ﺳﺖ ﺍﻟﺒﻴﺖ
ﻛﻠﻤﺎﺕ ﻣﺤﺠﻮﺏ ﺷﺮﻳﻒ
ﺻﺒﺎﺡ ﺍﻟﺨﻴﺮ ﻣﺴﺎﺀ ﺍﻟﻨﻮﺭ ﻳﺎ ﺳﺖ
ﺍﻟﺒﻴﺖ
ﻭﺳﺖ ﺍﻟﻤﻜﺘﺐ ﺍﻟﻔﺎﺗﺢ ﻋﻠﻰ ﺍﻟﺠﻤﻬﻮﺭ
ﺧﺘﻢ ﺍﻟﺪﻭﻟﺔ ﺟﻨﺒﻚ ﻫﻴﺒﺔ ﻗﻂ ﻟﻢ
ﺗﻘﺒﻠﻰ ﺍﻟﻤﺼﺮﻭﺭ
ﺣﻼﻝ ﻭﺑﻼﻝ ﻋﻠﻴﻚ ﻳﺎ ﺃﻡ ﻣﺮﺗّﺐ
ﺑﺎﻟﺘﻌﺐ ﻣﻤﻬﻮﺭ
ﻭﺳﺎﻋﺔ ﺭﺿﺎﻋﺔ ﺃﺟﻤﻞ ﻣﻦ ﺳﻴﺎﺣﺔ
ﺷﻬﻮﺭ
ﺍﻟﻨﻮﻡ ﺍﻟﻨﻮﻡ ﺍﻟﻨﻮﻡ ﺗﻌﺎﻝ ﺳﻜﺖ
ﺍﻟﺠُﻬﺎﻝ
ﺍﺧﺮ ﻣﻦ ﺗﻨﻮﻣﻰ ﻭﺗﻘﻮﻣﻰ ﺩﻗﺶ
ﺑﺪﺭﻯ ﻗﺒﻞ ﺍﻟﺸﻤﺲ
ﻣﺎ ﺗﺘﺮﻙ ﺳﺮﻳﺮ ﺍﻟﻨﻮﻡ ﻭﻳﻐﺎﺩﺭ ﻋﺸﺘﻮ
ﺍﻟﻌﺼﻔﻮﺭ
ﺗﺤﺮﺳﻴﻬﺎ ﺍﻟﻠﺒﻴﻨﺔ ﺗﻔﻮﺭ
ﺗﺴﻮﻯ ﺍﻟﺸﺎﻯ ﻳﺎ ﺍﻻﻫﻰ ﻳﺎ ﺍﻻﻫﻰ
ﻛﻢ ﻣﻦ ﺳﻨﺪﻭﺗﺶ ﻓﻄﻮﺭ
ﻟﻠﻤﺘﺤﻨﺔ ﻭﺍﻟﺒﻬﺎﺗﻰ ﺟﺎﺭﻯ ﻳﺤﺼﻞ
ﺍﻟﻄﺎﺑﻮﺭ
ﻭﺑﺮﺿﻮ ﻭﺭﺍﻙ ﻣﺴﺘﻨﻴﻚ ﻫﻢ ﺩﻓﺘﺮ
ﻏﻴﺎﺏ ﻭﺣﻀﻮﺭ
ﻟﻔﺤﻨﺎ ﺍﻟﻌﻤﺔ ﻭﺧﻠﻴﻨﺎﻙ ﺑﻴﻦ ﺍﻟﺤَﻠّﺔ
ﻭﺍﻟﻤﺎﺳﻮﺭﺓ
ﺭﺗﺒﺘﻰ ﺍﻟﻘﻤﻴﺺ ﻭﺍﻟﻄﺮﺣﺔ ﺣﻔﻈﺘﻰ
ﺍﻟﻨﺸﻴﺪ ﻭﺍﻟﺴﻮﺭﺓ
ﻭﺍﻟﺘﻌﺐ ﺍﻟﺒﺨﻠﻰ ﺍﻟﺼﻮﺭﺓ ﻓﻰ ﻋﻴﻨﻚ
ﺃﺟﻤﻞ ﺻﻮﺭﺓ
ﺩﻳﻚ ﺍﻟﺤﺠﻠﺔ ﻭﺩﺍﻙ ﺍﻟﺒﻠﻰ ﻳﺎﻣﺎ
ﺗﺸﺮﻯ ﻳﺎﻣﺎ ﺗﺒﻠﻰ
ﻣﺎ ﺑﺘﻜﻠﻰ ﻣﺎ ﺑﺘﻤﻠﻰ ﻣﺎ ﺑﻨﻘﺺ ﺣﻨﺎﻧﻚ
ﻣﻠﻠﻰ
ﻫﻞ ﻫﺬﺍ ﻋﻤﻞ ﻣﺄﺟﻮﺭ
ﻣﻤﺮﺿﺔ ﺳﺴﺘﺮﺓ ﻭﺩﻛﺘﻮﺭﺓ
ﺗﻮﺏ ﺍﻟﺴﻬﺮﺓ ﺃﺑﻴﺾ ﻧﺎﺻﻊ ﺑﻴﻦ
ﺍﻟﻌﻨﺎﺑﺮ ﻧﻮﺭ
ﻣﺪﺭّﺳﺔ ﺣﻴﺚ ﻣﺪﺭﺳﺘﻚ
ﺣﻨﺎﻧﻚ ﺳﻮﺭ
