ﻗﻠﻴﺒﻲ ﺍﻟﺮﺍﺩ
ﻗﺮﺭﺕ ﺃﺑﻴﻌﻮ ﺍﻟﻴﻮﻡ ﻓﻲ ﻣﺰﺍﺩ
ﻣﻴﻦ ﺍﻟﺪﺍﻳﺮﻭ؟
ﺷﺎﻳﻞ ﺍﻟﺮﻳﺪﻩ ﻣﻌﺎﻭ ﻓﻲ ﺍﻟﺰﺍﺩ
ﻓﺎﺕ ﻓﻲ ﺍﻟﻄﻴﺒﻪ ﺣﺪﻭﺩﺍ ﻭﺯﺍﺩ
ﻣﻴﻦ ﺍﻟﺪﺍﻳﺮﻭ؟
ﻗﻠﺐ ﺭﻳﺎﺩ
ﺑﻲ ﻃﺒﻌﻮ ﺣﻨﻴﻦ
ﺁﺩﻣﻦ ﺳﻔﺮﻭ ﺑﻼ ﻣﻴﻌﺎﺩ
ﻭﻛﺎﺗﻢ ﻓﻲ ﺟﻮﺍﻫﻮ ﺃﻧﻴﻦ
ﻗﻠﺐ ﻻ ﻃﻞ ﻋﻠﻴﻬﻮ ﻋﻨﺎﺩ
ﻻ ﺑﻌﺮﻑ ﺍﻟﻘﺴﻮﻩ ﻭﻃﺒﻌﻮ ﺍﻟﻠﻴﻦ
ﻣﻴﻦ ﺍﻟﺪﺍﻳﺮﻭ؟
ﻗﻠﺐ ﻣﺠﺮﻭﺡ ﻟﻜﻦ ﺻﺎﺑﺮ
ﻻ ﻫﻤﻮ ﺍﻟﺮﺍﺣﻮ ﻭﻻ ﺍﻟﺠﺎﻳﺎﺕ
ﻻ ﺑﺤﻜﻲ ﻋﻦ ﺍﻟﺰﻣﻦ ﺍﻟﻐﺎﺑﺮ
ﻻ ﺑﺒﻜﻲ ﻭﻳﺸﻜﻲ ﻣﻦ ﺍﻵﻫﺎﺕ
ﻗﻠﺐ ﺑﺲ ﻋﺎﻧﻰ ﻣﺮﺍﺭ ﺍﻟﻔﺮﻗﻪ
ﻭﺷﺎﻝ ﺍﻟﻠﻴﻞ ﺑﻴﻦ ﻭﺟﻌﻪ ﻭﺣﺮﻗﻪ
ﺿﺎﻕ ﺍﻟﺤﺴﺮﻩ ﻣﺤﻞ ﻣﺎ ﺩﻗﻪ
ﻭﺣﺘﻰ ﺍﻟﻔﺮﺣﻪ ﺗﺠﻴﻮ ﺑﺎﻟﺴﺮﻗﻪ
ﻫﻮﻱ ﻳﺎ ﻧﺎﺱ ﻣﻴﻦ ﺍﻟﺪﺍﻳﺮﻭ !!! ؟

ﺧﺴﺎﺭﻩ ﺍﻟﺰﻭﻝ ﺗﻌﺪﻭ ﺭﻓﻴﻖ
ﻭﻫﻮ ﻳﻔﺘﺶ ﻋﺸﺎﻥ ﻳﺸﻘﻴﻚ
ﺗﺸﻴﻞ ﻫﻤﻮ ﻭﺗﺪﺍﺭﻱ ﻋﻠﻴﻬﻮ
ﺗﺒﻜﻲ ﺩﻣﻮﻋﻮ ﺑﻲ ﻋﻴﻨﻴﻚ
ﻭﻗﺖ ﻫﻤﻚ ﻳﻔﻮﺕ ﻭﻳﻨﺴﺎﻙ
ﻭﻣﺎ ﻳﺴﺄﻝ ﺷﻨﻮ ﺍﻟﻬﺎﻣﻴﻚ
ﻳﻐﻤﺾ ﻓﻴﻚ ﻋﻴﻮﻥ ﺍﻟﻔﺮﺣﻪ
ﻟﻸﻫﺂﺕ ﻳﺼﺤﻲ ﻳﻔﻴﻖ
ﺧﺴﺎﺭﻩ ﺗﻘﻮﻝ ﻋﻠﻴﻬﻮ ﺃﺧﻮﻙ
ﻭﻓﻲ ﺳﺮﻙ ﺗﺤﺴﺒﻮ ﺷﺮﻳﻚ
ﺑﺘﺤﻜﻲ ﺩﻭﺍﻡ ﻋﻠﻴﻮ ﺑﺎﻟﺨﻴﺮ
ﻭﺗﻠﻘﻰ ﻭﺭﺍﻙ ﺑﻴﻄﻌﻦ ﻓﻴﻚ
ﻛﺘﻴﺮ ﺻﺪﻗﺖ ﻛﺬﺑﻮ ﻋﻠﻴﻚ
ﻭﻣﺎﻓﻜﺮﺕ ﻓﻲ ﺍﻟﺮﺍﺟﻴﻚ
ﺷﻴﻞ ﻭﺟﻌﻚ ﺑﺮﺍﻙ ﺍﻟﻴﻮﻡ
ﻭﺃﺟﻨﻲ ﻭﺭﺩ ﻭﻓﺎﻙ ﻋُﻠِّﻴﻖ

ﻣﻨﻮ ﺍﻟﻘﺎﻝ ﺍﻧﺖ ﻣﻨﻲ ﺑﻌﻴﺪ؟ !
