ﻛﻞ ﺷﻲ ﺍﺗﻘﻔﻞ ﻓﻲ ﻭﺵ ﻋﺒﺎﺱ ، ﻭﺍﻣﻠﻮ ﻓﻲ ﺍﻟﺪﻛﺎﻥ ﺍﻟﻨﻮﻯ ﻳﺄﺟﺮﻭ ﺭﺍﺡ ﺳﺎﻱ ﺑﻌﺪ ﻛﻼﻡ ﻭﺩ ﺍﻟﻀﻮ ﻭﻧﻜﺮﺍﻧﻮ ﻟﻠﻘﺮﻭﺵ ﻭﻣﺮﻕ ﻣﻦ ﺩﻛﺎﻥ ﻭﺩ ﺍﻟﻀﻮ ﺯﻋﻼﻥ ﻭﻳﻘﺒﻞ ﻭﻳﻦ ﻣﺎ ﻋﺎﺭﻑ ﻭﻛﻞ ﺍﻟﺨﻴﺎﺭﺕ ﺍﻟﻤﻤﻜﻦ ﻳﻤﺶ ﻋﻠﻴﻬﺎ ﺑﻄﻨﻮ ﻃﺎﻣﺔ ﻣﻨﻬﺎ ، ﻗﻌﺪ ﻓﻲ ﻣﻄﻌﻢ ﻭﺍﻛﺎﻥ ﺟﻴﻌﺎﻥ ﻟﻜﻦ ﻣﺎ ﻋﻨﺪﻭ ﺍﻱ ﻧﻔﺲ ﻷﻛﻞ ﻭﺧﻼﻫﻮ ﻭﻓﺎﺕ ﻟﻜﺸﻚ ﻣﺮﻃﺒﺎﺕ ﻃﻠﺐ ﻟﻴﻬﻮ ﻟﻴﻤﻮﻥ ﻭﺷﺮﺑﻮ ﺑﺮﺍ ﻧﻔﺲ ﺍﻛﺎﻥ ﺩﺍﻳﺮ ﺍﻱ ﺣﺎﺟﺔ ﺗﺨﺶ ﺑﻄﻨﻮ ﺍﻛﺎﻥ ﺗﻄﻔﻲ ﻟﻴﻬﻮ ﺣﺮﻗﺔ ﺍﻟﺤﺸﺎ ﻋﻠﻲ ﻛﻞ ﺷﻲ ﻭﻋﻠﻲ ﺍﻟﻘﺮﻭﺵ ﺍﻟﺘﻌﺐ ﻓﻴﻬﺎ ﺑﺎﻟﺠﺮﻱ ﻭﺍﻟﺴﺎﺳﺎﻕ ﻭﻣﺴﺎﻛﻜﺔ ﺍﻟﺰﺑﺎﻳﻦ ﻓﻲ ﺷﻤﺶ ﺍﻟﺨﺮﻃﻮﻡ ﺍﻟﺤﺎﺭﺓ ﻳﻮﻣﻴﺎ ﻣﻦ ﺗﺸﺮﻕ ﻟﺤﺪﻱ ﻣﺎ ﺗﻐﻴﺐ
ﻭﺑﻘﻰ ﺯﻱ ﺍﻟﺘﺎﻳﻪ ﻣﺎﻓﻲ ﺷﺎﻱ ﻧﻮﻯ ﻋﻠﻴﻬﻮ ﺍﺗﻮﻓﻖ ﻓﻴﻬﻮ ﻭﺯﺭﺯﺭ ﻣﻐﺒﻮﻥ ﻭﻗﺮﺏ ﻳﺒﻜﻲ . ﻣﺸﻰ ﻣﻦ ﻛﺸﻚ ﺍﻟﻤﺮﻃﺒﺎﺕ ﻭﺷﺎﻑ ﻟﻴﻬﻮ ﺿﻞ ﻭﻣﺸﻰ ﻗﻌﺪ ﻓﻴﻬﻮ ﻭﻣﺤﺘﺎﺭ ﻳﻤﺶ ﻭﻳﻦ ﻫﺒﺶ ﺟﻴﺒﻮ ﻟﻘﻰ ﻓﻮﻗﻮ ﺳﺘﺔ ﺃﻟﻒ ﻭﺷﻮﻳﺔ ﻭﺩﺍ ﻛﻞ ﺍﻟﻔﻀﻞ ﻟﻴﻬﻮ ﻭﻛﻞ ﺍﻟﺒﻤﻠﻜﻮ ﻭﻗﻌﺪ ﻳﺘﺬﻛﺮ ﻭﻳﺤﺴﺐ ﻭﻳﺤﺎﺳﺐ ﻓﻲ ﺭﻭﺣﻮ ﻣﻦ ﻳﻮﻡ ﻣﺮﻕ ﻣﻦ ﺍﻟﺨﺮﻃﻮﻡ ﻭﺷﻴﻠﺘﻮ ﻟﻠﻘﺮﻭﺵ ﻣﻦ ﻋﺒﺪ ﺍﻟﻘﻴﻮﻡ
