ﺍﺩﻳﻨﻲ ﻓﺮﺻﻪ ﺍﻓﺮﺣﻚ
ﺍﻧﺜﺮ ﻣﻦ ﺍﻻﻓﺮﺍﺡ ﻋﻠﻴﻚ
ﺍﻣﺴﺢ ﻣﻦ ﺍﻟﻘﻠﺐ ﺍﻟﺤﺰﻥ
ﻭﺩﻣﻊ ﺍﻟﻌﺬﺍﺏ ﺍﻟﻤﺮ ﺑﻴﻚ
ﺟﻴﺘﻚ ﻭﺷﺎﻳﻞ ﺍﻓﺮﺍﺣﻲ ﻟﻴﻚ
ﻣﺘﻠﻔﺢ ﺍﻟﺸﻮﻕ ﻭﺍﻟﺤﻨﻴﻦ
ﺟﻴﺘﻚ ﻧﻐﻨﻲ ﻓﻲ ﺿﻮ ﺍﻟﻘﻤﺮ
ﻭﺍﻟﺮﻳﺢ ﺗﻐﺎﺯﻝ ﻓﻲ ﺍﻟﺨﺪﻭﺩ
ﺍﻟﺒﻴﻬﺎ ﻛﻢ ﺯﻭﻝ ﺍﺗﺴﺤﺮ
ﻣﻦ ﻗﺒﻠﻲ ﻛﻢ ﺷﺎﻋﺮ ﻛﺒﻴﺮ
ﺭﺻﺮﺹ ﻏﻨﺎﻫﻮ ﻋﻠﻴﻚ ﺷﻌﺮ
ﻭﻓﺮﺷﻠﻚ ﺍﻟﺴﺎﺣﺎﺕ ﺩﺭﺭ
ﻭﺣﺘﻲ ﺍﻟﻌﻤﺪ ﺍﺗﺰﻟﻮ ﻟﻴﻚ
ﻟﻮ ﺣﺘﻲ ﺗﻜﺮﻣﻲ ﺑﺎﻟﻨﻈﺮ
ﺑﺲ ﻋﻴﻮﻧﻚ ﻳﺎ ﻋﻴﻮﻥ
ﻭﻣﻦ ﺑﻴﻦ ﻭﺳﻂ ﻛﻞ ﺍﻟﺠﻤﻮﻉ
ﺩﺍﺭﺕ ﺳﻮﺍﺩ ﻋﻴﻨﻲ ﻣﻘﺮ
ﻭﺭﻳﻨﻲ ﺑﺲ ﻛﻴﻔﻦ ﺍﺟﻴﻚ
ﻳﺎ ﺍﻟﺴﺎﻛﻨﻪ ﻓﻲ ﺟﻮﻑ ﺍﻟﺴﻤﺎ
ﺗﻌﺒﺘﻲ ﻓﻴﻚ ﺷﻌﺮﻱ ﺍﻟﺨﺠﻮﻝ
ﻓﺮﻗﺘﻲ ﺑﻴﻦ ﺍﻟﺒﻴﺖ ﻭﺑﻴﺖ
ﻛﻢ ﻓﻴﻜﻲ ﺣﺎﻭﺭﺕ ﺍﻟﺨﻴﺎﻝ
ﻛﻢ ﻟﻴﻜﻲ ﻗﺎﻭﻣﺖ ﺍﻟﻤﺤﺎﻝ
ﺍﻟﺨﺎﻃﺮﻩ ﻭﺍﻟﺸﻮﻕ ﻭﺍﻟﺠﻤﺎﻝ
ﺍﻟﻌﺎﺻﻔﻪ ﻭﺍﻟﻐﻴﻢ ﻭﺍﻟﺠﺒﺎﻝ
ﻛﻢ ﻓﻴﻜﻲ ﺍﺗﻨﺎﻓﺮ ﻛﻼﻡ
ﻓﻲ ﻭﺻﻔﻚ ﺍﻟﻜﻠﻤﺎﺕ ﺗﺘﻮﻩ
ﻓﻲ ﺭﻳﺪﻙ ﺍﻻﺷﺮﺍﻙ ﺣﺮﺍﻡ
ﻣﺎ ﻟﻘﻴﺖ ﺷﺒﻴﻬﻚ ﻓﻲ ﺍﻟﺨﻠﻮﻕ
ﻭﻣﺎ ﻟﻘﻴﺖ ﻣﺜﻴﻠﻚ ﻓﻲ ﺍﻟﻤﻘﺎﻡ
ﻭﻭﻛﺖ ﻋﺠﺰﺕ ﻋﻦ ﺍﻟﻜﻼﻡ
ﻭﺻﻴﺘﻠﻚ ﺍﻟﺮﻳﺢ ﻭﺍﻟﻐﻤﺎﻡ
ﻭﺍﻟﺮﻳﺢ ﺳﻼﻡ ﺍﻟﻤﺎ ﻋﺮﻑ
ﻣﻦ ﺷﻮﻗﻮ ﻳﻮﺻﻞ ﻟﻴﻚ ﺳﻼﻡ
ﻭﺍﻟﻐﻴﻢ ﺩﻣﻮﻉ ﻋﺎﺷﻖ ﺑﻌﻴﺪ
ﻓﺎﺽ ﺑﻴﻬﻮ ﺭﻳﺪﻙ ﻭﺍﻟﻐﺮﺍﻡ
ﻭﻟﻮ ﻣﺎ ﻭﺻﻞ ﻣﺮﺳﺎﻟﻲ ﻟﻴﻚ
ﻳﺒﻘﻲ ﻋﻠﻲ ﺍﻟﻌﺎﺷﻘﻴﻦ ﺳﻼﻡ
ﻗﻮﻟﻴﻬﺎ ﺳﻴﺒﻴﻬﻮ ﺍﻟﺨﺠﻞ
ﻗﻮﻟﻴﻬﺎ ﺧﻠﻲ ﺍﻟﻘﻠﺐ ﻳﻔﻴﺾ
ﺑﺎﻟﻔﺮﺣﻪ ﻭﺍﻟﺨﻴﺮ ﻭﺍﻻﻣﻞ
ﻗﻮﻟﻴﻬﺎ ﻋﺸﺎﻥ ﺍﻋﺮﻑ ﺍﺟﻴﻚ
ﻗﻮﻟﻴﻬﺎ ﻣﺮﻩ ﻋﺸﺎﻥ ﺍﺻﻞ
ﻭﺍﻋﺮﻑ ﺩﺭﻭﺏ ﺍﻟﺸﻮﻕ ﺍﻟﻴﻚ
ﻗﻮﻟﻴﻬﺎ ﻭﻟﻮ ﻛﺎﻥ ﺑﻲ ﺧﺠﻞ
ﻗﻮﻟﻴﻬﺎ ﺧﻠﻲ ﺍﻟﺮﻳﺢ ﺗﻤﺮ
ﺗﻨﻘﻞ ﺳﻼﻡ ﻛﻞ ﺍﻟﺰﻫﻮﺭ
ﺗﻬﺪﻳﻬﺎ ﻟﻴﻚ ﻋﻠﻲ ﻋﺠﻞ
ﻭﺍﺩﻳﻨﻲ ﻓﺮﺻﻪ ﺍﻓﺮﺣﻚ
ﺍﻫﺪﻳﻜﻲ ﻣﻦ ﺷﻮﻕ ﺍﻟﺴﻨﻴﻦ