ﺻﺒﺎﺣﻜﻢ ﺧﻴﺮ - ﺩ ﻧﺎﻫﺪ ﻗﺮﻧﺎﺹ
ﺍﺳﺘﺮﺍﺣﺔ ﺍﻟﺠﻤﻌﺔ : ﻳﻮﻣﻴﺎﺕ ﺍﻟﺤﺠﺮ ﺍﻟﻤﻨﺰﻟﻲ ‏( 3 ‏)
ﺑﺴﻢ ﺍﻟﻠﻪ ﻧﺒﺪﺃ .. ﺃﺻﺪﻗﺎﺀ ﺍﻟﺤﺮﻭﻑ .. ﺍﻥ ﺩﺍﺭ ﻣﺤﻮﺭ ﺳﺆﺍﻟﻜﻢ ﻋﻨﻲ ... ﻓﺎﻟﺤﻤﺪ ﻟﻠﻪ ﺃﻧﺎ
ﺑﺨﻴﺮ ﻭﻻ ﺯﺍﻟﺖ ﻗﻮﺍﻱ ﺍﻟﻌﻘﻠﻴﺔ ﻣﺘﻤﺎﺳﻜﺔ ﺭﻏﻢ ﺍﻟﻤﺼﺎﺋﺐ ﻭﺍﻟﻤﺤﻦ .. ﺻﺒﺎﺡ ﺍﻟﻴﻮﻡ ﺍﺑﻨﺘﻲ
ﻭﺑﺎﻛﻮﺭﺓ ﺍﻧﺘﺎﺟﻲ ‏( ﻫﻨﺪ ‏).. ﺃﺗﺖ ﺍﻟﻲ ﻭ ﺍﺑﺘﺴﺎﻣﺘﻬﺎ ﺗﻤﻸ ﻭﺟﻬﻬﺎ .. ﻣﺪﺕ ﻟﻲ ﺑﻮﺭﻗﺔ
ﻣﻜﺘﻮﺏ ﻋﻠﻴﻬﺎ ﺍﻵﺗﻲ ‏( ﺩﺍﺭﻙ ﺷﻮﻛﻠﺖ .. ﺷﻮﻓﺎﻥ ﻛﻮﻳﻜﺮ .. ﺣﻠﻴﺐ ﺟﻮﺯ ﻫﻨﺪ .. ﻟﻮﺯ ﻣﻘﺸﺮ
.. ﺯﺑﺪﺓ ﻟﻮﺭﺑﺎﻙ ..‏) .. ﺧﻴﺮ ﺍﻟﻠﻬﻢ ﺃﺟﻌﻠﻪ ﺧﻴﺮ .. ﻧﻈﺮﺕ ﺍﻟﻴﻬﺎ ‏( ﺍﻟﺤﺎﺟﺎﺕ ﺩﻱ ﺷﻨﻮ ؟‏) ..
‏( ﻣﺶ ﻗﻠﺖ ﻟﻲ ﺍﺳﺘﻔﻴﺪﻱ ﻣﻦ ﺍﻟﺤﺠﺮ ﺍﻟﺼﺤﻲ ﻭﺟﺮﺑﻲ ﺃﻋﻤﻠﻲ ﻭﺻﻔﺎﺕ ﻓﻲ
ﺍﻟﻤﻄﺒﺦ ؟ .. ﺧﻼﺹ .. ﻗٌﻠﺖ ﺍﻟﻠﻴﻠﺔ ﺃﻋﻤﻞ ﻟﻴﻜﻢ ﺑﺮﺍﻭﻧﻴﺰ ‏) ..ﺑﻲ ﺍﻳﻪ ؟ ﺍﻟﻠﻪ ﺍﻥ ﻛﺎﻥ ﻫﺬﺍ
ﺳﺤﺮﺍ ﻓﺄﺑﻄﻠﻪ ..!! ﺑﺮﺍﻭ ﺷﻨﻮ ﻳﺎ ﺑﺘﻲ ﻓﻲ ﺯﻣﻦ ﺍﻟﻜﻮﺭﻭﻧﺎ ؟.. ﺍﻟﺠﻴﻞ ﺩﺍ ﻟﻴﻪ ﻻﺯﻡ ﻛﻞ ﻣﺮﺓ
ﻳﺪﻳﻨﺎ ﺍﺣﺴﺎﺱ ﺑﺎﻟﻐﺮﺑﺔ ﻭﺍﻟﺘﺒﺎﻋﺪ ﺍﻟﻔﻜﺮﻱ ؟؟ ..
