ﻗﻠﻮﻭﻭﻭﻭﺏ *
ﺃﺟﻤﻞ ﺣﺎﺟﺔ ﻓﻴﻚ ﻳﺎﺩﻧﻴﺎ ﻗﻠﺒﺎ " ﺣﺎﻧﻰ ﺣﺒﻮ ﻧﺒﻴﻞ
ﻳﺪﻭﻡ ﺇﺧﻼﺻﻮ ﻟﻴﻚ ﺳﻨﻮﺍﺕ ﻭﺭﻳﺪﻭ ﻳﻔﻴﺾ ﺟﺪﺍﻭﻝ ﻭﻧﻴﻞ
ﻭﻣﺎﺑﻴﺒﻘﻰ ﺍﻟﻘﻠﺐ ﻭﻟﻬﺎﻥ ... ﺇﻻ ﻳﻀﻮﻕ ﺳﻬﺎﺩ ﺍﻟﻠﻴﻞ
ﻭﺇﻻ ﻳﺸﻴﻞ ﻫﻤﻮﻡ ﺍﻟﺮﻳﺪ ... ﻭﺇﻻ ﺍﻟﺸﻮﻕ ﻳﻬﺪ ﺍﻟﺤﻴﻞ
ﻭﻣﺎﺑﻴﺤﻤﻞ ﻓﺮﺍﻗﻚ ﻳﻮﻡ ... ﻭﺩﻣﻌﻮ ﻋﻠﻴﻚ ﺗﻤﻠﻰ ﻳﺴﻴﻞ
ﺃﺭﻳﺘﻚ ﺑﺲ ﺗﻼﻗﻰ ﻗﻠﻴﺐ ﻳﻜﻮﻥ ﺷﺎﺭﻳﻚ ﻭﺑﺎﻟﻮ ﻃﻮﻳﻞ
ﻗﻠﻮﺏ ﺍﻟﻨﺎﺱ ﺑﻘﺖ ﺩﻛﺎﻥ ... ﺗﺒﻴﻊ ﺃﻭﻫﺎﻡ ... ﺗﻮﺯﻉ ﻭﻳﻞ
*****
ﺗﻌﺎﻟﻮﺍ ﻧﺸﻮﻑ ﺣﻜﺎﻳﺎﺗﺎ ... ﻭﻛﻴﻒ ﻓﻰ ﺍﻟﺮﻳﺪ ﺑﻘﺖ ﺃﻧﻮﺍﻉ
ﻗﻠﺐ ﻋﻤﺮﺍﻥ ﺑﺤﺐ ﺍﻟﺨﻴﺮ .... ﻳﻘﻮﻡ ﻣﺸﺘﺎﻕ ﻳﻨﻮﻡ ﻣﻠﺘﺎﻉ
ﻭﻏﻴﺮﻭ ﻗﻠﺐ ﺃﻧﺎﻧﻰ ﺟﺒﺎﻥ .... ﻭﻓﻰ ﺍﻹﺣﺴﺎﺱ ﻛﻤﺎﻥ ﻃﻤﺎﻉ
ﻭﻻﺑﻴﻬﺘﻤﺎ ﺑﺎﻷﺣﺰﺍﻥ ... ﻭﻻﺏﻳﻌﻨﻴﻬﻮ ﺣﺒﺎ " ﺿﺎﻉ
ﺛﻮﺍﻧﻰ ﻭﻳﻨﺴﻰ ﻛﻞ ﺍﻟﻜﺎﻥ ... ﻭﺗﺼﺒﺢ ﻋﻨﺪﻭ ﺳﻘﻂ ﻣﺘﺎﻉ
ﻭﺇﻧﺘﺎ ﺗﻌﻴﺶ ﻭﺭﺍﻭ ﻣﺠﺮﻭﺡ ... ﻷﻧﻮ ﻧﺴﺎﻙ ﻭﺣﺎﻻ " ﺑﺎﻉ
****
ﻗﻠﻮﺏ ﻣﺘﺤﺠﺮﺓ ﻭﻗﺎﺳﻴﺔ .... ﻭﻟﻰ ﻋﻬﺪ ﺍﻟﻮﺩﺍﺩ ﻧﺎﺳﻴﻪ
ﻭﻗﻠﻮﺏ ﻋﺎﻗﻠﺔ ﻭﻗﺮﺍﺭﻫﺎ ﺭﺷﻴﺪ ... ﻭﻓﻰ ﺣﻜﻢ ﺍﻟﻐﺮﺍﻡ ﺭﺍﺳﻴﻪ
