ﺍﻟﻌﺎﻗﻞ ﻃﺒﻴﺐ ﻧﻔﺴﻮ .... ﻭﺍﻟﺠﺎﻫﻞ ﻋﺪﻭﻫﺎ ﺃﻛﻴﺪ ..
ﻭﻣﺮﺍﺕ ﺗﻬﺰﻣﻚ ﺭﻭﺣﻚ ... ﻭﻃﻴﺒﺘﻚ ﺗﺒﻘﻰ ﻟﻴﻜﺎ ﻭﻋﻴﺪ ...
ﻭﺣﺴﻦ ﺍﻟﻨﻴﺔ ﻣﺎﺗﺒﺮﻳﺮ .... ﺩﻩ ﺃﻛﺒﺮ ﻏﻠﻄﺔ ﺑﺎﻟﺘﺤﺪﻳﺪ ...
ﻭﻣﺎﺗﺴﺘﻨﻰ ﻣﻦ ﺍﻟﻨﺎﺱ .... ﺗﻘﺪﺭ ﻇﺮﻓﻚ ﺍﻟﻌﻜﻠﻴﺖ ..
ﻭﺇﺫﺍ ﺗﻮﺭﻙ ﻭﻗﻊ ﻓﻰ ﺍﻟﺴﻮﻕ ... ﻓﺨﻠﻴﻚ ﺑﺮﺿﻮ ﺯﻭﻝ ﺻﻨﺪﻳﺪ ...
ﺑﺘﻜﺘﺮ ﻓﻴﻚ ﺳﻜﺎﻛﻴﻨﻬﻢ ..... ﻭﻙﻝ ﻭﺍﺣﺪ ﺑﻴﺒﻘﻰ ﻋﺘﻴﺪ ..
ﻓﻰ ﻧﺎﺱ ﻣﺘﺮﻗﺒﺎﻙ ﺗﻐﻠﻂ .... ﻭﺃﺣﻘﺎﺩﻫﻢ ﻭﺭﺍﻙ ﺑﺘﻜﻴﺪ ...
ﻓﺨﻠﻴﻚ ﺃﻗﻮﻯ ﻣﻦ ﺍﻟﺠﻮﺭ .... ﻭﻗﺎﻭﻡ ﻭﻓﻰ ﻧﺠﺎﺣﻚ ﺯﻳﺪ ...
ﻭﻣﻬﻤﺎ ﻳﻘﻮﻟﻮﺍ ﺿﻌﺘﺎ ﺧﻼﺹ .... ﺗﻘﺪﻡ ﻛﻞ ﻣﺮﺓ ﺟﺪﻳﺪ ...
ﻧﻬﺎﻳﺘﻚ ﻣﺎ ﺑﻴﻜﺘﺒﻬﺎ ﺯﻭﻝ ..... ﻭﺃﻗﺪﺍﺭﻙ ﺑﻴﺪ ﺍﻟﺴﻴﺪ ...
ﺇﻟﻪ ﺍﻟﻜﻮﻥ ﺣﻜﻴﻢ ﻋﺎﺩﻝ .... ﻭﻛﺎﻥ ﻟﻠﻘﺪﺭﺓ ﻓﻬﻮ ﻣﺮﻳﺪ...
ﻣﺼﺎﻳﺐ ﻋﺎﺩﻯ ﺑﺘﻌﺪﻯ .... ﻭﺗﺮﺟﻊ ﻟﻸﻣﺎﻧﻰ ﺳﻌﻴﺪ ...
ﻓﻜﻦ ﻣﺆﻣﻦ ... ﻭﻛﻦ ﺭﺿﻴﺎﻥ ..... ﺇﺭﺍﺩﺓ ﺍﻟﻤﻮﻟﻰ ﻣﺎﺍﺍﺍﺑﺎﻹﻳﺪ ...
*****
ﻭﻗﺎﻟﻮﺍ ﺍﻟﻔﺎﺿﻰ ﺑﻴﻌﻤﻞ ﻗﺎﺿﻰ ﺃﻭ ﺟﻼﺩ ...
