ﻗﺎﻟﻮﺍ ﻋﺮﺏ ﺟﺰﻳﺮﺓ ﻗﻠﻨﺎ ﺗﺐ ﺭﺍﺿﻴﻦ
ﻭﻗﺎﻟﻮﺍ ﺃﻫﻞ ﺍﻟﻌﻮﺽ ﻗﻠﻨﺎ ﻣﺎﻧﺎﻛﺮﻳﻦ
ﻳﻜﻔﻴﻨﺎ ﺷﺮﻑ ﺍﻟﻜﻠﻤﺔ ﺍﻟﺒﻴﻬﺎ ﻣﻌﺮﻭﻓﻴﻦ
ﻳﺎﻋﺮﺑﻲ ﺍﻟﺠﺰﻳﺮﺓ ﺍﻧﺖ ﺯﻳﻚ
ﻭﻳﻦ؟؟؟
ﻳﺎﻋﺎﺻﻤﺔ ﺍﻟﺴﺠﻢ ﺍﻧﺎ ﻋﻨﺪﻱ
ﻟﻴﻚ ﺳﺆﺍﻝ
ﻟﻮ ﻣﺎ ﻗﻄﻦ ﺍﻟﺠﺰﻳﺮﺓ ﻣﻦ ﻭﻳﻦ ﻟﻘﻴﺘﻲ
ﺍﻟﻤﺎﻝ؟؟
ﻭﻟﻮﻻ ﺭﺟﺎﻝ ﺍﻟﺠﺰﻳﺮﺓ ﻣﺎﻛﻨﺖﻱ
ﻓﻲ ﺃﺣﺴﻦ ﺣﺎﻝ !!
ﻭﻟﻮ ﻣﺎ ﺧﻴﺮ ﺍﻟﺠﺰﻳﺮﺓ ﻛﺎﻥ ﻣﺘﻲ
ﺟﻮﻉ ﻭﺃﻫﻤﺎﻝ !!
ﺍﻟﺘﺤﻴﺔ ﻟﻲ ﺍﻱ ﺯﻭﻝ ﻣﻦ ﺍﻟﺠﺰﻳﺮﺓ ﺍﺭﺽ ﺍﻟﻤﺤﻨﻩ
ﻭﻣﺎﻟﻬﺎ ﺍﻟﻌُﺮﻭﺑﺔ ﺃﻟﻴﺴﺖ ﻫﻲ ﺗﻠﻜﻢ ﺍﻟﻬُﻮﻳﺔ ﺍﻟﺘﻲ ﻳﺘﺒﺎﻫﻰ ﺑﻬﺎ ﺑﻌﻀُﻨﺎ ﻭﺑﺎﻻﻧﺘﺴﺎﺏ ﺇﻟﻴﻬﺎ ﺃﻡ ﺭُﺑﻤﺎ
ﻋُﺮﻭﺑﺔ ﺃﺧﺮﻯ ﻳﻌﻨﻴﻬﺎ ﻫﺆﻻﺀ ﺗﻌﻨﻲ ﻋﻨﺪﻫﻢ ﺍﻟﺘﺨﻠﻒ ﻭﺍﻟﺠﻬﻞ ﻭﺍﻻﻧﺤﻄﺎﻁ ﺍﻟﺜﻘﺎﻓﻲ .. ؟
ﻻ ﻳﻬُﻢ ﻣﺎ ﻳﻌﻨﻴﻪ ﻫﺆﻻﺀ ﻭﻟﻜﻨﻬﺎ ﺟُﻤﻠﺔ ﻻ ﺗﺼﺪُﺭ ﺇﻻ ﻣﻦ ﺟﺎﻫﻞ ﻟﻢ ﺗﺰﺩﻩ ﺍﻷﻳﺎﻡ ﺇﻻ ﺟﻬﻼً ﻻ ﺑﺎﻟﺠﺰﻳﺮﺓ
ﻭﺣﺪﻫﺎ ﻭﻟﻜﻦ ﺑﺒﻼﺩﻩ ﻭﺑﻨﻔﺴﻪ ﺃﻳﻀﺎً ﻭﺍﻟﺠﺰﻳﺮﺓ ﺃﻳُﻬﺎ ﺍﻟﺠﺎﻫﻞ ﻳﺎ ﻣﻦ ﺗﺪﻋﻲ ﺍﻟﺘﻤﺪُﻥ ﻭﺍﻟﺘﺤﻀُﺮ ﻟﻴﺴﺖ
ﻣُﺠﺮﺩ ﻣﺰﺭﻋﺔ ﻛﺎﻧﺖ ﺗُﻨﺘﺞ ﻟﻚ ﻣﺎ ﺗﻘﺘﺎﺕ ﺑﻪ ﻭﻟﻜﻨﻬﺎ ﻣُﺠﺘﻤﻊ ﻳُﻤﺜﻞ ﺍﻟﺴﻮﺩﺍﻥ ﺑﻜﺎﻣﻞ ﺃﻋﺮﺍﻗﻪ
ﻭﻣُﻜﻮﻧﺎﺗﻪ ﺟﺎﺀﻭﺍ ﺇﻟﻴﻬﺎ ﺑﺤﺜﺎً ﻋﻦ ﻣﺎ ﺍﻓﺘﻘﺪﻭﻩ ﻓﻲ ﻏﻴﺮﻫﺎ ﻭﻃﺎﺏ ﻟﻬﻢ ﺍﻟﻤﻘﺎﻡ ﻓﻴﻬﺎ ﺑﻌﺪ ﺃﻥ ﺷﺮِﺑﻮﺍ
ﻭﺍﻏﺘﺴﻠﻮﺍ ﻣﻦ ﺻﺎﻓﻲ ﻣﻴﺎﻫﻬﺎ ﻭﺻﺎﺭﻭﺍ ﺃﻫﻼً ﻟﻠﺠﺰﻳﺮﺓ ﻳﺘﺸﺮﻓﻮﻥ ﺑﻬﺎ ﻭﺑﻬﻢ ﺗﺸﺮﻓﺖ ، ﺗﺮﻛﻮﺍ ﻭﺭﺍﺀﻫﻢ
ﻛُﻞ ﺍﻟﻤُﺴﻤﻴﺎﺕ ﺍﻟﻘﺒﻠﻴﺔ ﻭﺍﻟﺠﻬﻮﻳﺔ ﻭﺃﻣﺮﺍﺿﻬﺎ ﻭﻣﺎ ﻋﺎﺩﺕ ﺍﻟﻘﺒﻴﻠﺔ ﺣﺎﺿﺮﺓ ﻓﻲ ﻛﺜﻴﺮ ﻣﻦ ﻣُﺠﺘﻤﻌﺎﺗﻬﺎ
ﺇﻻ ﻣﻦ ﺑﺎﺏ ﺍﻟﺘﻮﺍﺻﻞ ﻭﺍﻟﺘﻌﺎﺭﻑ ..