ﻗﻠﻮﺏ ﺑﺎﻟﻄﻴﺒﺔ ﻣﻌﺠﻮﻧﻪ ..... ﻭﺯﻯ ﻟﻮﻥ ﺍﻟﺤﻠﻴﺐ ﻟﻮﻧﻪ
ﻭﻗﻠﻮﺏ ﻣﻨﺪﺍﺣﺔ ﻣﺠﻨﻮﻧﻪ .... ﻭﺗﻜﻮﻥ ﻳﺎ ﺃﻟﻠﻪ ﻓﻰ ﻋﻮﻧﻪ
ﻗﻠﻮﺏ ﻣﺎﻻﺯﻣﺔ ﺇﺣﺴﺎﺳﻨﺎ ... ﻭﻗﻠﻮﺏ ﻣﺎﺑﻨﺤﻴﺎ ﻣﻦ ﺩﻭﻧﻪ
ﻗﻠﻮﺏ ﺟﺎﺣﺪﺓ ﻭﺑﺘﻨﺴﻰ ﺍﻟﺨﻴﺮ .... ﻗﻠﻮﺏ ﻣﻤﺘﻨﻪ ﻣﻤﻨﻮﻧﻪ
ﻭﺑﺘﺤﻔﻆ ﻟﻴﻚ ﺟﻤﻴﻞ ﺍﻟﺮﻳﺪ ... ﺗﺸﻴﻠﻚ ﺩﻳﻤﻪ ﻓﻰ ﻋﻴﻮﻧﻪ
ﻭﻗﻠﻮﺏ ﻣﻮﺟﻮﻋﻪ ﻣﻦ ﺍﻟﻐﻴﺮ .... ﺑﺘﺒﻜﻰ ﻭﻟﺴﻪ ﻣﺤﺰﻭﻧﻪ
ﺗﻨﻮﻡ ﻭﺗﻘﻮﻡ ﻋﻠﻰ ﺍﻹﺣﺒﺎﻁ .. ﻗﻠﻮﺏ ﻣﻈﻠﻮﻣﺔ ﻣﻤﻜﻮﻧﺔ
ﻗﻠﻮﺑﺎ " ﻛﻠﻮ ﻳﻮﻡ ﺑﻰ ﺣﺎﻝ ... ﻗﻠﻮﺏ ﻓﻰ ﺇﻳﺪﻧﺎ ﻣﻀﻤﻮﻧﺔ
ﻗﻠﻮﺏ ﻓﺮﺣﺎﻧﻪ ﻃﺎﻳﺮﺓ ﻋﺪﻳﻞ .... ﺗﺪﻭﺭ ﺍﻟﺒﻬﺠﻪ ﻓﻰ ﻛﻮﻧﺎ
ﻭﻗﻠﻮﺏ ﻣﺎﻋﺮﻓﺖ ﺍﻷﻓﺮﺍﺡ ... ﺩﻭﺍﻡ ﻓﻰ ﺍﻟﺤﺴﺮﺓ ﻣﺴﺠﻮﻧﺔ
*****
ﻗﻠﻮﺏ ﺑﺎﻟﺘﻘﻮﻯ ﻣﻐﺴﻮﻟﺔ .... ﻭﻗﻠﻮﺏ ﺑﺎﻟﺪﻧﻴﺎ ﻣﺸﻐﻮﻟﺔ
ﻗﻠﻮﺏ ﻟﻌﺎﺑﻪ ﺩﻳﻤﻪ ﺗﺨﻮﻥ ... ﻭﻗﻠﻮﺏ ﺗﺤﻔﻆ ﻋﻬﻮﺩ ﺯﻭﻻ
ﻗﻠﻮﺏ ﻣﺎﺑﺘﻌﺮﻑ ﺍﻟﺮﺣﻤﻦ .... ﻗﻠﻮﺏ ﺑﺎﻟﺮﺣﻤﺔ ﻣﺠﺒﻮﻟﻪ
ﻗﻠﻮﺏ ﺗﺘﻤﻨﻰ ﺑﺲ ﻧﺮﺿﻰ ..... ﻭﻗﻠﻮﺏ ﻧﺘﺸﺎﺑﺎ ﻟﻰ ﻃﻮﻻ
ﻗﻠﻮﺏ ﺳﻬﺮﺍﻧﻪ ﻋﺰ ﺍﻟﻠﻴﻞ .. . ﻗﻠﻮﺏ ﻣﺘﻬﻨﻴﻪ ﻭﻏﺎﻓﻴﻪ
ﻗﻠﻮﺏ ﻟﻴﻬﺎ ﺍﻟﺤﻨﻴﻦ ﻋﻨﻮﺍﻥ .... ﻗﻠﻮﺏ ﻣﺘﻤﺮﺩﺓ ﻭﺟﺎﻓﻴﺔ
