ﻳﻮﻡ ﻏﻴﺮ ﺍﻟﻤﻄﺮ ﺍﺗﺠﺎﻫﻮ ﻭﺟﻬﺠﻪ ﺍﻟﻀﻞ ..
ﻭﺍﻟﺤﺮﺍﺯ ﺍﻧﺤﺖ ﻗﺒﺎﻝ ﺍﻟﺨﺮﻳﻒ
ﺳﻨﻮﺍﺕ ﻗﺼﺎﻳﺪﻧﺎ ﺍﻟﻌﺠﺎﻑ ..
ﻓﺘﺤﺖ ﺩﺭﻭﺏ ﺍﻟﺸﺤﺪﻩ ﻓﻲ ﻭﺵ ﻛﻞ ﺻﻴﻒ
ﺭﺑﻄﺖ ﺑﻨﻴﺔ ﺇﺣﺴﺎﺳﻲ ﺭﺍﺳﻪ ﻭﺭﻣﻴﺔ ﺍﻟﻘﻠﻮﻩ
ﺑﺘﺨﺮﺑﺶ ﺗﻨﺘﻨﺔ ﺑﻨﺎﺗﻪ ﻓﻲ ﺃﻋﻤﺎﻗﻲ ﻛﻴﻒ
ﺷﻔﻊ ﻓﺮﻳﻖ ﺍﻟﺮﻳﺪ ﺑﺪﻭﺭﻭ ﺍﻟﻔﻜﻪ ﻣﻦ ﺟﻴﺐ ﺃﻱ ﺿﻴﻒ
ﻭﺍﻧﺎ ﻛﺖ ﺑﺤﻨﺲ ﻓﻲ ﺍﻟﺴﻜﺎﺕ ﻟﻮ ﻳﻮﻡ ﺇﻃﻴﺐ
ﺧﺎﻃﺮ ﺍﻟﻘﻮﻝ ﺍﻟﺠﺮﺡ ﻗﻠﺐ ﺍﻟﺤﺒﻴﺐ
ﻳﺎ ﺩﺍ ﺍﻟﻜﻼﻡ ﺍﻟﺸﻖ ﺟﻮﻑ ﺍﻟﻠﻴﻞ ﻭﺳﺮّﺏ
ﺷﻔﻌﻮ ﺍﻟﺒﺘﺒﺎﻛﻮ ﻣﻦ ﺑﺎﺏ ﺍﻟﻨﺤﻴﺐ
ﻳﺎ ﺩﺍ ﺍﻟﻐﻨﺎ ﺍﻟﻴﻮﻣﺎﺗﻲ ﻣﻤﺎﻗﻤﺖ ﺑﺘﻮﻧﺲ ﺣﻀﻮﺭﻙ .. ﻭﻣﺮﻗﺘﻚ
ﻛﻴﻒ ﺍﺣﺘﺸﺎﺩﻙ ﻓﻲ ﺷﻬﻴﻖ ﺍﻟﻠﺤﻈﻪ .. ﻛﻴﻔﻦ ﻛﺖ ﻗﺮﻳﺐ
ﻭﺍﻧﺎ ﻭﺍﻧﺖ ﻭﺍﻟﻘﻤﺮﻩ ﺑﺘﻤﺪ ﺍﻳﺪﻳﻬﺎ ﺗﺸﺤﺪ ﺿﻮ
ﻋﺸﺎﻥ ﺗﺴﺘﺮ ﺟﺴﺪ ﺷﻤﺶ ﺍﻟﻠﻪ ﻭﻛﺘﻴﻦ ﺗﻨﻜﺸﻒ ﺳﻴﻘﺎﻧﻪ ﺗﻤﺮﻕ ﻟﻠﻤﻐﻴﺐ
ﻣﺎ ﺗﺤﻨﺲ ﺍﻃﻔﺎﻝ ﺍﻟﻘﺼﻴﺪﻩ ﺍﻟﺤﻠﻮ ﻣﺎ ﻳﺼﺤﻮﻟﻲ ﺑﻲ ﻫﺎﺩﺍ ﺍﻟﻀﺠﻴﺞ
ﺍﻟﻤﺎﻓﻲ ﺣﻀﺮﺓ ﺣﻀﺮﺗﻚ ﺷﺎﻥ ﻣﺎ ﺗﻐﻴﺐ