ﺟﺎﺀ ﺇﻟﻴﻬﺎ ﺍﻟﺴﻮﺩﺍﻥ ﺑﻜﺎﻣﻠﻪ ﻭﻣﺎ ﻣﻦ ﺃﺳﺮﺓ ﺇﻻ ﻭﻟﻬﺎ ﻣﺎ ﻳﺮﺑﻄﻬﺎ ﺑﺎﻟﺠﺰﻳﺮﺓ ﻭﻣﺎ ﻣﻦ ﻗﺒﻴﻠﺔ ﺻﻐﻴﺮﺓ
ﻛﺎﻧﺖ ﺃﻭ ﻛﺒﻴﺮﺓ ﺇﻻ ﻭﺍﺳﺘﻀﺎﻓﺖ ﺍﻟﺠﺰﻳﺮﺓ ﺑﻌﻀﺎً ﻣﻦ ﺃﻓﺮﺍﺩﻫﺎ ﺑﻞ ﻭﻣﻦ ﺧﺎﺭﺝ ﺍﻟﺴﻮﺩﺍﻥ ، ﺇﺫ ﻟﻢ
ﺗﺘﻤﺘﻊ ﻣﻦ ﻗﺒﻞ ﻭﻻﻳﺔ ﻣﻦ ﻭﻻﻳﺎﺕ ﺍﻟﺴﻮﺩﺍﻥ ﺑﺎﺳﺘﻘﺮﺍﺭ ﻣﺜﻞ ﻣﺎ ﺗﻤﺘﻌﺖ ﺑﻪ ﺍﻟﺠﺰﻳﺮﺓ
ﺍﺭﻓﻊ ﺭﺍﺳﻚ ﺍﻧﺖ ﻣﻦ ﺍﻟﺠﺰﻳﺮﻩ

ﺍﻟﻠﻴﻠﺔ ﺍﻟﺒﻠﺪ ﺻﺒﺤﺖ ﻋﺼــﻴﺔ ﺍﻣﻮﻭﻭﻭﻭﺭﻩ
ﻣﺼﻴﺒﺔ ﻛﺒﻴﺮﺓ ﻳﺎ ﺍﺧﻮﺍﻧﻲ ﻛﻴﻒ ﺍﻟﺸــــﻮﺭﻩ
ﺍﻟﺒﺖ ﺍﻟﻘﺒﻴﻞ ﻣـــﻠﮕــﺔ ﻭ ﻋﻮﺍﻟﻲ ﻗﺼﻮﻭﻭﺭﻩ
ﺩﻳﻜﻲ ﺍﻟﻠﻴﻠﺔ ﻓﻲ ﻓﻲ ﺍﻟﻤﻴﺪﺍﻥ ﺑﺘﻠﻌﺐ ﻛﻮﺭﻩ
ﺍﺭﺣــــﻞ ﺑــــﺮﺍ ﻳﺎ ﻋﻠﻤــــﺎﻧﻲ ﻳﺎ ﻭﺳﺨــﺎﻥ
ﺷﺮﻑ ﺍﺧﻮﺍﺗﻨﺎ ﻣﺎ ﺑﻨﺒﻴﻌﻮ ﻣﻬــــﻤﺎ ﮔــــــﺎﻥ
ﺍﻟــﻮﺩ ﻓﻲ ﺍﻟﻤـــﺪﺭﺝ ﻭ ﺍﺧﺘﻮ ﻓﻲ ﺍﻟﻤﻴﺪﺍﻥ
ﻛﺎﻥ ﺣﺼﻠﺖ ﻧﺸﻴﻞ ﺍﻟﻔﺎﺗﺤﺔ ﻟﻲ ﺍﻟﺴﻮﺩﺍﻥ
ﺍﻟـــﻮﻟﺪ ﺍﻟﻤﮕـــﺮﺏ ﻭ ﻗﻠﺒﻮ ﻓﻴﻬــﻮ ﺣـــــﺮﺍﺭﻩ
ﻛﺎﻥ ﺷﺎﻑ ﺍﺧﺘﻮ ﻣﺮﻗﺖ ﻋﻴﻨﻮ ﺗﺒﻘﻰ ﺷﺮﺍﺭﻩ
ﻣﺎ ﺗﻘــــــﻮﻝ ﻟﻴﺎ ﺗﻘﻨﻴﺔ ﻭ ﺍﻧﻔﺘﺎﺡ ﻭ ﺣﻀﺎﺭﻩ
ﺩﻳﻞ ﺳﺒﺐ ﺍﻟﺘﺪﻫﻮﺭ ﻓــﻲ ﺍﻟﺒﻼﺩ ﻭ ﺩﻣــﺎﺭﻩ
ﺍﻟﻠﻪ ﺍﺻﻠﺢ ﺍﻟﺤﺎﻝ ﻣﻦ ﺣﺎﻝ ﺍﻻ ﺣﺎﻝ

ﻳﺎ ﺑﺖ ﺍﻟﺤﻼﻝ ﺟﻨﻴﺘﻲ ﺃﻭ ﻣﻐﺮﻭﺭﺓ
ﺧﻠﻴﺘﻲ ﺍﻟﻌﻔﺎﻑ ﻭﺗﺒﻌﺘﻲ ﻟﻌﺐ ﺍﻟﻜﻮﺭﺓ
ﺑﻲ ﺷﻮﺭﺕ ﻭﻓﻨﻴﻠﺔ ﺑﺘﺒﻘﻲ ﻛﻴﻒ ﻣﺴﺘﻮﺭﺓ
ﻭﺍﻧﺘﻲ ﺍﻟﺒﻲ ﺍﻟﺤﺠﺎﺏ ﺑﻲ ﺷﺮﻋﺘﻚ ﻣﺄﻣﻮﺭﺓ
***
ﻣﻤﻨﻮﻉ ﻓﻲ ﺍﻟﺤﺠﻴﺞ ﺳﻌﻲ ﺍﻟﻨﺴﺎﻭﻳﻦ ﺟﻜﻪ
ﻭﺍﻟﺒﺖ ﺍﻟﻤﺼﻮﻥ ﻓﻲ ﺑﻴﺘﺎ ﺑﺎﺑﺎ ﻣﺘﻜﺎ
ﻛﻴﻔﻦ ﺗﺠﺮﻱ ﺗﻠﻌﺐ ﺗﺘﺮﻛﻦ ﻓﻲ ﺍﻟﺪﻛﺔ
ﺑﻲ ﺍﻟﻤﻤﻨﻮﻉ ﻋﻠﻴﻬﻦ ﻓﻲ ﻣﻨﺎﺳﻚ ﻣﻜﺔ !! ؟
***
ﻭﻳﺎ ﺍﻟﺒﺘﻘﻮﻟﻮ ﻟﻴﻪ ﺻﺒﺤﺖ ﺃﻣﻮﺭﻧﺎ ﺗﻌﻴﺴﺔ
ﺍﻳﻪ ﻳﺤﺼﻞ ﻭﻛﺖ ﺣﺮﻣﺘﻨﺎ ﺗﺒﻘﻰ ﺭﺋﻴﺴﻪ
ﺗﺠﺮﻱ ﻣﻊ ﺍﻟﺮﺟﺎﻝ ﺗﺘﺒﻊ ﻏﺮﻭﺭ ﺍﺑﻠﻴﺴﺎ
ﻣﻊ ﺍﻟﺤﺮﻳﺔ ﺑﻴﻦ ﻛﻮﺭﺓ ﻭﺳﻔﻮﺭ ﻭﻣﺮﻳﺴﻪ
****
ﻭﻳﺎ ﺳﺖ ﺍﻟﺤﺠﺎﺏ ﺍﻟﻼﺯﻣﺔ ﺧﺪﺭﻙ ﻭﺩﺍﺭﻙ
ﻣﺰﻳﻮﻧﺔ ﺍﻟﻌﻔﺎﻑ ﺍﻟﻼﺑﺴﻪ ﺑﻴﻬﻮ ﺧﻤﺎﺭﻙ
ﻳﺤﻔﻈﻚ ﺍﻟﻜﺮﻳﻢ ﻓﻲ ﺣﻠﻚ ﺃﻭ ﺍﺳﻔﺎﺭﻙ
ﻳﺪﻳﻜﻲ ﺍﻟﻤﺮﺍﺩ ﻳﺴﺘﺮ ﻋﻠﻴﻜﻲ ﻳﺒﺎﺭﻙ
*****
ﻭﺧﻠﻲ ﺍﻟﺨﻔﻪ ﻟﻠﺒﺖ ﺍﻟﻤﺒﺎﺭﻳﻪ ﺍﻟﻜﻮﺭﻩ
ﺍﻧﺘﻲ ﻭﻟﻴﻜﻲ ﻧﻔﺴﻮ ﻋﺰﻳﺰﻩ ﻋﺎﻟﻴﻪ ﻏﻴﻮﺭﻩ
ﻭﻛﺘﻴﻦ ﺑﺘﻮ ﺗﻤﺮﻕ ﺗﺒﻘﻰ ﻟﻴﻬﺎ ﺿﺮﻭﺭﻩ
ﺯﻱ ﺣﻮﺭ ﺍﻟﺠﻨﺎﻥ ﻣﻮﺻﻮﻓﺔ ‏( ﺑﺎﻟﻤﻘﺼﻮﺭﻩ ‏)
****
ﻭﺳﺠﻤﺎﻥ ﺍﻟﺒﺘﺒﻘﻰ ﻭﻟﻴﺘﻮ ﻛﺎﺑﺘﻦ ﻣﺎﺟﺪ
ﻭﺍﻏﺮﺏ ﺣﺎﺟﻪ ﺳﺒﺤﻪ ﻭﺗﻠﻘﺎ ﺭﺍﻛﻊ ﺳﺎﺟﺪ
ﻭﻓﻲ ﺍﻟﺘﻤﺮﻳﻦ ﺑﻨﻴﺘﻮ ﻭﺗﻠﻘﺎ ﻓﻲ ﺍﻟﺤﻮﺵ
ﺭﺍﻗﺪ
ﺁﺁﺯﻭﻝ ﺍﻧﻌﺪﻝ ﻭﻳﻦ ﻣﻦ ﻗﻮﺍﻣﺔ ﺍﻟﻮﺍﻟﺪ؟ !!