‏( ﻳﺎ ﻫﻨﺪﻭﻳﺔ ﻳﺎ ﺑﺘﻲ .. ﺃﻧﺎ ﻓﻌﻼً ﻋﺎﻳﺰﺍﻙ ﺗﻌﻤﻠﻲ ﻭﺻﻔﺎﺕ ﻓﻲ ﺍﻟﻤﻄﺒﺦ . ﺃﻧﺎ ﻋﻨﺪﻱ ﺍﻋﺘﻘﺎﺩ
ﺭﺍﺳﺦ ﺍﻥ ﺍﻟﻤﺮﺃﺓ ﻻﺯﻡ ﺗﻜﻮﻥ ﺑﺘﻌﺮﻑ ﺍﻟﻤﻄﺒﺦ ﻛﻮﻳﺲ ﺟﺪﺍ .. ﻭﺍﻧﻬﺎ ﻣﻤﻜﻦ ﺗﻜﻮﻥ ﻧﺎﺟﺤﺔ
ﻓﻲ ﻋﻤﻠﻬﺎ ﻭﺑﺮﺿﻮ ﺑﺘﻌﺮﻑ ﺗﻄﺒﺦ ..ﻋﺸﺎﻥ ﻛﺪﺍ ﻋﺎﻳﺰﺍﻙ ﺗﺘﻌﻠﻤﻲ ﺍﻟﻮﺻﻔﺎﺕ ﺍﻟﻌﺎﺩﻳﺔ
.. ﺍﻟﺘﺒﺎﻳﺦ ﻭﺍﻟﻤﻠﺤﺎﺕ ﺩﻳﻞ ﻳﺎ ﺑﺘﻲ ‏).. ﺗﻨﻬﺪﺕ ﺑﺼﻮﺕ ﻣﺴﻤﻮﻉ ﻭﻗﺎﻟﺖ ‏(ﻳﺎ ﻣﺎﻣﺎ .. ﺍﻟﻤﻄﺒﺦ
ﺍﻟﺴﻮﺩﺍﻧﻲ ﺩﺍ ﻛﻠﻮ ﺑﻌﺘﻤﺪ ﻋﻠﻰ ﺣﺎﺟﺘﻴﻦ ..ﺍﻣﺎ ﺍﻟﺪﻣﻌﺔ ﺑﺘﺎﻋﺔ ﺍﻟﺒﺼﻞ ﻭﺍﻟﻄﻤﺎﻃﻢ .. ﺍﻭ
ﺍﻟﺸﻮﺭﺑﺔ ﻭﻻ ﺍﻟﺴﻠﻴﻘﺔ ﺩﻱ .. ﺑﻌﺪ ﺩﺍﻙ ﻳﺎ ﻣﺎ ﺗﻀﻴﻔﻲ ﻟﻴﻬﺎ ﺍﻟﺨﻀﺎﺭ ﺑﻄﺎﻃﺲ ﻭﻻ ﺑﺎﻣﻴﺔ ﻭﻻ
ﻣﻠﻮﺧﻴﺔ .. ﻭﻻ ﺗﻔﺮﻛﻲ ﻓﻴﻬﺎ ﻭﻳﻜﺔ ﻭﻻ ﺳﻠﺞ .. ﻓﻲ ﺍﻱ ﺣﺎﺟﺔ ﺗﺎﻧﻴﺔ ؟ ‏) .. ﻣﺎ ﺑﻐﻴﻈﻨﻲ
ﻛﻤﺎﻥ ﺍﻻ ﺍﻟﻤﻨﻄﻖ ﺑﺘﺎﻋﻬﻢ ﻳﻘﺪﺭﻭﺍ ﻳﻔﺤﻤﻮﺍ ﺍﻱ ﺯﻭﻝ .. ﻣﺎ ﻓﻲ ﺷﺊ ﻛﻤﺎﻥ؟؟ .. ﻧﻌﻢ ﻓﻲ
ﺃﺷﻴﺎﺀ ﻛﻤﺎﻥ .. ﻫﻨﺎﻙ ﻣﺎ ﻳﺴﻤﻰ ﺑﺎﻟﺨﺒﺮﺓ .. ﺣﺎﺟﺎﺕ ﻛﺪﺍ ﻣﺎ ﺗﻘﺪﺭﻱ ﻋﻠﻴﻬﺎ ﺍﻻ ﺑﺘﻜﺮﺍﺭ
ﺍﻟﺘﺠﺮﺑﺔ ﻣﺮﺓ ﺑﻌﺪ ﺃﺧﺮﻯ ..
