بعدت خطاوينا الزمان
كانت قريب بتلمنا...
واحساسنا ماعاد زي زمان
بدلنا بي سوء ظننا...
البعد مابعد المكان
نفس الوطن بيضمنا
وبفرقنا احساسنا اللي كان
جمع في يوم شملنا
مابتفرق كتير مين اللي باع
مين اللي خان..
ماعاد هو واحد همنا
ضيعنا احساس الامان
والكان هو فينا ومننا
والعشره هانت وكلو هان
وعشناهو سن ماسننا
لا لي كبيرنا زي هيبة زمان
لا صغيرنا يسمع مننا..
بتهين وتصبح يوم مهان
وتهدو عش يوم اتبنا
واحذر حتير لغة اللسان
مرات هي جارحه ومحزنه
طبع البشر يخونو الامان
الا الكريم بس ربنا
قادر ينسينا اللي كان
قادر يحقق حلمنا..
بس قول يارب وغيرو
ماتفتش امان..
لو مهما يكبر همنا..
ماتقول خلاص فات الاوان
مادام بينبض قلبنا
وكل الصعاب بتهون عشان
لازم نعيش ومن حقنا
# زووووووبه

الشاعرة زوبة عثمان ||قصيدة يا نجوم وريني مالو|| رائعه
4:21 أثار الفيديو إعجاب5من الأشخاص، بينما لم يعجب0من الأشخاص
978 مشاهدة

كل الأحباب  بتهنينا كلمات  زوبه عثمان الحان وتنفيذ موسيقي  سامية الهندي  أداء سارة  الهندي
https://m.youtube.com/watch?v=-9CyCkbiFOE&hl=ar&gl=US&client=mv-google

الشاعرة زوبه عثمان
يااكتر زول انا حبيتو
سكنتو في قلبي
وفي الانفاس
من غير مااشعر
حبيتو...!!!!
وبادلني كمان
نفس الاحساس
انا حبيتك من
دون الناس،،،،،
وكتمتو هواك
مع الانفاس!!!
حبيتك جد
من دون اسباب
ياالفيني حضور
لو كنتا غياب
بتفقد طيفك
لو يوم غاب
بتمني عيونك مني قراب.
# زوووووبه

الشاعرة زوبه عثمان‏
وروني كيغنو؟؟؟
طولتا جد منو،،،،،
كيفن عيونو وراي
لي غيري يوم حنو؟
اشواقو واشواقي
لسه الحنين باقي
فتشتا عنو كتير
وانا ليهو مالاقي.
لو داري بي حالي
لو عارف البيا
كيفن شغل بالي
شال روحي وعنيا
وروهو ياناسي
انا ليهو ماناسي
بهديهو كل عمري
دا المالك احساسي
# زووووبه

بكتب ليهو في الواتساب
حنين الشوق يرد بعتاب
اشوف الحالة ماحالة
اقول احساسو بي كذاب
تمر ساعات ومايسأل
يكون غلطان كمان يزعل
وانا المن شوقي بتعذب
واريتا حروفو لي توصل
ولو لاقيتو يتعذر
يجيب اسباب ويتنظر
ويرمي اللوم علي قلبي..
واقول للناس ظروف اكتر
واقول لي قلبي ماتزعل
واكتب تاني من اول.
ولو ماشوقي ياغالي.
ماكان يوم عليك اسأل.
# زوووبه _ عثمان

لمن تضيق دنياي
بتمنى يبقي قريب
وتضيع اماني رجاي
مكتوب هو عني يغيب
انا والحنين راجيين
لو الدروب بتجيب..
مهما السنين بتطول
يبقالي اغلي حبيب
داساهو جوه الروح
عن بالي مابيغيب
بطراهو كل صباح
بطراهو كل مغيب

ﻭﺑﻘﻴﺖ ﺍﻧﺎﺩﻱ ﻋﻠﻲ ﺍﻟﺴﺮﺍﺏ
ﻣﺎﺭﺩﺍ ﻟﻲ ﻏﻴﺮ ﺍﻟﺼﺪﻯ ..
ﻻ ﺣﻨﻮ ﻟﻲ ﺣﺎﻟﻲ ﺍﻟﺼﺤﺎﺏ
يادنيا ليه الناس كده؟
ﺧﺬﻟﻮﻧﻲ ﻟﻲ ﺍﺑﻌﺪ ﻣﺪﺍ
ﻣﺎﻗﺪﺭﻭ ﺍﻟﻌﺸﺮﻩ ﺍﻟﺰﻣﺎﻥ
ماردو لي قلبي الندا
باعو الوفا وخانو الامان
ظلموني اكتر من كده
ﻟﻴﻪ ﺍﻻﻣﺎﻧﻲ ﺑﻘﺖ ﺳﺮﺍﺏ
ﻟﻴﻪ ﺍﻟﻤﺤﺒﻪ ﺑﻘﺖ ﻋﺪﻡ
الكنتا فاكرهم لي قراب
سقونو كاسات الالم..
خلوني بتحسر براي
علي عرفه كانت بس ندم
وانا ماجنيت غير العذاب
وقليبي عانا وانظلم...
وبقيت انادي علي السراب
ماردا لي غير الصدا
لا حنو لي حالي الصحاب
يادنيا ليه الناس كده؟
***
زوبه عثمان

ناس بتلعب بالمشاعر
وجد بتخدعك المظاهر
لما تتعود عليهم..!!!!!!!
تلقى جرح الريده ظاهر
ناس بتظهر ليك حنانا
وفجاة بس تلقاها قاسيه
وناس تخون عادي الامانه
وناس تكون للعشره ناسيه
وناس طبيعي نهون عليهم
بس قلوبنا بتصطفيهم،،،
مهما يقسو ويظلمونا،،،،
مابنجرح يوم عنيهم،،،،
ناس خساره الريده فيهم
بي عمرنا بنشتريهم..!!!!
بس يبيعو هوانا ديمه
يبقى ليه بنحس بيهم؟

البعزك مابسيبك
لا ببدل زول مكانك
والبريدك بي عيوبك
يبقي يستاهل حنانك
دا البعزك مهما تغلط
جد بكوس اعذار عشانك
واللي قاصد انو يبعد
قبل تغلط تلقي خانك
والبخون في يوم عنيك
مابيستاهل حنانك...
واللي مابديك زمانو
مابيستاهل زمانك
البعزك مابسيبك
بالحنان يغمر عنيك
والسعاده تكون منالك
والبريدك مابفوتك
مهما جار عليهو زمانك
تلقي بتحمل عنادك
وجوه في عنيهو مكانك
والبعزك مابسيبك