ﺗﺰﻭﺟﺘﻪ _ ﻷﻧﻲ _ ﻓﻘﻲﺭﺓ
- ٥ -
ﻗﺎﻟﺖ ﻟﻴﻬﺎ ﻻﻻ ﻟﻘﻴﺘﻬﻢ ﻭﺍﻗﻌﻴﻦ ﺩﻳﻞ ﺍﻧﺎ ﻣﺎﺑﺴﺮﻕ ﻭﺍﻧﺎ ﻟﻤﺎ ﺟﺒﺘﻬﻢ ﺟﺒﺘﻬﻢ ﻋﺸﺎﻥ ﺍﻭﻻﺩ ﻧﺎﺱ ﺧﺎﻟﺘﻮ ﺍﻟﺘﻮﻣﺔ ﻻﻧﻬﻢ ﻳﺘﻤﺎﺀ ﺑﻮﺩﻳﻬﻢ ﻟﻴﻬﻢ ﺑﺸﻴﻠﻮ ﺍﻟﻌﻴﺶ ﻭﻛﻢ ﻃﺮﻗﺔ ﻛﺴﺮﺓ ﻣﻦ ﺍﻣﻲ ﺷﺎﻥ ﻳﺎﻛﻠﻮﻫﺎ ﻭﺍﻻﻗﻼﻡ ﻋﺸﺎﻥ ﻳﻜﺘﺒﻮ ﺑﻴﻬﺎ ﻭﻳﺘﻌﻠﻤﻮ ﻓﻲ ﺍﻟﺒﻴﺖ ﻻﻥ ﺍﻧﺎ ﺑﺪﻳﻬﻢ ﺩﺭﻭﺱ ﻋﻠﻴﻚ ﺍﻟﻠﻪ ﻣﺎﺗﻜﻠﻤﻲ ﺍﺣﻤﺪ ﻃﺒﻌﺎ ﺭﻫﻒ ﻫﻨﺎ ﺍﺗﺼﺪﻣﺖ ﻭﻣﺎﻛﺎﻧﺖ ﻗﺎﻳﻼ ﺍﻧﻮ ﺳﺤﺮ ﺭﻏﻢ ﺻﻐﺮ ﺳﻨﻬﺎ ﺍﻟﺼﻐﻴﺮ ﺑﺲ ﻋﻘﻠﻬﺎ ﻛﺒﻴﺮ ﻭﺯﻭﻟﺔ ﻃﻴﺒﺔ ﺷﺪﻳﺪ ﻭﺇﻧﺴﺎﻧﻴﺔ .. ﻗﺎﻣﺖ ﺣﻀﻨﺘﻬﺎ ﻭﻗﺎﻟﺖ ﻟﻴﻬﺎ ﺣﺒﻴﺒﺘﻲ ﻳﺎﺳﺤﻮﺭﺓ ﺍﻧﺎ ﺍﻓﺘﻜﺮﺗﻚ ﺳﺎﺭﻗﺎﻫﻢ ﻣﺎﻗﺎﻳﻼﻙ ﺑﺘﻌﻤﻠﻲ ﻛﺪﺓ ﻣﻦ ﻭﺭﺍﻧﺎ ﻃﻠﻌﺘﻲ ﺍﺣﺴﻦ ﻣﻨﻨﺎ ﻳﻼ ﺑﺎﻟﻤﻨﺎﺳﺒﺔ ﺩﻱ ﺍﻧﺎ ﺣﺎﺑﺔ ﺍﻛﻤﻞ ﻟﻴﻜﻲ ﺍﻟﻄﻘﻢ ﺭﺍﻳﻚ ﺷﻨﻮ .. ﺳﺤﺮ ﻧﻄﺘﺖ ﻋﻴﻮﻧﺎ
