‏( ﺭُﻛﺒﺔ ‏) ﺳﻴﺪﻱ *
* ﺷﻌﺮ : ﻫﺎﺷﻢ ﺻﺪﻳﻖ *
ﻳﺎ ﺧﻠﻒ ﺍﻟﻠﻪ
ﻭﺩ ﻋﺒﺪﺍﻟﻠﻪ
ﺑﺺ ‏( ﺍﻟﺜﻮﺭﺓ ‏)
ﻣﺎﺑﻲ ﻳﺪﻭِّﺭ
ﻛﺎﻥ ‏( ﺇﺳﺘﺎﺭﺗﺮ ‏)
ﺃﻭ ﻣﻨﻔﻠّﺔ
ﻛﻮﺭﻛﻨﺎ ﻧﻨﺎﺩﻱ
ﻫﻮﻱ ﻳﺎ ﺷﺒﺎﺏ
ﻫﻮﻱ ﻳﺎ ﺭْﺟﺎﻝ
ﻫﻮﻱ ﻳﺎ ﺣﺮﻳﻢ
ﻫﻮﻱ ﻳﺎ ﺷﻮﺍﺭﻉ
ﻫﻮﻱ ﻳﺎ ﻧﻴﻢ
ﻳﺎ ﻭِﻻﺩ ﺍﻟﺒﺎﺩﻳﺔ
ﻳﺎﻭِﻻﺩ ﺍﻟﻨﻴﻞ
ﻳﺎ ﺷﻌﺐ ﺃﻛﺘﻮﺑﺮ
ﻳﺎ ﺷﻌﺐ ﺃﺑﺮﻳﻞ
ﺗﻌﺎﻟﻮﺍ ‏( ﺍﻟﻨﻔﺮﺓ ‏)
ﻟﺰﻭﺍ ﻣﻌﺎﻧﺎ
ﺑﺺ ﺍﻟﺜﻮﺭﺓ
ﺇﻧﺸﺎﺀﺍﻟﻠﻪ ﻳﻘﻮﻡ
ﻟﻮ ﻭﺻَّﻠﻨﺎ
ﻟﺒﺎﺏ ﺍﻟﻘﺼﺮ
‏( ﺣﺘﻲ ﺍﻟﻨﺼﺮ ‏)
ﻓﻲ ﺍﻟﺨﺮﻃﻮﻡ
ﻭﻫُﺘﺎﻓﻨﺎ ﻓﻄﺮ
ﻣﺎ ﺳﺨﺴﺦ
ﻳﺼﻮﻡ
ﻭﺑﻞّ ﺣﺒﺎﻟﻮ
ﻭﻟﻠﺤﻠﻘﻮﻡ .
......
ﻳﺎ ﺧﻠﻒ ﺍﻟﻠﻪ
ﻳﺎ ﻧﺎﺱ ﺍﻟﺤِﻠﺔ
ﻳﺎ ﺃﻫﻞ ﺍﻟﻠﻪ
ﻟﻤﺘﻴﻦ ﺭﺍﺟﻴﻦ
ﻧﺎﺱ ﺩﻳﻚ
ﺃﻭ ﺩﻳﻞ
ﻓﻲ ‏( ﺷﻠﻴﻞ ‏)
ﻭ ‏( ﺍﻟﺤِﺠْﻠَﺔ ‏)
ﻟﻤﺘﻴﻦ
‏( ﺣﻴﺺ ﺑﻴﺺ ‏)
ﻟﻤﺘﻴﻦ ﺍﻟﺠﻮﻉ
ﻟﻤﺘﻴﻦ ﺍﻟﺬِﻟّﺔ ؟ . !
.......
ﻳﺎ ﺧﻠﻒ ﺍﻟﻠﻪ
ﺍﻟﺒﻠﺪ ﺇﺗﻬﺮﺳﺖ
ﺩﺍﺳﺎ ﺍﻟﺴﻴﻞ
ﺟﺎﻧﺎ ﺍﻟﻮﺍﻟﻲ
ﻋﻴﻮﻧﻮ ﺣُﻤﺮ
‏( ﺣﻠﺐ ﺍﻟﺒﺎﻗﺔ ‏)
‏( ﻓﻲ ﺍﻟﺸُﻨﻘﺎﻗﺔ ‏)
ﺻﻨﻘﻊ ﻭﺩﻧﻘﺮ
ﺩﻭّﺭ ﻭﻟﻒّ
ﺇﺗﻤّﻬﻞ ﻭﻓﻜّﺮ
ﺇﺗﻨﺤﻨﺢ ﻭﺻﺮّﺡ
- ﻣﺎ ﻣﻄﺮﺓ ﺷﺪﻳﺪﺓ
ﺩﻱ ‏( ﺍﻟﻨﻘﻨﺎﻗﺔ ‏)
ﻭﺑﺎﻗﻲ ﺍﻟﻤﻮﻳﺔ
ﻭﺣﺘﻲ ﺍﻟﺴﻴﻞ
ﻣﻦ ‏( ﺃﻭﺑﺎﻣﺎ ‏)
ﻭﺇﺳﺮﺍﺋﻴﻞ .
ﻭﺍﻟﻤﻮﺕ ﻳﺎ ﺟﻤﺎﻋﺔ
- ﻭﻣﻦ ﻣﺎ ﻗﻤﻨﺎ -
ﻳﺎﻫﻮ ﻣﻬﻤﺔ
ﻋﺰﺭﺍﺋﻴﻞ .
......
ﺁﺥ ﺥ ﺥ .. ﻳﺎ ﻣﻬﺎﺯﻝ
ﻻ ﺯﻋﻠﻨﺎ ﻭﺷﻠﻨﺎ
ﺟﻨﺎﺏ ﺍﻟﻮﺍﻟﻲ
ﻋﺪﻳﻞ ﻃﻮﺍﻟﻲ
ﻣﺮﻣﻐﻨﺎ ﺭﻭﻳﺴﻮ
ﺟﻮﻩ ﺍﻟﻄﻴﻦ
ﻻﺛُﺮﻧﺎ ﻫﺘﻔﻨﺎ
ﻳﺴﻘﻂ ﻳﺴﻘﻂ
ﺍﻟﻐﺶ ﺑﺎﻟﺪﻳﻦ .
.......
ﻳﺎ ﺧﻠﻒ ﺍﻟﻠﻪ
ﺑﻌﺪ ﻣﺎ ﺑﺎﻋﻮﺍ
ﺑﻠﺪﻧﺎ ﻭﺧﻴﺮﻫﺎ
ﺑﺎﻋﻮﺍ ‏( ﺍﻟﻌﻮﻥ ‏)
ﺷﺎﻟﻮﺍ ﺍﻟﺨﻴﻤﺔ
ﻭﻟﺒﻦ ﺍﻟﺒﺪﺭﺓ
ﻭﺻﻠﺼﺔ ﺑﺮﺓ
ﻭﺍﻟﻤﻜﺮﻭﻧﺔ
ﻭﺷﻮﺭﺑﺔ ﻣﺎﺟﻲ
ﻭﻋﺠﻮﺓ ﻣﻜﺔ
ﻭﻋِﻠﺐ ﺍﻟﺘﻮﻧﺔ
ﻭﺻﺎﺑﻮﻥ ﻓﻮﻧﺎ
ﻭﺍﻟﻤﻌﺠﻮﻥ .
ﺷﺎﻟﻮ ﺍﻟﻌﻮﻥ
ﺑﺎﻟﺤﺎﻭﻳﺎﺕ
ﻭﺑﺎﻟﻜﺮﺗﻮﻥ .
.......
ﻧﻔﺲ ﺍﻟﺨﻤﺸﺔ
ﺍﻟﺤﻮﻝ ﺍﻟﻔﺎﻳﺖ
ﺑﺎﻟﻜﺮﺑﻮﻥ .
.......
ﺣﺎﺟﻪ ﻧﻔﻴﺴﺔ
ﺑﻴﺘﻬﺎ ﺇﺗﻤﺎﺹ
ﺍﻟﺠﻮﻉ ﺑﻜّﺎﻫﺎ
ﺟﺎﻫﺎ ﺍﻟﻮﺍﻟﻲ
ﻛﺮﻳﻢ ﺃﻫﺪﺍﻫﺎ
ﺑﺲ ﺗﻠﻔﻮﻥ
ﻭﻟﻠﺒﻄﻦ ﺍﻟﻄﺎﻣﺔ
ﻛﻤﺎﻥ ﺃﺩﺍﻫﺎ
ﻓﺺ ‏( ﻟﻴﻤﻮﻥ ‏) .
.......
ﻳﺎ ﺧﻠﻒ ﺍﻟﻠﻪ
ﻭﺩ ﻋﺒﺪﺍﻟﻠﻪ
ﺑﺺ ﺍﻟﺜﻮﺭﺓ
ﻻ ﺩﺍﻳﺮ ﻳﺪَﻭّﺭ
ﻛﺎﻥ ‏( ﺇﺳﺘﺎﺭﺗﺮ ‏)
ﺃﻭ ﻣﻨﻔﻠﺔ .
ﺟﺎﻧﺎ ‏( ﺍﻟﺼﺎﺩﻕ ‏)
ﻗﺎﻝ ﺇﻧﺘﻈﺮﻭﺍ
ﻟﺴﻪ ‏( ﺍﻷﺯﻣﺔ ‏)
ﺑﺘﻐﻠﻲ ﻭﺗﻨﻀﺞ ؟ !
ﺟﻮﻩ ﺍﻟﺼﺎﺝ
ﻭﺟﺎ ‏( ﺃﺑﻮ ﻫﺎﺷﻢ ‏)
ﻭﻗﺎﻝ ﻳﺎ ﺭﻋﻴﺔ
ﺑﻔﺎﺗﺤﺔ ﻗﻮﻳﺔ
‏( ﺍﻹﻧﻘﺎﺫ ‏) ﺩﻱ
ﺑﺘﻤﺮﻕ ﺑﺎﻟﻨﻔﺎﺝ
ﻭﺟﺎ ‏( ﺃﺑﻮﻋﻴﺴﻲ ‏)
ﻗﺎﻝ ‏( ﻟﻴﻨﻴﻦ ‏)
ﺣﻴﺴﺨﺖ ‏( ﺑﺸﺒﺶ ‏)
ﺇﺑﻘﻲ ﻛﺪﻳﺴﺔ
ﻭﺟﺎﻧﺎ ‏( ﺗﺮﺍﺑﻲ ‏)
ﻗﺎﻝ ﻳﺎ ﻧﺎﺱ
ﺑﺤﻮﺍﺭ ‏( ﺍﻟﻮﺛﺒﺔ ‏)
ﺍﻟﺰﻭﻝ ﺩﺍ ﺣﻴﻘﻌﺪ
ﺯﻱ ‏( ﻣﻮﻗﺎﺑﻲ ‏) .
.......
ﻳﺎ ﺧﻠﻒ ﺍﻟﻠﻪ
ﻭﺩ ﻋﺒﺪﺍﻟﻠﻪ
ﺭﺑﻊ ﺍﻟﻘﺮﻥ
ﻭﻧﺤﻨﺎ ﺭﻫﺎﻳﻦ
ﺟﻮﻩ ﺍﻟﻜُﺒّﺔ
ﻭﻣﻦ ﻓﺎﺕ ﺍﻟﻐﺎﺯﻱ
ﻭﺍﻟﻤﺴﺘﻌﻤﺮ
ﻣﺎ ﺷﻔﻨﺎ ﻓﻜﻲ
ﺗﺤﺖ ﺍﻟﻘُﺒﺔ
ﻧﺜﻮﺭ ﻭﻧﻔﻮﺭ
ﻧﺠﻴﺐ ‏( ﺍﻟﺮﻳﺲ ‏)
ﻧﻘﻮﻝ ﻳﺘﺤﺒﺎ .
ﻭﻳﺠﻴﻨﺎ ﺍﻟﺨﻴﺮ
ﻣﺎ ﻳﺎﻛﻠﻮ ﺍﻟﻄﻴﺮ .
ﻟﻜﻦ ﻳﺎ ﺧﺴﺎﺍﺍﺍﺭﻩ
ﺃﺣﻼﻣﻨﺎ ﺗﻤﻮﺕ
ﻳﻨﻀﺮﺏ ﺍﻟﺸﺎﺭﻉ
ﻭﺑﺎﻟﻨﺒﻮﺕ
ﺯﺭﻋﻨﺎ ﻳﻀﻴﻊ
ﻭﻋﺸﻤﻨﺎ ﺭﺿﻴﻊ
ﻭﻣﺎ ﻧﺤﺼﺪ ﺣﺒﺔ .
.......
ﻭﻳﺘﻠِّﺐ ﻃﺎﻏﻴﺔ
ﻳﺤﺮﻣﻨﺎ ﺍﻟﻌﺎﻓﻴﺔ
ﻭﻧﺒﻘﻲ ﺭﻫﺎﻳﻦ
ﻻﻓﺎﻧﺎ ﺍﻟﻜُﺒّﺔ
ﻋﺴﻜﺮ ﻭﻛﺎﻛﻲ
ﻣﻬﺎﺯﻝ ﻭﺭﺗﺒﺔ .
.......
‏( ﺑﺸﺒﺶ ‏) ﻳﻨﻘّﺰ
‏( ﺑﺸﺒﺶ ‏) ﻳﻌﺮﺽ
‏( ﺑﺸﺒﺶ ‏) ﻳﺮﻗﺺ
ﻻﻣﻦ ﺑﺎﻟﻎ
ﻭﺣﻠﺞ ﺍﻟﺮُﻛﺒﺔ .
.......
ﺭﺑﻊ ﺍﻟﻘﺮﻥ
ﻭﺍﻷُﻣﺔ ﻓﻲ ﻛُﺒّﺔ
ﻳﺎﺧﻠﻒ ﺍﻟﻠﻪ
ﻭﺩ ﻋﺒﺪﺍﻟﻠﻪ .
ﻻ ﻓُﺮﻧﺎ ﻭﺛُﺮﻧﺎ
ﺑﻠﻌﻨﺎ ﺃﺳﻔﻨﺎ .
ﻭﺍﻟﻄﺎﻏﻴﺔ ﺧﻨﻘﻨﺎ
ﻗﺎﻋﺪ ﺁﻣﻦ
ﺳﻤﻴﻦ ﻣُﻄﺎﻣِﻦ
ﻻﻣﻦ ﺳﻮّﺱ
ﻭﺑﺪﻝ ﺭُﻛﺒﺔ .
......
ﻳﺎ ﺷﻌﺐ ﺃﻛﺘﻮﺑﺮ
ﺷﻌﺐ ﺃﺑﺮﻳﻞ
ﺃﻭﻻﺩ ﺍﻟﺒﺎﺩﻳﺔ
ﺃﻭﻻﺩ ﺍﻟﻨﻴﻞ
ﺑﺺ ﺍﻟﺜﻮﺭﺓ
ﺩﺍﻳﺮ ﻟﺰّﺓ
ﻋﺮﺵ ﺍﻟﻄﺎﻏﻴﺔ
ﻋﺎﻳﺰ ﻫﺰّﺓ
ﺧﺮﻃﻮﻡ ﺍﻟﻮﺍﻟﻲ
ﺍﻟﺴﻴﻞ ﺩﻛّﺎﻫﺎ
ﻭﺻﺒﺤﺖ ‏( ﻏﺰﺓ ‏)
ﺍﻟﺸﻌﺐ ﺟﻌﺎﻥ
ﻻﺑﻴﺖ ﻻ ﺃﻣﺎﻥ
ﻭﻧﺎﺱ ﺍﻟﺴُﻠﻄﺔ
ﺳﻴﻠﻬﻢ ﻭﻳﺴﻜﻲ
ﻭﻛﺎﻓﻴﺎﺭﻫﻢ ﻣﺰﺓ .
