ﺍﻟﺒﻨـﻂ ﺑـﻲ ﺍﻟﺤﻴـــﻄـﺔ ﺧــﻠـﻲ
ﻭﺍﻟﺒﺠﻴـﻜـ ﺑـﻲ ﺍﻟﺒـﺎﺏ ﺣﺒــﺎﺑﻮ
ﺍﻟﺒﺠــﻴـﻜـ ﺑـﻲ ﻟﻬـــﻔﺔ ﻫﺴـــﺔ
ﺑــﻜــﺮﺓ ﺑﻌـﻠـــﻦ ﺍﻧﺴـــﺤﺎﺑــﻮ
ﻭﺍﻟﺒـــﺨﻮﻥ ﺭﻳـــﺪﺗــﻨﺎ ﻧﺤﻨــﺎ
ﺧـــﻠـﻲ ﺟــﺎﻫـﺰ ﻟـﻲ ﺣﺴـﺎﺑﻮ
ﺍﻟﺒـــﺮﻳﺪ ﻓـﻲ ﺍﻟـﺪﻧﻴـﺎ ﺻـﺎﺩﻕ
ﻣـﻦ ﺯﻣـﺎﻥ ﻣﻌـﺮﻭﻑ ﻋﻘــﺎﺑﻮ
ﺍﻟﺒﻌـــﺎﻣـﻞ ﺍﻟﻨـــﺎﺱ ﺑﻄــﺒﻌـﻮ
ﺍﺑــﻘـﻰ ﺿﻴـــﻊ ﻟـﻲ ﺷﺒـــﺎﺑـﻮ
ﻟـﻮ ﺑﺪﻳـﺖ ﻓـﻲ ﺣﺒـﻮ ﺗﺴـﻌﺪ
ﻓـﻲ ﺍﻻﺧﻴـﺮ ﺑﺘﺸﻮﻑ ﻋﺬﺍﺑﻮ
ﺍﺑﻘــﻲ ﺫﻱ ﻡ ﻗـﻮﻟــﺖ ﻟﻴــﻜـ
ﺍﻟﻐـــــــﺮﺍﻡ ﺍﻗـﻔﻠـــﻲ ﺑــﺎﺑــﻮ
ﻡ ﻛـــﺘﻴﺮ ﺍﻟﺮﻳـــﺪ ﻏﺸــﺎﻫـﻢ
ﺍﻟــﻰ ﻫــﻢ ﺑﺤــﺮﻗـﻰ ﻳـﺎﺑـﻮ
ﻡ ﻛــــﺘﻴـــﺮ ﺍﻟـــﻨﺎﺱ ﺑﺘــﺒﻼ
ﻭﻛــﻞ ﺫﻭﻝ ﺑﺤﻤﻞ ﻣﺼﺎﺑــﻮ
ﻛــﻞ ﺫﻭﻝ ﺑﻴــﻼﻗـﻲ ﻗـﺪﺭﻭ
ﻭﻣـﺎﻓﻲ ﺫﻭﻝ ﻓﺎﻳـﺖ ﻛﺘﺎﺑﻮ
ﻣﺎﻓﻲ ﺫﻭﻝ ﻓﻲ ﺍﻟﺮﻳﺪ ﺑﻤﻮﺕ
ﺑﺲ ﻋﺸﺎﻥ ﻣﺤﺒﻮﺑﻮ ﺳﺎﺑﻮ

ﻭﺯﻱ ﻋﺼﻔﻮﺭ ﺻﺒﺎﺣﻮ ﺑﻴﻌﻠﻦ ﺍﻟﻔﺮﺣﺔ
ﻭﻳﻐﻨﻲ ﺍﻟﺮﻳﺪﺓ ﻟﻲ ﺷﻤﺴﻮ
ﻋﺮﻭﺳﻮ ﺍﻟﻼﺑﺴﺔ ﻣﻦ ﺍﻟﻨﻮﺭ
ﻭﻣﻦ ﻭﻫﺞ ﺍﻷﻣﻞ ﻃﺮﺣﺔ
ﻭﻻ ﺷﺎﻳﻞ ﻫﻤﻮﻡ ﺑﻜﺮﺓ
ﻭﻻ ﻓﻲ ﺑﺎﻟﻮ ﻫﻢ ﺃﻣﺴﻮ
ﻭﺻﻮﺗﻮ ﺑﺠﺪﺩ ﺍﻵﻣﺎﻝ
ﻭﻻﻣﻦ ﻳﺘﻌﺒﻮ ﺍﻟﺘﺮﺣﺎﻝ !!!
ﻳﻮﺷﻮﺵ ﻟﻠﻐﺼﻦ ﺗﻌﺒﻮ
ﻭﻳﻐﺮﺩ ﺑﺎﻟﺨﻄﺮ ﻓﻲ ﺍﻟﺒﺎﻝ
ﻳﺴﺎﻓﺮ ﺑﻲ، ﺑﻲ ﺣﻠﻢ ﻣﻔﺮﻭﺩ
ﻭﻣﻮﻋﺪ ﺗﺎﻧﻲ ﻟﻠﻌﻮﺩﺓ
ﻫﻮ ﺣﺮ ﺇﺣﺴﺎﺳﻮ ﻣﺎ ﻣﺤﺪﻭﺩ
ﻭﺑﻨﺸﺪ ﺃﺣﻠﻰ ﺍﻧﺸﻮﺩﺓ
ﻣﺤﻞ ﻣﺎ ﺭﻳﺢ ﺧﻄﺎﻫﻮ ﺗﻘﻮﺩ
ﺩﺭﻭﺑﻮ ﻭﺗﺮﺿﻲ ﻣﺮﻳﻮﺩﺍ
ﺑﻴﻘﻮﻝ ﻣﻮﺍﻝ …
ﺣﺒﻴﺒﻲ ﺍﻟﺴﺎﻓﺮ ﺃﻣﺒﺎﺭﺡ
ﻭ ﻟﻠﺮﻭﺡ ﻣﺎﺳﻜﺖ ﻫﻤﺴﻮ
ﻛﻤﺎ ﺍﻟﻌﺼﻔﻮﺭ
ﺻﺒﺎﺣﻮ ﺑﻴﻌﻠﻦ ﺍﻟﻔﺮﺣﺔ
ﻭﻳﻐﻨﻲ ﺍﻟﺮﻳﺪﺓ ﻟﻲ ﺷﻤﺴ

ﻣﺴﻚ ﺃﺻﻠﻚ
ﻭﻣﻦ ﺃﺻﻞ ﺍﻟﻌﻄﺮ ﺳﺎﺳﻚ
ﻋﻠﻲ ﺍﻟﺼﻨﺪﻝ ﻣﺮﻕ ﻧﻔﺴﻚ
ﺣﻼﻭﺓ ﻋﻮﺩﻭ ﺃﻧﻔﺎﺳﻚ
ﺑﺨﻮﺭ ﺗﻴﻤﺎﻥ ﺗﺠﻴﺒﻲ ﺍﻟﺨﻴﺮ
ﺯﻫﻮﺭ ﻳﺎﺳﻤﻴﻦ ﺑﺴﻴﻤﺎﺗﻚ
ﺣﻼﻭﺓ ﺍﻟﻜﻠﻤﺔ ﻓﻲ ﺧﺸﻴﻤﻚ
ﻋﻠﻲ ﺍﻟﻨﻴﻠﻴﻦ ﺗﺼﺐ ﻋﺴﻼ
ﻋﺬﻭﺑﺔ ﺍﻟﻨﻴﻞ ﻛﻠﻴﻤﺎﺗﻚ
ﻭﻃﻴﺒﺔ ﺭﻭﺡ
ﺗﺨﻀﺮ ﻟﻠﺸﺠﺮ ﺗﺮﻣﻲ ﻭﺗﺨﺖ ﺍﻟﻀﻞ
ﺗﺠﻔﻒ ﻟﻠﻌﺮﻕ ﺗﺤﻤﻲ ﺍﻟﻐﻼﺑﺔ
ﺗﺰﻳﻞ ﻫﻤﻮﻡ ﺍﻟﻨﺎﺱ ﻋﻮﻳﻨﺎﺗﻚ
ﻭﻧﻮﺭ ﻭﺷﻚ ﻋﻠﻲ ﺍﻟﻘﻤﺮﻩ ﻋﻜﺲ ﻧﻮﺭﻭ
ﻭﺿﻮﺍ ﺍﻟﻠﻴﻞ ﻟﻤﻦ ﺻﺒﺤﺖ
ﺑﺮﻕ ﺷﻊ ﺷﻠﻊ ﻧﻮﺭﺍ
ﺃﺗﺎﺭﻱ ﺍﻟﺪﻧﻴﺎ ﻟﺴَّﻊ ﻟﻴﻞ
ﺩﺓ ﻧﻮﺭ ﺫﺍﺗﻚ
ﺣﻼﻭﺓ ﺍﻟﺪﻧﻴﺎ ﺑﺴﻤﺔ ﺃﻡ
ﻭﻓﻲ ﺍﻵﺧﺮﺓ ... ﺟﻨﺎﻥ ﺍﻟﻤﻮﻟﻰ ﻃﺎﻋﺎﺗﻚ

ﻭﺍﻟﺮﻳﺪﻩ ﻣﺎﻋﺎﻳﺰﻩ ﺍﻟﻜﺘﻴﺮ ...!!
