ﻣﻮﻧﺘﻲ 30
# ﺍﻻﺧﻴﻴﻴﻴﺮﻩ ...
ﺑﺎﻟﻨﻬﺎﺭ ﻛﺪﺍ ﻋﻔﻮﺭ ﺍﺗﺼﻠﺖ ﻟﻲ
ﻗﺎﻟﺖ ﻟﻲ ﻛﻼﻡ ﺻﺪﻣﻨﻲ
ﻋﻔﻮﺭ .... ﻧﻬﻮﻝ ﺍﻟﺤﻘﻲ ﺍﻟﺤﻘﻲ ﺍﻟﻤﺸﻜﻠﻪ ﻗﺎﻳﻤﻪ
ﺍﻧﺎ ... ﻓﻲ ﺷﻨﻮ ﻳﺎ ﺑﺖ
ﻋﻔﻮﺭ ... ﻣﻮﻧﺘﻲ ﻭ ﺍﻣﻮ .... ﺑﺘﻨﺎﻗﺸﻮ ﻧﻘﺎﺵ ﺣﺎﺍﺍﺭ ﻓﻴﻚ ﺍﻧﺎ ﺍﺳﻲ ﻓﻲ ﺑﻴﺘﻬﻢ ﻭ ﺍﻟﻤﺸﻜﻠﻪ ﻣﺪﻭﺭﻩ
ﺍﻧﺎ ... ﺑﺎﻟﻀﺒﻂ ﺍﻟﺤﺎﺻﻞ ﺷﻨﻮﻭﻭ
ﻋﻔﻮﺭ ... ﻭﺍﻟﻠﻪ ﺍﻣﻮ ﻗﺎﻟﺖ ﻟﻴﻬﻮ ﺍﻟﻌﻘﺪ ﻳﺘﻠﻐﻲ ﺍﻧﺎ ﻣﺎ ﻋﺎﻳﺰﻩ ﻧﻬﺎﻝ ﻭ ﻣﻮﻧﺘﻲ ﺟﺎﻁ ﻭ ﺑﻜﻰ ﻟﻴﻬﺎ ﻋﺪﻳﻞ ﻗﺎﻝ ﻟﻴﻬﺎ ﺍﻧﺎ ﺑﺤﺐ ﻧﻬﺎﻝ ﻭﻋﺪﺗﻬﺎ ﻣﺎ ﺑﺨﺬﻟﻬﺎ ﺍﻧﺎ ﺭﺍﺟﻞ ﻣﺎ ﺑﺨﺬﻟﻬﺎﺍﺍ ﻣﺴﺘﺤﻴﻞ ﺍﺧﺬﻟﻬﺎ
ﺍﻧﺎ .. ﻃﻴﺐ ﻭ ﺍﺳﻲ ﺳﻜﺘﻮ ﻭﻻ ﻟﺴﻪ ﻣﺪﻭﺭﻳﻦ
ﻋﻔﻮﺭ ... ﻭﺍﻟﻠﻪ ﻟﺴﻪ ﻳﺎ ﻧﻬﻮﻝ ﺟﺎﻳﻄﻴﻦ ﺟﻮﻭﻩ ﻭ ﺍﻟﻤﺸﻜﻠﻪ ﺍﺗﻄﻮﺭﺕ ﺷﻜﻠﻬﺎ
ﺍﻧﺎ .... ﺧﻼﺹ ﺧﻴﻴﻴﺮ ﺍﻧﺎ ﺟﺎﻳﻪ ﺍﻓﺘﺤﻲ ﻟﻲ ﺍﻟﺒﺎﺏ ﺑﺮﺍﺣﻪ
ﻋﻔﻮﺭ ... ﻳﺎﺑﺖ ﺗﺠﻲ ﻭﻳﻦ ﺍﻧﺘﻲ ﺟﻨﻴﺘﻲ
ﺍﻧﺎ ... ﻱ ﺑﺖ ﺍﻋﻤﻠﻲ ﺍﻟﻘﻠﺘﻮ ﻟﻴﻚ ﻭ ﺑﺲ ﻣﺎ ﺗﻨﺎﻗﺸﻴﻨﻲ ﻛﺘﻴﺮ ﻳﻼ ﺑﺎﻱ
ﻭ ﺍﻟﻠﻪ ﻣﺎ ﺑﻌﺮﻑ ﺍﻟﺸﺠﺎﻋﻪ ﺟﺎﺗﻨﻲ ﻣﻦ ﻭﻳﻴﻴﻦ ﺑﺲ ﺍﺗﻮﻛﻠﺖ ﻉ ﺭﺑﻨﺎ ﻭ ﻗﻠﺖ ﻻﺯﻡ ﺍﻣﺸﻲ ﻭ ﺍﺣﺴﻢ ﺍﻟﻔﻮﺿﻰ ﺩﻱ ﻭ ﻻﺯﻡ ﻧﺘﻮﺍﺟﻬﻪ ﻛﻠﻨﺎ ﻛﻔﺎﻳﻪ ﻛﺪﺍ
ﻭ ﻃﻮﺍﻟﻲ ﻟﺒﺴﺖ ﺗﻮﺑﻲ ﻭ ﻣﺸﻴﺖ ﻟﻘﻴﺖ ﻋﻔﻮﺭ ﻓﺎﺗﺤﻪ ﻟﻲ ﺍﻟﺒﺎﺏ ﻗﺎﻟﺖ ﻟﻲ ﺧﺸﻲ ﺧﺸﻲ ﺟﻮﻩ ﺟﺎﻳﻄﻴﻦ
ﻣﺸﻴﺖ ﻭﻗﻔﺖ ﺟﻨﺐ ﺍﻟﺒﺎﺏ ﻣﺴﺎﻓﻪ ﻗﺒﻞ ﺍﺧﺶ ﺳﺎﻣﻌﻪ ﻛﻼﻣﻬﻢ
ﺍﻣﻮ .... ﻣﻮﻧﺘﻲ ﻣﺎ ﻋﺎﻳﺰ ﻋﻔﻮﻱ ﻭ ﺭﺿﺎﻱ ﺑﺲ ﺗﺨﻠﻲ ﺍﻟﺒﺖ ﺩﻱ ﻭﺍﻧﺎ ﺑﻌﺮﺱ ﻟﻴﻚ ﺳﺖ ﺳﺘﻬﺎ
ﻣﻮﻧﺘﻲ .... ﻳﺎ ﺍﻣﻲ ﻋﻔﻮﻙ ﻋﻠﻲ ﻋﻴﻨﻲ ﺑﺲ ﺣﺮﺍﺍﺍﻡ ﺍﻧﺎ ﺍﻟﺒﺖ ﺩﻱ ﺣﺒﻴﺘﻬﺎ ﻭ ﻫﻲ ﺣﺒﺘﻨﻲ ﺍﻧﺎ ﻭﺍﻟﻠﻪ ﻟﻮ ﺧﺬﻟﺘﻬﺎ ﺍﻛﻮﻥ ﺑﺠﺪ ﻣﺎ ﺭﺍﺟﻞ ﻫﻲ ﻋﺸﺎﻧﻲ ﺧﻠﺖ ﺧﻄﻴﺒﻬﺎ ﻋﺸﺎﻥ ﺑﺘﺤﺒﻨﻲ ﻱ ﺍﻣﻲ ﺍﻓﻬﻤﻴﻨﻲ
ﺍﻣﻮ ... ﺑﻼ ﺣﺐ ﻣﻌﺎﻙ ﻳﺎﺥ ﺍﻧﺎ ﻣﺎ ﺑﺤﺒﻬﺎ ﻣﺎ ﺑﺤﺒﻬﺎ ﻭﻻ ﺑﺤﺐ ﺍﻣﻬﺎ ﺍﻓﻬﻢ
ﻣﻮﻧﺘﻲ ... ﻓﺎﻫﻤﻬﺎﻫﺎ ﻏﻠﻂ ﻭﺍﻟﻠﻪ ﺡ ﺗﺤﺒﻴﻬﺎ ﻧﻬﺎﻝ ﻃﻴﺒﻪ ﺗﺘﺤﺐ ﻳﺎ ﺍﻣﻲ
ﺍﻣﻮ .... ﻣﺎ ﺗﻜﺘﺮ ﻛﻼﻣﻚ ﻣﻌﺎﻱ ﻳﺎ ﺍﻧﺎ ﻳﺎ ﻧﻬﺎﻝ ﺍﺧﺘﺎﺭ ﺑﺲ ﻭ ﺍﻟﺨﻴﺎﺭ ﻟﻴﻴﻴﻚ
ﻣﻮﻧﺘﻲ ﺩﻧﻘﺮ ﻭ ﻋﻴﻮﻧﻮ ﺩﻣﻌﺖ ﻗﺎﻝ ﻟﻴﻬﺎ ﺧﺘﻴﺘﻴﺘﻲ ﻗﻲ ﺧﻴﺎﺭ ﺻﻌﺐ ﺑﺠﺪ ﻓﻲ ﺍﻟﺤﺎﻟﺘﻴﻦ ﺭﺑﻨﺎ ﺑﺤﺎﺳﺒﻨﻲ
ﻗﺒﻞ ﻣﻮﻧﺘﻲ ﻳﺨﺘﺎﺭ
ﺍﻧﺎ ﺧﺸﻴﺖ ﺟﻮﻩ ﻗﻠﺖ ﻟﻴﻬﻮ ﺍﻛﻴﺪ ﺍﻣﻚ ﻫﻲ ﺍﻻﺣﻖ ﻭﻟﺪﺗﻚ ﻭ ﺭﺑﺘﻚ ﻭ ﻣﺎ ﻗﺼﺮﺕ ﻓﻴﻚ ﻣﺎ ﺗﻜﺴﺮ ﺑﺨﺎﻃﺮﻫﺎ ﻣﺎ ﻋﺸﺎﻧﻲ ﻭﻻ ﻋﺸﺎﻥ ﻇﻮﻝ ﺍﻟﺠﻨﻪ ﺗﺤﺖ ﻛﺮﻋﻴﻨﻬﺎ
ﻣﻮﻧﺘﻲ .... ﻧﻬﺎﻝ ﺍﻟﺠﺎﺑﻚ ﺷﻨﻮ ﻣﺘﻴﻦ ﺟﻴﺘﻲ
ﺍﻣﻮ ... ﺍﻱ ﺻﺤﻲ ﻣﺘﻴﻦ ﺟﻴﺘﻲ ﻣﻦ ﻣﺘﻴﻦ