ﻭﺑﻴﺤﻜﻢ ﺑﻰ ﺳﻮﺍﺩ ﻧﻴﺘﻮ .... ﻭﻗﺎﻧﻮﻥ ﻣﻠﺔ ﺍﻷﺣﻘﺎﺩ ...
ﻭﺑﻴﻔﺮﺡ ﻣﻦ ﺻﻤﻴﻢ ﻗﻠﺒﻮ ... ﺇﺫﺍ ﻣﺎﻟﺤﺰﻥ ﻋﻢ ﻭﺳﺎﺩ ...
ﻭﻣﺠﺘﻤﻌﻚ ﺇﺫﺍ ﺧﺘﻴﺘﻮ ﻓﻰ ﺍﻟﻤﻴﺰﺍﻥ .... ﺗﺮﺟﺢ ﻛﻔﺔ ﺍﻟﺤﺴﺎﺩ ....
ﻗﻠﻴﻞ ﻓﻰ ﺍﻟﺪﻧﻴﺎ ﺑﺲ ﺻﺎﺩﻗﻴﻦ .... ﻭﻛﻞ ﺍﻟﺒﺎﻗﻰ ﻳﺎ ﺃﻧﺪﺍﻝ ﻭﻳﺎ ﺃﻭﻏﺎﺩ ...
ﺑﻴﻔﺮﺣﻮﺍ ﻟﻮ ﺧﺴﺮﺗﺎ ﺷﺪﻳﺪ .... ﻭﻳﺤﺮﻗﻮﺍ ﻟﻮ ﻧﺠﺎﺣﻚ ﺯﺍﺩ ...
ﻳﺮﺍﻗﺒﻮ ﺣﻴﺎﺗﻨﺎ ﺑﺎﻟﺘﻔﺼﻴﻞ .... ﻭﺩﺍﻳﻤﺎ " ﻟﻴﻨﺎ ﺑﺎﻟﻤﺮﺻﺎﺩ ...
ﻳﻔﺘﺸﻮﺍ ﻟﻴﻨﺎ ﻓﻰ ﺍﻟﻐﻠﻄﺎﺕ .... ﻭﻳﺤﺼﺮﻭﺍ ﻟﻴﻨﺎ ﻓﻰ ﺍﻟﻬﻔﻮﺍﺕ ....
ﻭﻗﺪﺭ ﻣﺎﺗﺒﻘﻰ ﺫﻭﻕ ﻭﻟﻄﻴﻒ .... ﻗﻠﻮﺑﻬﻢ ﺗﺒﻘﻰ ﻏﻞ ﻭﺳﻮﺍﺩ ....
ﺗﻌﻮﺫ ﻣﻦ ﺷﺮﻭﺭ ﺍﻟﻨﺎﺱ .... ﻭﻭﺍﺻﻞ ﺳﻜﺔ ﺍﻷﻣﺠﺎﺩ ...
ﺑﺄﺫﻥ ﺍﻟﻮﺍﺣﺪ ﺍﻟﻘﻬﺎﺭ .... ﺗﺸﺐ ﻓﻴﻬﻢ ﺟﻤﻴﻊ ﺍﻟﻨﺎﺭ ..... ﺗﺨﻠﻴﻬﻢ ﺗﺮﺍﺏ ﻭﺭﻣﺎﺩ ...
******
ﺗﺠﺎﻫﻞ ﻭﻃﻨﺶ ﺍﻵﻻﻡ ..... ﻭﻋﻴﺶ ﻓﻰ ﺍﻟﺪﻧﻴﺎ ﺯﻭﻝ ﺭﺿﻴﺎﻥ ...
ﻣﺼﻴﺮﻙ ﻓﻰ ﺍﻷﺯﻝ ﻣﻜﺘﻮﺏ .... ﺳﻮﺍﺀ ﻛﺎﻥ ﻓﺮﺣﺔ ﺃﻭ ﺃﺣﺰﺍﻥ ...