ﺑﺤﺴﻚ ﻧﺒﻀﻲ ﻓﻲ ﺍﻟﺸﺮﻳﺎﻥ ...
ﻭﺃﺣﺴﻚ ﻓﻲ ﻗﻠﻴﺒﻲ ﻭﺭﻳﺪ
ﺑﺘﺪﺧﻞ ﺭﻭﺣﻲ ﺯﻱ ﻛﻞ ﻳﻮﻡ ...
ﻭﺗﻄﻠﻊ ﻣﻨﻲ ﺑﻮﺡ ﻭﻗﺼﻴﺪ
ﻭﺃﺷﻴﻠﻚ ﻓﻲ ﺍﻟﻌﻴﻮﻥ ﺇﻧﺴﺎﻥ ...
ﻭﺃﺷﻮﻓﻚ ﻓﺮﺣﺔ ﺯﻱ ﺍﻟﻌﻴﺪ
ﻭﺳﺎﻓﺮ ﺷﻴﻞ ﻣﻌﺎﻙ ﺍﻟﺸﻮﻕ ...
ﻭﺧﻠﻲ ﻋﻴﻮﻧﻲ ﻟﻠﺘﺴﻬﻴﺪ
ﻭﻋﺎﺍﺍﺭﻑ ﺇﻧﻲ ﺑﻴﻚ ﻭﻟﻬﺎﻥ ...
ﻭﺇﻧﻰ ﻣﻌﺎﻛﺎ ﻫﺎﻧﻲ ﺳﻌﻴﺪ
ﺯﻣﺎﻧﻲ ﺍﻟﻌﺸﺘﻮ ﻣﻦ ﺩﻭﻧﻚ ...
ﻭﺣﺎﺗﻚ ﻣﺎ ﺑﻌﺪﻭ ﺃﻛﻴﺪ
ﻭﻟﻴﻠﻲ ﺍﻟﻤﺮﺍ ﺩﻭﻥ ﻋﻴﻨﻴﻚ ....
ﺑﻤﺮ ﻓﻲ ﺍﻟﺤﺴﺮﺓ ﻭﺍﻟﺘﻨﻜﻴﺪ
ﻋﺒﻴﺮﻙ ﻋﺒﺎ ﻛﻞ ﺍﻟﻜﻮﻥ ...
ﻭﺻﻮﺗﻚ ﺭﺩﺩ ﺃﺣﻠﻰ ﻧﺸﻴﺪ
ﻣﻼﺫﻙ ﻣﺄﻭﻯ ﻣﻦ ﺍﻟﺨﻮﻑ ...
ﻭﻣﻦ ﺍﻟﺤﻴﺮﺓ ﻭﺍﻟﺘﺸﺮﻳﺪ
ﻟﻘﻴﺘﻚ ﻭﻓﻴﻚ ﺣﻨﺎﻥ ﻣﻨﺴﺎﺏ ...
ﻳﺬﻭﺏ ﻓﻴﻨﻲ ﺃﻱ ﺟﻠﻴﺪ
ﺗﻌﺎﻝ ﻧﻔﺘﺢ ﻣﺠﺎﻝ ﻟﻠﻮﺩ ...
ﻭﻧﻤﺸﻲ ﻃﺮﻳﻘﻨﺎ ﺇﻳﺪ ﻓﻲ ﺇﻳﺪ
ﻣﻌﺎﻙ ﺍﺗﺒﺪﺩﺕ ﺃﺣﺰﺍﻥ ...
ﻛﺒﺮ .. ﺟﻮﺍﻧﺎ ﺃﺣﻠﻰ ﻭﻟﻴﺪ
ﻭﻓﺎﺽ ﻧﻴﻞ ﺍﻷﻣﺎﻧﻲ ﺗﺴﺎﺏ
ﻭﻟﺒﺴﺖ ﺭﻭﺣﻲ ﺣﻠﻢ ﺟﺪﻳﺪ
ﺑﺤﺒﻚ .. ﻭﻣﺎﻓﻲ ﺃﺑﺪﺍً ﺯﻭﻝ ..
ﺑﺤﺒﻚ ﺯﻳﻲ ﺑﺎﻟﺘﺤﺪﻳﺪ
ﻭﺃﺭﻳﺪﻙ ﺭﻳﺪﺓ ﻣﺎ ﻛﺎﻧﺖ ...
ﻭﻣﻴﻦ ﺍﻟﺰﻳﻲ ﺗﺎﻧﻲ ﺑﺮﻳﺪ؟ !!!!
ﻣﻨﻮ ﺍﻟﻘﺎﻝ ﺍﻧﺖ ﺳﺎﻓﺮﺕ ...
ﻣﻨﻮ ﺍﻟﻘﺎﻝ .. ﺍﻧﺖ ﻣﻨﻲ ﺑﻌﻴﺪ؟

ﻣﻨﻮ ﺍﻻﺩﺍﻙ ﺟﻮﺍﺯ ﻟﻠﺤﺐ ﻋﺸﺎﻥ ﻱ ﻗﻠﺒﻲ ﺗﺘﺄﻟﻡ
ﻢ ﻣﻨﻮ ﺍﻟﻮﺩﺍﻙ ﻃﺮﻳﻖ ﺍﻟﺮﻳﺪ ﻭﺗﺘﺼﺮﻑ ﺑﺮﺍﻙ ﻓﻮﻕ ﻛﻢ؟
-
ﺗﺠﻲ ﻭﺑﻌﺪ ﺍﻟﻔﺮﺍﻕ ﻳﺤﺼﻞ ﺗﻘﻮﻝ ﻟﻠﺪﻧﻴﺎ ﻣﺎﻓﻲ ﻃﻌﻢ
ﻳﺎﺍﺍﺥ ﻛﻢ ﻣﺮﻩ ﻭﺭﻳﺘﻚ ﺻﺒﺢ ﻣﺎ ﻋﻨﺪﻙ ﺍﻱ ﻓﻬﻢ
-
ﺗﻌﺎﻝ ﺍﺳﻤﻊ ﻋﺸﺎﻥ ﺗﻌﺮﻑ ﻭﺟﻴﺐ ﻛﺮﺍﺱ ﻭﺍﻱ ﻗﻠﻢ
ﻭﺍﻛﺘﺐ ﺑﻌﺪ ﺑﺴﻢ ﺍﻟﻠﻪ ﺩﺭﺳﻨﺎ ﺍﻟﻠﻴﻠﻪ ﻛﻠﻮ ﻣﻬﻢ
-
ﻛﺮﺍﻣﺘﻚ ﻳﺎ ﻗﻠﺐ ﻓﻲ ﺍﻟﺮﻭﺡ ﺗﺨﺘﻬﺎ ﺍﻧﺖ ﺍﻭﻭﻭﻝ ﻫﻢ
ﻭﻣﺎ ﻳﻐﺮﻙ ﺟﻤﺎﻝ ﺍﻟﻌﻴﻦ ﺣﻘﺎﻳﻖ ﺍﻟﻨﺎﺱ ﺍﺳﺎﺳﻪ
-
ﻭﻣﺎ ﺗﺨﻠﻴﻚ ﺿﻌﻴﻒ ﺇﺣﺴﺎﺱ ﺗﺒﺎﺩﻝ ﺍﻟﻨﻈﺮﻩ ﺗﺘﺒﺴﻢ
ﺗﻀﺤﻲ ﻋﺸﺎﻥ ﻋﻴﻮﻧﺎ ﺧﻼﺹ ﺗﺠﻲ ﻭﺑﻌﺪ ﺍﻟﻔﺮﺍﻕ ﺗﻨﺪﻡ
-
ﺍﻛﻴﺪ ﺭﺑﻚ ﻛﺮﻳﻢ ﻭﺭﺣﻴﻢ ﻭﻣﺎ ﻛﻞ ﺍﻟﺒﺸﺮ ﺗﺮﺣﻢ
ﺻﻔﺎﺕ ﺍﻟﻄﻴﺒﻪ ﻭﺍﻹﺧﻼﺹ ﻣﻊ ﻃﻮﻝ ﺍﻟﺰﻣﻦ ﺗﻌﺪﻡ
-
ﻭﻛﻢ ﻣﻦ ﺯﻭﻝ ﺗﺸﻮﻓﻮ ﻗﺮﻳﺐ ﻭﺷﺎﻳﻔﻚ ﺩﻳﻤﺎ ﺇﻧﺖ ﻋﺪ
ﻡ ﻭﻛﻞ ﻣﻦ ﻗﺎﻝ ﺑﺤﺒﻚ ﺟﺪ ﺍﺣﺰﺭﻙ ﺍﻧﻮ ﺗﺪﻱ ﻧﻌﻢ
-
ﻓﻲ ﻧﺎﺱ ﺩﻛﺘﻮﺭﺍﻩ ﻓﻲ ﺍﻟﺘﻌﺬﻳﺐ ﻭﻣﺎ ﺟﺴﺘﻴﺮ ﺗﺨﺼﺺ ﻫﻢ
ﻫﻮﺍﻳﻪ ﻳﺸﻮﻓﻮ ﺩﻣﻊ ﺍﻟﻌﻴﻦ ﻣﻌﺪﻟﻮ ﻳﻄﻠﻊ ﺍﻗﻮﻯ ﺳﻬﻢ
-
ﻭﺣﻮﺵ ﻃﻠﻌﺖ ﻃﺒﺎﻉ ﺍﻟﻨﺎﺱ ﻗﻠﻴﻴﻴﻴﻴﻞ ﻭﺍﻟﻠﻪ ﻣﻦ ﻳﺴﻠﻢ
ﺩﺍ ﺩﺭﺱ ﺍﻟﻠﻴﻠﻪ ﻳﺎﺍﺍﺍ ﻗﻠﺒﻲ ﻋﻠﻴﻚ ﻭﺍﺍﺍﺟﺐ ﻋﺸﺎﻥ ﺗﻔﻬﻢ
-
ﻣﻦ 100 ﺣﺒﻴﺐ ﻭﺣﺒﻴﺐ ﺗﻌﺎﻝ ﻭﺭﻳﻨﻲ ﺑﺨﻠﺺ ﻛﻢ؟؟
.. ﻭﻣﻦ ﻧﻔﺲ ﺍﻟﻌﺪﺩ ﻃﻠﻊ ﻣﻨﻮ ﺍﻟﻤﺎ ﺩﻗﻪ ﺑﺎﺍﺍﺑﻮ ﻧﺪﻡ؟؟