ﻗﺎﻝ ﻋﺸﺮﺓ ﺍﻟﻒ ﺍﺩﻳﺘﻬﺎ ﺭﺑﻴﻊ ﻓﻲ ﺑﻴﺖ ﺍﺑﺠﺎﻛﻮﻣﺔ ﻭﺗﻤﺎﻧﻴﺔ ﺍﻟﻒ ﻛﺴﺎﻭﻱ ﻭﻣﺼﺎﺭﻳﻒ ﻭﺣﺎﺟﺎﺕ ﻟﻨﺎﺱ ﺍﻟﺒﻴﺖ ﻭﻣﺸﻴﺔ ﻭﻗﻌﺪﺓ ﻓﻲ ﺍﻟﺨﺮﻃﻮﻡ ﻣﻊ ﺟﻴﺘﻮ ﺩﻱ ﻭﻣﺼﺎﺭﻳﻔﻮ ﺯﺍﻳﺪ ﺍﻟﺘﻤﻨﻄﺎﺷﺮ ﺩﻳﻠﻚ ﻋﺸﺮﻳﻦ ﺍﻟﻒ ﻭﺍﻣﻲ ﻭﺍﺑﻮﻱ ﻣﺎ ﻋﺎﺭﻑ ﺍﺩﻳﺘﻬﻢ ﻛﻢ ﺑﺎﻟﻈﺒﻂ ﻟﻜﻦ ﺗﻘﺮﻳﺒﺎ ﻓﻮﻕ ﺍﻟﻌﺸﺮﺓ ﺍﻟﻒ ﻭﻓﻲ ﺯﻱ ﻛﻢ ﺍﻟﻒ ﻓﻲ ﺍﻟﺸﻨﻄﺔ ﻋﻠﻲ ﺩﻳﻞ ﻳﻌﻨﻲ ﻳﺎﻫﻦ ﺍﻟﻜﻢ ﻭﺍﺭﺑﻌﻴﻦ ﺍﻻﺩﺍﻧﻲ ﻟﻴﻬﻦ ﻋﺒﺪ ﺍﻟﻘﻴﻮﻡ ﻭﻛﺪﺍ ﺍﻟﺰﻭﻝ ﺍﻟﺨﺖ ﻟﻲ ﺍﻟﻘﺮﻭﺵ ﺧﺘﺎﻫﺎ ﻣﻴﺔ ﻃﻖ ﻭﻳﺎﻫﺎ ﺍﻻﺩﻳﺘﻬﺎ ﻟﻮﺩ ﺍﻟﻀﻮ ﻭﻧﻜﺮﻫﺎ ﺩﻱ ﻭﻗﺎﻝ ﺍﻟﺒﻨﻘﻮﻝ ﻃﻴﺐ ﻭﻭﺩ ﺣﻼﻝ ﻓﻲ ﺍﻟﺰﻣﻦ ﺩﺍ ﻛﻠﻮ ﻳﻄﻠﻊ ﺣﺮﺍﻣﻲ ﻭﻭﺩ ﺍﻟﻀﻮ ﺍﻧﺎ ﻗﺎﻳﻠﻮ ﺭﺍﺟﻞ ﻭﺑﺨﺎﻑ ﺍﻟﻠﻪ ﻣﺎ ﺑﻴﺎﻛﻞ ﺣﻖ ﺍﻟﻨﺎﺱ ﻟﻜﻦ ﺑﻌﺪ ﻃﻴﺒﺘﻮ ﻭﺻﻼﺗﻮ ﻃﻠﻊ ﺣﺮﺍﻣﻲ ﻭﻛﻀﺎﺏ ﻛﻤﺎﻥ ﻟﻜﻦ ﺍﻧﺎ ﻣﺎ ﺑﺨﻠﻲ ﻟﻴﻬﻮ ﺣﻘﻲ ﻭﺍﻟﻠﻪ
ﺍﻟﻤﺸﻜﻠﺔ ﻫﺴﻲ ﻳﻤﺶ ﻭﻳﻦ ﻭﻳﻌﻤﻞ ﺷﻨﻮ ﻭﻗﻌﺪ ﻳﻔﻜﺮ ﻭﻛﻞ ﺷﻲ ﺷﺎﻳﻔﻮ ﻛﻌﺐ ﻭﻗﺮﺭ ﻳﻔﻮﺕ ﺍﻟﺤﻠﺔ ﻭﻳﻜﻠﻢ ﺣﺎﺝ ﺍﻟﻀﻮ ﺑﺴﻮﺍﺓ ﻋﻤﺮ ﻭﻟﺪﻭ ﻣﻌﺎﻫﻮ ﻟﻜﻦ ﺍﻟﺤﻠﺔ ﻣﺎﻓﻲ ﻃﺮﻳﻘﺔ ﺍﻻ ﺍﻟﻤﺴﺎﺀ ﻭﺍﻛﺎﻥ ﻣﺸﻴﺖ ﻟﺮﺑﻴﻊ ﻫﺴﻲ ﺑﻜﻮﻥ ﻳﺎﺩﻭﺏ ﺟﺎﺀ ﻭﺩﺍﻳﺮ ﻳﻨﻮﻡ ﻭﻣﺎ ﺑﺼﺤﻰ ﺍﻻ ﺑﺎﻟﻠﻴﻞ ﻭﻣﺎ ﺑﺴﺘﻔﻴﺪ ﺷﻲ ﻣﻨﻮ ﻭﺍﻟﺨﺮﻃﻮﻡ ﻣﺎ ﺑﻤﺸﻲ ﻟﻴﻬﺎ ﺑﺮﺍ ﻗﺮﻭﺵ ﻻﺯﻡ ﺍﺷﻴﻞ ﻗﺮﻭﺷﻲ ﺍﻭﻝ ﻭﺍﻣﺸﻲ ﺍﻋﻤﻞ ﺑﻴﻬﺎ ﺩﻛﺎﻥ ﻫﻨﺎﻙ ﻭﺍﺣﺴﻦ ﺣﻞ ﺍﺷﻮﻑ ﻟﻲ ﻋﺮﺑﻴﺔ ﻭﺍﻣﺶ ﺍﻟﺤﻠﺔ ﻫﺴﻲ ﻭﺍﻛﻠﻢ ﺣﺎﺝ ﺍﻟﻀﻮ ﻭﺍﺟﻴﺒﻮ ﻣﻌﺎﻱ ﺑﻨﻔﺲ ﺍﻟﻌﺮﺑﻴﺔ ﻋﺸﺎﻥ ﻳﺘﻔﺎﻫﻢ ﻣﻊ ﻭﻟﺪﻭ ﺩﺍ ﻭﻳﻤﺮﻕ ﻟﻲ ﺣﻘﻲ ﻣﻨﻮ ﻟﻜﻦ ﻗﺒﺎﻝ ﺍﻣﺶ ﺍﺣﺴﻦ ﺍﻭﺭﻱ ﻋﻤﺮ ﺍﺣﺘﻤﺎﻝ ﻳﺨﺎﻑ ﻣﻦ ﺯﻋﻞ ﺍﺑﻮﻫﻮ ﻭﻳﺮﺟﻊ ﻟﻲ ﻗﺮﻭﺷﻲ ﺑﺄﺧﻮﻱ ﻭﺃﺧﻮﻙ
ﻭﺩ ﺍﻟﻀﻮ ﻋﻠﻰ ﺣﺴﺐ ﺍﺗﻔﺎﻗﻮ ﻣﻊ ﺍﻟﺘﺎﺟﺮ ﺍﻟﻔﻲ ﺍﻡ ﺩﺭﻣﺎﻥ ﺍﻟﻌﺮﺑﻴﺔ ﺍﻟﻔﻴﻬﺎ ﺍﻟﺒﻀﺎﻋﺔ ﺑﺘﺠﻴﻬﻮ ﺍﻟﻠﻴﻠﺔ ﻭﺟﺎﺏ ﻣﻌﺎﻫﻮ ﻋﻤﺎﺭ ﺍﺧﻮﻫﻮ ﻭﺍﻟﻌﺒﻴﺪ ﻭﺩ ﻋﻤﻮ ﻋﺸﺎﻥ ﻳﺮﺍﺟﻌﻮﺍ ﺍﻟﻔﻮﺍﺗﻴﺮ ﻭﻳﺮﺗﺒﻮﺍ ﺍﻟﺪﻛﺎﻥ ﻣﻌﺎﻫﻮ ﺑﺲ ﻫﻢ ﻣﺎ ﺟﻮﺍ ﻣﻌﺎﻫﻮ ﺍﻟﺪﻛﺎﻥ ﻃﻮﺍﻟﻲ . ﻭﻟﻤﻦ ﻧﺰﻟﻮﺍ ﻓﻲ ﺍﻟﺴﻮﻕ ﺍﻟﺸﻌﺒﻲ ﺍﻟﻌﺒﻴﺪ ﻗﺎﻝ ﻋﻨﺪﻭ ﺯﻭﻝ ﻣﺎﺷﻲ ﻟﻴﻬﻮ ﻭﺳﺎﻕ ﻣﻌﺎﻫﻮ ﻋﻤﺎﺭ
ﻋﺒﺎﺱ ﺟﺎﺀ ﺗﺎﻧﻲ ﻭﻗﺎﻝ ﻟﻌﻤﺮ ﺍﻧﺎ ﻣﺎﺷﻲ ﺍﻟﺤﻠﺔ ﺍﻭﺭﻱ ﺍﺑﻮﻙ ﻭﻋﻤﺮ ﻋﺎﻳﻦ ﻟﻴﻬﻮ ﻭﺳﻔﻬﻮ ﺳﺎﻱ ﻭﻻ ﻛﻠﻤﺔ ﻣﺎ ﻗﺎﻟﻬﺎ ﻟﻴﻬﻮ ﻭﻋﺒﺎﺱ ﻋﺎﺩ ﻟﻴﻬﻮ ﻛﻼﻣﻮ ﺗﺎﻧﻲ ﻭﻟﻤﻦ ﺷﺎﻓﻮ ﻣﺎ ﻧﻀﻢ ﻣﻌﺎﻫﻮ ﻓﺎﺕ
ﻭﻣﺎ ﺗﻢ ﺩﻗﻴﻘﺔ ﻣﻦ ﻓﻮﺗﻮ ﺍﻟﻌﺒﻴﺪ ﻭﻋﻤﺎﺭ ﺟﻮﺍ ﺩﺍﺧﻠﻴﻦ ﻭﺷﺎﻓﻮﻫﻮ ﻣﻦ ﺑﻌﻴﺪ ﺍﻟﻌﺒﻴﺪ ﻗﺎﻝ ﻟﻌﻤﺮ ﺩﺣﻴﻦ ﺍﻟﻠﻜﺎﻥ ﻭﺍﻗﻒ ﻫﺴﻲ ﻫﻨﺎ ﺩﺍ ﻣﻮ ﻋﺒﺎﺱ ﻭﺩ ﻧﻌﻴﻤﺔ؟
_ ﻳﺎﻫﻮ ﺯﺍﺗﻮ ﻋﺒﺎﺱ ﻭﺩ ﻧﻌﻴﻤﺔ
_ ﻣﺎﻟﻮ ﻓﺎﺕ ﻭﻫﻮ ﻣﻮﺵ ﺷﻐﺎﻝ ﻓﻲ ﺍﻟﺨﺮﻃﻮﻡ !
