ﺑﺤﻠﻢ ﺃﻟﻤﻠﻢ ﻟﻴﻚ
ﻣﻦ ﻛﻞ ﺃﻏﻨﻴﺔ ﺻﻮﺕ
ﻭﺃﻣﻼﻙ ﻧﻐﻢ ﻣﺴﺮﻭﺭ ....
ﻭﺃﺗﻤﻤﺮ ﺍﻟﻘﻤﺮﺓ
ﻭﺃﺿﻮﻱ ﺑﻴﻬﺎ ﺑﻴﻮﺕ
ﻭﻃﻨﻲ ﺍﻟﺰﻣﻦ ﻣﻬﺠﻮﺭ .......
ﺑﺤﻠﻢ ﺃﺩﻧﺪﻥ ﺑﻴﻚ
ﻭﺃﺭﻗﻘﺺ ﺍﻟﺒﻨﻮﺕ
ﻓﻮﻕ ﺩﻗﺔ ﺍﻟﻄﻨﺒﻮﺭ .......
ﻭ ﺍﺩﻋﻚ ﺿﻼﻡ ﺍﻟﻠﻴﻞ
ﻭ ﺍﺷﻄﻒ ﺳﻮﺩﺍﻭ ﻭﺃﻓﻮﺕ
ﻭ ﺍﻧﺸﺮ ﻧﻬﺎﺭﻙ ﻧﻮﺭ ..........
ﻭ ﺃﻛﺸﺤﻚ ﺑﺎﻟﻀﻲ
ﻭ ﺃﻗﻠﺪﻙ ﻳﺎﻗﻮﺕ
ﻧﺠﻢ ﺍﻟﺴﻤﺎ ﺍﻟﻤﺸﺮﻭﺭ ........
ﺑﺤﻠﻢ ﺃﻣﺮﺭﻕ ﺑﻴﻚ
ﻧﻔﺲ ﺍﻟﻬﻮﻯ ﺍﻟﻤﻜﺒﻮﺕ
ﺍﻟﺼﺎﻧﻲ ﻟﻴﻬﻮ ﺩﻫﻮﺭ ........
ﺩﺍﻳﺮ ﺃﺳﻘﻲ ﻣﻨﻚ ﻧﻴﻞ
ﺩﻭﻧﻮ ﺍﻟﺒﺪﺍﺭﻱ ﺗﻤﻮﺕ
ﻭﺑﻼﻙ ﺻﺒﺢ ﻣﺤﺴﻮﺭ ........
ﻭﺃﻋﺰﻱ ﺑﻴﻚ ﺍﻟﺠﻮﻑ
ﻭﺍﻟﺤﺲ ﻗﺒﻞ ﻣﺎ ﻳﻤﻮﺕ
ﻭﺍﻟﺨﺎﻃﺮ ﺍﻟﻤﻜﺴﻮﺭ ........
ﺩﺍﻳﺮ ﺃﺑﻨﻲ ﺑﻴﻜﻲ ﻗﺼﻴﺪ
ﻭﺃﻗﻔﻲ ﺑﻴﻜﻲ ﺑﻴﻮﺕ
ﺣﺮﻓﻲ ﺍﻟﺸﻘﻲ ﻭﻣﺄﺳﻮﺭ ........
ﻭﺃﻧﺎ ﺣﺘﻰ ﻓﻲ ﺣﻠﻤﻲ
ﺷﺎﻳﻔﻚ ﺑﺘﺒﻌﺪﻱ ﻳﻮﺕ
ﻭﻟﻘﺎﻙ ﻋﻠﻲ ﻣﺤﻈﻮﺭ