ﺍﻟﺒﺖ ﺍﻟﺤﺪﻳﻘﺔ
ﺧﻄﺎﺏ ﺣﺴﻦ ﺍﺣﻤﺪ
******
ﺣﺎﺗﺠﻰ ﺍﻟﺒﺖ .. ﺍﻟﺤﺪﻳﻘﺔ
ﻓﺎﺭﺩﺓ ﺃﻧﺴﺎﻡ ﻓﻰ ﻃﺮﻳﻘﺔ
ﻭﺷﺎﻳﻼ ﺃﻟﻮﺍﻥ ..
*******
ﺣﺎﺗﺠﻰ ﺍﻟﺒﺤﺪﺙ ﺑﺮﻳﻘﺔ
ﺿﺠـّﺔ ﺍﻟﻀﻮ ﻓﻰ ﺍﻟﻤﻜﺎﻥ
ﺣﺎﺗﺠﻰ ﺍﻟﻤﻦ ﺑﺪﺭﻯ ﺟﺎﺕ
ﻣﻦ ﻇﻼﻣﺎﺕ ﺍﻟﺴﻜﺎﺕ ..
ﺷﺎﻳﻠﺔ ﻗﻤﺮﻳﻦ ﻓﻰ ﻋﻴﻮﻧﺔ
ﻭﻓﺎﺗﺤﺔ ﻟﻴﻠﻴﻦ ﺑﻰ ﺟﻨﻮﻧﺔ
ﻭﺿﺎﻭﻳﺔ ﺳﺎﺣﺎﺕ ﺇﻧﺘﻤﺖ
ﻟﻰ ﻓﺠﺮ .. ﻓﺎﺕ
ﻭﺗﻨﺘﻤﻰ ﻟﻰ ﻋﺼﻮﺭ ﺟﺪﻳﺪﺓ
***********
ﺣﺎﺗﺠﻰ ﺍﻟﺒﺖ ﺍﻟﺒﺮﻳــﺪﺓ ..
ﺿﺎﺣﻜﺔ .. ﻣﻨﺘﺼﺮﺓ .. ﻭﻋﻨﻴﺪﺓ
ﺁﻣﻠﺔ .. ﻣﺰﺩﻫﺮﺓ .. ﻭﺟﺪﻳﺪﺓ
ﻧﺎﻗﺸﺔ ﻓﻰ ﺍﻟﺰﻭﻝ .. ﺃﻏﻨﻴﺎﺕ
ﺣﺎﺗﺠﻰ ﺍﻟﻤﻦ ﺑﺪﺭﻯ ﺟﺎﺕ
ﻧﺎﺳﻔﺔ ﺍﺯﻣﺎﻥ ﺍﻟﺜﺒﺎﺕ ..
ﻭﺍﺻﻔﺔ ﻟﻰ ﺍﻟﻨﺎﺱ ﺍﻟﻄﺮﻳﻘﺔ
ﻭﻟﻰ ﺍﻟﻌﺼﺎﻓﻴﺮ .. ﺍﻟﺠﻬﺎﺕ

ﺣﺒﻚ
ﺑﻨﺸﻂ ﻛﻞ ﺧﻼﻳﺎ
ﺍﻷﻟﻔﺔ ﻓﻴﻨﻲ
ﻭﺑﺤﻔﻈﻚ ﺟﻮﺍﻱ
ﻣﻊ ﺿﺨﺔ ﺩﻣﺎﻱ
ﻟﻤﺴﺔ ﻋﺸﻖ ﺳﻤﺖ ﻭﺧﺸﺖ ﻓﻴﻨﻲ
ﺑﻲ ﻭﺍﺣﺪ ﺃﺣﺪ
ﺣﻨﻚ ﻟﺒﺪ ﻓﻴﻨﻲ ﻭﺷﺮﺩ ﺧﻮﻑ
ﺍﻟﺴﻨﻴﻦ ﺍﻟﺸﻴﻨﺔ
ﻭﺍﺩﻳﺘﻨﻲ
ﺍﻻﻣﺎﻥ ﺍﻟﻤﺴﺘﻤﺪ
ﻭﺍﻧﺎ ﻭﺍﻗﻔﺔ ﻓﻲ ﺍﻃﻼﻟﺘﻲ
ﻓﻲ ﺭﻭﺣﻚ
ﻣﺸﻴﺖ ﺑﻲ ﻓﻜﺮﻱ
ﻓﻲ ﺟﻮﻓﻚ
ﺳﺮﺣﺖ ﻭﻋﻴﻴﻴﻴﻴﻚ
ﻫﻮﻳﺘﻚ ﻭﺍﻧﺘﻜﻴﺖ ﻓﻲ
ﺿﻞ ﺳﻤﺎﺣﺘﻚ
ﺷﻠﺖ ﻣﻨﻚ ﺿﺤﻜﺔ ﻭﺍﺩﻳﺘﻚ
ﺷﻮﻳﺔ ﺯﻫﺠﺔ
ﺻﺮﻳﺖ ﻟﻲ
ﺣﻨﻴﻨﻚ ﻓﻲ ﻃﺮﻑ
ﻗﻠﺒﻲ ﺍﻟﻤﻮﺭﺩ ﺭﻳﺪﺓ
ﺑﻴﻚ ﻣﺎ ﻟﻴﻬﺎ ﺣﺪ