ﺳﺮﺣﺎﻧﻪ ﻣﻊ ﻃﻴﻔﻚ ﺍﻧﺎ ..
ﻭﻣﻨﺎﻱ ﺑﺲ ﺍﻟﻘﺎﻙ ﻫﻨﺎ ..
ﻭﺑﻘﻴﺖ ﺍﻓﺘﺶ ﻋﻦ ﺧﻄﺎﻙ
ﻋﺎﺭﻓﺎﻙ ﻣﻼﻙ ﻣﺎﺯﻳﻨﺎ ...
ﺗﺎﺗﻬﺖ ﺩﺭﻭﺑﻚ ﻋﻨﻲ ﻟﻴﻪ؟
ﻣﺤﺘﺎﺭﻩ ﻓﻴﻚ ﺍﻻﻣﻜﻨﻪ ..
ﻭﻣﺤﺘﺎﺭ ﻣﻌﺎﻙ ﻗﻠﺒﻲ ﺍﻟﻬﻮﺍﻙ .
ﺑﺤﻠﻢ ﻣﻌﺎﻙ ﻳﻠﻘﻲ ﺍﻟﻬﻨﺎ
ﻋﺸﻤﺎﻥ ﻭﻣﺎﻗﻄﻊ ﺍﻟﻌﺸﻢ ..
ﻭﻟﻜﻦ ﻏﻴﺎﺑﻚ ﻃﺎﻝ ﺳﻨﻪ ...
ﻣﺤﺘﺎﺭﻩ ﻓﻲ ﻫﻤﻲ ﺍﻟﻤﻌﺎﻙ
ﻭﻣﺤﺘﺎﺭﻩ ﻓﻲ ﺭﻳﺪﻙ ﺍﻧﺎ
ﻣﺤﺘﺎﺭﻩ ﻓﻲ ﺷﻮﻗﻲ ﻭﺑﻜﺎﻱ .
ﺣﻴﺮﺍﻧﻪ ﻛﻴﻒ ﺍﻟﻘﻲ ﺍﻟﻬﻨﺎ
ﻭﻳﺎﻏﺎﻟﻲ ﻋﻴﻨﻴﻚ ﻣﺎﻣﻌﺎﻱ؟
ﺍﻟﻴﻮﻡ ﺑﻤﺮ ﺯﻱ ﺍﻟﺴﻨﻪ .
ﻭﻛﻞ ﻟﺤﻈﺔ ﺑﺘﺰﻭﺩ ﺍﺳﺎﻱ .
ﻳﺎﻏﺎﻟﻲ ﺷﻮﻑ ﻛﻞ ﺍﻟﻌﻨﺎ !!.
ﺍﻧﻚ ﺗﻜﻮﻥ ﻓﺮﺣﻲ ﻭﺷﻘﺎﻱ؟؟
ﺍﻧﻚ ﺗﻜﻮﻥ ﻛﻞ ﺍﻟﻤﻨﺎ
ﺍﻧﻚ ﺗﻜﻮﻥ ﻧﺎﺭﻱ ﻭﺍﺯﺍﻱ

ﻟﻮ ﻣﺸﺘﺎﻕ ﺍﻧﺎ ﺍﻛﺘﺮ ﻣﻨﻚ
ﻳﻮﻣﻲ ﺑﺠﻴﻚ ﻭﺑﺴﺄﻝ ﻋﻨﻚ
ﻳﻮﻡ ﺍﺷﻮﺍﻗﻲ ﻣﺎﻣﻠﻨﻚ
ﺑﻬﻮﻯ ﻋﻴﻮﻧﻚ ﻭﺑﻌﺸﻖ ﺣﻨﻚ
ﻟﻮ ﻣﺸﺘﺎﻕ ﺍﻟﺸﻮﻕ ﻣﺎﺑﺴﻴﺒﻚ
ﺍﻧﻚ ﺗﻘﺴﻰ ﻋﻠﻴﻬﻮ ﺣﺒﻴﺒﻚ
ﻳﻨﺴﻰ ﻫﻮﺍﻩ ﻓﻲ ﻣﺮﻩ ﻗﻠﻴﺒﻚ
ﻫﻞ ﻓﻲ ﻳﻮﻡ ﻋﻴﻨﻴﻬﻮ ﺟﺮﺣﻨﻚ؟؟؟
ﻭﻟﻮ ﻣﺸﺘﺎﻕ ﺍﻧﺎ ﺍﻛﺘﺮ ﻣﻨﻚ
ﻭﻋﺎﺭﻓﻪ ﺣﻘﻴﻘﺔ ﺷﻮﻗﻚ ﻭﺟﻨﻚ
ﻳﻮﻡ ﻋﻴﻨﻲ ﺑﻲ ﺷﻮﻕ ﺳﺄﻟﻨﻚ
ﻛﺎﻥ ﺍﻟﺸﻮﻕ ﻋﺎﻳﺶ ﻓﻲ ﻇﻨﻚ
ﺑﻴﻦ ﻣﺸﺘﺎﻗﻚ ﻭﻣﺎﻣﺸﺘﺎﻗﻚ
ﺣﺘﻲ ﺍﻟﺸﻮﻕ ﻣﺎﻋﺎﺭﻑ ﺍﻧﻚ
ﻋﺎﻳﺶ ﺑﻴﻦ ﺍﺷﻮﺍﻗﻲ ﻭﺭﻭﺣﻲ
ﻭﻟﻮ ﻣﺸﺘﺎﻕ ﺍﻧﺎ ﺍﻛﺘﺮ ﻣﻨﻚ

ﻳﺎﺣﻠﻴﻠﻮ ﺍﻟﺸﻮﻕ ﻟﻮ ﺯﻱ ﺷﻮﻗﻚ
ﻳﺎﺣﻠﻴﻠﻲ ﺍﻧﺎ ﺍﻟﻠﺴﻪ ﺑﺮﻳﺪﻙ
ﻣﺸﺘﺎﻗﻪ ﻟﻌﻄﻔﻚ ﻭﻟﺬﻭﻗﻚ
ﻭﻛﺘﻴﻦ ﺑﻲ ﻟﻬﻔﺔ ﺗﺮﺍﺿﻴﻨﻲ .
ﻭﺍﻋﻤﻞ ﺯﻋﻼﻧﻪ ﺗﻨﺎﺩﻳﻨﻲ ..
ﻭﺍﻓﻀﻞ ﺍﺗﺪﻟﻞ ﻭﺍﺗﺰﺍﻋﻞ
ﻣﻊ ﺍﻧﻮ ﺍﻟﺮﻳﺪ ﺑﺎﻳﻦ ﻓﻴﻨﻲ
ﺣﻴﺮﺗﺎ ﻗﻠﻴﺒﻲ ﻭﺩﻗﺎﺗﻮ .
ﻣﺮﺍﺕ ﺑﻲ ﺣﻨﻚ ﺗﻤﻼﻫﻮ
ﻭﻣﺮﺍﺕ ﺑﺘﻜﺘﺮ ﺁﻫﺎﺗﻮ
ﻟﻮ ﻗﻠﺘﺎ ﻋﻠﻴﻚ ﻗﺎﺻﺪ ﺗﻘﺴﻲ .
ﺑﺘﺠﻴﻨﻲ ﻭﺗﺤﻠﻒ ﺑﺤﻴﺎﺗﻮ .
ﺑﻲ ﺍﻧﻮ ﺍﻟﺴﺎﻛﻦ ﺟﻮﺍﻛﺎ
ﻣﺎﻋﻨﺪﻙ ﺍﺑﺪﺍ ﺑﻲ ﻏﻼﺗﻮ
ﻟﻮ ﻗﻠﺘﺎ ﺍﻓﻮﺗﻚ ﻭﺍﻧﺴﺎﻙ
ﺍﻟﺰﻳﻚ ﻭﻳﻦ ﺑﺲ ﻳﺘﻔﺎﺗﻮ
ﻣﺤﺘﺎﺭﻩ ﻣﻌﺎﻙ ﺣﺪ ﺍﻟﺤﻴﺮﻩ
ﻭﺍﻟﺮﻳﺪ ﺍﺣﺘﺎﺭ ﻣﻌﺎﻱ ﺯﺍﺗﻮ
ﺑﻲ ﻧﺎﺭﺍﻟﺸﻮﻕ ﺑﺒﻘﻲ ﺍﺳﻴﺮﻩ
ﻭﺍﻧﺎ ﻗﻠﺒﻚ ﺑﺤﻠﻒ ﺑﺤﻴﺎﺗﻮ

ﻛﻢ ﻧﺎﺩﻳﺖ ﺍﻧﺎ ﺍﻻﺷﻮﺍﻕ ..
ﻧﺪﻩ ﺣﺲ ﺍﻻﻣﺎﻧﻲ ﻛﺘﻴﺮ ..
ﻭﺷﻠﺘﻚ ﻓﻲ ﺳﻤﺎﻱ ﻓﺮﺡ
ﻭﻗﻠﺘﺎ ﻋﻠﻴﻚ ﻛﻞ ﺍﻟﺨﻴﻴﺮ
ﻭﻟﻤﺎ ﻣﺸﻴﺖ ﻭﻻ ﻟﻮﻣﺘﻚ .
ﻭﻋﺎﺫﺭﺍﻙ ﺑﺮﺿﻮ ﻟﻠﺘﺄﺧﻴﺮ
ﻭﻛﻨﺘﺎ ﺑﺨﺎﻑ ﻋﻠﻴﻚ ﻣﻨﻲ
ﻭﻣﻦ ﺍﻟﻜﻞ ﻋﻠﻴﻚ ﺑﻐﻴﺮ
ﻭﻣﻬﻤﺎ ﻛﺎﻥ ﻣﺼﻴﺮﻱ ﻣﻌﺎﻙ
ﻗﻠﺘﺎ ﺍﻛﻴﺪ ﺣﺎﻳﺤﺼﻞ ﺧﻴﺮ
ﻭﻗﻠﺘﺎ ﻋﻠﻴﻚ ﻗﺪﺭ ﻣﻜﺘﻮﺏ
ﺻﺒﺤﺘﺎ ﺑﺮﺍﻙ ﻟﻲ ﻣﺼﻴﺮ

ﻳﺎﺗﻮ ﺳﻜﻪ ﺑﺪﻭﻥ ﻋﻴﻮﻧﻚ
ﺗﺎﻧﻲ ﺑﻘﺪﺭ ﺍﻣﺸﻲ ﺑﻴﻬﺎ؟
ﻭﺍﻧﺖ ﻋﺎﺭﻑ ﻛﻴﻒ ﺑﺮﻳﺪﻙ
ﻭﻛﻴﻒ ﻋﻴﻮﻧﻚ ﺑﺼﻄﻔﻴﻬﺎ .
ﻭﺟﺪ ﺑﺨﺎﻑ ﻣﻦ ﺑﻜﺮﺍ ﺑﻌﺪﻙ
ﻭﻣﻦ ﺩﺭﻭﺏ ﺑﻌﺪﻙ ﺍﺟﻴﻬﺎ
ﻭﻛﻴﻒ ﻋﻴﻮﻧﻚ ﻋﺎﻣﻠﻪ ﺑﻌﺪﻱ؟
ﺟﺪ ﺑﺨﺎﻑ ﺟﺪﺁ ﻋﻠﻴﻬﺎ
ﻟﻮ ﻋﻠﻲ ﻣﺎﺍﺷﻮﻑ ﺩﻣﻮﻋﻬﺎ
ﺍﻟﻔﺮﺡ ﺍﺟﻴﻴﻮ ﻟﻴﻬﺎ .