ﻗﻠﻮﺏ ﺗﺮﻗﺺ ﻣﻊ ﺍﻷﻟﺤﺎﻥ .... ﻗﻠﻮﺏ ﻣﺎﺿﺎﻗﺖ ﺍﻟﻌﺎﻓﻴﺔ
ﻗﻠﻮﺏ ﻣﻌﺮﻭﻓﻪ ﺑﺎﻹﺧﻼﺹ ... ﻭﻟﻰ ﻛﻞ ﺍﻟﻮﻋﻮﺩ ﻭﺍﻓﻴﻪ
ﻭﻗﻠﻮﺏ ﻧﻜﺮﺕ ﻛﻼﻣﻬﺎ ﺯﻣﺎﻥ .... ﻭﻟﻰ ﺍﻟﻮﻋﺪ ﺍﻟﻘﺪﻳﻢ ﻧﺎﻓﻴﻪ
ﻗﻠﻮﺏ ﻣﺘﺤﺠﺮﺓ ﻭﺑﺎﺭﺩﺓ .... ﻭﻗﻠﻮﺏ ﻣﺘﺠﺮﺩﻩ ﻭﺩﺍﻓﻴﺔ
ﻗﻠﻮﺏ ﺗﻐﻨﻴﻚ ﻋﻦ ﺍﻟﻤﺎﺑﻴﻚ .... ﻭﺑﻰ ﺇﺧﻼﺻﻬﺎ ﺑﺲ ﻛﺎﻓﻴﻪ
ﺗﻘﻴﻒ ﺟﻨﺒﻚ ﻭﻣﺎﺗﺨﻠﻴﻚ ... ﻭﻟﻰ ﻛﻞ ﺍﻟﺠﺮﻭﺡ ﺷﺎﻓﻴﺔ
***
ﻗﻠﻮﺏ ﺗﻔﺪﻯ ﺍﻟﻮﻃﻦ ﺑﺎﻟﺪﻡ ... ﻭﻛﻢ ﺷﺎﻟﺖ ﻋﻠﻴﻬﻮ ﺍﻟﻬﻢ
ﻗﻠﻮﺏ ﺷﺮﻳﺮﺓ ﻣﺎﺑﺘﺮﺣﻢ .... ﻭﻣﻦ ﺟﺒﺮﻭﺗﻬﺎ ﻣﺎﺑﻨﺴﻠﻢ
ﺑﻠﻴﺪﺓ ﻛﻤﺎﻥ ﻓﻰ ﻋﻠﻢ ﺍﻟﺤﺐ .... ﻣﺤﺎﻝ ﻟﻰ ﺩﺭﺳﻮ ﻳﻮﻡ ﺗﻔﻬﻢ
ﻭﻟﻮ ﺣﺘﻰ ﺍﻟﻘﻴﺎﻣﺔ ﺗﻘﻮﻡ .... ﻭﻻﺑﻴﻌﻦﻳﻬﺎ ﻻﺑﺘﻬﺘﻢ
ﻣﺠﺮﺩﺓ ﻣﻦ ﻃﺒﻴﻌﺔ ﺍﻟﻨﺎﺱ ... ﻭﺃﻇﻦ ﻓﻰ ﻧﻮﻣﻬﺎ ﻣﺎﺑﺘﺤﻠﻢ
ﺑﺘﺤﺴﺐ ﺃﻯ ﺣﺮﻛﺔ ﻋﻠﻴﻚ .... ﻭﺗﺴﺄﻝ ﺑﺲ ﺑﺘﺪﻓﻊ ﻛﻢ؟ !
ﻗﻠﻮﺏ ﺑﺎﻟﺠﻤﻠﻪ ﻣﺎﺩﻳﻪ .... ﻭﻳﻮﻡ ﻣﺎﺑﺘﺪﻯ ﻋﻴﺪﻳﺔ
ﺩﻯ ﻳﺎﺥ ﻣﺎﺑﺘﻌﺮﻑ ﺍﻷﻋﻴﺎﺩ .... ﻭﻣﻌﺮﻭﻑ ﺇﻧﻮ ﺳﺎﺩﻳﺔ
ﺗﺸﻮﻑ ﻭﺭﺍﺀ ﻛﻞ ﺣﺎﺟﺔ ﻇﻨﻮﻥ ... ﻭﻧﺤﻦ ﻧﺸﻮﻓﻬﺎ ﻋﺎﺩﻳﺔ ..
