ﻳﺎ ﻋﻢ .. ﺃﻗﻴﻒ ﻳﺎ ﻋﻢ
ﺃﺩﻳــﻨﻲ ﻗــﻄﺮﺓ ﺩﻡ ..
ﺑﻲ ﻛﻢ ﺗﻜﻮﻥ ﺍﻟﺮﻭﺡ ﻭﻻ ﺍﻟﻌﻤــﺮ ﺑﻲ ﻛﻢ .. ؟
ﻫــّﺪ ﺍﻟﻤﺮﺽ ﺃﻋﻀﺎﻱ .. ﺳﺘــّﻒ ﺩﻭﺍﺧﻠﻲ ﺍﻟﻬﻢ
ﻭﺍﻧﺎ ﻓﻲ ﺿﺮﺍ ﺍﻷﻣﻮﺍﺕ .. ﺗﻨﻘــﺬﻧـﻲ ﻗﻄﺮﺓ ﺩﻡ
ﻳﺎ ﺧﺎﻟﺔ ﻧﻘﻄﺔ ﺩﻡ ..
ﺗﺎﻭﻗـﺖ ﺑﺎﻟﺸـﺒﺎﻙ .. ﺭﺩ ﺍﻟﺤﺰﻥ ﺣﺰﻧﺎﻥ
ﻣﺎﻟﻚ ﺗﺘﺎﻭﻕ ﺑﻲ .. ﻭﺍﻧﺎ ﻣﻨﻜﺴﺮ ﺣﻴﺮﺍﻥ
ﺷﻮﻑ ﻧﺠﻮﻯ ﺗﺒﻜﻲ ﻫﺪﻳﻚ .. ﺩﺍﺭ ﺗﺠﺮﻱ ﻟﻠﺪﻛﺎﻥ
ﻋﻠﻲ ﻗﺎﻝ ﺑﺪﻭﺭ ﻳﻘﺮﺍ .. ﻭﺑﻜﻰ ﻣﻦ ﺍﻣﺲ ﻟﻶﻥ
ﻳﺎ ﻋﻤﻮ ﻗﻄﺮﺓ ﺩﻡ ..
ﻧﺠﻮﻯ ﺍﻟﻐﻨﺎ ﺍﻟﻤﺎ ﺍﻧﻘﺎﻝ ﻓﻲ ﺣﻔﻠﺔ ﻻ ﺍﺗﻐﻨﻰ
ﻧﺠﻮﻯ ﺍﻧﺘﻈﺎﺭ ﻟﻠﺸﻮﻕ ﻓﻲ ﺧﻨﺠﺮ ﺍﻧﺴـــّﻦ
ﻧﺠﻮﻯ ﺍﻣﺘﺪﺍﺩ ﺃﺣﻼﻡ ﻟﻮ ﺑﻜﺮﺓ ﺗﺘﻬﻨﻰ ..
ﻭﺍﻟﻜﺎﻧﻴﻮﻻﺕ ﺗﻨﺸﺎﻝ ﺷﺎﻥ ﻧﻨﻘﺶ ﺍﻟﺤﻨﺔ
ﻭﻳﺎ ﻋﻤﻮ ﻧﻘﻄﺔ ﺩﻡ ..