ﻭﺭﺑﻚ ﺣﺪﺩ ﺍﻷﻗﺪﺍﺭ ..... ﻓﻜﻲﻑ ﺣﻴﻐﻴﺮﻫﺎ ﺍﻹﻧﺴﺎﻥ؟ !..
ﻳﻤﻴﻦ ﻣﺎﻋﻨﺪﻫﻢ ﺃﺩﻭﺍﺕ .... ﺳﻮﻯ ﻳﺮﻣﻮﻙ ﺑﺎﻟﺒﻬﺘﺎﻥ ...
ﻭﻟﻮ ﻭﻗﻔﺖ ﻗﺼﺎﺩﻧﺎ ﺟﻴﻮﺵ .... ﻭﻓﻴﻬﺎ ﺍﻹﻧﺲ ﻓﻴﻬﺎ ﺍﻟﺠﺎﻥ ...
ﻓﻤﺎﺳﻴﺼﻴﺒﻨﺎ ﻫﻮ ﺍﻟﻤﻜﺘﻮﺏ .... ﻭﻣﺎﻗﺪ ﺭﺍﺩﻭﺍ ﺭﺑﻚ ﻭﻛﺎﻥ ...
ﻭﻣﺎﻓﻰ ﻟﺰﻭﻡ ﺗﻜﻮﻥ ﺧﻮﺍﻑ .... ﺗﻌﻴﺶ ﻓﻰ ﺍﻟﺪﻧﻴﺎ ﻭﺇﻧﺖ ﺟﺒﺎﻥ ...
ﻭﻻﺑﻴﻘﺪﺭ ﻋﻠﻴﻚ ﻣﺨﻠﻮﻕ .... ﻭﻻ ﺯﻭﻝ ﺟﺎﻩ ﻭﻻ ﺳﻠﻄﺎﻥ ....
ﻭﻣﻬﻤﺎ ﺗﻜﻮﻥ ﺩﻗﻴﻖ ﻭﺣﺮﻳﺺ .... ﻳﺠﻴﻚ ﻣﺎﻟﻴﺲ ﻓﻰ ﺍﻟﺤﺴﺒﺎﻥ ...
ﺗﻮﻛﻞ .... ﻭﺃﺭﺿﻰ ﺑﺎﻟﻤﻘﺴﻮﻡ ... ﺑﺄﻣﺮ ﺍﻟﻮﺍﺣﺪ ﺍﻟﺪﻳﺎﻥ ...
ﻣﺴﺎﻛﻴﻦ ﺍﻟﺒﻴﻨﻬﺸﻮﺍ ﻓﻴﻚ .... ﻭﻧﺎﺳﻴﻦ ﻗﻴﻤﺔ ﺍﻹﺣﺴﺎﻥ ...
ﻭﻧﺎﺳﻴﻦ ﻳﺎﺥ ‏( ﺭﻗﻴﺐ ‏) ‏( ﻭﻋﺘﻴﺪ ‏) .... ﻭ ‏( ﻣﺎﻟﻚ ‏) ﺧﺎﺯﻥ ﺍﻟﻨﻴﺮﺍﻥ ...
ﻋﻠﻴﻚ ﺑﻰ ﺩﻋﻮﺓ ﺍﻟﻤﻈﻠﻮﻡ .... ﻭﺣﺴﺒﻚ ﺭﺑﻚ ﺍﻟﻤﻨﺎﻥ ..
ﺑﺘﻜﻤﻞ ﺩﻭﺭﺓ ﺍﻷﻳﺎﻡ ..... ﻭﻳﺸﺮﺑﻮﺍ ﻛﺎﺱ ﻋﺬﺍﺏ ﻭﻫﻮﺍﻥ ...
ﺗﺸﻮﻑ ﻓﻴﻬﻢ ﻗﺼﺎﺹ ﺍﻟﺮﺏ ..... ﻭﺗﺪﺭﻙ ﻋﻈﻤﺔ ﺍﻟﺮﺣﻤﻦ !!!
***
ﺩﺍﻟﻴﺎ ﺍﻟﻴﺎﺱ