.......
ﻳﺎﺧﻠﻒ ﺍﻟﻠﻪ
ﻭﺩ ﻋﺒﺪﺍﻟﻠﻪ
ﺑﺺ ‏( ﺍﻟﺜﻮﺭﺓ ‏)
ﻣﺎﺑﻲ ﻳﺪﻭّﺭ
ﻛﺎﻥ ‏( ﺇﺳﺘﺎﺭﺗﺮ ‏)
ﺃﻭ ﻣﻨﻔِﻠﺔ
ﻛﻮﺭﻛﻨﺎ ﻧﻨﺎﺩﻱ
ﻫﻮﻱ ﻳﺎ ﺭﺟﺎﻝ
ﻫﻮﻱ ﻳﺎﺣﺮﻳﻢ
ﻫﻮﻱ ﻳﺎ ﺷﻮﺍﺭﻉ
ﻫﻮﻱ ﻳﺎﻧﻴﻢ
ﻳﺎﻭِﻻﺩ ﺍﻟﺒﺎﺩﻳﺔ
ﻳﺎ ﻭِﻻﺩ ﺃﻛﺘﻮﺑﺮ
ﻳﺎ ﺷﻌﺐ ﺃﺑﺮﻳﻞ .
ﺗﻌﺎﻟﻮﺍ ‏( ﺍﻟﻨﻔﺮﺓ ‏)
ﻟِﺰﻭﺍ ﻣﻌﺎﻧﺎ
ﺑﺺ ﺍﻟﺜﻮﺭﺓ

ﻧﺸﻴﺪ ﺍﻟﻤﻌﺘﻘﻠﻴﻦ ﺷﻌﺮ : ﻫﺎﺷﻢ ﺻﺪﻳﻖ
ﺍﻟﺴﻮﺭ ﺩﻩ
ﻣﺎ ﻟﻴﻨﺎ
ﺍﻟﺴﻮﺭ ﺩﻩ ﻟﻠﺴﺮّﺍﻕ
ﺍﻟﺴﻮﺭ ﺩﻩ ﻟﻠﺨﺎﻳﻦ
ﻟﻠﻄﺎﻏﻲ ﻟﻸﻓّﺎﻕ
ﻣﺎ ﺗْﻬِﻤِّﻲ ﻳﺎ ﺑﻨﻴﺔ
ﻣﺎ ﺑﺤﻤﻲ ﻃﻮﻟﻮ
ﺍﻟﺸﻮﻑ
ﻟﻮ ﺣﺘﻰ ﺑﺎﻟﺮﻗﺮﺍﻕ
ﺑُﻜﺮﺓ ﺍﻟﺰﻣﻦ
ﻟﻴﻨﺎ
ﺗﺘﻜﻀّﺐ ﺍﻟﺸﻴﻨﺔ
ﻳﺸﻠﻊ ﺳﻤﺎﻙ
ﺑَﺮّﺍﻕ
..........
ﺍﻟﺴِﺠْﻦ ﻣﺎ ﻟﻴﻨﺎ
ﺇﻻ ﺍﻟﺼﻌﺐ ﺳﻮّﺍﻕ
ﺭﻳﺪﻙ ﻭﻗﻮﺩ
ﺍﻟﺨﻴﻞ
ﻓﻲ ﺍﻟﺮﻣﻠﺔ ﻭﺍﻟﺪﻗﺪﺍﻕ .
..........
ﺍﻟﺴﺠﻦ ﻣﺎ ﻟﻴﻨﺎ
ﺍﻟﺴِﺠْﻦ ﻟﻠﻜﺎﺗﻞ
ﺍﻟﺴِﺠْﻦ ﻟﻠﺠﺎﺳﻮﺱ
ﻟﻠﺒﺎﻋﻮ
ﻋَﺮْﺽ ﺍﻟﻨﻴﻞ
ﺑﻰ ﺣﺎﻟﻨﺎ
ﻟﻌﺒﻮ ‏( ﺷﻠﻴﻞ ‏)
ﻧﻘﺮﻭ ﺍﻟﻤِﺮِﻕ
ﺑﺎﻟﺴﻮﺱ
........
ﻣﺎ ﺗْﻬﻤِّﻲ ﻳﺎ ‏( ﻋﺰّﻩ ‏)
ﻟﻮ ﻃﺎﻝ
ﺯﻣﺎﻥ ﺍﻟﺴﻮﺭ
ﺑُﻜﺮﺓ ﺍﻷﺭِﺽ
ﺑِﺘْﺪﻭﺭ
ﻭﻳﻄﻠﻊ ﻋﻠﻴﻬﻢ
ﺩﻭﺭ
ﻣﺎ ﺗْﻬﻤِّﻲ ﻳﺎ ﺑﻨﻴّﺔ
ﻟﻮ ﺍﻟﺸَﺮَﻑ
ﻧﺎﺭ ﺟﻮﻉ
ﺃﻭ ﺣﺘﻰ
‏( ﻟﺤْﺲ ﺍﻟﻜﻮﻉ ‏)
ﺃﻭ ﻗﻮﺕ
ﺷَﺮﺍﺏ ‏( ﺍﻟﻤﻮﺹ ‏)
ﺃﺳﻤﺮ ﻫﻮﺍﻙ
ﻳﺎ ﺑﺖ
ﺧﺎﺗﻒ ﺳﻤﺎﺭ
ﺟﺎﻟﻮﺹ .
.....
ﺑُﻜﺮﺓ ﺍﻟﺴِﺠِﻦ
ﻳﻨﻬﺪ
ﻳﺴﺨﺎ ﺍﻟﺨﺮﻳﻒ
ﺑﺎﻟﻤﺪ
ﻧﻔﺘﺢ ﻋﻴﻮﻥ
ﺍﻟﺠﺪ
ﺗﻮﺏ ﺍﻟﺴُﺘُﺮ
ﻳﻨْﺸﺪ
ﻧﻐْﺴﻞ ﻏﺒﺎﺭ ﺍﻟﺬﻡ
ﺑﺎﻟﻤﻮﻳﻪ ﺃﻭ ﺑﺎﻟﺪﻡ
ﻳﺒﺪﺍ ﺍﻟﻌُﺼﺎﺭ
ﺩﻭّﺍﺭ
ﻳﻘْﻠﻊ ﺟﺬﻭﺭ ﺍﻟﻌﺎﺭ
ﺻﻒ ﺍﻟﻐُﺒُﺶ
ﻳﻤﺘﺪ
ﻣﻮﺝ ﺍﻟﺼَﻠَﻒ
ﻳﺮﺗﺪ
ﺗﻀﺤﻚ ﺳﻤﺎ
‏( ﺍﻟﺒُﻘﻌﻪ ‏)
ﻳﺒﺪﺍ ﺍﻟﺤﺴﺎﺏ
ﻭﺍﻟﻌَﺪ
ﻣﺎ ﻧﺨﻠِّﻲ
ﻧﻘﺮﺓ ﺳﻮﺱ
ﻣﺎ ﻧﺴﻴﺐ
ﺟﺰﺍ ﺍﻟﻤﻬﻮﻭﺱ
ﻭﺍﺗْﻜِﻞ ﺭﻭﻳﺲ
ﺗﻌﺒﻲ
ﻓﻲ ﺿﻮ ﺑﺴﻴﻤﺘﻚ
ﺟﺪ
......
ﺃﺳﻤﺮ ﻫﻮﺍﻙ
ﺎﻳْ ﺑﺖ
ﺧﺎﺗﻒ ﺳﻤﺎﺭ
ﺟﺎﻟﻮﺹ

ﻣﻄﺮ ﺍﻟﺮﻣﺎﺩ
ﺷﻌﺮ : ﻫﺎﺷﻢ ﺻﺪﻳﻖ
ﺟﺎﻧﻲ ﺍﻟﺤُﺰﻥ
ﻭﻟﻬﺎﻥ
ﻣﻦ ﻗﻮﻣﺘﻲ
ﺗﺐ ﺗﺒﻴﺖ
ﺃﺧﺪﺗﻮ ﺑﺎﻷﺣﻀﺎﻥ
ﻭﺇﺗﺴﺎﻣﺮﻧﺎ
ﺯﻱ ﺣِﺒﺎﻥ .
ﺟﺎﻧﻲ ﺍﻟﻔﺮﺡ ﻧﺸﻮﺍﻥ
ﻧﺎﻏﻤﻨﻲ
ﻣﺎ ﺭﺩﻳﺖ
ﻋﺎْﺭﻑ ﺍﻟﻔﺮﺡ
ﻛﻀﺎﺏ
ﻳﻨﻘﺮ ﺭﻗﻴﻖ
ﻓﻲ ﺍﻟﺒﺎﺏ
ﺗﻔﺘﺢ
ﺗﻼﻗﻲ ﺭﻫﺎﺏ .
..........
ﻳﺎ ﻭﻃﻨﻲ ﺃﻋﺘﻘﻨﻲ
ﺭﺿﺮﺿﺖ
ﻟﻲ ﻋﻀﻤﻲ
ﻓﻜﻴﺖ
ﻋُﺼﺎﺭ ﺟﻨﻲ
ﻓﺘﻔﺖ ﻟﻲ ﺫﻫﻨﻲ
ﺍﻟﻘﺎﻙ ﺭﻣﺎﺩ ﻣﻀﺮﻭﺭ
ﻭﻣﺮﺍﺕ ﺣﺒﻴﺐ
ﻭﺍﻗﻒ
ﻓﻲ ﺍﻟﺮﻣَﻀَﺎ
ﻃﻴﻒ ﻣﺸﺮﻭﺭ
ﺭﺍﺟﻲ ﺍﻟﻔﺮﺝ
ﻓﻲ ﺍﻟﻐﻴﺐ
ﻭﻓﻲ ﺍﻟﻮﻋﺴﺔ
ﻃﻮﻕ ﻣﺰﺭﻭﺭ
ﻣﻤﻨﻮﻉ
ﺗﺨُﺖ ﺭﺣﻠﻚ
ﻓﻲ ﻓﻜﺮﺓ
ﺃﻭ ﺩﺳﺘﻮﺭ .
..........
ﻳﺎ ﻭﻃﻨﻲ ﺃﻋﺘﻘﻨﻲ
ﻗﻮﻟﻴﺎ ﺃﻣﺮﻕ
ﻏُﻮﺭ
ﺃﺭﻛﺐ ﻫﻮﻱ ﺍﻷﺣﺰﺍﻥ
ﻓﺘﺶ ﻣﻼﺫ
ﻭﻣﻜﺎﻥ .
.......
ﺩﻗﻴﺖ ﺃﻣﻞ
ﻓﻲ ﺑﺎﺏ
ﻭﻛﺘﻔﺖ ﺣُﺰﻧﻲ
‏( ﺍﻟﺸﺎﺏ ‏)
ﻓَﺮَﺩ ﺍﻟﻮﻫﻢ ﺇﻳﺪﻳﻦ
ﻋﻮّﻗﻨﻲ ‏( ﺑﺎﻟﻨﺸّﺎﺏ ‏)
ﻣﺎ ﺧﻠﻲ ﺧﺸﻤﻲ
‏( ﻳﻘﻮﻝ ‏) .
ﻣﺎ ﺷﺎﻑ
ﺳﻄﺮ ﻣﻌﻘﻮﻝ
ﻛﺘﻔﺘﻲ
ﻋﺮﺽ ﻭﻃﻮﻝ
ﻭﺑﺎﺷﺮ
‏( ﺷﺮﻳﻌﺔ ﺍﻟﻐﺎﺏ ‏)
..........
ﺟﺎﺑﻮﻧﻲ ﻟﻠﺒﻮﻟﻴﺲ
ﺷﺎﻥ ﻗﻠﺖ
ﻭﻃﻨﻲ ﺗﻌﻴﺲ
ﺳﺎﻗﻮﻧﻲ ﺯﻱ ﻧﺸﺎﻝ
ﺳﺠّﻞ ﻋﻮﻳﺮ
ﺇﺳﻤﻲ
ﻓﻲ ‏( ﺩﻓﺘﺮ ﺍﻷﺣﻮﺍﻝ ‏)
ﺳﻮﻭﺍ ﺍﻟﺸِﻌِﺮ
ﻋﻔﺼﺔ
ﻣﺎ ﺻﻮﺕ ﺑﻠﺪ
ﺃﻭ ﺣﺎﻝ
ﺳﺄﻟﻮﻧﻲ ﻋﻦ ﻛﻠﻤﺔ
ﻭﺯﺭﻭﻧﻲ
ﻓﻲ ﻧﻘﻄﺔ
ﻗﺎﻟﻮﺍ
ﺍﻟﻜﻼﻡ ﺃﻟﻐﺎﺯ
ﻭﺑﺎﻟﻠﻔﺔ ﻗﺼﺪﻱ
ﺃﻗﻮﻝ
ﺍﻟﻤﻮﻳﺔ ﺣﺎﺟﺔ ﻣﺠﺎﺯ
ﻭﺍﻟﺴﻮﻕ ﺭﻛﺐ ‏( ﻗﻄﺮﻳﻦ ‏)
‏( ﻭﺍﻟﻔﺘﺤﺔ ‏)
ﻳﻌﻨﻲ ﺍﻟﻌﻜﺲ
ﻭ ‏( ﺍﻟﻀﻤﺔ ‏)
ﻳﻌﻨﻲ ﺍﻟﻐِﺶ
‏( ﻭﺍﻟﻜَﺴﺮﺓ ‏)
‏( ﻋَﺪَﻡ ﺍﻟﻐﺎﺯ ‏)
...........
ﻭﺳﻮﻭﻧﻲ
ﺯﻭﻝ
ﻛﻀﺎﺏ
‏( ﺷﺎﻥ ﺍﻻﻣﻮﺭ
ﻓﻲ ﻧﺼﺎﺏ ‏)
ﻭﺃﻧﺎ ﺑﺲ
ﻋﻤﻴﻞ ﻣﺪﺳﻮﺱ
ﺯﺭﻋﻮﻧﻲ
ﻧﺎﺳﻲ ‏( ﺍﻟﺮﻭﺱ ‏)
ﺷﺎﻥ ﺃﻫﺪﻡ
ﺍﻹﻧﺠﺎﺯ
..........
ﺭﻣﻀﺎﻥ
ﺩﺧﻞ ﻋﻀﻤﻲ
ﻭﺍﻟﻌﻴﺪ
ﻳﻐﺎﺯﻝ ﺍﻟﺴﻮﻕ
ﻭﺃﻧﺎ ﺯﻱ ﺃَﺭﺽ
ﺻﺎﺑﺮﺓ
ﻭﺃﺻﻠﻮ ﺍﻟﺼﺒﺮ
‏( ﻣﺎﺭﻭﻕ ‏)
ﻧﻔﺴﻲ
ﺍﻟﺼﻨﻢ ﻳﻨﺪﺍﺱ
ﻭﺍﻟﻀﻴﻖ
ﻳﻼﻗﻲ ﻣﺮﻭﻕ
..........
ﻋﺮﺱ ﺍﻟﺒﻠﺪ
ﻳﻨﺘﻢ
ﻭﻳﻐﺴﻞ
ﻧﻌﺎﺳﻨﺎ ﺍﻟﺪﻡ
.........
ﺍﻟﻌﻴﺪ
ﻳﻜﻮﻥ ﻣﻀﻤﻮﻥ
ﻭﺑﺎﻗﻲ ﺍﻟﺸﻤﻞ
ﻳﺘﻠﻢ
...........
