ﻛﻞ ﺍﻟﺸﻮﻕ ﺍﻟﺴﺎﻛﻦ ﻗﻠﺒﻚ
ﺳﺎﻛﻦ ﺭﻭﺣﻲ ﻭﺳﺎﻛﻦ ﻋﻴﻨﻲ
ﻳﻮﻣﻲ ﺧﻄﺎﻱ ﺑﺘﻮﻩ ﻓﻲ ﺩﺭﺑﻚ
ﻭﻛﻢ ﺍﺷﻮﺍﻗﻚ ﺗﻤﺸﻲ ﺗﺠﻴﻨﻲ
ﻭﻟﻮ ﻛﺎﻥ ﻋﺎﺭﻑ ﺍﻟﺤﺎﺻﻞ ﺑﻴﺎ
ﻣﺎﻛﻨﺘﺎ ﺗﻐﻴﺐ ﻓﻲ ﻳﻮﻡ ﻋﻦ ﻋﻴﻨﻲ
ﻭﻛﻨﺘﺎ ﺗﺤﻦ ﻳﺎﻏﺎﻟﻲ ﻋﻠﻴﺎ
ﺍﻧﺖ ﺍﻟﺸﻮﻕ ﺍﻟﺴﺎﻛﻦ ﻓﻴﻨﻲ
ﺍﻧﺎ ﻭﻋﻨﻴﻚ ﻭﺍﻟﻠﻬﻔﻪ ﺑﻨﺴﺄﻝ
ﺧﺎﻳﻔﻴﻦ ﺍﻧﺖ ﺗﻜﻮﻥ ﻧﺎﺳﻴﻨﻲ
ﻭﻋﺎﺭﻓﺎﻙ ﻣﻬﻤﺎ ﻏﻴﺎﺑﻚ ﻃﻮﻝ
ﻟﻲ ﺣﺎﺗﻌﻮﺩ ﻭﺭﺍﻧﻲ ﺣﻨﻴﻨﻲ

ﻭﺍﻗﻮﻝ ﻟﻲ ﻗﻠﺒﻲ ﺍﺗﺼﺒﺮ
ﻻ ﺗﻜﺘﺐ ﻭﻻ ﺗﺴﺄﻝ
ﻣﺼﻴﺮﻭ ﻓﻲ ﻳﻮﻡ ﻳﺠﻲ ﻭﻳﻄﺮﺍﻙ
ﺍﻻ ﻏﻴﺎﺑﻮ ﺯﺍﺩ ﺍﻛﺘﺮ ..
ﻛﺘﻴﺮ ﺍﺷﻮﺍﻗﻲ ﺗﻮﺻﻞ ﻟﻴﻚ
ﻭﺗﻄﻤﻦ ﻋﻦ ﺍﺣﻮﺍﻟﻚ
ﺗﺸﻮﻓﻚ ﺍﻧﺖ ﻋﺎﻣﻞ ﻛﻴﻒ
ﻭﺗﺸﻮﻑ ﻓﻲ ﺑﻌﺪﻱ ﻛﻴﻒ ﺣﺎﻟﻚ
ﻳﺠﻴﻨﻲ ﺍﻟﺸﻮﻕ ﻭﻳﺘﺄﺳﻒ
ﻳﻘﻮﻝ ﻣﺎﺭﺩﺍ ﻣﺮﺳﺎﻟﻚ
ﻳﻘﻮﻝ ﻧﺎﻳﻢ ﻭﻣﺎﺳﺎﺋﻞ
ﻻ ﻫﺎﻣﻴﻬﻮ ﻛﻴﻒ ﺣﺎﻟﻚ
ﻋﻠﻴﻚ ﻣﺎﺑﺘﻜﺘﺮ ﺍﺷﻮﺍﻗﻲ
ﺍﺭﻳﺘﻨﻲ ﺍﻛﻮﻥ ﻋﻠﻲ ﺑﺎﻟﻚ