ﻭﻋﺎﺭﻓﻪ ﺍﻧﻮ ﺑﺮﻳﺪ ﻋﻴﻮﻧﻲ
ﻳﺎﻣﺎ ﻏﻨﺎ ﻭﺟﻨﺎ ﺑﻴﻬﺎ

ﻛﻞ ﺍﻟﺸﻮﻕ ﺍﻟﺴﺎﻛﻦ ﻗﻠﺒﻚ
ﺳﺎﻛﻦ ﺭﻭﺣﻲ ﻭﺳﺎﻛﻦ ﻋﻴﻨﻲ
ﻳﻮﻣﻲ ﺧﻄﺎﻱ ﺑﺘﻮﻩ ﻓﻲ ﺩﺭﺑﻚ
ﻭﻛﻢ ﺍﺷﻮﺍﻗﻚ ﺗﻤﺸﻲ ﺗﺠﻴﻨﻲ
ﻭﻟﻮ ﻛﺎﻥ ﻋﺎﺭﻑ ﺍﻟﺤﺎﺻﻞ ﺑﻴﺎ
ﻣﺎﻛﻨﺘﺎ ﺗﻐﻴﺐ ﻓﻲ ﻳﻮﻡ ﻋﻦ ﻋﻴﻨﻲ
ﻭﻛﻨﺘﺎ ﺗﺤﻦ ﻳﺎﻏﺎﻟﻲ ﻋﻠﻴﺎ
ﺍﻧﺖ ﺍﻟﺸﻮﻕ ﺍﻟﺴﺎﻛﻦ ﻓﻴﻨﻲ
ﺍﻧﺎ ﻭﻋﻨﻴﻚ ﻭﺍﻟﻠﻬﻔﻪ ﺑﻨﺴﺄﻝ
ﺧﺎﻳﻔﻴﻦ ﺍﻧﺖ ﺗﻜﻮﻥ ﻧﺎﺳﻴﻨﻲ
ﻭﻋﺎﺭﻓﺎﻙ ﻣﻬﻤﺎ ﻏﻴﺎﺑﻚ ﻃﻮﻝ
ﻟﻲ ﺣﺎﺗﻌﻮﺩ ﻭﺭﺍﻧﻲ ﺣﻨﻴﻨﻲ

ﻭﺍﻗﻮﻝ ﻟﻲ ﻗﻠﺒﻲ ﺍﺗﺼﺒﺮ
ﻻ ﺗﻜﺘﺐ ﻭﻻ ﺗﺴﺄﻝ
ﻣﺼﻴﺮﻭ ﻓﻲ ﻳﻮﻡ ﻳﺠﻲ ﻭﻳﻄﺮﺍﻙ
ﺍﻻ ﻏﻴﺎﺑﻮ ﺯﺍﺩ ﺍﻛﺘﺮ ..
ﻛﺘﻴﺮ ﺍﺷﻮﺍﻗﻲ ﺗﻮﺻﻞ ﻟﻴﻚ
ﻭﺗﻄﻤﻦ ﻋﻦ ﺍﺣﻮﺍﻟﻚ
ﺗﺸﻮﻓﻚ ﺍﻧﺖ ﻋﺎﻣﻞ ﻛﻴﻒ
ﻭﺗﺸﻮﻑ ﻓﻲ ﺑﻌﺪﻱ ﻛﻴﻒ ﺣﺎﻟﻚ
ﻳﺠﻴﻨﻲ ﺍﻟﺸﻮﻕ ﻭﻳﺘﺄﺳﻒ
ﻳﻘﻮﻝ ﻣﺎﺭﺩﺍ ﻣﺮﺳﺎﻟﻚ
ﻳﻘﻮﻝ ﻧﺎﻳﻢ ﻭﻣﺎﺳﺎﺋﻞ
ﻻ ﻫﺎﻣﻴﻬﻮ ﻛﻴﻒ ﺣﺎﻟﻚ
ﻋﻠﻴﻚ ﻣﺎﺑﺘﻜﺘﺮ ﺍﺷﻮﺍﻗﻲ
ﺍﺭﻳﺘﻨﻲ ﺍﻛﻮﻥ ﻋﻠﻲ ﺑﺎﻟﻚ

ﻣﻌﻘﻮﻝ ﺗﺠﻲ ﻭﻣﺎﺗﻘﻮﻝ ﺳﻼﻡ؟؟
ﻣﻌﻘﻮﻝ ﻳﻄﻮﻝ ﺑﻴﻨﺎ ﺍﻟﺨﺼﺎﻡ !!!..