ﺍﻧﺎ .... ﻟﻲ ﺳﺎﻋﻪ ﻭﺍﻗﻔﻪ ﺑﺴﻤﻊ ﻛﻼﻣﻜﻢ ﻭ ﺟﻴﺖ ﻋﺸﺎﻥ ﻧﺤﺴﻢ ﺍﻟﻤﻮﺿﻮﻉ ﺩﺍ ﻭ ﺍﻟﻜﻞ ﻳﻤﺸﻲ ﺭﺍﺿﻲ
ﻣﻮﻧﺘﻲ .... ﻋﺎﻳﻦ ﻟﻲ ﻛﺪﺍ ﺩﻣﻮﻋﻮ ﻭﺍﻗﻔﻪ ﻋﻴﻮﻧﻮ ﺣﻤﺮﺍﺍﺍﺍ ﻗﺎﻝ ﻟﻲ ﻧﻬﺎﻝ ﻻ ﺍﻭﻭﻋﻚ ﺗﻘﻮﻟﻴﻬﺎ ﻟﻲ ﺍﻭﻋﻚ ﺗﻘﻮﻟﻲ ﺡ ﺗﺴﻴﺒﻴﺘﻲ ﺑﺠﺪ ﺑﻤﻮﺕ ﻣﻦ ﻏﻴﺮﻙ ﻭﺍﻟﻠﻪ ﻡ ﺑﻘﺪﺭ
ﺍﻧﺎ .... ﺍﺳﻔﻪ ﻳﺎ ﻣﻮﻧﺘﻲ ﻣﺎ ﺑﻘﺪﺭ ﺍﺑﻨﻲ ﺳﻌﺎﺩﺗﻲ ﻋﻠﻲ ﺗﻌﺎﺳﺔ ﻭﺍﻟﺪﺗﻚ ﺣﺮﺍﻡ ﺫﺍﺗﻮ ﺍﺣﻨﺎ ﻻﺯﻡ ﻧﺮﺿﻴﻬﺎ
ﻣﻮﻧﺘﻲ ﺩﺍ ﺍﺗﺪﻣﺮ ﻗﻌﻆ ﻑ ﺍﻻﺭﺽ ﻣﺎ ﻋﺎﺭﻑ ﻳﺴﻮﻱ ﻑ ﺷﻨﻮ ﻗﺎﻝ ﺍﻧﺎ ﻳﺎﺭﺑﻲ ﻳﺎﺗﻮ ﺫﻧﺐ ﻋﻤﻠﺘﻮ ﻓﻲ ﺍﻟﺪﻧﻴﺎﺍﺍﺍ ﺩﻱ ﻋﺸﺎﻥ ﺍﺗﻌﺎﻗﺐ ﻛﺪﺍ ﻟﻴﻪ ﻛﺪﺍ ﻳﺎﺭﺑﻲ ﺍﻟﺒﺖ ﺍﻻﺣﺒﻬﺎ ﺗﺴﻴﺒﻨﻲ ﻭ ﺍﻣﻲ ﺗﻌﺎﻛﺴﻨﻲ ﻟﻴﻪ ﻟﻴﻪ ﻭ ﺑﻘﻰ ﻳﻜﻮﺭﻙ ﻟﻄﺮﻳﻔﻪ ﻫﺴﺘﺮﻳﻪ
ﺍﻧﺎ ﻣﺎ ﺍﺗﺤﻤﻠﺖ ﺍﺗﻮﺟﻌﺖ ﻭ ﺩﻣﻮﻋﻲ ﻧﺰﻟﺖ ﻋﺸﺮﻩ ﻋﺸﺮﺭﺭﻩ
ﻣﻦ ﺟﻬﻪ ﺣﺴﻴﺖ ﺍﻧﻲ ﺯﻟﻴﺖ ﺗﻔﺴﻲ ﻟﻤﻦ ﺣﻴﺖ ﺍﻟﺒﻴﺖ ﻭ ﺍﺗﻜﻠﻤﺖ ﻛﺪﺍ ﻭ ﻣﻦ ﺟﻬﻪ ﺣﺴﻴﺖ ﺍﻧﻲ ﻇﻠﻤﺖ ﻣﻮﻧﺘﻲ ﺍﺧﺎﺍﺍﺳﻴﺲ ﻣﻠﺨﺒﻄﻪ ﻭ ﺟﺎﺍﺍﺍﻳﻄﻪ
ﻭﺷﻲ ﺍﺗﻤﻼﺀ ﺑﺎﻟﺪﻣﻮﻉ ﻣﻮﻧﺘﻲ ﺣﺎﺀ ﻗﺼﺎﺩﻱ ﻗﺎﻝ ﻟﻲ ﺑﺘﺤﺒﻴﻨﻲ ﻭﻻ ﻻ ﺟﺎﻭﺑﻴﻨﻲ ﻛﻮﺭﻙ ﻓﻴﻨﻲ ﻭ ﺍﻣﻮ ﺑﻘﺖ ﺗﻌﺎﻳﻦ ﺳﺎﻱ
