ﺍﻧﺎ ﺯﺍﺗﻲ ﻟﻤﻦ ﺍﻭﺻﻔﻚ
ﻭﺍﻟﻠﻪ ﻣﻨﻚ ﺑﺨﺘﺸﻲ
ﻭﺭﻳﻨﻲ ﺑﺲ ﻳﺎﺗﻮ ﺍﻟﺤﺮﻭﻑ
ﻋﻨﺪﻙ ﺗﻮﺍﺻﻞ ﻓﻲ ﺍﻟﻤﺸﻲ
ﺗﻮﺻﻒ ﻗﻠﻴﻞ ﻣﻦ ﺭﻭﻋﺘﻚ
ﺍﻭ ﻣﻦ ﺟﻤﺎﻟﻚ ﺍﻱ ﺷﻲ
ﺩﻱ ﺍﻟﺮﻭﺡ ﺃﺫﺍ ﻃﺎﻓﺖ ﻫﻮﺍﻙ
ﻛﻞ ﺍﻟﺪﻭﺍﺧﻞ ﺗﻨﺘﺸﻲ
ﺗﺮﻓﻊ ﺷﻌﺎﺭ ﺍﻟﻄﺎﻋﻪ ﻟﻴﻚ
ﺑﺎﻗﻲ ﺍﻟﺤﻮﺍﺱ ﺍﻟﻔﻲ ﺍﻟﻮﺷﻲ
ﺗﺪﻳﻚ ﺇﺫﻥ ﺣﻖ ﺍﻟﺪﺧﻮﻝ
ﺍﺩﺧﻞ ﺟﻮﺍﻱ ﻓﻲ ﻛﻞ ﺷﻲ
ﺍﻧﺎ ﺍﺻﻠﻲ ﺭﺍﺟﻴﻚ ﻣﻦ ﺯﻣﺎﻥ
ﻗﺒﺎﻝ ﺍﺷﻮﻑ ﺩﺭﺏ ﺍﻟﻤﺸﻲ
ﻗﺒﺎﻝ ﺍﺟﺮﺏ ﻟﻠﻐﺮﺍﻡ
ﻗﺒﺎﻝ ﻛﻤﺎﻥ ﻣﺎ ﺍﺧﺘﺸﻲ
ﺧﺎﺗﻴﻚ ﻣﻌﺎﻱ ﺍﺟﻤﻞ ﺧﻴﺎﻝ
ﻓﺎﺗﺖ ﺣﻘﻴﻘﺘﻚ ﺍﻱ ﺷﻲ

ﺍﻧﺖ ﻟﻮ ﺩﺍﻳـــﺮ ﺍﻟﺴﻌـــﺎﺩﻩ
ﻻ ﺗﺨﺎﺻـــﻢ ﻻ ﺗﺠــﺎﻓﻲ
ﻋﻴﺶ ﻛﺄﻧـﻚ ﺭﺍﺣﻞ ﺍﺳـﻪ
ﺑﻲ ﺿﻤﻴﺮ ﻣﺮﺗﺎﺡ ﻭﺻﺎﻓﻲ
ﻟﻤﺎ ﺗﺰﻋﻞ ﻣﻦ ﺣﺒﺎﻳـﺒﻚ
ﺑﻴﻘﺪﺭ ﺍﻟﺸﻴﻄﺎﻥ ﻳﻐُـﺸﻚ
ﺑﻠﻘﻲ ﺑﺎﺏ ﺍﻟﺠﻔـﻮﻩ ﻓﺎﺗﺢ
ﻳﺼﺤﺐ ﺃﻓﻮﺍﺟﻮ ﻭﻳﺨُﺸﻚ
ﺃﺻـﻠﻮ ﻣﺎ ﺗﺪﻳﻬﻮ ﻓﺮﺻـﻪ
ﺑﻲ ﻟﻬﻴﺒﻮ ﻳﺠﻲ ﻭ ﻳﺘُﺸﻚ
ﻧـــﺰّﻝ ﺍﻟـﻮﺭﻕ ﺍﻟﻜُـﺒـــﺎﺭ
ﻗﺒﻞ ﻳﻜـﺘﻞ ﻟﻴﻜـﺎ ﺩُﺷـﻚ