ﺟﻮﻧﻲ ﻟﻠﺘﻔﺘﻴﺶ
ﻭﺳﺎﻗﻮﻧﻲ
ﺃﺧﺪﻭﺍ ﺍﻟﻔﻴﺶ
ﺍﻟﺘﻬﻤﺔ ﻗُﺤﺔ
ﻭﺑﺲ
ﻭﻓﻲ ﺍﻟﻨﻮﺭ
ﻭﻣﺎ ﺑﺎﻟﺪﺱ
ﻗﺎﻟﻮ ﺍﻟﻜﻼﻡ
ﻣﻌﻠﻮﻡ
ﻛﻮﻧﻚ ﺗﻘُﺢ
ﻳﺎ ﺯﻭﻝ
ﻭﻓﻲ ﺍﻟﻀﻮ
ﻭﻣﺎ ﻣﻌﺰﻭﻝ
ﻣﻌﻨﺎﻫﺎ
ﺭﻣﺰ ﺻﺮﻳﺢ
ﻭﺇﺷﺎﺭﺓ
ﺃﻭ ﺗﻠﻤﻴﺢ
ﺟﻮﺍﻙ ﻏِﻞ
ﻣﻜﺘﻮﻡ
ﺩﺍﻳﺮ ﺗﻘﻮﻝ
ﻟﻠﻨﺎﺱ
ﻧﻤﺮﻕ
ﻋُﺼﺎﺭ ﺟﺮﺍﺭ
ﻧﺮﻛﺐ
ﺟﻨﺎﺡ ﺍﻟﺮﻳﺢ
ﻭﺗﺒﻘﻲ ﺍﻟﻘﻴﺎﻣﺔ
ﺗﻘﻮﻡ
...........
ﻳﺎ ﻭﻃﻨﻲ
ﺻﺤّﺎ ﺍﻟﻨﻮﻡ
............
ﻟﻴﻚ
ﻻ ﻋﺘﺎﺏ ﻻ ﻟﻮﻡ
ﺑﺲ ﻋﻨﺪﻱ ﻟﻴﻜﺎ
ﺳﺆﺍﻝ
ﻛﻴﻒ ﻳﺨﻨﻘﻚ
ﺑﻌﺸﻮﻡ
ﻭﺍﻧﺖ
ﺍﻟﺒﺘﺄﻛﻞ ﺍﻟﻨﺎﺭ
ﻭﺍﻧﺖ ﺍﻟﻌﺸﻢ
ﻭﺍﻟﺪﺍﺭ
ﻭﺍﻟﺜﻮﺭﺓ ﻭﺍﻟﺜﻮﺍﺭ
ﺻﺤﺼﺢ
ﻛﻔﺎﻙ ﺃﻋﺬﺍﺭ
ﻏﻴﻈﻚ
ﺃﺳﻲ ﺍﻟﺨﺮﻃﻮﻡ
ﻫﻤﻚ
ﺷﻘﺎ ﺃﻣﺪﺭﻣﺎﻥ
ﺃﺩﻓﺮ
ﻭﺩُﻙ ﺃﺳﻮﺍﺭ
ﺭﺟّﻊ ﻋُﺼﺎﺭ
ﺃﺑﺮﻳﻞ
ﻧﺒﺾ ﺍﻟﻨﻀﺎﻝ
ﺍﻟﺤﺎﺭ
............
ﻳﺎ ﻭﻃﻨﻲ
ﻳﺎ ﻣﻜﻠﻮﻡ
ﻳﺎ ﻭﻃﻨﻲ ﻳﺎ ﺣﺰﻧﺎﻥ
ﺳﻬﺮ
ﺍﻟﻤﺪﻥ ﺃﺷﺠﺎﻥ
ﻏُﺒﻦ ﺍﻟﺒﻮﺍﺩﻱ
ﻳﺤﻮﻡ
ﺩُﻕ ﻟﻠﻤﺴﻴﺮﺓ
ﻃﺒﻮﻝ
ﺃﻓﻘﻊ
ﻣﺮﺍﺭﺓ ﺍﻟﻐﻮﻝ
ﻣﺎ ﺗﺮﺟﺎ
ﺳﻴﻒ ﻣﺠﻬﻮﻝ
ﺃﻧﺤﺖ
ﺳﻤﺎ ﺍﻷﻣﻜﺎﻥ
ﺃﻧﻔﺦ
ﺷﻐﺎﻑ ﺍﻟﺮﻭﺡ
ﺃﺯﺭﻉ
ﻳﺒﺎﺑﻚ ﻋﺮﺽ
ﻭﺃﺭﺳﻢ ﺻﺒﺎﺣﻚ
ﻃﻮﻝ
ﻻ ﺗﺮﺿﺎ
ﺑﺎﻹﺫﻋﺎﻥ .
..........
ﻣﺎ ﺗﺒﻘﻲ
ﺩﻳﻤﺔ ﺟﻠﻮﺱ
ﺃﺩﻱ ﺍﻟﺘﻤﺎﻡ
ﻭﻗﻴﺎﻡ
ﻣﺎ ﻳﺒﻘﻲ
ﻏﻴﻈﻚ ﺑﺲ
ﻧﻤﺔ
ﻛﻼﻡ ﻓﻲ ﻛﻼﻡ
.........
ﻳﺎ ﻭﻃﻨﻲ ﺃﺑﻘﻲ ﺷﺮﺍﺭ
ﻣﻄﺮ ﺍﻟﺮﻣﺎﺩ
ﻣﻦ ﻧﺎﺭ
.........
ﺍﻟﺤﻖ ﺣﺒﻴﺐ
ﺍﻟﺘﺎﺭ
ﻭﻟﻬﺐ ﺍﻟﺠﺤﻴﻢ
ﺃﻧﻮﺍﺭ .
ﻳﺎ ﻭﻃﻨﻲ
ﻳﺎ ﻣﻜﻠﻮﻡ
ﻳﺎ ﻭﻃﻨﻲ
ﻳﺎ ﻣﻈﻠﻮﻡ
ﻳﺎ ﻭﻃﻨﻲ
ﻳﺎ ﻣﻘﺴﻮﻡ
ﺻﺤﺼﺢ
ﻛﻔﺎﻙ ﺍﻟﻨﻮﻡ
ﻣﺎ ﺗﺴﻮﻗﻨﻲ
ﻟﻸﺣﻼﻡ
ﺧﻠﻲ ﺍﻟﻔﻌﻞ
ﻣﺪﻓﻮﻕ
ﻟﻮ ﺩﺭﻧﺎ
ﺣﻞ ﻭﻣﺮﻭﻕ
ﺃﺭﻓﻊ ﻛﺮﺍﻣﺘﻚ
ﻓﻮﻕ
ﺃﺩﻓﺮ
ﻓﻲ ﺩﺭﺏ ﺍﻟﺴﻴﻞ
ﺃﺻﺮﺥ
ﻭﺷﺪ ﺍﻟﺤﻴﻞ
ﺷﻮﻑ ﺍﻟﺴﺮﺝ
ﻣﺸﺪﻭﺩ
ﺍﻣﺴﻚ
ﻟﺠﺎﻡ ﺍﻟﺨﻴﻞ
ﺻﻮﺗﻚ
ﻳﺸﻖ ﺍﻟﻠﻴﻞ
ﻻ ﻭﺍﻃﻲ
ﻻ ﻣﺸﺮﻭﻕ
ﻣﺎ ﺑﻨﺸﺘﺮﻱ
ﺍﻷﻭﻫﺎﻡ
ﻣﻦ ﺧﻴﻤﺔ
ﺟﻮﺓ ﺍﻟﺴﻮﻕ
ﻻﺑﺪ ﻧﺸﻴﻞ
ﺍﻟﺘﺎﺭ
ﻋﻨﻮﺓ ﻭﻋﺪﻳﻞ
ﻭﻧﻬﺎﺭ
ﺃﻛﺘﺐ
ﺷﻘﺎﻛﺎ ﺍﻟﻌﺎﻡ
ﻓﻲ ﺩﻓﺘﺮ ﺍﻹﻗﺪﺍﻡ
ﻭﺃﻗﺴﻢ ﻛﻤﺎﻥ
ﺑﺎﻟﺮﻭﺡ
ﺑِﺘْﺮَﺟّﻊ
ﺍﻟﻤﺴﺮﻭﻕ
............
ﻗﻮﻝ ﻛﻤﺎﻥ
ﻭﻛﻤﺎﻥ
ﻳﻤﻜﻦ ﻭﺑﺎﻹﻣﻜﺎﻥ
ﻳﺮﺟﻊ
ﺑﻠﺪ ﻭﺍﺣﺪ
ﺑﻲ ﺣﺎﻟﻮ
ﻣﻠﻴﻮﻥ ﻣﻴﻞ
...........
ﺟﺎﻧﻲ
ﺍﻟﺤُﺰﻥ ﻭﻟﻬﺎﻥ
ﻣﻦ ﻗﻮﻣﺘﻲ
ﺗﺐ ﺗﺒﻴﺖ
ﺃﺧﺪﺗﻮ ﺑﺎﻷﺣﻀﺎﻥ
ﻭﺇﺗﺴﺎﻣﺮﻧﺎ
ﺯﻱ ﺣﺒﺎﻥ .
ﺟﺎﻧﻲ ﺍﻟﻔﺮﺡ
ﻧﺸﻮﺍﻥ
ﻧﺎﻏﻤﻨﻲ
ﻣﺎ ﺭﺩﻳﺖ
ﺃﺻﻠﻮ ﺍﻟﻔﺮﺡ
ﻛﻀﺎﺏ
ﻳﻨﻘﺮ ﺭﻗﻴﻖ
ﻓﻲ ﺍﻟﺒﺎﺏ
ﺗﻔﺘﺢ
ﺗﻼﻗﻲ ﺭﻫﺎﺏ
...........
ﻣﻄﺮ ﺍﻟﺮﻣﺎﺩ
ﺻﺐ
ﻗﺤﻴﺖ
ﻭﻣﺎ ﻣﻠﻴﺖ
ﻋﺎْﺭﻑ ﺍﻟﺮﻣﺎﺩ
ﻣﻦ ﻧﺎﺭ
ﻭﺍﻟﻨﺎﺭ
ﺣﺒﻴﺒﺎ ﺍﻟﺰﻳﺖ
...........
ﺧﻠﻲ ﺍﻟﻘﻴﺎﻣﺔ ﺗﻘﻮﻡ
ﻳﺎ ﻭﻃﻨﻲ
ﻛﺒّﺮ ﻭﻗﻮﻡ
ﺻﺤﺼﺢ
ﻛﻔﺎﻛﺎ ﺍﻟﻨﻮﻡ

ﻓﺪﻳﺘﻚ ﻳﺎ ﻭﻃﻦ
ﺷﻌﺮ : ﻫﺎﺷﻢ ﺻﺪﻳﻖ
ﻛﺄﻧﻚ ﻳﺎ ﻭﻃﻦ ﻣﺠﺒﻮﺭ
ﻋﻠﻰ ﺍﻟﻔﺠﻌﺔ
ﻭﻧﻘﻴﺢ ﺍﻟﻬﻢ
ﻛﺄﻧﻚ ﻣﻦ ﻋﺼﻮﺭ
ﻭﺩﻫﻮﺭ
ﻣَﻘَﺴّﻢ ﺑﻴﻦ ﻭﺟﻮﺩ
ﻭﻋَﺪَﻡ
ﻛﺄﻧﻚ ﺭﺍﺟﻲ
ﺧﻴﻞ ﺍﻟﻐﻴﺐ
ﻭﺣﻠﻤﻚ ﺧَﻂّ
ﺭﺍﺳﻮ ﺍﻟﺸﻴﺐ
ﻭﻟﺴﻊ ﻻ ﻛﻤﻞ ﻋَﺸَﻤﻚ
ﻭﻻ ﺧﺎﻃﺮﻙ
ﻓَﺘَﺮ ﻳﺤﻠﻢ .
...........
ﻛﺄﻧﻚ ﻳﺎ ﻭﻃﻦ
ﻣﻮﻋﻮﺩ
ﺗﻌﺎﻧﺪ ﻛﻞُ ﺑﺎﺏ
ﻣﺴﺪﻭﺩ
ﻭﻳﻬﻞ ﻓﺠﺮﻙ
ﻃﺮﻳﻖ ﻣﻤﺪﻭﺩ
ﻭﻓﻲ ﺍﻵﺧﺮ
ﻳﻌَﻘْﺒﻮ ﻧﺪﻡ
ﻛﺄﻧﻚ ﻟﻠﺠﺮﻭﺡ
ﻣﺮﻫﻮﻥ
ﻭﻣﻦ ﻟﻴﻞ ﺭﺣﻠﺘﻚ
ﻣﻐﺒﻮﻥ
ﻭﻓﻲ ﻏﺎﺭ ﺍﻟﻨﻀﻢ
ﻣﺴﺠﻮﻥ
ﻭﻣﺤﺮﻭﻡ ﺑﺎﻟﻔﻌﺎﻝ
ﺗﻨﻌﻢ .
.........
ﺳﺄﻟﺘﻚ ﻳﺎ ﻭﻃﻦ
ﺇﺭﺗﺎﺡ
ﻓﺪﻳﺘﻚ ﻳﺎ ﻭﻃﻦ
ﺗﺴﻠﻢ
ﻗﺮﻳﺖ ﻓﻲ ﺩﻓﺘﺮﻙ
ﺷَﺠَﻨَﻚ
ﻭﺫﺍﻛﺮﺕَ ﺍﻟﻤﻌﺎﻧﻲ
ﺣِﻜَﻢ
ﻣﺸﻴﺖ ﺑﻲ ﻗﺼﺘﻚ
ﻟﻠﺮﻳﺢ
ﻭﺷَﺪّﻳﺖ
ﻓﻲ ﻣﺴﺎﺭﺏ ﺍﻟﻬﻢ
ﻟﻘﻴﺖ ﺣﺎﻟﻚ
ﺳﺆﺍﻝ ﻣﺤﺘﺎﺭ
ﻭﺟﺮﺣﻚ
ﻣﻦ ﻧﻘﻴﺤﻮ ﻧَﻀَﻢ .
...........
ﺗﺘﻌﻠﻢ
ﺗﻐﻨﻲ ﻏُﻨﺎﻙ
ﻭﻓﻲ ﺣﻠﻘﻚ
ﻏﺒﺎﺭ ﻭﺃﻟﻢ
ﻭﺗﺘﻌﻠﻢ ﺗﺒﺎﺭْﻙ
ﺍﻟﻨﺎﺭ
ﻭﻛﺖ ﺣﻠﻤﻚ
ﺑَﺮَﺩ ﻭﺃﻇﻠﻢ
ﻭﺗﺘﻌﻠﻢ ﺗﻤﻮﺕ
ﻭﺗﻌﻴﺶ
ﻛﺄﻧﻚ ﺣﺎﺟﺔ
ﻣﺎ ﺑﺘﻜﻤﻞ
ﻭﻻ ﺑﺘﺰﻳﺪ
ﻭﻻ ﺑْﺘﻨِﺘﻢ .
.........
ﺃﺷﻮﻓﻚ ﺑﺎﻟﻌﺬﺍﺏ
ﻣﺼﻘﻮﻝ
ﻭﺑﻲ ﻟﻬﺐ ﺍﻟﺠﺮﺡ
ﻣﻐﺴﻮﻝ
ﻭﻟﺴﻊ ﻻ ﺳﻜﺖ
ﻋَﺮَﻗﻚ
ﻭﻻ ﻓَﺘَّﺮ ﺷﻘﺎﻛﺎ
ﻗَﺪﻡ .
ﺳﻮﺍﻋﺪﻙ
ﺿﺎﺭﺑﻪ ﻓﻮﻕ ﺍﻟﺮﻳﺢ
ﻭﺟِﺮْﺳﻚ ﺩﻳﻤﻪ
ﺻﻮﺗﻮ ﻓﺼﻴﺢ
ﻭﻧﺠﻤﻚ
ﻓﻲ ﺍﻷﻣﺎﺳﻲ ﻋﻠﻢ .