ﻏﻴﺮ ﺍﻫﺘﻤﺎﻡ ﻭﻗﺘﻴﻦ ﺗﻐﻄﻴﻚ ﺍﻟﻬﻤﻮﻡ ..
ﻏﻴﺮ ﻭﻗﻔﻪ ﺿﺪ ﺍﻟﻜﻮﻥ ﺗﻜﻮﻥ ..
ﺑﺲ ﺑﻌﺪ ﺍﺫﻧﻚ ..
ﻟﻤﻦ ﺗﻮﻋﺪ ﺧﻠﻲ ﻣﻴﻌﺎﺩﻙ ﺑﺪﺍﻳﻪ ;
ﻭﻟﻤﺎ ﺗﺨﻠﺺ ﺍﺑﻘﻲ ﻣﺨﻠﺺ ﻟﻠﻨﻬﺎﻳﻪ ..
ﻭﺧﻠﻴﻨﺎ ﻓﻴﻨﺎ ..
ﻧﻨﺴﻲ ﻛﻞ ﺍﻟﻬﻢ ﻭﺭﺍﻧﺎ
ﻭﺧﻠﻴﻨﺎ ﻓﻴﻨﺎ ..
ﻧﻨﺪﻩ ﺍﻻﻓﺮﺍﺡ ﺗﺠﻴﻨﺎ ..
ﻭﻳﺎﻣﻜﻔﻴﺎﻧﻲ || ﻭﺭﻳﺪﻱ ﻛﻠﻮ
ﻭﻳﺎﻣﻐﺮﻗﺎﻧﻲ ﺷﻮﻕ ﻭﺭﻳﺪ
; ﻭﻳﺎﻣﺤﺴﺴﺎﻧﻲ ﺍﻧﻲ ﻟﻴﻚ
ﺭﻳﺪﻙ ﺍﻧﺖ ﻛﺎﻓﻴﻨﻲ ﻭﻣﻌﺬﺏ ﻗﻠﺒﻲ ﺑﺎﻻﺷﻮﺍﻕ
ﺑﺮﻳﺪﻙ ﺍﻧﺖ ﻣﺎﻏﻴﺮﻙ ﻳﺎﺯﻭﻟﻲ ﺟﺪ ﺑﻬﻮﺍﻙ
ﺻﻮﺕ ﺍﻟﻨﻔﺲ ﺍﻟﻄﺎﻟﻊ ﻣﻨﻚ ..
ﻭﻟﻤﺴﺔ ﺍﻳﺪﻙ ﻭﺿﺤﻜﻪ ﻋﻴﻨﻚ ..
ﻏﻠﺒﻦ ﻓﻴﻨﻲ ﺳﻨﻴﻦ ﺍﺣﺰﺍﻧﻲ

ﻳﺎﺯﻭﻝ ﻳﺎﻛﻴﻒ ..
ﻳﺎﻣﻄﺮﻩ ﺗﺮﺵ
ﻓﻰ ﻋﺰ ﺍﻟﺼﻴﻒ
ﻳﺎﺭﻭﺡ ﺑﺘﻘﺶ
ﺟﻮّﺍﻯ ﺍﻟﺰﻳﻒ
ﻃﻤﻨِّﻰ ﻋﻠﻴﻚ
ﻭﺭﻳﻨﻰ ﻭﺣﺎﺗﻚ
ﻋﺎﻣﻞ ﻛﻴﻒ .. ؟
ﻓﺎﻗﺪﺍﻙ ﺍﻟﺮﻭﺡ
ﻟﻰ ﻭﻳﻦ ﻣﺎﺗﺮﻭﺡ
ﺍﻟﻘﻠﺐ ﻳﻨﻮﺡ
ﻳﺒﺮﺍﻙَ ﻣﺤﻞ ﻣﺎﺗﺮﺳﻰ ﺧﻄﺎﻙ
ﺑﻰ ﺷﻮﻕ ﻣﻔﺘﻮﺡ ..!!
ﺗﺘﺬﻛَّﺮ ﻳﻮﻡ ﻣﺎﻛﻨﺖ ﻣﻌﺎﻯ ؟؟
ﻭﺍﻧﺎ ﻣﺎﻧﺴَّﺎﻯ ..