ﺍﻟﺒﺼــﻴﺒﻚ ﺑﻲ ﺷـــﺮﺍﺭﻩ
ﺃﻭﻋﻲ ﺗﺠﻔﺎﻫﻮ ﻭ ﺗﺤﻈﺮﻭ
ﺣﺎﻭﻝ ﺍﺳﻤﻊ ﻛﻞ ﻛـﻼﻣــﻮ
ﺍﻣﻜﻦ ﺇﻧﺖ ﺑــﺮﺍﻙ ﺗﻌـﺰﺭﻭ
ﻭﺍﻣﻜﻦ ﺍﻟﻤﻮﺿﻮﻉ ﺗﻌﺎﻟﺠـﻮ
ﺗﻠﻘﻲ ﻟﻴﻬﻮ ﺍﻟﺤﻞ ﻭ ﺟﺬﺭﻭ
ﻭﻟﻮ ﻧﻮﻳﺖ ﺗﻨﺄﻱ ﻭ ﺗﺨﺎﺻﻢ
ﺑﺒﻘﻲ ﺇﺑﻠﻴﺲ ﺃﻭﻓﻲ ﻧـﺬﺭﻭ
ﺍﻟﻌﺘـﺐ ﻣﺮﻓـﻮﻉ ﺑﻘــﻮﻟﻮ
ﻭ ﺍﻟﺰﻋﻞ ﺑﻌﻤﻲ ﺍﻟﺒﺼﻴﺮﻩ
ﻭﺍﻟﻨﻔﻮﺱ ﺍﻟﻤﺎ ﺑﺘﺴــﺎﻣﺢ
ﺍﻟﻨﻜــﺪ ﺑﻴﺼﺒﺢ ﻣﺼـﻴﺮﺍ
ﺣﻘﻮ ﻛﻞ ﺍﻟﻨﺎﺱ ﺗﺼــﺎﻓﻲ
ﻭﺑﺎﻟﻤﺤﺒـﻪ ﺗﻜﻮﻥ ﻧﺼﻴﺮﻩ
ﺷﺎﻥ ﺗﻜـﻮﻥ ﺍﻟﺪﻧـﻴﺎ ﺣﻠﻮﻩ
ﻣﺎ ﺍﻟﻌﻤﺮ ﺃﻳﺎﺍﺍﻡ ﻗﺼﻴﺮﺓ
______

ﺯﻭﻟﻲ ﺳﺮﺍﺍﺍﺍﻕ ..
ﺟﺎﺍﺍﺍﺩﺓ ﺳﺮﺍﺍﺍﺍﻕ ..
ﻓﻲ ﺍﻟﺒﺪﺍﻳﺔ ﺳﺮﻕ ﺣﻮﺍﺳﻲ
ﻗﻠﺖ ﺧﻴﻴﻴﺮ ﻇﻨﻴﺘﺎ ﻋﺎﺩﺓ ..
ﺗﺎﻧﻲ ﺣﺎﺟﺔ ﺳﺮﻕ ﻗﻠﻴﺒﻲ ..
ﻗﻠﺖ ﺧﻴﻴﻴﺮ ﺃﻧﺎ ﻗﻠﺒﻲ ﻧﺎﺩﺍ
ﺗﺎﻧﻲ ﺟﺎﻧﻲ ﺳﺮﻕ ﺭﻭﻳﺤﺘﻲ ..
ﻗﻠﺖ ﻳﻤﻜﻦ ﺯﺍﺍﺍﺍﺗﻬﺎ ﺭﺍﺩﺍ ..
ﻭ ﺗﺎﻧﻲ ﺑﻌﺪﻫﺎ ﺷﺎﻝ ﺍﻧﻴﻨﻲ ..
ﺑﻌﺪ ﻣﺎ ﺍﺗﻘﻦ ﻭ ﺍﺟﺎﺩﺍ ..
ﻭ ﺗﺎﻧﻲ ﻟﻮﻥ ﻟﻲ ﺣﻴﺎﺗﻲ ..
ﺍﻟﻜﺎﻧﺖ ﻗﺒﻴﻞ ﻗﺒﺎﻟﻮ ﺳﺎﺩﺓ ..