ﻭﺍﻟﻠﻪ ﻫﺴﻊ ﻛﻮﻧﻲ ﻣﺎ ﺃﻛﺘﺐ ﻋﻠﻲ ﺑﺎﺏ ﺍﻟﻐﻴﺎﺏ ﺍﻟﺠﺒﺮﻱ
ﺍﻧﻚ ﺟﻴﺖ ﻭﻣﺎ ﻻﻗﻴﺘﻨﻲ ﻓﻲ ﻗﻠﺒﻚ ﺩﺍ ﺃﻛﺒﺮ ﻭﺍﺷﻨﺎ ﻋﻴﺐ
ﻭﺍﻧﺎ ﺳﺎﻱ ﺭﻛﺐ ﻣﺮﻛﺐ ﻣﺮﻭﺭ ﻧﻮﺡ
ﻣﺎ ﺍﻧﺘﺒﻬﺖ ﻣﻨﻮ ﺍﻟﺒﺴﺪ ﻓﺮﻗﺔ ﻭﻻﺩ ﺁﺩﻡ ﻣﻌﺎﻱ
ﺍﺗﻨﻴﻦ ﻧﻜﻮﻥ ﻭﺧﻼﺹ
ﻭﻧﺎﺩﻳﺖ ﻋﺸﻘﻲ ﺑﻲ ﺇﺣﺴﺎﺱ ﻏﺮﻳﺐ
ﻭﺭﺣﻠﻨﺎ ﻓﻲ ﺩﺭﺏ ﺍﻟﺤﻴﺎﻩ ﺍﻟﻮﻗﺎﻓﻲ ﻣﺎﻛﻞ
ﻭﻧﺎﻡ ﻋﻠﻲ ﻓﺪﺓ ﻛﺮﺍﻉ ﻓﻲ ﺍﻟﺤﺮ ﻭﻻ ﺇﺣﺘﺎﺟﻠﻮ ﺿﻞ ﻻﻋﻨﻘﺮﻳﺐ
ﺷﻤﺶ ﺍﻟﻠﻪ ﺑﺘﻠﻜﺪ ﺧﺒﺎﺭﻩ ﺃﻫﺎ ﺍﻟﺸﻌﺎﻉ ﺩﺍ ﻭﻛﺖ ﻳﻬﺒﺸﻚ
ﻣﺎﻟﻮ ﻛﺎﻥ ﺭﺍﻋﻲ ﺍﻧﺪﻓﺎﻉ ﺍﻟﻐﻴﺮﻩ ﻓﻲ ﻣﺠﺮﻱ ﺍﻟﻬﻮﻱ ﺍﻟﻤﻮﺟﺎﺗﻲ ﻓﻲ ﺑﻄﻦ ﺍﻟﺒﺤﺮ
ﻳﺎﺥ ﺍﺕ ﻓﺎﻛﺮ ﺳﺎﻙ ﻋﻠﻲ ﻛﻴﻒ ﺍﻧﺘﺒﺎﻫﻚ
ﻟﻲ ﻏﻴﺎﺏ ﻓﺮﺣﻲ ﻭﺣﻀﻮﺭﻙ ﺇﻧﺖ ﺣﺮ
ﻟﻜﻦ ﻣﺪﺍﻡ ﻫﺎﺩﻱ ﺍﻟﺸﻤﺶ ﺗﺎﺑﻌﺎﻫﺎ ﺗﺎﺀ ﺗﺄﻧﻴﺚ ﻭﻣﻲ ﻣﺘﻞ ﺍﻟﻤﻄﺮ
ﻣﻦ ﺣﻘﻲ ﺍﻃﻤﻦ ﻋﻠﻲ ﻛﻮﻧﻚ
ﻣﻤﺪﺩ ﻓﻲ ﻣﻤﺮﺍﺕ ﺿﻠﻲ
ﻭﺍﺩﻳﻚ ﺳﺮ ﺗﻌﺎﻭﻳﺬ ﺍﻟﻬﻮﻱ ﺍﻟﺘﻜﻔﻴﻜﺎ ﻭﺳﻮﺳﺔ ﺃﻱ ﺣﺮ
ﻳﺎﺥ ﻣﺎﻧﻲ ﻣﻦ ﻃﻴﻨﺔ ﺍﻧﺘﻈﺎﺭ
ﺍﻧﺎ ﻣﻦ ﻋﺠﻴﻨﺔ ﺍﺣﺴﺎﺱ ﻭﻓﻄﺮﻩ ﻭﻏﻴﺮﻩ ﻋﻤﻴﺎ ﺑﻼ ﺻﺒﺮ
ﺍﻧﺎ ﺑﺸﻜﻲ ﻟﻴﻚ ﺍﻟﻠﻬﻔﻪ ﻭﺍﻟﺸﻮﻕ ﻭﺍﻟﺤﻨﻴﻦ
ﻭﺃﻟﻢ ﺑﻌﺎﺩﻙ ﻳﺎﺧﻲ ﻭﺣﻴﺎﺓ ﺭﺟﻌﺘﻚ ﻳﺎﻏﺎﻟﻲ ﻣﺮ
ﻫﺴﻊ ﻓﻲ ﺩﺍﻋﻲ ﻋﺸﺎﻥ ﺭﻓﻌﺘﻚ ﺭﺍﻳﺔ ﻟﻲ ﻛﻞ ﺍﻟﺨﻠﻮﻕ ﺍﻟﺤﺎﻳﻤﻪ
ﻭﻫﻄﺘﻚ ﻣﺴﺎﺭ ﺍﻟﺪﻡ ﺗﻘﻌﺪ ﺭﻭﺣﻲ ﻓﻲ ﺍﻟﺨﻮﻑ ﻭﺍﻟﺠﻤﺮ
ﻭﺍﻧﺎ ﻳﺎ ﻫﺪﻱ ﺍﺩﻳﺘﻚ ﺍﻣﺎﻥ ﺍﻟﺪﻧﻴﺎ ﻭﻗﻌﺖ ﻭﺑﺼﻤﺖ ﻋﻠﻴﻚ ﺭﻓﻴﻖ ﺍﻟﻬﺠﻌﻪ ﺗﺮﻳﺎﻕ ﺍﻟﻌﻤﺮ
ﺑﻴﻚ ﺍﻛﺘﻔﻴﺖ ﺍﺳﻤﺮ ﺣﻨﻴﻦ ﺯﻭﻝ ﻭﻻ ﻛﻞ ﺍﻟﺴﻤﺮ
ﻗﺴﻤﺖ ﻟﻸﻋﻤﺎﻕ ﻣﻼﻣﺢ ﺿﺤﻜﺘﻚ .. ﻟﻮﻥ ﺍﻟﻤﺮﻭﺭ ..
ﻋﻴﻨﻴﻚ ﺟﻮﺍﺯﺍﺕ ﻣﺮﻗﻪ ﺷﺎﻥ ﺗﻘﺪﺭ ﺗﺘﺎﻭﻕ ﻣﻦ ﻣﺤﻼﺗﻚ ﻋﻠﻲ ﺍﻟﺒﻲ ﺍﻟﺪﺱ ﺑﻤﺮ
ﺗﻠﻌﺐ ﻋﻠﻲ ﻛﻴﻔﻚ ﺗﺒﺮﻣﺞ ﻗﻌﺪﺗﻚ ﻓﻲ ﺍﻟﺪﻡ
ﺗﻘﻴﻢ ﺍﻟﻠﻴﻠﻪ ﻓﻲ ﻛﺮﻳﺎﺕ ﺩﻣﺎﻱ ﺍﻟﺒﻴﻀﺎ ﺷﺎﻥ ﺑﺎﻛﺮ ﺗﻘﻴﻞ ﻓﻲ ﺍﻟﺤُﻤﺮ
ﺣﺬﺭﺕ ﺍﻱ ﺩﺭﺏ ﺩﺧﻠﺘﺒﻮ ﺗﺎﻧﻲ ﻣﺎ ﻳﻔﺘﺢ ﻭﺭﺍﻙ ﺑﻴﺒﺎﻧﻮ ﻟﻠﺸﺎﻳﻠﻴﻦ ﺑﺮﻳﻖ ﺍﻟﺮﻳﺪﻩ
