ﻣﺎﻧﻲ ﺩﺍﻳﺮ ﺣﺎﺟﺔ ﻣﻨﻚ
ﻻ ﺭﺳﺎﻟﺔ ﻭﻻ ﺳﻼﻡ
ﻻ ﺍﻟﻜﻼﻡ ﺣﺮَّﻙ ﻣﺸﺎﻋﺮﻙ
ﻭﻻ ﻧﻔﻊ ﻓﻴﻚ ﺍﻟﻤﻼﻡ
…
ﺍﻧﺖ ﻋﺎﺭﻑ ﻣﻦ ﻋﺮﻓﺘﻚ
ﺑﺎﻟﻲ ﻓﺪ ﻳﻮﻡ ﻣﺎ ﺍﺳﺘﻘﺎﻡ
ﻭﺍﻱ ﺩﺍﺭ ﻣﻦ ﻏﻴﺮ ﻋﻴﻮﻧﻚ
ﻓﻴﻬﺎ ﻣﺎ ﻃﺎﺏ ﻟﻲ ﻣﻘﺎﻡ
ﺭﻏﻢ ﺍﻧﻚ ﺳﺮ ﻋﺬﺍﺑﻲ ......
ﻭﺍﻟﺸﻘﺎ ﺍﻟﺒﻲ ﻭﺍﻟﺴُّﻘﺎﻡ
ﻣﺎﻧﻲ ﺟﺎﻳﻲ ﻋﺸﺎﻥ ﺍﺣﺎﺳﺒﻚ
. … ، .. ﻭﻻﻧﻲ ﻛﺎﻳﺲ ﺍﻻﻧﺘﻘﺎﻡ
…
ﻗﻠﺒﻲ ﻛﺎﻥ ﺻﻨﺪﻳﺪ ﻭﺭﺍﻛﺰ
ﻫﻴﺒﺔ ﺯﻱ ﻓﺎﺭﺱ ﺍﻟﻠﻄﺎﻡ
ﺍﻻ ﻣﻦ ﺧﺸﺎﻫﻮ ﺭﻳﺪﻙ
ﻳﺎ ﺣﻠﻴﻠﻮ ﺍﺻﺒﺢ ﺣﻄﺎﻡ
ﺗﻠﻘﻲ ﻃﻮﻝ ﺍﻟﻠﻴﻞ ﻳﻨﺎﻫﺪ
ﻳﺒﻜﻲ ﺯﻱ ﺷﺎﻓﻊ ﺍﻟﻔﻄﺎﻡ
ﺍﻱِّ ﺣﻠﻮﺓ ﻳﻀﻮﻗﺎ ﻣﺮﺓ …
ﻭﻣﻦ ﻧﻌﻴﻢ ﺍﻟﺪﻧﻴﺎ ﻃﺎﻡ
…
ﺩُﻭﺩَﺭ ﻏﺮﺍﻣﻚ ﻣﻦ ﺻﻐﻴﺮ
ﺭﺑﻴﺘﻮ ﻣﻦ ﻳﺎﺩﺍﺏ ﻏﻼﻡ
ﻣﺠﺪﺗﻮ ﺑﻲ ﺍﻟﻐَﻲْ ﻭﺍﻟﻐُﻨﺎ …
ﻭﺍﺗﻌﻠﻢ ﺍﻟﻤﺸﻲ ﻭﺍﻟﻜﻼﻡ
ﻻ ﻟْﻘﻴﺖ ﺣﻨﺎﻧﻚ ﻻ ﺭﺿﺎﻙ
ﻻ ﻓﻲ ﻋﻘﺎﺏ ﺍﻓﺮﺍﺣﻲ ﻻﻡ
ﺍﺑﻘﻲ ﺷﻴﻞ ﺍﻟﻘﻤﺮﺍ ﻭﺍﺭﺣﻞ
ﺧَﻠِّﻲ ﻳﺪﻓﻨﺎ ﺍﻟﻀﻼﻡ …
…
ﻳﺎ ﺣﺒﻴﺐ ﺍﻟﺤﺐ ﻣﺤﻨﺔ ..
ﻭ ﻟﻠﻤﻮﺍﻋﻴﺪ . … ﺇﺣﺘﺮﺍﻡ
ﻳﺎﻣﺎ ﻟﻲ ﺟﻴﺘﻚ ﻫﺘﻔﻨﺎ ..
ﻭﻛﺎﻧﺖ ﺍﻟﻤُﻨﻲ ﻭﺍﻟﻤﺮﺍﻡ
ﻭﺍﻧﺖ ﻓﻲ ﺳﻜﺮﺓ ﻏﺮﻭﺭﻙ
ﻭﻧﺤﻦ ﺩﺭﻭﺷﻨﺎ ﺍﻟﻐﺮﺍﻡ …
ﻻﻓﺰﻧﺎ ﺑﻲ ﺟﻨﺔ ﻫﻮﺍﻙ …
ﻻ ﺑﺸﺎﺭﺓ ﺍﻟﻌﺸﺮﺓ ﺍﻟﻜﺮﺍﻡ
…
ﺍﻧﺎ ﻭﺍﻟﻨﺠﻴﻤﺎﺕ ﻭﺍﻟﺨﻴﺎﻝ
ﻭﺍﺣﻼﻣﻲ ﻭﺍﻟﺸﻮﻕ ﻭﺍﻟﻬﻴﺎﻡ
ﺳﺎﻣﺮﻧﺎ ﻃﻴﻔﻚ ﻓﻲ ﺍﻟﺴَّﺤَﺮ
ﺳﺎﻫﺮﻧﺎ ﺑﻴﻚ ﻭﺍﻟﻨﺎﺱ ﻧﻴﺎﻡ
ﺍﻧﺖ ﻋﺎﻳﺶ ﻓﻲ ﻧﻌﻴﻤﻚ
ﻫﺎﻧﻲ ﻭﺍﻳﺎﻣﻚ ﺍﻳﺎﻡ …
ﻭﺍﻧﺎ ﻗﻠﺒﻲ ﻓﻲ ﺑﺎﺣﺔ ﻫﻮﺍﻙ
ﺍﻟﻠَّﺎﻗﻲ ﺻﺮﺻﺮ ﻓﻲ ﺍﻟﺨﻴﺎﻡ
...
ﻻﻣﺘﻴﻦ ﺍﻋﻴﺶ ﺍﻧﺎ ﻓﻲ ﺭﺟﺎﻙ
ﻻﻣﺘﻴﻦ ؟ ﻭﺍﻋﺬﺍﺭﻙ ﻗُﺪﺍﻡ
ﻭﺍﻟﺮﺣﻤﺔ ﻣﻦ ﻗﻠﺒﻚ ﻋﻠَﻲّ
ﻳﺎ ﻗﺎﺳﻲ ﻣﻌﺪﻭﻣﺔ ﺍﻧﻌﺪﺍﻡ
ﻟﻮ ﺗﺎﻧﻲ ﻣﺎ ﻃﻠﻴﺖ ﻋَﻠَﻲْ
ﺻﺪﻗﻨﻲ ﻣﺎﻓﻲ ﻋﻠﻴﻚ ﻧَﺪﺍﻡ
ﻻ ﺍﻟﺪﻧﻴﺎ ﺍﻓﺮﺍﺣﺎ ﺑﺘﺪﻭﻡ
ﻻ ﻧﺤﻦ ﺯﺍﺍﺍﺗﻮ ﺷﺒﺎﺑﻨﺎ ﺩَﺍﻡ