ﻭ ﺯﻭﻟﻲ ﺳﺮﺍﺍﺍﺍﻕ ﺯﻱ ﻣﺎ ﺷﻔﺘﻮﺍ
ﺳﺮﻗﺔ ﺑﺘﺠﻴﺐ ﺍﻟﺴﻌﺎﺩﺓ

ﻳﺎ ﻃﺎﻟﻊ ﺍﻟﺸﺎﺭﻉ
ﻳﻼﻙ ﻧﺤﺘﺞ
ﻧﺼﺮﺥ ﻭﻧﺘﻈﺎﻫﺮ
ﻭﺍﻟﻜﻠﻤﺔ ﻫﻲ ﺍﻟﺤﺠﺔ
ﻳﻼﻙ ﻧﻘﻮﻝ ﺍﻟﺤﻖ
ﻧﻤﻼ ﺍﻟﺒﻠﺪ ﺿﺠﺔ
ﺳﻮﺩﺍﻧﻨﺎ ﻓﻮﻕ ﺍﻟﻜﻞ
ﻻ ﺭﺍﺿﻲ ﻋﻴﺸﺔ ﺍﻟﺬﻝ
ﻻ ﻃﺎﻟﻊ ﺃﺗﺮﺟﻰ
ﻃﺎﻟﻊ ﺃﺷﻴﻞ ﺣﻘﻲ
ﻭﺍﺯﻥ ﻛﻼﻣﻲ ﻗﺒﻴﻞ
ﻣﺎﺟﺎﻱ ﺃﺗﻬﺠﺎ
ﺳﻠﻤﻴﺔ ﺳﻠﻤﻴﺔ
ﻭ ﺃﻣﻼﻛﻨﺎ ﻣﺤﻤﻴﺔ
ﻭﺃﺻﻮﺍﺗﻨﺎ ﻣﺴﻤﻮﻋﺔ
ﻭﺍﻟﺮﺍﻳﺔ ﻣﺮﻓﻮﻋﺔ
ﺿﺪ ﺍﻟﺤﺮﺍﻣﻴﺔ
ﻳﺎ ﻃﺎﻟﻊ ﺍﻟﺘﺎﺗﺸﺮ
ﻭﻳﺎ ﻣﺎﺳﻚ ﺍﻟﺪﻭﺷﻜﺎ
ﻳﺎ ﺧﻮﻱ ﻭﻭﺩ ﺃﻣﻲ
ﻳﺎ ﺍﻟﺪﺍﺭﻱ ﺑﻲ ﻫﻤﻲ
ﺃﻧﺎ ﻃﺎﻟﻊ ﺍﻟﺸﺎﺭﻉ
ﻭﻣﺄﻣﻨﻚ ﺩﻣﻲ
ﻣﺎ ﺗﺴﺘﺒﻴﺢ ﺩﻣﻲ
ﻣﺎﺗﺴﺘﺒﻴﺢ ﺩﻣﻲ
ﺳﻠﻤﻴﺔ ﺳﻠﻤﻴﺔ
ﻭﺍﻟﻌﺰﺓ ﺃﻭﻃﺎﻧﻲ
ﺃﺣﻤﻴﻚ ﻭﺗﺤﻤﻴﻨﻲ
ﻻ ﺫﻟﺔ ﻣﻦ ﺗﺎﻧﻲ
ﻣﺎ ﺇﻧﺖ ﺳﻮﺩﺍﻧﻲ
ﻭﺃﻧﺎ ﺫﺍﺗﻲ ﺳﻮﺩﺍﻧﻲ
ﺳﻮﺩﺍﻧﻲ ﻳﺎ ﻏﺎﻟﻲ
ﻳﺎ ﺃﺭﺽ ﺣﺮﻳﺔ
ﺗﻔﺪﺍﻙ ﺃﺭﻭﺍﺣﻨﺎ
ﻭﺃﻣﻼﻛﻨﺎ ﻣﺤﻤﻴﺔ
ﻣﺮﻗﺘﻨﺎ ﻣﺸﺮﻭﻋﺔ
ﺛﻮﺭﺗﻨﺎ ﺳﻠﻤﻴﺔ
ﻻ ﻻﻣﺔ ﻣﺮﺗﺰﻗﺔ
ﻻ ﺩﻳﻞ ﺣﺮﺍﻣﻴﺔ
ﻳﺎ ﻃﺎﻟﻊ ﺍﻟﺸﺎﺭﻉ
ﺃﺻﺮﺥ ﺑﻌﻠﻮ ﺍﻟﺼﻮﺕ
ﺳﻠﻤﻴﺔ ﺳﻠﻤﻴﺔ
ﺣﺮﻳﺔ ﺣﺮﻳﺔ

ﻣﻨﻚ ﺑﺪﻳﺖ ﻣﺸﻮﺍﺭ ﻫﻮﺍﻱ
ﻭﻣﺸﻴﺖ ﻣﻌﺎﻙ ﻓﻲ ﺍﻟﺮﻳﺪ ﺧﻄﺎﻱ
ﻳﺎﻏﻴﻤﺔ ﺟﺎﺕ ﻣﻦ ﻏﻴﺮ ﺇﺫﻥ
ﻇﻠﻠﺖ ﺃﺣﺰﺍﻧﻲ ﺷﻘﺎﻱ
ﺭﺷﻴﺖ ﻣﺴﺎﻣﺎﺕ ﺍﻟﺒﻌﺎﺩ
ﺍﻧﻌﺸﺖ ﺍﻣﻠﻲ ﻭ ﻣﻨﺎﻱ
ﻳﺎﺻﻮﺕ ﻧﻐﻢ ﺩﻭﺑﻴﺖ ﻭﻧﻢ
ﻭﻛﻤﺎﻥ ﻭﻧﺎﻱ
ﻣﺮﺳﻮﻣﻪ ﻓﻴﻚ ﻟﻮﺣﺔ ﻋﻤﺮ
ﺷﺎﻳﻔﺎﻙ ﻋﻠﻲ ﺍﺣﺮﻑ ﻏﻨﺎﻱ
ﺗﻤﺮﻕ ﻣﻦ ﺍﺣﺴﺎﺱ ﺍﻟﻌﺪﻡ
ﺗﺪﺧﻞ ﻋﻠﻲ ﺫﺭﺍﺕ ﻫﻮﺍﻱ
ﺑﺘﻮﻧﺴﻚ ﻣﻦ ﻏﻴﺮ ﻛﻼﻡ
