امسيت جته من تالاك ......... ممدد
كل يوما" جديد ريدك ......... تجدد
سنك باسمه معشوقك ...........مهدد
أرجوك راعى لى قلبى .........المقدد

عيونى السمحه تبكيليك ........ اليمه
قلبى الكان صميم احتاج .....عزيمة
فمك حالى يا الملكه ............الصميمه
محتاج ليكى يا السمحه .......الكريمه

عارفك طيبه ما بترضيلى ....ضيمه
رأسية وبت رجال سمحه .......وكريمه
إياك روحى ببكى عليكى........ ديمه
احفظك الله ماتلاقيكى .........ضيمه

نفسك شمعدانا وضاوي ......... خدك
كلامك راقي حلوه وناعمة ...... يدك
معشوقك معزب بيهو ........... صدك
قاعد فوق جمر منتظرو ......... ردك

ردي على الرجوك يا ............. هنايه
انتى ياكى ست ريدي ...........ومنايه
كيف الناساكى وانتى إياك .......دوايه
سمحه اديبه بجدع فيك ....... غنايه

كونى حنينه ما تزيدي ........ الحكاية
وشك ضاوي بعكس ............ للمرايه
وحات اسم الله ردك بشفى .... الزايه
مصبر وعايش بى ................ القرايه

داير احكيليك الشوق ...........المعايه
ردي عشان اوريك بى ............البدايه
اسمك جوه فى الداخل ............هنايه
وحبك عندي مافيش لى .......... نهايه

انتى اياكى كل السباب ......... غنايه
من غيريك جذم معزول ........... برأيه
ارحمى حالى خليك يوت .......... معايه
من ريدك حلف راقد .............. عنااايه

ما بنساك وحاتك مهما تكونى .. جافيه
واثق فيك معاك انا نيتى .......صافيه
بى الساساق عليك انا رجلى ..... حافيه
اهديك الله يا إلى حبى ............. نافيه

عادل إبراهيم ودالعباس