ﺭﺍﻳﻚ ﺷﻨﻮ ... ؟؟
ﻧﻠﻌﺐ ﻧﻐﻨﻲ ﻫﻮﺩﻧﺎ ﻳﺎ ﻫﻮﺩﻧﺎ
ﻫﻮﺩﻧﺎ ﻳﺎ ﻫﻮﺩﻧﺎ
ﺷﺎﻥ ﻛﻞ ﻣﺮﻩ ﺍﻗﻮﻻ ﻟﻴﻚ
ﺑﻲ ﻫﻤﺴﻪ ﺣﺒﻴﺘﻚ ﺍﻧﺎ
ﺩﻱ ﺍﻟﺜﺎﻧﻴﻪ ﻓﻲ ﺑﻌﺪﻙ ﺳﻨﻪ
ﻭ ﻛﻞ ﻟﺤﻈﻪ ﻏﻴﺮﻙ ﺑﺸﺘﻨﻪ
ﺩﺍﻳﺮﻳﻦ ﻧﻜﻤﻞ ﺑﻌﻀﻨﺎ
ﺷﺎﻥ ﺑﻜﺮﻩ ﻧﻔﺮﺡ ﺑﻰ ﻭﻻﺩﻧﺎ ﻭ ﺑﺘﻨﺎ

ﺷﺎﻳﻠﻴﻦ ﺣﻨﺎﻧﻲ ﻭ ﺿﺤﻜﺘﻲ
ﻭ ﺷﺎﻳﻠﻴﻨﻬﺎ ﺍﻟﺒﺴﻤﻪ ﺍﻟﺠﻤﻴﻠﻪ
ﻭ ﺻﻮﺕ ﻣﻮﺳﻴﻘﻰ ﻭ ﺩﻧﺪﻧﺔ
ﻣﻦ ﺣﺴﻚ ﺍﻟﻌﺎﻟﻲ ﺍﻟﺠﻬﻮﺭ
ﺍﻟﺴﻤﻌﻮ ﺩﻳﻚ ﻭ ﺍﻟﺠﻤﺒﻨﺎ
ﺣﺘﻰ ﺍﻟﻘﺮﻳﺒﻴﻦ ﻣﻨﻨﺎ
ﻭ ﻛﻞ ﺍﻟﺒﻌﻴﺪﻳﻦ ﻣﻦ ﻫﻨﺎ
ﺷﺎﻳﻔﻨﻨﺎ ﻭ ﺣﺎﺳﺪﻧﻦ ﺍ
ﻣﺒﺴﻮﻃﻪ ﺑﻴﻚ
ﻭ ﺍﻟﻠﻪ ﺑﺤﺒﻚ ﻳﺎ ﺍﻧﺎ
:
ﺍﻗﺪﺭ ﺍﻗﻮﻝ ﻷ ﻳﺎ ﺍﻧﺎ ؟؟
ﺍﻫﺎ .. ﻫﻮﺩﻧﺎ ...
ﻭ ﺍﺗﺤﺼﻨﻲ ..
ﻭ ﺭﻳﺪﺗﻨﺎ ﺑﻴﻜﻲ ﻣﺤﺼﻨﺔ
ﻡ ﻫﻮ ﺍﻧﺘﻲ ﻭ ﺍﻟﺮﻳﺪ ﻭ ﺍﻟﺰﻣﻦ
ﻋﺎﺭﻓﻨﻲ ﺭﺍﻳﺪﻙ ﻛﻤﻬﻮ ...
ﻭ ﻋﺎﺭﻓﻨﻲ ﻣﺘﻤﻨﻴﻚ ﻣﻨﻰ ..
ﺍﻧﺎ ﻋﻨﺪﻱ ﺭﺍﻱ !.. ؟
ﻳﻼﻛﻲ ﻧﻠﻌﺐ ﻫﻮﺩﻧﺎ
:
ﺍﺍﺍﺍﺍﻩ ﻳﺎﺍﺍﺍﺍﺍ ﺍﻧﺎ
ﻭ ﺭﻳﻨﻲ ﻟﻮ ﻛﻤﻞ ﺍﻟﺮﺻﻴﺪ
ﺧﻠﻴﻨﺎ ﻧﻤﻼﻭ ﻣﻦ ﺟﺪﻳﺪ
ﻫﻮ ﻣﺘﻴﻦ ﺣﻨﺮﺗﺎﺡ ﻣﻦ ﺍﻟﻮ
ﻭﻳﻨﻚ ..