ﻭﺃﻧﺪﻩ ﻋﻠﻴﻚ ﺍﺳﻤﻊ ﻧﺪﺍﻱ
ﺷﺎﻳﻔﺎﻙ ﻋﻠﻲ ﺿﻮ ﺍﻟﻘﻤﺮ
ﻭﻛﻞ ﺍﻟﻨﺠﻮﻡ ﺷﺎﻫﺪﻳﻦ ﻣﻌﺎﻱ
ﺳﺎﻓﺮ ﺧﻴﺎﻟﻲ ﻋﻠﻴﻚ ﻣﺸﻲ
ﺧﻼﻧﻲ ﻋﺰ ﺍﻟﺸﻮﻕ ﺑﺮﺍﻱ

ﻟـــﻤــﺎ ﺯﻭﻝ ﻳــﻨــﺴـــﺎﻛــ ﺑــــﺮﺍﻫــﻮ
ﺍﻭﻋـــﺔ ﺗــﺎﻧـﻲ ﺗــﻜــﻮﺱ ﺭﺿــﺎﻫـﻮ
ﺳــﻴــﺒـﻮ ﻳــﺮﺣـﻞ ﻳـﻤﺸـﻲ ﻣـﻨـﻜـ
ﺍﻭﻋـــــــﺔ ﺗــــﻨــﺪﻣـ ﺑــــﻲ ﻭﺭﺍﻫـــﻮ
ﻣـــﺪﺍﻣـ ﺑــــﺮﺍﻭ ﺍﺧــــﺘــــﺎﺭ ﻃـﺮﻳـﻘﻮ
ﻭﺑــــﺪﻝ ﺍﻟــﻘــــﻠــــﺐ ﺍﻟــﻬـــﻮﺍﻫــﻮ
ﻣــــﺎﺑــﻴـــﺴـﺗــﺎﻫــﻞ ﺩﻣــــﻮﻋــﻜــ
ﻭﻫــﻲ ﺯﺍﺗــﺔ ﻣـﺎ ﺑﺘــﻔﺮﻕ ﻣـﻌـﺎﻫـﻮ
ﻭﻟـــﻮ ﺑــﻘـــﺪٌﺭ ﻳـــﻮﻣـ ﻣــﺸــﺎﻋـﺮﻛـ
ﺍﻟــﻔـــﺮﺍﻕ ﻣـــﺎﻛـــــﺎﻥ ﺑــــﺪﺍﻫـــــﻮ !!
ﻭﺍﻟـــﻘـــﻠــﻴــﺐ ﺍﻟـــﻜـــﺎﻥ ﺑــﺮﻳــــﺪﻭ
ﻳــﺒـــﻘــﻰ ﻟــﻴـــﻬـ ﺍﻟــﺠﻮﺭ ﺟـﺰﺍﻫـﻮ؟
ﺑـــﻜــــﺮﺓ ﻳــﻌــــﺮﻓـ ﺍﻧـــــﻮ ﻇـــﺎﻟـــﻢ
ﻭﺍﻟـــﻐــــﺮﻭﺭ ﺍﻟـــﻔـــﻴــــﻮ ﻋــﻤـﺎﻫـﻮ
ﻭﺗــــﺎﻧــﻲ ﻳـــﺮﺟــﻊ ﻟــﻴــــﻜـ ﻧـﺎﺩﻣـ
ﺍﻭﻭﻭﻋﻪ ﺗــﺮﺣـﻤـ ﻟﻲ ﺑــﻜﺎﺍﺍﺍﺍﺍﺍﻫــﻮ
ﺳــﻴــﺒــﻮ ﻳـــﻌــﺮﻓـ ﺍﻧــﺖ ﻗــﻴـﻤﺘـﻜـ
ﻣــﺶ ﺯﻣــــﺎﻥ ﺣـــﺒــﻜـ ﻧــﺴـﺎﻫـﻮ؟؟
ﺗــﺎﻧــﻲ ﻟـــﻴـــﻬـ ﺭﺍﺟـــﻊ ﻋـﺸﺎﻧـﻜـ
ﺑــﻌــــﺪ ﺍﻳــــﻪ ﺣــﺒــﻜـ ﻃــــﺮﺍﻫــــﻮ
ﺑـــــﻌــــﺪ ﻣـــــــﺎ ﺧـــــﻼﻛـ ﺗـــﻨــﺰﻓـ