-
ﻭﻣﺎ ﺑﺨﻔﻒ ﺟﺮﻭﻭﻭﻭﺡ ﺍﻟﺮﻳﺪ ﻭﻻ ﺑﻨﺪﻭﻝ ﻭﻻ ﻋﻠﻘﻢ
ﺑﻌﻠﻢ ﻓﻴﻜﺎ ﻳﺎﺍﺍﺍ ﻗﻠﺒﻲ ﻭﺍﺭﻳﺘﻚ ﻛﺎﻥ ﺑﺘﺘﻌﻠﻢ

ﻭﺍﻟﻤﻄﺮﻩ ﺑﺪﺕ
ﻓﻲ ﺩﺍﻙ ﺍﻟﺤﻮﺵ
ﺍﻟﻤﺎﻣﻌﺮﻭﺵ
ﺳﺎﻓﺮ ﻳﺎﻧﺎﺱ
ﺍﻧﺎ ﺍﻟﻘﺎﻭ ﻛﻴﻒ
ﺭﺳﻠﺖ ﻛﺘﻴﺮ
ﺃﺷﻮﺍﻕ ﻭﺳﻼﻡ
ﻭﺣﺮﻭﻓﻲ ﺗﻄﻴﺮ
ﻣﺮﺳﺎﻟﻲ ﺣﻤﺎﻡ
ﻭﺃﻗﻮﻝ ﻻﺑﺪ
ﻳﺒﻌﺖ ﻻﺑﺪ
ﻟﻜﻨﻮ ﻫﻨﺎﻙ
ﻻ ﺑﺼﺪ ﻻ ﺑﺮﺩ
ﺷﻠﻬﺘﻨﻲ ﻣﻌﺎﻭ
ﻟﻲ ﺁﺧﺮ ﺣﺪ
ﺣﺪﺍﺩﻱ ﻫﻮﺍﻙ
ﻣﺪﺍﺩﻱ ﺍﻟﻤﺪ
ﻳﺎﺥ ﻣﺸﺘﺎﻕ ﻟﻴﻚ
ﻃﻤﻨﻲ ﻋﻠﻲ
ﻟﻮ ﻛﺖ ﻣﺎﺟﺎﻱ
ﺭﺳﻞ ﻋﻴﻨﻴﻚ
ﻓﺠﺄﺓ ﺍﻟﻨﺒﺎﻩ
ﻭﺍﻧﺎ ﻟﻴﻠﻲ ﻃﻮﻳﻞ
ﻣﺘﻌﺸﻲ ﺟﺮﺍﺡ
ﻟﻤﻠﻤﺖ ﺍﺳﺎﻱ
ﺟﺎﺑﺪﺕ ﺍﻵﻩ
ﺷﻬﺪﺕ ﻧﺠﻮﻡ
ﻭﺣﺪﺕ ﺍﻟﻠﻪ
ﻭﺃﺧﻴﺮﺁ ﻋﺎﺩ
ﻛﺎﻥ ﺷﺎﻳﻠﻮ ﺑﻌﺎﺩ
ﻭﺃﺧﻴﺮﺁ ﻋﺎﺩ
ﻭﺍﻧﺎ ﻋﺎﺩ ﻳﺎﻧﺎﺱ
ﺍﻓﺮﺍﺣﻲ ﻛﺤﻞ
ﻭﺍﻟﺮﻳﺪ ﻣﺮﻭﺍﺩ
ﻭﺟﺮﻳﺖ ﺍﻟﻘﺎﻭ
ﺳﺎﺑﻘﻨﻲ ﻫﻮﺍﻭ
ﻭﻟﺴﻮﺀ ﺍﻟﺤﻆ
ﻻﺣﻈﺖ ﺍﻟﻠﻮﻥ
ﻣﺎ ﻟﻮﻥ ﺍﻟﻌﻴﻦ
ﻭﺇﺣﺴﺎﺱ ﻣﻤﺤﻮﻕ
ﻣﺎﻓﻴﻬﻮ ﺣﻨﻴﻦ
ﺯﻱ ﺍﻟﻤﺴﺤﻮﺭ
ﺍﻭ ﻃﺎﻗﺸﺎﻭ ﻋﻴﻦ
ﻭﺍﻟﺪﻧﻴﺎ ﺗﺪﻭﺭ
ﻭﻗﻠﺐ ﻣﻜﺴﻮﺭ
ﻭﻣﺮﺍﻳﺔ ﺍﻟﻈﻦ
ﻣﺎ ﺑﺘﻌﻜﺲ ﻧﻮﺭ

ﻳﺎﺩﻧﻴﺎ ﻣﺎﺗﺪﻳﻨﺎ ﺷﻲ
ﻟﻮ ﻛﻨﺘﻲ ﺗﺎﻧﻲ ﺣﺘﻘﻠﻌﻲ
ﻣﺎﺗﺸﻴﻠﻲ ﺍﺣﺴﺎﺱ ﺍﻻﻣﻞ
ﻭﻗﻠﻴﺒﻨﺎ ﺑﺎﻟﺨﻮﻑ ﺗﺰﺭﻋﻲ
ﺗﺪﻳﻨﺎ ﺯﻭﻝ ﻧﻬﻮﺍﻫﻮ ﺟﺪ
ﻭﻓﻲ ﻟﺤﻈﻪ ﺗﺎﻧﻲ ﺗﻀﻴﻌﻲ
ﻋﺎﻳﺸﻴﻦ ﻣﻌﺎﻙ ﺍﺣﺰﺍﻥ ﻭﺑﺲ
ﻭﻟﻮ ﺯﺍﺭﻧﺎ ﻓﺮﺣﻚ ﺗﻤﻨﻌﻲ
ﻳﺎﺩﻧﻴﺎ ﻣﺎﻓﻬﻤﺎﻙ ﻋﺪﻳﻞ
ﺍﻟﻘﺎﺳﻲ ﺩﻳﻤﻪ ﺑﺘﺮﻓﻌﻲ !