_ ﻣﺎ ﻋﻠﻴﻚ ﻣﻨﻮ ﺩﺍ ﺷﺎﻓﻊ ﻋﻮﻳﺮ ﺳﺎﻱ
_ ﻓﻲ ﺷﻨﻮ ﻋﻠﻴﻚ ﺍﻟﻠﻪ
ﻋﻤﺮ ﻭﺭﺍﻫﻢ ﺍﻟﺤﺼﻞ ﻛﻠﻮ ﻭﺍﻟﻌﺒﻴﺪ ﺯﻋﻞ ﻭﻗﺎﻝ ﻟﻴﻬﻮ ﺍﻧﺎ ﺍﻣﺲ ﺑﻌﺪ ﺻﻼﺓ ﺍﻟﺼﺒﺢ ﻟﻤﻦ ﻻﻗﺎﻧﺎ ﺍﺑﻮﻫﻮ ﻗﻠﺖ ﻟﻴﻚ ﺷﻨﻮ ؟ ﻣﺎ ﻳﺎﻫﻮ ﻛﻼﻣﻲ ﺯﺍﺗﻮ ﻭﺍﻟﺠﻨﻰ ﺩﺍ ﻣﻦ ﺻﻐﻴﺮ ﺍﻫﻠﻮ ﻣﺎ ﺭﺑﻮﻫﻮ ﻭﺍﻛﺎﻥ ﻣﺮﻣﺪ ﺯﻱ ﺍﺑﻮﻫﻮ ﻭﻗﻠﻴﻞ ﺍﺩﺏ ﻭﻣﺎ ﺑﺤﺘﺮﻡ ﺯﻭﻝ ﻭﺍﻧﺖ ﺑﺘﻘﻮﻝ ﻟﻲ ﺑﻘﻰ ﺯﻭﻝ ﻣﻤﺘﺎﺯ ﻛﻤﺎﻥ
_ ﺍﻧﺎ ﻗﺎﻳﻞ ﺍﻟﻤﺮﻗﺔ ﻟﻠﺨﺮﻃﻮﻡ ﻭﺍﻟﺸﻐﻞ ﻭﺍﻟﻠﺤﺘﻜﺎﻙ ﺑﺎﻟﻨﺎﺱ ﻭﺍﻟﺴﻮﻕ ﺑﻘﻨﻮ ﺯﻭﻝ ﻟﻜﻦ ﻃﻠﻊ ﺷﺎﻓﻊ ﺳﺎﻱ
_ ﺍﻟﺠﻨﻰ ﺩﺍ ﺍﻫﻠﻮ ﺍﻟﻮﻟﺪﻭﻫﻮ ﻣﺎ ﺭﺑﻮﻫﻮ ﺑﺮﻳﺒﻴﻬﻮ ﺍﻟﺴﻮﻕ ؟
_ ﻣﺎ ﺍﻟﺘﺮﺑﻴﺔ
_ ﻭﺍﻟﻠﻪ ﺍﻟﺘﺮﺑﻴﺔ ﻭﻣﻦ ﻫﻮ ﺻﻐﻴﺮ ﻭﻣﻦ ﺍﻟﺒﻴﺖ ﻭﻣﻦ ﺍﻻﻡ ﻭﺍﻻﺑﻮ ﻣﺎ ﻣﻦ ﺍﻟﺴﻮﻕ ﻳﺎﺥ ﺍﻟﺸﺪﺭﺓ ﺍﻥ ﻣﺎ ﻗﺎﻣﺖ ﻣﻦ ﺻﻐﻴﺮﺓ ﻋﺪﻳﻞ ﺗﺎﻧﻲ ﺑﺘﻨﻌﺪﻝ ؟
_ ﺑﺘﻨﻌﺪﻝ ﺍﻛﺎﻥ ﺗﻜﻠﻨﺎﻫﺎ ﻭﻫﻲ ﺻﻐﻴﺮﺓ ﺑﺸﻌﺒﺔ
_ ﻣﺎﻟﻚ ﻭﻣﺎﻟﻮ ﻳﺎﺥ ﺍﺭﻣﻲ ﻟﻴﻬﻮ ﻗﺮﻭﺷﻮ ﻓﻲ ﻭﺷﻮ ﺧﻠﻴﻬﻮ ﻳﻄﻴﺮ ﻏﺎﺩﻱ ﻏﺎﺩﻱ
_ ﺍﻧﺎ ﻣﺎ ﺑﺪﻳﻬﻮ ﻭﻻ ﺟﻨﻴﻪ ﻋﺸﺎﻥ ﻗﻠﺔ ﺍﺩﺑﻮ ﺩﻱ