ﺃﻧﺎ ﻛﺎﻥ ﻻﻗﻴﺘﻚ ﺁﺧﺮ ﺍﻟﻠﻴﻞ
ﺟﻮّﺍﺕ ﺍﻟﻜﺎﺱ
ﻳﻮﻡ ﻛﻨﺖ ﺑﺮﺍﻯ ..!!!
ﺷﺮّﻳﺘﻮ ﻏﻨﺎﻯ
ﻗﺪّﺍﻡ ﺍﻟﺮﻳﺢ
ﺳﺎﻣﺮﻧﻰ ﺻﺪﺍﻯ
ﺑﻰ ﻋﺸﻖ ﺟﺮﻳﺢ
ﻭﺍﻟﻨﺎﺱ ﺑﺘﺼﻴﺢ
ﻓﻰ ﻳﻮﻡ ﺑﻜَّﺎﻯ ..!!!
ﺗﺘﺬﻛَّﺮ ﻳﻮﻡ ﻣﺎﻛﻨﺖ ﻣﻌﺎﻯ .. ؟؟
ﻳﻮﻡ ﻛﺎﻥ ﺑﻴﻨﺎﺗﻨﺎ
ﺍﻟﺪﻧﻴﺎ ﺧﺮﻳﻒ
ﻭﻛﺎﻥ ﻧُﻘَّﺎﻁ ﺍﻟﻤﻄﺮﻩ
ﺧﻔﻴﻒ ..
ﻭﻛﺎﻥ ﺇﺣﺴﺎﺱ ﺍﻟﻘﻌﺪﻩ
ﻟﻄﻴﻒ ..
ﺑﺲ ﻛﺎﻥ ﻳﻮﻡ ﺑﺎﻛﺮ
ﺷﻜﻠﻮ ﻣﺨﻴﻒ ..
ﻳﺎﺯﻭﻝ ﻳﺎ ﻣﺎﺩِّﻯ ﺍﻟﺪﻧﻴﺎ ﻧﻀﺎﺭ
ﺑﻰ ﺣُﺰﻥ ﺷﻔﻴﻒ ..!!!
ﺗﺘﺬﻛَّﺮ ﻳﻮﻡ ﻣﺎﻛﻨﺖ ﻣﻌﺎﻯ .. ؟؟
ﻭﺍﻧﺎ ﻣﺎﻧﺴَّﺎﻯ ..
ﻳﺎ ﺃﺟﻤﻞ ﻣﺎ ﻏﻨّﺎﻫﻮ ﻏﻨﺎﻯ
ﻳﺎ ﻭﻋﺪ ﺟﻤﻴﻞ
ﺇﺗﻔﻀَّﻞ ﺟﺎﻯ
ﺃﻧﺎ ﻋﺎﺯﻣﻚ ﻓﻰ ﺟﻮّﺍﻳﺎ
ﻣﻘﻴﻞ ..
ﻳﺎ ﺯﻭﻝ ﻳﺎ ﻧﻴﻞ

زولا ً ردتو يا قلبي وسقيتو محنة
قدّس ريدو تقديس من تِبِع يوحنا
الجواك خدّر زي فريع الحنة
مالو عليك لا هزّا البعاد لا حنّ
...
مصيبتك انت ما بتسمع كلام هاديك
افكّك من دي ألقاك إنقرن في ديك
مما قمت تزرع ما مطِر واديك
حالك إحنن الشما ت وإخافو عليك
…
عارفك انت يا قلبي الغرام ماك زولو
ما بتقدر علي محنو وبشاتنو وهولو
الفي الدنيا باري الريدة اهلنا بقولو
زي موت الشدر بتكتلو واقف طولو
…
شقاوتك انت في زول اصلو ما لاقتني
جاري معاك لامتين السنين سرقتني
ريدتا ً بالمآاااسي والندم شقّتني
عقبان تاني في عمري العزيز لحقتني
…
قبيل ما قلت ليك يا قلبي ارقد نوم
براك مشيت تفتش لي المصايب وتحوم
جيتني مجرجر الخيبة وتشيل وتلوم
انا إن دايرني اسويلك؟ براي مهموم
…
حزنان ديمة بين الناس مِمسِّخ عيدي
ياريت لو سعادتك والنصيب في إيدي
قول لي ملهمت فني وغناي وقصيدي
حظي معاك دايماً كُجْ وناجع صيدي
…
يا قلبي الزمان عندك شموخ وجسارة
هسي جلبت لي روحي الغبين وحسارا
قول لي مِسْكة اب نيف الحَتَل في السّارة
عيشتي براكي في الدنيا وحياتي خسارة

ﻫﻴﺎ .. ﺣﻮﺭﻳﺔ ﺍﻟﻤﻄﺮﺓ !!