ﻗﻠﺖ ﻟﻴﻬﻮ ﺍﻱ ﺑﺨﺒﻚ ﻣﺴﻚ ﻟﻲ ﻳﺪﻱ ﻭ ﺳﺎﻗﻨﻲ ﻝ ﺍﻣﻮ ﻗﺎﻝ ﻟﻴﻬﺎ ﺍﺳﻲ ﺩﻱ ﺑﺘﺤﺒﻨﻲ ﺫﻧﺒﻬﺎ ﺷﻨﻮ ﺑﺲ ﻭﺭﻳﻨﻲ ﺫﻧﺒﻬﺎ ﺷﻨﻮ ﺗﻜﺴﺮﻱ ﻟﻴﻨﺎ ﻗﻠﻮﺑﻨﺎ ﺍﻻﺗﻨﻴﻦ ﺣﺮﺍﻡ ﻋﻠﻴﻚ
ﺍﻣﻮ ... ﻗﺎﻟﺖ ﻟﻴﻬﻮ ﺍﻟﻌﻨﺪﻱ ﻗﻠﺘﻮ
ﺍﻧﺎ ... ﻗﺸﻴﺖ ﺩﻣﻮﻋﻲ ﻭ ﺍﺑﺘﺴﻤﺖ ﻓﻲ ﻋﺰﺯﺯﺯﺯ ﻭﺟﻌﻲ ﻭ ﻣﺴﻜﺖ ﻟﻴﻬﺎ ﻳﺪﻳﻬﺎ
ﻗﻠﺖ ﻟﻴﻬﺎ
ﻳﺎ ﺧﺎﻟﺘﻮ ﺍﺗﺎﻛﺪﻱ ﺗﻤﺎﻣﺎ ﺣﺎﺟﻪ ﺍﻧﺘﻲ ﻣﺎ ﻋﺎﻳﺰﺍﻫﺎ ﻣﺎ ﺡ ﺗﺒﻘﻰ
ﻭ ﺍﻟﻌﺎﻳﺰﻩ ﺡ ﻳﻜﻮﻥ ﻭ ﻭﻟﺪﻙ ﺡ ﻳﺴﻤﻊ ﻛﻼﻣﻚ ﻭ ﻳﻌﺮﺱ ﺍﻟﺒﺖ ﺍﻻﻧﺘﻲ ﺗﺨﺘﺎﺭﻳﻬﺎ ﻟﻴﻬﻮ
ﻭ ﺍﻧﺎ ﺑﻌﺘﺰﺭ ﻟﻮ ﻋﻤﻠﺖ ﺍﻱ ﺗﺼﺮﻑ ﻫﻼﻛﻲ ﺗﻜﺮﻫﻴﻨﻲ ﻛﺪﺍ
ﻭ ﻣﺎ ﺗﺤﺒﻴﻨﻲ ﻭﻻ ﺗﺤﺒﻲ ﺍﻫﻠﻲ
ﻭ ﺍﻟﻌﻔﻮ ﻭ ﺍﻟﻌﺎﻓﻴﻪ ﻣﻦ ﻛﻞ ﻗﻠﺒﻲ
ﻭ ﻓﻜﻴﺖ ﻳﺪﻳﻨﻬﺎ ﺧﻠﺘﻬﺎ ﺳﻜﺘﺖ ﺳﺎﻱ ﻣﺎ ﺭﺩﺕ ﻟﻲ
ﻭ ﻋﺎﻳﻨﺖ ﻝ ﻣﻮﻧﺘﻲ ﻗﻠﺖ ﻟﻴﻬﻮ ﺍﻟﻌﻔﻮ ﻭ ﺍﻟﻌﺎﻓﻴﻪ ﻳﺎ ﻣﻮﻧﺘﻲ ﺍﻟﻠﻪ ﻳﺪﻳﻚ ﺍﻟﺒﺘﺴﻌﺪﻙ ﻭﺍﻟﻠﻪ ﻳﻮﻓﻘﻚ ﻭ ﻃﻠﻌﺖ ﻭ ﻣﻮﻧﺘﻲ ﻛﻮﺭﻙ ﻧﻬﺎﻝ ﺍﺳﺘﻨﻲ ﻻﺍﺍ ﻭ ﻃﺎﺥ ﺿﺮﺏ ﻳﺪﻭ ﺑﺎﻟﺒﺎﺏ ﺍﻧﺎ ﺳﻮﻗﺖ ﻋﻔﻮﺭ ﻣﻦ ﻳﺪﻫﺎ ﻭ ﻣﺸﻴﺖ ﻭﻻ ﺍﺗﻠﻔﺖ ﻋﻠﻴﻬﻮ
ﻃﻠﻌﺖ ﺑﺮﺍ ﺍﻟﺸﺎﺭﻉ ﺑﺒﻜﻲ ﻋﻔﻮﺭ ﺣﻀﻨﺘﻨﻲ ﻭ ﻗﻌﺪﺕ ﺗﺒﻜﻲ ﻣﻌﺎﻱ ﻭ ﺗﺼﺒﺮﻧﻲ
ﻭ ﺭﺟﻌﺖ ﻣﻌﺰﻋﻔﻮﺭ ﺑﻴﺘﻬﻢ
ﻭ ﻣﺸﻴﺖ ﺑﻴﺘﻨﺎ ﺯﻱ ﺍﻟﻌﺼﺮ
ﻟﻘﻴﺖ ﻧﺎﺱ ﺑﻴﺘﻨﺎ ﻗﺎﻳﻤﻴﻦ ﻭ ﻗﺎﻋﺪﻳﻦ ﻳﺠﻬﺰﻭ ﻓﻲ ﺧﺎﺟﺎﺕ ﺍﻟﻌﻘﺪ ﻭ ﺍﻟﺨﻀﺎﺭ ﻭ ﺍﻟﻀﺒﺎﻳﺢ ﻭ ﺍﻫﻠﻲ ﺍﻟﺠﻮ ﻣﻦ ﺍﻟﺴﻔﺮ