_ ﻭﺍﻟﻠﻪ ﺩﻱ ﻟﻴﺎﻗﺔ ﻣﻨﻚ ﺳﺎﻱ ﺍﻫﺎ ﺑﺘﻘﻮﻝ ﻟﻌﻤﻲ ﺷﻨﻮ ؟ ﻭﺍﻧﺖ ﺑﺮﺍﻙ ﻋﺎﺭﻑ ﻋﻤﻲ ﺍﻛﺎﻥ ﺍﻟﺠﻨﻰ ﺩﺍ ﻓﺎﺕ ﻟﻴﻬﻮ ﻭﻭﺭﺍﻫﻮ ﻫﺴﻲ ﺑﺠﻴﻚ ﻫﻨﺎ
_ ﺑﻘﻮﻝ ﻣﺎ ﺍﺩﺍﻧﻲ ﺷﻲ ﺍﻟﻠﻤﺸﻲ ﻳﺸﺘﻜﻴﻨﻲ
ﺍﻟﻌﺒﻴﺪ ﻗﺎﻝ ﻟﻌﻤﺎﺭ ﺭﺍﻳﻚ ﺷﻨﻮ ؟
ﻋﻤﺎﺭ ﻗﺎﻝ ﻟﻴﻮ ﺧﺸﻤﻲ ﻋﻨﺪﻱ ، ﺍﻧﺎ ﻋﺒﺎﺱ ﺩﺍ ﺯﻣﺎﻥ ﻗﺮﺍ ﻣﻌﺎﻱ ﻭﻛﺎﻥ ﺷﺎﻃﺮ ﻭﺫﻛﻲ ﺧﻼﺱ ﻟﻜﻦ ﺗﺎﻧﻲ ﺑﻘﻰ ﻃﻴﻨﺔ ﻭﺑﻠﻴﺪ ﻭﻋﺎﺩ ﻛﻢ ﻣﺮﺓ ﻭﺍﻟﺴﺒﺐ ﺍﻫﻠﻮ ﻣﺨﻠﻨﻮ ﺑﺮﺍﺣﺘﻮ
ﻋﺒﺎﺱ ﺑﻘﻰ ﻣﺠﻬﺠﻪ ﻭﻋﻨﺪﻭ ﻣﻴﺔ ﺭﺍﻱ ﺑﻌﺪ ﻓﺎﺕ ﻋﻠﻲ ﺑﻜﺎﺳﻲ ﺍﻟﻤﺸﺎﻭﻳﺮ ﻏﻴﺮ ﺭﺍﻳﻮ ﻭﻣﺸﻰ ﻟﺮﺑﻴﻊ ﻭﻟﻘﻰ ﺭﺑﻴﻊ ﻧﺎﻳﻢ ﻭﻗﺪﺭ ﻣﺎ ﺩﻕ ﺍﻟﺒﺎﺏ ﻣﺎ ﻓﺘﺢ ﻟﻴﻬﻮ ﻭﺗﻠﺐ ﺑﺎﻟﺤﻴﻄﺔ ﻭﺩﺧﻞ ﺍﻻﻭﺿﺔ
ﺭﺑﻴﻊ ﺭﻓﻊ ﺭﺍﺳﻮ ﻭﻗﺎﻝ ﻟﻴﻬﻮ ﺍﻛﺎﻥ ﺗﻜﻮﺭﻙ ﻟﻲ ﻋﺸﺎﻥ ﺍﻋﺮﻑ ﺩﺍ ﺍﻧﺖ ﻳﺎﺥ ﻭﺍﻓﺘﺢ ﻟﻴﻚ
_ ﺍﻧﺖ ﺻﺎﺣﻲ ؟ ﻭﺍﻟﻠﻪ ﺑﺎﻟﻐﺖ ﻣﺎﻟﻚ ﻣﺎ ﻓﺘﺤﺖ ﺍﻟﺒﺎﺏ
_ ﻣﺎﻓﻲ ﺯﻭﻝ ﻗﺎﻋﺪ ﻳﺠﻴﻨﻲ ﺯﻱ ﺍﻟﻮﻛﺖ ﺩﺍ ﻭﻣﺎ ﻗﺎﻳﻠﻚ ﺑﺘﺠﻲ ﺭﺍﺟﻊ ﺳﺮﻳﻊ
_ ﻳﺎﺧﻲ ﻋﻨﺪﻱ ﻣﺸﻜﻠﺔ ﻣﻊ ﻭﺍﺣﺪ ﻣﻦ ﺍﻭﻻﺩ ﺍﻟﺤﻠﺔ ﻓﻲ ﻗﺮﻭﺵ ﺍﻛﻞ ﺣﻘﻲ
_ ﻧﺎﺱ ﺍﻟﺤﻠﺔ ﻃﻴﺒﻴﻦ ﻣﺎ ﺑﻴﺎﻛﻠﻮﺍ ﺣﻘﻚ ﻭﺑﺪﻳﻚ ﻟﻴﻬﻦ ﻧﻮﻡ ﻧﻮﻡ
_ ﺃﺑﻰ ﻭﺍﻟﻠﻪ ﻭﻗﺎﻝ ﻟﻲ ﺍﻣﺶ ﺍﺷﺘﻜﻴﻨﻲ