ﺑﻌﺪ ﺍﻟﺤﻨﻴﻦ ﺍﻟﺸﺎﻳﻠﻮ ﻟﻴﻚ ..
ﺭﻳﺪﺗﻚ ﻣﺠﺮﺩ ﺑﺲ ﻛﻼﻡ
*************
ﺍﻧﺎ ﻣﺎﺑﺼﺪﻕ ﺍﻧﻮ ﻳﻮﻡ
ﺑﺘﻬﻮﻥ ﻋﻠﻴﻚ ﻣﺤﺒﺘﻲ
ﻟﻮ ﺟﺎﻧﻲ ﻣﻨﻚ ﻣﺮﻩ ﻟﻮﻡ !..
ﺑﻤﺸﻲ ﺍﻭﺍﺻﻞ ﺳﻜﺘﻲ
ﺍﻻ ﺍﻟﺤﺼﻞ ﻣﺎﻛﺎﻥ ﻗﻠﻴﻞ .
ﺯﻭﺩ ﻋﺘﺎﺑﻚ ﺩﻣﻌﺘﻲ
*************
ﻭﻳﺠﻴﻨﻲ ﻛﻴﻒ ﻣﻨﻚ ﺟﻔﺎ ..
ﺗﺸﻮﻓﻨﻲ ﻣﺎﺑﺘﻘﻮﻝ ﺳﻼﻡ .
ﻭﺗﺘﻐﺎﺑﺎ ﻓﻴﻨﻲ ﺍﻟﻤﻌﺮﻓﻪ ..
ﻭﻛﻴﻔﻦ ﻳﻘﻞ ﺑﻴﻨﺎ ﺍﺣﺘﺮﺍﻡ
ﺍﻟﻘﺴﻮﻩ ﻣﺎﺑﺘﻠﻴﻖ ﻋﻠﻴﻚ ..
ﻻﻳﻖ ﻋﻠﻴﻚ ﺍﻻﻫﺘﻤﺎﻡ
*************
ﺍﻟﻘﺎﻟﻮ ﻟﻲ ﺍﻧﻚ ﻧﺴﻴﺖ .
ﻗﺎﺻﺪﻳﻦ ﻳﺒﻜﻮﻧﻲ ﺑﻮﺭﺍﻙ
ﺭﻏﻢ ﺍﻟﺤﺼﻞ ﺍﻧﺎ ﻣﺎﺍﺷﺘﻜﻴﺖ .
ﻟﻜﻨﻲ ﺑﺘﻌﺬﺏ ﻣﻌﺎﻙ
ﻣﻌﻘﻮﻟﻪ ﺗﺠﻲ ﻭﻣﺎﺗﻘﻮﻝ ﺳﻼﻡ !!.
ﻣﻌﻘﻮﻝ ﺗﻜﻮﻥ ﻗﺎﺻﺪ ﺧﺼﺎﻡ؟

ﻋﻴﻮﻧﻚ ﻳﻌﻨﻲ ﻣﺎﻻ ﻋﻠﻲ . ؟؟؟
ﺗﻮﻗﻒ ﻗﻠﺒﻲ ﺩﻗﺎﺗﻮ
ﻭﺣﺎﺗﻚ ﻣﻦ ﺗﻌﺎﻳﻦ ﻟﻲ .
ﺗﺰﻳﺪ ﻟﻲ ﻗﻠﺒﻲ ﺍﻫﺎﺗﻮ .
ﺑﻌﻤﻞ ﻓﻴﻬﺎ ﻣﺎﺷﺎﻳﻔﺎﻙ .
ﻭﺍﺳﺮﻕ ﻧﻈﺮﻩ ﻣﻦ ﻋﻴﻨﻴﻚ
ﻭﺍﻧﺎ ﺍﻟﻤﻦ ﻏﻴﺮ ﺗﻘﻮﻝ ﻋﺎﺭﻓﺎﻙ
ﻭﺯﻳﻚ ﺑﺮﺿﻲ ﻣﻐﺮﻣﻪ ﺑﻴﻚ
ﻋﻴﻮﻧﻚ ﻣﺎﺑﺘﺮﺣﻢ ﺯﻭﻝ .
