ﺍﻟﺤﻤﺪ ﻟﻠﻪ ﺷﻬﺪﺕ ﺑﻮﺟﻮﺩﻩ ﺁﻳﺎﺗﻪ ﺍﻟﺒﺎﻫﺮﺓ، ﻭﺩﻟﺖ ﻋﻠﻰ ﻛﺮﻡ ﺟﻮﺩﻩ ﻧﻌﻤﻪ ﺍﻟﺒﺎﻃﻨﺔ ﻭﺍﻟﻈﺎﻫﺮﺓ، ﻭﺳﺒﺤﺖ ﺑﺤﻤﺪﻩ ﺍﻷﻓﻼﻙ ﺍﻟﺴﺎﺋﺮﺓ، ﻭﺍﻟﺴﺤﺐ ﺍﻟﻤﺎﻃﺮﺓ ﻭﺃﺷﻬﺪ ﺇﻥ ﻻ ﺍﻟﻪ ﺇﻻ ﺍﻟﻠﻪ، ﻭﺣﺪﻩ ﻻ ﺷﺮﻳﻚ ﻟﻪ، ﻟﻪ ﺍﻟﻤﻠﻚ، ﻭﻟﻪ ﺍﻟﺤﻤﺪ، ﻭﻫﻮ ﻋﻠﻰ ﻛﻞ ﺷﻲﺀ ﻗﺪﻳﺮ ﻭﺃﺷﻬﺪ ﺃﻥ ﺳﻴﺪﻧﺎ ﻭﻧﺒﻴﻨﺎ ﻣﺤﻤﺪﺍ ﻋﺒﺪ ﺍﻟﻠﻪ ﻭﺭﺳﻮﻟﻪ ﻭﺻﻔﻴﻪ ﻣﻦ ﺧﻠﻘﻪ ﻭﺣﺒﻴﺒﻪ .
ﺗﺮﺟﻤﮧ : ﺍﮮ ﻭﮦ ﺟﻮ ﺍﺱ ﺭﻭﺋﮯ ﺯﻣﯿﻦ ﻣﯿﮟ ﺩﻓﻦ ﮨﻮﻧﮯ ﻭﺍﻻ ﺳﺐ ﺳﮯ ﺑﮩﺘﺮ ﺍﻭﺭ ﻋﻈﯿﻢ ﺗﺮﯾﻦ ﺷﺨﺺ ﮨﮯ، ﺟﺲ ﮐﯽ ﺧﻮﺷﺒﻮ ﺳﮯ ﺳﺎﺭﺍ ﺑﻘﻌﮧ ﺍﻭﺭ ﮔﻮﺷﮧ ﻣﻌﻄﺮ ﮨﻮﮔﯿﺎ، ﺁﭖ ﮨﯽ ﻭﮦ ﻧﺒﯽ ﮨﯿﮟ ﺟﻦ ﮐﯽ ﺳﻔﺎﺭﺵ ﮐﯽ ﺍﻣﯿﺪ ﮨﮯ، ﺍﺱ ﻭﻗﺖ ﺟﺐ ﭘﻞ ﺻﺮﺍﻁ ﭘﺮ ﭘﺎﺅﮞ ﭘﮭﺴﻞ ﺟﺎﺋﯿﮟ ﮔﮯ، ﺗﻮﮨﯽ ﺑﺸﺎﺭﺕ ﺩﯾﻨﮯ ﻭﺍﻻ ﺍﻭﺭ ﮈﺭﺍﻧﮯ ﻭﺍﻻ ﻧﺒﯽ ﮨﮯ ﺟﺲ ﺳﮯ ﻧﻮﺭ ﮨﺪﺍﯾﺖ ﺣﺎﺻﻞ ﮐﯿﺎ ﺟﺎﺗﺎ ﮨﮯ، ﺍﻭﺭ ﺗﻮﮨﯽ ﻣﺨﻠﻮﻕ ﮐﮯ ﺣﻖ ﻣﯿﮟ ﺳﻔﺎﺭﺵ ﮐﺮﮮ ﮔﺎ ﺍﺱ ﻭﻗﺖ ﺟﺐ ﻭﮦ ﺣﺴﺮﺕ ﻭﻧﺪﺍﻣﺖ ﺳﮯ ﺳﺮﺷﺎﺭ ﮨﻮﮞ ﮔﮯ۔
ﺻﻠﻰ ﺍﻟﻠﻪ ﻭﺳﻠﻢ ﻋﻠﻴﻪ ﻭﻋﻠﻰ ﺁﻟﻪ ﻭﺃﺻﺤﺎﺑﻪ ﻭﺍﻟﺘﺎﺑﻌﻴﻦ ﻭﻣﻦ ﺗﺒﻌﻬﻢ ﺑﺈﺣﺴﺎﻥ ﺇﻟﻰ ﻳﻮﻡ ﺍﻟﺪﻳﻦ .
ﺣﻤﺪ ﻭﺛﻨﺎ ﮐﮯ ﺑﻌﺪ !