_ ﻟﺒﻌﺪﻳﻦ ﻧﺸﻮﻓﻮ ﺍﻟﻤﻮﺿﻮﻉ ﺩﺍ ﻧﻮﻡ ﻧﻮﻡ ﻳﺎﺥ ﺍﻧﺎ ﻧﻌﺴﺎﻥ ﺟﻴﺖ ﺩﺍﺧﻞ ﻫﺴﻲ ﻗﺪﺍﻣﻚ
_ ﺍﻧﻮﻡ ﻛﻴﻒ ﻳﺎﺥ ؟ ﻓﻲ ﺯﻭﻝ ﻣﺎﻛﻠﻴﻦ ﻣﻨﻮ ﻣﻴﺔ ﺍﻟﻒ ﺑﻨﻮﻡ ؟
_ ﻛﻢ ؟ ﻣﻴﺔ ﺍﻟﻒ ؟ ﺍﻓﺘﺢ ﺍﻟﻨﻮﺭ ﺍﻓﺘﺢ ﺍﻟﻨﻮﺭ
ﻋﺒﺎﺱ ﺿﺤﻚ ﻭﻓﺘﺢ ﺍﻟﻨﻮﺭ ﻭﻗﺎﻝ ﻟﻴﻬﻮ ﻭﺍﻟﻠﻪ ﻣﻴﺔ ﺍﻟﻒ ﻃﻖ ﻃﺮﻕ
_ ﻻ ﻻ ﻻ ﻛﺪﻱ ﺍﺣﻜﻲ ﻟﻲ ﺍﻟﻘﺼﺔ ﻣﻦ ﺍﻻﻭﻝ ﻭﺑﺎﻟﺘﻔﺼﻴﻞ
ﺭﺑﻴﻊ ﻗﻨﻊ ﻣﻦ ﺍﻟﻨﻮﻡ ﻭﺍﻟﻨﻌﺴﺔ ﺯﺍﺗﻬﺎ ﻃﺎﺭﺕ ﻟﻤﻦ ﻋﺮﻑ ﺍﻟﻘﺮﻭﺵ ﻣﻴﺔ ﺃﻟﻒ ﻭﻋﺒﺎﺱ ﺑﺪﺃ ﻳﺤﻜﻲ ﻟﻴﻬﻮ ﻭﺯﻱ ﻣﺎ ﻃﻠﺐ ﻣﻨﻮ ﺑﺎﻟﺘﻔﺼﻴﻞ ﻭﺍﻟﺘﻔﺼﻴﻞ ﺍﻟﻤﻤﻞ ﻣﺎ ﺧﻠﻰ ﺷﻲ ﺣﺘﻰ ﺍﻟﺰﻭﻝ ﺍﻻﺩﺍﻫﻮ ﺍﻟﻘﺮﻭﺵ ﻭﺍﻟﻤﺎ ﻋﺎﺭﻓﻮ ﻣﻨﻮ ﺫﻛﺮﻭ ﻟﺮﺑﻴﻊ
ﻭﺭﺑﻴﻊ ﻗﺎﻝ ﻟﻴﻬﻮ ﺍﻳﻮﺍﺍﺍﺍ ﺍﻧﺖ ﻭﺭﻳﺖ ﺍﻟﻀﻮ ﺩﺍ ﺑﺈﻧﻚ ﻣﺎ ﻋﺎﺭﻑ ﺍﻟﻘﺮﻭﺵ ﺩﻱ ﺍﻻﺩﺍﻙ ﻟﻴﻬﺎ ﻣﻨﻮ ؟
_ ﺍﺳﻤﻮ ﻋﻤﺮ ﺍﻟﻀﻮ ﺍﺑﻮﻫﻮ ﻣﺎ ﻫﻮ
_ ﺧﻠﻴﻨﺎ ﻣﻦ ﺍﺳﻤﻮ . ﺍﻧﺖ ﻭﺭﻳﺘﻮ ؟
_ ﻣﺎ ﻣﺘﺬﻛﺮ ﻟﻜﻦ ﺍﺗﺨﻴﻞ ﻟﻲ ﻭﺭﻳﺘﻮ
_ ﻣﺎ ﺑﺪﻳﻚ ﻟﻴﻬﻦ ﺩﺍ
_ ﻛﻴﻒ ﻣﺎ ﺑﺪﻳﻨﻲ ﻟﻴﻬﻦ
_ ﺷﻮﻑ ﻃﺒﻌﺎ ﺍﻧﺎ ﺯﻱ ﻣﺎ ﻭﺭﻳﺘﻚ ﻣﺪﻧﻲ ﺩﻱ ﻛﻠﻬﺎ ﻋﺎﺭﻓﺎﻧﻲ ﺻﺎﻳﻊ ﻭﺿﺎﻳﻊ ﻭﺑﺘﺎﻉ ﻣﺨﺪﺭﺍﺕ ﻭﻣﺠﺮﻡ ﻋﺸﺎﻥ ﻛﺪﺍ ﻣﺎ ﺑﻘﺪﺭ ﺍﺩﺧﻞ ﺑﺼﻔﺘﻲ ﻋﺴﻜﺮﻱ