ﻭ ﺳﻠﻤﺖ ﻋﻠﻴﻬﻢ ﺑﻘﻠﺒﻲ ﻗﻠﺖ ﻟﻴﻬﻢ ﻳﺎﺣﻠﻴﻠﻜﻢ ﺗﻌﺒﺘﻮ ﻑ ﺍﻟﻔﺎﺿﻲ
ﺯﻱ ﺍﻟﺴﺎﻋﻪ 10 ﺑﻠﻴﻴﻞ ﻛﺪﺍ
ﻧﺎﺩﻳﺖ ﺍﻣﻲ ﻭ ﺍﺑﻮﻱ ﻭ ﺍﺧﻮﻱ ﻗﻠﺖ ﻟﻴﻬﻢ ﻋﺎﻳﺰﺍﻛﻢ
ﺟﻤﻌﺘﻬﻢ ﻑ ﻏﺮﻓﻪ
ﺍﻣﻲ .... ﻣﺎﻟﻚ ﻑ ﺷﻨﻮ ﺡ ﺗﺸﺘﺎﻗﻲ ﻟﻴﻨﺎ ﺻﺎﺡ
ﺍﺧﻮﻱ ... ﻋﺎﻳﺸﻪ ﺩﻭﺭ ﺍﻟﻌﺮﻭﺱ ﺧﻠﻮﻫﺎ ﻳﺎﺥ ﺑﺨﺘﻚ ﺏ ﻣﻮﻧﺘﻲ ﺩﺍ ﺑﻌﺰﺯﺯﻙ
ﺍﺑﻮﻱ ... ﺍﻟﻠﻪ ﻳﺮﺿﻰ ﻋﻠﻴﻚ ﻳﺎﺑﺘﻲ ﺩﻧﻴﺎ ﻭ ﺍﺧﺮﻩ ﻭ ﺍﺷﺔﻓﻚ ﺍﺧﻠﻰ ﻋﺮﻭﺱ
ﺍﻧﺎ .... ﻗﻠﺒﻲ ﺍﺗﺸﺮﻁ ﺣﺘﺖ ﺣﺘﺖ ﺍﻟﻠﺤﻈﻪ ﺩﻱ ﺡ ﺍﺣﻄﻢ ﻟﻴﻬﻢ ﺍﻣﺎﻟﻬﻢ ﻛﻠﻬﺎ ﺧﺮﺍﻡ ﻡ ﻗﻈﺮﺕ ﺑﺲ ﺍﺗﺸﺠﻌﺖ ﻭ ﻗﻮﻟﺖ ﻟﻴﻬﻢ
ﺍﻣﻲ ﺍﺑﻮﻱ ﺍﻟﻌﻘﺪ ﺩﺍ ﻣﺎ ﺡ ﻳﺘﻢ ﻓﺴﺨﻨﺎ ﺧﻼﺹ ﺍﻧﺎ ﻭ ﻣﻮﻧﺘﻲ
ﺍﺑﻮﻱ ﻳﺎﺑﺘﻲ ﻑ ﺷﻨﻮ ﻋﻠﻴﻚ ﺍﻟﻠﻪ ﻣﺎﻟﻚ ﻏﻴﺮﺗﻲ ﺭﺍﻳﻚ ﻓﺠﺎﺀﻩ
ﺍﻣﻲ ... ﻭ ﺑﻌﻠﻴﺎ ﻓﻲ ﺷﻨﻮ ﻧﻬﺎﻝ ﻡ ﺗﻮﻗﻌﻲ ﻗﻠﺒﻲ
ﺍﺧﻮﻱ ... ﻣﻮﻧﺘﺒﻲ ﺯﻋﻠﻚ ﻓﻲ ﺷﻲ
ﺍﻧﺎ ... ﻳﺎ ﺟﻤﺎﻋﻪ ﺩﺍ ﻗﺮﺍﺭﻱ ﻭ ﻣﻘﺘﻨﻌﻪ ﺑﻴﻬﻮ ﺣﺮﺍﻡ ﻋﻠﻴﻜﻢ ﺧﺴﻮ ﺑﻲ ﺍﻧﺎ ﺗﻌﺒﺖ ﻭﺍﻟﻠﻪ ﻡ ﺑﻘﺪﺭ ﻭ ﻗﻌﺪﺕ ﻓﻲ ﺍﻟﻮﺍﻃﻪ ﻗﻌﺪﺕ ﺍﺑﻜﻴﻴﻴﻲ ﻭ ﺍﺑﻜﻴﻴﻴﻴﻲ
ﻟﻤﻦ ﺍﻣﻲ ﻭ ﺍﺑﻮﻱ ﺭﻓﻌﻮﻧﻲ ﺣﻨﺴﻮﻧﻲ ﻋﺸﺎﻥ ﻡ ﺍﺑﻜﻲ
ﺑﺲ ﺍﻧﺎ ﻛﻨﺖ ﺯﻱ ﺍﻟﺒﺖ ﺍﻟﻀﺎﺍﻳﻌﻪ ﻭ ﺧﺎﻳﻔﻪ ﻣﺎ ﻟﻘﺖ ﺑﺮﺍ ﺍﻻﻣﺎﻥ ﻛﻨﺖ ﺗﺎﻳﺒﻬﻪ
.