ﻗﻠﻮﺏ ﺑﺘﻌﻴﺶ ﻋﻠﻰ ﺍﻹﻳﻤﺎﻥ .... ﻭﺗﺮﺡﻝ ﺭﺍﺿﻴﺔ ﻣﺮﺿﻴﺔ
ﺗﻔﺘﺶ ﻟﻰ ﻋﻔﻮ ﺍﻟﺮﺣﻤﻦ .... ﺩﺭﺍﻭﻱﺵ ﻧﻮﺑﺔ ﺻﻮﻓﻴﺔ
ﻭﻗﻠﻮﺏ ﺗﺘﺒﻊ ﺧﻄﻰ ﺍﻟﺸﻴﻄﺎﻥ .... ﻭﻣﻦ ﺍﻟﺠﻨﺔ ﻣﻨﻔﻴﺔ
ﻋﺸﺎﻥ ﻛﺎﻥ ﻫﻤﻬﺎ ﺍﻟﺪﻧﻴﺎ ... ﺗﻌﻴﺸﻬﺎ ﺑﺄﻯ ﻛﻴﻔﻴﺔ
ﻭﻣﺘﻌﺘﻬﺎ ﺑﺲ ﺗﺸﻮﻑ ﺍﻟﻨﺎﺱ ... ﺗﻌﻴﺴﻪ .. ﺷﻘﻴﺔ ﻣﺄﺫﻳﻪ
****
ﻗﻠﻮﺏ ﻣﻠﻴﺎﻧﻪ ﻏﻞ ﻭﺃﺣﻘﺎﺩ ...
ﻭﺩﻣﻬﺎ ﺫﺍﺗﻮ ﻟﻮﻧﻮ ﺳﻮﺍﺩ ...
ﻫﻮﺍﻳﺘﻬﺎ ﺑﺲ ﺗﻀﺮ ﺍﻟﻐﻴﺮ ... ﻭﻟﻮ ﺣﺘﻰ ﺍﻟﺤﻜﺎﻳﺔ ﻋﻨﺎﺩ
ﻭﻗﻠﻮﺏ ﻋﺮﻓﺖ ﺩﺭﻭﺏ ﺍﻟﺤﻖ .... ﺗﺠﺎﻫﺪ ﻓﻰ ﻧﻔﻮﺳﻬﺎ ﺟﻬﺎﺩ
ﻭﺗﻌﺸﻢ ﻓﻰ ﺯﻳﺎﺭﺓ ﺍﻟﺒﻴﺖ ... ﺑﺤﻖ ﺍﻟﺨﻠﻔﺎﺀ ﻭﺍﻷﺳﻴﺎﺩ
ﺩﻭﺍﻡ ﺭﺿﻴﺎﻧﻪ ﺑﺎﻟﻤﻘﺴﻮﻡ . .. ﻭﻋﺎﺷﺖ ﻋﻴﺸﺔ ﺍﻟﺰﻫﺎﺩ
ﻭﻣﻬﻤﺎ ﺗﺸﻮﻑ ﻧﻌﻴﻢ ﻭﺟﺤﻴﻢ .... ﻳﻘﻴﻨﻬﻢ ﻣﺎﻧﻘﺺ ﺑﺲ ﺯﺍﺩ
ﺗﻘﺎﻭﻡ ﺍﻟﻔﺘﻨﺔ ﺑﺎﻟﻘﺮﺁﻥ ...... ﺗﺬﻳﺪ ﺣﺴﻨﺎﺗﻬﺎ ﺑﺎﻹﺭﺷﺎﺩ
ﻣﺤﺎﻝ ﺗﺘﺒﻊ ﻫﻮﻯ ﺍﻹﻧﺴﺎﻥ .... ﻳﺸﺎﺏﻩ ﻋﺰﻣﻬﺎ ﺍﻷﻭﺗﺎﺩ
ﻭﻣﺆﻣﻨﻪ ﺑﺎﻟﻨﺼﻴﺐ ﻓﻰ ﺍﻟﻤﺎﻝ .... ﻭﻓﻰ ﺍﻷﺯﻭﺍﺝ ﻭﻓﻰ ﺍﻷﻭﻻﺩ
ﺑﺪﻭﻫﺎ ﺍﻟﺮﺣﻠﺔ ﺑﺎﻹﺣﺴﺎﻥ ﻭﻛﺎﻥ ﺍﻟﺒﺮ ﻏﻨﻴﻤﺔ ﻭﺯﺍﺩ