ﺃﺧﺬﺗﻨﻲ ﺍﻟﻌﺰﺓ ﻭﻗﻠﺖ ﻟﻬﺎ ‏( ﻻ .. ﻓﻲ ﺍﻃﺒﺎﻕ ﺧﺎﺻﺔ .. ﻣﻤﻴﺰﺓ ﻻ ﺗﻨﺪﺭﺝ ﺗﺤﺖ ﺍﻟﻤﺴﻤﻴﺎﺕ
ﺃﻋﻼﻩ ‏) .. ﻗﺎﻟﺖ ﺑﺘﻬﻜﻢ ‏(ﺑﺲ ﻣﺎ ﺗﻘﻮﻟﻲ ﻟﻲ ﺍﻟﺘﺮﻛﻴﻦ ‏) .. ﻻ ﻛﺪﺍ ﺃﻭﻭﻓﺮ .. ﻛﺘﻴﺮ ﻳﺎ ﺍﺑﻨﺘﻲ
ﻫﺬﺍ ..ﻛﻠﻮ ﻭﻻ ﺍﻟﺘﺮﻛﻴﻦ ﻗﺪﺱ ﺍﻟﻠﻪ ﺳﺮﻩ ‏( ﻫﻮﻱ ﻳﺎ ﺑﺖ ﺑﻄﻨﻲ ..ﺍﻧﺖ ﻗﺎﻳﻠﺔ ﺍﻟﺘﺮﻛﻴﻦ ﻫﻴﻦ
ﻭﻻ ﻟﻴﻦ .. ﺩﺍ ﺑﺎﻟﺬﺍﺕ ﺍﻟﺒﺘﻌﺮﻑ ﻟﻴﻬﻮ ﺗﺪﻳﻬﺎ ﻭﺳﺎﻡ ﺍﻟﺠﺪﺍﺭﺓ ﻭﻧﺠﻤﺔ ﻣﻴﺸﻼﻥ ﻓﻲ ﺍﻟﻤﻄﺒﺦ
.. ﻭﺍﻧﺎ ﺷﺨﺼﻴﺎ ﻣﻦ ﺍﺟﻠﻪ ﺍﺿﺮﺏ ﺍﻛﺒﺎﺩ ﺍﻟﺴﻴﺎﺭﺍﺕ ﻟﻲ ﻓﺎﺩﻳﺔ ﻓﻲ ﺍﻟﻄﺎﺋﻒ ﻭﻻ ﻧﻮﺍﻝ ﺑﺖ
ﺧﺎﻟﺘﻲ ﻓﻲ ﺍﻟﻜﻼﻛﻠﺔ .. ﺍﻟﺘﺮﻛﻴﻦ ﻣﺮﺣﻠﺔ ﻣﺘﻘﺪﻣﺔ ﻳﺎ ﻧﻮﺭ ﻋﻴﻨﻲ .. ﺃﻧﺎ ﺃﻗﺼﺪ ﺍﻥ ﺍﻟﻮﺍﺣﺪﺓ
ﺗﺒﻘﻰ ﺧﺒﻴﺮﺓ ﻓﻲ ﺍﻷﻃﻌﻤﺔ ﺍﻟﺴﻮﺩﺍﻧﻴﺔ ﺍﻟﻌﺎﺩﻳﺔ .. ﻃﺒﻖ ﺍﻟﻴﻮﻡ ﻳﻌﻨﻲ .. ﺑﻌﺪ ﺩﺍﻙ ﺗﻤﺸﻲ ﻟﻲ
ﻧﺎﺱ ﺍﻟﺒﺮﺍﻭﻧﻴﺰ ..ﻭﺍﻟﺤﺎﺟﺎﺕ ﺍﻟﺒﺠﻴﺒﻮﻫﺎ ﻣﻦ ﺍﻟﺼﻴﺪﻟﻴﺎﺕ ﺩﻱ .. ﻷﻧﻬﺎ ﺗﻌﺘﺒﺮ ﺍﺿﺎﻓﺎﺕ ﻻ
ﺑﺄﺱ ﺑﻬﺎ .. ﻟﻜﻦ ﻣﺎ ﻣﻤﻜﻦ ﺗﺴﺘﻐﻨﻰ ﻋﻦ ﺻﺤﻦ ﺍﻟﻤﻼﺡ ﻭﻻ ﺍﻟﻄﺒﻴﺦ‏) .