ﻟﻠﻪ ﺩﺭﻙ ﻱ ﻭﻃـــــﻦ
ﺍﻟﻠﻬﻢ ﺍﺳﺘﺮﻧﺎ ﻓﻮﻕ ﺍﻻﺭﺽ ﻭﺗﺤﺖ ﺍﻻﺭﺽ ﻭﻳﻮﻡ ﺍﻟﻌﺮﺽ ﻋﻠﻴﻚ

ﻳــﺎ ﻧﺴــﻤﺔ ﻓﻲ ﻋـﺰ ﺍﻟــﻬﺠﻴﺮ
ﻳـﺎ ﺿـﻞ ﺿــﺤـــﻲ ﻧـﺸﺘﺎﻗـﻠــﻮ
ﺯﻱ ﺷــــــــــــﻮﻕ ﺍﻟـــﺸــﺘﻴــﻞ
ﻭﻛﺘﻴﻦ ﻳﺠﻒ ﺭﺍﺟــﻲ ﺍﻟﺪﻋﺎﺵ
ﺭﺍﺟـــــــﻲ ﺍﻟــﻤـــﻄـــــــــــﺮ
ﻳﺴﻘﻴﻬﻮ ﻣﻲ ﻳﺪﻳـﻬـﻮ ﺿـــﻠﻴﻞ
ﻛــﺎﻥ ﻳﺒــﺎﺱ ﻭ ﻛــﺎﻥ ﻫــﺰﻳــﻞ
ﺟــﺎﻫﻮ ﺍﻟـﺠﻔﺎﻑ ﺻـﺎﺑﻮ ﺍﻟﻌﻤﻰ
ﻭﻣـــــــﺎ ﻛــــــــﺎﻥ ﺿـــﺮﻳــــــﺮ
ﺟﻴﺘﻚ ﻋﻠﻴﻬﻮ ﺗﺒﻘﺎﻟـﻮ ﻓـــﺮﺣــﺔ
ﻳﺒﻘـﺎﻟـﻮ ﺻــﻮﺗﻚ ﺯﻱ ﻫــــﺪﻳــﻞ
ﻭﺣﺘﻰ ﺍﻟﺴﺮﻭﺭ ﻋـــﻢ ﺍﻟﻨــﺨﻴﻞ
ﺍﺣﺘﺎﺭ ﺑـــﻼﻙ ﻭﻛـــﺎﻥ ﺣـﺴﻴﺮ
ﺭﻳﺪﻙ ﺣﺪﺍﻫﻮ ﺧــﻼﻩ ﺑــﺼﻴـــﺮ
ﻭﻏﺸﺎﻫﻮ ﻃﻴﻔﻚ ﻭﻟﻴﻪ ﻧـﺼﻴــﺮ
ﺷﻘﻴﺎﻥ ﻭﻛﺎﻥ ﻣﺤﺘﺎﺝ ﻛﺘﻴــــﺮ
ﻳﺎ ﻫﻤﺴﺔ ﻳﺎ ﻟﻤﺴﺔ ﺣﺮﻳــﺮ
ﻗﻠﺒﻚ ﺑﻴﺎﺽ ﻧﺎﺻﻊ ﺿﻤﻴــــــﺮ
ﻣﺎ ﺍﻧﺖ ﺃﻧﺴﻲ ﻭﻟﻲ ﺳﻤﻴﺮ
ﻭﺑﻴﻚ ﺍﻟﺰﻫﺮ ﻧﺪﻳﺎﻥ ﻧـﻀﻴـــــﺮ

ﻫﺎ ﺷﻮﻕ ....... ﺍﻗﻴﻒ
ﻻ ﺗﺠﺮﺡ ﺍﺣﺴﺎﺱ ﺍﻟﻐﻼﺑﺔ
ﺍﻟﻜﺎﻳﺴﺔ ﻟﻲ ﺑﻘﺔ ﻋﺸﻢ
ﻋﻄﺸﺎﻧﺔ ﺷﻮﻕ
ﺭﻭﻳﺎﻧﺔ ﻫﻢ
ﻋﺸﻤﺎﻧﺔ ﻓﻲ ﻗﻌﺪﺓ
ﺿﺤﺎﻭﻱ ﺍﻟﺒﻦ ﻭﻛﺖ ﻣﺎ ﺍﻟﻨﺎﺱ ﺗﻠﻢ
ﻫﺎ ﺷﻮﻕ ﺍﺭﺡ
ﻧﻤﻠﺺ ﺟﻠﺪ ﺑﺎﻗﻲ ﺍﻟﻬﻤﻮﻡ
ﻧﻠﺒﺲ ﺑﺮﺍﺣﺎﺕ ﺍﻟﻔﺮﺡ
ﺷﻘﻴﺶ ﻧﻘﻴﻒ ﻭﺳﻂ ﺍﻟﻄﺮﻳﻖ
ﻭﺍﻟﺒﺎﻝ ﻋﻠﻲ ﺍﻟﺒﻠﺪﺍﺕ ﺳﺮﺡ
ﻫﺎ ﺷﻮﻕ ........ ﺍﺭﺡ

ﻻﻫﻤﺎﻙ ﻋﺬﺍﺑﻨﺎ ‏) ﻭﺭﺍﻙ
ﻭﻻﻙ ‏( ﺃﻭﻝ ﺣﺒﻴﺐ ‏) ﺗﺮﺣﻞ ..
ﺗﺴﻮﻕ ‏( ﺩﻧﻴﺎ ﺍﻟﻤﺤﺒﻪ ‏) ﻗﻔﺎﻙ
ﻓﻴﺎ ﺍﻟـ ‏( ﻭﺳﻂ ﺍﻟﺰﻫﻮﺭ ‏) ﻃﻠﻴﺖ .. ﻭﻋﺎﻓﻴﺔ ﺭﻭﺣﻨﺎ ﺟﺎﺗﻨﺎ ﺣﺪﺍﻙ
ﻭﻳﺎ ‏( ﺣﺒﺔ ﻓﺮﺡ ‏) ﻣﺮﻗﺖ ..
ﺗﻌﺰﻱ ﻋﻠﻲ ﺍﻟﺒﻜﺎ ﺍﻷﻓﺎﻙ
ﺧﺒﺎﺭﻱ ﻭﻫﺎ ﺍﻟﻮﻃﻦ ﺷﺎﻫﺪ ..
‏( ﺑﻨﺎﺩﻱ ﻋﻠﻴﻚ ‏) ﻭﺑﺘﺮﺟﺎﻙ
ﺗﺠﻴﻨﺎ ‏( ﻛﻨﻮﺯ ﻣﺤﺒﻪ ‏) ﻭﺭﻳﺪ ..
‏( ﻓﺮﺍﺵ ﺍﻟﻘﺎﺵ ‏) ﻳﻐﻨﻲ ﻣﻌﺎﻙ
***
‏( ﺃﻛﻮﻥ ﻓﺮﺣﺎﻥ ‏) ﻭﻛﻞ ﺍﻟﻜﻮﻥ ﻳﺼﻔﻖ ﻟﻮﺗﻄﻞ ﻓﻲ ﻳﻮﻡ …
ﺑﻘﻮﻝ ﻟﻮ ‏( ﻫﺎﻧﺖ ﺍﻷﻳﺎﻡ ‏) ..