ﻣﻌﻘﻮﻝ ﺗﺠﻲ ﻭﻣﺎﺗﻘﻮﻝ ﺳﻼﻡ؟؟
ﻣﻌﻘﻮﻝ ﻳﻄﻮﻝ ﺑﻴﻨﺎ ﺍﻟﺨﺼﺎﻡ !!!..
ﺑﻌﺪ ﺍﻟﺤﻨﻴﻦ ﺍﻟﺸﺎﻳﻠﻮ ﻟﻴﻚ ..
ﺭﻳﺪﺗﻚ ﻣﺠﺮﺩ ﺑﺲ ﻛﻼﻡ
*************
ﺍﻧﺎ ﻣﺎﺑﺼﺪﻕ ﺍﻧﻮ ﻳﻮﻡ
ﺑﺘﻬﻮﻥ ﻋﻠﻴﻚ ﻣﺤﺒﺘﻲ
ﻟﻮ ﺟﺎﻧﻲ ﻣﻨﻚ ﻣﺮﻩ ﻟﻮﻡ !..
ﺑﻤﺸﻲ ﺍﻭﺍﺻﻞ ﺳﻜﺘﻲ
ﺍﻻ ﺍﻟﺤﺼﻞ ﻣﺎﻛﺎﻥ ﻗﻠﻴﻞ .
ﺯﻭﺩ ﻋﺘﺎﺑﻚ ﺩﻣﻌﺘﻲ
*************
ﻭﻳﺠﻴﻨﻲ ﻛﻴﻒ ﻣﻨﻚ ﺟﻔﺎ ..
ﺗﺸﻮﻓﻨﻲ ﻣﺎﺑﺘﻘﻮﻝ ﺳﻼﻡ .
ﻭﺗﺘﻐﺎﺑﺎ ﻓﻴﻨﻲ ﺍﻟﻤﻌﺮﻓﻪ ..
ﻭﻛﻴﻔﻦ ﻳﻘﻞ ﺑﻴﻨﺎ ﺍﺣﺘﺮﺍﻡ
ﺍﻟﻘﺴﻮﻩ ﻣﺎﺑﺘﻠﻴﻖ ﻋﻠﻴﻚ ..
ﻻﻳﻖ ﻋﻠﻴﻚ ﺍﻻﻫﺘﻤﺎﻡ
*************
ﺍﻟﻘﺎﻟﻮ ﻟﻲ ﺍﻧﻚ ﻧﺴﻴﺖ .
ﻗﺎﺻﺪﻳﻦ ﻳﺒﻜﻮﻧﻲ ﺑﻮﺭﺍﻙ
ﺭﻏﻢ ﺍﻟﺤﺼﻞ ﺍﻧﺎ ﻣﺎﺍﺷﺘﻜﻴﺖ .
ﻟﻜﻨﻲ ﺑﺘﻌﺬﺏ ﻣﻌﺎﻙ
ﻣﻌﻘﻮﻟﻪ ﺗﺠﻲ ﻭﻣﺎﺗﻘﻮﻝ ﺳﻼﻡ !!.
ﻣﻌﻘﻮﻝ ﺗﻜﻮﻥ ﻗﺎﺻﺪ ﺧﺼﺎﻡ؟

ﻋﻴﻮﻧﻚ ﻳﻌﻨﻲ ﻣﺎﻻ ﻋﻠﻲ . ؟؟؟
ﺗﻮﻗﻒ ﻗﻠﺒﻲ ﺩﻗﺎﺗﻮ
ﻭﺣﺎﺗﻚ ﻣﻦ ﺗﻌﺎﻳﻦ ﻟﻲ .
ﺗﺰﻳﺪ ﻟﻲ ﻗﻠﺒﻲ ﺍﻫﺎﺗﻮ .
ﺑﻌﻤﻞ ﻓﻴﻬﺎ ﻣﺎﺷﺎﻳﻔﺎﻙ .
ﻭﺍﺳﺮﻕ ﻧﻈﺮﻩ ﻣﻦ ﻋﻴﻨﻴﻚ
ﻭﺍﻧﺎ ﺍﻟﻤﻦ ﻏﻴﺮ ﺗﻘﻮﻝ ﻋﺎﺭﻓﺎﻙ
ﻭﺯﻳﻚ ﺑﺮﺿﻲ ﻣﻐﺮﻣﻪ ﺑﻴﻚ
ﻋﻴﻮﻧﻚ ﻣﺎﺑﺘﺮﺣﻢ ﺯﻭﻝ .
ﻗﺪﺭ ﻣﺎﻗﻠﺘﺎ ﺍﺗﻜﻠﻢ
ﻭﺣﺎﺗﻚ ﻣﺎﻗﺪﺭﺗﺎ ﺍﻗﻮﻝ !!!
ﻋﻴﻮﻧﻚ ﻭﺍﻟﻔﺮﺡ ﺍﺻﺤﺎﺏ
ﻣﻌﺎﻙ ﺍﺣﺰﺍﻧﻲ ﺳﺎﺑﺘﻨﻲ
ﻟﻤﺎ ﻳﻜﻮﻧﻮ ﻣﻨﻲ ﻗﺮﺍﺏ
ﺑﺤﺲ ﺍﻟﻔﺮﺣﻪ ﺳﺎﻗﺘﻨﻲ
ﻋﻴﻮﻧﻚ ﻳﻌﻨﻲ ﻣﺎﻻ ﻋﻠﻲ
ﺗﻮﻗﻒ ﻟﻘﻠﺒﻲ ﺩﻗﺎﺗﻮ
ﻭﺣﺎﺗﻚ ﻣﻦ ﺗﻌﺎﻳﻦ
ﺗﺰﻳﺪ ﻟﻲ ﻗﻠﺒﻲ ﺍﻫﺎﺗﻮ

ﻳﺎﺩﺍ ﺍﻻﺳﻢ ﺍﻟﺴﺎﻛﻦ ﻗﻠﺒﻲ !!!!
ﻭﺳﺎﻛﻦ ﺭﻭﺣﻲ ﻭﺷﺎﻏﻞ ﺑﺎﻟﻲ
ﻛﻞ ﻣﺎﺍﺳﻤﻊ ﺑﻴﻬﻮ ﺑﻨﺎﺩﻭ
ﺑﻴﺤﺘﺎﺭ ﻋﻘﻠﻲ ﺍﺗﻐﻴﺮ ﺣﺎﻟﻲ
ﻭﺍﻓﻀﻞ ﺍﻋﺎﻳﻦ ﺑﺲ ﻭﺍﺗﻠﻔﺖ
ﻳﻤﻜﻦ ﺍﺷﻮﻑ ﺍﻟﺰﻭﻝ ﻃﻮﺍﻟﻲ !!
ﻭﻣﺎﻻﻗﺎﻧﻲ ﺷﺒﻴﻬﻚ ﻣﺮﻩ
ﺷﺒﻪ ﺍﺳﻤﺎﺀ ﻭﺑﺲ ﻳﺎﻏﺎﻟﻲ
ﻭﻟﻴﻪ ﺑﺲ ﻛﻞ ﻣﺎﺍﺳﻤﻊ ﺍﺳﻤﻚ
ﻗﻠﺒﻲ ﻳﺪﻕ ﺍﻳﺎﻡ ﻭﻟﻴﺎﻟﻲ؟؟
ﺍﺳﻤﻚ ﺳﺎﻛﻦ ﻋﻘﻠﻲ ﻭﺭﻭﺣﻲ
ﻭﺍﺳﻤﻚ ﻏﺎﻳﺔ ﻛﻞ ﺍﻣﺎﻟﻲ
ﻭﻟﻴﻪ ﻣﻦ ﺩﻭﻥ ﺍﻟﻨﺎﺱ ﺷﺎﻏﻠﻨﻲ
ﻭﻟﻴﻪ ﻣﺎﺩﺍﺭﻱ ﺩﻭﺍﻡ ﺑﻲ ﺣﺎﻟﻲ؟
ﺭﻳﺪﻙ ﻓﻲ ﺟﻮﺍﻱ ﺑﺪﺳﻮ
ﻭﻣﺎﺭﺍﺟﻴﺎﻙ ﺗﺮﺩﻭ ﺳﺆﺍﻟﻲ

ﻳﺎﻟﻌﻴﺪﺗﺎ ﻋﻠﻲ ﺍﺣﺒﺎﺑﻚ
ﻣﺎﻟﻚ ﻣﺎﻋﻴﺪﺗﺎ ﻋﻠﻴﻨﺎ؟؟؟؟
ﻣﺎﻟﻮ ﻋﻠﻴﻨﺎ ﺍﻟﺸﻮﻕ ﻣﺎﺟﺎﺑﻚ؟
ﻟﻴﻪ ﻓﻲ ﺍﻟﻌﻴﺪ ﺟﺎﺭﺡ ﻋﻴﻨﻴﻨﺎ؟
ﻛﻞ ﺍﻟﻨﺎﺱ ﻓﻲ ﺍﻟﻌﻴﺪ ﻓﺮﺣﺎﻧﺎ
ﻭﺍﻧﺎ ﻣﻦ ﺩﻭﻥ ﺍﻟﻨﺎﺱ ﺯﻋﻼﻧﺎ !!
ﻳﺤﺼﻞ ﺍﻳﻪ ﻟﻮ ﻳﻮﻡ ﺗﻄﺮﺍﻧﺎ؟
ﻟﻮ ﺑﺮﺳﺎﻟﻪ ﺗﻌﻴﺪ ﻟﻴﻨﺎ !!!
ﻏﺎﻳﺐ ﻭﻃﻮﻝ ﺍﻧﺖ ﻏﻴﺎﺑﻚ
ﻭﻛﻴﻔﻦ ﻟﻴﻨﺎ ﺍﻟﺸﻮﻕ ﻣﺎﺟﺎﺑﻚ
ﺍﻧﺎ ﻭﺍﻟﺸﻮﻕ ﻣﺎﺑﻨﺮﺿﻲ ﻋﺘﺎﺑﻚ
ﻭﻟﻴﻪ ﺑﺲ ﺍﻧﺖ ﺗﻜﻮﻥ ﻧﺎﺳﻴﻨﺎ . ؟
ﺑﺮﺿﻲ ﺑﻌﻴﺪ ﻟﻴﻚ ﻳﺎﻏﺎﻟﻲ
ﻭﻗﺒﻞ ﺍﻟﻌﻴﺪ ﺩﺍﻳﻤﺎ ﻓﻲ ﺑﺎﻟﻲ
ﻳﺎﺭﺏ ﺗﺘﺤﻘﻖ ﻛﻞ ﺍﻣﺎﻟﻚ
ﻭﺍﻧﺎ ﻓﻲ ﺭﻳﺪﻙ ﻛﻞ ﺍﻣﺎﻟﻲ

