زمان كنت الخليفه وكنت لينا علامه
لا بنرضالك الذل لا خضوع وملامه
رغمناك من قرار المحكمة واعدامة
جزانا معاك قناصة وطلق في الهامة؟؟

بداية الاحتجاج كان بين وقود ورغيف
كتلت ولادنا تاني الاحتجاج ما بقيف
ثوره كرامه حرية ونضاله عفيف
ندك القصر نستأصل حكومة الزيف

شعبك ثار وبالحرية وطنك حالم
يسقط كل مطبل حته لو كان عالم
سليمة بتقوم ندر البيرجع سالم
نموت بالعزه اهون من حكومة الظالم

كضبتا علينا بالوعد البسر الحال
قسمت الشعب لي شعبين جنوب وشمال
دحين من الميادين اصلو ما بننشال
يعيش الحق ويسقط كل زول دجال

يا اعلام تميم سيد الجزيرة الكلب
تميمكم بدعم الارهاب وهاوي السلب
بقركم خلو للغرب البجيد الحلب
يا داعم الخوارج تستحق الصلب

ثورة كرامة حريه ونضال للاخر
تسقط كل كوادر راكبه موديل فاخر
وطنا" بي دما شهداء وجرارق زاخر
ما بنقاد ورا حوار او وعود الساخر

ناس طارق وناس مامون وناس هزاع
دماكم انتو في رقاب اصلو بتنباع
اخوان العطورن سقت البراع
جباهن غير رضاكم اصلو ما بتنصاع

مفروض يا عمر من الحكم تتنازل
ترضا وتستجيب للشعب ما تتخازل
دام بتعين نظام بشار وبيو تتغازل
جهدك تاني لا برضينا لا بتبازل

يا جيشنا وجهاز الامن وكل قواتنا
ارح نستأصل المرض البذل في حياتنا
نتكاتف مع الشعب الرفع هاماتنا
نجيب تار المواطنين نفرحهم امواتنا

الحرية لي كل معتقل في سجونك
الحرية من قمعك ومن طاعونك
نمد لبنا" تمد الدم علي ماعونك
انت الخنت شعبا" رافض انو اخونك

حيا علي الميادين حيا ليه نصرنا
ننزر شان تفوت من الحكم دا عمرنا
عزل نحن سلمين ومافي قدرنا
حبابه زخيرة العزه التلاقي صدورنا

حباب الموت وقت يبقالنا موت في حق
يشيل مرقا" مسوس وضاربو مليون شق
كلام بشمل حقائق مره ما بتنبق
دحين البزعل ازعل والبطق ينطق

تسقط تسقط بس