ﻗﺎﻟﺖ ﻟﻴﻬﺎ ﻃﻘﻢ ﺷﻨﻮ ﻗﺎﻟﺖ ﻟﻴﻬﺎ ﻣﺶ ﺍﻣﻚ ﺟﺎﺑﺖ ﻟﻴﻜﻲ ﺍﻟﺠﺰﻣﺔ ﺍﻧﺎ ﺣﺎﺍﺟﻴﺐ ﻟﻴﻜﻲ ﺷﻨﻄﺔ ﺭﺍﻳﻚ ﺷﻨﻮ ﺳﺤﺮ ﻗﺎﻣﺖ ﻓﻮﻕ ﻭﻧﻄﺘﺖ ﻭﻓﺮﺣﺖ ﻭﺷﻜﺮﺗﻬﺎ ﻭﺑﺎﺳﺘﻬﺎ ﻭﻣﺎﺻﺪﻗﺖ .. ﻗﺎﻟﺖ ﺳﺒﺤﺎﻥ ﺍﻟﻠﻪ ﻣﻌﻘﻮﻻ ﻛﻞ ﺍﻟﺤﺎﺟﺎﺕ ﺩﻱ ﺑﺲ ﻋﺸﺎﻥ ﺳﺎﻋﺪﺗﺎ ﺍﻟﺰﻭﻝ ﺍﻟﻤﺴﻜﻴﻦ ﺩﺍﻙ .. ﻛﺎﻥ ﻛﺪﺓ ﻛﻞ ﻳﻮﻡ ﺑﺴﺎﻋﺪ
.. ﺍﻟﻴﻮﻡ ﺍﻧﺘﻬﻲ ﻭﺳﺤﺮ ﺧﻼﺹ ﺯﺍﻛﺮﺕ ﻭﺟﻬﺰﺕ ﺣﺎﺟﺎﺕ ﺑﻜﺮﺓ .. ﻭﺑﻘﺖ ﻣﺎﺳﻜﺔ ﺍﻟﻮﺭﻗﺔ ﺑﺘﺎﻋﺖ ﺍﻟﺮﻗﻢ ﻭﺗﻌﺎﻳﻦ ﻟﻴﻬﺎ ﻭﺗﺘﺒﺴﻢ ﺩﺧﻠﺘﺎ ﻓﻲ ﺻﺪﺭﻫﺎ ﻻﻥ ﻧﺎﺱ ﺑﻴﺘﻬﻢ ﻟﻮ ﺍﺗﻠﻤﻮ ﻓﻴﻬﺎ ﺣﻴﻘﺘﻠﻮﻫﺎ ﻭﻧﺎﻣﺖ ﻭﻫﻲ ﻛﻠﻬﺎ ﻓﺮﺡ .. ﺗﺎﻧﻲ ﻳﻮﻡ ﺍﻟﺼﺒﺎﺡ ﺻﺤﺖ ﻟﻠﻤﺪﺭﺳﺔ ﻭﻛﺎﻧﺖ ﺩﻱ ﺍﻟﺴﻨﺔ ﺍﻻﺧﻴﺮﺓ ﻭﺗﺨﺶ ﺍﻟﺠﺎﻣﻌﺔ ﻃﻠﻌﺖ ﻭﻫﻲ ﻓﺮﺣﺎﻧﺔ ﺑﻲ ﺍﻟﺠﺰﻣﺔ ﻭﺍﻟﺸﻨﻄﺔ .. ﺣﺴﺖ ﻛﺎﻧﻮ ﺍﻟﺤﻴﺎﺓ ﺍﺑﺘﺴﻤﺖ ﻟﻴﻬﺎ ﺑﻌﺪ ﻣﻌﺎﻧﺎﺓ ﻃﻮﻳﻠﺔ ﻭﻓﻘﺮ ﻗﺎﺗﻞ ﺍﺗﺰﻛﺮﺕ ﺍﻧﻬﺎ ﺩﺧﻠﺖ ﺍﻟﺮﻗﻢ ﻓﻲ ﺟﺰﻣﺘﻬﺎ ﻭﻫﻲ ﻃﺎﻟﻌﺔ ﻃﻠﻌﺘﻮ ﻭﻗﻌﺪﺕ ﺗﻌﺎﻳﻦ ﻟﻴﻬﻮ ﻛﺎﻧﻮ ﻛﺎﻥ ﺍﻣﻞ ﻭﻓﺮﺣﺔ ﺟﺪﻳﺪﺓ ﺍﺷﺮﻗﺖ ﻓﻲ ﺣﻴﺎﺗﺎ .. ﻛﺎﻧﺖ ﺑﺘﻔﻜﺮ ﺗﺘﺼﻞ ﻟﻴﻬﻮ ﻛﻴﻒ ﻭﻫﻲ ﻣﺎﻋﻨﺪﻫﺎ ﺗﻠﻔﻮﻥ .. ﺍﻟﻴﻮﻡ ﺩﺍﻙ ﻭﻓﺮﺕ ﺟﻨﻴﻪ ﻋﺸﺎﻥ ﺗﻤﺸﻲ ﻟﻠﺴﻨﺘﺮ ﻭﺗﺘﺼﻞ ﻭﻓﻌﻼ ﺭﺟﻌﺖ ﻣﻦ ﺍﻟﻤﺪﺭﺳﺔ ﻋﻠﻲ ﺍﻗﺮﺏ ﺳﻨﺘﺮ ﻭﺍﺩﺕ ﺍﻟﺮﺍﺟﻞ ﺟﻨﻴﻪ ﻋﺸﺎﻥ ﺗﺘﺼﻞ ﺭﻓﺾ ﻗﺎﻟﺖ ﻟﻴﻪ ﺍﻧﺎ ﺍﻫﻠﻲ ﻓﻲ ﺍﻟﻤﺴﺘﺸﻔﻲ ﻭﻣﺎﻋﺎﺭﻓﺎﻫﺎ ﻭﻳﻦ ﻭﻋﺎﻭﺯﺓ ﺍﻣﺸﻲ ﻟﻴﻬﻢ ﻭﻋﺎﻭﺯﺓ ﺍﺗﺼﻞ ﺑﺎﺍﺧﻮﻱ .. ﻣﺎﻗﻠﻨﺎ ﻟﻴﻜﻢ ﺯﻛﻴﺔ ﺍﻟﺮﺍﺟﻞ ﺍﻗﺘﻨﻊ ﺧﺼﻮﺻﺎ ﺍﻧﻮ ﻓﻲ ﻭﺷﻬﺎ ﻓﻲ ﺑﺮﺍﺀﺓ ﻣﺎﻋﺎﺩﻳﺔ ﻗﺎﻣﺖ ﺩﺧﻠﺖ ﺍﻟﺮﻗﻢ ﻭﺍﺗﺼﻠﺖ ﻭﺟﺎﻫﺎ ﺍﻟﺼﻮﺕ ﺍﻟﻮ ﺍﻟﻮ ﺳﻜﺘﺖ ﻟﺤﻈﺔ ﻭﺗﺎﻧﻲ ﻗﺎﻟﺖ ﺍﻟﻮ ﻗﺎﻝ ﻟﻴﻬﺎ ﺳﺤﺮ؟
ﻗﺎﻟﺖ ﻟﻴﻪ ﻋﺮﻓﺘﻨﻲ ﻛﻴﻒ
ﻗﺎﻝ ﻟﻴﻬﺎ ﺍﻧﺎ ﺣﺎﻓﻆ ﻛﻞ ﺗﻔﺎﺻﻴﻠﻚ ﻭﺍﻣﻜﻦ ﻣﻦ ﺍﻭﻝ ﻧﻈﺮﺓ ﻛﻤﺎﻥ .. ﺧﺠﻠﺖ ﻗﺎﻟﺖ ﻟﻴﻬﻮ ﺍﻧﺎ ﺑﺲ ﺣﺒﻴﺖ ﺍﺷﻜﺮﻙ ﻭﻣﻊ ﺍﻟﺴﻼﻣﺔ