ﻭﺍﻫﻮ ﻋﻤﻮ ﻣﺎ ﺣﻦ
ﻭﻳﺎ ﻋﻤﻮ ﻏﻨﻲ ﻣﻌﺎﻱ ﻟﻲ ﺷﻔﻊ ﺍﻟﺠﻨﺔ
ﻭ ﺍﻫﻮ ﻋﻤﻮ ﺳﺎﻛﺖ ﺳﺎﻱ .. ﻧﺼﺢ ﺍﻟﺒﻜﺎ ﻭﺟﻦ
ﻭﺗﺮﺍ ﻋﻤﻮ ﻻ ﺧﻼﻙ .. ﻻ ﺑﻴﻚ ﺻﺪﺡ ﻏﻨّﻰ
ﻻ ﻗﺎﻝ ﺻﺒﺎﺡ ﺍﻟﺨﻴﺮ .. ﻳﺎ ﻧﺠﻮﻯ ﻻ ﺻــّﻦ
ﻭﺑﺪﺍ ﺳﻜﺔ ﺍﻟﺰﻭﺍﺭ ... ﻣﻦ ﺗﺎﻧﻲ ﻣﺎ ﺗﻨــّﻰ
ﻭﻳﺎ ﻋﻤﻮ ﻗﻄﺮﺓ ﺩﻡ
ﻭﺍﻫﻲ ﻧﺠﻮﻯ ﻳﺎ ﻣﺴﻜﻴﻦ .. ﻭﻫﻲ ﺣﻴﺔ ﺷﺒﻌﺖ ﻣﻮﺕ
ﺍﺗﺨﻴﻞ ﺍﺣﺴﺎﺱ ﺃﻡ .. ﺭﻏﻢ ﺍﻟﺤﺸﺎ ﺍﻟﻤﻨﻜﻮﺕ
ﻗﺪﺭ ﺍﻟﻜﻼﻡ ﺍﻟﺠﺎ .. ﻭﺍﺗﺤﺪﻯ ﺃﻟﻒ ﺳﻜﻮﺕ
ﺗﺪﻋﻲ ﻓﻲ ﺍﻟﺼﻠﻮﺍﺕ .. ﻳﺎ ﺭﺑﻲ ﻧﺠﻮﻯ ﺗﻤﻮﺕ
ﻳﺎﺍ ﺍﻟﻠﻪ ﻧﺠﻮﻯ ﺗﻤﻮﺕ .. ﺑﺪﻝ ﺍﻟﻌﺬﺍﺏ ﻭﺍﻟﻬﻢ
ﻳﺎ ﺍﻟﻠﻪ ﻗﻄﺮﺓ ﺩﻡ .
ﻭﺍﻫﻲ ﻧﺠﻮﻯ ﺷﺒﻌﺖ ﻣﻮﺕ .. ﻭﻛﻼﻫﺎ ﻣﻬﺮﻭﺩﺓ
ﻭﺍﻡ ﻧﺠﻮﻯ ﺗﺒﻜﻲ ﺍﻟﺪﻡ .. ﺑﺎﻟﺤﺴﺮﺓ ﻣﻮﻋﻮﺩﺓ
ﻫﺴﻊ ﺑﺪﻝ ﺃﺑﻜﻴﻬﻮ .. ﻭﻧﺠﻮﻯ ﻣﻔﻘﻮﺩﺓ
ﺍﻧﺎ ﻛﻨﺖ ﻟﻮ ﺑﻌﻠﻢ .. ﺑﻨﺰﻑ ﺩﻣﻮﻉ ﺍﻟﺪﻡ
ﺃﻧﺎ ﻛﺎﻥ ﺑﻜﻴﺘﻮ ﺯﻣﺎﻥ .. ﻳﻮﻡ ﻧﺠﻮﻯ ﻣﻮﺟﻮﺩﺓ
ﻭﻣﺤﺘﺎﺟﺔ ﻧﻘﻄﺔ ﺩﻡ ..
ﻳﺎ ﺧﺎﻟﺔ ﻗﻄﺮﺓ ﺩﻡ
ﻭﻋﻠﻰ ﺍﻣﺘﺪﺍﺩ ﻣﺸﻮﺍﺭ .. ﻟﻲ ﻧﺠﻮﻯ ﻭﺍﻟﺘﺎﻧﻴﻦ
ﻋﻠﻰ ﻳﺎ ﺻﺤﺎﺏ ﺷﺎﻓﻊ .. ﻋﺎﺭﻑ ﻓﺮﻭﺽ ﺍﻟﺪﻳﻦ
ﻛﺎﻥ ﺣﺎﻓﻆ ﺍﻟﻘﺮﺁﻥ .. ﻣﻦ ﻋﻤﺮﻭ ﺳﺖ ﺳﻨﻴﻦ
ﻭﺍﺳﻊ ﺑﺮﺍ ﺍﻷﻫﺎﺕ ﻏﺎﻟﺒﻮ ﺍﻟﻨﻄﻖ ﺣﻮﻟﻴﻦ
ﻳﺎ ﺭﺑﻮ ﻗﻄﺮﺓ ﺩﻡ ..