ﻭﺩﺭﺑــﻮ ﻣـــﻦ ﻏــﻴــﺮﻛـ ﻣــﺸــﺎﻫــﻮ

ﺍﺻﻠــﻮ ﺍﻟﺪﻧﻴﺎ ﻟﻤـﺎ ﺗﻀﻴﻖ
ﺑﺘﻘـﻔﻞ ﻓﻲ ﻭﺷﻴﻚ ﺍﻟﺒﺎﺏ
ﺩﺣﻴﻦ ﺍﺳـﺘﻐﻔﺮ ﺍﻟﻠـﻪ ﻛﺘﻴﺮ
ﻭﺭﺏ ﺍﻟﻨــﺎﺱ ﻏﻔﻮﺭ ﺗﻮﺍﺏ
ﻭﺇﺧﺘﺎﺭ ﺍﻟﺼـﺪﻳﻖ ﺍﻟﺼـــﺎﺡ
ﻭﺧﺖ ﻟﻠﺨـﻮﺓ ﺍﻟﻒ ﺣـﺴﺎﺏ
ﻣﺎ ﺗﺘـﺠﺎﺭﻯ ﻟـﻲ ﺍﻟـﻤﺎﺑﻴﻚ
ﻭﻻ ﺗﺪﻧﻲ ﺗﺒــﻘﻲ ﺫﻟـــﻴﻞ
ﻭﺧﻠﻲ ﺍﻟﺪﻧﻴﺎ ﺗﻜﺸﻒ ﻟـﻴﻚ
ﻣﻮﺍﻗﻔﻚ ﺳﻴﺒﺎ ﺗﺒﻘﻲ ﺩﻟﻴﻞ
ﻭﺑﺘﻮﺭﻳــﻚ ﻣــﻨﻮ ﺍﻟـﻤﺎﻟﺢ
ﺍﻟﻔﻲ ﺍﻟﺴﻜﺔ ﻣﺎﺷﻲ ﻋﺪﻳﻞ
ﻣﻨـﻮ ﺍﻟـﻔﻲ ﺩﻧﻴـﺘﻚ ﺗﺮﻋـﺔ
ﻭﻣﻨﻮ ﺍﻟﻜﺎﻥ ﻓﻲ ﺣﻴﺎﺗﻚ ﻧﻴﻞ
ﺣـﻴﺎﺗﻚ ﻻ ﺗﺨــﻠﻬﺎ ﺳـﺎﻱ
ﻭﺍﻭﻋﻲ ﺗﺮﺍﻓﻖ ﺍﻟﻤﻮﻟﻴـﻚ
ﻭﺣﺎﻭﻝ ﺍﻓـﻬﻢ ﺍﻟﺤﻮﻟﻴﻚ
ﻭﻣـــﻬﺎ ﺑﻜـﺘّـــــﻚ ﺍﻳــﺎﻡ
ﺍﻛﻴﺪ ﺑﺎﻛﺮ ﺑﺘــﻀﺤﻚ ﻟــﻴﻚ
ﻭﺍﻛِــﺮﻡ ﻛــﻞ ﺯﻭﻝ ﺧﺎﻭﺍﻙ
ﻭ ﺍﻟﺒﺘــﺴﻮﻱ ﺑــﺮﺟﻊ ﻟﻴﻚ

ﺗﺼﻌﺐ ﻣﻌﺎﻙ ﻟﻐﺘﻲ ﻭﺗﻘﻴﻒ
ﻛﻞ ﺍﻟﺤﺮﻭﻑ ..
ﻟﻮ ﺟﺎﺕ ﺗﻮﺻﻒ ﺩﻫﺸﺘﻲ .
ﻭﺑﺼﻌﺐ ﻛﻤﺎﻥ ﻛﻞ ﺍﻟﻜﻼﻡ
ﻟﻮ ﻗﻠﺘﺎ ﺍﻛﺘﺐ ﻗﺼﺘﻚ
ﻭﻋﺎﺭﻑ ﺑﺪﺍﻳﺘﻚ ﻗﺼﺘﻲ
ﺍﻟﻨﺎﺱ ﺗﻐﻴﺮ ﻓﻲ ﺍﻟﺤﺮﻭﻑ
ﺗﺮﺳﻢ ﺻﻮﺭ ..
ﻭﺗﺸﺒﻬﻚ
ﺍﻧﺎ ﻣﻴﻦ ﺑﺸﺒﻪ ﻓﺮﺣﺘﻲ؟
ﻟﻮ ﻗﻠﺘﺎ ﻟﻴﻚ ﺍﻧﺘﻲ ﺍﻟﻘﻤﺮ
ﺧﺎﻳﻒ ﺍﺿﻴّﻊ ﻭﺟﻬﺘﻚ
ﻭﺍﻧﺎ ﺍﺻﻠﻲ ﻋﺎﺭﻓﻚ ﻭﺟﻬﺘﻲ
ﻭﻋﺎﺭﻑ ﻛﻤﺎﻥ ﺍﻧﻚ ﻣﻼﻙ
ﻣﺨﻠﻮﻗﺔ ﻣﻦ ﺑﻌﻀﻚ ﺑﺮﺍﻙ
ﻭﺍﻧﺎ ﺑﻴﻜﻲ ﺧﺎﻟﻖ ﺩﻧﻴﺘﻲ
ﻭﻓﺮﺣﺎﻥ ﺍﻃﺮّﺯ ﻓﻲ ﺍﻟﻨﺠﻮﻡ
ﺍﺭﺳﻢ ﻣﻼﻣﺢ ﺭﻭﺣﻲ ﺑﻴﻚ
ﻭﺍﺧﺘﺮﺗﺎ ﺭﻳﺪﻙ ﺣﺮﻓﺘﻲ
ﺯﻱ ﺍﻳﻲ ﺷﻴﺊ ...