ﻣﯿﮟ ﺁﭖ ﮐﻮ ﺍﻭﺭ ﺍﭘﻨﮯ ﺁﭖ ﮐﻮ ﺍﻟﻠﮧ ﮐﺎ ﺗﻘﻮﯼ ﺍﺧﺘﯿﺎﺭ ﮐﺮﻧﮯ، ﻧﯿﮑﯽ ﺍﻭﺭ ﺍﻃﺎﻋﺖ ﮐﮯ ﮐﺎﻡ ﮐﺮﻧﮯ ﺍﻭﺭ ﺍﻟﻠﮧ ﭘﺎﮎ ﮐﯽ ﻧﺎﻓﺮﻣﺎﻧﯽ ﺳﮯ ﺑﭽﻨﮯ ﮐﯽ ﻭﺻﯿﺖ ﮐﺮﺗﺎ ﮨﻮﮞ، ﮐﯿﻮﮞ ﮐﮧ ﮔﻨﺎﮦ ﺟﮩﻨﻢ ﺗﮏ ﻟﮯ ﺟﺎﻧﮯ ﻭﺍﻟﮯ ﺭﺍﺳﺘﮯ ﮨﯿﮟ، ﺍﻟﻠﮧ ﻣﺠﮭﮯ ﺍﻭﺭﺁﭖ ﮐﻮ ﺍﺱ ﺳﮯ ﻣﺤﻔﻮﻅ ﺭﮐﮭﮯ، ﺍﻟﻠﮧ ﮐﮯ ﺑﻨﺪﻭ ! ﺁﺝ ﮨﻤﯿﮟ ﻋﻤﻞ ﮐﺎ ﻣﻮﻗﻊ ﮨﮯ ﺍﻭﺭ ﺣﺴﺎ ﺏ ﻭﮐﺘﺎﺏ ﻧﮩﯿﮟ، ﺟﺒﮑﮧ ﮐﻞ ﺣﺴﺎﺏ ﻭﮐﺘﺎﺏ ﮨﻮﮔﺎ ﺍﻭﺭ ﻋﻤﻞ ﮐﺎ ﻣﻮﻗﻊ ﻧﮩﯿﮟ :
﴿ ﻳَﻮْﻡَ ﺗَﺠِﺪُ ﻛُﻞُّ ﻧَﻔْﺲٍ ﻣَﺎ ﻋَﻤِﻠَﺖْ ﻣِﻦْ ﺧَﻴْﺮٍ ﻣُﺤْﻀَﺮًﺍ ﻭَﻣَﺎ ﻋَﻤِﻠَﺖْ ﻣِﻦْ ﺳُﻮﺀٍ ﺗَﻮَﺩُّ ﻟَﻮْ ﺃَﻥَّ ﺑَﻴْﻨَﻬَﺎ ﻭَﺑَﻴْﻨَﻪُ ﺃَﻣَﺪًﺍ ﺑَﻌِﻴﺪًﺍ ﻭَﻳُﺤَﺬِّﺭُﻛُﻢُ ﺍﻟﻠَّﻪُ ﻧَﻔْﺴَﻪُ ﻭَﺍﻟﻠَّﻪُ ﺭَﺀُﻭﻑٌ ﺑِﺎﻟْﻌِﺒَﺎﺩِ ﴾ ‏[ ﺁﻝ ﻋﻤﺮﺍﻥ : 30 ‏] .
ﺗﺮﺟﻤﮧ : ﺟﺲ ﺩﻥ ﮨﺮ ﻧﻔﺲ ‏( ﺷﺨﺺ ‏) ﺍﭘﻨﯽ ﮐﯽ ﮨﻮﺋﯽ ﻧﯿﮑﯿﻮﮞ ﮐﻮ ﺍﻭﺭ ﺍﭘﻨﯽ ﮐﯽ ﮨﻮﺋﯽ ﺑﺮﺍﺋﯿﻮﮞ ﮐﻮ ﻣﻮﺟﻮﺩ ﭘﺎﻟﮯ ﮔﺎ، ﺁﺭﺯﻭ ﮐﺮﮮ ﮔﺎ ﮐﮧ ﮐﺎﺵ ! ﺍﺱ ﮐﮯ ﺍﻭﺭ ﺑﺮﺍﺋﯿﻮﮞ ﮐﮯ ﺩﺭﻣﯿﺎﻥ ﺑﮩﺖ ﮨﯽ ﺩﻭﺭﯼ ﮨﻮﺗﯽ۔ ﺍﻟﻠﮧ ﺗﻌﺎﻟﯽٰ ﺗﻤﮩﯿﮟ ﺍﭘﻨﯽ ﺫﺍﺕ ﺳﮯ ﮈﺭﺍ ﺭﮨﺎ ﮨﮯ ﺍﻭﺭ ﺍﻟﻠﮧ ﺗﻌﺎﻟﯽٰ ﺍﭘﻨﮯ ﺑﻨﺪﻭﮞ ﭘﺮ ﺑﮍﺍ ﮨﯽ ﻣﮩﺮﺑﺎﻥ ﮨﮯ۔