ﻭﺍﻟﻘﻠﺒﻮ ﻣﻠﻴﺎﻥ ﺑﺎﻟﺤﻨﺎﻥ
ﻛﻠﻤﺎ ﻳﺼﻞ ﺑﺘﺮﺟﻌﻲ
ﺍﻟﻤﺎﺷﻲ ﻓﻲ ﺍﻟﺪﺭﺏ ﺍﻟﺴﻠﻴﻢ
ﻛﻠﻤﺎ ﻳﻤﺶ ﺑﺘﻮﻗﻌﻲ
ﻭﺍﻧﺎ ﻗﻠﺒﻲ ﺍﺗﻤﺮﺩ ﻋﻠﻴﻚ
ﺣﻴﺤﺐ ﻭﻣﺎﺃﻇﻦ ﺗﺮﺩﻋﻲ
ﻭﻋﻤﻠﺘﻪ ﻟﻲ ﺩﺳﺘﻮﺭ ﺟﺪﻳﺪ
ﻣﻀﻤﻮﻧﻮ ﺍﻧﻚ ﺗﺨﻀﻌﻲ
ﻭ ﺩﺭﺳﺘﻪ ﺣﺮﻛﺎﺗﻚ ﺧﻼﺹ
ﻗﻠﺒﻲ ﺍﻟﺮﻫﻴﻒ ﻣﺎﺑﺘﺨﺪﻋﻲ
ﻣﺎﺗﺠﻴﺒﻲ ﻟﻴﻬﻮ ﺧﺎﻳﻦ ﺟﺪﻳﺪ
ﺫﻟﻚ ﺑﺮﺍﻙ ﺍﺗﺠﺮﻋﻲ
ﺍﻧﺎ ﻗﻠﺒﻲ ﻓﺎﺕ ﻣﻨﻚ ﺑﻌﻴﺪ
ﻟﻮ ﻣﺎﺑﺘﻠﺤﻘﻲ ﺟﺪﻋﻲ

ﺍﻟﺒﻴﻨﺎ ﻻ ﺷـــــﻚ ﺍﻧﺘﻬﻰ ...
ﻭﺻﻠﺖ ﺧﻄﺎﻱ ﺍﻟﻤﻨﺘﻬﻰ ..
2000 ﺳــﻼﻡ ﻟﻲ . ﻣﻌﺰﺗﻚ ..
ﻓﺎﺭﻗﺖ ﺩﻧﻴﺎﻙ ﻛﻠﻬﺎ ...
ﻭﺑﺪﻳﺖ ﺩﺭﻭﺏ ﻣﻦ ﻏﻴﺮ ﻫﻮﺍﻙ ..
ﻭﺍﻟﺪﻣﻌﻪ ﺟﻮﺍﻱ ﺷﻠﺘﻬﺎ ..
ﺣﺎﺿﻦ ﻣﻼﻣﺤﻚ ﻣﻦ ﺑﻌﻴﺪ ..
ﻻﺯﻡ ﺣﺪﻭﺩﻱ ﺍﻟﻘﻠﺘﻬﺎ ..
ﻻ ﺑﻤﺸﻲ ﺗﺎﻧﻲ ﻭﺭﺍ ﻫﻮﺍﻙ ..
ﻛﻠﻤﺔ ﻭﺩﺍﻉ ﻧﻈﻤﺘﻬﺎ ..
ﻭﻧﺴﺠﺖ ﻣﺎ ﺑﻴﻨﻚ ﺩﺭﻭﺏ ..
ﻻ ﻳﻤﻜﻦ ﺍﻗﺪﺭ ﺍﻫﺪﻫﺎ ..
ﻭﻣﻨﻲ ﺍﻟﺴﻤﺎﺡ ﻡ ﺍﻇﻦ ﻳﺠﻴﻚ ..
ﺟﻮﺍﻱ ﻧﺎﺭ ﻭﻟﻌﺘﻬﺎ ..