ﺍﻟﻮ .. ﺍﻟﺨﻂ ﻛﻌﺐ
ﺍﻟﻮ .. ﻣﺎ ﺳﺎﻣﻌﻪ ﺻﻮﺗﻚ
ﻳﻤﺶ ﻭ ﻳﺠﻲ
ﺍﻓﻔﻔﻔﻔﻔﻒ ..
ﻣﻠﻴﺖ ﺧﻼﺱ
ﻣﻦ ﺍﻧﻚ ﺍﻧﺖ ﻭ ﻻ ﻫﻨﺎ
ﺍﻧﺎ ﺑﺤﺴﺪ ﺍﻟﻨﺎﺱ ﺍﻟﻤﻌﺎﻙ
ﻣﻦ ﻗﻌﺪﺗﻚ ﺍﺷﻤﻌﻨﺎ
ﺷﺎﻳﻔﻨﻚ ﻣﻌﺎﻫﻢ ﺍﻧﺖ ﺑﺲ
ﺍﺷﻤﻌﻨﺎ ﻫﻢ ﻳﺘﻬﻨﻮ ﺑﻴﻚ
ﻭ ﺍﻧﺎ ﺳﺎﻣﻌﻪ ﺻﻮﺗﻚ ﻟﻴﺎ ﺣﺲ
ﺍﺷﻤﻌﻨﺎ ﺣﻮﻟﻴﻚ ﺍﻱ ﺷﺊ
ﺍﻧﺎ ﻋﺎﻳﺰﻩ ﺍﻛﻮﻥ ﺿﻞ ﺍﻭ ﺣﺮﺱ
ﺍﺷﻤﻌﻨﺎ ﻳﺎﺥ ﺍﺷﻤﻌﻨﺎ ﻳﺎﺥ؟
::
ﺍﻧﺎ ﻋﻨﺪﻱ ﻟﻴﻚ ﺳﺮ ﻣﻦ ﺯﻣﺎﻥ
ﻡ ﻣﻼﺣﻈﺔ ﺍﻧﻮ ﺍﻟﺼﻮﺕ ﻛﺘﻴﺮ
ﻣﺮﺍﺕ ﺑﻴﻤﺸﻲ ﻛﺪﻩ ﻭ ﻳﺠﻲ ..
ﻫﻮ ﻭﻻ ﻣﺎ ﺑﻤﺶ .. ﻻ ﻭ ﻻ ﺑﺠﻲ
ﺍﻟﺼﻮﺕ ﺩﻩ ﻣﻦ ﺷﺪﻩ ﺣﻼﻙ
ﺍﺧﺪﻭﻫﻮ ﻧﺎﺱ ﺍﻟﺸﺒﻜﺔ ﺩﻳﻞ
ﻣﻦ ﻛﺘﺮﺓ ﺍﻟﻌﺴﻞ ﺍﻟﺠﻮﺍﻛﻲ
ﻣﻮﺯﻋﻴﻨﻮ ﻋﻤﻴﻞ ﻋﻤﻴﻞ ..
ﻓﻌﺮﻓﺘﻲ ﻛﻴﻒ !!.. ؟؟
ﻣﺎ ﺑﻜﻮﻥ ﻛﻌﺐ ..
ﻭ ﺍﻧﺎ ﺷﻦ ﻗﻌﺎﺩﻱ ﻣﻊ ﺍﻟﻤﻌﺎﻱ ..
ﻟﻮ ﻣﺎﻛﻲ ﺳﻴﺮﺗﻲ ﺑﺪﻭﻥ ﺣﺴﺪ
ﺍﻧﺎ ﻣﺎ ﺑﺸﻮﻑ ﻏﻴﺮﻙ ﺣﺪﺍﻱ
ﺿﺎﻣﺎﻧﻲ ﺭﻭﺡ ﻣﻦ ﻏﻴﺮ ﺟﺴﺪ
ﺍﻟﻤﻌﻨﻰ ﻓﻲ ﺍﻧﻚ ﺟﻮﺍﻱ
ﻭ ﻗﻠﻴﺒﻲ ﺑﺎﻗﻲ ﻟﻴﻜﻲ ﺳﺪ
ﺑﺲ ﺍﻧﺘﻲ ..
ﻭ ﺍﻟﺮﻳﺪ ﻳﺎ ﻫﻨﺎﻱ
ﻓﻲ ﻇﻞ ﻭﺟﻮﺩﻙ ﻣﺎ ﻓﺴﺪ