لوخاشي الفيس شان تضحك وتجرح غيرك
مابتسمع يوووم شكراً لييييك وكتر خيرك
كان دااير تبهي وتمسح لي الجدار بي جيرك
ارجوك ياغالي معانا اخوات ماتواصل سيرك

شايفك في الغلط مسرع ومالي أنبيرك
لابتقبل نصيحه ولا بتحترم لي كبيرك
احترم اخواتك لامن تخش في غبيرك
كان عمرك تمه من وين تجيب اسبيرك

خليك ود ملووك احترم ديمه لي تعبيرك
لو ما عندك خبرة انتبه. وباااري خبيرك
اطره الموت بجي يوم بزيعو فيهو خبيرك
مابنفع ضحك راجيك حساب في قبيرك

انا شايف الكسر وجبته ليك تجبيرك
راعي شعور اخواتك وابقا في تدبيرك
داير اديك نصيحه يارب تكون تصبيرك
الشرك القاجو لييك بادي في تهبيرك

تعليقك احتبرو زي فلااااتك وبيرك
بزيد ليك قييمتك ونسمتك وعبيرك
احترم التواصل ما تمشي في تكبيرك
احتبرني جاااهل بس القصد تخبيرك

ياجماعه معليش اسف جدا جدا جدا
بس احترمو اخواتكم لا نو في تعليقات
جارحه وما من طبايعنا والله اسف لو جرته
زول كاتب بدون قصد والله بس تنبيه عادي
ناصرعبدالرحيم الكباشي خربشه واسف