.
ﺍﺑﻮﻱ ﻗﺎﻝ ﺧﻼﺹ ﺡ ﻧﻜﻠﻢ ﺍﻫﻠﻚ ﺍﻟﺒﺮﺍ ﺩﻳﻞ ﻧﻘﻮﻝ ﻟﻴﻬﻢ ﻋﻘﺪ ﻣﺎﺍﺍﻑ ...
ﺍﻣﻲ ﻻ ﻋﻘﺪ ﻗﻲ ﺳﻴﻒ ﺷﺎﺭﺭﻳﻚ ﻭ ﻋﺎﻳﺰﻙ ﻟﻜﺮﺍ ﺑﺠﻲ ﺑﻌﻘﺪ
ﺍﻧﺎ ... ﻻ ﺳﻴﻒ ﻻ ﺳﻜﻴﻦ ﺍﺭﺣﻤﻴﻨﻲ ﻣﺎ ﻋﺎﻳﺰﻩ ﺯﻭﻝ ﺑﺲ ﺧﻠﻮﻧﻲ ﻓﻲ ﺣﺎﻟﻲ ﻭ ﻗﻌﺪﺕ ﺍﻛﻮﺭﻙ ﺍﻧﺎ ﻛﺮﻫﺖ ﺣﻴﺎﺗﻲ ﻣﺎ ﻋﺎﻳﺰﻩ ﺯﻭﻝ ﺟﻨﺒﻲ ﺍﺧﺘﻮﻧﻲ
ﻃﻠﻌﺘﻬﻢ ﻣﻦ ﺍﻟﻐﺮﻓﻪ ﻭ ﻗﻔﻠﺘﻬﺎ ﻋﻠﻲ ﻭ ﻗﻌﺪﺕ ﺍﺑﻜﻲ ﺍﻱ ﺻﻮﺭﻩ ﻝ ﻣﻮﻧﺘﻲ ﻑ ﺗﻠﻔﻮﻧﻲ ﻣﺴﺤﺘﻬﺎ ﻭ ﺟﺪﻋﺖ ﺍﻟﺘﻠﻔﻮﻥ ﻑ ﺍﻻﺭﺽ ﻭ ﺍﻱ ﺻﻮﺭﻩ ﻛﺮﺕ ﺟﺒﺘﻬﺎ ﻭ ﺣﺮﻗﺘﻬﺎ
ﻭ ﺍﻧﺎ ﻗﻠﺒﻲ ﺑﺘﺤﺮﺭﻕ ﻭﺭﺍﻫﺎ
ﻛﻨﺖ ﻉ ﻫﺎﻭﻳﻪ ﺍﻟﻤﻮﺕ ﻣﻦ ﺍﻟﻀﻴﻘﻘﻖ
ﺳﻴﻒ ﺍﺗﺺ ﻟﻲ ﺍﻟﻠﺤﻈﻪ ﺩﻳﻚ ﻗﺎﻝ ﻟﻲ ﺑﺤﺒﻚ ﻧﻬﺎﻝ ﻭﺍﺻﻖ ﺍﻧﻚ ﻣﻠﻜﻲ ﺍﻟﻠﻪ ﻣﺎ ﺑﺨﻠﻲ ﺯﻭﻝ ﺳﺎﻱ
ﺍﻧﺎ ... ﺳﻴﻒ ﺍﺧﺘﺎﻧﻲ ﻣﺎ ﻋﺎﻳﺰﻩ ﺷﻲ ﻻ ﺍﻧﺖ ﻭﻻ ﻏﻴﺮﻙ ﻭ ﻗﻔﻠﺖ ﻑ ﺷﻮ ﺍﻟﺨﻂ ﻭ ﻗﻌﺪﺕ ﺍﺑﻜﻲ ﺍﻛﺘﺮ
ﻭ ﺑﻬﻨﺎﻙ ﺍﻣﻲ ﻭﺭﺕ ﺍﻟﻨﺎﺱ ﺍﻧﻮ ﻣﺎﻑ ﻋﻘﺪ ﻭ ﺍﻟﻨﺎﺱ ﻗﺎﻣﺖ ﻭ ﻗﻌﺪﺕ
ﻭ ﺟﻮﻃﻪ ﻭ ﻛﻼﻡ ﻛﺘﻴﻴﻴﻴﺮ ﻭ ﻧﻘﺎﺷﺎﺕ ﻣﻊ ﺍﻫﻞ ﻣﻮﻧﺘﻲ ﻭ ﺍﻟﺤﻤﺪﻟﻠﻪ ﺑﺲ