ﻧﻀﺎﻝ ﺣﺴﻦ ﺍﻟﺤﺎﺝ
ﻣﺨﻴﺮ ﺍﻟﻠﻪ .. ﻻ ﺷﺎﻟﺖ ﻣﻄﺮﺓ ﺍﻟﺨﻴﺮ ﻭﻻ ﻣﻦ ﺍﻟﻮﺟﻊ ﺻﺒﺖ
ﻭﻻ ﻛﺘﻞ ﺍﻟﻀﻼﻡ ﺣﺴﻚ ﻭﻻ ﺭﻳﺢ ﺍﻟﻜﻼﻡ ﻫﺒﺖ
ﻣﺤﻞ ﻣﺎ ﺗﻨﻮﺭﻕ ﺍﻟﺤﻤﻰ ﻭﻣﺤﻞ ﺣﻴﻞ ﺍﻟﺼﺒﺮ ﻣﺎ ﺍﻧﺒﺖ
ﻣﺤﻞ ﺗﺒﺪﺃ ﺍﻟﻘﺼﻴﺪﺓ ﺍﻟﺒﻮﺡ ﺗﻜﻮﻥ ﺑﺖ ﺍﻟﻘﺼﻴﺪﺓ ﺃﺑﺖ
ﺷﻬﻮﺭ ﻭﺍﻟﺠﺘﺔ ﻓﺎﻗﺪﺓ ﺍﻟﺮﻭﺡ ﺗﺴﺎﺳﻖ ﺑﻴﻦ ﻇﻨﻮﻥ ﺍﻟﻤﻮﺕ
ﻭﻣﻮﺟﻮﻉ ﺍﻟﺒﺤﺮ ﺳﺎﻛﺖ ﺑﺤﻨﺲ ﻻ ﻟﺴﺎﻥ ﻻ ﺻﻮﺕ
ﺧﺒﺎﺭﻭ ﻭﻛﺖ ﺭﻗﺪ ﻓﺮﺣﻚ ﻣﻤﺪﺩ ﻓﻲ ﺍﻟﻐﻨﺎ ﻭﻣﺨﺘﻮﺕ
ﻭﻻ ﻏﻨﻴﺘﻲ ﻟﻠﺠﺎﺗﻚ
ﻭﻻ ﻋﺰﻳﺘﻲ ﻓﻲ ﺍﻟﻔﺎﺗﻚ
ﺧﺒﺎﺭﻙ ﻳﻌﻨﻲ ﻋﺎﺩ ﻻﻣﺘﻴﻦ ﺗﺤﻨﺴﻲ ﻓﻲ ﺍﻟﺴﻜﺎﺕ ﻳﻨﻀﻢ
ﻋﺸﺎﻥ ﻳﺘﺮﺟﺎ ﻛﻢ ﺃﺳﺘﺎﺫ ﺑﻌﺪ ﻛﺘﺒﻨﻮ ﺍﻟﻔﺎﺗﻚ
ﺧﺒﺎﺭﻙ ﻟﻮﻧﻚ ﺍﺗﺪﻓﻖ ﻋﻠﻰ ﻭﺟﻊ ﺍﻟﻨﺤﻴﺐ ﺗﺎﺑﻮﺕ
ﺧﺒﺎﺭﻙ ﻻ ﻟﺴﺎﻥ ﻻ ﺻﻮﺕ
ﻣﻮﺍﻭﻳﻞ ﺗﺎﻳﻬﺔ
ﻻ ﺍﺭﺗﺎﺣﺖ ﺧﻄﺎﻙ ﻻ ﺟﻔﺖ ﺍﻷﺣﺰﺍﻥ ﻭﻻ ﺭﺑﺖ ﻋﻠﻰ ﻛﺘﻔﻚ ﺟﻨﺎﻙ ﻻ ﺟﺎﻙ
ﺧﺒﺎﺭﻙ ﺻﺎﺣﻴﺔ ﺁﺧﺮ ﺍﻟﻠﻴﻞ ﻭﻣﺎﻟﻮ ﺍﻟﻠﻴﻞ ﺩﺍ ﻣﺎ ﺣﺠﺎﻙ
ﻭﻣﺎﻟﻮ ﺃﻛﺎﻥ ﺑﺮﺍﺡ ﺍﻟﻜﻮﻥ ﻣﺮﻕ ﻣﻦ ﻓﺠﺘﻮ ﻭﻓﺠﺎﻙ