..........
ﺳﺄﻟﺘﻚ ﻳﺎ ﻭﻃﻦ
ﺇﺭﺗﺎﺡ
ﻓﺪﻳﺘﻚ ﻳﺎ ﻭﻃﻦ
ﺗﺴﻠﻢ .
.........
ﻣﺘﻴﻦ ﺗﻠﻤﺲ
ﺻﻮﺍﺑْﻌﻚ ﻗﻴﻒ؟ !
ﻣﺘﻴﻦ ﺗﻌﺮﻑ
ﺧﻼﺻﻚ ﻛﻴﻒ؟ !
ﻣﺘﻴﻦ ﺗﻔﺮﺡ
ﻣﺘﻴﻦ ﺗﻨِﺠَﻢ؟

ﺍﻷﺳﻰ ... ﻭﺣﻤﻰ ﺍﻟﻤﺴﺎ
ﺷﻌﺮ : ﻫﺎﺷﻢ ﺻﺪﻳﻖ
ﺁﺧﺮ ﺣَﺮِﻑ
ﻣﻦ ﺯﻣﻨﻲ ﻃﺎﺭ
ﺭﻙّ ﻭﺩﺧﻞ
ﺁﺧﺮ ﻇَﺮِﻑ
ﺧﺘﻴﺖ ﺳﺆﺍﻝ
ﻓﻲ ﺭﻛﻨﻮ
ﻛﺎﻥ ﻃﺎﺑﻌﺔ ﺑﺮﻳﺪ .
........
ﺁﺧﺮ ﺣَﺮِﻑ
ﻣﻦ ﺯﻣﻨﻲ ﻃﺎﺭ
ﻫﺠﺮ ﺍﻟﺒﻠﺪ
ﺩَﻗﺶ ﺍﻟﻤﻄﺎﺭ
ﻓﺘﺸﺖ ﻟﻲ ﻋﻨﻮﺍﻥ
ﻭﺯﻭﻝ
ﺳﺎﻋْﺔ ﺍﻟﺴﻔﺮ
ﻗﺒﻞ ﺍﻟﻮﺻﻮﻝ
ﺍﻫﺪﻳﻬﻮ ﻋﺎﻡ
ﺑﺪﻝ ﺍﻟﺴﻼﻡ .
ﻭﺃﺭﺳﻢ ﺷِﻌِﺮ
ﻣﻦ ﺩﻭﻥ ﺣﺒﺮ
ﻭﺃﺭﻣﻲ ﺍﻟﺠﻮﺍﺏ
ﻓﻲ ﺧﺎﻃﺮﻩ
ﻟﻲ ﻧﺠﻤﺎً ﺑﻌﻴﺪ .
.........
ﻭﺗﺒﺪﺃ ﺍﻟﺴﻨﺔ
ﺧﻠّﻲ ﺍﻟﻌﻘﺎﺭﺏ
ﻟﻠﺰﻣﻦ
ﺗﺘﻼﻗﻰ ﻓﻲ ﻗﻄﺮ ﺍﻟﺠﻠﻴﺪ .
ﺧﻠﻲ ﺍﻷﺳﻰ
ﻳِﺘْﻜِﻞ ﺭﻭﻳﺴﻮ
ﻋﻠﻰ ﺍﻟﻤﺴﺎ .
ﺧﻠﻲ ﺍﻟﻜﻬﺎﺭﺏ
ﺗﻨﻄﻔﻲ
ﻭﻳﺤﻴﺎ ﻋﺎﻣﻚ
ﻭﻳﺒﺘﺪﻱ
ﻋﺎﻣﺎً ﻳﺠﻲ
ﻋﺎﻣﺎً ﻳﻤﺶ .
ﻋﺎﻣﺎً ﻳﻤﺶ
ﻋﺎﻣﺎً ﻳﺠﻲ .
ﻭﺻﻮﻝ .. ﻭﻓﻮﺕ
ﻣﻴﻼﺩ .. ﻭﻣﻮﺕ
ﺯﻣﻨّﺎ ﻓَﻀﺎ
ﻭﺿُﻼ ﻳِﺘْﺮﺗِﺮ
ﻭﺍﻧﻘﻀﺎ .
ﺟﺮﺣﺎً ﻣﻮﺳّﻢ
ﻓﻲ ﺍﻟﺒﻴﻮﺕ .
ﻃﺒﻼ ﻳﺪﻧﺪﻥ
ﻓﻲ ﺍﻟﺴﻜﻮﺕ .
ﺭﻳﺤﺎً ﺗﺼﻔّﺮ
ﻓﻲ ﺍﻟﻘَﻠِﺐ
ﻭﺣﺠﺮﺍً ﻛﺒﻴﺮ
ﺳﺎﺩّﻱ ﺍﻟﺪﺭﺏ
...........
ﺃﻋﺘﺐ ﻋﻠﻰ ﺍﻟﺸﻮﻙ
ﻭﺍﻟﺤﺼﺎ
ﻭﺃﻗﺴﻢ ﻋﻠﻰ ﺣُﻤﻰ
ﺍﻟﻤﺴﺎ
ﺇﻧﻮ ﺍﻟﺸَﺮِﻕ
ﻭﻟّﻊ ﺑﺮِﻕ
ﻭﺇﻧﻮ ﺍﻟﻤﻄﺮ
ﻏﺴﻞ ﺍﻟﺴﻔﺮ
ﻭﺇﻧﻮ ﺍﻟﻬﻤﻮﻡ
ﻳﻤﻜﻦ ﺗﻨﻮﻡ
ﻭﺃﺣﻠﻢ ﻋﺪﻳﻞ
ﺗﺤﺖ ﺍﻟﺼﺤﺎ
ﺇﺑِﻞ ﺍﻟﺮﺣﻴﻞ
ﺣﺴﻊ ﺗﻘﻮﻡ .
.........
ﺁﺧﺮ ﺣﺮﻑ
ﻣﻦ ﺯﻣﻨﻲ ﻃﺎﺭ
ﺩَﻗَﺶ ﺍﻟﻤﻄﺎﺭ .
........
ﺧﻠّﻲ ﺍﻟﺸﻨﻂ
ﺍﻭﺯﻥ ﻋﺬﺍﺑﻚ
ﻭﺍﻟﻘَﺮَﻑ
ﻭﺍﺧﺘﻢ ﺟﻮﺍﺯﻙ
ﺑﻲ ﺭﻣﺎﺩ
ﻧﺎﺭ ﺍﻷﺳﻒ
ﻭﺃﺿﺤﻚ
ﻋﻠﻰ ﺍﻟﻘﻤﺮ ﺍﻟﻨﺰﻑ .
..............
ﻣﺎ ﺗﻘﻮﻝ ﻭﺩﺍﻉ
ﺗﻔْﻀﺎ ﺍﻟﺪﻳﺎﺭ
ﻣﻦ ﻛﻞِ ﻧﺎﺭ .
ﻓﻲ ﺍﻟﻴﻢ ﺩﻭﺍﺭ
ﻓﻲ ﺍﻟﺒﺮ ﺩﻭﺍﺭ
ﻓﻲ ﺍﻟﺠﻮ ﺩﻭﺍﺭ
ﻭﻓﻲ ﺍﻟﺤَﻀْﺮﻩ
ﻛﻢ ﺷﻴﺨﺎً ﻭﻟﻲ
ﺣﻠﻘﻮﻡ ﻭﻃﺎﺭ
‏( ﻳﻜﺸﻒ ‏) ﻭﺳﻂ
ﻧﻘﺰﻱ ﺍﻟﺼﻐﺎﺭ
ﺁﺧﺮ ﺣﺮﻑ
ﻣﻦ ﺯﻣﻨﻲ
ﻃﺎﺭ
ﺁﺧﺮ ﺣﺮﻑ
ﻣﻦ ﺯﻣﻨﻲ ﻃﺎﺭ .

ﺍﻟﻤﻨﺎﺑﻊ ... ﻭ ... ﺍﻟﻤﻮﺍﺟﻊ
‏( ﻃﺒﻌﺔ ﺛﺎﻧﻴﺔ ‏)
ﺷﻌﺮ : ﻫﺎﺷﻢ ﺻﺪﻳﻖ
‏( 1 ‏)
ﻋﻠﻲ ﻛﺘﻔﻚ
ﺗﻜﻴﺖ ﺭﺍﺳﻲ
ﻭﺑﻜﻴﺖ
..........
ﺗﺘﺬﻛﺮﻱ ؟ !
............
ﻣﺎ ﻗﻠﺘﻲ ﻟﻲ
- ﻫﺎﻙ ﺿﺤﻜﺔ
ﻣﻦ ﺟﻮﻩ ﺍﻟﻘَﻠِﺐ
ﺃﻭ ﻭﻣﻀﺔ
ﻓﻲ ﻧﻔﻖ ﺍﻟﺪَﺭِﺏ
ﻭﻗَﺒّﻠﺖ ﻣﻦ ﻭﺷﻚ
ﺃﺑﻴﺖ
.........
ﻣﺎ ﻗﻠﺘﻲ ﻟﻲ
- ﺃﺭﻓﻊ ﺭﻭﻳﺴﻚ
ﻟﻠﺴﻤﺎ
ﻭﺑُﺴﺖَ
ﺭﺃﺱ ﻃﺎﻏﻴﺔ
ﺍﻧﺤﻨﻴﺖ
............
ﻣﺎ ﻗﻠﺘﻲ ﻟﻲ
- ﺃﻓﺘﺢ ﻋﻴﻮﻧﻚ
ﻟﻠﻔَﺠُﺮ
ﺗﺮﺑﺴﺖ ﺷُﺒﺎﻛِﻚ
ﻣﺸﻴﺖ
.............
.............
ﻋﻠﻲ ﻛﺘﻔﻚ
ﺗﻜﻴﺖ ﺭﺃﺳﻲ
ﻭﺑﻜﻴﺖ
‏( ﻭﺩﻓﻨﺖ
ﻓﻲ ﺷﻌﺮﻙ ﺃﺳﺎﻱ ‏)
ﻭﻛﺘﺒﺖ
ﻓﻲ ﺧﺎﻃﺮﻙ
ﺣُﺰُﻥ ﻏُﻨﻴﻪ
ﻭﻣﻀﻴﺖ
............
ﻛﺎﻥ ﻧﻔﺴﻲ
ﻓﻲ ﺣُﻀﻨﻚ ﺃﻣﻮﺕ
ﻗﺒﺎﻝ ﻳﻤﻮﺕ
ﺟﻤﺮ ﺍﻟﻤﻮﺩﺓ
ﺍﻟﻔﻲ ﺍﻟﺒﻴﻮﺕ
ﻭﺃﺭﺣﻞ ﻭﺃﻓﻮﺕ ،
ﻓﻲ ﺍﻟﺒﺤﺮ
ﺃﺻﺒِﺢ ﻭﺃﺑﻴﺖ
...........
ﻣﺎﻟﻨﺎ ﺍﻧﺠﺪﻋﻨﺎ
ﻋﻠﻲ ﺍﻟﻜَﺪَﺭ؟ !
ﺷﻲ ﺃْﻧﺘﺤﺮ
ﺟﻮﺍﻧﺎ
ﻃﻘﻄﻖ ﻭﺍﻧﻜﺴﺮ
ﻗﺒﺎﻝ ﻧﺘﻢ
ﺑﺎﻗﻲ ﺍﻟﺴﻔﺮ
ﻭﻻ ﻣﻮﺍﻧﻲ
ﻭﻻ ﺑﺤﺮ
ﻭﻻ ﺗﺬﺍﻛﺮ
ﻭﻻ ﻗﻄﺮ
ﻻ ‏( ﻣﺒﺘﺪﺍ ‏)
‏( ﻣﺮﻓﻮﻉ ‏( ﻭﺳﺎﻃﻊ
ﻭﻻ ﺧﺒﺮ
ﻻ ﺧﻼﺹ
ﻣﻦ ﻋﺒﺮﺓ
ﻭﺍﺿﺢ ﻟﻠﻨﻈﺮ .
.............
ﻻ ﻗﻤﺮ
ﻳﺸﺒﻪ ﻭﺟﻴﻬﻚ
ﻭﻻ ﺷَﻤِﺲ
ﻧَﻘﺮﺵ ﺷُﻌﺎﻋَﺎ
ﻋﻠﻲ ﻭﺗﺮ
...........
ﺩﻗﺎﻧﺎ ﺳﻮﻁ
ﻣُﺮ ﺍﻟﺰﻣﺎﻥ
ﻣﺎ ﻗﻠﻨﺎ
ﺩﻗﺎﻧﺎ ﺍﻟﻤﻄﺮ
ﻓﺘﺸﻨﺎ
ﻋﻦ ﺣُﻀﻦ ﺍﻟﺴﻼﻡ
ﻧﻬَﺸَﺘْﻨﺎ
ﺃﻧﻴﺎﺏ ﺍﻟﺨﻄﺮ
............
...........
ﻋﻠﻲ ﻛﺘﻔﻚ
ﺗﻜﻴﺖ ﺭﺃﺳﻲ
ﻭﺑﻜﻴﺖ
...........
ﺗﺘﺬﻛﺮﻱ ؟ !
...........
ﻣﺎ ﻗﻠﺖ ﻟﻲ
‏( ﺑﻜﺮﻩ ﺃﺟﻤﻞ
ﺑﻜﺮﻩ ﺃﻧﺒﻞ
ﺑﻜﺮﻩ ﺃﺳﻬﻞ ‏)
ﻭﻗﻠﻌﺖ ﺇﻳﺪَﻳّﺎ
ﻭﻣﺸﻴﺖ
............
ﻣﺎ ﻗﻠﺘﻲ ﻟﻲ
- ﺃﺭﻛﺐ ﻋﻠﻲ ﺧﻴﻞ
ﺍﻟﺼﻌﺐ
ﻭﻭﻗﻌﺖ
ﻣﻦ ﺳﺮﺟﻚ
ﻫﻮﻳﺖ
.............
ﺗﺘﺬﻛﺮﻱ
ﺃﻭ ﺃﺷﻬﺪﻱ
ﻣﺎ ﻗﻠﺘﻲ ﻟﻲ
- ﺃﺭﻓﻊ ﺭﻭﻳﺴﻚ
ﻟﻠﺴﻤﺎ
ﻭﺑُﺴﺖ ﺭﺍﺱ
ﻃﺎﻏﻴﻪ ﺍﻧﺤﻨﻴﺖ .
............
‏( 2 ‏)
ﻣﺘﻴﻦ ﻧﻘﺺ ﺍﻟﺒﺤﺮ
ﻗﻄﺮﺓ
ﻣﺘﻴﻦ ﻣﺎ ﺟﺎﺏ
ﺳﺤﺎﺏ ﻭﺟﺪِﻙ
ﺑﺮﻭﻕ ﺍﻟﺒﺸﺮﻱ
ﺑﺎﻟﻤﻄﺮﺓ .
............
‏( 3 ‏)
ﻣﺴﺎﻙْ ﻗﻤﺮﺓ
ﻟﺤﺎﻓﻚ ﻳﺎﻫﻮﺍﻱ
ﻧﺴﻤﺔ
ﻏُﺘﺎﻙِ ﻧﺠﻮﻡ
ﻭﺳﺎﺩﺗﻚ ﻭﺭﺩﺓ
ﻭﺃﺣﻼﻣﻚ ﺳﻼﻡ
ﻫﺪﻫﺪ
ﺭﻣﻮﺵ ﺍﻟﻨﻮﻡ
............