ﺍﻟﻌﻘﺪ ﺍﺗﻠﻐﻰ ﻭ ﺍﻧﺎ ﺳﺒﺖ ﻣﻮﻧﺘﻲ ﻗﺒﻞ ﺍﻟﻌﻘﺪ ﺏ ﻳﻮﻡ ﺑﺲ ﻭ ﻣﻮﻧﺘﻲ ﺳﺎﻓﺮ ﺗﺎﺗﻲ ﻳﻮﻡ ﻃﻮﺍﻟﻲ
ﻭ ﺍﻣﻮ ﻋﺮﺳﺖ ﻟﻴﻬﻮ ﺑﺖ ﺍﻫﻠﻮ
ﻋﺸﺎﻥ ﻳﺮﺿﻴﻬﺎ ﺑﺲ ﺭﺳﻠﻮﻫﺎ ﻟﻴﻬﻮ ﺑﺮﺍ ﻋﻘﺪﻭ ﻟﻴﻬﻮ ﻓﻲ ﻏﻴﺎﺑﻮ
ﻗﻌﺪ ﻣﻌﺎﻫﺎ ﺧﻤﺴﻪ ﺷﻬﻮﺭ ﻭ ﻃﻠﻘﻬﺎ ﺟﺎﺑﻬﺎ ﺭﺍﺟﻌﻪ
ﺍﻧﺎ
ﺳﺒﺘﻮ ﻏﺼﺐ ﻏﻨﻲ ﻭ ﻫﻮ ﻏﺼﺐ ﻋﻨﻮ ﻣﺎ ﺑﻴﺪﻭﻭﻭ
ﻭﻻ ﺑﻴﺪﻱ ﺍﻟﻈﺮﻭﻑ ﻛﺎﻧﺖ ﺍﻛﺒﺮ ﻣﻨﻲ ﻭ ﻣﻨﻮ
ﺍﻟﻘﺴﻤﻪ ﻛﺎﻧﺖ ﺍﻛﺒﺮ
ﺍﻟﻨﺼﻴﺐ ﻛﺎﻥ ﻋﻨﺪﻭ ﺭﺍﻱ ﺗﺎﻧﻲ
ﻭﻫﻮ ﻛﺎﻥ ﺭﺍﺍﺍﺍﺍﺍﺟﻞ ﻣﻌﺎﻱ ﻣﺎ ﺳﺎﺑﻨﻲ ﻭﻻ ﺧﺬﻟﻨﻲ ﺧﺒﺎﻧﻲ ﻭﻭﻓﻰ ﺑﻮﻋﺪﻭ ﻣﻌﺎﻱ ﻭ ﻛﺎﻥ ﻣﻌﺎﻱ ﻻﺧﺮ ﻟﺤﻈﻪ ﻣﺎ ﻛﺎﻥ ﺡ ﻳﺘﺨﻠﻰ ﻋﻨﻲ ﺑﺲ ﺍﻧﺎ ﺍﻻﺧﺘﺮﺕ ﻛﺪ ﻭ ﺩﺍ ﺍﻟﺼﺢ ﻋﺸﺎﻥ ﺍﺭﺿﻲ ﺍﻣﻮ ﻭ ﺍﻣﻲ ...
ﻭ ﺑﺎﻟﻨﺴﺒﻪ ﻝ ﺳﻴﻒ ﺍﺻﻼ ﻣﺎ ﺣﺒﻴﺘﻮ ﻛﺎﻥ ﺷﺨﺺ ﻃﻴﺐ ﻭ ﻣﺠﺮﺩ ﺍﻋﺤﺎﺏ ﺑﺸﺨﺼﻴﺘﻮ
ﺑﺲ ﻣﻮﻧﺘﻲ ﺣﺒﻴﺘﻮ ﻣﻦ ﺷﻔﺘﻮ ﺛﺢ ﻛﺎﻥ ﻋﻴﻨﻲ ﻋﻠﻴﻬﻮ ﺑﺲ ﺗﺎﻧﻲ ﺣﺒﻴﺘﻮ ﻭ ﺍﺗﻌﻠﻘﺖ ﺑﻴﻬﻮ ﻭ ﻣﺸﺎﻋﺮﻧﺎ ﻛﺎﻧﺖ ﺧﻘﻴﻘﻪ ﻭ ﺻﺎﺩﻗﻪ .