ﻗﺎﻝ ﻟﻴﻬﺎ ﺩﻗﻴﻘﺔ ﺩﻗﻴﻘﺔ ﺍﻧﺎ ﻋﺎﻭﺯ ﺍﺷﻮﻓﻚ ﺍﺳﻲ ﺍﻧﺘﻲ ﻭﻳﻦ .. ﻗﺎﻟﺖ ﻟﻴﻪ ﻻﻻ ﺍﻧﺎ ﻣﺎﺷﺔ ﺍﻟﺒﻴﺖ ﻭﺍﺳﻲ ﺍﻧﺎ ﻣﺘﺼﻠﺔ ﻣﻦ ﺍﻟﺴﻨﺘﺮ ﻋﺸﺎﻥ ﻣﺎﻋﻨﺪﻧﺎ ﺗﻠﻔﻮﻥ
ﻗﺎﻝ ﻟﻴﻬﺎ ﻗﻠﺖ ﻟﻴﻚ ﻣﺴﺎﻓﺔ ﺍﻟﺴﻜﺔ ﺑﺲ ﺑﻜﻮﻥ ﻋﻨﺪﻙ ﺍﻧﺘﻈﺮﻳﻨﻲ ﻓﻲ ﺍﻟﺴﻨﺘﺮ ﻭﻣﺎﺗﻄﻠﻌﻲ ﻣﻨﻮ ﺍﻗﻌﺪﻱ ﺟﻮﺓ ..
ﻭﺻﻔﺖ ﻟﻴﻬﻮ ﺯﻱ ﻧﺺ ﺳﺎﻋﺔ ﻛﺪﺓ ﻭﺟﺎﻫﺎ ﻃﻠﻌﺖ ﻟﻴﻪ ﺑﺮﺓ ﻗﺎﻟﺖ ﻟﻴﻪ ﻭﺍﻟﻠﻪ ﻣﺎﻛﻨﺖ ﺣﺎﺑﺔ ﺍﻧﻚ ﺗﺠﻲ ﺑﺲ ﺍﻧﺖ ﺍﺻﺮﻳﺖ ﺍﻥ ﺷﺎﺀ ﺍﻟﻠﻪ ﺧﻴﺮ .. ﻗﺎﻝ ﻟﻴﻬﺎ ﻭﻗﻔﺘﻚ ﻛﺪﺓ ﻓﻲ ﺍﻟﺸﺎﺭﻉ ﻣﺎﻇﺮﻳﻔﺔ ﺍﻣﺴﻜﻲ ﺍﻟﻜﻴﺲ ﺩﻩ ﻭﺩﺳﻴﻬﻮ ﻭﺍﻣﺸﻲ ﻉ ﺍﻟﺒﻴﺖ ﻭﺣﻨﺘﻔﺎﻫﻢ ﻭﻣﺸﺎ ﻃﻮﺍﻟﻲ ﻣﺎﺍﺩﺍﻫﺎ ﻣﺠﺎﻝ ﺗﺮﺩ ﻋﻠﻴﻬﻮ
ﺭﺟﻌﺖ ﺍﻟﺒﻴﺖ ﻭﻗﻠﺒﻬﺎ ﻓﻲ ﺍﻳﺪﻫﺎ ﻟﻮ ﻋﺮﻓﻮ ﺍﻭ ﺷﺎﻓﻮ ﺍﻟﻜﻴﺲ ﺩﻩ ﺣﻴﻤﻮﺗﻮﻫﺎ .. ﺩﺧﻠﺖ ﻣﺎﻟﻘﺖ ﺯﻭﻝ ﻭﺍﻣﻬﺎ ﺳﺎﺑﺖ ﻟﻴﻬﺎ ﻛﺴﺮﺓ ﻣﺮﺷﻮﺷﺔ ﺑﻲ ﺳﺨﻴﻨﺔ ﺍﺑﺘﺴﻤﺖ ﻭﻗﻔﻠﺖ ﺍﻟﺒﺎﺏ ﻭﻓﺘﺤﺖ ﺍﻟﻜﻴﺲ ﻭﻫﻨﺎ ﻛﺎﻧﺖ ﺍﻟﻤﻔﺎﺟﺎﺀﺓ