ﻗﺪﺭ ﻣﺎﻗﻠﺘﺎ ﺍﺗﻜﻠﻢ
ﻭﺣﺎﺗﻚ ﻣﺎﻗﺪﺭﺗﺎ ﺍﻗﻮﻝ !!!
ﻋﻴﻮﻧﻚ ﻭﺍﻟﻔﺮﺡ ﺍﺻﺤﺎﺏ
ﻣﻌﺎﻙ ﺍﺣﺰﺍﻧﻲ ﺳﺎﺑﺘﻨﻲ
ﻟﻤﺎ ﻳﻜﻮﻧﻮ ﻣﻨﻲ ﻗﺮﺍﺏ
ﺑﺤﺲ ﺍﻟﻔﺮﺣﻪ ﺳﺎﻗﺘﻨﻲ
ﻋﻴﻮﻧﻚ ﻳﻌﻨﻲ ﻣﺎﻻ ﻋﻠﻲ
ﺗﻮﻗﻒ ﻟﻘﻠﺒﻲ ﺩﻗﺎﺗﻮ
ﻭﺣﺎﺗﻚ ﻣﻦ ﺗﻌﺎﻳﻦ
ﺗﺰﻳﺪ ﻟﻲ ﻗﻠﺒﻲ ﺍﻫﺎﺗﻮ

ﻳﺎﺩﺍ ﺍﻻﺳﻢ ﺍﻟﺴﺎﻛﻦ ﻗﻠﺒﻲ !!!!
ﻭﺳﺎﻛﻦ ﺭﻭﺣﻲ ﻭﺷﺎﻏﻞ ﺑﺎﻟﻲ
ﻛﻞ ﻣﺎﺍﺳﻤﻊ ﺑﻴﻬﻮ ﺑﻨﺎﺩﻭ
ﺑﻴﺤﺘﺎﺭ ﻋﻘﻠﻲ ﺍﺗﻐﻴﺮ ﺣﺎﻟﻲ
ﻭﺍﻓﻀﻞ ﺍﻋﺎﻳﻦ ﺑﺲ ﻭﺍﺗﻠﻔﺖ
ﻳﻤﻜﻦ ﺍﺷﻮﻑ ﺍﻟﺰﻭﻝ ﻃﻮﺍﻟﻲ !!
ﻭﻣﺎﻻﻗﺎﻧﻲ ﺷﺒﻴﻬﻚ ﻣﺮﻩ
ﺷﺒﻪ ﺍﺳﻤﺎﺀ ﻭﺑﺲ ﻳﺎﻏﺎﻟﻲ
ﻭﻟﻴﻪ ﺑﺲ ﻛﻞ ﻣﺎﺍﺳﻤﻊ ﺍﺳﻤﻚ
ﻗﻠﺒﻲ ﻳﺪﻕ ﺍﻳﺎﻡ ﻭﻟﻴﺎﻟﻲ؟؟
ﺍﺳﻤﻚ ﺳﺎﻛﻦ ﻋﻘﻠﻲ ﻭﺭﻭﺣﻲ
ﻭﺍﺳﻤﻚ ﻏﺎﻳﺔ ﻛﻞ ﺍﻣﺎﻟﻲ
ﻭﻟﻴﻪ ﻣﻦ ﺩﻭﻥ ﺍﻟﻨﺎﺱ ﺷﺎﻏﻠﻨﻲ
ﻭﻟﻴﻪ ﻣﺎﺩﺍﺭﻱ ﺩﻭﺍﻡ ﺑﻲ ﺣﺎﻟﻲ؟
ﺭﻳﺪﻙ ﻓﻲ ﺟﻮﺍﻱ ﺑﺪﺳﻮ
ﻭﻣﺎﺭﺍﺟﻴﺎﻙ ﺗﺮﺩﻭ ﺳﺆﺍﻟﻲ