. ﻣﻮﻧﺘﻲ
.. ﻻ ﻗﺪﺭﺕ ﺍﻃﻮﻭﻭﻟﻚ ﻋﺸﺎﻥ ﺍﺟﻴﻴﻴﻴﻚ ﻭ ﻻ ﻗﺪﺭﺕ ﻣﻦ ﻏﻴﺮﻙ ﺍﻛﻮﻭﻭﻭﻥ ﻭ ﺍﻧﺎ ﺑﻴﻴﻴﻴﻴﻚ ﻣﺎﻟﻴﻨﻲ ﺍﻟﻜﻼﻡ ﺣﺮﻛﺖ ﺑﻴﻚ ﻋﺼﺐ ﺍﻟﺴﻜﻮﻭﻭﻭﻥ
......
ﻟﻴﺲ ﻛﻞ ﻣﺎ ﻳﺘﻤﻨﺎﻫﺎ ﺍﻟﻤﺮﺀ ﻳﺪﺭﻛﻪ
ﺍﺗﻤﻨﻴﻴﻴﻴﺘﻚ ﻟﻲ ﺑﺲ ﺍﻟﻠﻪ ﻣﺎ ﺭﺍﺍﺍﺩ
ﻫﻮ ﺳﺎﻓﺮ ﻭ ﻧﺴﻰ ﺍﻟﺴﻮﺩﺍﻥ ﻭ ﺳﻨﻴﻦ ﺍﻟﺴﻮﺩﺍﻥ ﻣﺎ ﺭﺟﻊ ﻟﺤﺪﻱ ﺍﻻﻥ
ﻭ ﺍﻧﺎ ﺗﻌﺒﺖ ﻭ ﺍﺗﻌﺬﺑﺖ ﺑﺲ ﻗﺎﻭﻣﺖ ﻭ ﺍﻟﺤﻴﺎﻩ ﻻﺯﻡ ﺗﺴﺘﻤﺮ ﻭ ﻧﻌﻴﺸﻬﺎ ﺑﺤﻠﻮﻫﺎ ﻭ ﻣﺮﺭﻫﺎ ﻭ ﺍﻟﺪﻧﻴﺎ ﻣﺮﻩ ﻟﻴﻚ ﻭ ﻣﺮﻩ ﻋﻠﻴﻴﻴﻴﻚ
ﻋﺸﺖ ﻗﺼﻪ ﺣﺐ ﻛﺎﻧﺖ ﺣﻠﻠﻮﻩ ﺑﻤﻌﺎﻧﻴﻬﺎ ﻭ ﺍﺧﺎﺍﺳﻴﺴﻬﺎ ﻭ ﻓﻴﻬﺎ ﺫﻛﺮﻳﺎﺕ ﺟﻤﻴﻠﻪ ﻣﺎ ﺑﻨﺴﺎﻫﺎ ﺭﻏﻢ ﺍﻧﻬﺎ ﻛﺎﻧﺖ ﺣﺰﻳﻨﻪ ﻭ ﻧﻬﺎﻳﻪ ﻗﺎﺍﺳﻴﻪ ﺑﺲ ﺍﺳﺘﻔﺪﺕ ﻣﻨﻬﺎ ﻛﺘﻴﻴﻴﻴﻴﺮ ﻭ ﺍﺳﻲ ﻋﺎﻳﺸﻪ ﺣﻴﺎﺗﻲ ﻭ ﺍﺗﺨﻄﻴﺖ ﺍﻟﻤﺮﺣﻠﻪ ﺩﻱ ﻭ ﺑﻘﺖ ﻟﻲ ﻧﻘﻄﻪ ﺳﻮﺩﺍ ﻑ ﺣﻴﺎﺗﻲ ﺑﺲ ﺑﺮﺿﻮ ﻋﺎﻳﺸﻪ ﺑﻀﺤﻚ ﺭﻏﻢ ﻣﺎ ﺍﺣﻤﻠﻪ ﻣﻦ ﺍﻟﻢ
ﻭ ﺗﺄﺗﻲ ﺍﻟﺮﻳﺎﺍﺍﺍﺡ ﺑﻤﺎ ﻻ ﺗﺸﺘﻬﻲ ﺍﻟﺴﻔﻦ
# ﺍﻟﻨﻬﺎﻳﻪ
# ﻛﺴﺮﺭﺭﻩ ....
ﺍﻟﻘﺼﻪ ﺑﺪﺍﻳﺘﻬﺎ ﺣﻠﻮﻭﻭﻩ ﻭ ﺍﻟﻜﻞ ﺍﺗﻮﻗﻊ ﺍﻧﻮ ﺡ ﻧﺘﺰﻭﺝ ﺑﺲ ﻣﺎ ﻛﻞ ﻗﺼﻪ ﻧﻬﺎﻳﺘﻬﺎ ﺑﺘﻜﻮﻥ ﺳﻌﻴﺪﻩ