ﺍﻟﺠﺎﻳﻪ ﻣﻦ ﺍﻟﻠﻪ ...
ﻣﺎﻑ ﺯﻭﻝ ﺑﻴﻘﺪﺭ ﻳﻤﻨﻌﺎ
ﻭﺍﻗﺴﺎﻣﻨﺎ ﻗﺒّﺎﻝ ﻧﺘﺨﻠﻖ ...
ﺭﺏ ﺍﻟﺨﻼﻳﻖ ﻭﺯﻋﺎ
ﻭﺍﻟﺮﺑﻮ ﻛﺎﺗﺐ ﻟﻲ ﺍﻟﻀﺮﺭ ...
ﻣﻦ ﻭﻳﻦ ﻳﻼﻗﻲ ﺍﻟﻤﻨﻔﻌﻪ
ﺳﻠّﻢ ﺍﻣﻮﺭﻙ ﻟﻺﻟﻪ ...
ﻭﻟﻴﻬﻮ ﺭﻭﺣﻚ ﺍﻭﺩﻋﺎ
ﻭﺍﻭﻋﺎﻙ ﺗﻐﺮﻙ ﺩﻧﻴﺘﻚ ...
ﻭﺗﻘﻮﻡ ﻧﺨﺮﺗﻚ ﺗﺮﻓﻌﺎ
ﺷﺎﻥ ﻧﻌﻤﺘﻚ ﺯﺭﻋﺎ ﺍﻟﻜﺮﻳﻢ ...
ﻭﻓﻲ ﻟﻤﺤﺎ ﻣﻤﻜﻦ ﻳﻘﻠﻌﺎ
ﺗﺎﺝ ﺍﻟﺘﻮﺍﺿﻊ ﻣﺎﻟﻮ ﺯﻱ ...
ﺧﻠﻴﻚ ﺭﺍﺿﻲ ﻭﻗﺎﻧﻌﺎ
ﺍﺯﺭﻉ ﺟﻤﻴﻠﻚ ﺑﻨﻔﻌﻚ ...
ﻳﻮﻡ ﺍﻟﺨﻠﻖ ﻣﺠﻤﻌﺎ
ﺍﺩﻱ ﺍﻟﻔﺮﻭﺽ ﻓﻲ ﻭﻛﺘﻬﺎ ...
ﻭﺍﻭﻋﺎﻙ ﺗﺄﺧﺮ ﺗﺠﻤﻌﺎ
ﻭﺍﺗﻮﺿﺎ ﻛﻞ ﻣﺎﻧﺎﺩﻱ ﻗﻮﻡ ...
ﻓﻀﻞ ﺍﻟﺼﻼﺓ ﺍﻟﺠﺎﻣﻌﻪ
ﻭﺍﻭﻋﺎﻙ ﺗﻈﻠﻢ ﻟﻠﻀﻌﻴﻒ ...
ﺑﺪﻋﻴﻚ ﻭﻋﻴﻨﻮ ﻣﺪﻣﻌّﺎ
ﻭﺩﻋﻮﺍﺗﻮ ﺗﻮﺻﻞ ﺩﻭﻥ ﺣﺠﺎﺏ ...
ﺭﺏ ﺍﻟﺨﻠﻖ ﻣﺎﺑﺮﺟّﻌﺎ
ﻭﺍﺣﺮﺹ ﺗﺒﺮ ﺑﻲ ﻭﺍﻟﺪﻳﻚ ...
ﻳﻮﻡ ﻛﻠﻤﺘﻢ ﻻﺗﺮﺟﻌّﺎ
ﻭﺍﺩﻋﻲ ﺍﻟﻠﻪ ﻳﻮﻡ ﻳﺮﺣﻤﻢ ...
ﻣﻦ ﺑﺎﺏ ﺭﺣﻤﺘﻮ ﺍﻟﻮﺍﺳﻌﻪ
ﺷﺎﻥ ﺑﻜﺮﻩ ﺗﻠﻘﻲ ﺟﻨﺎﻙ ﺑﺎﺭ ...
ﻭﺯﻳﻚ ﻛﻠﻤﺘﻚ ﻳﺴﻤﻌﺎ
ﺍﻭﻋﺎﻙ ﺗﻜﺸﺮ ﺧﻠﻘﺘﻚ ...
ﺍﺿﺤﻚ ﺻﺪﻗﺘﻚ ﻭﺯّﻋﺎ
ﻫﻲ ﺍﻟﺪﻧﻴﺎ ﺯﺍﺗﺎ ﻗﺪﺭ ﺷﻨﻮ ...
ﺷﺎﻥ ﻓﻲ ﺯﻋﻠﻨﺎ ﻧﻀﻴّﻌﺎ
ﻭﻃﻮﻝ ﻣﺎ ﻓﻴﻚ ﻧﻔﺲ ...
ﺩﺍﻳﺮﻙ ﺗﺤﻔﻆ ﺍﺭﺑﻌﺎ
ﺩﻳﻨﻚ .. ﻟﺴﺎﻧﻚ .. ﻭﺳﻤﻌﺘﻚ ...
ﻭﺍﻫﻢ ﻭﺍﺣﺪﻩ ﺍﻟﺮﺍﺑﻌﻪ
ﻫﻰ ﻻﺗﺸﻴﻞ ﺟﻮﺍﻙ ﻣﻦ ﺍﻱ ﺯﻭﻝ ...
ﺧﻠﻴﻬﻮ ﻗﻠﺒﻚ ﻧﺎﺻﻌﺎ
ﺍﻟﻘﻠﺘﻮ ﻟﻴﻚ ﻛﻼﻡ ﻛﺒﻴﺮ ...
ﺩﺍﻳﺮﻙ ﺗﻄﺒﻘﻮ ﺑﻲ ﻭﻋﺎ