ﻭﻛﻤﺎ ﺗﻘﻮﻝ ﺣﺒﻮﺑﺔ ﺟﻴﺮﺍﻧﺎ ﻣﺎ ﺇﻥ ﺗﺴﻤﻊ ﻣﺴﺆﻭﻻً ﻳﺼﺮﺡ ‏( ﻻ ﻗﻄﻮﻋﺎﺕ ‏) ﺃﻋﻠﻢ ﺃﻥ ﺍﻟﻜﻬﺮﺑﺎﺀ ﺳﻮﻑ ﺗﻘﻄﻊ ﻗﺒﻞ ﺃﻥ ﻳﻜﻤﻞ ﺣﺪﻳﺜﻪ ..
ﻗﻄﻮﻋﺎﺕ ﻣﺰﻋﺠﺔ ﺑﺸﻜﻞ ﻏﻴﺮ ﻃﺒﻴﻌﻲ ..
ﻧﺤﻦ ﻧﺴﺘﻤﺪ ﺍﺣﺘﺠﺎﺟﻨﺎ ﻋﻠﻰ ﻫﺬﻩ ﺍﻟﻘﻄﻮﻋﺎﺕ ﺍﻟﻤﺘﻜﺮﺭﺓ ﺑﺎﻟﻨﻈﺮ ﺇﻟﻰ ﻣﻮﺍﺭﺩ ﺍﻟﺒﻼﺩ ﺍﻟﻤﺎﺋﻴﺔ ﻭﺇﻟﻰ ﻫﺬﻩ ﺍﻟﺸﻤﺲ ﺍﻟﺘﻲ ‏( ﺗﻮﻟﺪ ﺍﻟﻌﺎﻗﺮ ‏) ﻭﻛﺬﻟﻚ ﺑﺼﺪﻯ ﺣﺪﻳﺜﻜﻢ ﺇﺑﺎﻥ ﺍﻓﺘﺘﺎﺡ ﺍﻟﺴﺪ .
ﻣﺎ ﻣﺤﺘﺠﻴﻦ ﺳﺎﻱ .. ﻣﺎ ﺟﺒﻨﺎ ﺣﺎﺟﻪ ﻣﻦ ﻋﻨﺪﻧﺎ .
ﻓﺒﻠﺪ ﻛﺒﻠﺪﻧﺎ ﻫﺬﻩ ‏( ﻣﻔﺮﻭﺽ ﻟﻮ ﺍﻟﻜﻬﺮﺑﺎﺀ ﻗﻄﻌﺖ ﻧﺎﻧﻮ ﺛﺎﻧﻴﺔ ﻧﺘﺨﻠﻊ ﻭﻳﺴﺘﻘﻴﻞ ﺍﻟﻮﺯﻳﺮ ﻭﺗﻘﻮﻡ ﺍﻟﺪﻧﻴﺎ ﻭﻣﺎ ﺗﻘﻌﺪ ﺫﺍﺗﻮ ‏) ..
ﻭﺍﻟﻠﻪ ﺟﺪ ..
ﺃﺻﻼً ﺃﺳﺎﺳﺎً ﺩﺍ ﻣﺎ ﺟﻮ ﺗﻘﻄﻌﻮﺍ ﻓﻴﻬﻮ ﻛﻬﺮﺑﺎﺀ .. ﻫﻮ ﻣﻊ ﺍﻟﻜﻬﺮﺑﺎﺀ ﺍﻟﻮﺿﻊ ‏( ﻣﺄﺯﻭﻡ ‏) ﻭﺍﻟﺤﻤﺪ ﻟﻠﻪ .
ﺍﻟﻌﻼﺝ ﺑﺎﻟﻘﻄﻊ ﺣﻞ ﺍﻟﻤﺴﺘﻀﻌﻔﻴﻦ .. ﻳﺴﺘﻄﻴﻊ ﺃﻱ ﻣﺨﻠﻮﻕ ﻟﻴﺲ ﻟﻪ ﺃﻱ ﻋﻼﻗﺔ ﺑﺎﻟﻜﻬﺮﺑﺎﺀ ﻭﺇﺩﺍﺭﺗﻬﺎ ﻭﺩﺭﺍﺳﺘﻬﺎ ﺃﻥ ﻳﻌﺎﻟﺞ ﺍﻻﺳﺘﻬﻼﻙ ﺍﻟﻌﺎﻟﻲ ﺑﻲ ‏( ﺃﻗﻄﻌﻮﻫﺎ ﻭﺑﺮﻣﺠﻮﻫﺎ ﻭﺍﺧﻨﻘﻮﻫﺎ ‏) ..
ﻧﺤﻦ ﺑﺤﺎﺟﺔ ﻟﺤﻠﻮﻝ ﻣﺘﺨﺼﺼﻴﻦ .
ﺛﻢ ﺧﻤﻦ ﻣﻌﻲ ﻛﻤﻴﺔ ﺍﻟﺨﺴﺎﺋﺮ ﻭﺍﻟﺤﺎﺟﺎﺕ ﺍﻟﺒﺘﺒﻮﻅ ﻓﻲ ﺍﻟﺘﻼﺟﺔ ﻓﻲ ﻇﻞ ﻫﺬﺍ ﺍﻟﻮﺿﻊ ﺍﻻﻗﺘﺼﺎﺩﻱ ﺍﻟﻤﻨﻜﻮﺏ ..!!
ﻭﻻﺣﻈﻮﺍ ﻣﺴﺎﻫﻤﺘﻜﻢ ﺍﻟﻌﻈﻴﻤﺔ ﻓﻲ ﺗﺪﻣﻴﺮ ﺍﻟﻤﺰﺍﺝ ﺍﻟﻌﺎﻡ .
ﺧﻠﻴﺘﻮ ﺍﻟﻮﺍﺣﺪ ﻓﻲ ﺣﻠﺒﺔ ﻣﺼﺎﺭﻋﺔ ﻣﻊ ﻧﻔﺴﻮ .
ﺁﺁﻱ ﻭﺍﻟﻠﻪ ..
ﺑﻐﺾ ﺍﻟﻨﻈﺮ ﻋﻦ ﺍﻟﻨﺎﺱ ﺍﻟﻌﻴﺎﻧﻴﻦ … ﻳﺎﺥ ﻓﻲ ﻛﻬﺮﺑﺎﺀ ﺑﻘﻄﻌﻮﻫﺎ ﺃﻳﺎﻡ ﺍﻣﺘﺤﺎﻧﺎﺕ ﺍﻟﺸﻬﺎﺩﺓ؟ !
ﻏﺎﻳﺘﻮ ﺩﻱ ﻣﺎ ﻛﻬﺮﺑﺔ ﻟﻴﻜﻢ ..
ﻭﻻ ﺩﻱ ﻛﻬﺮﺑﺎﺀ ﺗﻘﺎﺑﻠﻮ ﺑﻴﻬﺎ ﺻﻴﻒ ..
ﺃﻗﻮﻝ ﻗﻮﻟﻲ ﻫﺬﺍ ﻛـ ﺷﺎﻫﺪ ﻭﻣﺸﺎﻫﺪ
ﻭﺩﺍﻳﺮﺓ ﺃﻗﻮﻝ ﻟﻴﻜﻢ ﻛﻬﺮﺑﺘﻮ ﻣﺰﺍﺟﻨﺎ
ﻭ ..……
ﺟﻮﻱ ﻋﻜﺮﺍﻥ
ﻟﺪﻭﺍﻉٍ ﻓﻲ ﺑﺎﻟﻲ