ﺩﺳﻴﺖ ﻣﻼﻣﺤﻚ ﻓﻲ ﺍﻟﻘﻠﺐ
ﻭﻣﻌﺎﻛﻲ ﻛﺒﺮﺕ ﻋﺮﻓﺘﻲ
ﻳﺎﺭﻭﻋﺔ ﺍﻟﺴﺤﺮ ﺍﻟﺤﻼﻝ
ﻟﻮ ﻗﺎﺳﻮﺍ ﺳﺤﺮ ﺍﻟﺪﻧﻴﺎ ﺑﻴﻚ
ﺣﺘﺰﻳﺪﻱ ﺣﺘﻤﺎ ﺭﻭﻋﺘﻲ
ﻭﺗﻠﺒّﺴﻲ ﺍﻟﻨﺎﺱ ﺍﻟﻔﺮﺡ
ﻳﺒﻘﻰ ﺍﻟﻔﺮﺍﺵ ﻫﻮ ﺍﻟﺒﺸﺒﻬﻚ
ﻭﺍﻟﻨﻴﻞ ﺿﻔﺎﻳﺮﻭ ﺗﻤﺸﻄﻲ
ﻭﺗﻮﺳﺪﻱ ﺍﻟﻨﺪﻯ ﻣﻦ ﺷﺬﺍﻙ
ﺍﺻﻠﻚ ﺑﺮﺍﻙ ..
ﻣﻌﺠﻮﻧﺔ ﻣﻦ ﻃﻴﻨﺔ ﻫﻮﺍﻱ
ﻳﺎ ﺳﺘﻲ ﻃﻴﻨﻚ ﺳﻜﺘﻲ
ﻣﺎ ﺍﺻﻠﻲ ﻣﺘﻌﻮﺩ ﺍﺟﻴﻚ
ﺯﻱ ﻛﻞ ﻳﻮﻡ ﻻﺑﺲ ﺣﻠﻢ
ﺑﺲ ﺧﻮﻓﻲ ﻧﻮﻣﻲ ﺗﺸﺘﺘﻲ
ﻭﺍﻧﺎ ﺍﺻﻠﻲ ﺿﺎﻳﻊ ﻣﻦ ﺯﻣﻦ ..
ﺣﻤﻠﺖ ﺍﺭﺍﺿﻲ ﺍﻟﻠﻘﻴﺎ ﺑﻴﻚ
ﺑﺎﻟﻠﻪ ﺿﻌﻔﻚ ﺣﺘﺤﺘﻲ
ﻳﺎ ﺍﺑﻘﻰ ﻛﻞ ﺍﻟﺴﻜﺔ ﻟﻴﻚ
ﺍﻓﺮﺵ ﻣﺴﺎﺣﺎﺗﻚ ﻋﺸﻖ
ﺍﻭ ﻳﺒﻘﻰ ﻗﻠﺒﻚ ﺳﻜﺘﻲ

ﻣﻤﻜﻦ ﺟﺪﺍ ﺯﻭﻟﺔ ﺗﺤﺒﻚ
ﺗﻬﻮﻯ ﻭﺟﻮﺩﻙ ﻭﻛﻞ ﺍﻭﻛﺎﺗﻚ
ﻭﻋﺎﺩﻱ ﺗﺤﺒﻚ ﻟﻤﻦ ﺗﺪﻣﻦ
ﻟﺤﻈﺔ ﻗﺮﺑﻚ ﻭﻛﺮﺳﻲ ﺣﻴﺎﺗﻚ
ﻭﺟﺪﺍ ﺗﻔﺮﺡ ﻟﻤﺎ ﺗﺸﻮﻓﻚ
ﻭﺟﺪ ﺑﺎﻟﺠﺪ ﺗﺤﻠﻒ ﺑﺤﻴﺎﺗﻚ
ﻭﻣﻤﻜﻦ ﺗﺴﻬﺮ ﻟﻤﺎ ﺗﺠﺎﻓﻲ
ﻭﻟﻤﺎ ﻳﻐﻴﺐ ﺍﻟﺸﻮﻕ ﻋﻦ ﺫﺍﺗﻚ
ﻭﻣﻤﻜﻦ ﺗﺰﻋﻞ ﻟﻤﺎ ﺗﺴﺎﻓﺮ
ﻭﻟﻤﺎ ﺗﺰﻳﺪ ﺗﻜﺘﺮ ﺍﻫﺎﺗﻚ
ﻭﺟﺪﺍ ﺗﻔﺮﺡ ﻟﻤﺎ ﺗﺼﻮﻧﻚ
ﻭﻟﻤﺎ ﺍﻟﺤﺐ ﻳﺴﻜﻦ ﺣﺪﻗﺎﺗﻚ
ﺯﻭﻟﺔ ﺗﺤﺒﻚ ﻟﻤﺎ ﺗﻐﺎﻟﻂ
ﺗﺪﻣﻦ ﺭﻭﺣﻚ ﻭﻛﻞ ﺻﻔﺎﺗﻚ