‏( 4 ‏)
ﻭﺻﺤﻴﺖ
ﻟﻘﻴﺘﻚ ﻓﻲ ﺍﻟﻤﺴﺎﻡ
ﻭﻓﻲ ﺑﻴﺎﺽ
ﻗﻠﺐ ﺍﻟﻐﻤﺎﻡ
ﻭﻓﻲ ﺿﺤﻚ
ﺛﻐﺮ ﺍﻟﻜﻼﻡ
ﻭﻓﻲ ﺍﻟﺘﺤﺎﻳﺎ
ﻭﻓﻲ ﺍﻟﺴﻼﻡ
............
ﺍﻟﻠﻪ ﻋﻠﻴﻚ
ﻓﻲ ﺣﻨﺎﻧﻚ
ﻭﻓﻲ ﺍﻟﺤﻨﻴﻦ
ﻭﻓﻲ ﺍﻟﺼﻼﺕ
ﺍﻟﺮﺍﻛﺰﺓ
ﻓﻲ ﺑﺎﻝ ﺍﻟﺴﻨﻴﻦ
ﻣﺎ ﻏﺒﺘﻲ ﻳﻮﻣﺎً
ﺃﺻﻠﻮ
ﻣﻦ ﺧﺎﻃﺮ ﺣﻀﻮﺭ
ﻭﻣﺎ ﻋﺮﻓﺖ ﺯﻳﻚ
ﻳﺎ ﺣﻨﻴﻨﻪ
ﺑﻨﻴّﻪ ﺻﺎﺑﺮﻩ
ﻭﻣﺎﻟﻴﻪ ﻋﻴﻦ .
..............
‏( 5 ‏)
ﺧﺮﺑﺎﻧﺔ ﺍﻟﺒﻠﺪ ﺑﻜﺒﺎﺭﺍ ‏( 1 ‏)
.............
ﺗﻌﺒﻨﺎ ﻣﻦ ﺍﻟﻘﻴﺎﻡ
ﻭﻣﻦ ﺍﻟﺠﻠﻮﺱ
ﻭﻣﻦ ﺍﻟﺠﻠﻮﺱ
ﻭﻣﻦ ﺍﻟﻘﻴﺎﻡ
.............
ﻋﻘﺪﻳﻦ
ﻣﻦ ﺍﻟﺰﻣﻦ ﺍﻟﺮﻣﺎﺩ
ﻣﺮﺟﻴﺤﺔ
ﻣﺎﺑﻴﻦ
‏( ﺳﻴﻦ ﻭﺻﺎﺩ ‏)
ﺻﺎﻏﺮﻳﻦ
ﺗﻘﻮﻝ ﺳُﺨﺮﺓ
ﻭﻫﻮﺍﻡ
ﻭﺑﻨﺪﻱ ﻟﻠﻄﺎﻏﻴﺔ
ﺍﻟﺘﻤﺎﻡ
............
ﻻ ‏( ﺟﻮﺩﻭ ‏)
ﻋﺎﻧﻖ ﻟﻠﺤﻠﻢ
ﻻ ‏( ﺍﻟﺨَﻀِﺮ ‏)
ﻓﺞّ ﺍﻟﻀﻼﻡ .
.............
ﺍﻟﺜﻮﺭﺓ ‏( ﻣﺎﻧﺸﻴﺖ ‏)
ﻓﻲ ﺍﻟﺮﻣﺎﻝ
ﻭﺍﻟﺮﻳﺢ ﺑِﺘَﻤﺤﺎ
ﺣﺮﻭﻓﻬﺎ
ﻣﺎ ﺑﻴﻦ ‏( ﻳﻤﻴﻨﻬﺎ ‏)
ﻭﻣﻦ ﺷﻤﺎﻝ
ﻭﻣﻬﻴﺮﺓ
‏( ﺗﻌﻠﻦ ‏) ﻋﻦ ﺭﺟﺎﻝ
ﻟﻘﻴﺎﺩﺓ ﻣﺎ ﺻﻔﻮﻑ
ﺍﻻﻋﺎﺩﺓ
ﻟﻲ ﺣﺰﻣﺔ
ﻣﻦ ﻓﺮﺳﺎﻥ ﻋُﺪﺍﻝ
ﻣﺠﺒﻮﻟﺔ ﻟﻠﻨﺎﺭ
ﻭﺍﻟﺸﻬﺎﺩﺓ ،
ﻭﻟﻠﻘﻴﺎﺩﺓ ،
ﺍﻻ ﺍﻟﻮﺷﻮﺵ
ﻧﻔﺲ ﺍﻟﻮﺷﻮﺵ
‏( ﻭﺍﻟﻜﻼﻡ
ﻳﺎﻫﻮ ﺍﻟﻜﻼﻡ ‏)
ﺯﻱ ﺗﻘﻮﻝ
ﻋِﻘِﺮ ﺍﻟﺒﻠﺪ
ﺯﻱ ﺗﻘﻮﻝ
ﻧﺤﻨﺎ ﺍﻟﺪﻭﺍﺏ
ﻭﺍﻟﻄﺎﻏﻴﺔ ﻣﺎﺳﻚ
ﻟﻠﺠّﺎﻡ .
.............
ﻭﺑﻘﻴﻨﺎ ﺑﻴﻦ
ﻧﺎﺭ ﺍﻟﺨﻠﻴﻔﺔ
ﻭﺳﺎﻗﻴﺔ ﺃﺳﻴﺎﺩﻧﺎ
ﺍﻟﻤﺨﻴﻔﺔ
ﺑﻴﻦ ‏( ﺟِﺰَﻡ ‏) ﻋﺴﺲ ﺍﻟﻨﻈﺎﻡ
ﻭﺑﻴﻦ ﺃﺳﺎﻃﻴﻦ ﺍﻟﻜﻼﻡ .
............
ﺑﺮﻛﻪ
ﻳﺎ ‏( ﺳﻴﺪ ﺍﻟﻀﺮﺍﻳﺢ ‏)
ﺩﻓﺮﺓ
ﻳﺎﻟﺼﻔﻮﺓ ﺍﻟﻔﻮﺍﻟﺢ
ﻓﻜﺮﺓ
ﻳﺎ ‏( ﻋﻔﻠﻖ ‏)
ﻭ ‏( ﻣﺎﺭﻛﺲ ‏)
ﺣﺮﻛﺔ
ﻳﺎ ‏( ﻗﺮﺩﻳﻦ ﻭﺣﺎﺑﺲ ‏)
ﻓﺘﻨﻪ
ﻳﺎ ‏( ﻏﺒﺮﺍﺀ ﻭﺩﺍﺣﺲ ‏)
ﻧﻈﺮﺓ
ﻳﺎ ‏( ﺍﻟﻤﻬﺪﻱ ﺍﻻﻣﺎﻡ ‏) .
.............
ﻳﺎﻣﺎ ﺃﺩﻣﻨﺎ ﺍﻟﺤﻘﺎﺭﺓ
ﺭﺍﺟﻴﻦ ﺷﺮﺍﺭﻩ
ﻋﺸﺎﻥ ﻧﺤﺲ
ﻃﺎﻝ ﺍﻧﺘﻈﺎﺭﺍ
ﺳﺎﻛﺘﻴﻦ ﻋﻘﻮﺩ
ﻭﺍﻟﺒﻜﻤﺎ ﻣﺎ ﺑﺘﺼﺮﺥ
ﺗﻘﻮﻝ
- ﻭﻳﻦ ﺍﻟﺪﺑﺎﺭﺓ
ﻭﺍﻟﺠﻮﻉ ﻧﺘﺮ
ﻛﺴﺮ ﺍﻟﺸَﺮَﻑ
ﺩَﺷْﺪَﺵ ﺿَﻬﺮَ
ﺳﺎﻭﻡ ﺑﻜﺎﺭﺓ .
ﺍﻟﺸﻤﻌﺔ
ﺍﻧﺸﻨﻘﺖ ﻇُﻠﻢ
ﻣﺴﻜﻴﻨﺔ
ﺑﻲ ﺣﺒﻞ ﺍﻟﻤﻐﺎﺭﺓ
ﺍﻟﻌﺠﺎﻳﺐ
ﺟﺎﺕ ﻣﺼﺎﻳﺐ
ﻭﺁ ﺧﺠﻠﻨﺎ
ﻳﺎ ﺧﺴﺎﺭﺓ
..............
‏( ﺧﺮﺑﺎﻧﺔ ﺍﻟﺒﻠﺪ
ﺑﻜﺒﺎﺭﺍ ‏) .
............
...........
‏( 6 ‏)
ﺳﻴﺮﻳﺎﻟﻴﺰﻣﺎ ﺍﻟﺤﺎﺿﺮ
...............
ﺍﻟﺰﻣﻦ ﺍﺗﺪّﻭﺭ
ﺍﻟﺰﻣﻦ ﺍﺗﻜّﻮﺭ
ﺇﺗﻤﺎﺹ
ﺇﺗﻨﺎﻗَﺺ
ﻗَﻞّ ﻭﺧَﻒّّ
ﺣَﺘَّﻞ ﺭﻭﺣﻮ
ﻛَﺮﻓَﺲ ﺭﻭﺣﻮ
ﻭﺃﺻﺒﺢ ﻟﻔّﺔ .
............
ﺍﻟﻔُﻘﺮﺍ ﺍﻟﻜﺎﻧﻮ
ﺑﻘﺴﻤﻮ ﺍﻟﻨﺒﻘﺔ
ﺍﻟﺠﻮﻉ ﺍﻟﻜﺎﻓﺮ
ﺃﺻﺒﺢ ﺷﻜﻠﻮ
ﺣﺪﻳﺚ ﻭﻣﻌﺎﺻﺮ
ﺧﻠﻰ ﺍﻟﻨﺒﻘﺔ
ﺍﺗﺒﺪَّﻝ ﺩِﻳﻨﻬﺎ
ﻭﺻﺒﺤﺖ ﻣﻨﻘﻪ .
.............
ﺍﻟﺤﺐ ﺍﻟﻜﺎﻥ
ﻣﺮﺑﻮﻉ ﻭﻣَﺼَﺪَّﻕ
ﺍﺗﻬﻠﻬﻞ ﺳﺎﺳﻮ
ﻭﺗﻮﺑﻮ ﺍﺗﻠﻔَّﻖ
ﺻﻮﺗﻮ ﺍﺗْﺸَﻘَﻖ
ﻧَﺸَّﺰ ﻭﻋَﺸْﺮﻕ
ﻭﻣﺎﺕ ﺑﺎﻟﺴﻜﺘﻪ
ﻭﻛﻒ ﺍﻟﺨﻨﻘﺔ .
.............
ﻣﺠﻨﻮﻧﺔ ﻣَﻐَﺎﻭْﺭ
ﺍﻟﺰﻣﻦ ﺍﻟﻤﺎﺭِّﻱ
ﺍﻟﺠﻮﻓﻬﺎ ﻣَﺪَﺑَّﺐ
ﻭﻃﺎﻓﺤﺔ ﻣﺠﺎﺭﻱ
ﻣﺴﻜﻴﻨﺔ ﻣﺂﺛْﺮ
ﺍﻟﻌﺼﺮ ﺍﻟﺠﺎﺭﻱ
ﺍﻟﻄﻮﻟﻬﺎ ﻣَﻐﻄَﺎ
ﻭﻋَﺮْﺿَﻬﺎ ﻋﺎﺭﻱ .
.............
ﻏَﻄّﺎﻧﺎ ﻭﻛﺎﻟﻨﺎْ
ﺭﻣﺎﺩ ﺍﻟﻜﻠﻤﺔ
ﺣﺎﺻﺮﻧﺎ ﻭﻃﺎﻟﻨﺎ
ﺟﺮﺍﺩ ﺍﻟﻠﻤَّﻪ
ﺣﻠﻮﻗﻨﺎ ﺍﺗﻌﺜﺮ
ﺷﻮﻓﻬﺎ ﻭﻗَﻞّ .
...........
ﺑﻜّﺎﻧﺎ ﺍﻟﺤﺎَﺿﺮ
ﻏَﺸَّﺎﻧﺎ ﺍﻟﺤﺎﺿﺮ
ﻛﺮﻓﺴﻨﺎ ﺍﻟﺤﺎﺿﺮ
ﻭﺷﺎﻟﻨﺎ ﺭﻣﺎﻧﺎ
ﻓﻲ ﺑﻄﻦ ﺍﻟﺴﻠﻪ
............
ﺳﺮﻗﺘﻨﺎ ﺍﻟﻨِﻘَﺔ
ﺩﻗﺘﻨﺎ ﺍﻟﻨِﻘَﺔ
ﺑﻴﻨﺎﺗﻨﺎ ﺍﺗﻤﺎﺩﻯ
ﻣﺤﻴﻂ ﺍﻟﺸِﻘَّﺔ
ﺻﺪﻭﺭﻧﺎ ﺍﺗﻘَﻠَّﺖ
ﻭﺻﻮﻣﻬﺎ ﺣَﺮَﻗﻨﺎ
ﻭﺍﺣﻼﻣﻨﺎ ﺍْﻧﺪﺍﺳﺖ
ﻭﺳﻂ ﺍﻟﺰﻧﻘﺔ .
..........
.........
‏( 7 ‏)
ﺑﻴﻨﻲ ﻭﺑﻴﻨﻚ
...........
ﺑﻴﻨﻲ ﻭﺑﻴﻨﻚ
ﻭﻧﺴﻪ ﻣﻮﺩﻩ
ﺳﻨﺪﻩ ﻭﻭﻗﻔﻪ
ﻓﻲ ﺳﺎﻋﺔ ﺍﻟﺸِﺪﺓ .
...........
ﺑﻴﻨﻲ ﻭﺑﻴﻨﻚ
ﻭﺟﺪﺍً ﺻﻮﻓﻲ
ﺳﻼﻡ ﻣﻌﻄﻮﻥ
ﻓﻲ ﻧﺒﻀﻲ ﻭﺭﻭﺣﻲ .
ﺷﻔﻘﺔ ﻭﺍﻟﻔﺔ
ﺗﻌﺎﻓﻲ ﺟﺮﻭﺣﻲ
ﺻﺪﺍﻗﺔ ﺣﻨﻴﻨﺔ
ﺗﺒﺪﺩ ﺧﻮﻓﻲ .
..........
ﺑﻴﻨﻲ ﻭﺑﻴﻨﻚ
ﺧﻴﻂ ﺍﻧﺴﺎﻧﻲ
ﻭﺯﻱ ﺍﻟﻔﻘﺮﺍ
ﺍﻟﻘﺴﻤﻮﺍ ﺍﻟﻨﺒﻘﺔ
ﺍﺗﻘﺎﺳﻤﻨﺎ
ﺍﻟﻮﺟﻊ ﺍﻟﻄﺎﻏﻲ
ﻓﺘﺤﻨﺎ ﺻﺪﻭﺭﻧﺎ
ﺷﺮﻋﻨﺎ ﻋﻘﻮﻟﻨﺎ
ﻟﻠﺰﻣﻦ ﺍﻵﺗﻲ
............
ﺑﻴﻨﻲ ﻭﺑﻴﻨﻚ
ﺭﻳﺪﺓ ﺍﻟﻠﻪ
ﺃﻣﺎﻥ ﻭﻣﻈﻠﺔ .
............
...........
‏( 8 ‏)
ﻭﺍﻧﺎ ﻭﺍﻧﺘﻲ
..........
ﺃﻧﺎ ﻭﺍﻧﺘﻲ ﺑﺲ
ﺯﻱ ﺍﻟﻘﻄﺎﺭﻳﻦ
ﺑﺘﻌﺎﻗﺒﻮ
ﻻ ﻟﻘﻴﺎ
ﻓﻲ ﺭﺣﻤﺔ ﺭﺻﻴﻒ
ﻻ ﻋﻨﺎﻕ ﻋﻠﻲ ﺑﻮﺍﺑﺔ
ﻓﻲ ﺣﺰﻥ ﺍﻟﺨﺮﻳﻒ .