ﻻﻳﻤﻜﻦ ﺍﻻﻳﺎﻡ ﺗﺸﻴﻼ ﻭﺗﻤﺴﺤﺎ ..
ﻭﺍﻧﺎ ﺭﺍﺟﻲ ﻓﻴﻚ ﺣﻜﻢ ﺍﻻﻟﻪ ..
ﺗﺮﺟﻊ ﺣﻘﻮﻗﻲ ﺍﻟﺸﻠﺘﻬﺎ ..
ﻭﺗﻌﺮﻑ ﻫﻮﺍﻯ ﺍﻧﺎ ﻡ ﻟﻌﺐ ..
ﻭﺍﻟﺤﺐ ﻗﻀﻴﻪ ﻭﺑﻌﺘﻬﺎ ..
ﻭﺍﻧﺎ ﺑﺮﺿﻮ ﺑﺘﻤﻨﺎﻙ ﺳﻌﻴﺪ ..
ﺭﻏﻢ ﺍﻟﺪﻣﻮﻉ ﻧﺰﻟﺘﻬﺎ ..
ﺍﻟﺪﻧﻴﺎ ﻡ ﻟﺤﻈﻪ ﻭﺩﺍﻉ ..
ﻣﻨﻚ ﺧﻼﺹ ﻭﺩﻋﺘﻬﺎ ..
ﻭﺍﺍﺍﺍﺍﺍﺳﻒ ﺑﻘﻮﻝ ﺣﺒﻚ ﻏﻠﻂ ..
ﻭﺍﻛﺒﺮ ﻣﺼﻴﺒﻪ ﻋﻤﻠﺘﻬﺎ ..
ﻭﺍﻧﺎ ﻛﻮﻧﻮ ﺍﻏﻠﻂ ﻡ ﻏﻠﻂ ..
ﻧﺪﻣﺎﻥ ﻣﺸﺎﻋﺮﻱ ﻇﻠﻤﺘﻬﺎ ..
ﺟﺮﺣﺖ ﺑﻲ ﺣﺒﻚ ﻗﻠﺐ ..
ﻛﻞ ﺍﻻﻣﻨﺎﻱ ﺩﻓﻨﺘﻬﺎ ..
ﻭﺍﻧﺎ ﻋﺎﺍﺭﻑ ﺍﻟﻠﻪ ﻛﺮﻳﻢ ﻋﻠﻲ ..
ﻣﻠﻴﻮﻥ ﻣﺤﺒﻪ ﺑﺤﺒﻬﺎ ..
ﻭﻏﻴﺮﻙ ﺑﺠﻴﺒﻮ ﻫﻈﺎﺭ ﻭﺟﺪ ..
ﻣﺎ ﺍﻟﺪﻧﻴﺎ ﻟﻌﺒﻪ ﻓﻬﻤﺘﻬﺎ ..
ﻭﺭﺍﻓﻊ ﻣﻌﺎﻙ ﻛﻔﻲ ﺍﻟﻴﻤﻴﻦ ..
ﺑﺎﻱ ﺑﺎﻱ ﺧﻼﺹ ﺍﺷﺮﺗﻬﺎ

ﻣﺎ ﺍﺗﻌﻮﺩﺕ ﺍﺧﺎﻑ ﻣﻦ ﻗﺒﻠﻚ
ﺍﻻ ﻣﻌﺎﻙ ﺣﺴﻴﺖ ﺑﺎﻟﺨﻮﻑ
ﺍﻋﻤﻞ ﺍﻳﻪ ﻣﺎ ﺍﻟﻘﺴﻤﻪ ﺍﺧﺘﺎﺭﺕ
ﻭﻛﻞ ﺍﻟﻨﺎﺱ ﺣﺎﻛﻤﺎﻫﺎ ﻇﺮﻭﻑ
.....
.....
ﻳﺎ ﻣﺎ ﻛﺘﻴﺮ ﻓﻜﺮﺕ ﺍﺻﺎﺭﺣﻚ
ﻭﺍﺳﺘﻨﻴﺘﻚ ﺗﺒﺪﺃ ﺍﻟﺴﻴﺮﻩ
ﻻ ﺍﺗﻜﻠﻤﺖ ﻭﻻ ﻟﻤﺤﺖ
ﻭﻻ ﺑﻴﻨﺘﺎ ﺍﻟﺮﻳﺪﻩ ﻣﺼﻴﺮﻫﺎ
ﻭﺍﻟﺤﻨﻴﻪ ﺍﻟﻜﻨﺖ ﺑﺪﻳﺘﺎ
ﻫﺴﻪ ﺑﻘﻴﺖ ﺑﺘﺸﻮﻓﺎ ﻛﺘﻴﺮﻩ
ﺯﻱ ﺧﻠﻴﺘﻨﻲ ﺍﺷﻚ ﻓﻲ ﺭﻳﺪﺗﻲ
ﻭﺧﻔﺖ ﺗﻜﻮﻥ ﻣﺸﻐﻮﻝ ﺑﻲ ﻏﻴﺮﺍ
ﺍﻧﺎ ﻣﻦ ﻗﺒﻠﻚ ﻣﺎ ﺍﺗﺤﻴﺮﺗﺎ
ﻭﺟﻴﺖ ﻭﺭﻳﺘﻨﻲ ﺩﺭﻭﺏ ﻓﻲ ﺍﻟﺤﻴﺮﻩ
.........