ﻭﺗﺤﻠﻒ ﺍﻧﻚ ﺯﻳﻚ ﻣﺎﻓﻲ
ﻭﻋﺎﺩﻱ ﺗﺤﺒﻚ ﺑﺲ ﻟﺰﺍﺗﻚ
ﻭﻣﻤﻜﻦ ﺗﻮﻫﺐ ﺭﻭﺣﺎ ﻋﺸﺎﻧﻚ
ﻭﺗﺒﻘﻰ ﺗﺨﻔﻒ ﺑﺲ ﺃﺯﻣﺎﺗﻚ
ﺯﻭﻟﺔ ﺑﺕﺸﻐﻞ ﻟﺐ ﺍﻟﻔﻜﺮﺓ
ﻭﺗﻨﻈﻢ ﻣﻦ ﺍﻟﺪﺭ ﺑﺴﻤﺎﺗﻚ
ﺯﻭﻟﺔ ﺗﺤﺒﻚ ﺭﻏﻢ ﻏﺮﻭﺭﻙ
ﻭﻳﻤﻜﻦ ﺗﻐﻔﺮ ﻟﻴﻚ ﻫﻨﺎﺗﻚ
ﺯﻭﻟﺔ ﺗﺤﺒﻚ ﺣﺐ ﻣﺎ ﻋﺎﺩﻱ
ﺯﻭﻟﺔ ﺗﺤﺴﻚ ﺭﻏﻢ ﺳﻜﺎﺗﻚ
ﺗﺸﺘﻞ ﺭﻳﺪﻙ ﻓﻲ ﺍﻭﺻﺎﻻ
ﻭﺗﺰﺭﻉ ﻓﻞ ﻓﻲ ﻛﻞ ﺑﺎﺣﺎﺗﻚ
ﺯﻭﻟﺔ ﺗﺤﺒﻚ ﺣﺪ ﺍﻟﺪﻫﺸﺔ
ﺗﺒﻘﻰ ﺗﻌﻄﺮ ﻛﻞ ﺳﺎﺣﺎﺗﻚ
ﻟﻮ ﺑﺲ ﻃﻴﻔﺎ ﺍﺗﺤﺪﻯ ﻣﻨﺎﻣﻚ
ﺍﻋﺮﻑ ﺇﻧﻬﺎ ﻓﺮﺻﺔ ﻭﺟﺎﺗﻚ

ﺃﻣﺎﻧﺔ ﻋﻠﻴﻚ .. ﺗﺨﺖ ﺑﺎﻟﻚ ﻋﻠﻰ ﺍﻟﺠﻮﺍﻙ .. ﻋﻠﻲ ﺍﻟﺤﻠﻢ ﺍﻟﺒﻨﻴﻨﺎ ﺑﻴــــــــــﻮﺕ
ﻋﻠﻲ ﺍﻟﺴﺮ ﺍﻟﺪﻓﻨّﺎ ﻛــــــــــــــــــــــــــﻼﻡ .. ﺗﺤﺖ ﻭﺟﻊ ﺍﻟﻠﻴـــــــﺎﻟﻲ ﺳﻜﻮﺕ
ﺃﻣﺎﻧﺔ ﻋﻠﻴﻚ .. ﻗﺒﻞ ﺗﺮﺣﻞ ﻣﻊ ﺍﻷﻳﺎﻡ .. ﺗﺸﻴﻞ ﺣﻠﻮ ﺍﻷﻣﺎﻧﻲ ﺗﻔــــــــــــــﻮﺕ
ﺗﺪﺱ ﻓﻲ ﺑﻴﺮ ﺣﻮﺍﺳﻚ ﺭﻳــــــــﺪ ... ﺳﻘﻴﻨﺎ ﻭﻓـــــــــﺎ ﻭ ﺣــﻤﻴﻨﺎ ﻳﻤـــــــﻮﺕ
ﻭ ﺍﻣﺎﻧﺔ ﻋﻠﻴﻚ ﻳﻈﻞ ﺍﺳﻤﻚ ﺣﺮﻭﻑ ﻣﻦ ﻧﻮﺭ ﻋﻠﻲ ﺣﻴﻂ ﺍﻟﻔﺆﺍﺩ ﻣﺸﺨــﻮﺕ
.........