.ﺫﻛﺮﺕ ﻟﻬﺎ ﺃﻥ ﺍﻟﺤﺎﺟﺔ ﺭﺣﻤﻬﺎ ﺍﻟﻠﻪ ﻛﺎﻧﺖ ﺗﻌﻄﻴﻨﺎ ﺃﻧﺎ ﻭﻧﺎﺩﻳﺔ ﺍﺟﺎﺯﺓ ﻳﻮﻣﻴﻦ ﺑﻌﺪ
ﻭﺻﻮﻟﻨﺎ ﻣﻦ ﺍﻟﺠﺎﻣﻌﺔ .. ﻭﺑﻌﺪ ﺫﻟﻚ ﻳﺘﻢ ﺗﻘﺴﻴﻢ ﺍﻟﻤﻄﺒﺦ ﻛﻞ ﻳﻮﻡ ﻋﻠﻰ ﻭﺍﺣﺪﺓ .. ﻻ ﻓﺮﻕ
ﺑﻴﻦ ﺑﺮﻟﻮﻡ ﻭﺳﻨﻴﺮ ..ﻭﺃﻫﻢ ﺷﺊ ﻓﻲ ﺍﻟﺘﺪﺭﻳﺐ .. ﻻ ﻳﺴﻤﺢ ﻟﻠﻤﺘﺪﺭﺑﺔ ﺑﺎﺧﺘﻴﺎﺭ ﺍﻟﻮﺟﺒﺔ
.. ﻟﻜﻦ ﻛﺎﻥ ﺍﻻﻣﺮ ﻳﻌﺘﻤﺪ ﻋﻠﻰ ﺍﻟﺤﻆ ..ﻳﺠﺐ ﻋﻠﻴﻚ ﻃﺒﺦ ﻣﺎ ﺃﺣﻀﺮﻩ ﺍﻟﻮﺍﻟﺪ ﻓﻲ ﺫﻟﻚ
ﺍﻟﻴﻮﻡ ..ﻭﺍﻧﺖ ﻭﺣﻈﻚ.. ﻣﻠﻮﺧﻴﺔ . ﺭﺟﻠﺔ .ﺑﺎﻣﻴﺔ ..... ﻭﻛﻨﺎ ﻧﺤﺘﺞ ﺑﺄﻧﻨﺎ ﻧﺮﻳﺪ ﺗﻄﺒﻴﻖ ﻣﺎ
ﻧﺴﻤﻊ ﺑﻪ ﻣﻦ ﺃﻛﻼﺕ ﺍﻟﻤﺠﺘﻤﻊ ﺍﻟﻤﺨﻤﻠﻲ .. ﻟﻜﻦ ﺗﻠﻚ ﺍﻻﺣﺘﺠﺎﺟﺎﺕ ﻻ ﺗﺘﺠﺎﻭﺯ ﺍﻻﻣﻨﻴﺎﺕ
..ﻓﺎﻟﺤﺎﺟﺔ ﻛﺎﻥ ﻣﻨﻄﻘﻬﺎ ﺍﻧﻬﺎ ﻣﺴﺆﻭﻟﺔ ﻋﻦ ﺗﺪﺭﻳﺒﻨﺎ ﻋﻠﻰ ﺍﻷﺳﺎﺳﻴﺎﺕ ﻓﻲ ﺍﻟﻤﻄﺒﺦ
.. ﻭﺗﻌﻠﻴﻤﻨﺎ ﻣﺴﺆﻭﻟﻴﺔ ﺍﻋﺪﺍﺩ ﻃﻌﺎﻡ ﻳﻮﻣﻲ ..‏( ﺗﻌﻤﻠﻲ ﻃﺒﻴﺦ ﻭﺭﺯ ﻭﻻ ﻣﻜﺮﻭﻧﺔ ﻭﺳﻠﻄﺔ
.. ﺩﺍ ﺍﻟﻤﻬﻢ ﺑﻌﺪ ﺩﺍﻙ ﺍﻟﻠﻲ ﻋﺎﻳﺰﺓ ﺗﺰﻳﺪ ﻋﻠﻰ ﻛﻴﻔﻬﺎ ‏) .. ﻟﻜﻨﻬﺎ ﻟﻢ ﺗﻜﻦ ﺗﺒﺨﻞ ﺑﺎﻟﻤﺴﺎﻋﺪﺓ
ﻓﻲ ﺍﻟﺮﻓﺎﻫﻴﺎﺕ ﺗﻠﻚ ﺍﻥ ﻭﺟﺪﻧﺎ ﺍﻟﻰ ﺫﻟﻚ ﺳﺒﻴﻼ.