ﻛﻔﺖ ﻭﺵ ﺍﻟﻨﻬﺎﺭ ﺍﻟﻨﻮﻡ
‏( ﺑﻘﻴﺖ ﻇﺎﻟﻢ ‏) ﻧﺴﻴﺖ ﺍﻟﻨﺎﺱ … ﺑﻼﻗﻴﻚ ﻭﺍﻟﺴﻤﺎﺡ ﺑﺎﻟﻜﻮﻡ
ﺑﻘﻮﻝ ﻟﻚ ‏( ﺩﺍﻭﻱ ﻧﺎﺭﻱ ‏) ﺗﻌﺎﻝ … ﻭﺷﻞ ﺍﻟﻌﺒﺮﻩ ﻓﻲ ﺍﻟﺤﻠﻘﻮﻡ
ﺗﻌﺎﻝ ﺗﺎﺗﻲ ﺍﻟﻘﺼﻴﺪﻩ ﻧﻘﻮﻡ ..
***
‏( ﺟﻤﻴﻼ ﻣﺎﺳﺄﻟﻨﺎ ‏) ﺑﺮﺍ …
ﻳﻘﻴﻢ ﻓﻲ ﺍﻟﺬﺍﺕ ﻭﻳﺘﻤﺪﺩ
ﺑﻨﻴﻨﺎ ﻣﻌﺎﻫﻮ ‏( ﻗﺼﺮ ﺍﻟﺸﻮﻕ ‏) …
ﺃﻗﻤﻨﺎ ﻋﻠﻲ ﺍﻟﻤﺂﺳﻲ ﺍﻟﺤﺪ
ﺭﺣﻞ ‏( ﻓﻲ ﺍﻟﻠﻴﻠﻪ ﺩﻳﻚ ‏) ﻓﻨﺎﻥ …
ﻭﺭﺍﻭ ﺣﻴﻞ ﺍﻷﻏﺎﻧﻲ ﺑﺮﺩ
ﺳﻜﻦ ﻓﻮﻕ ﺍﻟﻘﻠﻮﺏ ﻣﺮﺗﺎﺡ …
ﺃﺣﺒﻚ ‏( ﻟﻮ ﺍﺣﺒﻚ ‏) ﺟﺪ،،
***
‏( ﻗﻠﺒﻚ ﻟﻴﻪ ﺗﺒﺪﻝ ‏) ﻳﻌﻨﻲ ..
ﻣﺎﻗﺎﻭﻡ ﺃﺫﺍﻫﻮ ﺭﻋﺎﻙ؟
‏( ﺻﺒﺢ ﺭﻳﺪﻙ ﺣﻴﺎﺓ ‏) ﺍﻟﺸﻮﻑ
ﻭﺃﺑﺼﺮﺕ ﺍﻟﻜﺘﺎﺑﻪ ﻋﻤﺎﻙ
ﺧﻼﺱ ﻳﺎ ‏( ﺍﻟﺰﺍﻫﻲ ﻟﻮﻧﻚ ‏) ﺣﻦ
ﺧﻼﺱ ﺍﺭﺣﻢ ﻗﻠﺐ ﻣﻀﻨﺎﻙ،،

ﺍﻟﺒﻨﻴﺔ ﺍﻟﻌﺎﺩﻱ ﺯﻱ ﻛﻞ ﺍﻟﺒﻨﺎﺕ
ﺧﺎﺗﺔ ﻓﻲ ﻋﻴﻨﻴﻬﺎ ﺭﻳﺪﻙ ﺯﻳﻨﺔ
ﻣﺎ ﺍﻛﺘﺤﻠﺖ ﺑﺘﺎﺗﺎ ﺑﻲ ﺳﻮﺍﻙ
ﻭﺭﺩﺕ ﺧﺪﻳﻬﺎ ﺑﻲ ﺷﻮﻓﺘﻚ
ﺿﻔﺎﻳﺮﺍ ﺳﺎﺑﻘﺖ ﻟﻠﻨﻴﻞ
ﻭﻓﺎﺗﺘﻮ ﻃﻮﻟﺖ ﺑﺎﻝ ﺍﻟﺴﻤﺎﺣﺔ
ﻭﻋﻠﻤﺖ ﻭﺗﺮ ﺍﻟﺒﺴﺎﻃﺔ ﺍﻻﻧﻔﻼﺕ
ﺍﻟﻮﺭﻳﻔﺔ ﺍﻟﺸﺎﻳﻠﺔ ﻛﻼﻣﺎ ﻏﻨﻮﺍﺕ
ﻣﺎﺩﺓ ﺍﻳﺪﻳﻬﺎ ﻭﺗﻮﺯﻉ
ﻋﺰ ﺳﻤﻮﻡ ﺍﻟﻮﺟﻌﺔ ﻧﺴﻤﺎﺕ
ﺧﺎﺗﺔ ﻛﺮﺳﻲ ﺍﻟﺮﺍﺣﺔ ﻓﻴﻬﺎ
ﻭﺣﺎﻟﻔﺔ ﺇﻻ ﺍﻟﺪﻣﻌﺔ ﺗﻘﻌﺪ
ﺷﺎﻥ ﺗﺸﻴﻞ ﺟﻮﺍﻫﺎ ﻏﻴﻤﺎﺕ
ﺍﻟﻐﺰﻳﺮﺓ ﺍﻟﻤﺎﻃﺮﺓ ﺭﻳﺪ ﺭﻳﺪ
ﺍﻟﻜﺮﻳﻤﺔ ﺍﻟﺮﺣﻤﺘﺎﺕ
ﺩﻱ ﺍﻟﺤﺒﻴﺒﺔ ﺃﻟﻤﺎ ﺑﺘﺴﻴﺒﺔ

ﺑﺪﻝ ﻣﺎﺗﻘﻮﻟﻲ ﻣﺸﺘﺎﻗﻴﻦ ﻋﺸﺎﻥ ﻳﻀﺤﻚ ﻭﻳﻘﻮﻝ ﺑﺎﻻﻛﺘﺮ
ﺍﺿﺤﻜﻲ ﺿﺤﻜﻪ ﻓﻴﻬﺎ ﺑﺮﺍﺀﺓ . . ﻭﺍﻛﺘﺒﻲ ﻧﺺ ﻣﻌﻘﺪ ﺍﻛﺘﺮ ...
ﺍﻛﺘﺒﻲ ﺣﺎﺟﻪ ﺗﻔﺘﺢ ﻗﻠﺒﻮ .. ﻗﻮﻝ ﻟﻲ ﻗﻠﺒﻲ ﻗﺎﻋﺪ ﻳﺘﻮﺗﺮ ...
ﻳﺮﺟﻔﯽ ﻧﺒﻀﻮ ﻣﻦ ﻳﻠﻘﺎﻙ ... ﻭﺿﺦ ﺍﻟﺪﻡ ﻛﻤﺎﻥ ﺑﺘﻮﺗﺮ ..
ﺍﻛﺘﺒﻲ ﻟﻴﻬﻮ ﺣﺎﺟﻪ ﻏﺮﻳﺒﻪ ﻣﺜﻼ ﺭﻳﺪﻱ ﻟﻴﻚ .. ﺗﺮﻛﺘﺮ ...
ﺍﻟﻤﻄﺮﻩ ﺍﻟﺒﻐﺮﻕ ﺳﻴﻼ .. ﻗﻄﻌﺘﺎ ﺩﺍﻳﺮﺓ ﻟﻴﻬﺎ ﺗﺮﻛﺘﺮ ..
ﺍﻭ ﻗﻮ ﻝ ﻟﻴﻮ ﻃﻴﻮﺭ ﺍﻟﺠﻨﻪ ﻣﺠﻨﻮﻭﻭﻭﻧﺎﺕ ﺭﻗﻴﺼﻦ ﺍﺷﺘﺮ ..
ﻫﻮ ﻻﻣﺎﺕ ﺷﺎﻥ ﻳﺸﻮﻑ ﺍﻟﺠﻨﻪ ﻻﺑﻌﺮﻑ ﺍﻟﺮﻗﻴﺺ ﺍﻻﺷﺘﺮ ..
ﺍﻛﺘﺒﻲ ﺣﺎﺟﻪ ﺃﺣﻠﻰ ﻭﺍﺩﻓﯽ ...