ﺍﯾﻤﺎﻧﯽ ﺑﮭﺎﺋﯿﻮ ! ﺁﭖ ﮐﮯ ﺳﺎﻣﻨﮯ ﺍﯾﮏ ﺍﯾﺴﺎ ﻧﺒﻮﯼ ﻭﺍﻗﻌﮧ ﭘﯿﺶ ﮐﺮﺭﮨﺎﮨﻮﮞ ﺟﻮ ﮨﮯ ﺗﻮ ﻣﻌﻤﻮﻟﯽ ﻟﯿﮑﻦ ﺍﺱ ﮐﮯ ﺍﻧﺪﺭ ﺑﮍﮮ ﺑﻠﻨﺪ ﻣﻌﺎﻧﯽ ﺍﻭﺭ ﻋﻈﯿﻢ ﺍﺧﻼﻕ ﭘﻮﺷﯿﺪﮦ ﮨﯿﮟ، ﭼﻨﺎﻧﭽﮧ ﺳﮩﻞ ﺑﻦ ﺳﻌﺪ ﺭﺿﯽ ﺍﻟﻠﮧ ﻋﻨﮧ ﺳﮯ ﻣﺮﻭﯼ ﮨﮯ ﮐﮧ : ﻧﺒﯽ ﮐﺮﯾﻢ ﷺ ﮐﯽ ﺧﺪﻣﺖ ﻣﯿﮟ ﺍﯾﮏ ﭘﯿﺎﻟﮧ ﭘﯿﺶ ﮐﯿﺎ ﮔﯿﺎ ﺍﻭﺭ ﺁﭖ ﻧﮯ ﺍﺱ ﺳﮯ ﮐﭽﮫ ﻧﻮﺵ ﻓﺮﻣﺎﯾﺎ۔ ﺁﭖ ﮐﯽ ﺩﺍﺋﯿﮟ ﺟﺎﻧﺐ ﺍﯾﮏ ﻟﮍﮐﺎ ﺗﮭﺎ ﺟﻮ ﺣﺎﺿﺮﯾﻦ ﻣﯿﮟ ﺳﺐ ﺳﮯ ﭼﮭﻮﭨﺎ ﺗﮭﺎ ﺟﺒﮑﮧ ﺁﭖ ﮐﯽ ﺑﺎﺋﯿﮟ ﺟﺎﻧﺐ ﺑﺰﺭﮒ ﺣﻀﺮﺍﺕ ﺑﯿﭩﮭﮯ ﺗﮭﮯ۔ ﺁﭖ ﻧﮯ ﻓﺮﻣﺎﯾﺎ : " ﺑﺮﺧﻮﺭﺩﺍﺭ ! ﺗﻢ ﺍﺟﺎﺯﺕ ﺩﯾﺘﮯ ﮨﻮ ﮐﮧ ﻣﯿﮟ ﺍﻥ ﺑﺰﺭﮔﻮﮞ ﮐﻮ ﯾﮧ ﭘﯿﺎﻟﮧ ﺩﮮ ﺩﻭﮞ؟ " ﺍﺱ ﻧﮯ ﻋﺮﺽ ﮐﯿﺎ : ﺍﻟﻠﮧ ﮐﮯ ﺭﺳﻮﻝ ﷺ ! ﯾﮧ ﻣﻤﮑﻦ ﻧﮩﯿﮟ ﮐﮧ ﺁﭖ ﮐﮯ ﭘﺲ ﺧﻮﺭﺩﮦ ﭘﺮ ﮐﺴﯽ ﮐﻮ ﺗﺮﺟﯿﺢ ﺩﻭﮞ، ﭼﻨﺎﻧﭽﮧ ﺁﭖ ﻧﮯ ﻭﮦ ﭘﯿﺎﻟﮧ ﺍﺳﯽ ﮐﻮ ﺩﮮ ﺩﯾﺎ۔ ‏( ﺑﺨﺎﺭﯼ ﻭﻣﺴﻠﻢ ‏) .
ﻣﯿﺮﮮ ﻣﻌﺰﺯ ﺑﮭﺎﺋﯽ ! ﻧﺒﯽ ﮐﺮﯾﻢ ﺻﻠﯽ ﺍﻟﻠﮧ ﻋﻠﯿﮧ ﻭﺳﻠﻢ ﮐﮯ ﺍﺱ ﻭﺍﻗﻌﮧ ﺳﮯ ﻓﻮﺍﺋﺪ ﻣﺴﺘﻨﺒﻂ ﮐﺮﻧﮯ ﺳﮯ ﻗﺒﻞ ﺁﭖ ﺗﺼﻮﺭ ﮐﯿﺠﯿﮯ ﮐﮧ ﮐﻮﺋﯽ ﻣﻌﺘﻤﺪ ﺷﺨﺺ ﺁﭖ ﮐﻮ ﺍﮔﺮ ﯾﮧ ﺧﺒﺮ ﺩﮮ ﮐﮧ ﻭﮦ ﺑﺎﺩﺷﺎﮦ ﮐﯽ ﻣﺠﻠﺲ ﻣﯿﮟ ﺣﺎﺿﺮ ﮨﻮﺍ ﺟﺲ ﻣﯿﮟ ﺗﯿﻦ ﻭﺯﺭﺍﺀ ﺍﻭﺭ ﺍﯾﮏ ﭼﮭﻮﭨﺎ ﺑﭽﮧ ﺑﮭﯽ ﺗﮭﺎ، ﺑﺎﺩﺷﺎﮦ ﻧﮯ ﺑﭽﮧ ﺳﮯ ﯾﮧ ﺍﺟﺎﺯﺕ ﻃﻠﺐ ﮐﯽ ﮐﮧ ﻭﮦ ﺍﺱ ﺳﮯ ﻗﺒﻞ ﻭﺯﯾﺮﻭﮞ ﮐﻮ ﻣﺸﺮﻭﺏ ﭘﯿﺶ ﮐﺮﮮ ﺗﻮ ﺍﺱ ﺑﭽﮧ ﻧﮯ ﺍﻧﮑﺎﺭ ﮐﺮﺩﯾﺎ !