ﺃﺧﺬ ﻣﻨﻲ ﺍﻻﻣﺮ ﺯﻣﻨﺎً ﻃﻮﻳﻼً ﻻﻋﺮﻑ ﺍﻟﺤﻜﻤﺔ ﻣﻦ ﺫﻟﻚ ‏( ﺍﻟﺸﺨﺘﻚ ﺑﺨﺘﻚ ‏) ﻓﻲ ﺗﺪﺭﻳﺐ
ﺍﻟﻤﻄﺒﺦ .. ﻓﺎﻟﺬﻱ ﺗﻌﻠﻤﺘﻪ ﻣﻨﻬﺎ ﻟﻢ ﻳﻜﻦ ﻓﻘﻂ ﻛﻴﻒ ﺍﻃﺒﺦ .. ﻭﺍﻧﻤﺎ ﺗﺤﻤﻞ ﺍﻟﻤﺴﺆﻭﻟﻴﺔ
ﻛﺎﻣﻠﺔ ﻭﺍﻻﺳﺘﻌﺪﺍﺩ ﻟﻄﺒﺦ ﺍﻱ ﺷﺊ ﻳﻜﻮﻥ ﻓﻲ ﻣﻘﺪﻭﺭ ﺯﻭﺟﻲ ﺍﺣﻀﺎﺭﻩ ..ﻭﻳﻌﻨﻲ ﺑﺒﺴﺎﻃﺔ
ﺍﻥ ﺗﻤﺪﻱ ﺭﺟﻠﻚ ﻋﻠﻰ ﻗﺪﺭ ﻟﺤﺎﻓﻚ ﻭﺣﺴﺐ ﺍﻣﻜﺎﻧﻴﺔ ﺯﻭﺟﻚ ﻭﻻﺗﻄﺎﻟﺒﻴﻪ ﺑﻤﺎ ﻻ ﻳﺴﺘﻄﻴﻊ
ﺷﺮﺍﺀﻩ ....ﺍﺫ ﻻ ﺍﺣﺪ ﻳﻌﻠﻢ ﻣﺎ ﺗﺄﺗﻲ ﺑﻪ ﺍﻷﻳﺎﻡ ..ﻛﻠﻨﺎ ﻧﺘﻤﻨﻰ ﺍﻻﻓﻀﻞ ﻟﻼﻭﻻﺩ ﻭﺍﻟﺒﻨﺎﺕ
.. ﻟﻜﻦ ﺍﻻﻗﺪﺍﺭ ﻳﻤﻜﻨﻬﺎ ﺍﻥ ﺗﺤﻤﻞ ﻟﻬﻢ ﻏﻴﺮ ﻣﺎ ﺗﺸﺘﻬﻲ ﺍﻟﺴﻔﻦ ...... ﻟﺬﻟﻚ ﺍﺭﻓﻌﻲ ﺷﻌﺎﺭ
‏( ﻛﻦ ﻣﺴﺘﻌﺪﺍ ﺩﺍﺋﻤﺎً‏) ﻭﻧﻬﻮﺍﻩ ﻓﻲ ﻛﻞ ﺍﻟﻈﺮﻭﻑ .. ﺃﺧﻴﺮﺍً ﻭﺑﻤﺎ ﺍﻥ ﻫﻨﺎﻙ ﻣﻮﺟﺔ ﻣﻦ
ﺍﻻﻋﺘﺮﺍﻓﺎﺕ ﺗﻌﻢ ﺍﻟﻌﺎﻟﻢ ﻫﺬﻩ ﺍﻻﻳﺎﻡ .. ﺃﻭﺩ ﻣﺼﺎﺭﺣﺘﻜﻢ ﺍﻧﻨﻲ ﻻ ﺯﻟﺖ ﻋﻨﺪﻱ ﺍﻓﻜﺎﺭﻱ