ﻣﺜﻼ ﺯﻱ ... ﻋﻴﻮﻧﻚ ﺟﻨﻨﺔ ...
ﺣﺎﺟﺘﻴﻴﻦ ﻓﻴﻬﻦ ﺍﻟﺒﺘﻤﻨﯽ ...
ﺍﻭ ﻗﻮﻝ ﻟﻴﻮ ﺩﻗﻴﻘﺔ ﺍﺳﺘﻨﯽ ...
ﻫﺎﻙ ﻗﻠﺒﻲ ﺍﻟﻌﻠﻴﻜﺎ ﺍﺣﻦ ...
ﻣﻦ ﺣﻦ ﺍﻟﺴﻔﻦ ﺑﺎﻟﻤﺮﻓﺎ ...
ﺍﻛﺘﺒﻲ ﻟﻴﻬﻮ ﺣﺎﺟﻪ ﺑﺪﻭﺭﺍ ...
ﻗﻮﻝ ﻟﻴﻮ ﻋﻨﺪﻱ ﻟﻴﻚ ﺩﻛﺘﻮﻭﻭﺭﻩ ...
ﺍﺗﺤﺪﺕ ﺩﻛﺎﺗﺮﺓ ﺭﻳﺪﻙ ﺍﻟﻘﺪﺍﻣﻲ ﺻﺪﻗﺎ ﻭﺻﻮﺭﺓ ...
ﻗﻮﻝ ﻟﻲ ﺍﻟﺮﻳﺪ ﺑﺒﻴﺢ ﻓﻲ ﻋﺮﻓﻮ ﺣﺎﺟﺎﺕ ﻣﺎﻓﻲ ﻟﻴﻬﺎ ﺿﺮﻭﺭﺓ .. .
ﻭﺍﻟﺮﻳﺪ ﻋﻴﺪ ﻭﻻﻣﺤﺘﺎﺟﻠﻮ ﻟﻲ ﺭﺅﻳﺔ ﻫﻼﻝ ﻻﻭﻗﻔﺔ ...
ﻗﻮﻝ ﻟﻴﻮ ﻫﺴﺴﺎ ﻣﻮﺵ ﻻﻗﻴﺘﻚ ...
ﺍﺗﺬﻛﺮﺕ ﺣﺎﺟﻪ ﻭﺟﻴﺘﻚ ...
ﺍﻧﺖ ﻣﺸﻴﺘﻨﻲ ﺳﻜﻪ ﺑﻌﻴﺪﺓ ... ﺑﻴﻬﺎ ﺍﻟﻴﻮﻣﺎ ﺩﺍﻙ ﺣﺠﻴﺘﻚ ...
ﺍﻧﺖ ﺗﻜﻮﺱ ﻋﻠﻲ ﻓﻲ ﺑﻴﺘﻨﺎ .. ﻭﺍﻧﺎ ﺑﻲ ﺍﺧﺘﺼﺎﺭ ﻏﺸﻴﺘﻚ ...
ﺍﻧﺖ ﻓﺘﺤﺖ ﻟﻲ ﺑﺎﺏ ﻗﻠﺒﻚ ﺍﻟﻮﺭﺍﻧﻲ ... ﻭﺍﻧﺎ ﺧﺸﻴﺘﻚ
ﺧﻠﺴﻪ ﺩﺧﻠﺖ ﻣﻦ ﺍﺣﺰﺍﻧﻲ ... ﻭﺍﻧﺖ ﺳﻤﻌﺘﻨﻲ ﻭﺣﺴﻴﺘﻚ ...
ﻣﺮﻗﺖ ﺗﻜﻮﺱ ﻋﻠﻲ ﻣﻦ ﺗﺎﻧﻲ ... ﻣﺎﻟﻚ ﻳﺎﺍﻟﺤﺒﻴﺐ ﺟﻨﻴﺖ ...
ﺗﻘﻮﻝ ﻟﻲ ﻻﻻ ﻳﺎﺍﻟﻤﺎﻟﻴﺎﻧﻲ ... ﻟﻲ ﻭﺟﻊ ﺍﻟﺴﻨﻴﻦ ﺣﻨﻴﺖ ...
ﻭﻗﺘﺎ ﺍﺿﻬﻬﺒﻦ ﻣﻦ ﻗﻠﺒﻲ ... ﻭﺍﺩﺩﻋﻲ ﺑﻴﻨﻨﺎ ﻣﺎﻓﻴﺶ ﻋﺮﻓﻪ ...
ﻳﺎﺥ ﻗﻮﻝ ﻟﻴﻬﻮ ﺟﻴﺘﻚ ﺍﺣﻠﯽ ﻣﻦ ﺷﺎﻱ ﺍﻟﺤﻠﻴﺐ ﺑﺎﻟﻘﺮﻓﻪ ...
ﺷﻮﻓﺘﻚ ﺍﺣﻠﯽ ﻟﻲ ﻣﻦ ﺯﻭﻝ ﻣﻌﻠﻠﻢ ﺍﻟﻠﻪ ﺟﺎﺗﻮ ﺍﻟﺼﺮﻓﻪ ...
ﻋﺼﻔﻮﺭ ﺍﻧﺖ ﺭﻛﺖ ﻛﺮﻋﻲ ﻓﻲ ﻛﺮﺍﻉ ﻋﻨﻘﺮﻳﺐ ﻓﻲ ﻏﺮﻓﻪ ...
ﻣﺒﺴﻮﻃﻴﻨﺒﻮ ﺷﻔﻊ ﺑﻴﺘﻨﺎ .... ﺭﺍﻓﻌﻴﻦ ﻟﻴﻮ ﻗﺰﺍﺯ ﺍﻟﻜﻠﻔﻪ ...
ﻳﺎﺥ ﺩﻗﻴﻘﻪ ﺩﻗﻴﻘﻪ ...
ﻗﻮﻝ ﻟﻴﻮ ﺣﺎﺟﻪ ﻣﺎﻻﻗﺎﻫﺎ ﻗﺒﺎﻝ ... ﺷﻮﻓﻲ ﻟﻴﻜﻲ ﻃﺮﻳﻘﻪ ...
ﺍﻱ ﻧﻌﻢ ﺍﻧﻮ ﻓﺎﺍﺍﺍﻫﻢ ﺟﺪﺍ ... ﺍﺍﻱ ﺍﻟﺤﻘﻴﻘﻪ ﺣﻘﻴﻘﻪ ..
ﻟﻜﻦ ﺩﺍﻳﺮﺓ ﻟﻲ ﻓﺪ ﻛﻠﻤﺔ ... ﺗﻨﺪﻳﻞ ﺍﻟﻜﻼﻡ ﻣﺎﻳﻌﻴﻘﺔ ...
ﻗﻮﻝ ﻟﻴﻮ ﻳﺎﻧﻀﺎﻝ ... ﻓﺪ ﺣﺎﺟﻪ ...
ﻻ ﻃﻴﺮ ﺟﻨﺔ ﻻ ﻛﺒﺴﻴﺒﺔ ... ﻛﻠﻤﺔ ﻳﻜﻮﻥ ﺷﺪﻳﺪ ﻣﺤﺘﺎﺟﻪ ...
ﻫﻮ ﺷﻦ ﺧﺴﺎﻫﻮ ﻓﻲ ﺍﻟﻨﺺ ﺍﻟﻤﻌﻘﺪ ﺍﻛﺘﺮ ...
ﻭﺷﻦ ﺧﺴﺎﻫﻮ ﻓﻲ ﺍﻟﺸﻮﻕ ﺍﻟﻮﻻ ﺑﺘﻤﺘﺮ ...
ﻫﻮ ﺍﺻﻼ ﻻﺑﺘﺬﺭﻭ ﺍﻟﻤﻄﺮﺓ ﻻﻣﺤﺘﺎﺝ ﻋﺸﺎﻧﻪ ﺗﺮﻛﺘﺮ .. ﻻ ﺧﺴﺎﻭﻭﻃﻴﻮﺭ ﺍﻟﺠﻨﻪ ﻻ ﻫﻤﺎ ﺍﻟﺮﻗﻴﺺ
ﺍﻻﺷﺘﺮ ...
