العوض بعد المعاناة
بقلمي_ دعاء_دفع الله_﴿لوز﴾
الحلقة ﴿1﴾🤍

ي بت قومي قومي ياخ عايني الزمن و انت نايمة لحدي بتين .....يا امي خليني حبة ياخخ .....لا يا بت قومي قلت ليك و هو اصلا الليلة الجمعة...... الجمعة ...ااي قومي ..خلاص يا امي قمت ... قمت و مشيت الحمام استحميت و اتسوكت و اتوضيت صليت الصبح و الساعة كانت 10:30 و مشيت شربت الشاي ساعدت امي في عمل الفطور كانت عاملة ملاح تقلية و انا عملت ليها قراصة المهم تعالو اعرفكم بي نفسي 《 انا اسمي دعاء عايشة وسط اسرة مكونة من اربعة اشخاص انا و ماما اسمها اماني و بابا اسمو دفع الله و اختي اصغر مني بي تلاتة سنين اسمها دينا ااي صاح بنتناقر و نكورك و نهيج لاكين بنحب بعض شديد نرجع لي قصتنا 》فطرنا مع بعض و مشينا المسجد لي صلاة الجمعة و جينا انا و اختي و ابوي من المسجد لقينا امي مجهزة حاجات عشان الليلة الجمعة و بنمشي ناس حبوبة شلنا حاجاتنا ديك و اتصلنا على بتاع الركشة جانا و مشينا طبعا اصلا جدي متوفي  و في حبوبتي معاها خالتي وحدة و عندها بتها صغيرة يعني المهم بجو خالاتي كلهم و بناتهم بنتلم و نشرب الجبنة و كددَ يعني  نحن اسرة بسيطة شديد و بنحب بعض شديد و من هنا حأخلي اسرتي و ابدأ قصة معاناتي في البارت التاني فتكم بي عافية 

لكل نفس ضاقت بها الدنيا تذكري ان الله موجود 🤎🤍