.............
ﺃﻧﺎ ﻭﺍﻧﺘﻲ ﺯﻱ ﺳﺮﻳﻦ
ﻋﻠﻲ ﺃﺫﻥ ﺍﻟﻤﺴﺎ
ﻳﺘﺨﺎﻃﺮﻭﺍ
ﻭﻳﺘﺸﺎﻭﺭﻭﺍ
ﻭﻳﺘﻬﺎﻣﺴﻮﺍ
............
ﺃﻧﺎ ﻭﺍﻧﺘﻲ
ﻻ ﺣﺎﺿﺮﻳﻦ
ﻭﻻ ﻏﺎﻳﺒﻴﻦ
ﺗﻘﻮﻝ
ﻻ ﺍﺗﻼﻗﻮ ﻳﻮﻡ
ﻻ ﺍﺗﻔﺎﺭﻗﻮ
............
ﺍﻧﺘﻲ ﻭﺃﻧﺎ
ﻧﺎﺭ ﺍﻟﻬﻮﺍﺟﺲ
ﻭﺍﻟﻨﺪﻱ .
ﺫﺭﺍﺕ ﺭَﻣُﻞ
ﺭﺍﻛﺒﻴﻦ ﺟﻨﻮﻥ
ﻋﺼﻒ ﺍﻟﻬﻮﺍ

ﻫﻀﺮﺑﺎﺕ ﻗﺴﺮﻳﺔ
ﺷﻌﺮ : ﻫﺎﺷﻢ ﺻﺪﻳﻖ
*******
ﺗﻠﻘﻲ ‏( ﺧﺮﺍﺑﺔ ‏)
ﻣﺎ ﺗﻠﻘﻲ ‏( ﺍﻟﻮﻃﻨﻲ ‏)
ﺗﻠﻘﻲ ‏( ﺍﻟﻮﻃﻨﻲ ‏)
ﻣﺎ ﺗﻠﻘﻲ ‏( ﺧﺮﺍﺑﺔ ‏)
ﺗﺘﻠﻔﺖ ﺣﺎﻳﺮ
ﺗﻠﻘﻲ ‏( ﺍﻟﺸﻌﺒﻲ ‏)
ﺟﺎﺩﻉ ﺇﻳﺪﻭ
ﻭﻳﻘﻠّﺐ ﺻُﻠﺒﻮ
ﺗﻘﻮﻝ ﻟﻲ ﺭﻭﺣﻚ
ﺃﺭﻳﺖ ‏( ﺍﻟﺸﻌﺒﻲ ‏)
‏( ﺩﻩ ﻭﺩ ﺍﻟﺘﺎﺑﺎ ‏) .
.................
ﺍﻟﺒﻠﺪ ﺇﺗﻠﺤﺴﺖ
ﻣﺤﻞ ﻣﺎ ﺗﻘﺒّﻞ
ﺗﻠﻘﻲ ‏( ﺍﻟﻨﻘﺔ ‏)
ﻣﺤﻞ ﻣﺎ ﺗﻌﺎﻳﻦ
ﺗﻠﻘﻲ ﺣﺮﺍﺑﺔ
ﻭﻣﺴﻄﻮﻝ ﻓﻲ ﺍﻟﺸﺎﺭﻉ
ﻳﻬﺘﻒ ﻭﻳﺼﺮﺥ
- ﻓﻜﻴﺘﻮ ﺍﻟﺼﺎﺩﻕ
ﻓﻜﻮ ﺍﻟﻤﻮﻳﺔ .
ﻓﻜﻴﺘﻮ ﺍﻟﺼﺎﺩﻕ
ﺇﻋﺘﻘﻠﻮ ﺍﻟﺴﻮﻕ
ﻣﺎﻋﻨﺪﻭ ‏( ﻓﺮﺍﻣﻞ ‏)
ﺃﻭ ﻃﺎﻳﻮﻕ
ﺟﺎﺭﻱ ﻋﺠﺎﺟﻮ
ﺗﻘﻮﻝ ﻛﺘﺮﺍﺑﺔ .
ﺃﺩﻭﻧﺎ ﺭﻏﻴﻔﺔ
ﺃﻭ ﺗﻌﺮﻳﻔﺔ
ﺃﻭ ﺧﻠﻮﻧﺎ
ﻧﺨﺶ ﺍﻟﻐﺎﺑﺔ
ﻧﺼﺒﺢ ﻧﺤﻨﺎ
‏( ﻧﻮﻳﺮ ‏) ﺃﻭ ‏( ﺩﻳﻨﻜﺎ ‏)
ﻭﺍﻧﺘﻮ ﺗﻜﻮﻧﻮ
ﺩﻳﻮﺵ ﺟﻼّﺑﺔ
..............
ﻓﻜﻴﺘﻮ ﺍﻟﺼﺎﺩﻕ
ﻓﻜﻮ ﺇﻳﺪﻳﻨﺎ
ﻣﻤﺎ ﺟﻴﺘﻮ
ﻟﻌﺒﺘﻮ ﻭﺟُﻄﻮ
ﻭ ‏( ﺑﺸﺒﺶ ‏) ‏( ﺟﻮﻛﺮ ‏)
ﻓﻲ ﺍﻟﻜﻮﺗﺸﻴﻨﺔ
ﻣﺤﻞ ﻣﺎ ﻧﻘﺒﻞّ
ﻧﻠﻘﻲ ﺣﺮﺍﻣﻲ
ﻣﺤﻞ ﻣﺎ ﻧﻌﺎﻳﻦ
ﻧﻠﻘﻲ ﺇﺿﻴﻨﺔ
ﺣﺮﻗﺘﻮ ﻗَﻤِﺤْﻨَﺎ
ﺷﻠﺘﻮ ﺳَﻤِﺤْﻨَﺎ
ﻭﺟﺒﺘﻮ ﺍﻟﺸﻴﻨﺔ
ﺇﺳﻼﻣﻜﻢ ﻛﺎﻓﺮ
ﻓﻀﺎﻳﺢ ﺟُﻤﻠﺔ
ﺑﺘﻤﻼ ﺩﻓﺎﺗﺮ
ﺳﻮﻳﺘﻮ ﺑﻠﺪﻧﺎ
ﻣﺠﺎﻋﺔ ﻭﻣِﺤﻨْﺔ .
...............
ﺍﻟﺒﻠﺪ ﺇﺗﻠﺤﺴﺖ
ﺟﻨﺖ ﻭﺑﺮﻛﺖ
ﺳﻴﺎﺳﺔ ﻧﺨﺎﺳﺔ
ﺍﻟﺜﺮﻭﺓ ﺍﻧﺒﺮﺷﺖ
ﺩﺧﻠﺖ ﻭﺳﻜﻨﺖ
ﺟﻴﺐ ﺍﻟﺨﺎﺻﺔ
ﻭﺍﻟﺸﻌﺐ ﺗﻌﻴﺲ
ﻳﺠﺮﻱ ﻳﻨﺎﻫﺪ
ﻣﺎ ﻭﺻﻞ ﺍﻟﻤﻴﺲ
ﻣﺎﻫﻴﺔ ﺣﻮﻝ
ﻣﺎ ﻓﺎﺗﺖ ﻓﻮﻝ
ﺃﻭ ‏( ﻋﻴﺶ ‏)
ﻓﻲ ﻛﻴﺲ
ﺃﺣﻼﻣﻨﺎ ﺑﻬﻴﺔ
ﻧﺼﺤﺎ ﻧﻼﻗﻲ
ﻋﺮﻭﺱ ﺍﻟﺜﻮﺭﺓ
ﻫﻲ ‏( ﺑﺖ ﺍﺑﻠﻴﺲ ‏)
...............
ﺍﻟﺪﻧﻴﺎ ﺇﺗﻤﺎﺻﺖ
ﺟﻨﺖ ﻭﻃﺸﺖ
‏( ﺍﻟﻔﻦ ﺇﺗﻠﺠﻦ ‏)
ﺍﻟﻮﻃﻦ ﺇﺗﻤﺤﻦ
ﻻ ﻓﻦ
ﻻ ﻛﻮﺭﺓ
‏( ﻓﻨﺎﻥ ﺍﻟﺜﻮﺭﺓ ‏)
ﺻِﺒِﺢ ‏( ﻣﺎﺳﻮﺭﺓ ‏)
ﻭﺍﻟﺤﺮﻳﺔ
ﻗﺼﻴﺔ ﻋﺼﻴﺔ
ﺭﻳﺤﺔ ﺷﻴﺔ
ﻻ ﺗﻀﻮﻕ ﻻ ﺗﺸﻮﻓﻬﺎ
ﻻ ﺗﺤﻠﻒ ﺻﺎﺩﻕ
ﺷﻔﺖ ﺧﺮﻭﻓﻬﺎ
‏( ﺣﻮﺍﺭ ﺍﻟﻮﺛﺒﺔ ‏)
ﺷﻤﺎﺭ ﻓﻲ ﻣﺮﻗﺔ
ﻭﻋﺠﻴﻦ
ﻟﻲ ‏( ﻛِﺴﺮﺓ ‏)
ﻣﺎ ﺑﻌﻤﻞ ﻃَﺮﻗﺔ .
..................
ﻓﻜﻴﺘﻮ ﺍﻟﺼﺎﺩﻕ
ﻓﻜﻮ ﺣﺼﺎﺭﻧﺎ
ﺃﺩﻭﻧﺎ ﺇﺫﻥ
ﻟﻬﺘﺎﻑ
ﺃﻭ ﻣﺮْﻗﺔ
ﻛﻔﺎﻳﺔ ﻛﻀﺐ
ﻭﻏﺒﺎﺵ ﻭﻟﻌﺐ
‏( ﺍﻟﻮﺛﺒﺔ ‏) ﻭﻫﻢ
ﺳﻴﻔﺎ ﺧﺸﺐ
‏( ﺣﺼﺎﻧﻬﺎ ﺣﻤﺎﺭ ‏)
ﻭﻭﻋﺪﻭﻫﺎ ﺷﻤﺎﺭ
ﻭﻏﺒﺎﺷﻬﺎ ﺍﻟﺪﺭﻗﺔ .
.................
ﻣﻠﻴﻮﻥ ﺷﺎﻋﺮ
ﻭﻣﺎ ﻣﺮﻗﺖ ﺯﻓﺔ
ﻣﻠﻴﻮﻥ ﺧُﻄﺒﺔ
ﻭﻻ ﺧﺎﻃﺮ ﺭﻑّ
ﺟﻮﺍﺩﻧﺎ ﻳﺒﺮﻃﻊ
ﻭﻣﺎ ﺷﺎﻑ ﺍﻟﻠﻔﺔ
ﺍﻟﺴُﻠﻄﺔ ﻋﻘﻴﻤﺔ
ﺭﺑﻊ ﺍﻟﻘﺮﻥ
ﻭﻣﺎ ﺟﺎﺗﺎ ‏( ﺍﻟﺪﻭﺭﺓ ‏)
ﺍﻟﻔﻴﻦ ‏( ﺟﻴﻔﺎﺭﺍ ‏)
ﻭﻻ ﻛﺒﺮ ﺷﺎﺭﻉ
ﻻ ﺍﻧﻔﺠﺮﺕ ﺣﺎﺭﺓ
ﻻ ‏( ﻫﺒﺖ ﺛﻮﺭﺓ ‏)
...............
ﻣﻠﻴﻮﻥ ‏( ﻟﺒﻮﺓ ‏)
ﺭﺍﻓﻌﺎﺕ ﻛﺮﻋﻴﻨﻦ
ﻟﻠﻤﺎﻝ ﻭﺍﻟﺴُﻠﻄﺔ
ﻭﺍﻟﻠﻴﻞ ﻣﺘﻤﺤﻦ
ﻓﻲ ‏( ﻣﻌﺮﺹ ‏)
ﺃُﺳﻄﻲ
ﺩﻋﺎﺭﺓ ﺷﻄﺎﺭﺓ
ﻭﻋﺮﻳﺎﻧﺔ ‏( ﺍﻟﻀﺮﻭﺓ ‏)
ﺳﺒﺤﺎﻥ ﺍﻟﺪﺍﻳﻢ
ﺷﻌﺎﺭ ﺍﻟﺪﻭﻟﺔ
ﺍﻟﺪﻳﻦ ﻭﺍﻟﺘﻘﻮﻱ
ﻭ ‏( ﻟﺒﺎﺱ ‏) ﺍﻟﻮﺍﻟﻲ
ﻣﺎ ﻏﻄﻲ ﺍﻟﻌﻮﺭﺓ .
................
ﺍﻟﺒﻠﺪ ﺍﺗﻠﺤﺴﺖ
ﻃﺸﺖ ﻭﺟﻨﺖ
ﻣﺤﺼﻮﻟﻨﺎ ﺍﻟﺮﺳﻤﻲ
ﺍﻟﻐُﻨﺎ ﻭ ‏( ﺍﻟﺮَﻫَﺰﻱ ‏)
ﻭﻓﻲ ﺭﻣﻀﺎﻥ .
ﻟﻮ ﺗﺮﻓﻊ ﻃﻮﺑﺔ
ﺃﻭ ﺗﺪﺧﻞ ﻓﺠﺄﺓ
ﺣﺼﻴﺮ ﺭﺍﻛﻮﺑﺔ
ﺗﻠﻘﻲ ﻣﻘﻨﻘﻦ
‏( ﻭﺩ ﻓﻨﺎﻥ ‏) .
.............
ﻣﺤﺼﻮﻟﻨﺎ ﺍﻟﺮﺳﻤﻲ
ﻏُﻨﺎ ﺭﻣﻀﺎﻥ
‏( ﻗﻨﺎﺓ ﻛﺎﻛﻮﻣﺔ ‏)
‏( ﻗﻨﺎﺓ ﻛﺮﻛﻮﺑﺔ ‏)
‏( ﻗﻨﺎﺓ ﻛﺘﻠﻮﻧﺎ ‏)
‏( ﻗﻨﺎﺓ ﻣﺮﺿﻮﻧﺎ ‏)
ﻏُﻨﺎ ﻭﺃﻟﺤﺎﻥ
ﺑﺎﻟﻜﻮﻡ ﻭﺃﻃﻨﺎﻥ
ﺑﺮﺍﻣﺞ ﺗﻬﺮﺝ
ﻭﺍﻟﻜﻞ ﺗﻴﻤﺎﻥ .
...............
ﻭ ‏( ﻗﻨﺎﺓ ﺑﺮﺟﻮﺑﺔ ‏)
ﻣﺬﻳﻌﺔ ﺍﻟﺴﻬﺮﺓ
‏( ﺣﺎﺟﺔ ﻋﺠّﻮﺑﺔ ‏)
ﻭﺿﻴﻒ ﺍﻟﺤﻠﻘﺔ
ﺩﻛﺘﻮﺭ ‏( ﺭﺍﻛﻮﺑﺔ ‏)
ﻣﻌﺎﻫﻮ ﻣُﻐﻨﻲ
‏( ﻟﺆﻱ ﻭﺩ ﻫﻮﺑﺔ ‏) .
ﺩﺭﺍﻣﺎ ﺍﻟﺸﺎﺷﺔ
ﻣﺴﻴﺨﺔ ﻋﻮﺍﺭﻩ
ﺑﻌﺪ ﻣﺎ ﻣﺸﻴﻨﺎ
ﻭﻗﻠﻨﺎ ﻭﺻﻠﻨﺎ
ﺭﺟﻌﻨﺎ ﻧﺘﺮﺗﺮ
ﻭﻗﻌﺪﻧﺎ ﺑﺮﻛﻨﺎ
ﻻ ﻓﻦ
ﻻ ﺑﺼﺎﺭﻩ
ﺩﺭﺍﻣﺎ ﻏﺒﻴﺔ
ﻻ ﺑﺘﻬﺒﺶ ﻫﻢ
ﻻ ﺑﺘﺮﻭﻱ ﻗﻀﻴﺔ
ﺗﻮﺭﺟِﻖ ﻭﺗﺸﺨُﺮ
ﺗﻘﻮﻝ ﺣﻨﻔﻴﺔ .