ﻗﻮﻝ ﻟﻴﻮ ﺣﺎﺟﻪ ﻣﺎﺑﺘﺘﺘﻨﯽ . ... ﺑﻨﻬﺎ ﻓﻲ ﺍﻟﻘﺼﺎﻳﺪ ﻣﺎﺟﺎ ...
ﺣﺎﺟﻪ ... ﺑﺮﺍﺍﺍﻫﺎ ﺗﺘﻘﺮﻳﻔﻠﻮ ... ﻭﻳﻌﺮﻑ ﻳﻜﻔﻲ ﻟﻴﻬﺎ ﻣﺰﺍﺟﺎ ...
ﺍﺟﻤﻞ ﻣﻦ ﺗﻘﻮﻻ ﺍﻏﺎﻧﻲ ..
ﻭﺍﻛﺒﺮ ﻣﻦ ﺗﺴﻠﻠﻢ ﺭﻭﺣﺎ ... ﻟﻲ ﺳﻤﻊ ﺍﻟﺒﻌﻴﺪ ﻭﺍﻟﺪﺍﻧﻲ ...
ﺣﺎﺟﻪ .... ﻋﺸﺎﻥ ﻳﻘﻮﻻ ﻏﻨﺎﻛﻲ ... ﻣﺤﺘﺎﺝ ﺍﻟﻒ ﻣﻌﺠﻢ ﺗﺎﻧﻲ ...
ﻳﺸﺮﺡ ﺭﺍﺑﻄﻪ ﻭﺍﺑﻌﺎﺩﺍ ... ﺳﻠﻠﻢ ﻗﺪﺭﺗﺎ ﺍﻟﻮﺟﺪﺍﻧﻲ ...
ﺍﺷﻄﺒﻲ ﻳﻠﻼ ... ﺍﻛﺘﺒﻲ ﺗﺎﻧﻲ
ﺍﻛﺘﺒﻲ ﺗﺎﻧﻲ ﺣﺎﺟﻪ ﺑﺴﻴﻴﻄﻪ
ﻋﻴﻨﻴﻚ ﻳﺎﻟﺤﺒﻴﺐ ﻧﻴﻠﻴﻦ ﻭﻗﻠﺒﻚ ﻟﻠﻜﺘﺎﺑﻪ ﻣﺤﻴﻄﺎ ...
ﻋﻴﻨﻴﻚ ﺍﻟﻨﺼﻴﺤﻪ ﻧﺼﻴﻴﺤﻪ ...
ﻣﺮﻗﺖ ﻣﻨﻲ ﺳﻬﻢ ﺍﻟﻮﺟﻌﻪ ﻳﻮﻡ ﻻﻗﻴﺘﻨﻲ ﺭﺍﻗﺪﻩ ﺟﺮﻳﺤﻪ ...
ﻋﻴﻨﻴﻚ ﺩﻳﻞ ﻗﻮﺍﻧﻴﻦ ﻗﺘﻞ ﺩﻭﻟﻲ ﻭﺣﺎﻳﻤﻪ ﺑﻲ ﺗﺼﺮﻳﺤﻪ ...
ﻣﺘﻌﺒﻪ ﻳﻮﻡ ﺗﻘﺒﻞ ﻣﻨﻲ ... ﻟﻜﻦ ﻓﻲ ﺍﻟﺤﻘﻴﻘﻪ ﻣﺮﻳﺤﻪ ...
ﻳﺎﺥ ﻋﻴﻨﻴﻚ ... ﺟﺪﺍﻭﻝ ﺍﻟﻤﻲ ... ﻧﺨﻠﺔ ﻭﺑﻤﺒﺮﻳﻦ ﻭﺳﺒﻴﻄﻪ ...
ﻳﺎﺥ ﺍﻧﺎ ﻣﺎﻟﻲ ﺣﺎﺳﻪ ﻛﺎﻧﻲ ﻣﺴﺮﻓﻪ ﻓﻲ ﺍﻟﻜﻼﻡ ﻭﻋﺒﻴﻄﻪ ...
ﻓﺪﺩﺓ ﻛﻠﻤﻪ ....
ﻏﻤﺪﻱ ﺑﻲ ﺍﺧﺘﺼﺎﺭ ﻗﻮﻟﺒﻬﺎ .... ﺍﻭ ﻗﻮﻝ ﻟﻴﻬﻮ ﺟﺎﺕ ﻓﻲ ﺣﻠﻤﻪ ..
ﺧﻠﻴﻚ ﻣﻦ ﻛﻼﻡ ﺍﻟﺸﻌﺮﺍ ... ﺣﻜﻤﺔ ﻧﺎﺱ ﺯﻫﻴﺮ ﺍﺑﻮ ﺳﻠﻤﯽ ...
ﺧﻠﻴﻚ ﻭﺍﺿﺤﻪ ... ﻃﻠﺔ ﻗﻤﺮﺓ ﻓﻲ ﺩﻭﺭﻳﻦ ... ﻗﺼﺎﺩ ﺍﻟﻀﻠﻤﻪ ...
ﻗﻮﻝ ﻟﻴﻮ ﺍﻧﺘﻲ ﻋﺎﺍﺍﺍﺭﻓﻪ ﺍﻟﻜﻠﻤﻪ .. ﺧﻠﻲ ﺍﻟﻤﺴﻜﻨﻪ ﻭﻗﻮﻟﻴﻬﺎ .. .
ﻛﻢ ﺣﻮﻝ ﻭﺍﻧﺘﻲ ﻳﺎﺍﻟﻤﺴﻜﻴﻨﻪ ﻛﺎﺗﻤﺔ ﻗﺪﺭ ﺩﻩ ﺳﺎﻛﺘﻪ ﻋﻠﻴﻬﺎ ...
ﻳﺎﺥ ﻧﻴﻔﺎﺷﺎ ﺣﻠﻠﻮ ﻧﻘﺎﺷﺎ ... ﻭﺳﺪ ﺍﻟﻨﻬﻀﻪ ... ﻋﺮﻓﻮ ﺍﻟﺒﻴﻬﺎ ...
ﻭﻣﺸﻜﻠﺔ ﺍﻧﻚ ﺍﻧﺘﻲ ﺗﻘﻮﻟﻲ ﻓﺪﺓ ﻛﻠﻤﻪ ... ﻣﺎﺗﺤﻠﻴﻬﺎ ... ﻳﺎﺥ ﺧﻠﻴﻬﺎ ...
ﻻﻻ ﺧﻼﺱ ... ﺑﻘﻮﻻ ﺑﻘﻮﻻ ...
ﻳﺎﺥ ﺍﻧﺎ ﻭﺍﻧﺖ ﻳﺎﻣﺤﺒﻮﺑﻲ ... ﻣﺎﺧﺪﻳﻦ ﻓﻲ ﺍﻟﺘﻔﺎﻧﻲ ﺑﻄﻮﻟﻪ ...
ﻋﻴﻨﻲ ﺷﺎﻳﻠﻪ ﻣﻨﻚ ﺷﻮﻓﺎ ... ﻋﻴﻨﻴﻚ ﺣﺎﺟﻪ ﻣﺎﻣﻌﻘﻮﻟﻪ ...
ﻋﻴﻨﻴﻚ ﺣﺎﺟﻪ ﻣﺎﻣﻌﻘﻮﻟﻪ ؟؟
ﻳﺎﺥ ﻭﺍﻟﻠﻪ ﺍﻧﺘﻲ ﺍﻟﺤﺎﺟﻪ ﻣﺎﻣﻌﻘﻮﻟﻪ
ﻗﻮﻡ ﺧﻠﻴﻬﺎ .
. ﻻﻻ ﺧﻼﺱ ﺑﻘﻮﻻ ﺑﻘﻮﻻ ...
ﻳﺎﺧﻲ . .. ﺑﺮﻳﻴﻴﻴﻴﻴﻴﺪﻙ ... ﺍﻳﻮﺓ ﺑﺮﻳﻴﺪﻙ ... ﺍﻟﺮﻳﺪﺓ ﺍﻟﺠﻤﻴﻠﻪ ﻓﺼﻮﻟﺔ ...
