ﻓﻲ ﻧﺎﺱ ﻻ ﻻﻧﺖ ﻳﻮﻡ ﻻ ﺭﻗﺖ ﻭﻧﺎﺱ ﺩﻣﻌﺎﺗﺎ ﻭﻻ ﺑﺘﺠﻒ . ،؛
ﻭﻧﺎﺱ ﺩﻏﺮﻳﺔ ﻭﺩﺭﺑﻬﺎ ﻭﺍﺿﺢ ﻭﻧﺎﺱ ﺷﻐﺎﻟﺔ ﺗﺪﻭﺭ ﻭﺗﻠﻒ . ،؛
ﻭﻧﺎﺱ ﻻﻋﺒﻴﻦ ﺑﺎﻟﻔﻘﺮﺍ ﻃﻮﺍﻗﻲ ﻳﻠﺒﺴﻮﺍ ﻓﻲ ﺍﻟﺮﻳﺴﻴﻦ ﺑﺎﻟﺼﻒ . ،؛
ﻭﻧﺎﺱ ﺗﺘﺤﺎﺷﻰ ﻟﻘﺎﻙ ﺑﺎﻟﺼﺪﻓﺔ ﻭﻧﺎﺱ ﺃﺷﻮﺍﻗﺎ ﺗﻠﻔﻚ ﻟﻒ . ،؛
ﻓﻲ ﻧﺎﺱ ﺑﺘﻘﺪﺱ ﻣﻌﻨﻰ ﺍﻟﻤﺒﺪﺃ ﻭﻧﺎﺱ ﻣﺎﺑﺘﻌﺮﻑ ﺣﺘﻰ ﺍﻟﻌﺮﻑ . ،؛
ﻭﻧﺎﺱ ﺑﺘﻘﺎﺳﻲ ﻋﺸﺎﻥ ﺑﺲ ﺗﻨﺠﺢ ﻭﻧﺎﺱ ﺑﺘﺒﺎﺻﻲ ﻋﺸﺎﻥ ﺑﺘﺸﻒ . ،؛
ﻓﻲ ﻧﺎﺱ ﺑﺘﻔﺘﺶ ﺣﻖ ﺃﺧﻮﻧﺎ ﻭﻧﺎﺱ ﻟﻲ ﺣﻖ ﺍﺧﻮﺍﻧﺎ ﺗﺴﻒ . ،؛
ﻭﻧﺎﺱ ﻣﺎ ﻧﺎﻣﺖ ﺷﺎﻥ ﻣﻈﻠﻮﻣﺔ ﻭﻧﺎﺱ ﺗﻈﻠﻢ ﺩﻭﻥ ﻋﻴﻨﺎ ﺗﺮﻑ . ،؛
ﻭﻧﺎﺱ ﺗﺤﺘﺮﻡ ﺍﻟﺸﻴﺦ ﻭ ﺍﻟﻮﺍﻟﺪ ﻭﻧﺎﺱ ﺗﺴﺘﻬﻮﻥ ﻗﻮﻟﺔ ﺍﻷﻑ . ،؛
ﻭﻧﺎﺱ ﺑﻴﻦ ﻛﺎﺱ ﻭ ﺇﻧﺪﺍﻳﺔ ﻭﻧﺸﻮﻯ ﻭﻧﺎﺱ ﺑﻴﻦ ﺣﻀﺮﺓ ﻭﻧﻮﺑﺔ ﻭﺩﻑ . ،؛
ﻭﻧﺎﺱ ﺑﺘﻤﻮﺕ ﺷﺎﻥ ﻣﺎ ﺗﺘﺬﻻ ﻭﻣﺎ ﺗﻨﺪﺍﺱ ﻓﻲ ﻳﻮﻡ ﺑﺎﻟﺨﻒ . ،؛
ﻭﻧﺎﺱ ﺑﺘﺒﻮﺱ ﻛﻒ ﺍﻵﺫﻳﻬﺎ ﻭﺗﺪﻋﻲ ﻋﻠﻴﻮ ﺑﻲ ﻗﻄﻊ ﺍﻟﻜﻒ . ،؛
ﻭ ﺃﺻﻠﻮ ﺍﻟﻨﺎﺱ ﺃﺟﻨﺎﺱ ﺗﺘﺒﺎﻳﻦ ﻭﻛﻠﻮ ﺟﻨﺲ ﺟﺎﺏ ﻟﻴﻬﻮ ﻭﺻﻒ . ،؛
ﻭﺍﻧﺖ ﺍﺧﺘﺎﺭ ﺍﻟﺠﻨﺲ ﺍﻟﺪﺍﻳﺮ ﺗﺒﻘﻰ ﻣﻌﺎﻩ ﻓﻲ ﻳﻮﻡ ﺍﻟﺼﻒ