ﻭﺍﻗﻮﻝ ﻟﻲ ﻗﻠﺒﻲ ﺍﺗﺼﺒﺮ
ﻻ ﺗﻜﺘﺐ ﻭﻻ ﺗﺴﺄﻝ
ﻣﺼﻴﺮﻭ ﻓﻲ ﻳﻮﻡ ﻳﺠﻲ ﻭﻳﻄﺮﺍﻙ
ﺍﻻ ﻏﻴﺎﺑﻮ ﺯﺍﺩ ﺍﻛﺘﺮ ..
ﻛﺘﻴﺮ ﺍﺷﻮﺍﻗﻲ ﺗﻮﺻﻞ ﻟﻴﻚ
ﻭﺗﻄﻤﻦ ﻋﻦ ﺍﺣﻮﺍﻟﻚ
ﺗﺸﻮﻓﻚ ﺍﻧﺖ ﻋﺎﻣﻞ ﻛﻴﻒ
ﻭﺗﺸﻮﻑ ﻓﻲ ﺑﻌﺪﻱ ﻛﻴﻒ ﺣﺎﻟﻚ
ﻳﺠﻴﻨﻲ ﺍﻟﺸﻮﻕ ﻭﻳﺘﺄﺳﻒ
ﻳﻘﻮﻝ ﻣﺎﺭﺩﺍ ﻣﺮﺳﺎﻟﻚ
ﻳﻘﻮﻝ ﻧﺎﻳﻢ ﻭﻣﺎﺳﺎﺋﻞ
ﻻ ﻫﺎﻣﻴﻬﻮ ﻛﻴﻒ ﺣﺎﻟﻚ
ﻋﻠﻴﻚ ﻣﺎﺑﺘﻜﺘﺮ ﺍﺷﻮﺍﻗﻲ
ﺍﺭﻳﺘﻨﻲ ﺍﻛﻮﻥ ﻋﻠﻲ ﺑﺎﻟﻚ

ﻓﻲ ﺍﻟﺼﺒﺎﺣﺎﺕ ﺍﻟﺒﺘﺸﺮﻕ ..
ﺷﺎﻳﻠﻪ ﺁﻣﺎﻟﻨﺎ ﺍﻟﻜﺘﻴﺮﻩ
ﺍﺻﻠﻬﺎ ﺍﻻﺣﻼﻡ ﺑﺘﻔﺮﻕ
ﺑﻜﺮﺍ ﺗﺘﺤﻘﻖ ﻣﺼﻴﺮﻩ
ﻭﻛﻞ ﻣﺸﻮﺍﺭ ﻣﻬﻤﺎ ﻳﻄﻮﻝ ..
ﺑﺒﺪﺃ ﺑﺎﻟﺨﻄﻮﻩ ﺍﻟﺼﻐﻴﺮﻩ
ﻛﻞ ﺻﻌﺎﺏ ﺍﻟﺪﻧﻴﺎ ﺗﻜﻤﻞ .
ﻭﺍﻟﻨﻬﺎﻳﺎﺕ ﺟﺪ ﺟﻤﻴﻠﻪ .
ﻭﻛﻞ ﺣﻠﻢ ﻳﺼﺒﺢ ﺣﻘﻴﻘﻪ
ﻣﺎﻓﻲ ﺍﺣﻼﻡ ﻣﺴﺘﺤﻴﻠﻪ ..
ﺑﺎﻻﻣﻞ ﻧﻮﺻﻞ ﺍﻛﻴﺪ
ﺍﻟﺼﻌﺎﺏ ﻟﻮ ﻛﺎﻥ ﻛﺘﻴﺮﻩ
ﺑﻜﺮﺍ ﻧﺘﺠﺎﻭﺯ ﺻﻌﺎﺑﻨﺎ
ﻭﻧﻔﺮﺡ ﺍﻟﻔﺮﺣﻪ ﺍﻟﻜﺒﻴﺮﻩ