_ ﻻ ﻻ ﺍﻧﺎ ﻣﺎ ﺩﺍﻳﺮ ﺍﺷﺘﻜﻴﻬﻮ
_ ﺍﺻﺒﺮ ﺍﺻﺒﺮ ﺟﺎﻳﻴﻚ ﻓﻲ ﺍﻟﻜﻼﻡ . ﺍﻧﺎ ﺑﺮﺳﻞ ﻟﻴﻬﻮ ﻭﺍﺣﺪ ﺑﻄﻠﻊ ﻟﻴﻚ ﺍﻟﻘﺮﻭﺵ ﺩﻱ ﻣﻨﻮ ﻓﻲ ﻓﺪ ﻳﻮﻡ
_ ﻳﻄﻠﻌﻬﺎ ﻛﻴﻒ ؟
_ ﺍﻧﺖ ﻣﻮﺵ ﺩﺍﻳﺮ ﻗﺮﻭﺷﻚ ؟ ﺍﻧﺎ ﺑﻌﺮﻑ ﻭﺍﺣﺪ ﺑﻄﻠﻌﻬﺎ ﻟﻴﻚ ﻣﻨﻮ
_ ﺑﺪﻭﻥ ﺍﺷﺘﻜﻲ ﻭﺑﺪﻭﻥ ﻣﺸﺎﻛﻞ
_ ﻫﻮ ﻋﺴﻜﺮﻱ ﺑﻌﻤﻞ ﺷﻜﻮﻯ ﻭﻫﻤﻴﺔ ﺑﺮﺓ ﺑﺮﺓ
_ ﻛﻴﻒ ؟
_ ﺍﻧﺖ ﻣﺎﻟﻚ ﻳﺎﺥ ﺍﻟﻤﻬﻢ ﺗﺸﻴﻞ ﻗﺮﻭﺷﻚ ﺑﺲ ﻭﻛﻴﻒ ﺩﻱ ﺷﻐﻠﺘﻨﺎ ﻧﺤﻦ ﺑﺲ ﻗﻮﻝ ﺍﻭﻛﻲ
_ ﻳﺎ ﺯﻭﻝ ﺗﻤﺎﻡ ﺍﻭﻛﻲ ﻣﻦ ﻫﺴﻲ
_ ﺑﺲ ﺑﻴﺎﺧﺪ ﺣﻘﻮ
_ ﺣﻘﻮ ﻛﻢ ؟
_ ﻣﺎ ﺑﻘﺪﺭ ﺃﺣﺪﺩ ﻟﻴﻚ ﺍﻻ ﺑﻌﺪ ﺃﻻﻗﻴﻬﻮ ﻭﺍﺷﻮﻓﻮ ﺑﻴﺎﺧﺪ ﻛﻢ ﻭﺍﻟﻠﻴﻠﺔ ﺩﻱ ﺑﻼﻗﻴﻬﻮ
_ ﺧﻼﺱ ﺍﻧﺎ ﻣﺎ ﻋﻨﺪﻱ ﻣﺎﻧﻊ
_ ﺯﺍﺗﻮ ﻋﺸﺎﻥ ﺍﻟﺰﻭﻝ ﺩﺍ ﻳﻌﺮﻓﻚ ﺯﻭﻝ ﻣﺎ ﺳﺎﻫﻞ ﻭﺑﺘﻌﺮﻑ ﻧﺎﺱ ﻓﻮﻕ ﻭﺷﻔﺖ
_ ﺗﻤﺎﻡ ﻭﺍﻟﻠﻪ ﺗﻜﻮﻥ ﻣﺎ ﻗﺼﺮﺕ ﺧﻠﻴﻬﻮ ﻳﻌﺮﻓﻨﻲ ﺍﻧﺎ ﺷﻨﻮ
_ ﺧﻼﺱ ﻧﻮﻡ ﻭﺍﻋﺘﺒﺮ ﺍﻟﻘﺮﻭﺵ ﻓﻲ ﺟﻴﺒﻚ ﻭﻓﻲ ﺳﺠﺎﺭﺓ ﻣﻠﻔﻮﻓﺔ ﻓﻲ ﺟﻴﺐ ﻗﻤﻴﺼﻲ ﺍﺿﺮﺑﻬﺎ ﺑﺮﺍﻙ ﻭﻣﺨﻤﺦ ﺑﻤﺰﺍﺝ
_ ﺑﺴﺴﺲ ﺍﻧﺎ ﺯﺍﺗﻲ ﻣﺤﺘﺎﺝ ﻟﻴﻬﺎ
