ﺍﻧﺎ ﺳﻮﺩﺍﻧﻲ
ﺑﻘﻠﻢ : ﺑﺮﻋﻲ ﺣﻤﺎﺩ
ﺍﻧﺎ ﺳﻮﺩﺍﻧﻲ ﺗﻜﻔﻲ ﻭﺗﻨﻔﻲ ﻟﻠﻘﺒﻠﻴﻪ
ﺍﺩﻡ ﻭﺣﻮﺍﺀ ﺷﻤﻌﻪ ﺑﻲ ﺍﻋﺘﺒﺎﺭﻩ ﺧﻠﻴﻪ
ﻟﻮ ﻋﺎﻳﻨﺎ ﺑﻲ ﻧﻈﺮﺓ ﺯﻛﺎﻭﻩ ﺟﻠﻴﻪ
ﺗﺨﺘﻠﻒ ﺍﻟﻤﺤﺎﺭﺕ ﻭﺗﺜﺒﺖ ﺍﻻﻟﻴﻪ
ﻛﻠﻨﺎ ﻃﻴﻦ ﻓﻴﺎ ﺍﺻﻔﺮ ﻭﻳﺎ ﺍﺳﻤﺮ ﻭﻳﺎ ﺍﺑﺮﻕ
ﺧﻠﻘﺔ ﺭﺑﻚ ﺇﻥ ﻣﺎ ﺭﺿﻴﺘﺎ ﺭﻭﺡ ﺍﻏﺮﻕ
ﻫﻨﺎﻙ ﻓﻲ ﺍﻟﺠﻨﺔ ﻣﺘﻜﺌﻴﻦ ﻓﻲ ﺍﺳﺘﺒﺮﻕ
ﺍﻟﺘﻘﻮﻯ ﺍﻟﻤﻨﺎﻁ ﻣﺎ ﻗﺎﻟﻮﺍ ﺍﺑﻴﺾ ﻭﺍﺯﺭﻕ
ﻫﻨﺎ ﺍﻟﺘﻔﻀﻴﻞ ﻣﻘﺪﺭ ﻭﺍﻟﺮﺿﺎﺑﻮ ﺳﻌﻴﺪ
ﻫﻨﺎﻙ ﻓﻲ ﺍﻟﺠﻨﺔ ﻓﺮﺣﻪ ﺍﺣﻠﻰ ﻣﻦ ﺍﻟﻌﻴﺪ
ﺍﻭﻋﻚ ﻣﻦ ﻟﺴﺎﻧﻚ ﻳﻤﺸﻲ ﺑﻴﻜﺎ ﺑﻌﻴﺪ
ﺗﺴﻤﻲ ﺍﻟﺨﺎﻟﻘﻬﻢ ﺭﺑﻚ ﺧﺪﻡ ﻭﻋﺒﻴﺪ
ﺍﻟﺴﻮﺩﺍﻥ ﻣﺴﻤﻰ ﻋﻠﻲ ﺳﻮﺍﺩﻧﺎ ﺍﻟﺪﺍﻛﻦ
ﻧﺤﻦ ﺍﻓﺎﺭﻗﻪ ﻭﺍﻻﻓﺮﻳﻘﻲ ﺭﺍﻛﺰ ﻭﻣﺎﻛﻦ
ﻳﺎ ﺍﻟﻔﻲ ﺣﻠﻔﺎ ﻭﺍﻟﻔﻲ ﻧﻤﻮﻟﻲ ﻭﺍﻟﻔﻲ ﺳﻮﺍﻛﻦ
ﻫﻨﺎﻙ ﻓﻲ ﺍﻟﺠﻨﻪ ﻣﺎ ﺑﻘﻮﻝ ﻟﻴﻚ ﻭﻳﻨﻚ ﺳﺎﻛﻦ
ﺑﺪﻭﻥ ﺟﻬﻮﻳﻪ ﺇﻋﺘﺰ ﺑﻲ ﻣﻜﺎﻥ ﻣﻴﻼﺩﻙ
ﻭﺇﺫﺍ ﻣﺎ ﻛﻨﺖ ﻓﺎﻫﻢ ﻓﻬﻤﻬﻢ ﺍﻭﻻﺩﻙ
ﺍﺑﻘﻰ ﺭﺳﺎﻟﻪ ﻟﻠﺒﻌﺪﻙ ﻭﻟﻲ ﺍﻧﺪﺍﺩﻙ
ﺍﺣﺘﺮﻡ ﺍﻟﺘﻨﻮﻉ ﻭﺍﺣﺘﺮﻡ ﺍﺟﺪﺍﺩﻙ
ﺍﻱ ﻣﺤﻠﻪ ﻓﻲ ﺍﺭﺽ ﺍﻟﻮﻃﻦ ﺫﺍﺕ ﻗﻴﻤﻪ
ﻭﺍﻱ ﻗﺒﻴﻠﻪ ﻓﻲ ﺍﻟﺴﻮﺩﺍﻥ ﻋﺰﻳﺰﺓ ﻛﺮﻳﻤﻪ
ﺍﻱ ﻗﻠﻮﺏ ﺑﺘﺮﺣﻢ ﺷﺎﻳﻠﻪ ﻧﻴﺔ ﺳﻠﻴﻤﻪ
ﻳﺎ ﺭﺏ ﺍﻟﻌﺒﺎﺩ ﻧﻌﻤﻚ ﻋﻠﻴﻬﺎ ﺗﺪﻳﻤﻪ
ﺍﻓﺨﺮ ﺑﻲ ﺍﺻﻮﻟﻚ ﻭﺑﻲ ﺍﺻﻮﻝ ﺳﻮﺩﺍﻧﻚ
ﻭﺍﻱ ﻗﺒﻴﻠﻪ ﻓﻲ ﺍﻟﺴﻮﺩﺍﻥ ﺟﺰﻡ ﺣﺒﺎﻧﻚ
ﻓﻜﺮ ﻓﻲ ﻛﻼﻣﻚ ﻗﺒﻞ ﻳﻤﻸ ﻟﺴﺎﻧﻚ
ﻭﺍﻋﺘﺰ ﺑﻲ ﻗﺒﻴﻠﺘﻚ ﻭﺑﻲ ﻗﺒﻴﻠﺔ ﺍﺧﻮﺍﻧﻚ