ﺍﻟﺮﻳﺪﺓ ﺍﻟﻘﺒﻞ ﻳﺘﺨﺎﺻﻤﻮﺑﺎ ﺍﻟﻨﺎﺱ ﺑﺘﺪﻱ ﺣﻠﻮﻻ . ﺭﻳﺪﺍ ﺯﻛﺎﺗﺎ ﺗﺪﻱ ﺗﻼﺗﻪ ﺍﺿﻌﺎﻑ ﻛﻠﻤﺎ ﺣﺎﻝ ﺣﻮﻻ
ﺭﻳﺪﺓ ... ﺣﺘﺎﻟﺔ ...
ﺍﺩﻳﺘﺎ ﺍﻟﺒﺤﺮ ﻣﺎﺷﺎﻻ ...
ﺳﻴﺪﺍ ﻣﺤﻞ ﻳﻘﺒﻞ ﻭﺷﻮ ... ﻓﻲ ﻋﻴﻨﻴﻬﻮ ﺗﻘﺮﺍ ﺍﻟﺤﺎﻟﺔ ...
‏( ﺭﻳﺪﺓﺓ ﺣﺘﺎﻟﻪ .. ﺭﻳﺪﺓ ﺧﺠﻮﻭﻟﻪ ..
. ﺍﺧﺮ ﺭﻳﺪﺓ ... ﻟﻜﻦ ﺍﻭﻟﯽ

ﺇﺗﺰﻛﺮﺗﻚ
ﻭﻓﺠﺄﻩ ﻟﻘﻴﺘﻨﻲ ﻣﻌﺎﻙ ﺯﻱ ﺳﺎﺭﺡ
ﻭﺯﻱ ﻣﺎﺗﻘﻮﻝ ﻛﺪﺍ ﻛﺖ ﻣﺸﺘﺎﻗﻚ
ﻭﻣﺎﻧﺎﺟﻴﺘﻚ ﻣﻦ ﺃﻣﺒﺎﺭﺡ
ﺃﺻﻠﻚ ﺳﺎﻋﻪ ﺗﺰﻋﻞ ﻣﻨﻲ
ﺑﺘﻌﻤﻞ ﺛﻮﺭﻩ
ﻭﻓﻲ ﺟﻮﺍﻱ ﺑﺘﺴﻮﻱ ﻣﺬﺍﺑﺢ
ﺑﺲ ﺃﻧﺎ ﻋﺎﺭﻓﻚ ﻟﺴﻪ ﺣﻨﻴﻦ
ﻭﻗﺒﺎﻝ ﺃﻃﻠﺐ
ﺑﻠﻘﻲ ﻋﻴﻮﻧﻚ ﻟﻲ ﺑﺘﺴﺎﻣﺢ
** ﻧــــــﺺ **
ﻗﺒﻞ ﻣﺎﺗﻘﺮﺭ ﺗﻔﺎﺭﻕ
ﻭﺗﻤﺸﻲ ﺗﺒﻌﺪ ﻣﻦ ﻭﻃﻨﻨﺎ
ﺳﻘﺘﻬﺎ ﻭﺑﺎﻟﺸﻮﻕ ﻛﺴﻴﺘﺎ
ﻭﻗﻠﺖ ﻟﻴﻬﺎ ﻭﻛﺖ ﺧﺎﻳﻒ
ﺩﻓﻘﻴﻨﻲ ﻋﻠﻴﻚ ﻣﺤﻨﻪ
ﻭﺧﺘﻲ ﺑﺬﺭﻩ ﺭﻳﺪ ﺻﻐﻴﺮﻩ
ﻭﺁﻣﻨﻲ ﺑﻴﻬﺎ
ﻭﺃﺳﻘﻲ ﻣﻦ ﻋﻴﻨﻴﻚ ﺗﺮﺍﺑﺎ
ﺑﻜﺮﻩ ﺗﻜﺒﺮ
ﻭﺗﺒﻘﻲ ﻣﻠﻴﻮﻥ ﺃﻟﻒ ﻏﺎﺑﻪ
ﻣﺎﺣﺮﺍﻡ ﻟﻮ ﻗﻠﻨﺎ ﻧﺤﻠﻢ
ﻭﻧﺴﺘﻈﻞ ﻋﺰ ﺍﻟﻬﺠﻴﺮ
ﺑﻲ ﻃﻴﻒ ﺳﺤﺎﺑﻪ
ﺑﺲ ﻋﻴﻮﻧﻚ ﻳﻮﻡ ﺗﺪﻣﻊ
ﻭﺇﻧﺘﻲ ﺗﻘﻔﻠﻲ ﻣﻨﻲ ﺑﺎﺑﻬﺎ
ﺍﻟﺪﻣﻮﻉ ﺍﻟﻔﻴﻚ ﺑﺘﻜﻤﻞ
ﺑﺲ ﻭﺣﺎﺗﻚ
ﻛﻞ ﻳﻮﻡ ﺑﻴﻤﺮ ﺑﺪﻭﻧﻚ
ﻓﻴﻬﻮ ﺑﺘﺤﻮﻝ ﺧﺮﺍﺑﻪ
ﻭﻛﺎﻥ ﺑﺘﻀﺤﻚ ...
ﻭﻛﻨﺖ ﻣﺴﺘﻐﺮﺏ ﺑﻌﺎﻳﻦ
ﻟﻴﻪ ﺑﺘﻀﺤﻚ !
ﻭﺧﻮﻓﻲ ﻛﺎﻥ ﻓﻲ ﺻﻮﺗﻲ ﺑﺎﻳﻦ
ﺑﺲ ﺃﻛﻴﺪ ﻛﺎﻧﺖ ﺑﺘﻀﺤﻚ
ﺷﺎﻥ ﻭﻓﻴﻪ ﻭﻣﺎﺣﺘﺒﻌﺪ
ﻭﻣﺎﻫﺎ ﻧﻮﻉ ﺍﻟﺒﺒﻘﻲ ﺧﺎﻳﻦ
ﻭﻛﻨﺖ ﻭﻗﺖ ﺍﻟﻘﺎﻫﺎ ﺑﺤﻠﻢ
ﻭﺑﺪﻋﻲ ﺭﺑﻲ ﺗﻜﻮﻥ ﻧﺼﻴﺒﻲ
ﻭﻛﻨﺖ ﺑﺴﻜﺮ ﺑﻲ ﻋﻴﻮﻧﺎ
ﻭﺩﻳﻤﻪ ﻛﺎﻥ ﺑﺘﻌﺪﻟﻮ ﻋﻴﺒﻲ
ﻭﻛﻨﺖ ﺑﺴﺄﻝ ﻧﻔﺴﻲ ﻣﺮﺍﺕ
ﻟﻴﻪ ﻫﻲ ﻣﺎﺑﺘﻘﻮﻝ ﺣﺒﻴﺒﻲ؟
ﻭﺑﺮﺿﻮ ﻣﺎﺷﻜﻴﺖ ﺛﻮﺍﻧﻲ
ﺇﻧﻮ ﻣﻤﻜﻦ ﻟﺤﻈﻪ ﺗﺮﺣﻞ
ﻭﻓﻲ ﺣﺸﺎﻳﺎ ﺗﻘﻴﺪ ﻟﻬﻴﺒﻲ
ﻭﻣﻦ ﻣﺸﺖ ﺳﺎﻗﺖ ﺧﻄﺎﻫﺎ
ﻗﻠﻴﺒﻲ ﻛﺎﻥ ﻓﻲ ﺍﻟﺮﻭﺡ ﺑﻌﺎﻓﺮ
ﻭﻛﺎﻥ ﻫﻮ ﻟﺴﻪ ﺑﻜﻮﺱ ﻭﺭﺍﻫﺎ
ﻛﺎﻧﺖ ﻣﺘﻴﻢ ﻭﺃﻋﻤﻲ ﺿﺎﻳﻊ
ﻣﻬﻤﺎ ﺷﺎﻑ ﻣﺎﺑﺸﻮﻑ ﺳﻮﺍﻫﺎ
ﻭﻛﻢ ﺷﻬﻮﺭ ﻋﺪﺕ ﺻﻌﻴﺒﻪ
