ﻋﺎﺷﻖ ﺍﻟﻨﻮﺡ
ﻛﻠﻤﺎﺕ ﻋﻤﺮﺍﻻﻋﺴﺮ
ﺍﻟﺤﺎﻥ ﻭﻏﻨﺎﺀ ﻋﺎﻃﻒ ﺍﻟﺮﻛﺎﺑﻴﺔ ‏( ﻃﻤﺒﻮﺭ ‏)
ﻳﺎ ﻗﻠﺒﻲ ﺍﺳﻮﻳﻠﻚ ﺷﻨﻮ
ﻟﺴﻊ ﺟﺮﻭﺣﻚ ﻣﺎ ﺑِﺮَﻥ
ﺗﺎﻧﻲ ﺍﻟﺒﻴﺮﺿﺎﺑﻚ ﻣﻨﻮ
ﻳﺎ ﺣﻠﻴﻠﻚ ﺁﺍﺍﺍ ﺍﻟﻀﺎﻳﻊ ﺳُﺪَﻥ
ﻳﺎ ﻗﻠﺒﻲ ﻣﺎ ﻟﻘﻴﺖ ﻟﻚ ﺻﻠﻴﺢ
ﻳﺤﻤﻴﻚ ﻣﻦ ﺟﻮﺭ ﺍﻟﺰﻣﻦ
ﺑﺎﻟﻠﻪِ ﺍﻫﺪﺃ ﻭﺍﺳﺘﺮﻳﺢ
ﺑﻲ ﺍﻟﻘُﺴﻤﺔ ﻋﻴﺶ ﻣﺘﻴﻘﻨﻦ
ﻓﻲ ﺍﻟﺮﻳﺪﺓ ﻣﺎﻙ ﺍﻭﻝ ﺟﺮﻳﺢ
ﻳﺎ ﻣﺎ ﻗﻠﻮﺏ ﺍﺗﻌﺬَّﺑﻦ
ﻣﺎ ﺳﻤﻌﺖ ﺑﻲ ﻗﻴﺲ ﺍﻟﺒِﺼِﻴﺢ
ﺑﻲ ﻟﻴﻠﻲ ﻻﺍﺍﻣِﻦ ﺍﻧﺪﻓﻦ
ﻭﻳﻦ ﺍﻟﺰﻣﺎﻥ ﻟﻲ ﺍﺻﻄﻔﻴﺖ
ﻭﺍﺧﺘﺮﺗﻮ ﻟﻴﻚ ﻣﺮﺳﻲ ﻭﻭﻃﻦ
ﻳﺎ ﺣﻠﻴﻠﻚ ﺁﺍﺍ ﺍﻟﻤﺴﻜﻴﻦ ﺷﻘﻴﺖ
ﻓﻲ ﺳِﻜﺘﻮ ﺍﻗﺪﺍﻣﻚ ﺣِﻔَﻦ
ﺿﻘﺖ ﺍﻟﻌﺬﺍﺏ ﻣُﺖَّ ﻭﺣﻴﻴﺖ
ﻭﻟﺒﺴﺖ ﺟُﻠﺒﺎﺏ ﺍﻟﺤَﺰَﻥ
ﺍﻟﻠﻴﻠﺔ ﺷﺎﻳﻔﻚ ﺗﺎﻧﻲ ﺟﻴﺖ
ﺗﻮﻗِﺪ ﺷﻤﻮﻉ ﺑﺪﺭﻱ ﺍﻧﻄﻔﻦ
ﺣﻴﺮﻧﻲ ﺍﻣﺮﻙ ﻳﺎ ﻋﻨﻴﺪ
ﻳﺎ ﻋﺎﺷﻖ ﺍﻟﻨﻮﺡ ﻭﺍﻟﺸﺠﻦ
ﻛﻞ ﻣﺎ ﻇﻬﺮ ﻓﺎﺗﻦ ﺟﺪﻳﺪ
ﺃﻟﻘﺎﻙ ﺑﻴﻬﻮ ﻣﺘﻴﻤﻦ
ﺑﻌﺪ ﺍﻟﺤﺼﻞ ﻣﻌﻘﻮﻝ ﺗﺮﻳﺪ
ﺗﻨﺴﻲ ﺍﻟﻤﺼﺎﻳﺐ ﺍﻟﻔﻴﻚ ﺑِﻘَﻦ
ﺍﻗﺴﻤﺖ ﺑﺎﻟﻠﻪ ﻣﺎﻙ ﺷﺪﻳﺪ
ﻟﻮ ﻣﺎﻙ ﻣﺠﻨﻮﻥ ﺣﺎ ﺗﺠَﻦ
ﻟﻮ ﺟﻴﺖ ﺗﺼﻞ ﺣﺪ ﺍﻟﺠﻤﺎﻝ
ﻣﺎ ﺍﻇﻨﻮ ﻋﻴﻨﻴﻚ ﺇﺗﻤﻠﻦ
ﺯﻱ ﺍﻟﻤﺸﻲ ﻳﺤﺴﺐ ﺍﻟﺮﻣﺎﻝ
ﻟﻴﻬﻮ ﺍﻟﻨﺠﻮﻡ ﻣﺎ ﺍﺗﻌﺪَّﺩَﻥ
ﺷِﻴﺘﺎً ﺯﻫﻮﺭ ﻭﺍﺣﺪ ﻏﺰﺍﻝ
ﻗﻤﺮﺍ ﻭﻗﻤﺎﺭﻱ ﻳَﻐﺮِّﺩﻥ
ﻣﺎ ﺍﻇﻦ ﺗﻼﻗﻲ ﻣﻨﺎﻙ ﻣﺤﺎﻝ
ﻟﻮ ﻛﺎﻥ ﺟﻠﺐ ﻋُﻤﺮﻙ ﺗﻤﻦ
ﺍﻧﺴﻲ ﺍﻧﺸﻐﺎﻟﻚ ﻻ ﺗﻬﻴﻢ
ﺑﻲ ﺣﻮﺍ ﺍﺳﺒﺎﺏ ﺍﻟﻔﺘﻦ
ﺑﺎﻟﺤﻜﻤﺔ ﻭﺍﻟﻌﻘﻞ ﺍﻟﺴﻠﻴﻢ
ﺩﺍﻭﻱ ﺍﻟﺠﺮﻭﺡ ﺍﻟﻔﻲ ﺍﻟﺒﺪﻥ
ﺯﻳﺪ ﺍﺑﺘﻬﺎﻟﻚ ﻟﻲ ﺍﻟﻜﺮﻳﻢ
ﻋﺸﻤﺎﻧﻮ ﻣﺎﺍﺍ ﺧَﻴَّﺒﻠﻮ ﻇﻦ
ﻓﻲ ﺍﻟﺪﻧﻴﺎ ﻟﻮ ﻋﺸﺖ ﺍﻟﺠﺤﻴﻢ
ﻓﻲ ﺍﻻﺧﺮﺓ ﺗﺘﻌﻮﺽ ﻋﺪﻥ
ﻳﺎﺍﺍﺍﺍﺍﺍ ﻗﻠﺒﻲ ﺍﺳﻮﻳﻠﻚ ﺷﻨﻮ؟؟