻢ ﺑﻌﺪ ﺍﻟﻤﻐﺮﺏ ﻭ ﺧﻼﺹ ﺍﻳﺎﺕ ﺟﺎﻫﺰﺓ ﻭ ﺑﻘﺖ ﻋﻠﻰ ﺳﻨﺠﺔ ﻋﺸﺮﺓ ﻋﺸﺎﻥ ﺗﻌﺠﺐ ﺍﻫﻞ ﻣﻌﺘﺼﻢ
*********
ﺍﻟﻤﻮﺍﻋﻴﺪ ﺟﺎﺕ ﻭ ﻟﺴﺔ ﺍﻟﻨﺎﺱ ﻣﺎ ﺷﺮﻓﻮ ﻃﻮﺍﻟﻲ ﻋﻢ ﺍﻳﺎﺕ ﺍﻟﻮﺣﻴﺪ ﻋﻤﺮ ﻗﺎﻝ ﻟﻲ ﻋﺒﺪ ﺍﻟﺮﺣﻤﻦ ﺍﺑﻮﻫﺎ ﻛﺪﻱ ﺍﺗﺼﻞ ﺷﻮﻑ ﺍﻟﻨﺎﺱ ﺩﻳﻞ ﻳﻤﻜﻦ ﺣﺼﻠﺖ ﻟﻴﻬﻢ ﺣﺎﺟﺔ ﻓﻲ ﺍﻟﻄﺮﻳﻖ ﻻﻧﻮ ﺍﻟﻌﺸﺎﺀ ﻗﺮﺏ ﻭ ﻟﺴﺔ ﻣﺎﻓﻲ ﺯﻭﻝ ﻇﻬﺮ ، ﻃﻮﺍﻟﻲ ﻣﺸﻰ ﻋﺒﺪ ﺍﻟﺮﺣﻤﻦ ﻟﻲ ﺑﺘﻮ ﻗﺎﻝ ﻟﻴﻬﺎ ﻳﺎ ﺍﻳﺎﺕ ﻛﺪﻱ ﺍﺗﺼﻠﻲ ﻋﻠﻰ ﺯﻭﻟﻚ ﺩﺍ ﺷﻮﻓﻴﻬﻮ ﻣﺎﻟﻬﻢ ﺍﺗﺎﺧﺮﻭ ﻛﺪﺍ ؟ ، ﻃﻮﺍﻟﻲ ﺍﻳﺎﺕ ﺷﺎﻟﺖ ﺍﻟﺘﻠﻔﻮﻥ ﻭ ﺍﺗﺼﻠﺖ ﻭ ﻣﺎﻓﻲ ﺭﺩ ﺣﺎﻭﻟﺖ ﻛﻢ ﻣﺮﺓ ﻭ ﻣﺎﻓﻲ ﺭﺩ ﺍﻟﺰﻣﻦ ﺍﺗﺎﺧﺮ ﺷﺪﻳﺪ ، ﻭ ﺍﻟﻨﺎﺱ ﻋﺎﻳﺰﺓ ﺗﻤﺸﻲ ﺑﻴﻮﺗﺎ ﻭ ﺯﻫﺠﻮ ، ﻭ ﻻ ﻣﻌﺘﺼﻢ ﻭﻻ ﺍﻫﻠﻮ ﻣﺎﻓﻲ ﺯﻭﻝ ﺟﺎ ﺍﻳﺎﺕ ﻫﻨﺎ ﺧﻨﻘﺘﻬﺎ ﺍﻟﻌﺒﺮﺓ ﻭ ﻗﺮﺭﺑﺖ ﺗﺒﻜﻲ ﻟﻜﻦ ﺣﺎﻭﻟﺖ ﺗﺘﻤﺎﺳﻚ ﻭ ﺗﻘﻮﻝ ﻓﻲ ﻧﻔﺴﻬﺎ ﻳﺎﺭﺏ ﺍﺟﻌﻠﻪ ﺧﻴﺮ ﻣﺎ ﻳﻜﻮﻥ ﺣﺼﻞ ﻟﻴﻬﻢ ﺷﻲ ، ﻭ ﺍﻟﻨﺎﺱ ﺑﺪﺕ ﺗﺘﻔﺮﻕ ﻻﻧﻮ ﺍﻟﺴﺎﻋﺔ ﻋﺸﺮﺓ ﻣﺴﺎﺀ ﺟﺎﺕ ﻭ ﺧﻼﺹ ﻣﻮﺍﻋﻴﺪ ﻧﻮﻡ ﻣﺎ ﺍﻇﻦ ﻓﻲ ﺯﻭﻝ ﻳﺠﻲ ، ﻭ ﺍﻳﺎﺕ ﺑﺘﺤﺎﻭﻝ ﻭ ﺻﺤﺒﺎﺗﻬﺎ ﺍﺳﺘﺎﺫﻧﻮ ﻣﻨﻬﺎ ﻭ ﻗﺎﻟﻮ ﻟﻴﻬﺎ ﻧﺤﻨﺎ ﺍﺗﺎﺧﺮﻧﺎ ﺷﺪﻳﺪ ﻳﺎ ﺍﻳﺎﺕ ﻗﺎﻣﺖ ﻗﺎﻟﺖ ﻟﻴﻬﻢ ﺧﻼﺹ ﺍﻣﺸﻮ ﻣﺎﻣﺸﻜﻠﺔ ﻟﻜﻦ ﻧﺴﻤﺔ ﺷﺎﻓﺖ ﺩﻣﻌﺔ ﻓﻲ ﻋﻴﻮﻥ ﺍﻳﺎﺕ ﻭ ﺯﻋﻠﺖ ﻋﻠﻴﻬﺎ ، ﻭ ﻗﺎﻟﺖ ﻟﻴﻬﺎ ﺑﺒﻴﺖ ﻣﻌﺎﻙ ﺑﺘﺼﻞ ﺑﻲ ﻧﺎﺱ ﺍﻟﺒﻴﺖ ﺍﺣﻨﺴﻬﻢ ﻭ ﺍﻥ ﺷﺎﺀ ﺍﻟﻠﻪ ﻛﻠﻮ ﻳﻜﻮﻥ ﻟﻲ ﺧﻴﺮ ﻭ ﻓﻌﻼ ﺍﻳﺎﺕ ﻏﻴﺮﺕ ﻣﻼﺑﺴﻬﺎ ﻭ ﺩﻣﻮﻋﻬﺎ ﺣﻠﻔﺖ ﻣﺎ ﺗﻘﻴﻒ ﻭ ﻗﺎﻟﺖ ﺍﻧﺎ ﺧﺎﻳﻔﺔ ﻳﻜﻮﻥ ﺣﺼﻞ ﻟﻴﻬﻢ ﺣﺎﺩﺙ ﻭﻻ ﺣﺎﺟﺔ ، ﻗﺎﻣﺖ ﺣﺎﻭﻟﺖ ﺗﺘﺼﻞ ﻋﻠﻲ ﻣﻌﺘﺼﻢ ﻟﻜﻦ ﺍﻟﻤﺮﺓ ﺩﻱ ﺍﺩﺍﻫﺎ ﻣﻘﻔﻮﻝ ﻣﺎ ﺟﺎﻫﺎ ﺟﺮﺱ ﺍﺗﺨﻠﻌﺖ ، ﻭ ﺣﺴﺖ ﺍﻧﻮ ﻓﻲ ﺣﺎﺟﺔ ﻣﺎ ﻃﺒﻴﻌﻴﺔ ﻭ ﺍﻟﻴﻮﻡ ﺩﺍﻙ ﻛﺎﻧﺖ ﺻﺤﺒﺘﻬﺎ ﻧﺴﻤﺔ ﺑﺘﺼﺒﺮ ﻓﻴﻬﺎ ، ﻭ ﻣﺎ ﻗﺪﺭﻭ ﻳﻨﻮﻣﻮ ﻟﻠﺼﺒﺎﺡ ﻭ ﻗﺎﻣﺖ ﻣﻦ ﺍﻟﺼﺒﺎﺡ ﺣﺎﻭﻟﺖ ﺗﺘﺼﻞ ﻋﻠﻰ ﻣﻌﺘﺼﻢ ﺟﺎﻫﺎ ﺟﺮﺱ ﺑﺲ ﻣﺎﻓﻲ ﺭﺩ ﻗﺎﻟﺖ ﻟﻲ ﻧﺴﻤﺔ، ﺣﺒﻴﺒﺘﻲ ﺍﻣﺸﻲ ﺍﻧﺘﻲ ﺑﻴﺘﻜﻢ ﺍﻧﺎ ﺧﻼﺹ ﻛﻮﻳﺴﺔ ﻣﺎ ﺑﺘﺠﻴﻨﻲ ﻋﻮﺟﺔ ﺑﻌﺪ ﻧﺴﻤﺔ ﻃﻠﻌﺖ ﻭ ﻣﺸﺖ، ﺍﻣﻬﺎ ﺟﺎﺕ ﻗﺎﻟﺖ ﻟﻴﻬﺎ ﺍﻧﺘﻲ ﻳﺎ ﺍﻳﺎﺕ ﻣﻌﻘﻮﻟﺔ ﺑﺲ ﻣﻌﺘﺼﻢ ﺩﺍ ﻳﺨﻠﻒ ﺑﻲ ﻭﻋﺪﻭ ﻭ ﻣﺎ ﻳﺠﻲ ؟ ﻭ ﻟﻴﻪ ﻛﻠﻢ ﺍﺑﻮﻙ ﻭ ﺍﺳﻲ ﺍﺑﻰ ﻳﺮﺩ ؟ ﺍﻳﺎﺕ ﻗﺎﻟﺖ ﻟﻴﻬﺎ ﻳﺎ ﺍﻣﻲ ﻣﺴﺘﺤﻴﻞ ﻳﺨﻠﻒ ﺑﻲ ﻭﻋﺪﻭ ﺑﺲ ﺑﻜﻮﻥ ﻓﻲ ﻇﺮﻭﻑ ﻭ ﻧﺤﻨﺎ ﻣﺎ ﻋﺎﺭﻓﻴﻨﻬﺎ ، ﺍﻣﻬﺎ ﻗﺎﻟﺖ ﻟﻴﻬﺎ ﺍﻥ ﺷﺎﺀ ﺍﻟﻠﻪ ﺧﻴﺮ ﻳﺎﺑﺘﻲ ﻟﻜﻦ ﺍﻧﺘﻲ ﻣﺎ ﺗﺰﻋﻠﻲ ﻧﻔﺴﻚ ﻧﻬﺎﺋﻴﺎ ﻭ ﺧﻠﻴﻚ ﻗﻮﻳﺔ ﻛﻞ ﺷﻲ ﻗﺴﻤﺔ ﻭ ﻣﺸﺖ ﺍﻣﻬﺎ ﻣﻦ ﻗﺪﺍﻣﻬﺎ ﻭ ﺍﺧﻮﺍﺗﻬﺎ ﺍﻻﺗﻨﻴﻦ ﺍﺣﻼﻡ ﻭ ﺍﻛﺮﺍﻡ ﻗﺎﻟﻮ ﻟﻴﻬﺎ ﻳﺎ ﺍﻳﺎﺕ ﻛﺪﻱ ﺍﺗﺼﻠﻲ ﺷﻮﻓﻲ ﻭ ﻻ ﺭﺳﻠﻲ ﺭﺳﺎﻟﺔ ﻗﺎﻣﺖ ﺍﻳﺎﺕ ﺍﺧﺪﺕ ﺑﻲ ﻛﻼﻣﻬﻢ ﻭ ﺭﺳﻠﺖ ﻟﻴﻬﻮ ﺭﺳﺎﻟﺔ ﻗﺎﻟﺖ ﻟﻴﻬﻮ ‏( ﺍﻟﺴﻼﻡ ﻋﻠﻴﻜﻢ ﻳﺎﺭﺏ ﺗﻜﻮﻧﻮ ﺑﻲ ﺧﻴﺮ ﺗﻠﻔﻮﻧﻚ ﻣﺮﺓ ﺷﻐﺎﻝ ﻭ ﻣﺮﺓ ﻣﻘﻔﻮﻝ ﻣﺎ ﻋﺎﻳﺰ ﺗﻘﻮﻝ ﻟﻲ ﺍﻟﺤﺎﺻﻞ ﺷﻨﻮ ﻳﻌﻨﻲ ؟ ﺍﺭﺟﻮﻙ ﻃﻤﻨﻲ ﻋﻠﻴﻚ ﺍﻧﺎ ﻣﻦ ﺍﻣﺲ ﻣﺎ ﻧﻤﺖ ‏) ﻟﻜﻦ ﻣﺎﺍﺍﻓﻲ ﺍﻱ ﺭﺩ