ﺩﺍﻟﻴﺎ ﺍﻟﻴﺎﺱ
***
ﻟﻤﺎ ﺗﺠﺮﺡ ﺯﻭﻝ ﺑﺮﻳﺪﻙ
ﺯﻭﻝ ﻣﺘﻜﻞ ﻓﻲ ﻭﺭﻳﺪﻙ
ﺍﻋﺮﻑ ﺍﻧﻚ ﺩﻭﻥ ﻋﻮﺍﻃﻒ
ﻭﻗﻠﺒﻚ ﺍﺩﻣﻦ ﻟﻼﺫﻳﺔ ....
ﺍﻟﻤﺸﺎﻋﺮ ﻣﺎﻫﺎ ﻫﻴﻨﺔ
ﻭﻻﻫﺎ ﺍﺷﻌﺎﺭ ﻻ ﺍﻏﺎﻧﻲ
ﺍﻻﺣﺎﺳﻴﺲ ﻟﻤﺎ ﺗﺤﻜﻲ
ﺑﺴﻜﺖ ﺍﻟﺤﺲ ﺍﻻﻧﺎﻧﻲ
ﻭﻛﻞ ﺣﺲ ﺟﻮﺍﻙ ﺑﺼﺪﺡ
ﺑﺎﻻﻏﺎﻧﻲ ﺍﻟﺴﺮﻣﺪﻳﺔ
ﺍﺣﻠﻰ ﻣﺎﻓﻲ ﺍﻟﺮﻳﺪﺓ ﺍﻧﻚ
ﺍﻟﺤﺒﻴﺐ ﺗﺪﻳﻬﻮ ﺣﻨﻚ
ﻭﻳﻬﺪﻱ ﻟﻴﻚ ﺯﺭﻭﺓ ﻣﺸﺎﻋﺮﻭ
ﻭﺗﺒﻘﻰ ﻣﻨﻮ ﻭﻳﺒﻘﻰ ﻣﻨﻚ
ﺳﺎﺣﺔ ﺍﻻﺣﻼﻡ ﻋﺮﻳﻀﺔ
ﺑﻲ ﺍﻣﺎﻧﻴﻨﺎ ﺍﻟﻨﺪﻳﺔ
ﻳﺒﻘﻰ ﻟﻴﻪ ﻧﺠﺮﺡ ﻧﺠﺎﻓﻲ
ﻭﻧﺤﻦ ﺍﺣﻠﻰ ﺍﺗﻨﻴﻦ ﺣﺒﺎﻳﺐ
ﻭﻟﻴﻪ ﻧﺰﻝ ﻧﺒﺾ ﺍﻟﻘﻮﺍﻓﻲ
ﻭﺑﻴﻬﺎ ﺣﺎﻝ ﺍﻟﺪﻧﻴﺎ ﻃﺎﻳﺐ
ﻟﻴﻪ ﺑﻨﻘﺴﻰ ﻭﻟﻴﻪ ﺑﻨﻨﺴﻰ
ﺍﻳﻪ ﻟﺰﻭﻡ ﻳﻌﻨﻲ ﺍﻻﺳﻴﺔ
ﻓﻲ ﻏﺮﻭﺏ ﺍﻟﺸﻤﺲ ﻟﻮﺣﺔ
ﺑﺲ ﺍﻛﻴﺪ ﺑﺘﻐﻴﺐ ﻋﻠﻴﻨﺎ
ﻭﻧﺤﻦ ﻓﻲ ﻋﺰ ﺍﺣﺘﻴﺎﺟﻨﺎ
ﻟﻲ ﺷﻌﺎﻋﺎ ﻳﻀﻮﻱ ﻟﻴﻨﺎ
ﻳﺒﻘﻰ ﻻﺯﻡ ﺿﻲ ﻋﻴﻮﻧﻚ
ﻳﻠﻤﺲ ﺍﻟﻮﺭﺩﺓ ﺍﻟﻨﺪﻳﺔ
ﺍﻟﺠﺮﻭﺡ ﺑﺘﺰﻳﺪ ﺍﺳﺎﻧﺎ
ﻭﺍﻟﺤﺰﻥ ﺑﺴﻜﻦ ﺳﻤﺎﻧﺎ
ﻟﻤﺎ ﺗﺘﻨﻜﺮ ﻋﻠﻴﻨﺎ
ﻭﺗﻨﺴﻰ ﻋﺸﺮﺗﻨﺎ ﻭﻫﻮﺍﻧﺎ
ﻫﺴﺔ ﺍﻋﺮﻑ ﻳﺎ ﺣﺒﻴﺒﻲ
ﻟﻤﺎ ﺗﻘﺘﻞ ﻓﻴﻨﺎ ﺣﺒﻚ
ﺍﻟﻐﺮﺍﻡ ﻣﺎ ﻋﻨﺪﻭ ﺩﻳﺔ
ﻓﻴﻬﺎ ﺍﻳﻪ ﻟﻮ ﺑﺲ ﺗﺼﺎﻓﻲ
ﻭﺗﺒﻘﻰ ﻟﻠﻐﻨﻴﺔ ﺍﻟﻘﻮﺍﻓﻲ
ﻓﻴﻬﺎ ﺍﻳﻪ ﻟﻮ ﺟﻴﺖ ﻋﻠﻴﻨﺎ
ﻭﺍﺣﺘﻮﻳﺖ ﺭﻳﺪﻧﺎ ﺍﻟﺨﺮﺍﻓﻲ
ﻣﺎ ﻛﺘﻴﺮ ﺍﻟﺮﺍﺩ ﻋﻴﻮﻧﻚ
ﺑﺲ ﻭﺣﺎﺗﻚ ﺯﻱ ﻣﺎﻓﻲ
ﻭﻗﺪﺭ ﻣﺎ ﺗﻌﻤﻖ ﺟﺮﻭﺣﻚ
ﺑﻬﺪﻱ ﺣﺮﻭﻑ ﻧﺪﻳﺔ
ﻳﺎ ﺍﻟﺒﺘﻄﻌﻦ ﺑﺎﻟﺨﻨﺎﺟﺮ
ﺣﻦ ﻋﻠﻲ ﻳﺎ ﺯﻭﻝ ﺷﻮﻱ