ﻭﻓﻀﻠﺖ ﻣﻨﻬﻢ ﺫﻛﺮﻯ ﺟﻤﻴﻠﺔ ﻭﻇﺎﻫﺮﺓ ﻓﻰ ﺍﻷﺣﻔﺎﺩ
***
ﻗﻠﻮﺏ ﻭﻗﻠﻮﺏ .... ﺗﻌﻴﺶ ﺃﻳﺎﻡ ﻭﺗﻤﺸﻰ ﺩﺭﻭﺏ
ﻭﻓﻴﻨﺎ ﻗﻠﺐ ﺣﺴﻮﺩ ﻣﻜﺮﻭﻩ ... ﻭﻓﻴﻨﺎ ﻗﻠﺐ ﺣﻨﻮﻥ ﻣﺤﺒﻮﺏ
ﻗﻠﻮﺏ ﻣﻠﻴﺎﻧﻪ ﺟﻮﺭ ﻭﻏﺮﻭﺭ .... ﻗﻠﻮﺏ ﺭﺿﻴﺎﻧﻪ ﻋﺎﻳﺸﻪ ﺣﺒﻮﺭ
ﺗﻮﺯﻉ ﻓﻰ ﺍﻟﻔﺮﺡ ﻟﻠﻨﺎﺱ .... ﻭﻫﻤﻬﺎ ﺑﺲ ﻧﻌﻴﺶ ﻓﻰ ﺳﺮﻭﺭ
ﻗﻠﻮﺏ ﻣﺸﻐﻮﻟﻪ ﺑﺎﻟﺒﻨﻴﺎﻥ ... ﺗﻌﻠﻰ ﻭﺗﺒﻨﻰ ﻳﺎﻣﺎ ﻗﺼﻮﺭ
ﻭﺗﻨﻜﺮ ﺇﻧﻮ ﺃﺻﻠﻬﺎ ﻃﻴﻦ .... ﻭﺇﻧﻮ ﻣﺼﻴﺮﻫﺎ ﻣﻮﺕ ﻭﻗﺒﻮﺭ
..
ﻧﻌﻴﺶ ﺍﻟﺪﻧﻴﺎ ﻃﻮﻝ ﺑﻰ ﻋﺮﺽ ....
ﻧﻄﺎﻟﺐ ﺑﺎﻟﺤﻘﻮﻕ ﻭﺍﻟﻌﺪﻝ ... ﻭﻧﺤﻔﻆ ﺑﺮﺿﻮ ﺣﻖ ﺍﻟﺮﺩ ... ﻭﺣﻖ ﺍﻟﺮﻓﺾ ...
ﻧﺤﺎﻭﻝ ﻧﻜﻨﺰ ﺍﻷﻣﻮﺍﻝ .... ﻋﺸﺎﻥ ﺗﺘﻐﻴﺮ ﺍﻷﺣﻮﺍﻝ ...
ﻭﻧﻨﺴﻰ ﺍﻵﺧﺮﺓ ﻭﺍﻷﻫﻮﺍﻝ ...
ﻭﺃﺗﺎﺭﻯ ﻗﻠﻮﺑﻨﺎ ﻣﺎﺑﺘﻘﻮﻯ .... ﻭﻛﻞ ﺍﻟﺪﻧﻴﺎ ﻣﺎﺑﺘﺴﻮﻯ ... ﻷﻧﻬﺎ ﺑﺲ ﻣﺠﺮﺩ ﻣﺤﺾ ....
ﻣﺤﺾ ﻏﺮﻭﺭ ... ﻭﻣﺤﺾ ﺿﻼﻝ ... ﻭﻣﺤﺾ ﻭﻣﺤﺾ ...
ﻭﻓﺠﺄﺓ ﻓﻰ ﻏﻤﺮﺓ ﺍﻷﺣﺪﺍﺙ ... ﻣﻊ ﺍﻷﻧﻔﺎﺱ ... ﻳﻘﻴﻒ ﺍﻟﻨﺒﺾ !
ﺩﺍﻟﻴﺎ ﺍﻟﻴﺎﺱ / ﺍﻟﺨﺮﻃﻮﻡ