ياوطني ماتشيل هم
غيمه وتزول عنك
ياغالي لي تسلم
ما انحرم منك
ازمه وتعدي اكيد
ايام ولا بتنعاد
باكر صباحنا جديد
زي فرحة الاعياد
ياوطني انت عزيز
تتحدا كل الكان
مين اللي مابعرف
اصالة السودان؟
مهما الظروف تقسي
الجاي حتمآ خييير
بتمني ليك دوام
ياوطني تبقي كبير
مافينا اصلو جبان
لا فينا زول بتهان
والكل اكيد اخوان
فيك انت يالسودان
# زوبهعثمان

حاجه غريبه!!!! كل مااقول عينيك حااسيبه برجع تاني اريدك اكتر واصبح من دنياك قريبه حاجه غريبه كل مااقول مابسأل عنك بشتاق ليك واشواقي مصيبه كل مااقول حاانساك وافرح سيرتك يوم مابقدر اسيبه حاجه غريبه #زوووووبه | الشاعرة زوبه عثمان

يااغلي زول مالك علي
شلتا الفرح الجبتو لي
فتشتا ليك مالقيت عذر
خلاك تكون ماحاسي بي
كيفن تفوت تنساني كيف
وانا قلتا ليك بعدك مخيف
كانت وعودك كذبه لي
يااغلي زول مالك علي؟
ماليك عذر غير الظروف
ماليهو قلبي انين وخوف
قبل العيون قلبك يشوف
وانا قلبي شاف ماتحكي لي
# زووووبه

الف سلامة ياغالي
ماتشوف شر وتتألم
اريتو يكون دا بس حالي
اريت الآهه تتقسم....
اريت الآهه ماتطراك....
سلامتك ياارق ملاك....
عيوني وروحي ياخ فداك
اريت ياغالي لي تسلم
اريت العافيه تحلالك
تروح الاهه تمشي بعيد
ولو يوم جيت علي بالك
تكون ياروحي انت سعيد
واريت ياغالي ماتشيل هم

مالو إحساسي البريدك....
زي نساك ونساهو ريدك!!!!!
زي كأني ماهويتك...
وكنت خايف يوم اسالمك..
خوفته ايدي تزوب في إيدك...
بكل قساوه جيت تعاتب...
مرة شوف صندوق بريدك...
ح تلقي مكتوب شوقي ليك...
وهسه لومك مابيفيدك...
ح تلقي دمعاتي الرجنك....
وانت فرحان بي جديدك...
وياما جيت سألت عنك..
وكان مناي بالفرح ازيدك...
بس شقاي الشفتو منك..
خلاني جد انساهو ريدك...
‏
_____
محمد عباس الشجن الاليم
لو كان طريقك شوك!
املاهو انت ورود،،،
في الدنيا مافي محال،،
مادام الإله موجود..
احلامنا تتحقق
وتصبح حقيقه اكيد
وافراحنا تتصدق.
احزانا تمشي بعيد.
كل التشوفو العين
مااظن تطولو الإيد
والكان مقسوم ليك
مهما حصل بجيك
لو ترضي بالمكتوب
ح تكون حقيقه سعيد.