ﺣﻮﻟﻴﻦ ﺍﻛﺎﻥ ﻋﻄﺸﺎﻥ .. ﺑﺴﻘﻮﻫﻮ ﺑﻲ ﺃﻧﺒﻮﺏ
ﺣﻮﻟﻴﻦ ﻋﺼﻴﺮﻭ ﺩﻭﺍ .. ﻭﺳﻜﺮ ﺳﻔﻮﻓﺘﻮ ﺣﺒﻮﺏ
ﺣﻮﻟﻴﻦ ﻭﻻ ﺳﻜﻠﺐ . . ﻻ ﺳﻤﻌﻨﺎ ﻛﻮﺭﻙ ﻭﻭﺏ
ﻻ ﺗﻠﺐ ﺍﻟﺤﻴﺸﺎﻥ .. ﻻ ﻻﻋﺐ ﺍﻟﻤﺤﺒﻮﺏ
ﻳﺎ ﻋﻤﻮ ﻧﻘﻄﺔ ﺩﻡ ..
ﻋﻠﻲ ﻛﺎﻥ ﻃﻤﻮﺣﻮ ﻛﺘﺎﺏ .. ﻛﺮﺍﺱ ﻭﺳﺒﻮﺭﺓ
ﻭﺃﻧﺎ ﺩﺍﻳﺮ ﺃﻛﻮﻥ ﺩﻛﺘﻮﺭ .. ﺷﺎﻥ ﺃﺧﺘﻲ ﺩﻛﺘﻮﺭﺓ
ﻻ ﺩﺍﻳﺮ ﺃﻛﻮﻥ ﻣﺸﻬﻮﺭ .. ﻻ ﺷﺎﺷﺔ ﻻ ﺻﻮﺭﺓ
ﺑﺲ ﺃﻧﺤﺮ ﺍﻟﺴﺮﻃﺎﻥ ﺷﺎﻥ ﺭﻭﺣﻲ ﻣﻨﺤﻮﺭﺓ
ﻭﻣﺤﺘﺎﺝ ﺷﻮﻳﺔ ﺩﻡ ...
ﻛﻞ ﺍﻟﺒﺘﻠﻘﺎ ﻫﻨﺎﻙ .. ﺩﺍﻳﺮ ﻳﻜﻮﻥ ﺩﻛﺘﻮﺭ
ﺷﺎﻳﻒ ﺍﻣﻨﻴﺎﺗﻮ ﺳﺮﺍﺏ .. ﺇﻻ ﺍﻟﻌﺸﻢ ﻣﻨﺼﻮﺭ
ﺻﺎﺭﻉ ﺧﺮﻭﺝ ﺍﻟﺮﻭﺡ .. ﻧﻂ ﺍﻟﺨﻄﺮ ﻭﺍﻟﺴﻮﺭ
ﻭﺍﺳﻊ ﻫﺪﺍﻙ ﺭﺍﺿﻲ .. ﻭﺷﺎﻳﻞ ﺍﻷﺳﻰ ﻭﻣﺴﺮﻭﺭ
ﺑﺸﺤﺪ ﺷﻮﻳﺔ ﺩﻡ ..
ﻭﺍﻧﺎ ﻏﺎﻳﺘﻮ ﺷﻔﺖ ﺍﻟﻨﺎﺱ ﺍﻟﺪﺍﻳﺮﺓ ﻟﻘﻤﺔ ﻋﻴﺶ
ﺑﺘﺼﺎﺭﻉ ﺍﻻﻳﺎﻡ .. ﻭﺗﺠﻴﺒﺎ ﻣﻦ ﻣﺎ ﻓﻴﺶ
ﺷﻔﺖ ﺍﻟﻄﻴﻮﺭ ﺑﺘﻌﻴﺶ .. ﻟﻮ ﻛﺎﻥ ﻣﻌﻄﻨﺎ ﺍﻟﺮﻳﺶ
ﻟﻜﻦ ﻋﻠﻲ ﺍﻟﻤﺴﻜﻴﻦ .. ﻳﺎ ﺭﺑﻲ ﻣﻤﻜﻦ ﻳﻌﻴﺶ
ﻭﻫﻮ ﺭﺍﺟﻲ ﻗﻄﺮﺓ ﺩﻡ