........
ﻭﺍﻟﻠﻪ ﻋﺸﺎﻧﻚ ﻳﺎ ﻣﺎ ﺻﺒﺮﺗﺎ
ﻟﻤﺎ ﺍﻟﺼﺒﺮ ﻓﺘﺮ ﻣﻦ ﺻﺒﺮﻱ
ﻭﻟﻤﺎ ﻧﺴﻴﺖ ﺍﻟﺪﻧﻴﺎ ﻭﺣﺎﺗﻚ
ﻣﻦ ﺍﻋﻤﺎﺭﻧﺎ ﺳﻨﻴﻨﻬﺎ ﺑﺘﺠﺮﻱ
ﻻ ﺍﺗﻠﻮﻣﺖ ﻣﻌﺎﻙ ﻻ ﻟﻤﺘﻚ
ﻗﻠﺖ ﺑﺮﺍﻙ ﺑﺘﺤﺲ ﺑﻲ ﻗﺪﺭﻱ
ﻗﻠﺖ ﻋﻠﻴﻚ ﺑﻜﺮﻩ ﺑﺘﺘﻐﻴﺮ
ﻭﺍﻟﻔﻰ ﻑ ﺭﻳﺪﻙ ﻓﺮﺣﺔ ﻋﻤﺮﻱ
ﺍﻻ ﻟﻘﻴﺘﻚ ﻟﺴﻪ ﺗﺎﻳﻪ ﻓﻲ ﺩﻧﻴﺎﻙ
ﻭﻣﺘﻮﻩ ﺍﻣﺮﻱ
..........
..........
ﻛﻢ ﺣﺎﻭﻟﺖ ﺍﻋﺎﻧﺪ ﺯﻳﻚ
ﻭﺍﻗﺴﻰ ﻋﻠﻴﻚ ﺑﻲ ﻛﻠﻤﻪ ﺷﻮﻳﻪ
ﺍﻻ ﻭﺣﺎﺗﻚ ﻏﺼﺒﺎ " ﻋﻨﻲ
ﻗﺒﻞ ﻋﻨﺎﺩﻱ ﺗﺠﻲ ﺍﻟﺤﻨﻴﻪ
ﻭﺩﺭﺑﺎ " ﺳﺮﺗﻮ ﻣﻌﺎﻙ ﺑﻲ ﻗﻠﺒﻲ
ﻭﻣﻨﻮ ﺑﻼﻙ ﻣﺎ ﺑﺘﺒﻘﻰ ﺍﻟﺠﻴﻪ
ﻣﺎ ﻓﺎﺭﻗﺖ ﻑ ﻳﻮﻡ ﺫﻛﺮﺍﻛﺎ
ﻭﺍﻧﺎ ﺫﻛﺮﺍﻱ ﻋﻨﺪﻙ ﻣﻨﺴﻴﻪ
ﺍﻧﺎ ﻣﺠﺒﻮﻭﻭﻭﻭﻭﻭﻭﻭﻭﻭﻭﺭ ﺍﺳﺘﻨﻰ ﺭﺿﺎﻙ
ﻭﺍﻧﺖ ﺍﺭﻳﺘﻚ ﺗﺮﺿﻰ ﻋﻠﻴﺎ

ﻳﺎﺍﻟﻜـﻨـﺖ ﺍﻗــــﺮﺏ ﺯﻭﻭﻝ ..
ﺍﻟـﻄـﻌـﻨـﻪ ﻭﺻـﻠـﺖ ﺻـﺎﺡ ..
ﺍﻥ ﺷــﺎﺀ ﺍﻟﻠﻪ ﺍﺭﺗــﺤــــﺘ ..
ﻭﻗـﻠـﺒـﻜـ ﻛـﻤـﺎﻥ ﻣــﺮﺗـﺎﺡ ..
ﻇــﺎﻫــﺮ ﻋـﻠـﻴــﻜـ ﺧـﺎﻳﻦ ..
ﻧــﻈــﺮ ﺍﻟـﻌـﻴــﻮﻥ ﻓـﻀـﺎﺡ ..
ﻭﺍﻟـﺮﻳــﺪﻫـ ﻓــﻲ ﻗﻠـﺒـﻜـ ..
ﻛﻴﻔـ ﺗﻠـﻘـﻰ ﻟﻴﻬﺎ ﺑـﺮﺍﺍﺍﺍﺡ ..
ﻭﻗﻠـﺒـﻜـ ﻣﻠﻴـﺘﻮ ﺳـــﻮﺍﺍﺍﺩ ..
ﻭﻟــﻊ ﺣــﺮﻳــﻘـــﻮ ﻭﻓــﺎﺡ ..
ﺍﺩﻳــﺘـــﻜـ ﺍﻧـــﺎ ﺣــﺒــﻲ ..
ﻭﺟﺎﺯﻳﺘﻨﻲ ﺑـﺪﻟــﻮ ﺟــﺮﺍﺡ ..
ﺳﻠـﻤـﺘﻪ ﻟــﻴــﻜـ ﻗـﻠﺒﻲ ..
ﻭﺍﺩﻳــــﺘـــﻜـ ﺍﻟـﻤـﻔـﺘـﺎﺡ ..