ﻭﺯﺍﺩﻭ ﻛﺎﻥ ﺗﻨﻬﻴﺪ ﻭﺁﻫﻪ
ﻟﺤﺪﻱ ﻣﺎ ﺃﺣﺰﺍﻧﻮ ﻣﻠﺖ
ﻭﻓﻲ ﺍﻟﻘﻠﻴﺐ ﺃﻭﺟﺎﻋﻮ ﻗﻠﺖ
ﺻﺪﻓﻪ ﺗﺎﻧﻲ ﺍﻟﺒﺴﻤﻪ ﻃﻠﺖ
ﻭﻓﺘﺤﺖ ﻋﻴﻨﻴﻪ ﺑﺮﺍﺍﺍﻫﺎ
ﺻﻮﺗﻬﺎ ﻛﺎﻥ ﺑﺎﻟﺠﺪ ﻳﺤﻨﻦ
ﻃﻴﺒﻪ ﻣﺎﺳﺎﻗﺖ ﻏﺮﻭﺭﻫﺎ
ﻭﻛﺎﻥ ﻗﻮﺍﻡ ﺍﻟﺮﻳﻞ ﻳﺠﻨﻦ
ﺑﺴﻌﺪ ﺍﻟﺴﺎﺣﺎﺕ ﺣﻀﻮﺭﻫﺎ
ﻭﺑﺎﻟﺮﻣﻮﺵ ﻛﺎﻧﺖ ﺗﻨﺸﻦ
ﻭﻛﺎﻥ ﻛﻤﺎ ﺍﻟﻨﺴﻤﺎﺕ ﻣﺮﻭﺭﻫﺎ
ﻓﻴﻨﻲ ﺣﻠﺖ
ﻭﺷﻜﻠﺖ ﺃﺟﻤﻞ ﻣﻨﺎﻇﺮ
ﺷﺎﻟﺖ ﺃﻧﻘﺎﺽ ﺍﻟﻤﺂﺳﻲ
ﻭﺇﻱ ﺣﺲ ﺟﻮﺍﻱ ﻣﺸﺎﺗﺮ
ﻭﺩﻭﻥ ﺗﺮﺩﺩ
ﺭﺍﺿﻴﻪ ﻗﺎﻟﺖ ﺑﺎﻟﻤﺨﺎﻃﺮ
ﺟﻨﺒﻬﺎ ﺍﻟﺨﻮﻑ ﻣﺎﻋﺮﻓﺘﻮ
ﻭﻻ ﺑﺘﺒﺨﻞ ﺑﺎﻟﻤﺸﺎﻋﺮ
ﻏﺎﻳﺘﻮ ﻛﻞ ﺍﻟﻔﻴﻨﻲ ﻟﻴﻬﺎ
ﻭﺍﻟﻠﻪ ﺳﺎﺍﺍﺍﺗﺮ

ﺍﻟﺠﺮﺡ ﺍﻟﺒﻜﻮﻥ ﻣﻦ ﺭﻳﺪﺓ ﻣﺎﻇﻦ ﻳﺒﺮﺍ
ﻻ ﺑﺘﻨﻔﻊ ﺣﺒﻮﺏ ﻻ ﻣﺲ ﻋﻴﻮﻥ ﻻ ﻗﻄﺮﺓ
ﻣﻦ ﺍﻟﺴﻴﺮﺓ ﺳﺎﻱ ﺍﻟﺰﻭﻝ ﺗﺨﻨﻘﻮ ﺍﻟﻌﺒﺮﺓ
ﻣﻌﺮﻭﻑ ﺍﻟﻔﻀﺎﻳﺢ ﻳﻮﺕ ﻣﺒﺎﺭﻳﺔ ﺍﻟﺴﺘﺮﺓ
ﻣﺮﺍﺕ ﺗﻨﺘﻌﺶ ﻭﺗﻌﻴﺶ ﺳﻌﻴﺪ ﻟﻲ ﻓﺘﺮﺓ
ﻭﺗﻘﻮﻝ ﻭﻟﻰ ﻓﺎﺕ ﺯﻣﻦ ﺍﻟﺤﺰﻥ ﻭﺍﻟﺤﺴﺮﺓ
ﻓﺠﺄﺓ ﺑﺘﻨﺘﻜﺲ ، ﺗﺮﺟﻊ ﻣﻦ ﺍﻭﻝ ﻓﻘﺮﺓ
ﻭﺍﻟﺪﺍﻳﺮ ﺍﻟﻌﺪﻳﻞ ﻻﺑﺪ ﻳﺎﺧﺪ ﻋﺘﺮﺓ
ﻳﺎﺣﻠﻴﻞ ﺭﻳﺪ ﺯﻣﺎﻥ ، ﺯﻣﻦ ﺍﻟﻐﺮﺍﻡ ﻣﻦ ﻧﻈﺮﺓ
ﻭﻛﺘﻴﻦ ﺍﻟﺒﺮﻳﺪ ، ﻏﻴﺮ ﺍﻟﺤﺒﻴﺐ ﻣﺎﺑﻴﻄﺮﺍ
ﺍﻟﺮﻳﺪ ﻛﺎﻥ ﺣﻨﺎﻥ ، ﻣﺎﻛﻠﻤﺔ ﺳﺎﻛﺖ ﻭﻗﺸﺮﺓ
ﻟﻮ ﺿﺎﻉ ﺍﻟﻐﺮﺍﻡ ، ﺑﻴﺮﺍﻋﻮﺍ ﺣﻖ ﺍﻟﻌﺸﺮﺓ
ﻣﺠﺮﻭﺡ ﺍﻟﻐﺮﺍﻡ ﻃﻮﺍﻟﻲ ﻭﺍﻃﻲ ﺍﻟﺠﻤﺮﺓ
ﺳﺮﺣﺎﻥ ﺑﺎﻟﻨﻬﺎﺭ ، ﻭﺍﻟﻠﻴﻞ ﻣﺨﺎﻭﻱ ﺍﻟﻘﻤﺮﺓ
ﻣﺤﺮﻭﻕ ﺍﻟﻔﺆﺍﺩ ﻳﺎﺧﻼﻥ ﻇﺎﻫﺮ ﻇﻬﺮﺓ
ﻋﻨﺪ ﺳﻴﺮﺓ ﺍﻟﺤﺒﻴﺐ ، ﻋﻴﻨﻴﻬﻮ ﺗﺼﺒﺢ ﺣﻤﺮﺓ
ﺍﻟﺮﻳﺪ ﺇﻫﺘﻤﺎﻡ ، ﺯﻱ ﺍﻟﻔﺮﺍﺵ ﻭﺍﻟﺰﻫﺮﺓ
ﺍﻟﺮﻳﺪ ﺇﺣﺘﺮﺍﻡ ، ﻭﺣﻨﺎﻥ ﺍﺳﺎﺱ ﺍﻟﻔﻜﺮﺓ
ﺍﻟﺮﻳﺪ ﺇﻧﺳﺠﺎﻡ ، ﻟﻲ ﺯﺍﺕ ﻑ ﺩﺍﺧﻞ ﺍﺧﺮﻯ
ﻣﻔﻬﻮﻡ ﺍﻟﻐﺮﺍﻡ ﺟﻮﺍﻧﺎ ﻣﺤﺘﺎﺝ ﻋﻤﺮﺓ
ﺍﻟﺮﻳﺪ ﻣﺎﻛﻼﻡ ، ﺍﻓﻌﺎﻝ ﺗﺨﻠﺪ ﺫﻛﺮﻯ
ﺍﻟﺮﻳﺪ ﻣﺎﺧﺼﺎﻡ ، ﺍﺻﻞ ﺍﻟﺠﺒﺎﻝ ﻣﻦ ﺻﺨﺮﺓ
ﺍﻟﺮﻳﺪ ﻣﺎﺣﺮﺍﻡ ، ﻣﺎﺩﺍﻡ ﻫﻮ ﺧﻠﻘﺔ ﻭﻓﻄﺮﺓ
ﺍﻟﻤﺬﻛﻮﺭ ﺍﻣﺎﻡ ، ﺍﻣﺮﺍﺽ ﻏﺮﺍﻡ ﻣﻨﺘﺸﺮﺓ
ﻭﻓﻲ ﻃﺐ ﺍﻟﻐﺮﺍﻡ ، ﻗﺎﻟﻮﺍ ﺍﻟﻤﺠﺮﺏ ﺍﺩﺭﻯ