ﺍﻟﺘﻲ ﻳﻌﺪﻫﺎ ﺍﻟﺒﻌﺾ ﺗﺨﻠﻔﺎً .. ﺍﻥ ﻓﺎﻳﻞ ﺍﻟﻤﻄﺒﺦ ﺗﺒﻌﻨﺎ ﻧﺤﻦ ﺣﻤﻠﺔ ﺍﻻﻛﺲ ﻛﺮﻭﻣﻮﺳﻮﻡ
.. ﺑﻴﻨﻤﺎ ﻳﺘﺤﻤﻞ ﺍﻟﺮﺟﻞ ﺑﻘﻴﺔ ﺍﻟﻤﻠﻔﺎﺕ ﻛﺎﻣﻠﺔ .. ﻟﻴﺲ ﻫﻨﺎﻙ ﺷﻌﻮﺭ ﺍﺟﻤﻞ ﻣﻦ ﺗﻠﻚ
ﺍﻟﺴﻌﺎﺩﺓ ﺍﻟﺘﻲ ﺗﺤﺴﻴﻦ ﺑﻬﺎ ﻋﻨﺪ ﺍﻛﺘﻤﺎﻝ ﻃﺒﺨﺘﻚ ﺍﻟﻴﻮﻣﻴﺔ ..ﻭﻻ ﺷﻌﻮﺭ ﺍﺣﻠﻰ ﻣﻦ ﺗﻠﻚ
ﺍﻻﺑﺘﺴﺎﻣﺔ ﺍﻟﺘﻲ ﺗﺮﺗﺴﻢ ﻋﻠﻰ ﻭﺟﻪ ﺯﻭﺟﻚ ﻭﺃﻭﻻﺩﻙ ﺑﻌﺪ ﺃﻛﻠﺔ ﻣﻌﻤﻮﻟﺔ ﺑﺤﺐ ﻣﻦ ﺍﻳﺪﻳﻚ
ﺍﻟﺤﻠﻮﻳﻦ .... ﻭﻭﻭ ..ﺍﺗﺎﻧﻲ ﺻﻮﺕ ﻫﻨﺪ ﻟﻴﺨﺮﺟﻨﻲ ﻣﻦ ﺃﻓﻜﺎﺭﻱ ..‏( ﻃﻴﺐ ﺧﻼﺹ ﺧﻠﻴﻨﺎ
ﺍﻟﺒﺮﺍﻭﻧﻴﺰ ..ﻣﻤﻜﻦ ﺃﻋﻤﻞ ﻟﻴﻜﻢ ﺗﺮﺍﻣﻴﺴﻮ ﺑﺎﻟﻘﻬﻮﺓ ..‏) ... ﺗﺮﺍﻣﻴﺴﻮ؟؟ .. ﺍﻟﻠﻪ ﻳﺠﺎﺯﻱ ﺍﻷﻛﻞ
ﺍﻟﺨﻔﺎﺵ ﻭﺍﺗﺴﺒﺐ ﻟﻴﻨﺎ ﻓﻲ ﺍﻟﻜﻮﺭﻭﻧﺎ .. ﺍﻟﻠﻬﻢ ﻋﺠﻞ ﺑﻔﻚ ﺃﺳﺮﻧﺎ ﻓﻘﺪ ﻭﺻﻞ ﺍﻻﻣﺮ ﺣﺪ
ﺍﻟﺒﺮﺍﻭﻧﻴﺰ ﻭﺍﻟﺘﺮﺍﻣﻴﺴﻮ ..
ﺍﻟﺠﺮﻳﺪﺓ