ﻳﺎ ﺣﻠﻴﻞ ﺍﻟﻤﺴﺮﺡ
ﻭﺍﻟﺤﺮﻳﺔ
ﻫﻤﻮﻡ ﺍﻷﻣﺔ
ﻭﺍﻟﺜﻮﺭﻳﺔ .
..............
ﺗﻠﻘﻲ ‏( ﺧﺮﺍﺑﺔ ‏)
ﻣﺎ ﺗﻠﻘﻲ ‏( ﺍﻟﻮﻃﻨﻲ ‏)
ﺗﻠﻘﻲ ‏( ﺍﻟﻮﻃﻨﻲ ‏)
ﻣﺎ ﺗﻠﻘﻲ ‏( ﺧﺮﺍﺑﺔ ‏)
ﺗﺘﻠﻔﺖ ﺣﺎﻳﺮ
ﺗﻠﻘﻲ ‏( ﺍﻟﺸﻌﺒﻲ ‏)
ﺟﺎﺩﻉ ﺀﺍﻳﺪﻭ
ﻭﻳﻘﻠّﺐ ﺻُﻠﺒﻮ
ﺗﻘﻮﻝ ﻟﻲ ﺭﻭﺣﻚ
ﺃﺭﻳﺖ ‏( ﺍﻟﺸﻌﺒﻲ ‏)
‏( ﺩﻩ ﻭﺩ ﺍﻟﺘﺎﺑﺎ ‏) .
..................
ﺍﻟﺒﻠﺪ ﺍﺗﻠﺤﺴﺖ
ﻣﺤﻞ ﻣﺎ ﺗﻘﺒﻞّ
ﺗﻠﻘﻲ ‏( ﺍﻟﻨﻘﺔ ‏)
ﻣﺤﻞ ﻣﺎ ﺗﻌﺎﻳﻦ
ﺗﻠﻘﻲ ﺣﺮﺍﺑﺔ .
ﻭﻣﺴﻄﻮﻝ ﻓﻲ ﺍﻟﺸﺎﺭﻉ
ﻳﻬﺘﻒ ﻭﻳﺼﺮﺥ
- ﻓﻜﻴﺘﻮ ﺍﻟﺼﺎﺩﻕ
ﻓﻜﻮ ﺍﻟﻤﻮﻳﺔ
ﻓﻜﻴﺘﻮ ﺍﻟﺼﺎﺩﻕ
ﺇﻋﺘﻘﻠﻮ ﺍﻟﺴﻮﻕ
ﻣﺎ ﻋﻨﺪﻭ ‏( ﻓﺮﺍﻣﻞ ‏)
ﺃﻭ ﻃﺎﻳﻮﻕ
ﺟﺎﺭﻱ ﻋﺠﺎﺟﻮ
ﺗﻘﻮﻝ ﻛﺘﺮﺍﺑﺔ .
................
ﺃﺩﻭﻧﺎ ﺭﻏﻴﻔﺔ
ﺃﻭ ﺗﻌﺮﻳﻔﺔ
ﺃﻭ ﺧﻠﻮﻧﺎ
ﻧﺨﺶ ﺍﻟﻐﺎﺑﺔ
ﻧﺼﺒﺢ ﻧﺤﻨﺎ
‏( ﻧﻮﻳﺮ ‏) ﺃﻭ ‏( ﺩﻳﻨﻜﺎ ‏)
ﻭﺍﻧﺘﻮ ﺗﻜﻮﻧﻮ
ﺩﻳﻮﺵ ﺟﻼﺑﺔ .

ﺍﻟﻬﻼﻓﻴﺖ
ﺷﻌﺮ : ﻫﺎﺷﻢ ﺻﺪﻳﻖ
‏( 1 ‏)
ﺗﺘﺜﺎﺀﺏ
ﻭﻛﺖ ﻓﻲ ﺟﺴﻤﻚ ﺍﻟﻤﻔﺠﻮﻉ
ﺗﺘﻜﺴّﺮ
ﻧﺼﺎﻝ ﻓﻲ ﻧﺼﺎﻝ .
*****
ﻣﺎ ﻫﻤّﺎّﻛﺎ
ﻭﻻ ﻛﻔّﺎﻛﺎ
ﺃﻡ ﺻﺒﺢ ﺍﻷﻟﻢ
ﺗﺎﺭﻳﺦ
ﻭﻭﺟﻌﻮ ﻣﺴﻴﺦ
ﻻ ﺑﺘﺤﺲ ﻭﻻ ﺑﺘﻘﺎﻝ ؟
*****
ﻭﺗﺘﻌﺠﺐ
ﻭﻛﺖ ﺗﻀﺤﻚ
ﻭﺍﻧﺖ ﺍﻟﻜﻨﺖ
ﺯﻭﻝ ﺑﻜّﺎﻱ
ﻓﻲ ﻓﺮﺣﻚ
ﻭﻓﻲ ﺣﺰﻧﻚ .
ﻭﻓﻲ ﺟﻴﺪﻙ
ﺩَﺭَﻉ ﻭﺟﻌﻚ
ﺟﺮﻭﺣﻚ ﺷﺎﻝ .
*****
ﺑﻘﺖ ﺩﻣﻌﺎﺗﻚ ﺍﻟﺮﻗﺮﺍﻗﺔ
‏( ﻭﺍﻟﺸﻜﺸﺎﻛﺔ ‏)
ﻭﺍﻟﺪﻓﺎﻗﺔ
ﺑﺲ ﺿﺤﻜﺔ
ﻭﻣﻦ ﺍﻷﻣﺜﺎﻝ
ﻭﺧَﺸّﺖ
ﻣﺘﺤﻒ ﺍﻟﺘﺎﺭﻳﺦ
ﺑﻘﺖ ﺫﻛﺮﻯ
ﻭﺑﻘﺖ ﺗﻤﺜﺎﻝ .
*****
ﻭﺗﺘﺒﺴّﻢ
ﻭﻛﺖ ﺳﻴﻔﺎً
ﻳﺠﺰ ﺟﻴﺪﻙ
ﻭﻣﺎ ﺑﺘﺨﺎﻑ
ﻛﺄﻧﻮ ﺍﻟﺴﻴﻒ
ﺻﺒﺢ ﻃُﺮﻓﺔ
ﻭﺯﻭﻝ ﻋِﺮْﻓﻪ
ﻧﺼﻠﻮ ﺳﻨﻴﻦ
ﻭﺑﺮﺿﻮ ﺣﻨﻴﻦ
ﻻ ﺑﻜﺘﻞ
ﻭﻻ ﺑﺪﺧﻞ ﻧﺰﺍﻝ
ﻭﻛﺘﺎﻝ .
*****
ﺻﺒﺮﻙ ﺍﻟﻤﺠﻨﻮﻥ
ﻋﺠﻴﺐ ﻭﻏﺮﻳﺐ
ﺳﻼﺣﻚ ﺑﺲ
ﻫﻮ ﺳُﺘﺮ ﺍﻟﺤﺎﻝ .
*****
ﺃﻳﺎ ﻣﺴﻜﻴﻦ
ﻭﺳﻂ ﺍﻟﻨﺎﺱ
ﺑﻘﻴﺖ ﺑﺘﺤﺲ
ﺑﺎﻟﻮﺣﺪﺓ ﻭﺍﻟﻐُﺮﺑﺔ
ﻭﺑﺮﺍﻙ ﺗﻘﻌﺪ
ﺗﻘﻮﻝ ﻣﺤﻀﻮﺭ
ﻭﺳﻂ ﻟﻤﺔ .
*****
ﺷﻨﻮ ﺍﻟﺨﻠﻲ ﺍﻟﺤﻀﻮﺭ
ﻓُﺮﻗﺔ
ﻭﺷﻦ ﺧﻠﻲ ﺍﻟﻔﺮﺍﻍ
ﺃُﻣﺔ ؟ ! .
*****
ﻣﺎ ﺃﺻﺒﺮ
ﻋﺬﺍﺏ ﺟﻠﺪﻙ
ﺗﻤﻮﺕ ‏( ﺣﻴﺘﺎﻥ ‏)
ﺗﺤﺖ ﺗﻠﺞ ﺍﻟﺰﻣﺎﻥ
ﺃﻃﻨﺎﻥ
ﻭﺍﻧﺖ ﺗﻌﻴﺶ
ﻭﺣﺎﺭ ﺩﻣﻚ
*****
ﻭﺗﺘﺜﺎﺀﺏ
ﻭﺳﻂ ﻧﺎﺭﻙ
ﻭﻻ ﺑﺘﻔﻮﺭ
ﻋﺸﺎﻥ ﺗﺎﺭﻙ
ﻭﻻ ﺳﻜّﻴﺖ
ﻏُﺒﻦ ﻫﻠﻔﻮﺕ
ﻭﻻ ﺃﺻﺒﺢ
ﺃﺫﺍﻙ ﻫﺒﻮﺕ
ﻭﻻ ﺍﺗﻬﺎﻓَﺖّ ﻟﻲ ﻟﻤﺔ
ﺑﺮﺍﻙ ﻣﺠﺪﻭﻉ
ﻭﺯﻱ ﺣﺎﺿﺮ
ﻭﺳﻂ ﺃﻣﺔ .
*****
ﻟﻘﻴﺖ ﻭﻃﻨﻚ
ﺻﺒﺢ ﺿﺎﻣﺮ
ﻛﺴﺎﺩ ﻭﺳﻮﺍﺩ
ﻭﻛﺎﻥ ﻋﺎﻣﺮ
*****
ﻣﺮﻗﻊ ﺗﻮﺏ
ﻭﺭﺍﺱ ﻣﺸﻄﻮﺏ
ﻣﻼﻥ ﻏُﻤﺔ
ﻭﻗﻒ ﺿﻬﺒﺎﻥ
ﻭﺟﻊ ﻋﺮﻳﺎﻥ
ﻻ ﻋﺮﺍﻗﻲ
ﻻ ﺳﺮﻭﺍﻝ
ﻻ ﻃﺎﻗﻴﺔ
ﻻﻋِﻤﺔ .
*****
ﻭﺷﺎﻥ ﺗﺄﻣﻦ
ﺗﻌﻴﺶ ﻣﺮﺗﺎﺡ
ﻳﻮﺳﻮﺱ ﻟﻴﻚ
ﻋﺬﺍﺏ ﻋُﻤﺮﻙ
ﺗﺒﻴﻊ ﺭﻭﺣﻚ
ﻛﺄﻧﻚ ﻓﻲ ﺍﻟﺮﻓﻮﻑ
ﺟﺰﻣﺔ
ﺗﺒﺎﺭﻱ ﻗﻄﻴﻊ
ﻛﻼﺏ ﺯﻣﻨﻚ
ﻭﺗﺒﻘﻰ ﻣﻄﻴﻊ
ﺷﺒﺢ ﻣﻤﺴﻮﺥ
ﺻﺒﺢ
ﻻ ﻫﻤﺔ
ﻻ ﺫﻣﺔ .
*****
ﺩﻩ ﻻ ﻣﻤﻜﻦ
ﻭﻻ ﺑﻴﻜﻮﻥ
ﻭﻟﻮ ﻣﻮﺗﻚ
ﺻﺒﺢ ﻣﻀﻤﻮﻥ
ﺟﻤﻴﻞ ﺀﺍﻧﻚ
ﺗﻜﻮﻥ ﻣﻤﻜﻮﻥ
ﺗﺴﺎﻣﺮ
ﻓﻲ ﻳﺒﺎﺱ ﻭﺳﻜﻮﻥ
ﻭﻻ ﺩﻣﻌﺔ
ﻭﻻ ﺃﻧﺔ .
*****
ﻣﺎ ﺃﺭﻭﻉ
ﻋﻴﻮﻥ ﻇﻨﻚ
ﻣﺎ ﺟﺎﻓﺖ
ﺗَﻔِﺮ ﻣﻨﻚ
ﻣﺒﺎﺭﻳﺔ ﺳﻤﺎﻙ
ﻭﻻﺻﻘﺔ ﻣﻌﺎﻙ
ﺗﻘﻮﻝ ﺿُﻠﻚ .
ﺗﻜﺸﻒ ﻟﻴﻜﺎ
ﻣﻜﺮ ﺍﻟﺴﻮﺱ
ﻭﺍﻟﻤﺪﺳﻮﺱ
‏( ﻭﺭﺍ ﺍﻟﻈﺎﻫﺮ ‏)
ﺗﻘﻠّﺐ
ﻓﻲ ﻭﺭﻕ ﺣﺴﻪ
ﻭﺃﻣﺒﺎﺭﺡ
ﻭﺗﻜﺸﻒ ﻟﻴﻚ
ﺟﺮﺡ ﺑﺎﻛﺮ .
*****
ﻭﻣﺎ ﺃﺳﻤﺢ
ﻧﻀﻢ ﻗﻠﺒﻚ
ﺍﺫﺍ ﻭﺳﻮﺱ
ﻗﺮﻳﺐ ﻣﻨﻚ
ﻳﺰﺭﻉ ﻓﻲ ﺍﻟﺴﻜﻮﻥ
ﺭﻧﺔ
ﻭﻳﺮﺳﻢ ﻓﻲ ﺍﻟﻔﺮﺍﻍ
ﺟﻨﺔ .
*****
ﻣﺎ ﺑﺨﻠﻮﻛﺎ ﻓﻲ ﺣﺎﻟﻚ
ﺃﺫﺍﻫﻢ ﺑﺲ
ﻳﺮﻭﻕ ﺑﺎﻟﻚ
ﺑﺮﺍﻙ ﻣﻤﻜﻮﻥ
ﻭﻣﺎ ﺍﺗﺠﺮﺳﺖ
ﻛﺎﻳﺲ ﺍﻟﻌﻮﻥ
ﻭﻻ ﺍﺗﻬﺎﻓَﺖّ
ﻟﻲ ﻣﻤﻜﻦ
ﻭﻻ ﻣﻀﻤﻮﻥ
ﻣﺎ ﻫﻤﺎّﻛﺎ
ﻟﻮ ﻣﻘﺮﻭﺹ
ﻭﻟﻮ ﻣﺮﻛﻮﻥ .
*****
ﺍﻻ ﻋﻴﻮﻧﻬﻢ ﺍﻟﻮﺳﻮﺍﺳﺔ
ﻭﺍﻟﻜﻮﺍﺳﺔ
ﻭﺍﻟﻨﺴﻨﺎﺳﺔ
ﻭ ﺍﻟﺨﻨﺎﺳﺔ
ﺗﺤﺼﻲ ﺃﺫﺍﻛﺎ
ﻻﺻﻘﺔ ﻣﺘﺎﺑﻌﺔ
ﻛﻠﻮ ﺧﻄﺎﻛﺎ
ﻣﺎ ﺧﺎﻻﻛﺎ
ﻟﻲ ﺣﺎﻟﻚ
ﻭﺗﻔﺮﺡ
ﻟﻮ ﻭﺟﻊ ﺷﺎﻟﻚ
ﻭﻣﺎ ﻓﻴﻬﻢ
ﻟﺴﺎﻥ ﺑﺴﺄﻝ
ﻭﻳﻘﻮﻝ ﻣﺎﻟﻚ
ﻭﺃﺫﺍﻫﻢ ﺑﺲ
ﻳﺮﻭﻕ ﺑﺎﻟﻚ .