ﺧﺒﺎﺭﻙ ﺿﺎﻳﻘﺔ ﻓﻲ ﻭﺷﻚ ﻭﺳﺎﻋﺎﺕ ﺍﻟﻔﻀﺎ ﺍﻟﻔﺎﻳﻘﺔ
ﻭﺧﺒﺎﺭﻙ ﺿﻘﺘﻲ ﻣﺎ ﻗﺒﺎﻝ ﺃﻛﺎﻥ ﺍﻟﺪﻧﻴﺎ ﺟﺖ ﺑﺘﺠﻴﻚ ﻭﻛﺖ ﺗﺸﻜﻲ ﻭﺗﻜﻮﻥ ﺿﺎﻳﻘﺔ
ﺧﺒﺎﺭﻙ ﺳﺎﻛﺘﺔ ﻻ ﺑﺘﻨﻮﺣﻲ ﻻ ﺑﺘﺒﻮﺣﻲ
ﻻ ﺑﺘﻮﺣﻲ ﻻ ﺑﺘﺰﺣﻲ
ﻣﺎﻟﻚ ﻭﻳﻌﺮﻓﻮﻟﻚ ﻛﻴﻒ ﻭﺻﻤﺘﻚ ﺳﺎﻭﺍ ﻟﻴﻜﻲ ﺣﺠﺎﺏ ﻭﺑﻴﻬﻮ ﺍﻟﻨﺎﺱ ﺗﻘﻮﻝ ﺭﺍﻳﻘﺔ
ﻭﻗﻤﻴﺺ ﺍﻟﺮﻭﺡ ﻭﺧﻴﻞ ﺍﻟﻬﻢ ﺩﺍ ﻫﺴﻲ ﻟﺤﺪﻱ ﻭﻳﻦ ﺳﺎﻳﻘﺔ؟
ﺧﻼﺹ ﺍﺗﻤﺪﺩ ﺍﻷﺫﺍﻥ
ﺧﻼﺹ ﺷﺒﻊ ﺍﻟﻘﻠﺐ ﺃﺣﺰﺍﻥ
ﺃﻣﺮﻗﻲ ﻋﺸﺎﻥ ﻭﻻﺩ ﺍﻟﻐﻨﻮﺓ ﻣﺎﺗﻮﺍ ﺟﺎﻋﻮﺍ ﻭﺷﺒﻌﻮﺍ ﻭﺟﻌﺔ ﻭﺫﻝ
ﺃﻣﺮﻗﻲ ﻋﺸﺎﻥ ﺗﺠﻲ ﺍﻟﻘﻤﺮﺓ ﻭﻋﺸﺎﻥ ﻳﻐﺸﻰ ﺍﻟﻨﻬﺎﺭﺍﺕ ﺿﻞ
ﺃﻣﺮﻗﻲ ﻋﺴﻰ ﺍﻟﻘﺼﻴﺪﻩ ﺗﺠﻲ ﻭﻋﺴﻰ ﺍﻟﺠﻮﻉ ﺍﻟﻬﺮﺩ ﻛﺒﺪﺓ ﺳﻨﻴﻨﻲ ﺍﻟﻌﺠﻔﺎ ﻳﻠﻘﻰ ﺗﻜﻞ
ﺃﻣﺮﻗﻲ ﻭﻣﺪﻱ ﺇﻳﺪ ﺍﻟﺤﻦ ﻭﻗﻮﻝ ﻟﻲ ﻫﺎ ﺍﻟﺠﻔﺎ ﺍﻟﻤﺎﻟﻚ ﻣﻔﺎﺗﻴﺢ ﻗﻮﻟﻨﺎ ﻫﺎﻛﺎ ﺃﻛﻞ
ﻭﻻ ﻛﻠﺖ ﻭﻻ ﻣﻠﺖ
ﻭﻻ ﻣﺮﻗﺖ ﻭﻻ ﻗﺎﻟﺖ
ﻭﻻ ﺑﻴﻦ ﺍﻟﺒﻴﻮﺕ ﻓﻠﺖ
ﻭﻻ ﺑﻦ ﻧﺎﺳﺎ ﺍﺗﻌﺎﻟﺖ
ﻭﻻ ﺭﻏﻢ ﺍﻟﻨﻮﻳﺢ ﻃﻠﺖ
ﻭﻻ ﺧﺘﺖ ﻭﻻ ﺷﺎﻟﺖ
ﻭﻻ ﻓﺮﺣﺔ ﻫﻮﺍﻙ ﻃﻠﺖ
ﻭﻻ ﺩﻣﻌﺔ ﺷﻘﺎﻙ ﺳﺎﻟﺖ