ﻋﻠﻤﺖ ﺍﻟﻌﻴﻮﻥ ﺇﻻﻙ ﺗﻘﻴﺪ ﺷﻮﻑ ﺯﻭﺍﻳﺎ ﺍﻟﺸﻮﻑ ﺗﻐﺾ ﻣﻦ ﺃﻱ ﺯﻭﻝ ﺗﺎﻧﻲ ﺍﻟﺒﺼﺮ
ﻭﺍﻧﺖ ﺍﻟﺤﻔﺮﺕ ﻣﺠﺎﺭﻱ ﺍﻧﻔﺎﺳﻚ ﺟﻮﺍﻱ
ﻭﻓﻬﻤﺖ ﺗﺮﻛﻴﺒﺖ ﻋﻨﺎﺻﺮ ﺩﺧﻠﺘﻚ
ﺳﻤﻌﺖ ﺷﻴﻄﺎﻥ ﺍﻟﻬﻮﻱ ﺍﻟﻤﺎﻟﻴﻨﻲ ﺻﻮﺕ ﻋﻴﻨﻴﻜﺎ ﺗﺮﻧﻴﻤﺔ ﻭﺗﺮ
ﺃﻫﺎ ﻫﺴﻲ ﻛﺎﻥ ﻧﻮﻯ ﺇﻟﻔﻀﻚ ﻣﻮﺝ ﺍﻟﻮﺩﺍﺩ ﺍﻟﻌﺎﺗﻲ ﻓﻲ ﺃﺭﺽ ﺍﻟﻠﻪ ﺑﺮ ..
ﻛﻴﻔﻦ ﺗﻔﻮﺕ ﻣﻦ ﻏﻴﺮ ﺇﻋﺮﻓﻮ ﺍﻟﻨﺎﺱ ﻣﺮﻭﻗﻚ
ﻭﻳﺎﺕ ﺭﺋﻪ ﺑﺘﺪﻳﻨﻲ ﺇﺣﺴﺎﺱ ﺍﻭﻛﺴﺠﻴﻨﻚ ﺗﺎﻧﻲ ﻋﺎﺩ ﺑﻲ ﻳﺎﺕ ﻣﻤﺮ
ﺇﺕ ﻣﺎ ﺑﺸﺮ؟
ﺑﻬﻮﺍﻙ .. ﻭﻣﺎﺭﺍﻋﻴﺖ ﻗﺒﻞ ﺍﻫﻮﺍﻙ ﺷﺮﻭﻁ ﺍﻟﺮﻳﺪﻩ
ﻣﺎﻋﺪﻳﺖ ﺯﻭﺍﺩﺓ ﺍﻟﻔﺮﻗﻪ ﻟﻲ ﻫﺎﺩﺍ ﺍﻟﺴﻔﺮ
ﺍﻧﺎ ﻫﺴﻲ ﻻ ﺁﻣﻨﺖ ﺑﻲ ﺑﻌﺪﻙ ﻋﺸﺎﻥ ﺍﺳﺘﻘﺒﻠﻚ ﻣﻦ ﺑﺎﺏ ﻗﺪﻳﻢ ﺍﻟﺬﻛﺮﻱ
ﻻ ﺑﻲ ﺇﻋﺘﻘﺎﺩﻱ ﺍﻟﻘﺎﻃﻊ ﺍﻧﻲ ﺑﻤﻮﺕ ﻋﺸﺎﻥ ﺍﻟﻘﺎﻙ ﻋﺸﺎﻥ ﺃﺭﺟﺎﻙ ﻋﺸﺎﻥ ﺃﻧﺴﺎﻙ ﻛﻔﺮ
ﻭﻣﺪﺍﻡ ﻣﺤﻞ ﻣﺎ ﺃﻓﺮ ﺑﺴﺎﺳﻖ ﻓﻴﻜﺎ ﺑﻴﻦ ﺍﻷﻭﺭﺩﺓ ﺍﻟﺸﺎﻳﻼﻧﻲ ﻟﻲ ﺷﺮﻳﺎﻥ ﻫﻮﺍﻙ
ﺍﻟﻮﺍﺳﻊ ﺍﻟﻼﺗﻤﻨﻰ ﻣﺎﻓﻴﺶ ﺇﻻ ﻣﻦ ﻋﻴﻨﻴﻜﺎ ﻟﻴﻚ ﻭﺟﻬﻪ ﻭﻣﻔﺮ