ﻟﻜــﻦ ﻃـﻠـﻌــﺘـﻪ ﺳـﺮﺍﺏ ..
ﺯﻱ ﺍﻟــــﺰﻣــــﻦ ﺭﻭﺍﺍﺍﺍﺍﺡ ..
ﻋـﻤـﺮﻭ ﺍﻟـﺨﺪﺍﻉ ﻣﺎﻛـﺎﻥ ..
ﻓﻲ ﺍﻟﺮﻳﺪﻩ ﺷﺮﻋﻮ ﻣﺒﺎﺡ ..
ﻭﺍﻧﺎ ﻛﺎﻥ ﻋﻠﻲ ﺑـﻨـﺴﺎﻛـ ..
ﺍﻋـﺘـﺒـﺮﻭ ﺭﻳـــﺪﻛـ ﺭﺍﺍﺍﺍﺍﺡ ..
ﻓـﺎﺍﺍﺭﻗـﻨـﻲ ﻳـﺎ ﻣﻐﺮﻭﻭﻭﺭ ..
ﺳﻴــﺐ ﺍﻟـﺠـﺮﺡ ﻧﺘﺎﺍﺍﺍﺡ

ﻣﺎ ﻣﻬﻢ ﻛﻮﻧﻚ ﺗﻌـــﺎﻧﺪ
ﺍﻭ ﻳﺒـــــﻮﺡ ﺑﺎﻟﺮﻳـﺪﻩ ﻗﻠﺒﻚ
ﺍﻟﻤﻬﻢ ﻳﺎ ﺯﻭﻝ ﺑﺮﻳـــــﺪﻙ
ﻭﺷﺎﻳﻠﻮ ﻓــــﻲ ﺟﻮﺍﻳﺎ ﺣﺒﻚ
ﺍﺻﻠﻮ ﻗﺎﻟﻮ ﺍﻟﺮﻳﺪ ﻣﺮﺍﺣﻞ
ﺑﺒﺪﺍ ﺑﻴﻦ ﻟﺤﻈــــﻪ ﻭﺩﻗﻴﻘﻪ
ﻧﺎﺱ ﺑﺘﻌﺸﻖ ﻓﻲ ﺍﻟﺪﻭﺍﺧﻞ
ﻭﻛﻞ ﺯﻭﻝ ﺑﺨﺘﺎﺭ ﻃﺮﻳﻘــﻪ
ﻭﺍﻧﺖ ﺑﺘﺨﺒــﻲ ﺍﻟﻤﺸﺎﻋﺮ
ﻭﺍﻟﻌﻴــــﻮﻥ ﺑﻠﻤـــﻊ ﺑﺮﻳﻘﻪ
ﻓﻴﻬﺎ ﺍﻳﻪ ﻟﻮ ﻳﻮﻡ ﻋﺸﻘﺘﻚ
ﻭﺟﻴﺖ ﺍﺻﺎﺭﺣﻚ ﺑﺎﻟﺤﻘﻴﻘـﻪ
ﻧﺤﻦ ﺑﻨﺤــﺎﻭﻝ ﻧﻘـــــﺮﺏ
ﻭﺍﻧﺖ ﺑﺘﺰﻳــــﺪ ﻓﻲ ﺩﻻﻟﻚ
ﻭﻛﻞ ﻟﺤﻈﻪ ﺗﻤﺮ ﻋﻠﻴﻨـﺎ
ﻓﻴﻬﺎ ﻧﺤﻠــــﻢ ﺑﻲ ﻭﺻﺎﻟﻚ
ﻣﺮﻩ ﻧﻬﺪﻳﻚ ﺍﻟﻤﺸﺎﻋﺮ
ﻭﻣﺮﻩ ﻧﺴﺮﺡ ﻓﻲ ﺟﻤﺎﻟﻚ
ﺑﺲ ﻋﺸﺎﻥ ﺧﺎﻃﺮ ﻋﻴﻮﻧﻚ
ﻛﻞ ﻗﺎﺳﻲ ﻳﻬﻮﻥ ﻋﺸﺎﻧﻚ
ﻨﺎﺱ ﺑﻘﻮﻟﻮ ﺍﻟﺮﻳﺪ ﻣﺤﻨﻪ
ﻭﻓﻲ ﺍﻟﺤﻘﻴﻘﻪ ﺍﻟﺮﻳﺪ ﻋﺬﺍﺏ
ﻧﺎﺱ ﺑﺘﻐﺮﻕ ﻓﻲ ﺍﻟﻤﺤﺒﻪ
ﻭﻧﺎﺱ ﺑﺘﺠﺮﻱ ﻭﺭﺍ ﺍﻟﺴﺮﺍﺏ
ﻣﺎ ﺣﺮﺍﻡ ﺗﺠﺮﺡ ﻣﺸﺎﻋﺮ
ﻟﺴــﻪ ﻓﻲ ﻋﺰ ﺍﻟﺸﺒﺎﺏ
ﺯﻭﻝ ﻫﻮﺍﻙ ﻭﺍﺩﻣﻦ ﻋﻴﻮﻧﻚ
ﻭﺍﻧﺖ ﺑﺘﻘﻮﻝ ﻧﻔﻀﻞ ﺻﺤﺎﺏ