ﻣﻌﺰﺯ ﺣﻀﺮﺍﺕ ! ﻧﺒﯽ ﮐﺮﯾﻢ ﺻﻠﯽ ﺍﻟﻠﮧ ﻋﻠﯿﮧ ﻭﺳﻠﻢ ﮐﮯ ﺍﺱ ﻭﺍﻗﻌﮧ ﺳﮯ ﯾﮧ ﺩﺭﺱ ﺣﺎﺻﻞ ﮨﻮﺗﺎ ﮨﮯ ﮐﮧ ﺩﻧﯿﺎﺋﮯ ﺍﻧﺴﺎﻧﯿﺖ ﮐﯽ ﺳﺐ ﺳﮯ ﻋﻈﯿﻢ ﮨﺴﺘﯽ ﮐﯽ ﻣﺠﻠﺲ ﮨﺮ ﭼﮭﻮﭨﮯ ﺑﮍﮮ ﮐﮯ ﻟﯿﮯ ﮐﮭﻠﯽ ﮨﻮﺗﯽ ﺗﮭﯽ، ﺑﻠﮑﮧ ﺑﺴﺎ ﺍﻭﻗﺎﺕ ﭼﮭﻮﭨﺎ ﺑﭽﮧ ﺑﮍﮮ ﺣﻀﺮﺍﺕ ﺳﮯ ﺑﮭﯽ ﺯﯾﺎﺩﮦ ﺁﭖ ﺳﮯ ﻗﺮﯾﺐ ﮨﻮﺗﺎ ۔
ﺍﺱ ﻭﺍﻗﻌﮧ ﺳﮯ ﺍﯾﮏ ﺩﺭﺱ ﯾﮧ ﺣﺎﺻﻞ ﮨﻮﺗﺎ ﮨﮯ ﮐﮧ : ﺑﭽﻮﮞ ﮐﮯ ﺳﺎﺗﮫ ﺑﮭﯽ ﺗﻮﺍﺿﻊ ﺳﮯ ﭘﯿﺶ ﺁﻧﺎ ﭼﺎﮨﺌﮯ ، ﺑﺎﯾﮟ ﻃﻮﺭ ﮐﮧ ﺍﻥ ﮐﮯ ﺳﺎﺗﮫ ﺑﯿﭩﮭﺎ ﺟﺎﺋﮯ، ﺍﻥ ﺳﮯ ﺑﺎﺕ ﭼﯿﺖ ﮐﯽ ﺟﺎﺋﮯ، ﺍﻭﺭ ﺍﮔﺮ ﺍﻥ ﮐﺎ ﮐﻮﺋﯽ ﺣﻖ ﮨﻮ ﺗﻮ ﺍﺱ ﺑﺎﺑﺖ ﺍﻥ ﺳﮯ ﺍﺟﺎﺯﺕ ﻃﻠﺐ ﮐﯽ ﺟﺎﺋﮯ، ﺁﭖ ﻏﻮﺭ ﮐﺮﯾﮟ ﮐﮧ ﯾﮩﺎﮞ ﺍﺟﺎﺯﺕ ﻃﻠﺐ ﮐﺮﻧﮯ ﻭﺍﻻ ﮐﻮﻥ ﮨﮯ؟ ﺁﭖ ﺳﺐ ﺳﮯ ﺍﻓﻀﻞ ﺍﻧﺴﺎﻥ ﮨﯿﮟ ﺍﻭﺭ ﺍﯾﮏ ﭼﮭﻮﭨﮯ ﺑﭽﮯ ﺳﮯ ﺍﺟﺎﺯﺕ ﻃﻠﺐ ﮐﺮﺭ ﮨﮯ ﮨﯿﮟ ! ﺍﮮ ﻣﻌﻠﻢ ، ﺍﮮ ﻣﺮﺑﯽ ! ﭼﮭﻮﭨﮯ ﺑﭽﮯ ﺳﮯ ﺍﺱ ﮐﮯ ﺣﻘﻮﻕ ﮐﯽ ﺑﺎﺑﺖ ﺍﮔﺮ ﺍﺟﺎﺯﺕ ﻃﻠﺐ ﮐﺮﯾﮟ ﺗﻮﺍ ﺱ ﮐﺎ ﮐﺘﻨﺎ ﻋﻤﺪﮦ ﺍﺛﺮ ﮨﻮﮔﺎ؟ ﺧﻮﺍﮦ ﻗﻠﻢ ﯾﺎ ﮐﺎﻏﺬ ﮨﯽ ﮐﯽ ﺑﺎﺑﺖ ﮐﯿﻮﮞ ﻧﮧ ﮨﻮ ! ﺍﯾﮏ ﻓﺎﺋﺪﮦ ﯾﮧ ﺑﮭﯽ ﺍﺧﺬ ﮨﻮﺗﺎ ﮨﮯ ﮐﮧ ﺑﭽﮧ ﺟﺐ ﺑﮍﮮ ﺳﮯ ﻣﻄﻤﺌﻦ ﮨﻮﺗﺎ ﮨﮯ ﺍﻭﺭ ﮐﺴﯽ ﻧﺎﮔﻮﺍﺭ ﭼﯿﺰ ﮐﺎ ﺍﻧﺪﯾﺸﮧ ﻧﮩﯿﮟ ﺭﮨﺘﺎ ﺗﻮ ﻭﮦ ﺍﭘﻨﯽ ﺭﺍﺋﮯ ﻇﺎﮨﺮ ﮐﺮﻧﮯ ﻣﯿﮟ ﺑﮯ ﺑﺎﮐﯽ ﻣﺤﺴﻮﺱ ﮐﺮﺗﺎ ﮨﮯ، ﺧﻮﮦ ﺍﺱ ﮐﺎ ﺟﻮﺍﺏ ﭘﻮﭼﮭﻨﮯ ﻭﺍﻟﮯ ﮐﯽ ﻣﺮﺿﯽ ﮐﮯ ﺧﻼﻑ ﮨﯽ ﮐﯿﻮﮞ ﻧﮧ ﮨﻮ !
ﺍﯾﮏ ﻓﺎﺋﺪﮦ ﯾﮧ ﺣﺎﺻﻞ ﮨﻮﺗﺎ ﮨﮯ ﮐﮧ ﺧﺪﺍﺩﺍﺩ ﺻﻼﺣﯿﺖ ﮐﮯ ﺣﺎﻣﻞ ﺑﭽﻮﮞ ﮐﺎ ﺧﺎﺹ ﺧﯿﺎ ﻝ ﺭﮐﮭﻨﺎ ﭼﺎﮨﺌﮯ، ﺍﺱ ﻣﺠﻠﺲ ﻣﯿﮟ ﺟﻮ ﺑﭽﮯ ﺣﺎﺿﺮ ﮨﻮﺗﮯ ﺗﮭﮯ، ﺍﻥ ﻣﯿﮟ ﺍﺑﻦ ﻋﺒﺎﺱ ﺑﮭﯽ ﮨﯿﮟ ﺟﻦ ﮐﻮ ﺁﭖ ﻧﮯ ﯾﮧ ﺩﻋﺎ ﺩﯼ ﮐﮧ : " ﺍﮮ ﺍﻟﻠﮧ ! ﺍﺳﮯ ﺩﯾﻦ ﮐﯽ ﻓﮩﻢ ﺍﻭﺭ ﺗﻔﺴﯿﺮ ﮐﺎ ﻋﻠﻢ ﻋﻄﺎ ﻓﺮﻣﺎ " ‏( ﺻﺤﯿﺢ ﺍﺑﻦ ﺣﺒﺎﻥ ‏) ۔ ﺑﭽﮧ ﮐﮯ ﻟﻄﯿﻒ ﺟﻮﺍﺏ ﺳﮯ ﺍﺱ ﮐﯽ ﺫﮨﺎﻧﺖ ﻭﻓﻄﺎﻧﺖ ﭨﭙﮏ ﺭﮨﯽ ﮨﮯ : " ﯾﮧ ﻣﻤﮑﻦ ﻧﮩﯿﮟ ﮐﮧ ﺁﭖ ﮐﮯ ﭘﺲ ﺧﻮﺭﺩﮦ ﭘﺮ ﮐﺴﯽ ﺍﻭﺭ ﮐﻮ ﺗﺮﺟﯿﺢ ﺩﻭﮞ " ۔ ﭼﻨﺎﻧﭽﮧ ﺁﭖ ﻧﮯ ﺍﺳﮯ ﻣﻨﻊ ﺑﮭﯽ ﻧﮩﯿﮟ ﮐﯿﺎ۔
ﺗﺮﺟﻤﮧ : ﺟﺐ ﺁﭖ ﭼﺎﻧﺪ ﮐﻮ ﻧﻤﻮﺩﺍﺭ ﮨﻮﺗﺎ ﮨﻮﺍ ﺩﯾﮑﮭﺘﮯ ﮨﯿﮟ ﺗﻮ ﺁﭖ ﮐﻮ ﯾﻘﯿﻦ ﮨﻮﺟﺎﺗﺎ ﮨﮯ ﮐﮧ ﻭﮦ ﺿﺮﻭﺭ ﺑﺪﺭ ﮐﺎﻣﻞ ﺑﻨﮯ ﮔﺎ۔
