ﻭﻛﺘﺒﺖ ﻟﻴﻚ ﻻ ﺑﻴﻨﻲ ﺑﻴﻨﻚ ﺭﻳﺪﺓ ﻻ
ﻗﺼﺔ ﻏﺮﺍﻡ
ﺇﺧﺘﺮﺕ ﻟﻴﻚ ﺃﺟﻤﻞ ﺣﺮﻭﻑ ﻭﺃﺻﺪﻕ
ﻓﻮﺍﺻﻞ ﻧﺎﺩﺭﺓ ﻓﻲ ﻟﻐﺔ ﺍﻟﻜﻼﻡ
ﻻ ﻗﺼﺪﻱ ﺃﻟﻬﻮ ﻣﻌﺎﻙ ﺑﻲ ﻛﻠﻤﺎﺕ ﻏﻨﺎﻱ
ﻻ ﺣﺮﻭﻓﻲ ﻟﻴﻚ ﻣﺮﺟﻴﺤﺔ ﻣﻦ ﺷﻌﺮ
ﺍﻟﻐﻤﺎﻡ
ﻭﻛﺘﺒﺖ ﻟﻴﻚ ﻭﺍﻟﻠﻪ ﻳﺎ ﻗﻤﺮ ﺍﻟﺰﻣﺎﻥ
ﺷﺎﻥ ﺟﻴﺘﻲ ﺑﻲ ﺯﻣﻦ ﺍﻟﻤﺤﻨﺔ
ﻭﺷﻔﺖ ﻓﻲ ﻋﻴﻨﻴﻚ ﺣﺲ ﺃﻫﻠﻲ ﺍﻟﻘﺪﺍﻡ
ﻭﻛﺘﺒﺖ ﻟﻴﻚ ﻭﺃﻧﺎ ﺟﺎﻳﻲ ﻣﻦ ﺯﻣﻦ ﺍﻟﺸﻘﺎ
ﺍﻟﻤﺮﺳﻮﻡ ﻋﻠﻰ ﻭﺵ ﺍﻟﺜﻮﺍﻧﻲ ﻣﻈﻠﻠﻬﺎ
ﺗﺘﻤﺪﺩ ﺍﻟﺴﺎﻋﺎﺕ ﺳﻨﻴﻦ
ﺗﺘﻔﺘﺢ ﺍﻷﺣﺰﺍﻥ ﻏﺮﻳﺒﺔ ﻭﻣﺬﻫﻠﺔ
ﻭﺃﺷﺘﺎﻕ ﺃﻓﺘﺶ ﻧﺴﻤﺔ ﻓﻲ ﺍﻟﺰﻣﻦ ﺍﻟﻌﺬﺍﺏ
ﻭﺃﻳﺎﻣﻲ ﻣﻦ ﻛﺘﺮ ﺍﻷﺳﻰ ﻭﻛﺘﺮ ﺍﻟﻌﺰﻭﻑ
ﻭﺍﻹﻏﺘﺮﺍﺏ
ﺻﺎﺭﺕ ﺣﺮﻭﻑ ﻣﺘﺮﻫﻠﺔ ﻟﺤﻈﺎﺕ ﺃﺳﻴﻔﺔ
ﻭﻣﻬﻤﻠﺔ
ﻭﻛﺘﺒﺖ ﻟﻴﻚ ﻭﻭﻗﻔﺖ ﻟﻴﻚ
ﻻﻣﻦ ﻟﻘﻴﺘﻚ ﺟﺎﻳﺔ ﻓﻲ ﻗﻠﺐ ﺍﻟﻄﺮﻳﻖ
ﻭﻟﻤﺤﺖ ﻓﻴﻚ ﺭﺍﺣﺔ ﺍﻟﻤﺸﺎﻭﻳﺮ ﺍﻟﺒﻌﻴﺪﺓ
ﻭﻟﻔﺤﺔ ﺍﻟﻨﺴﻤﺔ ﺍﻟﺤﻨﻴﻨﺔ ﺍﻟﺠﺎﻳﺔ ﻣﻦ
ﺟﻮﻑ ﺍﻟﻤﻀﻴﻖ
ﺣﺴﻴﺖ ﻋﺠﺎﺋﺐ ﺍﻟﺪﻧﻴﺎ ﺍﺗﻠﻤﺖ ﺑﻘﺖ
ﺟﺎﻳﺎﻧﻲ ﻣﻦ ﻋﺼﺮﺍً ﺳﺤﻴﻖ
ﻋﻴﻨﻴﻚ ﺣﺲ ﺃﻃﻔﺎﻝ ﺑﻨﺎﺩﻭﺍ ﺍﻟﻘﻤﺮﺓ
ﻟﻠﻐﺎﺋﺐ ﻳﻌﻮﺩ
ﻭﺟﺒﻴﻨﻚ ﺍﻟﻀﻮﺍﻱ ﺣﺠﺎ ﺍﻟﺤﺒﻮﺑﺔ ﻓﻲ
ﺍﻟﺰﻣﻦ ﺍﻟﺴﻌﻴﺪ
ﻭﺃﻧﺎ ﻓﻲ ﻗﺴﺎﻭﺓ ﺍﻟﻤﻮﺣﺶ ﺍﻟﺰﻣﻦ
ﺍﻟﻤﻜﻬﺮﺏ ﺑﻲ ﺍﻟﺤﺮﻳﻖ
ﺃﻧﺎ ﺣﻴﻠﺘﻲ ﺇﻳﻪ ﻏﻴﺮ ؟ﺃﺗﻜﺊ ﻭﺃﺣﻠﻢ
ﻣﻌﺎﻙ
ﻭﺃﺣﻀﻦ ﺃﻣﺎﺳﻲ ﺍﻟﺼﺤﻮ ﻭﺍﻷﻣﻞ ﺍﻟﺒﺮﻳﻖ