ﻭﻻ ﺯﺍﻟﺖ
ﺣﺰﻥ ﻣﻨﺸﺮﻱ ﺿﺪ ﺍﻟﻨﻴﻞ
ﺗﺴﺎﺑﻖ ﻓﻲ ﻧﻬﺎﺭ ﺍﻟﻨﺎﺱ ﻋﺸﺎﻥ ﺗﺴﺘﺮ ﻓﺠﺎﻳﻊ ﺍﻟﻠﻴﻞ
ﻭﺟﻊ ﻫﺪ ﺍﻟﺠﺒﺎﻝ ﻭﺭﺟﻊ ﺭﺟﺎﻙ ﻓﺘﺮﺍﻥ ﻭﻓﺎﻗﺪ ﺍﻟﺤﻴﻞ
ﻣﻜﻠﻔﺔ ﺗﺪﻱ ﺇﻧﺘﻲ ﻣﺮﻭﺓ ﺧﺎﺑﺮ ﻛﻢ ﻭﺟﺎﻳﻌﻚ ﺳﻴﻞ
ﻫﺎ ﻣﺎ ﺗﻨﺪﺳﻲ ﻓﻲ ﺣﺰﻧﻚ
ﻭﻻ ﺗﺮﺟﻲ ﺍﻟﻤﻄﺮ ﻳﻨﺰﻝ ﻗﺒﻞ ﺗﺪﻱ ﺍﻟﺒﺤﺮ ﺇﺫﻧﻚ
ﻭﻻ ﻗﺪﺭﻙ ﻏﻨﺎﻙ ﺍﻟﻤﺮ ﻭﻻ ﺑﺘﺤﻤﻞ ﺍﻷﻟﻢ ﺍﻟﺘﻘﻴﻞ ﻭﺯﻧﻚ
ﻭﻻ ﺑﺘﺪﻱ ﺍﻟﻜﻀﺐ ﺃﺫﻧﻚ
ﻫﻴﺎ ﺣﻮﺭﻳﺔ ﺍﻟﻤﻄﺮﺓ
ﻫﺪﻳﻚ ﺍﻟﺪﻧﻴﺎ ﻭﺍﻗﻔﺎﻟﻚ
ﺃﻣﺎﻧﺔ ﻭﻟﻮﻋﺘﺎ ﻭﺧﻄﺮﻩ
ﺑﻄﻮﻥ ﺍﻷﻣﺔ ﺑﻲ ﺑﻄﺮﺓ
ﻋﻠﻴﻚ ﺍﻟﻠﻪ ﺍﻟﻘﻠﻮﺏ ﺍﻟﻨﺎﺱ ﻋﻠﻰ ﺍﻟﺪﻳﻦ ﺍﻟﻘﻮﻳﻢ ﻓﻄﺮﻩ
ﺃﻣﺮﻗﻲ ﻭﺑﺸﺮﻱ ﺍﻷﻣﺎﺕ
ﺯﻏﺎﺭﻳﺪ ﺍﻟﻮﺟﻊ ﻣﺮﻗﻦ ﻭﻛﺖ ﺷﺎﻓﻊ ﺳﻌﺎﺩﺗﻚ ﻣﺎﺕ
ﺣﺮﻳﻢ ﺷﺪﺭ ﺍﻟﺤﺮﺍﺯ ﺭﺟﻦ ﺍﻟﺨﺮﻳﻒ ﺑﻲ ﺿﺤﻜﺔ ﻣﻨﻠﻤﺎﺕ
ﻭﺭﺍﺟﻨﻚ
ﻗﺒﻞ ﻣﺎ ﺗﻔﻮﺗﻲ ﻛﺎﻧﻮﺍ ﺍﻟﻨﺎﺱ ﺑﻤﻮﺗﻮﺍ ﻣﺤﺒﺔ ﻓﻲ ﺣﻨﻚ
ﻫﺪﻳﻞ ﻧﺴﻮﺓ ﻣﺪﻳﻨﺔ ﺍﻟﺮﻭﺡ ﻣﻊ ﺍﻣﺮﺃﺓ ﺍﻟﻌﺰﻳﺰ ﺟﻨﻚ
ﺑﻌﺰﻧﻚ ﻋﻠﻰ ﺇﻧﻚ ﻣﺮﻗﺘﻲ ﻣﻦ ﺍﻟﺴﻌﺎﺩﺓ ﺿﺤﻰ ﻭﻣﺮﻕ ﻭﺟﻊ ﺍﻟﻮﻃﻦ ﻣﻨﻚ