ﻛﺮﺍﺭﻳﺲ ﺍﻟﺼﺒﺎ ﺍﻟﺒﺎﻛﺮ ﺗﺬﺍﻛﺮ ﻧﺤﻮ
ﺑﻜﺮﺓ ﻣﺮﻭﺭ
ﺳﻼﻣﺎ ﻋﻤﺘﻰ ﺍﻟﻔﺮّﺍﺷﺔ
ﺍﻟﻤﻘﺸﺎﺷﺔ ﺟﻨﺒﻚ ﻛﻢ ﺑﺸﻮﻓﻪ ﺯﻫﻮﺭ
ﺑﺖ ﺍﻟﺸﺪﺓ ﻭﺍﻟﻮﺭﺩﻳﺔ ﻭﺍﻟﻤﻜﻨﺔ ﺍﻟﺘﻰ
ﻟﻴﻼ ﻭﻧﻬﺎﺭ ﺗﺪﻭﺭ
ﺗﺤﺖ ﺍﻟﺸﻤﺲ ﻓﻰ ﺍﻟﺤﻮّﺍﺷﺔ
ﺑﻴﻦ ﺍﻟﺤﺒﺔ ﻭﺍﻟﺰﺭﺯﻭﺭ
ﻛﻠﻴﻠﻚ ﻛﻠﻴﻠﻚ ﺣﻠﻮﺓ ﺟﻢ ﺍﻟﻜﻤﺒﻴﻮﺗﺮ
ﺗﻜﺔ
ﺻﺒﺢ ﺍﻟﺸﺎﺷﺔ ﻳﺎﺧﺪ ﻣﻦ ﻋﻴﻮﻧﻚ ﻧﻮﺭ
ﺑﻴﻦ ﺍﻟﻜﺎﺩﺣﻴﻦ ﻭﺍﻟﻐﻼﺑﺔ ﻭﺍﻟﻌﺰﺍﺑﺔ
ﺳﺖ ﺍﻟﻜﺴﺮﺓ ﺃﺣﺐ ﺍﻟﻘﺮﻗﺮﻳﺒﺔ
ﺍﻟﻘﺮﻗﺮﻳﺒﺔ .. ﺍﻟﻘﺮﻗﺮﻳﺒﺔ ﻗﺮﻳﺒﺔ ﻓﻰ
ﺃﻳﺪﻙ ﻓﺮﺍﺷﺔ ﺗﺪﻭﺭ
ﻭﺍﻟﻬﺒﺎﺑﺔ ﻭﺍﻟﻌﺮﻕ ﺍﻟﺒﻨﻘّﻂ ﺩﺍﻙ ﺯﻯ
ﻗﻤﺮﻳﺔ ﻓﻮﻕ ﺍﻟﺴُّﻮﺭ
ﺗﻐﺎﺯﻝ ﻓﻰ ﺍﻟﻀﺤﻰ ﺍﻟﻨﻘﺎﻉ
ﻋﺸﺔ ﻭﻣﻴﺮﻯ ﻣﺪﺭﺳﺔ ﺍﻟﺤﻴﺎﺓ
ﺍﻟﻤﻌﻤﻮﺭﺓ
ﻻ ﻛﺮّﺍﺱ ﻭﻻ ﺳﺒﻮﺭﺓ ﻻ ﺗﻘﺮﻳﺮ
ﺳﻤﺢ ﺭﻗﺎﻛﻰ ﻻ ﺩﺑﻮﺭﺓ
ﺗﺤﻴﻰ ﺗﻌﻴﺸﻰ ﻻ ﻣﻘﻬﻮﺭﺓ ﻻﻣﻨﻬﻮﺭﺓ
ﻻ ﺧﺎﻃﺮ ﺟﻨﺎﻙ ﻣﻜﺴﻮﺭ ﺑﻞ ﻣﺴﺘﻮﺭﺓ
ﻳﺎ ﺫﺍﺕ ﺍﻟﻀﺮﺍ ﺍﻟﻤﺴﺘﻮﺭ
ﺳﻼﻣﺎ ﻳﺎ ﻏﺰﺍﻻﺕ ﺍﻟﻌﻤﻞ ﻭﺍﻟﺒﻴﺖ
ﻣﻼﻳﺎﺗﻚ ﺿﻔﺎﻑ ﺍﻟﻨﻴﻞ
ﺃﺣﺐ ﻭﺍﺩﻳﻚ ﻓﻰ ﻫﺬﺍ ﺍﻟﺤﻮﺵ
ﺃﺣﺐ ﺍﻟﺸﺎﻯ ﻣﻊ ﺍﻟﻘﺮﻗﻮﺵ
ﺃﺣﺐ ﺍﻟﻤﺴﺘﻚ ﺍﻟﻔﻮﺍﺡ
ﺃﻫﻴﻢ ﻓﻰ ﻏﻤﺮﺓ ﺍﻟﻨﻌﻨﺎﻉ
ﺑﻦ ﻭﻣﺪﻕ ﻭﺟﻤﺮﻩ ﺗﺴﺨﻦ ﺍﻻﻳﻘﺎﻉ
ﺳﻼﻣﺎً ﻳﺎ ﻧﺴﺎﺀ ﺍﻻﺭﺽ ﻗﺎﻃﺒﺔ ﻓﻰ
ﻛﻞ ﻣﻜﺎﻥ
ﺍﻟﺠﺮﻳﺪﺓ