ﺍﺧﻮ _ ﺭﺍﺟﻠﻲ 6 ¥ ﻳﻼ ﻑ ﺍﻟﻠﺤﻈﺔ ﺩﻳﻚ ﺑﻘﻴﺖ ﻡ ﺑﺸﻮﻑ ﻗﺪﺍﻣﻲ ﻣﻦ ﺷﺪﺓ ﺍﻹﻧﻔﻌﺎﻝ .. ﻭﻋﻤﺮ ﻛﺎﻥ ﺑﻌﺎﻳﻦ ﻻﺧﻮﺓ ﺑﻄﺮﻳﻘﺔ ﻏﺮﻳﺒﺔ ﻫﺒﺸﺘﻮ ﻣﻦ ﻛﺘﻔﻮ ﻭﻗﻠﺖ ﻟﻴﻪ ﻟﻠﻤﺮﻩ ﺍﻻﺧﻴﺮﺓ ﺑﺴﺄﻟﻚ ﺍﻟﺒﺖ ﻣﻨﻮ ﻭﻋﻼﻗﺘﻚ ﺑﻴﻬﺎ ﺷﻨﻮ !! ﺑﻌﺪﺍﻙ ﺷﻮﻓﻮ ﺍﻟﻜﺒﻜﺒﺔ ﻻ ﻭﺍﻟﻠﻪ ﻡ ﻛﺪﺍ ﺍﻓﻬﻤﻴﻨﻲ ﻓﻬﻤﺘﻲ ﻏﻠﻂ ﺇﻧﺘﻲ ﻭﻳﻘﻮﻝ ﻝ ﻋﺜﻤﺎﻥ ﺇﻧﺖ ﻡ ﺗﻘﻮﻝ ﺣﺎﺟﺔ .. ﻋﺜﻤﺎﻥ ﻣﺴﻜﻨﻲ ﻣﻦ ﻳﺪﻱ ﻭﻗﺎﻟﻲ ﺍﻗﻌﺪﻱ ﻭﻗﻮﻟﻲ ﺑﺴﻢ ﺍﻟﻠﻪ ﺍﻟﻤﻮﺿﻮﻉ ﻡ ﻣﺴﺘﺎﻫﻞ ﻭﺍﻧﺎ ﻡ ﻛﻨﺖ ﻗﺎﻳﻠﻚ ﺣﺘﻨﻔﻌﻠﻲ ﻛﺪﺍ .. ﺷﻠﺖ ﺷﻨﻄﺘﻲ ﻭﻃﻠﻌﺖ ﺑﻨﺎﺩﻭ ﻓﻴﻨﻲ ﻭﻻ ﺍﺗﻠﻔﺖ ﻋﻠﻴﻬﻢ ﻟﻤﺖ ﺍﻟﻨﺎﺱ ﺍﻟﻔﻲ ﺍﻟﻤﻄﻌﻢ ﻻﺣﻈﻮ ﺭﻛﺒﺖ ﻑ ﺍﻟﻌﺮﺑﻴﺔ ﻭﺣﺼﻠﺘﻨﻲ ﻋﻼ ﻭﻋﺒﻴﺮ ﻭﻫﻢ ﺯﺍﺗﻬﻢ ﻣﺨﻠﻮﻋﻴﻦ ﻭﻡ ﻋﺮﻓﻮ ﻳﻘﻮﻟﻮ ﻟﻲ ﺷﻨﻮ ﺑﻌﺪ ﺍﻗﻞ ﻣﻦ ﺧﻤﺲ ﺩﻗﺎﺋﻖ ﺟﻮ ﺍﻻﺧﻮﺍﻥ ﺭﻛﺒﻮ ﻭﺍﺗﺤﺮﻛﻨﺎ .. ﻋﺜﻤﺎﻥ ﺑﻌﺎﻳﻦ ﻟﻲ ﺑﺎﻟﻤﺮﻳﺎ ﻭﻗﺎﻟﻲ ﻣﻌﻠﻴﺶ ﺍﻧﺎ ﻡ ﻛﺎﻥ ﺍﻗﺼﺪ ﺍﺯﻋﻠﻚ ﻭﺍﻟﻠﻪ ﻗﻠﺘﻬﺎ ﺑﻬﺰﺍﺭ ﺳﺎﻱ ﻧﻂ ﻋﻤﺮ ﻗﺎﻝ ﻟﻴﻬﺎ ﺍﻧﺎ ﺑﻔﻬﻤﻬﺎ ﺍﻟﺤﺎﺻﻞ ﺑﻌﺪ ﻧﺼﻞ ﺍﻟﺒﻴﺖ ﻭﺍﻧﺎ ﻑ ﺍﻟﻠﺤﻈﺔ ﺩﻳﻚ ﺩﻣﻲ ﺑﻴﻐﻠﻲ .. ﻭﻛﻠﻨﺎ ﺳﻜﺘﻨﺎ ﺯﻭﻝ ﺍﺗﻜﻠﻢ ﻣﻊ ﺍﻟﺘﺎﻧﻲ ﻣﺎﻑ ﻟﺤﺪﻱ ﻡ ﻭﺻﻠﻨﺎ ﺍﻟﺒﻴﺖ؛ ﻉ ﺩﺧﻠﺘﻲ ﻋﻤﺘﻲ ﻡ ﺳﻠﻤﺖ ﻋﻠﻴﻬﺎ ﺧﺸﻴﺖ ﺑﻴﺘﻲ ﻭﻣﻨﺘﻈﺮﺓ ﻋﻤﺮ ﻛﺎﻥ ﺑﻴﺘﻜﻠﻢ ﻣﻊ ﺍﺧﻮﺓ ﺑﺲ ﻗﺎﻟﻮ ﺷﻨﻮ ﺍﻧﺎ ﻡ ﻋﺎﺭﻓﺔ ﺟﺎﻧﻲ ﺧﺎﺷﻲ ﻭﺍﻟﺨﻮﻑ ﻑ ﻭﺷﻮ ! ﻭﻗﺒﻞ ﻡ ﺍﻓﺘﺢ ﺧﺸﻤﻲ ﻗﻌﺪ ﺟﻤﺒﻲ ﻑ ﺍﻟﺴﺮﻳﺮ ﻭﻗﺎﻝ ﻟﻲ ﺡ ﺍﺣﻜﻲ ﻟﻴﻚ ﺍﻟﻘﺼﺔ ﻛﻠﻬﺎ .. ﻗﻤﺖ ﻉ ﺣﻴﻠﻲ ﻭﻗﻠﺖ ﻟﻴﻪ ﺍﻫﺎ ﻗﻮﻝ ! ؟ ﻗﺎﻝ ﺍﻧﻮ ﻟﻢ ﻛﺎﻥ ﻑ ﺍﻟﺠﺎﻣﻌﺔ ﻋﻨﺪﻭ ﺯﻣﻴﻠﺘﻮ ﺍﺳﻤﻬﺎ ﻧﺪﻯ ﻛﺎﻧﺖ ﺑﺖ ﺷﺎﻃﺮﺓ ﻭﻣﻤﻴﺰﻩ ﻭﺳﻤﻤﺤﺔ ﺷﺪﻳﺪ ﻛﻞ ﺍﻟﺸﺒﺎﺏ ﺟﺎﺭﻳﻦ ﻭﺭﺍﻫﺎ .. ﻟﻢ ﻗﺎﻝ ﻛﺪﺍ ﺣﻤﺮﺭﺭﺕ ﻟﻴﻪ ﻫﻮ ﻃﻮﺍﻟﻲ ﺳﻜﺖ ! ﻗﻠﺖ ﻟﻴﻪ ﻭﺍﺻﻞ .. ﻗﺎﻝ ﻑ ﺍﻟﺴﻨﺔ ﺍﻻﺧﻴﺮﺓ ﻑ ﺍﻟﺠﺎﻣﻌﺔ ﻗﺮﺑﻮ ﻣﻦ ﺑﻌﺾ ﺍﻛﺘﺮ ﻭﻫﻮ ﻣﻦ ﺯﻣﺎﻥ ﻣﻌﺠﺐ ﺑﺸﺨﺼﻴﺘﻬﺎ ﺑﺲ ﺑﻄﺒﻌﻮ ﻡ ﻋﻨﺪﻭ ﺷﻐﻠﺔ ﺑﺎﻟﺒﻨﺎﺕ ﻟﺤﺪﻱ ﻡ ﺍﺗﻼﻗﻮ ﻑ ﺭﺣﻠﺔ ﻃﻼﺑﻴﺔ ﻭﺍﺗﻮﻧﺴﻮ ﻭﻃﺮﺡ ﻋﻠﻴﻬﺎ ﻓﻜﺮﺓ ﺍﻹﺭﺗﺒﺎﻁ ﻭﻫﻲ ﻭﺍﻓﻘﺖ ﺑﺲ ﺑﻌﺪﺍﻙ ﺷﺎﻑ ﺗﺼﺮﻓﺎﺗﻬﺎ ﻡ ﺣﻠﻮﻩ ﻭﻉ ﻋﻼﻗﺔ ﺑﻮﺍﺣﺪ ﺗﺎﻧﻲ ﻭﻫﻮ ﺍﺑﺘﻌﺪ ﻋﻨﻬﺎ ﻭﻣﻦ ﺍﻟﺰﻣﻦ ﺩﺍﻙ ﻡ ﻋﺎﺭﻑ ﻋﻨﻬﺎ ﺷﻲﺀ ﺣﻠﻒ ﻟﻲ ﻭﻗﺎﻝ ﺩﺍ ﻛﻞ ﺍﻟﺤﺼﻞ ﻟﻜﻦ ﻡ ﻋﺎﺭﻑ ﻋﺜﻤﺎﻥ ﺯﻛﺮ ﺍﻟﻘﺼﺔ ﻟﺸﻨﻮ؟ ! ﻳﻼ ﺍﻧﺎ ﺍﻧﻔﺠﺮﺕ ﻟﻴﻚ ﻓﻴﻬﻮ ﻟﺸﻨﻮ ﻡ ﻭﺭﻳﺘﻨﻲ ﻭﺍﻧﺖ ﻭﻋﺪﺗﻨﻲ ﻡ ﺗﻜﺬﺏ ﻋﻠﻲ ﻭﺍﻧﺖ ﻗﺒﻞ ﻛﺪﺍ ﺣﻠﻔﺖ ﻟﻲ ﺍﻧﻚ ﻡ ﺣﺼﻞ ﺣﺒﻴﺖ ﺑﻴﺖ ﻏﻴﺮﻱ ﻳﻌﻨﻲ ﻃﻠﻌﺖ ﻛﺬﺍﺏ ﻭﺑﺒﻜﻲ ﻫﻮ ﻳﺘﺤﻠﻒ ﻭﻳﻘﺴﻢ ﺍﻧﻮ ﻡ ﻛﺎﻥ ﺑﺤﺒﻬﺎ ﺑﺲ ﻣﻌﺠﺐ ﺑﻴﻬﺎ ﻭﺍﻧﻮ ﺍﻟﻘﺼﺔ ﻗﺪﻳﻤﺔ ﻭﺗﺎﻓﺔ ﻭﻫﻮ ﻛﺎﻥ ﻧﺎﺳﻴﻬﺎ ﻻﻧﻬﺎ ﻡ ﻣﻬﻤﺔ ﻭﻳﻘﺸﻘﺶ ﻑ ﺩﻣﻮﻋﻲ ﻭﻳﺘﺄﺳﻒ ﻭﺍﻧﺎ ﺧﻼﺹ ﺧﺸﻴﺖ ﻑ ﺣﺎﻟﺔ ﻫﺴﺘﻴﺮﻳﺎ ﻭﻡ ﻗﺪﺭﺕ ﺍﺳﻜﺖ ﺟﻴﺖ ﻣﺎﺭﻗﺔ ﻣﻦ ﺍﻟﻐﺮﻓﺔ ﻣﺴﻜﻨﻲ ﻣﻦ ﻳﺪﻱ ﻭﺍﻧﺎ ﻧﺘﻠﺖ ﻳﺪﻱ ﻣﻨﻮ ﻭﻃﻠﻌﺖ ﺧﺸﻴﺖ ﺍﻟﺤﻤﺎﻡ ﺗﻤﻴﺖ ﺑﻜﺎﻱ ﻫﻨﺎﻙ ﻭﺭﺍﺳﻲ ﻛﺎﻥ ﺣﻴﻨﻔﺠﺮ ﻣﻦ ﺍﻟﺰﻋﻞ ﻭﺍﻟﻮﺟﻊ .. ﻟﻢ ﺟﻴﺖ ﻃﺎﻟﻌﺔ ﻟﻘﻴﺖ ﻋﻤﺘﻲ ﻣﻨﺘﻈﺮﺍﻧﻲ ﺑﺮﺍ ﻡ ﺑﻌﺮﻑ ﺭﻧﻬﺎ ﺑﻨﺎﺗﻬﺎ ﻭﻻ ﻋﻤﺮ .. ﻗﺎﻟﺖ ﻟﻲ ﺗﻌﺎﻟﻲ ﻣﺸﻴﺖ ﻣﻌﺎﻫﺎ ﻭﺧﺸﻴﺖ ﻣﻌﺎﻫﺎ ﺍﻟﺒﺮﻧﺪﺓ ﻣﺴﻜﺘﻨﻲ ﻣﻦ ﻳﺪﻱ ﻭﻗﺎﻟﺖ ﻟﻲ ﻭﺍﻟﻠﻪ ﺍﻧﺘﻲ ﻑ ﻣﻘﺎﻡ ﺑﻨﺎﺗﻲ ﻭﺍﻟﺸﻲﺀ ﺍﻟﺒﺰﻋﻠﻚ ﺑﺰﻋﻠﻨﻲ ﺍﻧﺎ ﻛﻤﺎﻥ .. ﻭﺍﻧﺎ ﻓﻜﻴﺖ ﻑ ﺍﻟﺒﻜﺎﺀ ﻭﻫﻲ ﺑﺘﻬﺪﻱ ﻓﻴﻨﻲ .. ﻭﻗﺎﻟﺖ ﻟﻲ ﺍﺳﺄﻟﻚ ﺳﺆﺍﻝ ﺍﺳﻪ ﻟﻮ ﻛﺎﻥ ﻋﻤﺮ ﺩﺍ ﺧﺎﻃﺐ ﻋﺪﻳﻞ ﻭﻻ ﻛﺎﻥ ﻣﺘﺰﻭﺝ ﺑﺖ ﺗﺎﻧﻴﺔ ﺇﻧﺘﻲ ﺣﺘﻌﻤﻠﻲ ﺷﻨﻮ؟ ! ﺻﺎﺡ ﻋﻨﺪﻙ ﺣﻖ ﺗﺰﻋﻠﻲ ﺑﺲ ﻟﻢ ﻫﻮ ﻋﺮﻑ ﺍﻟﺒﺖ ﺩﻳﻚ ﺇﻧﺘﻲ ﻛﻨﺘﻲ ﻣﺎﻑ ﻭﻻ ﻛﺎﻥ ﻣﻔﻜﺮ ﻳﺘﺰﻭﺝ ﺯﺍﺗﻮ .. ﻫﻮ ﻋﺮﻓﻬﺎ ﺍﺭﺑﻌﺔ ﺳﻨﻴﻦ ﻭﻡ ﺣﻜﻲ ﻟﻲ ﻋﻨﻬﺎ ﻭﻻ ﻗﺎﻝ ﻋﺎﻳﺰ ﻳﺘﺰﻭﺟﻬﺎ ﻭﺇﻧﺘﻲ ﻣﻦ ﻳﻮﻣﻴﻦ ﺑﺲ ﻣﺸﻲ ﻃﻠﺐ ﻳﺪﻙ ﻣﻦ ﺍﻫﻠﻚ ﻋﺮﻓﺘﻲ ﺍﻟﻔﺮﻕ ﺑﻴﻨﻚ ﻭﺑﻴﻨﻬﺎ؟ !! ﻭﻋﻤﺮ ﻡ ﺑﺸﻜﺮﻭ ﻟﻴﻚ ﻋﺸﺎﻥ ﻫﻮ ﻭﻟﺪﻱ ﺑﺲ ﻭﺍﻟﻠﻪ ﻻ ﺑﺘﺎﻉ ﺑﻨﺎﺕ ﻭﻻ ﺑﻴﻌﺮﻑ ﺑﻨﺎﺕ ﻣﻊ ﺍﻧﻮ ﻣﺎﺷﺎﺀﺍﻟﻠﻪ ﻭﺟﻴﻴﻴﻪ ﻭﻣﺤﺒﻮﺏ ﺑﺲ ﻣﺎﺑﻴﺸﺘﻐﻞ ﺑﻴﻬﻦ ﻛﺘﻴﺮ .. ﺧﻠﻴﻚ ﺑﺖ ﻭﺍﻋﻴﺔ ﻭﻧﺠﻴﻀﺔ ﻭﺍﻣﺴﻜﻲ ﺑﻴﺘﻚ ﻭﺍﻟﺮﺍﺟﻞ ﻟﻮ ﺑﺘﺎﻉ ﻧﺴﻮﺍﻥ ﺍﻟﻤﺮﺓ ﺍﻟﻔﺎﻟﺤﺔ ﺑﺘﺨﻠﻴﻬﻮ ﻡ ﻳﻘﺪﺭ ﻳﻌﺎﻳﻦ ﻟﻮﺣﺪﺓ ﻏﻴﺮﻫﺎ .. ﻭﻛﻼﻡ ﻛﺘﻴﻴﻴﺮ ﺑﺠﺪ ﻡ ﺗﺘﺨﻴﻠﻮ ﺭﻳﺤﻨﻲ ﻗﺪﺭ ﺷﻨﻮ ﺑﺲ ﺑﺮﺿﻮ ﺯﻋﻼﻧﺔ ﻣﻦ ﻋﻤﺮ .. ﺷﻜﺮﺗﻬﺎ ﻭﻗﻠﺖ ﻟﻴﻬﺎ ﺇﻥ ﺷﺎﺀﺍﻟﻠﻪ ﺑﺘﺘﺴﻬﻞ ﻭﺭﺟﻌﺖ ﺑﻴﺘﻲ .. ﻟﻘﻴﺖ ﻋﻤﺮ ﻗﺎﻋﺪ ﻭﻣﺘﻬﻮﻝ ﻟﻢ ﺷﺎﻓﻨﻲ ﺩﺧﻠﺖ ﻗﺎﻡ ﻣﺴﻜﻨﻲ ﻣﻦ ﻛﺘﺎﻓﻴﻨﻲ ﻭﺻﺪﻗﻴﻨﻲ ﺍﻧﺎ ﻣﺴﺘﺤﻴﻞ ﺍﺧﻮﻥ ﺛﻘﺘﻚ ﻭﺍﻧﺎ ﻭﺍﻟﻠﻪ ﻡ ﺣﺒﻴﺘﻬﺎ .. ﻭﻣﻊ ﺍﻧﻚ ﺯﻋﻼﻧﺔ ﻣﻨﻲ ﺑﺲ ﺍﻧﺎ ﺯﻋﻼﻥ ﻣﻨﻚ ﺍﻛﺘﺮ ﻻﻧﻚ ﻡ ﺑﺘﺜﻘﻲ ﻓﻴﻨﻲ ﻭﻻ ﺣﺘﻰ ﺑﺘﺜﻘﻲ ﻑ ﻧﻔﺴﻚ ﻭﺍﻟﻠﻪ ﻭﺍﻟﻠﻪ ﻱ ﻫﺒﻠﺔ ﺍﻧﺎ ﺑﺮﻳﺪﻙ ﺍﻧﺘﻲ ﻭﻋﻴﻮﻧﻮ ﺩﻣﻌﺖ ﺍﻧﺎ ﻭﺍﻗﻔﺔ ﺯﻱ ﺍﻟﺼﻨﻢ ﻋﻴﻮﻧﻲ ﻡ ﺭﻓﻌﺘﻬﺎ .. ﺧﻼﻧﻲ ﻭﺍﻗﻔﺔ ﻭﻃﻠﻊ ﻣﻦ ﺍﻟﺒﻴﺖ ... ﻗﻔﻠﺖ ﻋﻠﻲ ﺑﺎﺏ ﺍﻟﻐﺮﻓﺔ ﻭﺭﺍﺳﻲ ﻳﺨﺒﺖ ﻳﻤﻴﻦ ﻭﻳﺨﺒﺖ ﺷﻤﺎﻝ ﻭﻣﺎﻑ ﺷﻲﺀ ﺷﺎﻏﻞ ﺑﺎﻟﻲ ﻏﻴﺮ ﺍﻟﺒﺖ ﺍﻟﺴﻤﺤﺔ ﻛﺎﻥ ﻋﺎﺟﺒﺔ ﺭﺍﺟﻠﻲ .. ﻋﻤﺮ ﻳﺠﻲ ﻳﻠﻘﻲ ﺍﻟﺒﺎﺏ ﻣﻘﻔﻮﻝ ﻳﺪﻕ ﻡ ﺑﻔﺘﺢ ﻟﻴﻪ ﻳﻤﺸﻲ ﻛﻢ ﻣﺮﻩ ﻋﻤﻠﻬﺎ ﺍﺧﺮ ﻣﺮﻩ ﺟﺎﺗﻨﻲ ﻋﻼ ﻓﺘﺤﺖ ﻟﻴﻬﺎ ﺍﻟﺒﺎﺏ ﻗﺎﻟﺖ ﻟﻲ ﺗﻌﺎﻟﻲ ﺧﺘﻴﻨﺎ ﺍﻟﻌﺸﻰ ﻗﻠﺖ ﻟﻴﻬﺎ ﺷﺒﻌﺎﻧﺎ .. ﻛﺎﻥ ﺍﻟﻮﻗﺖ ﺯﻱ ﺗﻤﻨﻴﺔ ﻭﻻ ﺗﺴﻌﺔ ﺑﺎﻟﻴﻞ ﺷﻠﺖ ﻣﻼﻳﺔ ﺟﺪﻋﺘﻬﺎ ﻑ ﺳﺮﻳﺮ ﺍﻟﺒﺮﻧﺪﺓ ﺣﻘﺘﻲ ﻭﻗﻔﻠﺖ ﺍﻟﺒﺎﺏ .. ﺍﻇﻨﻮ ﻟﻢ ﺟﺎ ﻭﻟﻘﺎﻧﻲ ﻣﺮﻗﺖ ﻟﻴﻪ ﻏﻄﻰ ﻡ ﻗﺮﺏ ﻉ ﺍﻟﺒﺎﺏ ﻭﻻ ﺣﺘﻰ ﻧﺎﻡ ﻑ ﺍﻟﺒﺮﻧﺪﺓ ﻣﺸﻰ ﻧﺎﻡ ﻑ ﺍﻟﺼﺎﻟﻮﻥ ﻭﺍﻧﺎ ﺍﻟﻨﻮﻡ ﺣﻠﻒ ﻛﺎﻥ ﻳﺠﻴﻨﻲ ﺍﺗﻘﻠﺐ ﻟﻠﺼﺒﺎﺡ .. ﻟﻢ ﻗﻤﺖ ﺍﺻﻠﻲ ﺍﻟﺼﺒﺢ ﻟﻘﻴﺖ ﻋﻤﺘﻲ ﺻﺒﺤﺖ ﻋﻠﻴﻬﺎ ﻗﺎﻟﺖ ﻟﻲ ﺍﻇﻨﻚ ﻡ ﺍﺳﺘﻮﻋﺒﺘﻲ ﻛﻼﻣﻲ ﺍﻻﻣﺲ ﺍﻧﺎ ﺧﺠﻠﺖ ﻣﻨﻬﺎ ﻭﻗﻠﺖ ﻟﻴﻬﺎ ﺣﺼﻞ ﺧﻴﺮ ﻭﻛﻠﻮ ﺣﻴﺮﺟﻊ ﺯﻱ ﻡ ﻛﺎﻥ .. ﺍﺑﺘﺴﻤﺖ ﻭﻗﺎﻟﺖ ﻃﻤﻨﺘﻲ ﻗﻠﺒﻲ ﻭﻣﺸﺖ ﻭﺍﻧﺎ ﺭﺟﻌﺖ ﺑﻴﺘﻲ ﻛﺎﻥ ﺍﻟﻘﻲ ﻟﻲ ﻋﻤﺮ ﻗﺎﻋﺪ ﻑ ﺣﺎﻓﺔ ﺍﻟﺴﺮﻳﺮ ﻭﺑﺪﻕ ﺑﺎﺻﺒﻌﻮ ﻑ ﺳﻨﻮﻧﻮ ﻟﻢ ﺷﺎﻓﻨﻲ ﺍﺩﺍﻧﻲ ﻧﻈﺮﻩ ﺍﻟﻠﻴﻠﻪ ﻭﻭﻭﺏ ﺍﻧﺎ ﻗﻠﺖ ﺧﻼﺹ ﺍﻟﻠﻴﻠﺔ ﺑﻴﺨﻨﻘﻨﻲ ﺑﺲ ﻋﻤﻠﺖ ﻓﻴﻬﺎ ﻡ ﺷﻐﺎﻟﺔ ﺑﻴﻪ ﻛﺘﻴﺮ ﻭﻓﺮﺷﺖ ﻣﺼﻼﻳﺘﻲ ﻋﺎﻳﺰﻩ ﺍﺻﻠﻲ ﺟﺮﺍﻧﻲ ﻣﻦ ﺍﻟﻤﺼﻼﻳﺔ ﻭﺟﺎﻁ ﻓﻴﻨﻲ ﺍﻧﺎ ﻣﻘﺪﺭ ﻣﻮﻗﻔﻚ ﻭﻟﻴﻚ ﺍﻟﺤﻖ ﺗﺰﻋﻠﻲ ﺑﺲ ﻡ ﻛﻨﺖ ﻗﺎﻳﻠﻚ ﻃﻔﻠﺔ ﻭﺑﺘﺘﺼﺮﻓﻲ ﻛﺪﺍ ﺍﻧﺎ ﺧﻼﺹ ﺍﻟﺸﻮﺍﻃﻴﻦ ﻛﻠﻬﺎ ﺣﻀﺮﺕ ﻗﺪﺍﻣﻲ ﺍﻧﺎ ﻃﻔﻠﺔ ﻃﻴﺐ ﻣﻌﺮﺳﻨﻲ ﻟﺸﻨﻮ ﻣﻜﺎﻥ ﺗﻤﺸﻲ ﻟﺼﺤﺒﺘﻚ ﺍﻟﻔﺎﻫﻤﺔ ﺍﻟﻮﺍﻋﻴﺔ ﻭﻫﻮ ﺟﺎﻳﻂ ﻭﺍﻧﺎ ﺟﺎﻳﻄﺔ ﻛﺎﻥ ﺍﻟﻘﻰ ﻟﻴﻚ ﻋﺜﻤﺎﻥ ﻑ ﻧﺼﻨﺎ ﻣﺴﻚ ﺍﺧﻮﺓ ﻭﻃﻠﻊ ﺑﻴﻪ ﻭﺍﻧﺎ ﺟﺴﻤﻲ ﻛﻠﻮ ﺑﻘﻲ ﻳﺮﺟﻒ ﻣﻦ ﺍﻟﻐﻀﺐ .. ﺷﻮﻳﺔ ﻛﺪﺍ ﻭﺟﺎﻧﻲ ﻋﺜﻤﺎﻥ ﺧﺎﺷﻲ ﻭﻻ ﺍﺳﺘﺎﺫﻥ ﺟﺎ ﺧﺎﺷﻲ ﺗﻮﻭﻭﺵ ﻭﺍﻧﺎ ﺗﻮﺏ ﻡ ﻻﺑﺴﺔ .. ﻟﻢ ﺷﻔﺘﻮ ﻑ ﻣﻼﻳﺔ ﻗﺪﺍﻣﻲ ﺧﺘﻴﺘﻬﺎ ﻑ ﺭﺍﺳﻲ ﻭﻟﻔﺤﺘﻬﺎ ﻑ ﺟﺴﻤﻲ ﺟﺮﺍﻧﻲ ﻣﻦ ﻳﺪﻱ ﻭﻗﻌﺪ ﺧﻤﺒﻲ ﻑ ﺍﻟﺴﺮﻳﺮ ﺑﻘﻰ ﻳﻌﺘﺬﺭ ﻭﻳﻠﻌﻦ ﻑ ﺍﻟﻴﻮﻡ ﺍﻟﺨﻼﻫﻮ ﻳﻔﺘﺢ ﺍﻟﺴﻴﺮﺓ ﺩﻱ ﻭﻡ ﻛﺎﻥ ﻋﺎﺭﻑ ﺍﻧﻮ ﺍﻧﺎ ﺣﺰﻋﻞ ﻗﺪﺭ ﺩﺍ .. ﻭﻛﻼﻡ ﻛﺘﻴﺮ ﻭﺍﺗﺮﺟﺎﻧﻲ ﻋﺸﺎﻥ ﺍﺳﺎﻣﺢ ﻋﻤﺮ . ﻳﺘﺒﻊ