ﻭﺩ ﺍﻟﺴﺖ ﻇﺒﻂ ﺍﻟﺪﻛﺎﻥ ﻭﻣﺎ ﺍﺗﻜﻮﻋﺐ ﻣﻊ ﺍﻟﻨﺎﺱ ﺯﻱ ﻣﺎ ﺍﻟﺰﻳﻦ ﺩﺍﻳﺮ ﺑﺲ ﻋﺮﻑ ﻟﻴﻬﻢ ﻛﻮﻳﺲ ﻗﺎﻝ ﻟﻴﻬﻢ ﺍﻧﺎ ﺍﻟﺪﻛﺎﻥ ﺩﺍ ﺍﺷﺘﺮﻳﺘﻮ ﻋﺸﺎﻥ ﺍﺗﻌﺎﻳﺶ ﻣﻨﻮ ﺍﻧﺎ ﻭﺍﺧﻮﺍﻧﻲ ﻭﻧﺤﻦ ﻧﺎﺱ ﺍﻳﺘﺎﻡ ﺍﺑﻮﻧﺎ ﻣﺎﺕ ﺑﺪﺭﻱ ﻭﺍﻣﻨﺎ ﻣﺮﺓ ﻛﺒﻴﺮﺓ ﻭﻧﺎﺱ ﻣﺴﺎﻛﻴﻦ ﻣﺎ ﻋﻨﺪﻧﺎ ﻏﻴﺮ ﺑﻠﺪﺍﺕ ﺻﻐﻴﺮﺓ ﺑﻌﺘﻬﺎ ﻭﺟﻴﺖ ﺍﺷﺘﺮﻳﺖ ﺑﻘﺮﻭﺷﻬﺎ ﺍﻟﺪﻛﺎﻥ ﺩﺍ ﻭﺍﻫﻠﻲ ﻓﺎﺗﺤﻴﻦ ﻟﻲ ﺧﺸﻤﻦ ﻭﺍﻧﺎ ﻣﺎ ﺑﺘﻜﻮﻋﺐ ﻣﻌﺎﻛﻢ ﻭﻣﺎ ﺑﺮﺟﻊ ﺯﻭﻝ ﻭﺍﻛﺴﻔﻮ ﺑﺲ ﺗﺮﺟﻌﻮﺍ ﻟﻲ ﻗﺮﻭﺷﻲ ﺍﻭﻝ ﺑﺄﻭﻝ ﻭﺍﻟﻤﻐﺮﻭﺽ ﻣﻨﻜﻢ ﻓﻲ ﺍﻱ ﺷﻲ ﺍﻧﺎ ﺑﻘﺪﺭ ﻋﻠﻴﻬﻮ ﻣﺎ ﺑﻘﺼﺮ ﺗﺐ ﻭﺍﻟﺒﺪﻭﺭ ﻗﺮﻭﺵ ﺑﺪﻳﻬﻮ ﺑﺲ ﻣﺎ ﺗﻀﻴﻌﻮﺍ ﻟﻲ ﺩﻛﺎﻧﻲ ﻭﺗﺎﻛﻠﻮﺍ ﺣﻖ ﺍﻻﻳﺘﺎﻡ ﻭﺍﻧﺘﻮ ﻋﺎﺭﻓﻴﻦ ﻣﺎﻝ ﺍﻟﻴﺘﻴﻢ ﻭﻋﺼﺮ ﻋﻠﻲ ﻣﺎﻝ ﺍﻟﻴﺘﻴﻢ ﺩﻱ ﺷﺪﻳﺪ ﻭﻗﻄﻊ ﺑﻴﻬﺎ ﻗﻠﺒﻬﻢ ﻭﺣﻨﻨﻢ ﺑﻴﻬﺎ ﻭﺍﻟﻨﺎﺱ ﺑﻘﻮﺍ ﻳﺸﺘﺮﻭﺍ ﻛﻠﻬﻢ ﻣﻨﻮ ﻭﺍﻟﻘﺮﻳﺐ ﻭﺍﻟﺒﻌﻴﺪ ﺑﺠﻴﻬﻮ ﻭﺑﺪﻝ ﺩﻛﺎﻥ ﺍﻟﺰﻳﻦ ﺍﻟﻨﺎﺱ ﺑﻘﻮﺍ ﻳﻘﻮﻟﻮﺍ ﺩﻛﺎﻥ ﺍﻟﻴﺘﻴﻢ ﻭﺍﻟﺸﻐﻠﺔ ﻣﺸﺖ ﻣﻌﺎﻫﻮ ﻭﺍﻟﺴﻤﺤﺔ ﻓﻴﻬﻮ ﺍﻱ ﺷﻲ ﻣﻮﻓﺮﻭ ﻻﻧﻮ ﻣﺎ ﺑﻤﺴﻚ ﻗﺮﺵ ﺍﻱ ﺯﻭﻝ ﻣﺎﺷﻲ ﻣﺪﻧﻲ ﻭﻟﻼ ﺍﻟﻤﻨﺎﻗﻞ ﺑﻌﺮﺑﻴﺘﻮ ﺑﻮﺻﻴﻬﻮ ﻟﻐﺮﺽ ﻭﺣﺘﻰ ﺍﻻﺑﺮﺓ ﻭﺍﻟﺨﻴﻂ ﺟﺎﺑﻦ ﻣﺎ ﺧﻠﻰ ﺷﻲ
ﻳﺘﺒﻊ ..