ﺍﯾﮏ ﻓﺎﺋﺪﮦ ﯾﮧ ﺑﮭﯽ ﺣﺎﺻﻞ ﮨﻮﺗﺎ ﮨﮯ ﮐﮧ : ﺻﺤﺎﺑﮧ ﮐﺮﺍﻡ ﭘﺎﮎ ﻭﺻﺎﻑ ﻧﻔﻮﺱ ﮐﮯ ﺣﺎﻣﻞ ﺗﮭﮯ، ﭼﻨﺎﻧﭽﮧ ﮐﺴﯽ ﻧﮯ ﻧﮧ ﺍﻋﺘﺮﺍﺽ ﮐﯿﺎ، ﻧﮧ ﺗﻨﻘﯿﺪ ﮐﯽ ﺍﻭﺭ ﻧﮧ ﻋﯿﺐ ﻧﮑﺎﻻ۔ ﺟﻮ ﺷﺨﺺ ﺍﭘﻨﮯ ﺍﺧﻼﻕ ﮐﺎ ﺟﺎﺋﺰﮦ ﻟﯿﻨﺎ ﭼﺎﮨﮯ ﺍﺳﮯ ﭼﺎﮨﺌﮯ ﮐﮧ ﻭﮦ ﻏﻮﺭ ﮐﺮﮮ ﮐﮧ ﭼﮭﻮﭨﮯ ﺑﭽﮯ ﺍﻭﺭ ﻧﻮﮐﺮ ﭼﺎﮐﺮ ﮐﮯ ﺳﺎﺗﮫ ﺍﺱ ﮐﺎ ﺑﺮﺗﺎﺅ ﮐﯿﺴﺎ ﮨﮯ۔
ﺍﻟﻠﮧ ﺗﻌﺎﻟﯽ ﻣﺠﮭﮯ ﺍﻭﺭ ﺁﭖ ﮐﻮ ﻗﺮﺁﻥ ﻭﺳﻨﺖ ﺳﮯ ﻓﺎﺋﺪﮦ ﭘﮩﻨﭽﺎﺋﮯ، ﺍﻥ ﻣﯿﮟ ﺟﻮ ﺁﯾﺘﯿﮟ ﺍﻭﺭ ﺣﮑﻤﺖ ﮐﯽ ﺑﺎﺗﯿﮟ ﮨﯿﮟ، ﺍﻧﮩﯿﮟ ﮨﻤﺎﺭﮮ ﻟﯿﮯ ﻣﻔﯿﺪ ﺑﻨﺎﺋﮯ، ﺁﭖ ﺍﻟﻠﮧ ﺳﮯ ﻣﻐﻔﺮﺕ ﻃﻠﺐ ﮐﺮﯾﮟ ، ﯾﻘﯿﻨﺎ ﻭﮦ ﺧﻮﺏ ﻣﻌﺎﻑ ﮐﺮﻧﮯ ﻭﺍﻻ ﮨﮯ۔
ﺩﻭﺳﺮﺍ ﺧﻄﺒﮧ :
ﺍﻟﺤﻤﺪ ﻟﻠﮧ ....... ﺍﻣﺎ ﺑﻌﺪ :
ﺍﯾﮏ ﻓﺎﺋﺪﮦ ﯾﮧ ﺣﺎﺻﻞ ﮨﻮﺗﺎ ﮨﮯ ﮐﮧ : ﺩﻭﺳﺮﻭﮞ ﮐﺎ ﺍﺣﺘﺮﺍﻡ ﮐﺮﻧﺎ ﻧﺒﻮﯼ ﻃﺮﯾﻘﮧ ﮨﮯ، ﺍﺱ ﻭﺍﻗﻌﮧ ﻣﯿﮟ ﺑﭽﮧ ﮐﺎ ﺍﺣﺘﺮﺍﻡ ﻧﻤﺎﯾﺎﮞ ﮨﮯ، ﺍﻟﻠﮧ ﮐﯽ ﻗﺴﻢ ! ﺍﻧﺴﺎﻥ ﮐﻮ ﺍﺱ ﺑﺎﺕ ﺳﮯ ﺗﻌﺠﺐ ﮨﻮﮔﺎ ﮐﮧ ﻣﺮﺩﮦ ﮐﺎ ﺍﺣﺘﺮﺍﻡ ﺑﮭﯽ ﻣﺸﺮﻭﻉ ﮨﮯ، ﺟﺒﮑﮧ ﻣﺮﺩﮦ ﮐﯽ ﺭﻭﺡ ﺍﺱ ﮐﮯ ﺟﺴﻢ ﺳﮯ ﺟﺪﺍ ﮨﻮﭼﮑﯽ ﮨﻮﺗﯽ ﮨﮯ، ﻟﯿﮑﻦ ﺍﺱ ﮐﺎ ﺍﺣﺘﺮﺍﻡ ﺑﺮﻗﺮﺍﺭ ﺭﮨﺘﺎ ﮨﮯ، ﺣﺪﯾﺚ ﻣﯿﮟ ﺁﯾﺎ ﮨﮯ ﮐﮧ : " ﻣﺮﺩﻭﮞ ﮐﯽ ﮨﮉﯼ ﺗﻮﮌﻧﺎ ﺍﯾﺴﺎ ﮨﯽ ﮨﮯ ﺟﯿﺴﮯ ﺯﻧﺪﮦ ﮐﯽ ﺗﻮﮌﻧﺎ ﮨﮯ " ‏( ﺍﺑﻮﺩﺍﻭﺩ ﺍﻭﺭ ﺍﺑﻦ ﺣﺒﺎﻥ ﻧﮯ ﺍﺳﮯ ﺭﻭﺍﯾﺖ ﮐﯿﺎ ﮨﮯ ﺍﻭﺭ ﺍﻟﺒﺎﻧﯽ ﻧﮯ ﺍﺳﮯ ﺻﺤﯿﺢ ﻗﺮﺍﺭﺩﯾﺎ ﮨﮯ ‏) ﺍﺳﮯ ﻏﺴﻞ ﺩﯾﻨﮯ ﮐﮯ ﺑﻌﺪ ﺍﻭﺭ ﺩﻓﻦ ﮐﺮﻧﮯ ﺳﮯ ﻗﺒﻞ ﯾﮧ ﺣﮑﻢ ﮨﮯ ﮐﮧ ﺟﻨﺎﺯﮦ ﮔﺰﺭﮮ ﺗﻮ ‏( ﺍﺱ ﮐﮯ ﺍﺣﺘﺮﺍﻡ ﻣﯿﮟ ‏) ﮐﮭﮍﮮ ﮨﻮﺟﺎﯾﺎ ﮐﺮﻭ : " ﺟﺐ ﺗﻢ ﺟﻨﺎﺯﮦ ﺩﯾﮑﮭﻮ ﺗﻮ ﮐﮭﮍﮮ ﮨﻮﺟﺎﯾﺎ ﮐﺮﻭ " ۔ ‏( ﺑﺨﺎﺭﯼ ﻭﻣﺴﻠﻢ ‏) ۔ ﺩﻓﻦ ﮐﮯ ﺑﻌﺪ ﯾﮧ ﺗﻌﻠﯿﻢ ﺩﯼ ﮔﺌﯽ ﮨﮯ ﺟﯿﺴﺎ ﮐﮧ ﺻﺤﯿﺢ ﻣﺴﻠﻢ ﻣﯿﮟ ﮨﮯ : " ﺗﻢ ﻣﯿﮟ ﺳﮯ ﮐﻮﺋﯽ ﺍﻧﮕﺎﺭ ﮮ ﭘﺮ ‏( ﺍﺱ ﻃﺮﺡ ‏) ﺑﯿﭩﮭﮯ ﮐﮧ ﻭﮦ ﺍﺱ ﮐﮯ ﮐﭙﮍﮮ ﮐﻮ ﺟﻼﮐﺮ ﺍﺱ ﮐﯽ ﺟﻠﺪ ﺗﮏ ﭘﮩﻨﭻ ﺟﺎﺋﮯ ، ﺍﺱ ﮐﮯ ﺣﻖ ﻣﯿﮟ ﺍﺱ ﺳﮯ ﺑﮩﺘﺮ ﮨﮯ ﮐﮧ ﻭﮦ ﮐﺴﯽ ﻗﺒﺮ ﭘﺮ ﺑﯿﭩﮭﮯ " ۔
ﺍﺱ ﺳﮯ ﺍﯾﮏ ﻓﺎﺋﺪﮦ ﯾﮧ ﺣﺎﺻﻞ ﮨﻮﺗﺎ ﮨﮯ ﮐﮧ : ﺣﻘﺪﺍﺭﻭﮞ ﮐﮯ ﺣﻘﻮﻕ ﮐﯽ ﺣﻔﺎﻇﺖ ﮐﯽ ﺟﺎﺋﮯ، ﮔﺮﭼﮧ ﻭﮦ ﮐﻤﺰﻭﺭ ﮨﯽ ﮐﯿﻮﮞ ﻧﮧ ﮨﻮﮞ، ﺁﭖ ﺻﻠﯽ ﺍﻟﻠﮧ ﻋﻠﯿﮧ ﻭﺳﻠﻢ ﻧﮯ ﺍﻧﺲ ﺭﺿﯽ ﺍﻟﻠﮧ ﻋﻨﮧ ﺳﮯ ﺍﺱ ﻟﺌﮯ ﺍﺟﺎﺯﺕ ﻃﻠﺐ ﮐﯽ ﮐﮧ ﺁﭖ ﮐﺎ ﻃﺮﯾﻘﮧ ﯾﮧ ﺗﮭﺎ ﮐﮧ ﺁﭖ ﺍﭘﻨﮯ ﺩﺍﺋﯿﮟ ﺟﺎﻧﺐ ﻭﺍﻟﮯ ﮐﻮ ﮨﯽ ﭘﮩﻠﮯ ﭘﯿﺶ ﮐﯿﺎ ﮐﺮﺗﮯ ﺗﮭﮯ، ﺟﯿﺴﺎ ﮐﮧ ﺻﺤﯿﺤﯿﻦ ﻣﯿﮟ ﺍﻧﺲ ﺭﺿﯽ ﺍﻟﻠﮧ ﻋﻨﮧ ﺳﮯ ﺭﻭﺍﯾﺖ ﮨﮯ ، ﻭﮦ ﻓﺮﻣﺎﺗﮯ ﮨﯿﮟ : ﺭﺳﻮﻝ ﺍﻟﻠﮧ ﷺ ﮨﻤﺎﺭﮮ ﺍﺱ ﮔﮭﺮ ﻣﯿﮟ ﺗﺸﺮﯾﻒ ﻻﺋﮯ ﺗﻮ ﺁﭖ ﻧﮯ ﭘﺎﻧﯽ ﻃﻠﺐ ﻓﺮﻣﺎﯾﺎ۔ ﮨﻢ ﻧﮯ ﺁﭖ ﮐﮯ ﻟﯿﮯ ﺍﯾﮏ ﺑﮑﺮﯼ ﮐﺎﺩﻭﺩﮪ ﻧﮑﺎﻻ، ﭘﮭﺮ ﻣﯿﮟ ﻧﮯ ﺍﺱ ﻣﯿﮟ ﺍﭘﻨﮯ ﮐﻨﻮﯾﮟ ﮐﺎﭘﺎﻧﯽ ﻣﻼﯾﺎ۔ ﺍﺳﮑﮯ ﺑﻌﺪ ﺍﺳﮯ ﺁﭖ ﮐﯽ ﺧﺪﻣﺖ ﻣﯿﮟ ﭘﯿﺶ ﮐﯿﺎ ﺟﺒﮑﮧ ﺣﻀﺮﺕ ﺍﺑﻮ ﺑﮑﺮ ؓ ﺁﭖ ﮐﯽ ﺑﺎﺋﯿﮟ ﺟﺎﻧﺐ، ﺣﻀﺮﺕ ﻋﻤﺮﻓﺎﺭﻭﻕ ؓ ﺁﭖ ﮐﮯ ﺳﺎﻣﻨﮯ ﺍﻭﺭ ﺍﯾﮏ ﺍﻋﺮﺍﺑﯽ ﺁﭖ ﮐﯽ ﺩﺍﺋﯿﮟ ﻃﺮﻑ ﺗﮭﺎ۔ ﺟﺐ ﺁﭖ ﻧﻮﺵ ﻓﺮﻣﺎﮐﺮ ﻓﺎﺭﻍ ﮨﻮﺋﮯ ﺗﻮ ﺣﻀﺮﺕ ﻋﻤﺮ ﻓﺎﺭﻭﻕ ؓ ﻧﮯ ﻋﺮﺽ ﮐﯿﺎ : ﯾﮧ ﺣﻀﺮﺕ ﺍﺑﻮﺑﮑﺮ ؓ ﮨﯿﮟ، ﻟﯿﮑﻦ ﺁﭖ ﻧﮯ ﺍﭘﻨﺎ ﺑﭽﺎ ﮨﻮﺍ ﺩﻭﺩﮪ ﺍﻋﺮﺍﺑﯽ ﮐﻮ ﺩﮮ ﺩﯾﺎ، ﭘﮭﺮ ﻓﺮﻣﺎﯾﺎ : " ﺩﺍﺋﯿﮟ ﺟﺎﻧﺐ ﻭﺍﻟﮯ ﻣﻘﺪﻡ ﮨﯿﮟ۔ ﺩﺍﺋﯿﮟ ﺟﺎﻧﺐ ﻭﺍﻟﮯ ﻣﻘﺪﻡ ﮨﯿﮟ۔ ﺍﭼﮭﯽ ﻃﺮﺡ ﺳﻦ ﻟﻮ ! ﺩﺍﺋﯿﮟ ﺟﺎﻧﺐ ﺳﮯ ﺷﺮﻭﻉ ﮐﯿﺎﮐﺮﻭ۔ " ﺣﻀﺮﺕ ﺍﻧﺲ ؓ ﻧﮯ ﻓﺮﻣﺎﯾﺎ : ﯾﮧ ﺳﻨﺖ ﮨﮯ۔ ﯾﮧ ﺳﻨﺖ ﮨﮯ ﺗﯿﻦ ﻣﺮﺗﺒﮧ ﺍﯾﺴﺎ ﻓﺮﻣﺎﯾﺎ۔
﴿ ﻟَﻘَﺪْ ﻛَﺎﻥَ ﻟَﻜُﻢْ ﻓِﻲ ﺭَﺳُﻮﻝِ ﺍﻟﻠَّﻪِ ﺃُﺳْﻮَﺓٌ ﺣَﺴَﻨَﺔٌ ﻟِﻤَﻦْ ﻛَﺎﻥَ ﻳَﺮْﺟُﻮ ﺍﻟﻠَّﻪَ ﻭَﺍﻟْﻴَﻮْﻡَ ﺍﻟْﺂﺧِﺮَ ﻭَﺫَﻛَﺮَ ﺍﻟﻠَّﻪَ ﻛَﺜِﻴﺮًﺍ ﴾ ‏[ ﺍﻷﺣﺰﺍﺏ : 21 ‏]