ﻭﻟﺪﺗﻲ ﺑﻌﺪ ﻓﺠﻴﻌﺔ ﻭﺧﻮﻑ
ﻇﺮﻭﻓﻚ ﻣﺎﻫﺎ ﺃﻱ ﻇﺮﻭﻑ
ﻭﻗﻒ ﺣﺎﻝ ﺍﻟﺰﻣﻦ ﺟﺮﻳﺘﻲ ﺑﻴﻚ ﺟﻴﺐ ﺍﻟﻔﺮﺍﻍ ﻣﺴﺮﻭﻑ
ﻧﻬﺰ ﻗﺪﺭﻙ ﻗﻔﺎﻙ ﻭﺭﺿﻴﺘﻲ ﻳﻌﻨﻲ ﻋﺸﺎﻥ ﺃﺳﺎﻙ ﻣﻌﺮﻭﻑ
ﻗﻨﻌﺘﻲ ﻣﻦ ﺍﻟﺴﻤﻊ ﻭﺍﻟﺠﺘﺔ ﻣﻦ ﻧﺒﺾ ﺍﻟﺤﻨﻴﻦ ﻭﺍﻟﺠﻮﻑ؟
ﻫﺎ ﻣﺎﻟﻚ ﻭﻣﺎﻝ ﺑﻨﺎﺕ ﺍﻟﺪﻣﻌﺔ ﻭﺍﻷﻟﻢ ﺍﻟﺒﻤﺮﺽ ﺍﻟﺠﻮﻑ
ﻭﻣﺎﻟﻚ ﻭﻣﺎﻝ ﺧﻼﻳﻖ ﺭﺍﻗﺪﺓ ﻓﻲ ﺟﻠﺒﺎﺏ ﻋﺸﻢ ﻣﻜﻔﻮﻑ
ﻭﻣﺎﻟﻚ ﻭﻣﺎﻝ ﺣﻨﻴﻨﻚ ﺇﻧﺘﻲ؟
ﻣﺎ ﻗﺒﺎﻝ ﺷﺤﺪﻧﺎ ﺍﻟﻘﻤﺮﺓ ﺗﻄﻠﻌﻲ ﻣﻨﻬﺎ ﻭﻣﺎ ﺑﻨﺘﻲ
ﻣﺎﻟﻮ ﻛﻨّﺎ ﻧﺤﻦ ﺿﺤﻜﻨﺎ ﻟﺤﻈﺔ ﻭﺟﻌﺔ ﻣﺎ ﻛﺎﻥ ﺑﻨﺘﻲ
ﻟﻮ ﻋﻤﺮ ﺍﻟﻔﺮﺡ ﺃﻭﺟﺎﻋﻨﺎ ﻣﺎ ﻛﺎﻥ ﻓﻲ ﻗﻠﻮﺑﻨﺎ ﺳﻜﻨﺘﻲ
ﻳﺎ ﺣﻮﺭﻳﺔ ﺍﻟﻤﻄﺮﺓ ﺍﻟﻬﻼﻛﻚ ﻋﻨﺪ ﺃﺟﺎﻭﻳﺪﻙ
ﺧﺒﺎﺭﻙ ﺭﺍﻛﺰﺓ ﻟﻠﺮﻣﻀﺎ ﻭﻫﺪﺍ ﺍﻟﻀﻞ ﻛﻠﻮ ﻓﻮﻕ ﺇﻳﺪﻙ
ﺧﺒﺎﺭﻙ ﻻ ﻭﺟﻊ ﻫﺰﺍﻙ ﻭﻻ ﺣﺰ ﺍﻟﺰﻣﻦ ﺟﻴﺪﻙ
ﻭﻻ ﻛﺤﻞ ﺍﻟﻌﻤﻰ ﻋﻴﻮﻧﻚ ﻭﻻ ﺍﻧﻜﺴﺮﻥ ﻣﺮﺍﻭﻳﺪﻙ
ﻭﻻ ﺷﻔﻌﻮﻟﻚ ﺍﻟﺮﺍﺩﻭﻙ ﻭﻛﻞ ﺍﻟﺪﻧﻴﺎ ﺑﺘﺮﻳﺪﻙ
ﻫﻴﺎ ﺣﻮﺭﻳﺔ ﺍﻟﻤﻄﺮﺓ

الشاعرة نضال حسن الحاج

نقدم لكم جميع اشعارة