ﻋﻬﻮﺩﻱ ﻣﻌﺎﻙ ﺃﻣﻮﺕ ﻭﺍﻗﻒ ... ﻋﻠﻲ ﺑﺎﺏ ﺍﻟﻬـــــــــــــــــــﻮﻯ ﺍﻟﻤﻔﺘﻮﺡ
ﺍﻧﺎ ﺍﻟﺒﺮﺣﻞ ﻣﺤـــــــــــﻞ ﺗﺮﺣــــــــــﻞ ... ﻏﻤﺎﻣﺔ ﻋﻠﻴﻜﺎ ﻭ ﻳﻦ ﻣﺎ ﺗﺮﻭﺡ
ﻷﻧﻚ ﺇﻧﺖ ﻓﻲ ﺍﻟﻮﺟـــــــــــــــــــــﺪﺍﻥ ... ﻣﺸﻜﻦ ﺑﻴﻦ ﺣـــــــﻨﺎﻳﺎ ﺍﻟﺮﻭﺡ
ﻣﻮﺳﻤﺔ ﺑﻴــــﻚ ﺗﻔﺎﺻﻴﻠـــــﻨﺎ ... ﻭ ﻣﻀﻤﺪﺍ ﺑﻲ ﻏـــــــــــــــﻨﺎﻙ ﺟﺮﻭﺡ
ﺗﻌﻴﺶ ﻓﻲ ﺫﺍﺗﻲ ﻭ ﺍﻟﺬﻛــــــــﺮﻯ .. ﻣﺘـﻞ ﺻـــــــﻔﻖ ﺍﻟﺸﺘــﻲ ﺍﻟﻤﺤﺘﻮﺕ
ﺃﻣﺎﻧﺔ ﻋﻠﻴﻚ ...
ﺳﻨﻴﻦ ﺍﻹﻟﻔـــﺔ ﺑﻴـــــــﻨﺎﺗﻨﺎ .. ﻗﻤـــــــــــﺮ ﻟــــــــــﻴﻼﺗﻚ ﺍﻟﺼـــﺎﻓﻲ
ﺗﻔﺎﺻﻴﻞ ﺭﻭﻋﺘﻚ ﺟـــــــــــــﻮﺍﻙ ... ﻣﻨﺎﺑﻊ ﺇﺣﺴــــﺎﺳﻚ ﺍﻟﺪﺍﻓـــﻲ
ﺣﻮﺍﺱ ﺧﻠﻴﺘﺎ ﻳﺎﻟﻤﺤﺒـــــــــــــﻮﺏ .. ﻭﺭﺍﻙ ﻻ ﻓﻴــــــــــــــﻨﺎ ﻻﻣﺎﻓﻲ
ﺗﻤﻮﺕ ﺑﻲ ﺷﻮﻗـــــــــــﻚ ﺍﻷﻓﺮﺍﺡ ... ﺃﻣﺪ ﺑﺎﻟﻠﻬﻔﺔ ﺍﻃـــــــــﺮﺍﻓﻲ
ﻣﻜﺎﻥ ﻣﺎ ﻋﺸﺖ ﻓﻲ ﺍﻷﻋﻤﺎﻕ .. ﻫﻨﺎﻙ ﻛﻠﻚ ﻋﺸﻖ ﻣﺨـــــــــﺘﻮﺕ
..........
ﺍﻣﺎﻧﻲ ﻭﺭﺍﻙ ﻣﺎﺑﺘﻨﺴــــــﺎﺏ .. ﻋﻠﻲ ﻃﺮﻑ ﺍﻟﻌﻴﻮﻥ ﺩﻣــــــــﻌﺎﺕ
ﺍﻣﺶ ﻭ ﺍﻧﺎ ﺑﺎﻷﻣﺎﻧﻲ ﺍﺭﺟﺎﻙ .. ﺳﻨﻴﻦ ﻋﻤﺮ ﺍﻟﺠﻔﺎ ﺍﻟﺠﺎﻳــــــــﺎﺕ
ﻭ ﺍﻣﺎﻧﺔ ﻋﻠﻴﻚ ﻣﺤﻞ ﺗـــــــﻨﺰﻝ ... ﺗﻤــــﺪ ﺣﺒﻞ ﺍﻟﻤﺤﺒﺔ ﺻــﻼﺕ
ﻳﺸﻊ ﻧﻮﺭ ﺍﻟﻮﻓﺎ ﺍﻟﻤﺎﻟﻴــــــــــﻚ .. ﺗﺒﻖ ﻟﻴﻞ ﺍﻟﻔﺮﺍﻕ ﻏــــــﻨﻮﺍﺕ