*****
ﻳﺠﻴﻚ ﺍﻟﻠﻴﻞ
ﺗﻘﻮﻝ ﻣﺮﺳﺎﻝ
ﻣﺴﺎﻣﻴﺮ ﻓﻲ ﺍﻟﺴﺮﻳﺮ
ﺗﻬﺮِﻳﻚ
ﻭ ‏( ﻧﻘﺤﻲ ﺍﻟﺼﻤﺖ
ﻟﻴﻬﻮ ﻫﺪﻳﺮ ‏)
ﻭﺍﻟﺴﻬﺮ ﻏﺮﺑﺎﻝ
ﺗَﻘَﻠّﺐ ﻓﻲ ﺍﻟﻤﻮﺍﺟﻊ
ﻧﺎﺭ
ﻻ ﻛﺐّ ﺍﻟﺪﻣﻊ
ﻣﺪﺭﺍﺭ
ﻭﻻ ﺳﺎﻗﺖ
ﻏﺒﺎﻳﻨﻚ ﺗﺎﺭ .
*****
ﺗﺮﺍﺟﻊ ﻓﻲ ﺍﻟﺨﻴﻮﻁ
ﺗﻔﺮﺯ
ﻭﻳﺼﻴﺮ
ﺷﺠﻦ ﺍﻟﻘﺼﺺ
‏( ﻣﺘﺮﺍﺭ ‏)
ﻭﺗﺘﺜﺎﺀﺏ
ﻭﺗﺘﻤﺪﺩ
ﻛﺄﻧﻮ ﻟﺤﺎﻓﻚ
ﺃﺿﺤﻲ ﺣﺮﻳﺮ
ﻭﻣﺎ ﺍْﺗﺴﺘﻒ
ﺳﻨﺎﻥ ﻣﺴﻤﺎﺭ .
*****
ﻣﺎ ﺃﻛﺮﻡ ﻋﺬﺍﺏ
ﺍﻟﻮﺣﺪﺓ
ﻟﻮ ﺟَﻼّ ﺍﻟﻌﻴﻮﻥ
ﻟﻠﺸﻮﻑ
ﻭﻣﺎ ﺃﻧﺒﻞ
ﺟﺮﻭﺡ ﻧﻔﺴﻚ
ﺍﺫﺍ ﺑﺘﺠﺎﺯﻱ ﺑﺎﻟﻤﻌﺮﻭﻑ
ﻭﻣﺎ ﺃﻓﺼﺢ
ﺳﻜﻮﻥ ﺣﺴﻚ
ﺍﺫﺍ ﺍﺗﺠﺎﻫﻠﺖ
ﺻﻮﺕ ﺗﺎﺭﻙ
ﻭﺍﺫﺍ ﻛﺴّﺮﺕ
ﺳﻮﺭ ﺍﻟﺨﻮﻑ .
*****
ﻣﺎﻙ ﻋﺎﺭﻑ
ﻛﻢ ﻓﻲ ﺍﻟﻮﺟﻊ
ﺃﺳﺮﺍﺭ ؟ !
ﻛﻞ ﻣﺎ ﺍﻟﺠﺴﺪ
ﻳﺸﻘﺎ
ﺗﺒﻠﺒﻞ ﻓﻲ ﺍﻟﻤﺴﺎﻡ
ﺍﻟﻨﺎﺭ
ﺑﺘﻔﺼﺪ
ﻋﺮﻕ ﺷﻮﻓﻚ
ﺗﺘﻤﺎﺳﻚ
ﻭﺗﺘﺒﺎﺭﻙ
ﺗﺸﻊ ﺭﻭﺣﻚ
ﺻﻔﺎ ﻭ ﺃﻧﻮﺍﺭ .
*****
ﻣﺎ ﺑﺨﻠﻮﻛﺎ
ﻓﻲ ﺣﺎﻟﻚ
‏( ﻫﻼﻓﻴﺖ ‏)
ﻣﻦ ﻳﻤﻴﻦ ﻭﻳﺴﺎﺭ
*****
ﻟﻮ ﺗﺎﻭﻗﺖ
ﺑﻲ ﻗﻠﻤﻚ
ﺗﻘﻮﻡ ﺍﻟﺪﻧﻴﺎ
ﻧﺎﺭ ﻭﻋﺼﺎﺭ،
ﻭﺗﺘﻮﺟﺲ ﻋﻘﻮﻟﻬﻢ
ﻫﻢ
ﻟﻮ ﺧﺸﻴﺖ
ﻓﻲ ﺑﻄﻦ ﺍﻟﻐﺎﺭ .
ﻟﻮ ﻣﻮﺟﻮﺩ
ﻭﻟﻮ ﻣﻔﻘﻮﺩ
ﻣﺎ ﺍﺭﺗﺎﺣﺖ
ﻧﻔﻮﺱ ﺃﻭ ﻇﻦ
ﻭﻻ ﺳﺎﺑﻚ
ﺀﺍﻧﺲ ﺃﻭ ﺟﻦ
ﻭﻻ ﻋَﺘَﻘَﻚ ﺑﻌﻴﺪ
ﺃﻭ ﺟﺎﺭ .
*****
ﻟﻮ ﻣﻔﻘﻮﺩ
ﺃﻭ ﻣﻮﺟﻮﺩ
ﺑﺮﺿﻮ
ﻓﻲ ﻋﻴﻦ
ﻧﻔﻮﺱ ﺃﺷﺮﺍﺭ
ﻫﻮ ﺣﺎﺭ
ﻓﻲ ﺣﺎﺭ .
*****
ﻫﻼﻓﻴﺖ
ﻣﻦ ﺷﺮﻕ ﻭﻏﺮﺏ
ﺻﻌﺎﻟﻴﻚ
ﻣﻦ ﺷﻤﺎﻝ ﻭﺟﻨﻮﺏ
ﻫﻮﺍﻫﻢ ﺑﺲ
ﻃﻌﻦ ﺿﻬﺮﻙ
ﻭﺷﻮﻑ ﺍﻟﺼﻮﺭﺓ
ﺑﺎﻟﻤﻘﻠﻮﺏ
ﻳﻜّﺸﺮ
ﻓﻲ ﻭﺷﻴﻜﺎ
ﻧﻤﺮ
ﻭﻳﺘﻠّﺐ
ﻓﻲ ﺭﻭﻳﺴﻚ ﺩﺏ
ﻭﺗﺘﻠﻢ ﺍﻟﻘﺮﻭﺩ
ﺗﻨﻘﺰ
ﺗﺨﺮﺑﺶ ﻓﻴﻚ
ﻭﺗﺘﺠﺎﺳﺮ
ﺭﻓِﺲ ﻭﺿﺮﺏ
ﻛﺄﻧﻚ ﻳﺎﺑﺎ
ﻭﺳﻂ ﺍﻟﻐﺎﺑﺔ
ﻛﺄﻧﻮ ﺃﺫﺍﻛﺎ
ﻧَﺺ ﻣﻨﺸﻮﺭ
ﻓﻲ ﺩﺳﺘﻮﺭ
ﻭﺻﺎﺭ ‏( ﻓﺮﻣﺎﻥ ‏) .
ﻏﺮﻳﺒﺔ ﺗﻜﻮﻥ
ﻭﺟﻊ ﻣﺠﺒﻮﺭ
‏( ﺿﺤﻚ ﻣﺤﻈﻮﺭ ‏) .
ﻭﺍﻧﺖ ﺑﺮﺍﻙ
ﻣﺎ ﻫﻤّﺎﻙ
ﻛﺎﻥ ﻃﺎﻏﻴﺔ
ﻭﻛﺎﻥ ﺃﺣﺰﺍﻥ .
*****
ﻛﻔﺎﻙ ﺗﻨﻌﺲ
ﻭﺗﺘﺜﺎﺀﺏ
ﺗﺨﺖ ﺭﺃﺳﻚ
ﻋﻠﻲ ﻭﺳﺎﺩﺓ
ﺿﻤﻴﺮ ﺀﺍﻧﺴﺎﻥ .
*****
ﻏﺮﻳﺐ
ﻓﻲ ﺳﺠﻨﻚ ﺍﻟﻤﻌﻠﻮﻡ
ﺿﺎﻗﺖ ﺣﻮﻟﻚ
ﺍﻷﺳﻮﺍﺭ
ﻭﺻﺎﺭ
ﺻﻮﺕ ﺍﻟﻮﻟﻒ
ﻣﻜﺘﻮﻡ .
ﻭﻃﻦ ﻛﺎﻥ ﺑﻴﺖ
ﻭﻛﺎﻥ ﻋﻘﺪﺍً
ﺳﻼﻡ ﻣﻨﻀﻮﻡ
ﻣﺴﺦ
ﺯﻱ ﺿﺤﻜﺔ
ﺃﻣﺪﺭﻣﺎﻥ
ﻭﻣﺎﺕ
ﺯﻱ ﺑﻬﺠﺔ
ﺍﻟﺨﺮﻃﻮﻡ .
*****
ﺗﺘﺎﻭﻕ ﻟﻠﻔﻀﺎ
ﺍﻟﻤﻮﻫﻮﻡ
ﻭﻳﻐﺸﻚ
ﻭﺵ ﺃﻣﻞ
ﻣﺮﺳﻮﻡ
ﻳﺴﻚ ﻋﻴﻨﻴﻚ
ﺗَﻐَﺎ ﺍﻟﺴﺠﺎﻥ .
ﻣﺎ ﺃﺳﺨﻒ
ﺃﻣﻞ ﻋﺮﻳﺎﻥ
ﻭﻛﺎﺳﻴﻬﻮ ﺍﻟﻮﻫﻢ
ﺑﻬﺪﻭﻡ .
*****
ﻭﺗﺘﺜﺎﺀﺏ
ﻭﺗﺘﻀﺎﺣﻚ
ﻭﺍﻧﺖ ﺍﻟﻜﻨﺖ
ﺯﻭﻝ ﺑﻜﺎﻱ
ﻓﻲ ﻓﺮﺣﻚ
ﻭﻓﻲ ﺣﺰﻧﻚ
ﻭﺟِﻦْ ﺻﻮﺗﻚ
ﻗﻠﻢ ﻣﻬﻤﻮﻡ .
*****
ﻣﻨﻮ ﺍﻟﻜﺘﻒ
ﺀﺍﻳﺪﻳﻦ ﺳﻴﻔﻚ
‏( ﻣﻨﻮ ﺍﻟﻈﺎﻟﻢ ‏)
‏( ﻣﻨﻮ ﺍﻟﻤﻈﻠﻮﻡ ‏) ؟ .
*****
ﺗﺒﺎﺭﻳﺢ
ﺑﻴﻦ ﻧﻀﺎﻝ ﻭﻧﺼﺎﻝ
ﻫﻼﻓﻴﺖ
ﺗﻔﺠﻊ ﺍﻵﻣﺎﻝ
ﺛﻮﺭﺍﺕ
ﺗﻘﻮﻡ ﻭﺗﻔﻮﺕ
ﻭﻧﻴﺮﺍﻥ
ﺗﺴﺘﺤﻴﻞ ﻫﺒﻮﺕ
ﺣﻨﺎﺟﺮ
ﺗﻨﻔﺠﺮ ﻭﺗﺠﻮﻁ
ﻭﺗﺘﺸﺮﺑﻚ ﺧﻴﻮﻁ
ﻭﺧﻴﻮﻁ
ﻭﺃﻧﻔﺎﺱ ﺗﻨﻄﻠﻖ
ﻭﺗﻨﻮﻡ .
ﺑﻠﺪ ﺣﻴﺮﺍﻥ
ﻫﺮﺵ ﺭﺍﺳﻮ
ﻭﺣﻄّﺎﺏ
ﺍﻧﻜﺴﺮ ﻓﺎﺳﻮ
‏( ﻭﻣﺎﻧﺸﻴﺖ ‏)
ﻟﻲ ﻗﻴﺎﻣﺔ ﺗﻘﻮﻡ
ﺗﺼﻴﺮ ﺑﺎﻟﺪﻫﺸﺔ
ﺯﻱ ‏( ﺭﻛﺸﺔ ‏)
ﻣﺎ ‏( ﻣﺴﻤﻮﺡ ‏)
ﺗﺼﻞ
ﺧﺮﻃﻮﻡ .
*****
ﻭﺗﺘﺜﺎﺀﺏ
ﻣﻦ ﺍﻟﺘﻌﻠﻴﻖ
ﻣﻦ ﺍﻟﺘﻠﻔﻴﻖ
ﻭﺗﻬﺮﺵ
ﻓﻲ ﺷﻌﺮ ﺭﺍﺳﻚ
ﺗﻌﺎﻳﻦ ﻓﻲ ﺍﻟﺨﺮﻳﻄﺔ
ﺗﻘﻮﻝ
- ﺑﻠﺪ ﺍﺗﻘﺼّﺎ
ﺯﻱ ﺃَﻛﻞَ ﺍﻟﻮﻃﻦ
ﺑﻌﺸﻮﻡ .
*****
ﻭﻣﺎ ﺑﺨﻠﻮﻛﺎ ﻓﻲ ﺣﺎﻟﻚ
ﺃﺫﺍﻫﻢ ﺑﺲ
ﻳﺮﻭﻕ ﺑﺎﻟﻚ
ﺑﺮﺍﻙ ﻣﻤﻜﻮﻥ
ﻭﻣﺎ ﺍﺗﺠﺮﺳﺖ
ﻛﺎﻳﺲ ﺍﻟﻌﻮﻥ
ﻭﻻ ﺍﺗﻬﺎﻓﺖ
ﻟﻲ ﻣﻤﻜﻦ
ﻭﻻ ﻣﻀﻤﻮﻥ
ﻣﺎ ﻫﻤﺎﻛﺎ
ﻟﻮ ﻣﻘﺮﻭﺹ
ﻭﻟﻮ ﻣﺮﻛﻮﻥ .
*****
ﺍﻻ ﻋﻴﻮﻧﻬﻢ ﺍﻟﻮﺳﻮﺍﺳﺔ
ﻭﺍﻟﻜﻮﺍﺳﺔ
ﻭﺍﻟﻨﺴﻨﺎﺳﺔ
ﻭﺍﻟﺨﻨﺎﺳﺔ
ﺗﺤﺼﻲ ﺃﺫﺍﻛﺎ
ﻻﺻﻘﺔ ﻣﺘﺎﺑﻌﺔ
ﻛﻠﻮ ﺧﻄﺎﻙ
ﻣﺎ ﺧﺎﻻﻛﺎ
ﻟﻲ ﺣﺎﻟﻚ
ﺗﻔﺮﺡ
ﻟﻮ ﻭﺟﻊ ﺷﺎﻟﻚ
ﻭﺃﺫﺍﻫﻢ ﺑﺲ
ﻳﺮﻭﻕ ﺑﺎﻟﻚ .
*****
ﻭﺗﺘﺜﺎﺀﺏ
ﻭﺗﺘﻀﺎﺣﻚ
ﻭﺍﻧﺖ ﺍﻟﻜﻨﺖ
ﺯﻭﻝ ﺑﻜﺎﻱ
ﻓﻲ ﻓﺮﺣﻚ
ﻭﻓﻲ ﺣﺰﻧﻚ .
*****
ﺷﺪ ﻭﺟﻌﻚ
ﻭﻣﺎ ﺗﺮﺟﻊ
ﺗﻜﺐ ﺩﻣﻌﻚ
ﺭﺗّﻞ ﻓﻲ ﺃﻏﺎﻧﻲ
ﺍﻟﻨﺎﻱ
ﻭﺃﺿﺤﻚ ﺳﺎﻱ
ﺃﺿﺤﻚ ﺳﺎﻱ
ﺃﺿﺤﻚ ﺳﺎﻱ .
ــــــــــــــ

منتدي خاص بشاعر ﻫﺎﺷﻢ ﺻﺪﻳﻖ