ﺍﺗﺄﺧﺮﺗﺎ ﺷﻮﻳﻪ ﻋﻠﻴﺎ
ﻭﺯﺍﺩﻭ ﺍﻟﺸﻮﻕ ﻭﺍﻟﻠﻬﻔﻪ ﺍﻟﺒﻴﺎ
ﻣﺎﺗﻜﻮﻥ ﻧﺎﺳﻲ ﻣﻴﻌﺎﺩﻧﺎ ﻳﺎﻏﺎﻟﻲ
ﻧﺎﺳﻲ ﺍﻟﺮﻳﺪ ﻧﺎﺳﻲ ﺍﻟﺤﻨﻴﺎ .
ﺍﺗﺄﺧﺮﺗﺎ ...
ﻭﺑﻴﻦ ﺧﻄﻮﺍﺕ ﺍﺣﺴﺎﺳﻲ ﻣﺸﻴﺖ
ﻭﻟﻴﻪ ﻣﺎﺑﻨﺘﺎ .. ؟؟؟
ﺑﺮﺿﻲ ﺑﻔﺘﺶ ﻟﻴﻚ ﺟﻮﺍﻱ
ﻭﻣﺎﺑﻠﻘﺎﻙ ﺍﻧﺎ ﺇﺗﻴﻘﻨﺘﺎ
ﺑﻴﻦ ﺩﻗﺎﺕ ﺍﻟﻘﻠﺐ ﺍﻟﺮﺍﺩﻙ،، ﺍﺗﺄﺧﺮﺗﺎ
ﻣﺮﻩ ﺟﻔﺎﻙ ﻭﻣﺮﻩ ﻭﺩﺍﻙ ... ﺍﺗﺄﺧﺮﺗﺎ
ﺍﺗﺄﺧﺮﺗﺎ ﻭﻧﺎﺳﻲ ﻣﻴﻌﺎﺩﻙ .
ﻭﺍﻧﺎ ﺍﺣﺘﺮﺗﺎ ..!!!!
ﺍﻣﺸﻲ ﻭﺍﺳﻴﺒﻮ ﻳﺎﻏﺎﻟﻲ ﺳﻬﺎﺩﻙ
ﻭﺗﺒﻘﻲ ﺧﺴﺮﺗﺎ ...!!
ﺍﺗﺄﺧﺮﺗﺎ ....
ﺍﻟﻤﺨﺘﺎﺭﺓ ﺍﻟﻤ

ﻓﺘﺶ ﻋﻠﻲ ﺍﻟﺒﺮﻳﺪ
ﻭﺍﻟﻤﺎ ﺑﺨﻮﻥ ﻓﻲ ﻳﻮﻡ
ﻟﻮ ﻛﻨﺘﺎ ﻋﻨﻮ ﺑﻌﻴﺪ
ﻣﺎﺗﺸﻮﻑ ﻋﻴﻮﻧﻮ ﺍﻟﻨﻮﻡ
ﻓﺘﺶ ﻋﻦ ﺍﻻﺧﻼﺹ
ﻭﻣﺎﺑﺨﻮﻧﻚ ﺍﻻﺣﺴﺎﺱ
ﻭﺍﻟﺮﻳﺪﻩ ﻣﺎﻫﺎ ﺧﻼﺹ
ﺯﻱ ﻣﺎﺑﻘﻮﻟﻮ ﺍﻟﻨﺎﺱ
ﻣﺎﻛﻞ ﺯﻭﻝ ﺑﺮﻳﺪ
ﻋﺎﻳﺶ ﺣﻴﺎﺗﻮ ﺳﻌﻴﺪ
ﻧﺎﺱ ﻓﻲ ﺍﻟﺤﺰﻥ ﻋﺎﻳﺸﻪ
ﻣﺎﺷﺎﻓﻮ ﻃﻌﻢ ﺍﻟﻌﻴﺪ ..
ﻭﻓﺘﺶ ﻋﻦ ﺍﻟﺒﻴﺮﻳﺪ !!